{"id":"mn96","title":"With Esukārī","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn96","title":"With Esukārī","units":[{"id":"mn96:0","sourceIds":["mn96:0.1","mn96:0.2"],"kind":"text","text":{"pi":"Majjhima Nikāya 96\nEsukārīsutta","en":"Middle Discourses 96\nWith Esukārī"}},{"id":"mn96:1","sourceIds":["mn96:1.1","mn96:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery."}},{"id":"mn96:2","sourceIds":["mn96:2.1","mn96:2.2"],"kind":"text","text":{"pi":"Atha kho esukārī brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho esukārī brāhmaṇo bhagavantaṁ etadavoca:","en":"Then Esukārī the brahmin went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:"}},{"id":"mn96:3","sourceIds":["mn96:3.1","mn96:3.2","mn96:3.3","mn96:3.4","mn96:3.5","mn96:3.6","mn96:3.7","mn96:3.8","mn96:3.9","mn96:3.10","mn96:3.11","mn96:3.12","mn96:3.13","mn96:3.14","mn96:3.15","mn96:3.16","mn96:3.17"],"kind":"text","text":{"pi":"“brāhmaṇā, bho gotama, catasso pāricariyā paññapenti—\nbrāhmaṇassa pāricariyaṁ paññapenti, khattiyassa pāricariyaṁ paññapenti, vessassa pāricariyaṁ paññapenti, suddassa pāricariyaṁ paññapenti.\nTatridaṁ, bho gotama, brāhmaṇā brāhmaṇassa pāricariyaṁ paññapenti:\n‘brāhmaṇo vā brāhmaṇaṁ paricareyya, khattiyo vā brāhmaṇaṁ paricareyya, vesso vā brāhmaṇaṁ paricareyya, suddo vā brāhmaṇaṁ paricareyyā’ti.\nIdaṁ kho, bho gotama, brāhmaṇā brāhmaṇassa pāricariyaṁ paññapenti.\nTatridaṁ, bho gotama, brāhmaṇā khattiyassa pāricariyaṁ paññapenti:\n‘khattiyo vā khattiyaṁ paricareyya, vesso vā khattiyaṁ paricareyya, suddo vā khattiyaṁ paricareyyā’ti.\nIdaṁ kho, bho gotama, brāhmaṇā khattiyassa pāricariyaṁ paññapenti.\nTatridaṁ, bho gotama, brāhmaṇā vessassa pāricariyaṁ paññapenti:\n‘vesso vā vessaṁ paricareyya, suddo vā vessaṁ paricareyyā’ti.\nIdaṁ kho, bho gotama, brāhmaṇā vessassa pāricariyaṁ paññapenti.\nTatridaṁ, bho gotama, brāhmaṇā suddassa pāricariyaṁ paññapenti:\n‘suddova suddaṁ paricareyya.\nKo panañño suddaṁ paricarissatī’ti?\nIdaṁ kho, bho gotama, brāhmaṇā suddassa pāricariyaṁ paññapenti.\nBrāhmaṇā, bho gotama, imā catasso pāricariyā paññapenti.\nIdha bhavaṁ gotamo kimāhā”ti?","en":"“Worthy Gotama, the brahmins prescribe four kinds of service:\nfor a brahmin, an aristocrat, a peasant, and a menial.\nThis is the service they prescribe for a brahmin:\n‘A brahmin, an aristocrat, a peasant, and a menial may all serve a brahmin.’\nThis is the service they prescribe for an aristocrat:\n‘An aristocrat, a peasant, and a menial may all serve an aristocrat.’\nThis is the service they prescribe for a peasant:\n‘A peasant or a menial may serve a peasant.’\nThis is the service they prescribe for a menial:\n‘Only a menial may serve a menial.\nFor who else will serve a menial?’\nThese are the four kinds of service that the brahmins prescribe.\nWhat do you say about this?”"}},{"id":"mn96:4","sourceIds":["mn96:4.1","mn96:4.2","mn96:4.3","mn96:4.4"],"kind":"text","text":{"pi":"“Kiṁ pana, brāhmaṇa, sabbo loko brāhmaṇānaṁ etadabbhanujānāti: ‘imā catasso pāricariyā paññapentū’”ti?\n“No hidaṁ, bho gotama”.\n“Seyyathāpi, brāhmaṇa, puriso daliddo assako anāḷhiyo. Tassa akāmassa bilaṁ olaggeyyuṁ: ‘idaṁ te, ambho purisa, maṁsaṁ khāditabbaṁ, mūlañca anuppadātabban’ti.\nEvameva kho, brāhmaṇa, brāhmaṇā appaṭiññāya tesaṁ samaṇabrāhmaṇānaṁ, atha ca panimā catasso pāricariyā paññapenti.","en":"“But brahmin, did the whole world authorize the brahmins to prescribe these four kinds of service?”\n“No, worthy Gotama.”\n“It’s as if they were to force a chop on a poor, penniless person, telling them, ‘Eat this meat and pay for it!’\nIn the same way, the brahmins have prescribed these four kinds of service without the consent of those ascetics and brahmins."}},{"id":"mn96:5","sourceIds":["mn96:5.1","mn96:5.2","mn96:5.3"],"kind":"text","text":{"pi":"Nāhaṁ, brāhmaṇa, ‘sabbaṁ paricaritabban’ti vadāmi; nāhaṁ, brāhmaṇa, ‘sabbaṁ na paricaritabban’ti vadāmi.\nYaṁ hissa, brāhmaṇa, paricarato pāricariyāhetu pāpiyo assa na seyyo, nāhaṁ taṁ ‘paricaritabban’ti vadāmi;\nyañca khvāssa, brāhmaṇa, paricarato pāricariyāhetu seyyo assa na pāpiyo tamahaṁ ‘paricaritabban’ti vadāmi.","en":"Brahmin, I don’t say that you should serve everyone, nor do I say that you shouldn’t serve anyone.\nI say that you shouldn’t serve someone if serving them makes you worse, not better.\nAnd I say that you should serve someone if serving them makes you better, not worse."}},{"id":"mn96:6","sourceIds":["mn96:6.1","mn96:6.2","mn96:6.3","mn96:6.4"],"kind":"text","text":{"pi":"Khattiyañcepi, brāhmaṇa, evaṁ puccheyyuṁ:\n‘yaṁ vā te paricarato pāricariyāhetu pāpiyo assa na seyyo, yaṁ vā te paricarato pāricariyāhetu seyyo assa na pāpiyo;\nkamettha paricareyyāsī’ti, khattiyopi hi, brāhmaṇa, sammā byākaramāno evaṁ byākareyya:\n‘yañhi me paricarato pāricariyāhetu pāpiyo assa na seyyo, nāhaṁ taṁ paricareyyaṁ; yañca kho me paricarato pāricariyāhetu seyyo assa na pāpiyo tamahaṁ paricareyyan’ti.","en":"If they were to ask an aristocrat this,\n‘Who should you serve? Someone in whose service you get worse, or someone in whose service you get better?’\nAnswering rightly, an aristocrat would say,\n‘Someone in whose service I get better.’"}},{"id":"mn96:7","sourceIds":["mn96:7.1","mn96:7.2","mn96:7.3","mn96:7.4","mn96:7.5","mn96:7.6","mn96:7.7","mn96:7.8","mn96:7.9"],"kind":"text","text":{"pi":"Brāhmaṇañcepi, brāhmaṇa …pe…\nvessañcepi, brāhmaṇa …pe…\nsuddañcepi, brāhmaṇa, evaṁ puccheyyuṁ:\n‘yaṁ vā te paricarato pāricariyāhetu pāpiyo assa na seyyo, yaṁ vā te paricarato pāricariyāhetu seyyo assa na pāpiyo;\nkamettha paricareyyāsī’ti, suddopi hi, brāhmaṇa, sammā byākaramāno evaṁ byākareyya:\n‘yañhi me paricarato pāricariyāhetu pāpiyo assa na seyyo, nāhaṁ taṁ paricareyyaṁ; yañca kho me paricarato pāricariyāhetu seyyo assa na pāpiyo tamahaṁ paricareyyan’ti.\nNāhaṁ, brāhmaṇa, ‘uccākulīnatā seyyaṁso’ti vadāmi, na panāhaṁ, brāhmaṇa, ‘uccākulīnatā pāpiyaṁso’ti vadāmi;\nnāhaṁ, brāhmaṇa, ‘uḷāravaṇṇatā seyyaṁso’ti vadāmi, na panāhaṁ, brāhmaṇa, ‘uḷāravaṇṇatā pāpiyaṁso’ti vadāmi;\nnāhaṁ, brāhmaṇa, ‘uḷārabhogatā seyyaṁso’ti vadāmi, na panāhaṁ, brāhmaṇa, ‘uḷārabhogatā pāpiyaṁso’ti vadāmi.","en":"If they were to ask a brahmin …\na peasant …\nor a menial this,\n‘Who should you serve? Someone in whose service you get worse, or someone in whose service you get better?’\nAnswering rightly, a menial would say,\n‘Someone in whose service I get better.’\nBrahmin, I don’t say that an eminent family makes you a better or worse person.\nI don’t say that exceptional beauty makes you a better or worse person.\nI don’t say that exceptional wealth makes you a better or worse person."}},{"id":"mn96:8","sourceIds":["mn96:8.1","mn96:8.2","mn96:8.3","mn96:8.4","mn96:8.5","mn96:8.6","mn96:8.7","mn96:8.8","mn96:8.9","mn96:8.10","mn96:8.11","mn96:8.12"],"kind":"text","text":{"pi":"Uccākulīnopi hi, brāhmaṇa, idhekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇāvāco hoti, pharusāvāco hoti, samphappalāpī hoti, abhijjhālu hoti, byāpannacitto hoti, micchādiṭṭhi hoti.\nTasmā ‘na uccākulīnatā seyyaṁso’ti vadāmi.\nUccākulīnopi hi, brāhmaṇa, idhekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti.\nTasmā ‘na uccākulīnatā pāpiyaṁso’ti vadāmi.\nUḷāravaṇṇopi hi, brāhmaṇa …\npe…\nuḷārabhogopi hi, brāhmaṇa, idhekacco pāṇātipātī hoti …\npe…\nmicchādiṭṭhi hoti.\nTasmā ‘na uḷārabhogatā seyyaṁso’ti vadāmi.\nUḷārabhogopi hi, brāhmaṇa, idhekacco pāṇātipātā paṭivirato hoti …pe… sammādiṭṭhi hoti.\nTasmā ‘na uḷārabhogatā pāpiyaṁso’ti vadāmi.","en":"For some people from eminent families kill living creatures, steal, and commit sexual misconduct. They use speech that’s false, backbiting, harsh, or nonsensical. And they’re covetous, malicious, with wrong view.\nThat’s why I don’t say that an eminent family makes you a better person.\nBut some people from eminent families also refrain from killing living creatures, stealing, and sexual misconduct. They refrain from using speech that’s false, divisive, harsh, or nonsensical. And they’re content, kind-hearted, with right view.\nThat’s why I don’t say that an eminent family makes you a worse person.\nAnd some people who are exceptionally beautiful …\nAnd some people who are exceptionally wealthy kill living creatures … and have wrong view.\nThat’s why I don’t say that exceptional wealth makes you a better person.\nBut some people who are exceptionally wealthy also refrain from killing living creatures … and have right view.\nThat’s why I don’t say that any of these things makes you a better or worse person."}},{"id":"mn96:9","sourceIds":["mn96:9.1","mn96:9.2","mn96:9.3"],"kind":"text","text":{"pi":"Nāhaṁ, brāhmaṇa, ‘sabbaṁ paricaritabban’ti vadāmi, na panāhaṁ, brāhmaṇa, ‘sabbaṁ na paricaritabban’ti vadāmi.\nYaṁ hissa, brāhmaṇa, paricarato pāricariyāhetu saddhā vaḍḍhati, sīlaṁ vaḍḍhati, sutaṁ vaḍḍhati, cāgo vaḍḍhati, paññā vaḍḍhati, tamahaṁ ‘paricaritabban’ti vadāmi.\nYaṁ hissa, brāhmaṇa, paricarato pāricariyāhetu na saddhā vaḍḍhati, na sīlaṁ vaḍḍhati, na sutaṁ vaḍḍhati, na cāgo vaḍḍhati, na paññā vaḍḍhati, nāhaṁ taṁ ‘paricaritabban’ti vadāmī”ti.","en":"Brahmin, I don’t say that you should serve everyone, nor do I say that you shouldn’t serve anyone.\nAnd I say that you should serve someone if serving them makes you grow in faith, ethics, learning, generosity, and wisdom.\nI say that you shouldn’t serve someone if serving them doesn’t make you grow in faith, ethics, learning, generosity, and wisdom.”"}},{"id":"mn96:10","sourceIds":["mn96:10.1","mn96:10.2","mn96:10.3","mn96:10.4","mn96:10.5","mn96:10.6","mn96:10.7","mn96:10.8","mn96:10.9","mn96:10.10","mn96:10.11","mn96:10.12","mn96:10.13","mn96:10.14","mn96:10.15","mn96:10.16","mn96:10.17"],"kind":"text","text":{"pi":"Evaṁ vutte, esukārī brāhmaṇo bhagavantaṁ etadavoca:\n“brāhmaṇā, bho gotama, cattāri dhanāni paññapenti—\nbrāhmaṇassa sandhanaṁ paññapenti, khattiyassa sandhanaṁ paññapenti, vessassa sandhanaṁ paññapenti, suddassa sandhanaṁ paññapenti.\nTatridaṁ, bho gotama, brāhmaṇā brāhmaṇassa sandhanaṁ paññapenti bhikkhācariyaṁ;\nbhikkhācariyañca pana brāhmaṇo sandhanaṁ atimaññamāno akiccakārī hoti gopova adinnaṁ ādiyamānoti.\nIdaṁ kho, bho gotama, brāhmaṇā brāhmaṇassa sandhanaṁ paññapenti.\nTatridaṁ, bho gotama, brāhmaṇā khattiyassa sandhanaṁ paññapenti dhanukalāpaṁ;\ndhanukalāpañca pana khattiyo sandhanaṁ atimaññamāno akiccakārī hoti gopova adinnaṁ ādiyamānoti.\nIdaṁ kho, bho gotama, brāhmaṇā khattiyassa sandhanaṁ paññapenti.\nTatridaṁ, bho gotama, brāhmaṇā vessassa sandhanaṁ paññapenti kasigorakkhaṁ;\nkasigorakkhañca pana vesso sandhanaṁ atimaññamāno akiccakārī hoti gopova adinnaṁ ādiyamānoti.\nIdaṁ kho, bho gotama, brāhmaṇā vessassa sandhanaṁ paññapenti.\nTatridaṁ, bho gotama, brāhmaṇā suddassa sandhanaṁ paññapenti asitabyābhaṅgiṁ;\nasitabyābhaṅgiñca pana suddo sandhanaṁ atimaññamāno akiccakārī hoti gopova adinnaṁ ādiyamānoti.\nIdaṁ kho, bho gotama, brāhmaṇā suddassa sandhanaṁ paññapenti.\nBrāhmaṇā, bho gotama, imāni cattāri dhanāni paññapenti.\nIdha bhavaṁ gotamo kimāhā”ti?","en":"When he had spoken, Esukārī said to him:\n“Worthy Gotama, the brahmins prescribe four kinds of wealth:\nfor a brahmin, an aristocrat, a peasant, and a menial.\nThe wealth they prescribe for a brahmin is living on alms.\nA brahmin who scorns his own wealth, living on alms, fails in his duty like a guard who steals.\nThe wealth they prescribe for an aristocrat is the bow and quiver.\nAn aristocrat who scorns his own wealth, the bow and quiver, fails in his duty like a guard who steals.\nThe wealth they prescribe for a peasant is farming and animal husbandry.\nA peasant who scorns his own wealth, farming and animal husbandry, fails in his duty like a guard who steals.\nThe wealth they prescribe for a menial is the scythe and flail.\nA menial who scorns his own wealth, the scythe and flail, fails in his duty like a guard who steals.\nThese are the four kinds of wealth that the brahmins prescribe.\nWhat do you say about this?”"}},{"id":"mn96:11","sourceIds":["mn96:11.1","mn96:11.2","mn96:11.3","mn96:11.4"],"kind":"text","text":{"pi":"“Kiṁ pana, brāhmaṇa, sabbo loko brāhmaṇānaṁ etadabbhanujānāti: ‘imāni cattāri dhanāni paññapentū’”ti?\n“No hidaṁ, bho gotama”.\n“Seyyathāpi, brāhmaṇa, puriso daliddo assako anāḷhiyo. Tassa akāmassa bilaṁ olaggeyyuṁ: ‘idaṁ te, ambho purisa, maṁsaṁ khāditabbaṁ, mūlañca anuppadātabban’ti.\nEvameva kho, brāhmaṇa, brāhmaṇā appaṭiññāya tesaṁ samaṇabrāhmaṇānaṁ, atha ca panimāni cattāri dhanāni paññapenti.","en":"“But brahmin, did the whole world authorize the brahmins to prescribe these four kinds of wealth?”\n“No, worthy Gotama.”\n“It’s as if they were to force a chop on a poor, penniless person, telling them, ‘Eat this meat and pay for it!’\nIn the same way, the brahmins have prescribed these four kinds of wealth without the consent of these ascetics and brahmins."}},{"id":"mn96:12","sourceIds":["mn96:12.1","mn96:12.2","mn96:12.3","mn96:12.4","mn96:12.5","mn96:12.6","mn96:12.7","mn96:12.8","mn96:12.9","mn96:12.10","mn96:12.11","mn96:12.12","mn96:12.13","mn96:12.14","mn96:12.15","mn96:12.16","mn96:12.17"],"kind":"text","text":{"pi":"Ariyaṁ kho ahaṁ, brāhmaṇa, lokuttaraṁ dhammaṁ purisassa sandhanaṁ paññapemi.\nPorāṇaṁ kho panassa mātāpettikaṁ kulavaṁsaṁ anussarato yattha yattheva attabhāvassa abhinibbatti hoti tena teneva saṅkhyaṁ gacchati.\nKhattiyakule ce attabhāvassa abhinibbatti hoti ‘khattiyo’tveva saṅkhyaṁ gacchati;\nbrāhmaṇakule ce attabhāvassa abhinibbatti hoti ‘brāhmaṇo’tveva saṅkhyaṁ gacchati;\nvessakule ce attabhāvassa abhinibbatti hoti ‘vesso’tveva saṅkhyaṁ gacchati;\nsuddakule ce attabhāvassa abhinibbatti hoti ‘suddo’tveva saṅkhyaṁ gacchati.\nSeyyathāpi, brāhmaṇa, yaṁyadeva paccayaṁ paṭicca aggi jalati tena teneva saṅkhyaṁ gacchati.\nKaṭṭhañce paṭicca aggi jalati ‘kaṭṭhaggi’tveva saṅkhyaṁ gacchati;\nsakalikañce paṭicca aggi jalati ‘sakalikaggi’tveva saṅkhyaṁ gacchati;\ntiṇañce paṭicca aggi jalati ‘tiṇaggi’tveva saṅkhyaṁ gacchati;\ngomayañce paṭicca aggi jalati ‘gomayaggi’tveva saṅkhyaṁ gacchati.\nEvameva kho ahaṁ, brāhmaṇa, ariyaṁ lokuttaraṁ dhammaṁ purisassa sandhanaṁ paññapemi.\nPorāṇaṁ kho panassa mātāpettikaṁ kulavaṁsaṁ anussarato yattha yattheva attabhāvassa abhinibbatti hoti tena teneva saṅkhyaṁ gacchati.\nKhattiyakule ce attabhāvassa abhinibbatti hoti ‘khattiyo’tveva saṅkhyaṁ gacchati;\nbrāhmaṇakule ce attabhāvassa abhinibbatti hoti ‘brāhmaṇo’tveva saṅkhyaṁ gacchati;\nvessakule ce attabhāvassa abhinibbatti hoti ‘vesso’tveva saṅkhyaṁ gacchati;\nsuddakule ce attabhāvassa abhinibbatti hoti ‘suddo’tveva saṅkhyaṁ gacchati.","en":"I assert that a person’s own wealth is the noble, transcendent teaching.\nBut they are reckoned by recollecting the traditional family customs of their mother and father wherever they are incarnated.\nIf they incarnate in a family of aristocrats they are reckoned as an aristocrat.\nIf they incarnate in a family of brahmins they are reckoned as a brahmin.\nIf they incarnate in a family of peasants they are reckoned as a peasant.\nIf they incarnate in a family of menials they are reckoned as a menial.\nIt’s like fire, which is reckoned according to the very same condition dependent upon which it burns.\nA fire that burns dependent on logs is reckoned as a log fire.\nA fire that burns dependent on twigs is reckoned as a twig fire.\nA fire that burns dependent on grass is reckoned as a grass fire.\nA fire that burns dependent on cow-dung is reckoned as a cow-dung fire.\nIn the same way, I assert that a person’s own wealth is the noble, transcendent teaching.\nBut they are reckoned by recollecting the traditional family customs of their mother and father wherever they are incarnated."}},{"id":"mn96:13","sourceIds":["mn96:13.1","mn96:13.2","mn96:13.3","mn96:13.4"],"kind":"text","text":{"pi":"Khattiyakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti, ārādhako hoti ñāyaṁ dhammaṁ kusalaṁ.\nBrāhmaṇakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.\nVessakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.\nSuddakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.","en":"Suppose someone from a family of aristocrats goes forth from the lay life to homelessness. Relying on the teaching and training proclaimed by the Realized One they refrain from killing living creatures, stealing, and sex. They refrain from using speech that’s false, divisive, harsh, or nonsensical. And they’re content, kind-hearted, with right view. They succeed in the system of the skillful teaching.\nSuppose someone from a family of brahmins …\npeasants …\nmenials goes forth from the lay life to homelessness. Relying on the teaching and training proclaimed by the Realized One … they succeed in the system of the skillful teaching."}},{"id":"mn96:14","sourceIds":["mn96:14.1","mn96:14.2","mn96:14.3","mn96:14.4","mn96:14.5","mn96:14.6","mn96:14.7","mn96:14.8","mn96:14.9","mn96:14.10","mn96:14.11","mn96:14.12"],"kind":"text","text":{"pi":"Taṁ kiṁ maññasi, brāhmaṇa,\nbrāhmaṇova nu kho pahoti asmiṁ padese averaṁ abyābajjhaṁ mettacittaṁ bhāvetuṁ, no khattiyo no vesso no suddo”ti?\n“No hidaṁ, bho gotama.\nKhattiyopi hi, bho gotama, pahoti asmiṁ padese averaṁ abyābajjhaṁ mettacittaṁ bhāvetuṁ;\nbrāhmaṇopi hi, bho gotama …\nvessopi hi, bho gotama …\nsuddopi hi, bho gotama …\nsabbepi hi, bho gotama, cattāro vaṇṇā pahonti asmiṁ padese averaṁ abyābajjhaṁ mettacittaṁ bhāvetun”ti.\n“Evameva kho, brāhmaṇa, khattiyakulā cepi agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.\nBrāhmaṇakulā cepi, brāhmaṇa …\nvessakulā cepi, brāhmaṇa …\nsuddakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.","en":"What do you think, brahmin?\nIs only a brahmin capable of developing a heart of love free of enmity and ill will for this region, and not an aristocrat, peasant, or menial?”\n“No, worthy Gotama.\nAristocrats, brahmins, peasants, and menials can all do so.\nFor all four classes are capable of developing a heart of love free of enmity and ill will for this region.”\n“In the same way, suppose someone from a family of aristocrats,\nbrahmins,\npeasants,\nor menials goes forth from the lay life to homelessness. Relying on the teaching and training proclaimed by the Realized One … they succeed in the system of the skillful teaching."}},{"id":"mn96:15","sourceIds":["mn96:15.1","mn96:15.2","mn96:15.3","mn96:15.4","mn96:15.5","mn96:15.6","mn96:15.7","mn96:15.8","mn96:15.9","mn96:15.10","mn96:15.11","mn96:15.12"],"kind":"text","text":{"pi":"Taṁ kiṁ maññasi, brāhmaṇa,\nbrāhmaṇova nu kho pahoti sottisināniṁ ādāya nadiṁ gantvā rajojallaṁ pavāhetuṁ, no khattiyo no vesso no suddo”ti?\n“No hidaṁ, bho gotama.\nKhattiyopi hi, bho gotama, pahoti sottisināniṁ ādāya nadiṁ gantvā rajojallaṁ pavāhetuṁ;\nbrāhmaṇopi hi, bho gotama …\nvessopi hi, bho gotama …\nsuddopi hi, bho gotama …\nsabbepi hi, bho gotama, cattāro vaṇṇā pahonti sottisināniṁ ādāya nadiṁ gantvā rajojallaṁ pavāhetun”ti.\n“Evameva kho, brāhmaṇa, khattiyakulā cepi agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.\nBrāhmaṇakulā cepi, brāhmaṇa …\nvessakulā cepi, brāhmaṇa …\nsuddakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.","en":"What do you think, brahmin?\nIs only a brahmin capable of taking some bathing cleanser, going to the river, and rinsing off dust and dirt, and not an aristocrat, peasant, or menial?”\n“No, worthy Gotama.\nAll four classes are capable of doing this.”\n“In the same way, suppose someone from a family of aristocrats,\nbrahmins,\npeasants,\nor menials goes forth from the lay life to homelessness. Relying on the teaching and training proclaimed by the Realized One … they succeed in the system of the skillful teaching."}},{"id":"mn96:16","sourceIds":["mn96:16.1","mn96:16.2","mn96:16.3","mn96:16.4","mn96:16.5","mn96:16.6","mn96:16.7","mn96:16.8","mn96:16.9","mn96:16.10","mn96:16.11","mn96:16.12","mn96:16.13","mn96:16.14","mn96:16.15"],"kind":"text","text":{"pi":"Taṁ kiṁ maññasi, brāhmaṇa,\nidha rājā khattiyo muddhāvasitto nānājaccānaṁ purisānaṁ purisasataṁ sannipāteyya:\n‘āyantu bhonto ye tattha khattiyakulā brāhmaṇakulā rājaññakulā uppannā sākassa vā sālassa vā salaḷassa vā candanassa vā padumakassa vā uttarāraṇiṁ ādāya aggiṁ abhinibbattentu, tejo pātukarontu;\nāyantu pana bhonto ye tattha caṇḍālakulā nesādakulā venakulā rathakārakulā pukkusakulā uppannā sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṁ ādāya aggiṁ abhinibbattentu, tejo pātukarontū’”ti?\n“Taṁ kiṁ maññasi, brāhmaṇa,\nyo evaṁ nu kho so khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṁ ādāya aggi abhinibbatto tejo pātukato so eva nu khvāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṁ kātuṁ;\nyo pana so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṁ ādāya aggi abhinibbatto tejo pātukato svāssa aggi na ceva accimā na ca vaṇṇavā na ca pabhassaro na ca tena sakkā agginā aggikaraṇīyaṁ kātun”ti?\n“No hidaṁ, bho gotama.\nYopi hi so, bho gotama, khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṁ ādāya aggi abhinibbatto tejo pātukato svāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṁ kātuṁ;\nyopi so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṁ ādāya aggi abhinibbatto tejo pātukato svāssa aggi accimā ceva vaṇṇavā ca pabhassaro ca tena ca sakkā agginā aggikaraṇīyaṁ kātuṁ.\nSabbopi hi, bho gotama, aggi accimā ceva vaṇṇavā ca pabhassaro ca sabbenapi sakkā agginā aggikaraṇīyaṁ kātun”ti.\n“Evameva kho, brāhmaṇa, khattiyakulā cepi agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti …pe… sammādiṭṭhi hoti, ārādhako hoti ñāyaṁ dhammaṁ kusalaṁ.\nBrāhmaṇakulā cepi, brāhmaṇa …\nvessakulā cepi, brāhmaṇa …\nsuddakulā cepi, brāhmaṇa, agārasmā anagāriyaṁ pabbajito hoti, so ca tathāgatappaveditaṁ dhammavinayaṁ āgamma pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti, ārādhako hoti ñāyaṁ dhammaṁ kusalan”ti.","en":"What do you think, brahmin?\nSuppose an anointed aristocratic king were to gather a hundred people born in different classes and say to them:\n‘Please gentlemen, let anyone here who was born in a family of aristocrats, brahmins, or chieftains take a drill-stick made of teak, sal, salaḷa, sandalwood, or cherry wood, light a fire and produce heat.\nAnd let anyone here who was born in a family of corpse-workers, hunters, bamboo-workers, chariot-makers, or scavengers take a drill-stick made from a mutt’s drinking trough, a pig’s trough, a dustbin, or castor-oil wood, light a fire and produce heat.’\nWhat do you think, brahmin?\nWould only the fire produced by the high class people with good quality wood have flames, color, and radiance, and be usable as fire,\nand not the fire produced by the low class people with poor quality wood?”\n“No, worthy Gotama.\nThe fire produced by the high class people with good quality wood would have flames, color, and radiance, and be usable as fire,\nand so would the fire produced by the low class people with poor quality wood.\nFor all fire has flames, color, and radiance, and is usable as fire.”\n“In the same way, suppose someone from a family of aristocrats,\nbrahmins,\npeasants,\nor menials goes forth from the lay life to homelessness. Relying on the teaching and training proclaimed by the Realized One they refrain from killing living creatures, stealing, and sex. They refrain from using speech that’s false, divisive, harsh, or nonsensical. And they’re content, kind-hearted, with right view. They succeed in the system of the skillful teaching.”"}},{"id":"mn96:17","sourceIds":["mn96:17.1","mn96:17.2","mn96:17.3","mn96:17.4"],"kind":"text","text":{"pi":"Evaṁ vutte, esukārī brāhmaṇo bhagavantaṁ etadavoca:\n“abhikkantaṁ, bho gotama, abhikkantaṁ, bho gotama …pe…\nupāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nEsukārīsuttaṁ niṭṭhitaṁ chaṭṭhaṁ.","en":"When he had spoken, Esukārī said to him,\n“Excellent, worthy Gotama! Excellent! …\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn96/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}