{"id":"mn97","title":"With Dhanañjāni","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mn97","title":"With Dhanañjāni","units":[{"id":"mn97:0","sourceIds":["mn97:0.1","mn97:0.2"],"kind":"text","text":{"pi":"Majjhima Nikāya 97\nDhanañjānisutta","en":"Middle Discourses 97\nWith Dhanañjāni"}},{"id":"mn97:1","sourceIds":["mn97:1.1","mn97:1.2"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground."}},{"id":"mn97:2","sourceIds":["mn97:2.1","mn97:2.2","mn97:2.3","mn97:2.4","mn97:2.5","mn97:2.6","mn97:2.7","mn97:2.8","mn97:2.9","mn97:2.10","mn97:2.11","mn97:2.12","mn97:2.13","mn97:2.14","mn97:2.15","mn97:2.16","mn97:2.17","mn97:2.18"],"kind":"text","text":{"pi":"Tena kho pana samayena āyasmā sāriputto dakkhiṇāgirismiṁ cārikaṁ carati mahatā bhikkhusaṅghena saddhiṁ.\nAtha kho aññataro bhikkhu rājagahe vassaṁvuṭṭho yena dakkhiṇāgiri yenāyasmā sāriputto tenupasaṅkami; upasaṅkamitvā āyasmatā sāriputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho taṁ bhikkhuṁ āyasmā sāriputto etadavoca:\n“kaccāvuso, bhagavā arogo ca balavā cā”ti?\n“Arogo cāvuso, bhagavā balavā cā”ti.\n“Kacci panāvuso, bhikkhusaṅgho arogo ca balavā cā”ti?\n“Bhikkhusaṅghopi kho, āvuso, arogo ca balavā cā”ti.\n“Ettha, āvuso, taṇḍulapālidvārāya dhanañjāni nāma brāhmaṇo atthi.\nKaccāvuso, dhanañjāni brāhmaṇo arogo ca balavā cā”ti?\n“Dhanañjānipi kho, āvuso, brāhmaṇo arogo ca balavā cā”ti.\n“Kacci panāvuso, dhanañjāni brāhmaṇo appamatto”ti?\n“Kuto panāvuso, dhanañjānissa brāhmaṇassa appamādo?\nDhanañjāni, āvuso, brāhmaṇo rājānaṁ nissāya brāhmaṇagahapatike vilumpati, brāhmaṇagahapatike nissāya rājānaṁ vilumpati.\nYāpissa bhariyā saddhā saddhakulā ānītā sāpi kālaṅkatā;\naññāssa bhariyā assaddhā assaddhakulā ānītā”ti.\n“Dussutaṁ vatāvuso, assumha, dussutaṁ vatāvuso, assumha;\nye mayaṁ dhanañjāniṁ brāhmaṇaṁ pamattaṁ assumha.\nAppeva ca nāma mayaṁ kadāci karahaci dhanañjāninā brāhmaṇena saddhiṁ samāgaccheyyāma, appeva nāma siyā kocideva kathāsallāpo”ti?","en":"Now at that time Venerable Sāriputta was wandering in the Southern Hills together with a large Saṅgha of mendicants.\nThen a certain mendicant who had completed the rainy season residence in Rājagaha went to the Southern Hills, where he approached Venerable Sāriputta, and exchanged greetings with him.\nWhen the greetings and polite conversation were over, he sat down to one side. Sāriputta said to him,\n“Reverend, I hope the Buddha is healthy and strong?”\n“He is, reverend.”\n“And I hope that the mendicant Saṅgha is healthy and strong.”\n“It is.”\n“Reverend, at the rice checkpoint at the city gate there is a brahmin named Dhanañjāni.\nI hope that he is healthy and strong?”\n“He too is well.”\n“But is he diligent?”\n“How could he possibly be diligent?\nDhanañjāni robs the brahmins and householders in the name of the king, and he robs the king in the name of the brahmins and householders.\nHis wife, a lady of faith who he married from a family of faith, has passed away.\nAnd he has taken a new wife who has no faith.”\n“Oh, it’s bad news\nto hear that Dhanañjāni is negligent.\nHopefully, some time or other I’ll get to meet him, and we can have a discussion.”"}},{"id":"mn97:3","sourceIds":["mn97:3.1","mn97:3.2","mn97:3.3"],"kind":"text","text":{"pi":"Atha kho āyasmā sāriputto dakkhiṇāgirismiṁ yathābhirantaṁ viharitvā yena rājagahaṁ tena cārikaṁ pakkāmi.\nAnupubbena cārikaṁ caramāno yena rājagahaṁ tadavasari.\nTatra sudaṁ āyasmā sāriputto rājagahe viharati veḷuvane kalandakanivāpe.","en":"When Sāriputta had stayed in the Southern Hills as long as he pleased, he set out for Rājagaha.\nTraveling stage by stage, he arrived at Rājagaha,\nwhere he stayed in the Bamboo Grove, the squirrels’ feeding ground."}},{"id":"mn97:4","sourceIds":["mn97:4.1","mn97:4.2","mn97:4.3","mn97:4.4","mn97:4.5","mn97:4.6","mn97:4.7","mn97:4.8","mn97:4.9","mn97:4.10","mn97:4.11"],"kind":"text","text":{"pi":"Atha kho āyasmā sāriputto pubbaṇhasamayaṁ nivāsetvā pattacīvaramādāya rājagahaṁ piṇḍāya pāvisi.\nTena kho pana samayena dhanañjāni brāhmaṇo bahinagare gāvo goṭṭhe duhāpeti.\nAtha kho āyasmā sāriputto rājagahe piṇḍāya caritvā pacchābhattaṁ piṇḍapātapaṭikkanto yena dhanañjāni brāhmaṇo tenupasaṅkami.\nAddasā kho dhanañjāni brāhmaṇo āyasmantaṁ sāriputtaṁ dūratova āgacchantaṁ.\nDisvāna yenāyasmā sāriputto tenupasaṅkami; upasaṅkamitvā āyasmantaṁ sāriputtaṁ etadavoca:\n“ito, bho sāriputta, payo, pīyataṁ tāva bhattassa kālo bhavissatī”ti.\n“Alaṁ, brāhmaṇa.\nKataṁ me ajja bhattakiccaṁ.\nAmukasmiṁ me rukkhamūle divāvihāro bhavissati.\nTattha āgaccheyyāsī”ti.\n“Evaṁ, bho”ti kho dhanañjāni brāhmaṇo āyasmato sāriputtassa paccassosi.","en":"Then he robed up in the morning and, taking his bowl and robe, entered Rājagaha for alms.\nNow at that time Dhanañjāni was having his cows milked in a cow-shed outside the city.\nThen Sāriputta wandered for alms in Rājagaha. After the meal, on his return from almsround, he approached Dhanañjāni.\nSeeing Sāriputta coming off in the distance,\nDhanañjāni went to him and said,\n“Here, worthy Sāriputta, drink some fresh milk before the meal time.”\n“Enough, brahmin,\nI’ve finished eating for today.\nI shall be at the root of that tree there for the day’s meditation.\nCome see me there.”\n“Yes, worthy sir,” replied Dhanañjāni."}},{"id":"mn97:5","sourceIds":["mn97:5.1","mn97:5.2","mn97:5.3","mn97:5.4"],"kind":"text","text":{"pi":"Atha kho dhanañjāni brāhmaṇo pacchābhattaṁ bhuttapātarāso yenāyasmā sāriputto tenupasaṅkami; upasaṅkamitvā āyasmatā sāriputtena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho dhanañjāniṁ brāhmaṇaṁ āyasmā sāriputto etadavoca:\n“kaccāsi, dhanañjāni, appamatto”ti?\n“Kuto, bho sāriputta, amhākaṁ appamādo yesaṁ no mātāpitaro posetabbā, puttadāro posetabbo, dāsakammakarā posetabbā, mittāmaccānaṁ mittāmaccakaraṇīyaṁ kātabbaṁ, ñātisālohitānaṁ ñātisālohitakaraṇīyaṁ kātabbaṁ, atithīnaṁ atithikaraṇīyaṁ kātabbaṁ, pubbapetānaṁ pubbapetakaraṇīyaṁ kātabbaṁ, devatānaṁ devatākaraṇīyaṁ kātabbaṁ, rañño rājakaraṇīyaṁ kātabbaṁ, ayampi kāyo pīṇetabbo brūhetabbo”ti?","en":"When Dhanañjāni had finished breakfast he went to Sāriputta and exchanged greetings with him.\nWhen the greetings and polite conversation were over, he sat down to one side. Sāriputta said to him,\n“I hope you’re diligent, Dhanañjāni?”\n“How can I possibly be diligent, worthy Sāriputta? I have to provide for my mother and father, my wives and children, and my bondservants and workers. And I have to make the proper offerings to friends and colleagues, relatives and kin, guests, ancestors, deities, and king. And then this body must also be fattened and built up.”"}},{"id":"mn97:6","sourceIds":["mn97:6.1","mn97:6.2","mn97:6.3","mn97:6.4","mn97:6.5"],"kind":"text","text":{"pi":"“Taṁ kiṁ maññasi, dhanañjāni,\nidhekacco mātāpitūnaṁ hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho mātāpitūnaṁ hetu adhammacārī visamacārī ahosiṁ, mā maṁ nirayaṁ nirayapālā’ti, mātāpitaro vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"“What do you think, Dhanañjāni?\nSuppose someone was to behave in an unprincipled and immoral way for the sake of their parents. Because of this the wardens of hell would drag them to hell.\nCould they get out of being dragged to hell by pleading that they had acted for the sake of their parents? Or could their parents save them by pleading that the acts had been done for their sake?”\n“No, worthy Sāriputta.\nRather, even as they were wailing the wardens of hell would cast them down into hell.”"}},{"id":"mn97:7","sourceIds":["mn97:7.1","mn97:7.2","mn97:7.3","mn97:7.4","mn97:7.5"],"kind":"text","text":{"pi":"“Taṁ kiṁ maññasi, dhanañjāni,\nidhekacco puttadārassa hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho puttadārassa hetu adhammacārī visamacārī ahosiṁ, mā maṁ nirayaṁ nirayapālā’ti, puttadāro vā panassa labheyya ‘eso kho amhākaṁ hetu adhammacārī visamacārī ahosi mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"“What do you think, Dhanañjāni?\nSuppose someone was to behave in an unprincipled and immoral way for the sake of their wives and children …"}},{"id":"mn97:8","sourceIds":["mn97:8.1","mn97:8.2","mn97:8.3","mn97:8.4"],"kind":"text","text":{"pi":"“Taṁ kiṁ maññasi, dhanañjāni, idhekacco dāsakammakaraporisassa hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho dāsakammakaraporisassa hetu adhammacārī visamacārī ahosiṁ, mā maṁ nirayaṁ nirayapālā’ti, dāsakammakaraporisā vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"bondservants and workers …"}},{"id":"mn97:9","sourceIds":["mn97:9.1","mn97:9.2","mn97:9.3","mn97:9.4"],"kind":"text","text":{"pi":"“Taṁ kiṁ maññasi, dhanañjāni, idhekacco mittāmaccānaṁ hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho mittāmaccānaṁ hetu adhammacārī visamacārī ahosiṁ, mā maṁ nirayaṁ nirayapālā’ti, mittāmaccā vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"friends and colleagues …"}},{"id":"mn97:10","sourceIds":["mn97:10.1","mn97:10.2","mn97:10.3","mn97:10.4"],"kind":"text","text":{"pi":"“Taṁ kiṁ maññasi, dhanañjāni, idhekacco ñātisālohitānaṁ hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho ñātisālohitānaṁ hetu adhammacārī visamacārī ahosiṁ, mā maṁ nirayaṁ nirayapālā’ti, ñātisālohitā vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"relatives and kin …"}},{"id":"mn97:11","sourceIds":["mn97:11.1","mn97:11.2","mn97:11.3","mn97:11.4"],"kind":"text","text":{"pi":"“Taṁ kiṁ maññasi, dhanañjāni, idhekacco atithīnaṁ hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho atithīnaṁ hetu adhammacārī visamacārī ahosiṁ, mā maṁ nirayaṁ nirayapālā’ti, atithī vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"guests …"}},{"id":"mn97:12","sourceIds":["mn97:12.1","mn97:12.2","mn97:12.3","mn97:12.4"],"kind":"text","text":{"pi":"“Taṁ kiṁ maññasi, dhanañjāni, idhekacco pubbapetānaṁ hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho pubbapetānaṁ hetu adhammacārī visamacārī ahosiṁ, mā maṁ nirayaṁ nirayapālā’ti, pubbapetā vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"ancestors …"}},{"id":"mn97:13","sourceIds":["mn97:13.1","mn97:13.2","mn97:13.3","mn97:13.4"],"kind":"text","text":{"pi":"“Taṁ kiṁ maññasi, dhanañjāni, idhekacco devatānaṁ hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho devatānaṁ hetu adhammacārī visamacārī ahosiṁ, mā maṁ nirayaṁ nirayapālā’ti, devatā vā panassa labheyyuṁ ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"deities …"}},{"id":"mn97:14","sourceIds":["mn97:14.1","mn97:14.2","mn97:14.3","mn97:14.4"],"kind":"text","text":{"pi":"“Taṁ kiṁ maññasi, dhanañjāni, idhekacco rañño hetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho rañño hetu adhammacārī visamacārī ahosiṁ, mā maṁ nirayaṁ nirayapālā’ti, rājā vā panassa labheyya ‘eso kho amhākaṁ hetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"king …"}},{"id":"mn97:15","sourceIds":["mn97:15.1","mn97:15.2","mn97:15.3","mn97:15.4"],"kind":"text","text":{"pi":"“Taṁ kiṁ maññasi, dhanañjāni, idhekacco kāyassa pīṇanāhetu brūhanāhetu adhammacārī visamacārī assa, tamenaṁ adhammacariyāvisamacariyāhetu nirayaṁ nirayapālā upakaḍḍheyyuṁ.\nLabheyya nu kho so ‘ahaṁ kho kāyassa pīṇanāhetu brūhanāhetu adhammacārī visamacārī ahosiṁ, mā maṁ nirayaṁ nirayapālā’ti, pare vā panassa labheyyuṁ ‘eso kho kāyassa pīṇanāhetu brūhanāhetu adhammacārī visamacārī ahosi, mā naṁ nirayaṁ nirayapālā’”ti?\n“No hidaṁ, bho sāriputta.\nAtha kho naṁ vikkandantaṁyeva niraye nirayapālā pakkhipeyyuṁ”.","en":"fattening and building up their body. Because of this the wardens of hell would drag them to hell.\nCould they get out of being dragged to hell by pleading that they had acted for the sake of fattening and building up their body? Or could anyone else save them by pleading that the acts had been done for that reason?”\n“No, worthy Sāriputta.\nRather, even as they were wailing the wardens of hell would cast them down into hell.”"}},{"id":"mn97:16","sourceIds":["mn97:16.1","mn97:16.2","mn97:16.3","mn97:16.4","mn97:16.5","mn97:16.6"],"kind":"text","text":{"pi":"“Taṁ kiṁ maññasi, dhanañjāni, yo vā mātāpitūnaṁ hetu adhammacārī visamacārī assa, yo vā mātāpitūnaṁ hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, mātāpitūnaṁ hetu adhammacārī visamacārī assa, na taṁ seyyo;\nyo ca kho, bho sāriputta, mātāpitūnaṁ hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā mātāpitaro ceva posetuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"“Who do you think is better, Dhanañjāni? Someone who, for the sake of their parents, behaves in an unprincipled and immoral manner, or someone who behaves in a principled and moral manner?”\n“Someone who behaves in a principled and moral manner for the sake of their parents.\nFor principled and moral conduct is better than unprincipled and immoral conduct.”\n“Dhanañjāni, others have livelihoods that are both profitable and legitimate. By means of these it’s possible to provide for your parents, avoid bad deeds, and practice the path of goodness."}},{"id":"mn97:17","sourceIds":["mn97:17.1","mn97:17.2","mn97:17.3","mn97:17.4","mn97:17.5","mn97:17.6"],"kind":"text","text":{"pi":"Taṁ kiṁ maññasi, dhanañjāni, yo vā puttadārassa hetu adhammacārī visamacārī assa, yo vā puttadārassa hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, puttadārassa hetu adhammacārī visamacārī assa, na taṁ seyyo;\nyo ca kho, bho sāriputta, puttadārassa hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā yehi sakkā puttadārañceva posetuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"Who do you think is better, Dhanañjāni? Someone who, for the sake of their wives and children …"}},{"id":"mn97:18","sourceIds":["mn97:18.1","mn97:18.2","mn97:18.3","mn97:18.4","mn97:18.5","mn97:18.6"],"kind":"text","text":{"pi":"Taṁ kiṁ maññasi, dhanañjāni, yo vā dāsakammakaraporisassa hetu adhammacārī visamacārī assa, yo vā dāsakammakaraporisassa hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, dāsakammakaraporisassa hetu adhammacārī visamacārī assa, na taṁ seyyo;\nyo ca kho, bho sāriputta, dāsakammakaraporisassa hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā dāsakammakaraporise ceva posetuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"bondservants and workers …"}},{"id":"mn97:19","sourceIds":["mn97:19.1","mn97:19.2","mn97:19.3","mn97:19.4","mn97:19.5","mn97:19.6"],"kind":"text","text":{"pi":"Taṁ kiṁ maññasi, dhanañjāni, yo vā mittāmaccānaṁ hetu adhammacārī visamacārī assa, yo vā mittāmaccānaṁ hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, mittāmaccānaṁ hetu adhammacārī visamacārī assa, na taṁ seyyo;\nyo ca kho, bho sāriputta, mittāmaccānaṁ hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā mittāmaccānañceva mittāmaccakaraṇīyaṁ kātuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"friends and colleagues …"}},{"id":"mn97:20","sourceIds":["mn97:20.1","mn97:20.2","mn97:20.3","mn97:20.4","mn97:20.5","mn97:20.6"],"kind":"text","text":{"pi":"Taṁ kiṁ maññasi, dhanañjāni, yo vā ñātisālohitānaṁ hetu adhammacārī visamacārī assa, yo vā ñātisālohitānaṁ hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, ñātisālohitānaṁ hetu adhammacārī visamacārī assa, na taṁ seyyo;\nyo ca kho, bho sāriputta, ñātisālohitānaṁ hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā ñātisālohitānañceva ñātisālohitakaraṇīyaṁ kātuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"relatives and kin …"}},{"id":"mn97:21","sourceIds":["mn97:21.1","mn97:21.2","mn97:21.3","mn97:21.4","mn97:21.5","mn97:21.6"],"kind":"text","text":{"pi":"Taṁ kiṁ maññasi, dhanañjāni, yo vā atithīnaṁ hetu adhammacārī visamacārī assa, yo vā atithīnaṁ hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, atithīnaṁ hetu adhammacārī visamacārī assa, na taṁ seyyo;\nyo ca kho, bho sāriputta, atithīnaṁ hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā atithīnañceva atithikaraṇīyaṁ kātuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"guests …"}},{"id":"mn97:22","sourceIds":["mn97:22.1","mn97:22.2","mn97:22.3","mn97:22.4","mn97:22.5","mn97:22.6"],"kind":"text","text":{"pi":"Taṁ kiṁ maññasi, dhanañjāni, yo vā pubbapetānaṁ hetu adhammacārī visamacārī assa, yo vā pubbapetānaṁ hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, pubbapetānaṁ hetu adhammacārī visamacārī assa, na taṁ seyyo;\nyo ca kho, bho sāriputta, pubbapetānaṁ hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā pubbapetānañceva pubbapetakaraṇīyaṁ kātuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"ancestors …"}},{"id":"mn97:23","sourceIds":["mn97:23.1","mn97:23.2","mn97:23.3","mn97:23.4","mn97:23.5","mn97:23.6"],"kind":"text","text":{"pi":"Taṁ kiṁ maññasi, dhanañjāni, yo vā devatānaṁ hetu adhammacārī visamacārī assa, yo vā devatānaṁ hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, devatānaṁ hetu adhammacārī visamacārī assa, na taṁ seyyo;\nyo ca kho, bho sāriputta, devatānaṁ hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā devatānañceva devatākaraṇīyaṁ kātuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"deities …"}},{"id":"mn97:24","sourceIds":["mn97:24.1","mn97:24.2","mn97:24.3","mn97:24.4","mn97:24.5","mn97:24.6"],"kind":"text","text":{"pi":"Taṁ kiṁ maññasi, dhanañjāni, yo vā rañño hetu adhammacārī visamacārī assa, yo vā rañño hetu dhammacārī samacārī assa;\nkatamaṁ seyyo”ti?\n“Yo hi, bho sāriputta, rañño hetu adhammacārī visamacārī assa, na taṁ seyyo;\nyo ca kho, bho sāriputta, rañño hetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā rañño ceva rājakaraṇīyaṁ kātuṁ, na ca pāpakammaṁ kātuṁ, puññañca paṭipadaṁ paṭipajjituṁ.","en":"king …"}},{"id":"mn97:25","sourceIds":["mn97:25.1","mn97:25.2","mn97:25.3","mn97:25.4","mn97:25.5","mn97:25.6"],"kind":"text","text":{"pi":"Taṁ kiṁ maññasi, dhanañjāni, yo vā kāyassa pīṇanāhetu brūhanāhetu adhammacārī visamacārī assa, yo vā kāyassa pīṇanāhetu brūhanāhetu dhammacārī samacārī assa;\nkatamaṁ seyyo”ti?\n“Yo hi, bho sāriputta, kāyassa pīṇanāhetu brūhanāhetu adhammacārī visamacārī assa, na taṁ seyyo;\nyo ca kho, bho sāriputta, kāyassa pīṇanāhetu brūhanāhetu dhammacārī samacārī assa, tadevettha seyyo.\nAdhammacariyāvisamacariyāhi, bho sāriputta, dhammacariyāsamacariyā seyyo”ti.\n“Atthi kho, dhanañjāni, aññesaṁ hetukā dhammikā kammantā, yehi sakkā kāyañceva pīṇetuṁ brūhetuṁ, na ca pāpakammaṁ kātuṁ, puññañca paṭipadaṁ paṭipajjitun”ti.","en":"fattening and building up their body, behaves in an unprincipled and immoral manner, or someone who behaves in a principled and moral manner?”\n“Someone who behaves in a principled and moral manner.\nFor principled and moral conduct is better than unprincipled and immoral conduct.”\n“Dhanañjāni, others have livelihoods that are both profitable and legitimate. By means of these it’s possible to fatten and build up your body, avoid bad deeds, and practice the path of goodness.”"}},{"id":"mn97:26","sourceIds":["mn97:26.1"],"kind":"text","text":{"pi":"Atha kho dhanañjāni brāhmaṇo āyasmato sāriputtassa bhāsitaṁ abhinanditvā anumoditvā uṭṭhāyāsanā pakkāmi.","en":"Then Dhanañjāni the brahmin, having approved and agreed with what Venerable Sāriputta said, rose from his seat and left."}},{"id":"mn97:27","sourceIds":["mn97:27.1","mn97:27.2","mn97:27.3","mn97:27.4","mn97:27.5","mn97:27.6","mn97:27.7","mn97:27.8","mn97:27.9","mn97:27.10","mn97:27.11","mn97:27.12","mn97:27.13","mn97:27.14","mn97:27.15","mn97:27.16","mn97:27.17","mn97:27.18"],"kind":"text","text":{"pi":"Atha kho dhanañjāni brāhmaṇo aparena samayena ābādhiko ahosi dukkhito bāḷhagilāno.\nAtha kho dhanañjāni brāhmaṇo aññataraṁ purisaṁ āmantesi:\n“ehi tvaṁ, ambho purisa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi:\n‘dhanañjāni, bhante, brāhmaṇo ābādhiko dukkhito bāḷhagilāno.\nSo bhagavato pāde sirasā vandatī’ti.\nYena cāyasmā sāriputto tenupasaṅkama; upasaṅkamitvā mama vacanena āyasmato sāriputtassa pāde sirasā vandāhi:\n‘dhanañjāni, bhante, brāhmaṇo ābādhiko dukkhito bāḷhagilāno.\nSo āyasmato sāriputtassa pāde sirasā vandatī’ti.\nEvañca vadehi:\n‘sādhu kira, bhante, āyasmā sāriputto yena dhanañjānissa brāhmaṇassa nivesanaṁ tenupasaṅkamatu anukampaṁ upādāyā’”ti.\n“Evaṁ, bhante”ti kho so puriso dhanañjānissa brāhmaṇassa paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho so puriso bhagavantaṁ etadavoca:\n“dhanañjāni, bhante, brāhmaṇo ābādhiko dukkhito bāḷhagilāno.\nSo bhagavato pāde sirasā vandatī”ti.\nYena cāyasmā sāriputto tenupasaṅkami; upasaṅkamitvā āyasmantaṁ sāriputtaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ sāriputtaṁ etadavoca:\n“dhanañjāni, bhante, brāhmaṇo ābādhiko dukkhito bāḷhagilāno.\nSo āyasmato sāriputtassa pāde sirasā vandati, evañca vadeti:\n‘sādhu kira, bhante, āyasmā sāriputto yena dhanañjānissa brāhmaṇassa nivesanaṁ tenupasaṅkamatu anukampaṁ upādāyā’”ti.\nAdhivāsesi kho āyasmā sāriputto tuṇhībhāvena.","en":"Some time later Dhanañjāni became sick, suffering, gravely ill.\nThen he addressed a man,\n“Please, my man, go to the Buddha, and in my name bow with your head to his feet. Say to him:\n‘Sir, the brahmin Dhanañjāni is sick, suffering, gravely ill.\nHe bows with his head to your feet.’\nThen go to Venerable Sāriputta, and in my name bow with your head to his feet. Say to him:\n‘Sir, the brahmin Dhanañjāni is sick, suffering, gravely ill.\nHe bows with his head to your feet.’\nAnd then say:\n‘Sir, please visit Dhanañjāni at his home out of sympathy.’”\n“Yes, sir,” that man replied. He did as Dhanañjāni asked.\nSāriputta consented with silence."}},{"id":"mn97:28","sourceIds":["mn97:28.1","mn97:28.2"],"kind":"text","text":{"pi":"Atha kho āyasmā sāriputto nivāsetvā pattacīvaramādāya yena dhanañjānissa brāhmaṇassa nivesanaṁ tenupasaṅkami; upasaṅkamitvā paññatte āsane nisīdi. Nisajja kho āyasmā sāriputto dhanañjāniṁ brāhmaṇaṁ etadavoca:\n“kacci te, dhanañjāni, khamanīyaṁ, kacci yāpanīyaṁ? Kacci dukkhā vedanā paṭikkamanti, no abhikkamanti? Paṭikkamosānaṁ paññāyati, no abhikkamo”ti?","en":"He robed up, and, taking his bowl and robe, went to Dhanañjāni’s home, where he sat down on the seat spread out and said to Dhanañjāni,\n“I hope you’re keeping well, Dhanañjāni, I hope you’re all right. I hope your pain is fading, not growing; that its fading is evident, not its growing.”"}},{"id":"mn97:29","sourceIds":["mn97:29.1","mn97:29.2","mn97:29.3","mn97:29.4","mn97:29.5","mn97:29.6","mn97:29.7","mn97:29.8","mn97:29.9"],"kind":"text","text":{"pi":"“Na me, bho sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti. Abhikkamosānaṁ paññāyati, no paṭikkamo.\nSeyyathāpi, bho sāriputta, balavā puriso tiṇhena sikharena muddhani abhimattheyya; evameva kho, bho sāriputta, adhimattā vātā muddhani ca ūhananti.\nNa me, bho sāriputta, khamanīyaṁ, na yāpanīyaṁ. Bāḷhā me dukkhā vedanā abhikkamanti, no paṭikkamanti. Abhikkamosānaṁ paññāyati, no paṭikkamo.\nSeyyathāpi, bho sāriputta, balavā puriso daḷhena varattakkhaṇḍena sīse sīsaveṭhaṁ dadeyya; evameva kho, bho sāriputta, adhimattā sīse sīsavedanā.\nNa me, bho sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti. Abhikkamosānaṁ paññāyati, no paṭikkamo.\nSeyyathāpi, bho sāriputta, dakkho goghātako vā goghātakantevāsī vā tiṇhena govikantanena kucchiṁ parikanteyya; evameva kho, bho sāriputta, adhimattā vātā kucchiṁ parikantanti.\nNa me, bho sāriputta, khamanīyaṁ, na yāpanīyaṁ. Bāḷhā me dukkhā vedanā abhikkamanti, no paṭikkamanti. Abhikkamosānaṁ paññāyati, no paṭikkamo.\nSeyyathāpi, bho sāriputta, dve balavanto purisā dubbalataraṁ purisaṁ nānābāhāsu gahetvā aṅgārakāsuyā santāpeyyuṁ samparitāpeyyuṁ; evameva kho, bho sāriputta, adhimatto kāyasmiṁ ḍāho.\nNa me, bho sāriputta, khamanīyaṁ na yāpanīyaṁ. Bāḷhā me dukkhā vedanā abhikkamanti, no paṭikkamanti. Abhikkamosānaṁ paññāyati, no paṭikkamo”ti.","en":"“I’m not keeping well, Mister Sāriputta, I’m not getting by. My pain is terrible and growing, not fading; its growing is evident, not its fading.\nThe winds piercing my head are so severe, it feels like a strong man drilling into my head with a sharp point.\nI’m not keeping well.\nThe pain in my head is so severe, it feels like a strong man tightening a strong leather strap around my head.\nI’m not keeping well.\nThe winds slicing my belly are so severe, like a deft butcher or their apprentice were slicing open a cow’s belly with a sharp meat cleaver.\nI’m not keeping well.\nThe burning in my body is so severe, it feels like two strong men grabbing a weaker man by the arms to burn and scorch him on a pit of glowing coals.\nI’m not keeping well, Mister Sāriputta, I’m not getting by. My pain is terrible and growing, not fading; its growing is evident, not its fading.”"}},{"id":"mn97:30","sourceIds":["mn97:30.1","mn97:30.2","mn97:30.3","mn97:30.4","mn97:30.5","mn97:30.6","mn97:30.7","mn97:30.8","mn97:30.9","mn97:30.10","mn97:30.11","mn97:30.12","mn97:30.13","mn97:30.14","mn97:30.15","mn97:30.16","mn97:30.17","mn97:30.18","mn97:30.19","mn97:30.20","mn97:30.21","mn97:30.22","mn97:30.23","mn97:30.24","mn97:30.25","mn97:30.26","mn97:30.27"],"kind":"text","text":{"pi":"“Taṁ kiṁ maññasi, dhanañjāni, katamaṁ seyyo—\nnirayo vā tiracchānayoni vā”ti?\n“Nirayā, bho sāriputta, tiracchānayoni seyyo”ti.\n“Taṁ kiṁ maññasi, dhanañjāni, katamaṁ seyyo—\ntiracchānayoni vā pettivisayo vā”ti?\n“Tiracchānayoniyā, bho sāriputta, pettivisayo seyyo”ti.\n“Taṁ kiṁ maññasi, dhanañjāni, katamaṁ seyyo—\npettivisayo vā manussā vā”ti?\n“Pettivisayā, bho sāriputta, manussā seyyo”ti.\n“Taṁ kiṁ maññasi, dhanañjāni, katamaṁ seyyo—\nmanussā vā cātumahārājikā vā devā”ti?\n“Manussehi, bho sāriputta, cātumahārājikā devā seyyo”ti.\n“Taṁ kiṁ maññasi, dhanañjāni, katamaṁ seyyo—\ncātumahārājikā vā devā tāvatiṁsā vā devā”ti?\n“Cātumahārājikehi, bho sāriputta, devehi tāvatiṁsā devā seyyo”ti.\n“Taṁ kiṁ maññasi, dhanañjāni, katamaṁ seyyo—\ntāvatiṁsā vā devā yāmā vā devā”ti?\n“Tāvatiṁsehi, bho sāriputta, devehi yāmā devā seyyo”ti.\n“Taṁ kiṁ maññasi, dhanañjāni, katamaṁ seyyo—\nyāmā vā devā tusitā vā devā”ti?\n“Yāmehi, bho sāriputta, devehi tusitā devā seyyo”ti.\n“Taṁ kiṁ maññasi, dhanañjāni, katamaṁ seyyo—\ntusitā vā devā nimmānaratī vā devā”ti?\n“Tusitehi, bho sāriputta, devehi nimmānaratī devā seyyo”ti.\n“Taṁ kiṁ maññasi, dhanañjāni, katamaṁ seyyo—\nnimmānaratī vā devā paranimmitavasavattī vā devā”ti?\n“Nimmānaratīhi, bho sāriputta, devehi paranimmitavasavattī devā seyyo”ti.","en":"“Dhanañjāni, which do you think is better:\nhell or the animal realm?”\n“The animal realm is better.”\n“Which do you think is better:\nthe animal realm or the ghost realm?”\n“The ghost realm is better.”\n“Which do you think is better:\nthe ghost realm or human life?”\n“Human life is better.”\n“Which do you think is better:\nhuman life or as one of the gods of the four great kings?”\n“The gods of the four great kings.”\n“Which do you think is better:\nthe gods of the four great kings or the gods of the thirty-three?”\n“The gods of the thirty-three.”\n“Which do you think is better:\nthe gods of the thirty-three or the gods of Yama?”\n“The gods of Yama.”\n“Which do you think is better:\nthe gods of Yama or the joyful gods?”\n“The joyful gods.”\n“Which do you think is better:\nthe joyful gods or the gods who love to create?”\n“The gods who love to create.”\n“Which do you think is better:\nthe gods who love to create or the gods who control what is created by others?”\n“The gods who control what is created by others.”"}},{"id":"mn97:31","sourceIds":["mn97:31.1","mn97:31.2","mn97:31.3","mn97:31.4","mn97:31.5","mn97:31.6","mn97:31.7","mn97:31.8","mn97:31.9","mn97:31.10","mn97:31.11"],"kind":"text","text":{"pi":"“Taṁ kiṁ maññasi, dhanañjāni, katamaṁ seyyo\nparanimmitavasavattī vā devā brahmaloko vā”ti?\n“‘Brahmaloko’ti—bhavaṁ sāriputto āha;\n‘brahmaloko’ti—bhavaṁ sāriputto āhā”ti.\nAtha kho āyasmato sāriputtassa etadahosi:\n“ime kho brāhmaṇā brahmalokādhimuttā.\nYannūnāhaṁ dhanañjānissa brāhmaṇassa brahmānaṁ sahabyatāya maggaṁ deseyyan”ti.\n“Brahmānaṁ te, dhanañjāni, sahabyatāya maggaṁ desessāmi;\ntaṁ suṇāhi, sādhukaṁ manasi karohi, bhāsissāmī”ti.\n“Evaṁ, bho”ti kho dhanañjāni brāhmaṇo āyasmato sāriputtassa paccassosi.\nĀyasmā sāriputto etadavoca:","en":"“Which do you think is better:\nthe gods who control what is created by others or the realm of divinity?”\n“Worthy Sāriputta speaks of the realm of divinity!\nWorthy Sāriputta speaks of the realm of divinity!”\nThen Sāriputta thought:\n“These brahmins are devoted to the realm of divinity.\nWhy don’t I teach him a path to the company of Divinity?”\n“Dhanañjāni, I shall teach you a path to the company of Divinity.\nListen and apply your mind well, I will speak.”\n“Yes, worthy sir,” replied Dhanañjāni.\nVenerable Sāriputta said this:"}},{"id":"mn97:32","sourceIds":["mn97:32.1","mn97:32.2","mn97:32.3"],"kind":"text","text":{"pi":"“katamo ca, dhanañjāni, brahmānaṁ sahabyatāya maggo?\nIdha, dhanañjāni, bhikkhu mettāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ; iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyābajjhena pharitvā viharati.\nAyaṁ kho, dhanañjāni, brahmānaṁ sahabyatāya maggo.","en":"“And what is a path to company with Divinity?\nFirstly, a mendicant meditates spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will.\nThis is a path to company with Divinity."}},{"id":"mn97:33-35","sourceIds":["mn97:33-35.1","mn97:33-35.2","mn97:33-35.3","mn97:33-35.4"],"kind":"text","text":{"pi":"Puna caparaṁ, dhanañjāni, bhikkhu karuṇāsahagatena cetasā …pe…\nmuditāsahagatena cetasā …\nupekkhāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ; iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyābajjhena pharitvā viharati.\nAyaṁ kho, dhanañjāni, brahmānaṁ sahabyatāya maggo”ti.","en":"Furthermore, a mendicant meditates spreading a heart full of compassion …\nThey meditate spreading a heart full of rejoicing …\nThey meditate spreading a heart full of equanimity to one direction, and to the second, and to the third, and to the fourth. In the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will.\nThis is a path to company with Divinity.”"}},{"id":"mn97:36","sourceIds":["mn97:36.1","mn97:36.2","mn97:36.3","mn97:36.4","mn97:36.5"],"kind":"text","text":{"pi":"“Tena hi, bho sāriputta, mama vacanena bhagavato pāde sirasā vandāhi:\n‘dhanañjāni, bhante, brāhmaṇo ābādhiko dukkhito bāḷhagilāno.\nSo bhagavato pāde sirasā vandatī’”ti.\nAtha kho āyasmā sāriputto dhanañjāniṁ brāhmaṇaṁ sati uttarikaraṇīye hīne brahmaloke patiṭṭhāpetvā uṭṭhāyāsanā pakkāmi.\nAtha kho dhanañjāni brāhmaṇo acirapakkante āyasmante sāriputte kālamakāsi, brahmalokañca upapajji.","en":"“Well then, Mister Sāriputta, in my name bow with your head to the Buddha’s feet. Say to him:\n‘Sir, the brahmin Dhanañjāni is sick, suffering, gravely ill.\nHe bows with his head to your feet.’”\nThen Sāriputta, after establishing Dhanañjāni in the inferior realm of divinity, rose from his seat and left while there was still more left to do.\nNot long after Sāriputta had left, Dhanañjāni passed away and was reborn in the realm of divinity."}},{"id":"mn97:37","sourceIds":["mn97:37.1","mn97:37.2"],"kind":"text","text":{"pi":"Atha kho bhagavā bhikkhū āmantesi:\n“eso, bhikkhave, sāriputto dhanañjāniṁ brāhmaṇaṁ sati uttarikaraṇīye hīne brahmaloke patiṭṭhāpetvā uṭṭhāyāsanā pakkanto”ti.","en":"Then the Buddha said to the mendicants,\n“Mendicants, Sāriputta, after establishing Dhanañjāni in the inferior realm of divinity, rose from his seat and left while there was still more left to do.”"}},{"id":"mn97:38","sourceIds":["mn97:38.1","mn97:38.2","mn97:38.3","mn97:38.4","mn97:38.5","mn97:38.6","mn97:38.7","mn97:38.8"],"kind":"text","text":{"pi":"Atha kho āyasmā sāriputto yena bhagavā tenupasaṅkami, upasaṅkamitvā bhagavantaṁ abhivādetvā ekamantaṁ nisīdi, ekamantaṁ nisinno kho āyasmā sāriputto bhagavantaṁ etadavoca:\n“dhanañjāni, bhante, brāhmaṇo ābādhiko dukkhito bāḷhagilāno,\nso bhagavato pāde sirasā vandatī”ti.\n“Kiṁ pana tvaṁ, sāriputta, dhanañjāniṁ brāhmaṇaṁ sati uttarikaraṇīye hīne brahmaloke patiṭṭhāpetvā uṭṭhāyāsanā pakkanto”ti?\n“Mayhaṁ kho, bhante, evaṁ ahosi:\n‘ime kho brāhmaṇā brahmalokādhimuttā, yannūnāhaṁ dhanañjānissa brāhmaṇassa brahmānaṁ sahabyatāya maggaṁ deseyyan’”ti.\n“Kālaṅkato ca, sāriputta, dhanañjāni brāhmaṇo, brahmalokañca upapanno”ti.\nDhanañjānisuttaṁ niṭṭhitaṁ sattamaṁ.","en":"Then Sāriputta went to the Buddha, bowed, sat down to one side, and said,\n“Sir, the brahmin Dhanañjāni is sick, suffering, gravely ill.\nHe bows with his head to your feet.”\n“But Sāriputta, after establishing Dhanañjāni in the inferior realm of divinity, why did you get up from your seat and leave while there was still more left to do?”\n“Sir, I thought:\n‘These brahmins are devoted to the realm of divinity. Why don’t I teach him a path to the company of Divinity?’”\n“And Sāriputta, the brahmin Dhanañjāni has passed away and been reborn in the realm of divinity.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mn97/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}