{"id":"mnd11","title":"11. Kalahavivādasuttaniddesa","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mnd11","title":"11. Kalahavivādasuttaniddesa","units":[{"id":"mnd11:0","sourceIds":["mnd11:0.1","mnd11:0.2","mnd11:0.3"],"kind":"text","text":{"pi":"Mahāniddesa\nAṭṭhakavagga\n11. Kalahavivādasuttaniddesa"}},{"id":"mnd11:1","sourceIds":["mnd11:1.1"],"kind":"text","text":{"pi":"Atha kalahavivādasuttaniddesaṁ vakkhati—"}},{"id":"mnd11:2","sourceIds":["mnd11:2.1","mnd11:2.2","mnd11:2.3","mnd11:2.4"],"kind":"text","text":{"pi":"Kutopahūtā kalahā vivādā,\nParidevasokā sahamaccharā ca;\nMānātimānā sahapesuṇā ca,\nKutopahūtā te tadiṅgha brūhi."}},{"id":"mnd11:3","sourceIds":["mnd11:3.1","mnd11:3.2","mnd11:3.3","mnd11:3.4","mnd11:3.5","mnd11:3.6","mnd11:3.7","mnd11:3.8","mnd11:3.9","mnd11:3.10"],"kind":"text","text":{"pi":"Kutopahūtā kalahā vivādāti.\nKalahoti ekena ākārena kalaho;\nvivādotipi taññeva.\nYo kalaho so vivādo, yo vivādo so kalaho.\nAtha vā aparena ākārena vivādo vuccati kalahassa pubbabhāgo vivādo.\nRājānopi rājūhi vivadanti, khattiyāpi khattiyehi vivadanti, brāhmaṇāpi brāhmaṇehi vivadanti, gahapatīpi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati—\nayaṁ vivādo.\nKatamo kalaho?\nĀgārikā daṇḍapasutā kāyena vācāya kalahaṁ karonti, pabbajitā āpattiṁ āpajjantā kāyena vācāya kalahaṁ karonti—\nayaṁ kalaho."}},{"id":"mnd11:4","sourceIds":["mnd11:4.1","mnd11:4.2","mnd11:4.3"],"kind":"text","text":{"pi":"Kutopahūtā kalahā vivādāti.\nKalahā ca vivādā ca kutopahūtā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti kalahassa ca vivādassa ca mūlaṁ pucchati, hetuṁ pucchati, nidānaṁ pucchati, sambhavaṁ pucchati, pabhavaṁ pucchati, samuṭṭhānaṁ pucchati, āhāraṁ pucchati, ārammaṇaṁ pucchati, paccayaṁ pucchati, samudayaṁ pucchati papucchati yācati ajjhesati pasādetīti—\nkutopahūtā kalahā vivādā."}},{"id":"mnd11:5","sourceIds":["mnd11:5.1","mnd11:5.2","mnd11:5.3","mnd11:5.4","mnd11:5.5","mnd11:5.6","mnd11:5.7","mnd11:5.8","mnd11:5.9","mnd11:5.10"],"kind":"text","text":{"pi":"Paridevasokā sahamaccharā cāti.\nParidevoti ñātibyasanena vā phuṭṭhassa, bhogabyasanena vā phuṭṭhassa, rogabyasanena vā phuṭṭhassa, sīlabyasanena vā phuṭṭhassa, diṭṭhibyasanena vā phuṭṭhassa, aññataraññatarena vā byasanena samannāgatassa, aññataraññatarena vā dukkhadhammena phuṭṭhassa, ādevo paridevo, ādevanā paridevanā, ādevitattaṁ paridevitattaṁ, vācā palāpo vippalāpo lālappo lālappāyanā lālappāyitattaṁ.\nSokoti ñātibyasanena vā phuṭṭhassa, bhogarogasīladiṭṭhibyasanena vā phuṭṭhassa, aññataraññatarena vā byasanena samannāgatassa, aññataraññatarena vā dukkhadhammena phuṭṭhassa, soko socanā socitattaṁ, antosoko antoparisoko, antoḍāho antopariḍāho, cetaso parijjhāyanā domanassaṁ sokasallaṁ.\nMaccharanti pañca macchariyāni—\nāvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ.\nYaṁ evarūpaṁ macchariyaṁ maccharāyanaṁ maccharāyitattaṁ vevicchaṁ kadariyaṁ kaṭukañcukatā aggahitattaṁ cittassa—\nidaṁ vuccati macchariyaṁ.\nApi ca, khandhamacchariyampi macchariyaṁ, dhātumacchariyampi macchariyaṁ, āyatanamacchariyampi macchariyaṁ gāho.\nIdaṁ vuccati macchariyanti—\nparidevasokā sahamaccharā ca."}},{"id":"mnd11:6","sourceIds":["mnd11:6.1","mnd11:6.2","mnd11:6.3","mnd11:6.4","mnd11:6.5","mnd11:6.6","mnd11:6.7","mnd11:6.8","mnd11:6.9","mnd11:6.10","mnd11:6.11","mnd11:6.12","mnd11:6.13","mnd11:6.14","mnd11:6.15","mnd11:6.16"],"kind":"text","text":{"pi":"Mānātimānā sahapesuṇā cāti.\nMānoti idhekacco mānaṁ janeti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā.\nAtimānoti idhekacco paraṁ atimaññati jātiyā vā gottena vā …pe… aññataraññatarena vā vatthunā.\nPesuññanti idhekacco pisuṇavāco hoti—\nito sutvā amutra akkhātā imesaṁ bhedāya, amutra vā sutvā imesaṁ akkhātā amūsaṁ bhedāya.\nIti samaggānaṁ vā bhettā, bhinnānaṁ vā anuppadātā, vaggārāmo vaggarato vagganandī vaggakaraṇiṁ vācaṁ bhāsitā hoti—\nidaṁ vuccati pesuññaṁ.\nApi ca dvīhi kāraṇehi pesuññaṁ upasaṁharati—\npiyakamyatāya vā bhedādhippāyena vā.\nKathaṁ piyakamyatāya pesuññaṁ upasaṁharati?\nImassa piyo bhavissāmi, manāpo bhavissāmi, vissāsiko bhavissāmi, abbhantariko bhavissāmi, suhadayo bhavissāmīti—\nevaṁ piyakamyatāya pesuññaṁ upasaṁharati.\nKathaṁ bhedādhippāyena pesuññaṁ upasaṁharati?\nKathaṁ ime nānā assu, vinā assu, vaggā assu, dvidhā assu, dvejjhā assu, dve pakkhā assu, bhijjeyyuṁ na samāgaccheyyuṁ, dukkhaṁ na phāsu vihareyyunti—\nevaṁ bhedādhippāyena pesuññaṁ upasaṁharatīti—\nmānātimānā sahapesuṇā ca."}},{"id":"mnd11:7","sourceIds":["mnd11:7.1","mnd11:7.2","mnd11:7.3","mnd11:7.4","mnd11:7.5","mnd11:7.6","mnd11:7.7"],"kind":"text","text":{"pi":"Kutopahūtā te tadiṅgha brūhīti.\nKalaho ca vivādo ca paridevo ca soko ca macchariyañca māno ca atimāno ca pesuññañcāti—\nime aṭṭha kilesā kutopahūtā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti.\nImesaṁ aṭṭhannaṁ kilesānaṁ mūlaṁ pucchati, hetuṁ pucchati, nidānaṁ pucchati, sambhavaṁ pucchati, pabhavaṁ pucchati, samuṭṭhānaṁ pucchati, āhāraṁ pucchati, ārammaṇaṁ pucchati, paccayaṁ pucchati, samudayaṁ pucchati papucchati yācati ajjhesati pasādetīti—\nkutopahūtā te tadiṅgha brūhīti.\nIṅgha brūhi ācikkha desehi paññapehi paṭṭhapehi vivara vibhaja uttānīkarohi pakāsehīti—\nkutopahūtā te tadiṅgha brūhi."}},{"id":"mnd11:8","sourceIds":["mnd11:8.1"],"kind":"text","text":{"pi":"Tenāha so nimmito—"}},{"id":"mnd11:9","sourceIds":["mnd11:9.1","mnd11:9.2","mnd11:9.3","mnd11:9.4"],"kind":"text","text":{"pi":"“Kutopahūtā kalahā vivādā,\nParidevasokā sahamaccharā ca;\nMānātimānā sahapesuṇā ca,\nKutopahūtā te tadiṅgha brūhī”ti."}},{"id":"mnd11:10","sourceIds":["mnd11:10.1","mnd11:10.2","mnd11:10.3","mnd11:10.4","mnd11:10.5"],"kind":"text","text":{"pi":"Piyappahūtā kalahā vivādā,\nParidevasokā sahamaccharā ca;\nMānātimānā sahapesuṇā ca,\nMaccherayuttā kalahā vivādā;\nVivādajātesu ca pesuṇāni."}},{"id":"mnd11:11","sourceIds":["mnd11:11.1","mnd11:11.2","mnd11:11.3","mnd11:11.4","mnd11:11.5","mnd11:11.6","mnd11:11.7","mnd11:11.8","mnd11:11.9"],"kind":"text","text":{"pi":"Piyappahūtā kalahā vivādā, paridevasokā sahamaccharā cāti.\nPiyāti dve piyā—\nsattā vā saṅkhārā vā.\nKatame sattā piyā?\nIdha yassa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā putto vā dhītā vā mittā vā amaccā vā ñātī vā sālohitā vā—\nime sattā piyā.\nKatame saṅkhārā piyā?\nManāpikā rūpā manāpikā saddā manāpikā gandhā manāpikā rasā manāpikā phoṭṭhabbā—\nime saṅkhārā piyā."}},{"id":"mnd11:12","sourceIds":["mnd11:12.1","mnd11:12.2","mnd11:12.3","mnd11:12.4","mnd11:12.5","mnd11:12.6","mnd11:12.7","mnd11:12.8","mnd11:12.9"],"kind":"text","text":{"pi":"Piyaṁ vatthuṁ acchedasaṅkinopi kalahaṁ karonti, acchijjantepi kalahaṁ karonti, acchinnepi kalahaṁ karonti.\nPiyaṁ vatthuṁ vipariṇāmasaṅkinopi kalahaṁ karonti, vipariṇāmantepi kalahaṁ karonti, vipariṇatepi kalahaṁ karonti.\nPiyaṁ vatthuṁ acchedasaṅkinopi vivadanti, acchijjantepi vivadanti, acchinnepi vivadanti.\nPiyaṁ vatthuṁ vipariṇāmasaṅkinopi vivadanti, vipariṇāmantepi vivadanti, vipariṇatepi vivadanti.\nPiyaṁ vatthuṁ acchedasaṅkinopi paridevanti, acchijjantepi paridevanti, acchinnepi paridevanti.\nPiyaṁ vatthuṁ vipariṇāmasaṅkinopi paridevanti, vipariṇāmantepi paridevanti, vipariṇatepi paridevanti.\nPiyaṁ vatthuṁ acchedasaṅkinopi socanti, acchijjantepi socanti, acchinnepi socanti.\nPiyaṁ vatthuṁ vipariṇāmasaṅkinopi socanti, vipariṇāmantepi socanti, vipariṇatepi socanti.\nPiyaṁ vatthuṁ rakkhanti gopenti pariggaṇhanti mamāyanti maccharāyanti."}},{"id":"mnd11:13","sourceIds":["mnd11:13.1","mnd11:13.2","mnd11:13.3","mnd11:13.4","mnd11:13.5","mnd11:13.6","mnd11:13.7","mnd11:13.8","mnd11:13.9","mnd11:13.10","mnd11:13.11"],"kind":"text","text":{"pi":"Mānātimānā sahapesuṇā cāti.\nPiyaṁ vatthuṁ nissāya mānaṁ janenti, piyaṁ vatthuṁ nissāya atimānaṁ janenti.\nKathaṁ piyaṁ vatthuṁ nissāya mānaṁ janenti?\nMayaṁ lābhino manāpikānaṁ rūpānaṁ saddānaṁ gandhānaṁ rasānaṁ phoṭṭhabbānanti.\nEvaṁ piyaṁ vatthuṁ nissāya mānaṁ janenti.\nKathaṁ piyaṁ vatthuṁ nissāya atimānaṁ janenti?\nMayaṁ lābhino manāpikānaṁ rūpānaṁ saddānaṁ gandhānaṁ rasānaṁ phoṭṭhabbānaṁ, ime panaññe na lābhino manāpikānaṁ rūpānaṁ saddānaṁ gandhānaṁ rasānaṁ phoṭṭhabbānanti.\nEvaṁ piyaṁ vatthuṁ nissāya atimānaṁ janenti.\nPesuññanti idhekacco pisuṇavāco hoti, ito sutvā amutra akkhātā imesaṁ bhedāya …pe…\nevaṁ bhedādhippāyena pesuññaṁ upasaṁharatīti …pe…\nmānātimānā sahapesuṇā ca."}},{"id":"mnd11:14","sourceIds":["mnd11:14.1","mnd11:14.2","mnd11:14.3","mnd11:14.4"],"kind":"text","text":{"pi":"Maccherayuttā kalahā vivādāti.\nKalaho ca vivādo ca paridevo ca soko ca māno ca atimāno ca pesuññañcāti—\nime satta kilesā macchariye yuttā payuttā āyuttā samāyuttāti—\nmaccherayuttā kalahā vivādā."}},{"id":"mnd11:15","sourceIds":["mnd11:15.1","mnd11:15.2","mnd11:15.3","mnd11:15.4","mnd11:15.5","mnd11:15.6","mnd11:15.7","mnd11:15.8","mnd11:15.9","mnd11:15.10","mnd11:15.11","mnd11:15.12","mnd11:15.13","mnd11:15.14"],"kind":"text","text":{"pi":"Vivādajātesu ca pesuṇānīti.\nVivāde jāte sañjāte nibbatte abhinibbatte pātubhūte pesuññaṁ upasaṁharanti;\nito sutvā amutra akkhāyanti imesaṁ bhedāya, amutra vā sutvā imesaṁ akkhāyanti amūsaṁ bhedāya.\nIti samaggānaṁ vā bhettāro, bhinnānaṁ vā anuppadātāro, vaggārāmā vaggaratā vagganandī vaggakaraṇiṁ vācaṁ bhāsitāro honti—\nidaṁ vuccati pesuññaṁ.\nApi ca dvīhi kāraṇehi pesuññaṁ upasaṁharanti—\npiyakamyatāya vā bhedādhippāyena vā.\nKathaṁ piyakamyatāya pesuññaṁ upasaṁharanti?\nImassa piyā bhavissāma, manāpā bhavissāma, vissāsikā bhavissāma, abbhantarikā bhavissāma, suhadayā bhavissāmāti.\nEvaṁ piyakamyatāya pesuññaṁ upasaṁharanti.\nKathaṁ bhedādhippāyena pesuññaṁ upasaṁharanti?\n“Kathaṁ ime nānā assu, vinā assu, vaggā assu, dvedhā assu, dvejjhā assu, dve pakkhā assu, bhijjeyyuṁ na samāgaccheyyuṁ, dukkhaṁ na phāsu vihareyyun”ti—\nevaṁ bhedādhippāyena pesuññaṁ upasaṁharantīti—\nvivādajātesu ca pesuṇāni."}},{"id":"mnd11:16","sourceIds":["mnd11:16.1"],"kind":"text","text":{"pi":"Tenāha bhagavā—"}},{"id":"mnd11:17","sourceIds":["mnd11:17.1","mnd11:17.2","mnd11:17.3","mnd11:17.4","mnd11:17.5"],"kind":"text","text":{"pi":"“Piyappahūtā kalahā vivādā,\nParidevasokā sahamaccharā ca;\nMānātimānā sahapesuṇā ca,\nMaccherayuttā kalahā vivādā;\nVivādajātesu ca pesuṇānī”ti."}},{"id":"mnd11:18","sourceIds":["mnd11:18.1","mnd11:18.2","mnd11:18.3","mnd11:18.4"],"kind":"text","text":{"pi":"Piyā su lokasmiṁ kutonidānā,\nYe cāpi lobhā vicaranti loke;\nĀsā ca niṭṭhā ca kutonidānā,\nYe samparāyāya narassa honti."}},{"id":"mnd11:19","sourceIds":["mnd11:19.1","mnd11:19.2","mnd11:19.3","mnd11:19.4"],"kind":"text","text":{"pi":"Piyā su lokasmiṁ kutonidānāti.\nPiyā kutonidānā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti piyānaṁ mūlaṁ pucchati …pe…\nsamudayaṁ pucchati papucchati yācati ajjhesati pasādetīti—\npiyā su lokasmiṁ kutonidānā."}},{"id":"mnd11:20","sourceIds":["mnd11:20.1","mnd11:20.2","mnd11:20.3","mnd11:20.4","mnd11:20.5","mnd11:20.6"],"kind":"text","text":{"pi":"Ye cāpi lobhā vicaranti loketi.\nYe cāpīti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca.\nLobhāti yo lobho lubbhanā lubbhitattaṁ sārāgo sārajjanā sārajjitattaṁ abhijjhā lobho akusalamūlaṁ.\nVicarantīti vicaranti viharanti iriyanti vattanti pālenti yapenti yāpenti.\nLoketi apāyaloke manussaloke devaloke khandhaloke dhātuloke āyatanaloketi—\nye cāpi lobhā vicaranti loke."}},{"id":"mnd11:21","sourceIds":["mnd11:21.1","mnd11:21.2","mnd11:21.3","mnd11:21.4","mnd11:21.5","mnd11:21.6","mnd11:21.7"],"kind":"text","text":{"pi":"Āsā ca niṭṭhā ca kutonidānāti.\nĀsā ca niṭṭhā ca kutonidānā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti āsāya ca niṭṭhāya ca mūlaṁ pucchati …pe…\nsamudayaṁ pucchati papucchati yācati ajjhesati pasādetīti—\nāsā ca niṭṭhā ca kutonidānā.\nYe samparāyāya narassa hontīti.\nYe narassa parāyanā honti dīpā honti tāṇā honti leṇā honti saraṇā honti niṭṭhā parāyanā hontīti—\nye samparāyāya narassa honti."}},{"id":"mnd11:22","sourceIds":["mnd11:22.1"],"kind":"text","text":{"pi":"Tenāha so nimmito—"}},{"id":"mnd11:23","sourceIds":["mnd11:23.1","mnd11:23.2","mnd11:23.3","mnd11:23.4"],"kind":"text","text":{"pi":"“Piyā su lokasmiṁ kutonidānā,\nYe cāpi lobhā vicaranti loke;\nĀsā ca niṭṭhā ca kutonidānā,\nYe samparāyāya narassa hontī”ti."}},{"id":"mnd11:24","sourceIds":["mnd11:24.1","mnd11:24.2","mnd11:24.3","mnd11:24.4"],"kind":"text","text":{"pi":"Chandānidānāni piyāni loke,\nYe cāpi lobhā vicaranti loke;\nĀsā ca niṭṭhā ca itonidānā,\nYe samparāyāya narassa honti."}},{"id":"mnd11:25","sourceIds":["mnd11:25.1","mnd11:25.2","mnd11:25.3","mnd11:25.4","mnd11:25.5","mnd11:25.6","mnd11:25.7","mnd11:25.8","mnd11:25.9","mnd11:25.10","mnd11:25.11","mnd11:25.12","mnd11:25.13","mnd11:25.14","mnd11:25.15","mnd11:25.16","mnd11:25.17","mnd11:25.18","mnd11:25.19","mnd11:25.20","mnd11:25.21","mnd11:25.22","mnd11:25.23","mnd11:25.24","mnd11:25.25","mnd11:25.26","mnd11:25.27","mnd11:25.28","mnd11:25.29","mnd11:25.30","mnd11:25.31","mnd11:25.32","mnd11:25.33","mnd11:25.34","mnd11:25.35","mnd11:25.36","mnd11:25.37","mnd11:25.38"],"kind":"text","text":{"pi":"Chandānidānāni piyāni loketi.\nChandoti yo kāmesu kāmacchando kāmarāgo kāmanandī kāmataṇhā kāmasneho kāmapariḷāho kāmamucchā kāmajjhosānaṁ kāmogho kāmayogo kāmupādānaṁ kāmacchandanīvaraṇaṁ.\nApi ca pañca chandā—\npariyesanacchando, paṭilābhacchando, paribhogacchando, sannidhicchando, visajjanacchando.\nKatamo pariyesanacchando?\nIdhekacco ajjhositoyeva atthiko chandajāto rūpe pariyesati,\nsadde …\ngandhe …\nrase …\nphoṭṭhabbe pariyesati—\nayaṁ pariyesanacchando.\nKatamo paṭilābhacchando?\nIdhekacco ajjhositoyeva atthiko chandajāto rūpe paṭilabhati,\nsadde …\ngandhe …\nrase …\nphoṭṭhabbe paṭilabhati—\nayaṁ paṭilābhacchando.\nKatamo paribhogacchando?\nIdhekacco ajjhositoyeva atthiko chandajāto rūpe paribhuñjati,\nsadde …\ngandhe …\nrase …\nphoṭṭhabbe paribhuñjati—\nayaṁ paribhogacchando.\nKatamo sannidhicchando?\nIdhekacco ajjhositoyeva atthiko chandajāto dhanasannicayaṁ karoti “āpadāsu bhavissatī”ti—\nayaṁ sannidhicchando.\nKatamo visajjanacchando?\nIdhekacco ajjhositoyeva atthiko chandajāto dhanaṁ visajjeti hatthārohānaṁ assārohānaṁ rathikānaṁ dhanuggahānaṁ pattikānaṁ “ime maṁ rakkhissanti gopissanti samparivārissantī”ti—\nayaṁ visajjanacchando.\nPiyānīti dve piyā—\nsattā vā saṅkhārā vā …pe…\nime sattā piyā …pe…\nime saṅkhārā piyā.\nChandānidānāni piyāni loketi.\nPiyā chandanidānā chandasamudayā chandajātikā chandapabhavāti—\nchandānidānāni piyāni loke."}},{"id":"mnd11:26","sourceIds":["mnd11:26.1","mnd11:26.2","mnd11:26.3","mnd11:26.4","mnd11:26.5","mnd11:26.6"],"kind":"text","text":{"pi":"Ye cāpi lobhā vicaranti loketi.\nYe cāpīti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca.\nLobhāti yo lobho lubbhanā lubbhitattaṁ sārāgo sārajjanā sārajjitattaṁ abhijjhā lobho akusalamūlaṁ.\nVicarantīti vicaranti viharanti iriyanti vattanti pālenti yapenti yāpenti.\nLoketi apāyaloke …pe… āyatanaloketi—\nye cāpi lobhā vicaranti loke."}},{"id":"mnd11:27","sourceIds":["mnd11:27.1","mnd11:27.2","mnd11:27.3","mnd11:27.4","mnd11:27.5","mnd11:27.6","mnd11:27.7","mnd11:27.8","mnd11:27.9","mnd11:27.10","mnd11:27.11","mnd11:27.12","mnd11:27.13","mnd11:27.14","mnd11:27.15","mnd11:27.16","mnd11:27.17","mnd11:27.18","mnd11:27.19","mnd11:27.20","mnd11:27.21","mnd11:27.22","mnd11:27.23","mnd11:27.24","mnd11:27.25","mnd11:27.26","mnd11:27.27","mnd11:27.28","mnd11:27.29","mnd11:27.30","mnd11:27.31","mnd11:27.32","mnd11:27.33","mnd11:27.34","mnd11:27.35","mnd11:27.36","mnd11:27.37","mnd11:27.38"],"kind":"text","text":{"pi":"Āsā ca niṭṭhā ca itonidānāti.\nĀsā vuccati taṇhā.\nYo rāgo sārāgo …pe… abhijjhā lobho akusalamūlaṁ.\nNiṭṭhāti idhekacco rūpe pariyesanto rūpaṁ paṭilabhati, rūpaniṭṭho hoti,\nsadde …\ngandhe …\nrase …\nphoṭṭhabbe …\nkulaṁ …\ngaṇaṁ …\nāvāsaṁ …\nlābhaṁ …\nyasaṁ …\npasaṁsaṁ …\nsukhaṁ …\ncīvaraṁ …\npiṇḍapātaṁ …\nsenāsanaṁ …\ngilānapaccayabhesajjaparikkhāraṁ …\nsuttantaṁ …\nvinayaṁ …\nabhidhammaṁ …\nāraññikaṅgaṁ …\npiṇḍapātikaṅgaṁ …\npaṁsukūlikaṅgaṁ …\ntecīvarikaṅgaṁ …\nsapadānacārikaṅgaṁ …\nkhalupacchābhattikaṅgaṁ …\nnesajjikaṅgaṁ …\nyathāsanthatikaṅgaṁ …\npaṭhamaṁ jhānaṁ …\ndutiyaṁ jhānaṁ …\ntatiyaṁ jhānaṁ …\ncatutthaṁ jhānaṁ …\nākāsānañcāyatanasamāpattiṁ …\nviññāṇañcāyatanasamāpattiṁ …\nākiñcaññāyatanasamāpattiṁ …\nnevasaññānāsaññāyatanasamāpattiṁ pariyesanto nevasaññānāsaññāyatanasamāpattiṁ paṭilabhati, nevasaññānāsaññāyatanasamāpattiniṭṭho hoti."}},{"id":"mnd11:28","sourceIds":["mnd11:28.1","mnd11:28.2","mnd11:28.3","mnd11:28.4","mnd11:28.5","mnd11:28.6"],"kind":"text","text":{"pi":"“Āsāya kasate khettaṁ,\nbījaṁ āsāya vappati;\nĀsāya vāṇijā yanti,\nsamuddaṁ dhanahārakā;\nYāya āsāya tiṭṭhāmi,\nsā me āsā samijjhatī”ti."}},{"id":"mnd11:29","sourceIds":["mnd11:29.1","mnd11:29.2","mnd11:29.3","mnd11:29.4"],"kind":"text","text":{"pi":"Āsāya samiddhi vuccate niṭṭhā.\nĀsā ca niṭṭhā ca itonidānāti.\nĀsā ca niṭṭhā ca ito chandanidānā chandasamudayā chandajātikā chandapabhavāti—\nāsā ca niṭṭhā ca itonidānā."}},{"id":"mnd11:30","sourceIds":["mnd11:30.1","mnd11:30.2","mnd11:30.3"],"kind":"text","text":{"pi":"Ye samparāyāya narassa hontīti.\nYe narassa parāyanā honti dīpā honti tāṇā honti leṇā honti saraṇā honti niṭṭhā parāyanā hontīti—\nye samparāyāya narassa honti."}},{"id":"mnd11:31","sourceIds":["mnd11:31.1"],"kind":"text","text":{"pi":"Tenāha bhagavā—"}},{"id":"mnd11:32","sourceIds":["mnd11:32.1","mnd11:32.2","mnd11:32.3","mnd11:32.4"],"kind":"text","text":{"pi":"“Chandānidānāni piyāni loke,\nYe cāpi lobhā vicaranti loke;\nĀsā ca niṭṭhā ca itonidānā,\nYe samparāyāya narassa hontī”ti."}},{"id":"mnd11:33","sourceIds":["mnd11:33.1","mnd11:33.2","mnd11:33.3","mnd11:33.4"],"kind":"text","text":{"pi":"Chando nu lokasmiṁ kutonidāno,\nVinicchayā cāpi kutopahūtā;\nKodho mosavajjañca kathaṅkathā ca,\nYe cāpi dhammā samaṇena vuttā."}},{"id":"mnd11:34","sourceIds":["mnd11:34.1","mnd11:34.2","mnd11:34.3","mnd11:34.4"],"kind":"text","text":{"pi":"Chando nu lokasmiṁ kutonidānoti.\nChando kutonidāno kutojāto kutosañjāto kutonibbatto kutoabhinibbatto kutopātubhūto, kiṁnidāno kiṁsamudayo kiṁjātiko kiṁpabhavoti chandassa mūlaṁ pucchati …pe…\nsamudayaṁ pucchati papucchati yācati ajjhesati pasādetīti—\nchando nu lokasmiṁ kutonidāno."}},{"id":"mnd11:35","sourceIds":["mnd11:35.1","mnd11:35.2","mnd11:35.3","mnd11:35.4"],"kind":"text","text":{"pi":"Vinicchayā cāpi kutopahūtāti.\nVinicchayā kutopahūtā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti vinicchayānaṁ mūlaṁ pucchati …pe…\nsamudayaṁ pucchati papucchati yācati ajjhesati pasādetīti—\nvinicchayā cāpi kutopahūtā."}},{"id":"mnd11:36","sourceIds":["mnd11:36.1","mnd11:36.2","mnd11:36.3","mnd11:36.4","mnd11:36.5"],"kind":"text","text":{"pi":"Kodho mosavajjañca kathaṅkathā cāti.\nKodhoti yo evarūpo cittassa āghāto paṭighāto, paṭighaṁ paṭivirodho, kopo pakopo sampakopo, doso padoso sampadoso, cittassa byāpatti manopadoso, kodho kujjhanā kujjhitattaṁ, doso dussanā dussitattaṁ, byāpatti byāpajjanā byāpajjitattaṁ, virodho paṭivirodho, caṇḍikkaṁ asuropo anattamanatā cittassa.\nMosavajjaṁ vuccati musāvādo.\nKathaṅkathā vuccati vicikicchāti—\nkodho mosavajjañca kathaṅkathā ca."}},{"id":"mnd11:37","sourceIds":["mnd11:37.1","mnd11:37.2","mnd11:37.3","mnd11:37.4","mnd11:37.5","mnd11:37.6","mnd11:37.7"],"kind":"text","text":{"pi":"Ye cāpi dhammā samaṇena vuttāti.\nYe cāpīti ye kodhena ca mosavajjena ca kathaṅkathāya ca sahagatā sahajātā saṁsaṭṭhā sampayuttā, ekuppādā ekanirodhā ekavatthukā ekārammaṇā—\nime vuccanti ye cāpi dhammā.\nAtha vā ye te kilesā aññajātikā aññavihitakā—\nime vuccanti ye cāpi dhammā.\nSamaṇena vuttāti samaṇena samitapāpena brāhmaṇena bāhitapāpadhammena bhikkhunā bhinnakilesamūlena sabbākusalamūlabandhanā pamuttena vuttā pavuttā ācikkhitā desitā paññapitā paṭṭhapitā vivaṭā vibhattā uttānīkatā pakāsitāti—\nye cāpi dhammā samaṇena vuttā."}},{"id":"mnd11:38","sourceIds":["mnd11:38.1"],"kind":"text","text":{"pi":"Tenāha so nimmito—"}},{"id":"mnd11:39","sourceIds":["mnd11:39.1","mnd11:39.2","mnd11:39.3","mnd11:39.4"],"kind":"text","text":{"pi":"“Chando nu lokasmiṁ kutonidāno,\nVinicchayā cāpi kutopahūtā;\nKodho mosavajjañca kathaṅkathā ca,\nYe cāpi dhammā samaṇena vuttā”ti."}},{"id":"mnd11:40","sourceIds":["mnd11:40.1","mnd11:40.2","mnd11:40.3","mnd11:40.4"],"kind":"text","text":{"pi":"Sātaṁ asātanti yamāhu loke,\nTamūpanissāya pahoti chando;\nRūpesu disvā vibhavaṁ bhavañca,\nVinicchayaṁ kubbati jantu loke."}},{"id":"mnd11:41","sourceIds":["mnd11:41.1","mnd11:41.2","mnd11:41.3","mnd11:41.4","mnd11:41.5"],"kind":"text","text":{"pi":"Sātaṁ asātanti yamāhu loketi.\nSātanti sukhā ca vedanā, iṭṭhañca vatthu.\nAsātanti dukkhā ca vedanā, aniṭṭhañca vatthu.\nYamāhu loketi yaṁ āhaṁsu yaṁ kathenti yaṁ bhaṇanti yaṁ dīpenti yaṁ voharantīti—\nsātaṁ asātanti yamāhu loke."}},{"id":"mnd11:42","sourceIds":["mnd11:42.1","mnd11:42.2","mnd11:42.3"],"kind":"text","text":{"pi":"Tamūpanissāya pahoti chandoti.\nSātāsātaṁ nissāya, sukhadukkhaṁ nissāya, somanassadomanassaṁ nissāya, iṭṭhāniṭṭhaṁ nissāya, anunayapaṭighaṁ nissāya chando pahoti pabhavati jāyati sañjāyati nibbattati abhinibbattatīti—\ntamūpanissāya pahoti chando."}},{"id":"mnd11:43","sourceIds":["mnd11:43.1","mnd11:43.2","mnd11:43.3","mnd11:43.4","mnd11:43.5","mnd11:43.6","mnd11:43.7","mnd11:43.8","mnd11:43.9","mnd11:43.10"],"kind":"text","text":{"pi":"Rūpesu disvā vibhavaṁ bhavañcāti.\nRūpesūti cattāro ca mahābhūtā catunnañca mahābhūtānaṁ upādāya rūpaṁ.\nKatamo rūpānaṁ bhavo?\nYo rūpānaṁ bhavo jāti sañjāti nibbatti abhinibbatti pātubhāvo—\nayaṁ rūpānaṁ bhavo.\nKatamo rūpānaṁ vibhavo?\nYo rūpānaṁ khayo vayo bhedo paribhedo aniccatā antaradhānaṁ—\nayaṁ rūpānaṁ vibhavo.\nRūpesu disvā vibhavaṁ bhavañcāti rūpesu bhavañca vibhavañca disvā passitvā tulayitvā tīrayitvā vibhāvayitvā vibhūtaṁ katvāti—\nrūpesu disvā vibhavaṁ bhavañca."}},{"id":"mnd11:44","sourceIds":["mnd11:44.1","mnd11:44.2","mnd11:44.3","mnd11:44.4","mnd11:44.5","mnd11:44.6","mnd11:44.7","mnd11:44.8","mnd11:44.9","mnd11:44.10","mnd11:44.11","mnd11:44.12","mnd11:44.13","mnd11:44.14"],"kind":"text","text":{"pi":"Vinicchayaṁ kubbati jantu loketi.\nVinicchayāti dve vinicchayā—\ntaṇhāvinicchayo ca, diṭṭhivinicchayo ca.\nKathaṁ taṇhāvinicchayaṁ karoti?\nIdhekaccassa anuppannā ceva bhogā na uppajjanti, uppannā ca bhogā parikkhayaṁ gacchanti.\nTassa evaṁ hoti—\n“kena nu kho me upāyena anuppannā ceva bhogā na uppajjanti, uppannā ca bhogā parikkhayaṁ gacchantī”ti.\nTassa pana evaṁ hoti “surāmerayamajjappamādaṭṭhānānuyogaṁ anuyuttassa me anuppannā ceva bhogā na uppajjanti, uppannā ca bhogā parikkhayaṁ gacchanti;\nvikālavisikhācariyānuyogaṁ anuyuttassa me anuppannā ceva bhogā na uppajjanti, uppannā ca bhogā parikkhayaṁ gacchanti;\nsamajjābhicaraṇaṁ anuyuttassa me …\njutappamādaṭṭhānānuyogaṁ anuyuttassa me …\npāpamittānuyogaṁ anuyuttassa me anuppannā ceva bhogā na uppajjanti, uppannā ca bhogā parikkhayaṁ gacchanti;\nālasyānuyogaṁ anuyuttassa me anuppannā ceva bhogā na uppajjanti, uppannā ca bhogā parikkhayaṁ gacchantī”ti evaṁ ñāṇaṁ katvā cha bhogānaṁ apāyamukhāni na sevati, cha bhogānaṁ āyamukhāni sevati.\nEvampi taṇhāvinicchayaṁ karoti."}},{"id":"mnd11:45","sourceIds":["mnd11:45.1","mnd11:45.2","mnd11:45.3","mnd11:45.4","mnd11:45.5","mnd11:45.6","mnd11:45.7","mnd11:45.8","mnd11:45.9","mnd11:45.10","mnd11:45.11","mnd11:45.12","mnd11:45.13","mnd11:45.14","mnd11:45.15","mnd11:45.16","mnd11:45.17","mnd11:45.18","mnd11:45.19","mnd11:45.20","mnd11:45.21","mnd11:45.22"],"kind":"text","text":{"pi":"Atha vā kasiyā vā vaṇijjāya vā gorakkhena vā issatthena vā rājaporisena vā sippaññatarena vā paṭipajjati.\nEvampi taṇhāvinicchayaṁ karoti.\nKathaṁ diṭṭhivinicchayaṁ karoti?\nCakkhusmiṁ uppanne jānāti—\n“attā me uppanno”ti, cakkhusmiṁ antarahite jānāti—\n“attā me antarahito vigato me attā”ti.\nEvampi diṭṭhivinicchayaṁ karoti.\nSotasmiṁ …\nghānasmiṁ …\njivhāya …\nkāyasmiṁ …\nrūpasmiṁ …\nsaddasmiṁ …\ngandhasmiṁ …\nrasasmiṁ …\nphoṭṭhabbasmiṁ uppanne jānāti—\n“attā me uppanno”ti, phoṭṭhabbasmiṁ antarahite jānāti—\n“attā me antarahito vigato me attā”ti.\nEvampi diṭṭhivinicchayaṁ karoti janeti sañjaneti nibbatteti abhinibbatteti.\nJantūti satto naro mānavo …pe… manujo.\nLoketi apāyaloke …pe… āyatanaloketi—\nvinicchayaṁ kubbati jantu loke."}},{"id":"mnd11:46","sourceIds":["mnd11:46.1"],"kind":"text","text":{"pi":"Tenāha bhagavā—"}},{"id":"mnd11:47","sourceIds":["mnd11:47.1","mnd11:47.2","mnd11:47.3","mnd11:47.4"],"kind":"text","text":{"pi":"“Sātaṁ asātanti yamāhu loke,\nTamūpanissāya pahoti chando;\nRūpesu disvā vibhavaṁ bhavañca,\nVinicchayaṁ kubbati jantu loke”ti."}},{"id":"mnd11:48","sourceIds":["mnd11:48.1","mnd11:48.2","mnd11:48.3","mnd11:48.4"],"kind":"text","text":{"pi":"Kodho mosavajjañca kathaṅkathā ca,\nEtepi dhammā dvayameva sante;\nKathaṅkathī ñāṇapathāya sikkhe,\nÑatvā pavuttā samaṇena dhammā."}},{"id":"mnd11:49","sourceIds":["mnd11:49.1","mnd11:49.2","mnd11:49.3","mnd11:49.4","mnd11:49.5","mnd11:49.6","mnd11:49.7"],"kind":"text","text":{"pi":"Kodho mosavajjañca kathaṅkathā cāti.\nKodhoti yo evarūpo cittassa āghāto paṭighāto …pe…\nmosavajjaṁ vuccati musāvādo.\nKathaṅkathā vuccati vicikicchā.\nIṭṭhaṁ vatthuṁ nissāyapi kodho jāyati, aniṭṭhaṁ vatthuṁ nissāyapi kodho jāyati.\nIṭṭhaṁ vatthuṁ nissāyapi musāvādo uppajjati, aniṭṭhaṁ vatthuṁ nissāyapi musāvādo uppajjati.\nIṭṭhaṁ vatthuṁ nissāyapi kathaṅkathā uppajjati, aniṭṭhaṁ vatthuṁ nissāyapi kathaṅkathā uppajjati."}},{"id":"mnd11:50","sourceIds":["mnd11:50.1","mnd11:50.2","mnd11:50.3","mnd11:50.4","mnd11:50.5","mnd11:50.6","mnd11:50.7","mnd11:50.8","mnd11:50.9","mnd11:50.10","mnd11:50.11","mnd11:50.12"],"kind":"text","text":{"pi":"Kathaṁ aniṭṭhaṁ vatthuṁ nissāya kodho jāyati?\nPakatiyā aniṭṭhaṁ vatthuṁ nissāya kodho jāyati.\nAnatthaṁ me acarīti kodho jāyati,\nanatthaṁ me caratīti kodho jāyati,\nanatthaṁ me carissatīti kodho jāyati;\npiyassa me manāpassa anatthaṁ acari …\nanatthaṁ carati …\nanatthaṁ carissatīti kodho jāyati;\nappiyassa me amanāpassa atthaṁ acari …\natthaṁ carati …\natthaṁ carissatīti kodho jāyati.\nEvaṁ aniṭṭhaṁ vatthuṁ nissāya kodho jāyati."}},{"id":"mnd11:51","sourceIds":["mnd11:51.1","mnd11:51.2","mnd11:51.3","mnd11:51.4","mnd11:51.5","mnd11:51.6","mnd11:51.7","mnd11:51.8"],"kind":"text","text":{"pi":"Kathaṁ iṭṭhaṁ vatthuṁ nissāya kodho jāyati?\nIṭṭhaṁ vatthuṁ acchedasaṅkinopi kodho jāyati,\nacchijjantepi kodho jāyati,\nacchinnepi kodho jāyati.\nIṭṭhaṁ vatthuṁ vipariṇāmasaṅkinopi kodho jāyati,\nvipariṇāmantepi kodho jāyati,\nvipariṇatepi kodho jāyati.\nEvaṁ iṭṭhaṁ vatthuṁ nissāya kodho jāyati."}},{"id":"mnd11:52","sourceIds":["mnd11:52.1","mnd11:52.2","mnd11:52.3","mnd11:52.4","mnd11:52.5","mnd11:52.6","mnd11:52.7","mnd11:52.8","mnd11:52.9","mnd11:52.10","mnd11:52.11","mnd11:52.12","mnd11:52.13"],"kind":"text","text":{"pi":"Kathaṁ aniṭṭhaṁ vatthuṁ nissāya musāvādo uppajjati?\nIdhekacco andubandhanena vā baddho;\ntassa bandhanassa mokkhatthāya sampajānamusā bhāsati …\nrajjubandhanena vā baddho …\nsaṅkhalikabandhanena vā baddho …\nvettabandhanena vā baddho …\nlatābandhanena vā baddho …\npakkhepabandhanena vā baddho …\nparikkhepabandhanena vā baddho …\ngāmanigamanagararaṭṭhabandhanena vā baddho …\njanapadabandhanena vā baddho;\ntassa bandhanassa mokkhatthāya sampajānamusā bhāsati.\nEvaṁ aniṭṭhaṁ vatthuṁ nissāya musāvādo uppajjatīti."}},{"id":"mnd11:53","sourceIds":["mnd11:53.1","mnd11:53.2","mnd11:53.3","mnd11:53.4","mnd11:53.5","mnd11:53.6","mnd11:53.7","mnd11:53.8","mnd11:53.9","mnd11:53.10","mnd11:53.11"],"kind":"text","text":{"pi":"Kathaṁ iṭṭhaṁ vatthuṁ nissāya musāvādo uppajjati?\nIdhekacco manāpikānaṁ rūpānaṁ hetu sampajānamusā bhāsati …\nmanāpikānaṁ saddānaṁ …\ngandhānaṁ …\nrasānaṁ …\nphoṭṭhabbānaṁ hetu …\ncīvarahetu …\npiṇḍapātahetu …\nsenāsanahetu …\ngilānapaccayabhesajjaparikkhārahetu sampajānamusā bhāsati.\nEvaṁ iṭṭhaṁ vatthuṁ nissāya musāvādo uppajjati."}},{"id":"mnd11:54","sourceIds":["mnd11:54.1","mnd11:54.2","mnd11:54.3","mnd11:54.4","mnd11:54.5","mnd11:54.6","mnd11:54.7","mnd11:54.8","mnd11:54.9","mnd11:54.10","mnd11:54.11"],"kind":"text","text":{"pi":"Kathaṁ aniṭṭhaṁ vatthuṁ nissāya kathaṅkathā uppajjati?\n“Muccissāmi nu kho cakkhurogato, na nu kho muccissāmi cakkhurogato.\nMuccissāmi nu kho sotarogato …\nghānarogato …\njivhārogato …\nkāyarogato …\nsīsarogato …\nkaṇṇarogato …\nmukharogato …\nmuccissāmi nu kho dantarogato, na nu kho muccissāmi dantarogato”ti.\nEvaṁ aniṭṭhaṁ vatthuṁ nissāya kathaṅkathā uppajjati."}},{"id":"mnd11:55","sourceIds":["mnd11:55.1","mnd11:55.2","mnd11:55.3","mnd11:55.4","mnd11:55.5","mnd11:55.6","mnd11:55.7","mnd11:55.8","mnd11:55.9","mnd11:55.10","mnd11:55.11","mnd11:55.12","mnd11:55.13","mnd11:55.14","mnd11:55.15","mnd11:55.16","mnd11:55.17","mnd11:55.18","mnd11:55.19"],"kind":"text","text":{"pi":"Kathaṁ iṭṭhaṁ vatthuṁ nissāya kathaṅkathā uppajjati?\n“Labhissāmi nu kho manāpike rūpe, na nu kho labhissāmi manāpike rūpe.\nLabhissāmi nu kho manāpike sadde …\ngandhe …\nrase …\nphoṭṭhabbe …\nkulaṁ …\ngaṇaṁ …\nāvāsaṁ …\nlābhaṁ …\nyasaṁ …\npasaṁsaṁ …\nsukhaṁ …\ncīvaraṁ …\npiṇḍapātaṁ …\nsenāsanaṁ …\ngilānapaccayabhesajjaparikkhāran”ti.\nEvaṁ iṭṭhaṁ vatthuṁ nissāya kathaṅkathā uppajjatīti—\nkodho mosavajjañca kathaṅkathā ca."}},{"id":"mnd11:56","sourceIds":["mnd11:56.1","mnd11:56.2","mnd11:56.3"],"kind":"text","text":{"pi":"Etepi dhammā dvayameva santeti.\nSātāsāte sante, sukhadukkhe sante, somanassadomanasse sante, iṭṭhāniṭṭhe sante, anunayapaṭighe sante saṁvijjamāne atthi upalabbhamāneti—\netepi dhammā dvayameva sante."}},{"id":"mnd11:57","sourceIds":["mnd11:57.1","mnd11:57.2","mnd11:57.3","mnd11:57.4"],"kind":"text","text":{"pi":"Kathaṅkathī ñāṇapathāya sikkheti.\nÑāṇampi ñāṇapatho, ñāṇassa ārammaṇampi ñāṇapatho, ñāṇasahabhunopi dhammā ñāṇapatho.\nYathā ariyamaggo ariyapatho, devamaggo devapatho, brahmamaggo brahmapatho;\nevamevaṁ ñāṇampi ñāṇapatho, ñāṇassa ārammaṇampi ñāṇapatho, ñāṇasahabhunopi dhammā ñāṇapatho."}},{"id":"mnd11:58","sourceIds":["mnd11:58.1","mnd11:58.2","mnd11:58.3","mnd11:58.4","mnd11:58.5","mnd11:58.6","mnd11:58.7","mnd11:58.8","mnd11:58.9","mnd11:58.10","mnd11:58.11","mnd11:58.12","mnd11:58.13","mnd11:58.14","mnd11:58.15","mnd11:58.16","mnd11:58.17"],"kind":"text","text":{"pi":"Sikkheti tisso sikkhā—\nadhisīlasikkhā, adhicittasikkhā, adhipaññāsikkhā.\nKatamā adhisīlasikkhā?\nIdha bhikkhu sīlavā hoti, pātimokkhasaṁvarasaṁvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu,\nkhuddako sīlakkhandho …\nmahanto sīlakkhandho …\nsīlaṁ patiṭṭhā ādi caraṇaṁ saṁyamo saṁvaro mukhaṁ pamukhaṁ kusalānaṁ dhammānaṁ samāpattiyā—\nayaṁ adhisīlasikkhā.\nKatamā adhicittasikkhā?\nIdha bhikkhu vivicceva kāmehi …pe…\ncatutthaṁ jhānaṁ upasampajja viharati—\nayaṁ adhicittasikkhā.\nKatamā adhipaññāsikkhā?\nIdha bhikkhu paññavā hoti, udayatthagāminiyā paññāya samannāgato ariyāya nibbedhikāya sammādukkhakkhayagāminiyā.\nSo “idaṁ dukkhan”ti yathābhūtaṁ pajānāti …pe… “ayaṁ dukkhanirodhagāminī paṭipadā”ti yathābhūtaṁ pajānāti,\n“ime āsavā”ti yathābhūtaṁ pajānāti …pe… “ayaṁ āsavanirodhagāminī paṭipadā”ti yathābhūtaṁ pajānāti—\nayaṁ adhipaññāsikkhā."}},{"id":"mnd11:59","sourceIds":["mnd11:59.1","mnd11:59.2","mnd11:59.3","mnd11:59.4","mnd11:59.5","mnd11:59.6","mnd11:59.7","mnd11:59.8","mnd11:59.9","mnd11:59.10","mnd11:59.11","mnd11:59.12","mnd11:59.13","mnd11:59.14","mnd11:59.15","mnd11:59.16","mnd11:59.17","mnd11:59.18"],"kind":"text","text":{"pi":"Kathaṅkathī ñāṇapathāya sikkheti.\nKathaṅkathī puggalo sakaṅkho savilekho sadveḷhako savicikiccho, ñāṇādhigamāya ñāṇaphusanāya ñāṇasacchikiriyāya adhisīlampi sikkheyya, adhicittampi sikkheyya, adhipaññampi sikkheyya;\nimā tisso sikkhāyo āvajjanto sikkheyya,\njānanto sikkheyya,\npassanto sikkheyya,\npaccavekkhanto sikkheyya,\ncittaṁ adhiṭṭhahanto sikkheyya,\nsaddhāya adhimuccanto sikkheyya,\nvīriyaṁ paggaṇhanto sikkheyya,\nsatiṁ upaṭṭhahanto sikkheyya,\ncittaṁ samādahanto sikkheyya,\npaññāya pajānanto sikkheyya,\nabhiññeyyaṁ abhijānanto sikkheyya,\npariññeyyaṁ parijānanto sikkheyya,\npahātabbaṁ pajahanto sikkheyya,\nbhāvetabbaṁ bhāvento sikkheyya,\nsacchikātabbaṁ sacchikaronto sikkheyya ācareyya samācareyya samādāya vatteyyāti—\nkathaṅkathī ñāṇapathāya sikkhe."}},{"id":"mnd11:60","sourceIds":["mnd11:60.1","mnd11:60.2","mnd11:60.3","mnd11:60.4","mnd11:60.5","mnd11:60.6","mnd11:60.7","mnd11:60.8","mnd11:60.9","mnd11:60.10","mnd11:60.11","mnd11:60.12","mnd11:60.13","mnd11:60.14","mnd11:60.15","mnd11:60.16","mnd11:60.17","mnd11:60.18","mnd11:60.19","mnd11:60.20","mnd11:60.21","mnd11:60.22"],"kind":"text","text":{"pi":"Ñatvā pavuttā samaṇena dhammāti.\nÑatvāti ñatvā jānitvā tulayitvā tīrayitvā vibhāvayitvā vibhūtaṁ katvā vuttā pavuttā ācikkhitā desitā paññapitā paṭṭhapitā vivaṭā vibhattā uttānīkatā pakāsitā.\n“Sabbe saṅkhārā aniccā”ti ñatvā jānitvā tulayitvā tīrayitvā vibhāvayitvā vibhūtaṁ katvā vuttā pavuttā ācikkhitā desitā paññapitā paṭṭhapitā vivaṭā vibhattā uttānīkatā pakāsitā,\n“sabbe saṅkhārā dukkhā”ti …\n“sabbe dhammā anattā”ti …\n“avijjāpaccayā saṅkhārā”ti …pe…\n“jātipaccayā jarāmaraṇan”ti …\n“avijjānirodhā saṅkhāranirodho”ti …pe…\n“jātinirodhā jarāmaraṇanirodho”ti …\n“idaṁ dukkhan”ti …pe…\n“ayaṁ dukkhanirodhagāminī paṭipadā”ti …\n“ime āsavā”ti …pe…\n“ayaṁ āsavanirodhagāminī paṭipadā”ti …\n“ime dhammā abhiññeyyā”ti …\n“ime dhammā pariññeyyā”ti …\n“ime dhammā pahātabbā”ti …\n“ime dhammā bhāvetabbā”ti …\n“ime dhammā sacchikātabbā”ti …\nchannaṁ phassāyatanānaṁ samudayañca atthaṅgamañca assādañca ādīnavañca nissaraṇañca …\npañcannaṁ upādānakkhandhānaṁ …\ncatunnaṁ mahābhūtānaṁ …\n“yaṁ kiñci samudayadhammaṁ sabbaṁ taṁ nirodhadhamman”ti ñatvā jānitvā tulayitvā tīrayitvā vibhāvayitvā vibhūtaṁ katvā vuttā pavuttā ācikkhitā desitā paññapitā paṭṭhapitā vivaṭā vibhattā uttānīkatā pakāsitā."}},{"id":"mnd11:61","sourceIds":["mnd11:61.1","mnd11:61.2","mnd11:61.3","mnd11:61.4","mnd11:61.5","mnd11:61.6","mnd11:61.7","mnd11:61.8"],"kind":"text","text":{"pi":"Vuttañhetaṁ bhagavatā—\n“abhiññāyāhaṁ, bhikkhave, dhammaṁ desemi, no anabhiññāya.\nSanidānāhaṁ, bhikkhave, dhammaṁ desemi, no anidānaṁ.\nSappāṭihāriyāhaṁ, bhikkhave, dhammaṁ desemi, no appāṭihāriyaṁ.\nTassa mayhaṁ, bhikkhave, abhiññāya dhammaṁ desayato, no anabhiññāya, sanidānaṁ dhammaṁ desayato, no anidānaṁ, sappāṭihāriyaṁ dhammaṁ desayato, no appāṭihāriyaṁ, karaṇīyo ovādo, karaṇīyā anusāsanī.\nAlañca pana, bhikkhave, vo tuṭṭhiyā alaṁ pāmojjāya alaṁ somanassāya sammāsambuddho bhagavā, svākkhāto dhammo, suppaṭipanno saṅghoti …pe….\nImasmiñca pana veyyākaraṇasmiṁ bhaññamāne dasasahassī lokadhātu akampitthā”ti—\nñatvā pavuttā samaṇena dhammā."}},{"id":"mnd11:62","sourceIds":["mnd11:62.1"],"kind":"text","text":{"pi":"Tenāha bhagavā—"}},{"id":"mnd11:63","sourceIds":["mnd11:63.1","mnd11:63.2","mnd11:63.3","mnd11:63.4"],"kind":"text","text":{"pi":"“Kodho mosavajjañca kathaṅkathā ca,\nEtepi dhammā dvayameva sante;\nKathaṅkathī ñāṇapathāya sikkhe,\nÑatvā pavuttā samaṇena dhammā”ti."}},{"id":"mnd11:64","sourceIds":["mnd11:64.1","mnd11:64.2","mnd11:64.3","mnd11:64.4"],"kind":"text","text":{"pi":"Sātaṁ asātañca kutonidānā,\nKismiṁ asante na bhavanti hete;\nVibhavaṁ bhavañcāpi yametamatthaṁ,\nEtaṁ me pabrūhi yatonidānaṁ."}},{"id":"mnd11:65","sourceIds":["mnd11:65.1","mnd11:65.2","mnd11:65.3","mnd11:65.4"],"kind":"text","text":{"pi":"Sātaṁ asātañca kutonidānāti.\nSātā asātā kutonidānā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti sātāsātānaṁ mūlaṁ pucchati …pe…\nsamudayaṁ pucchati papucchati yācati ajjhesati pasādetīti—\nsātaṁ asātañca kutonidānā."}},{"id":"mnd11:66","sourceIds":["mnd11:66.1","mnd11:66.2","mnd11:66.3"],"kind":"text","text":{"pi":"Kismiṁ asante na bhavanti heteti.\nKismiṁ asante asaṁvijjamāne natthi anupalabbhamāne sātāsātā na bhavanti nappabhavanti na jāyanti na sañjāyanti na nibbattanti na abhinibbattantīti—\nkismiṁ asante na bhavanti hete."}},{"id":"mnd11:67","sourceIds":["mnd11:67.1","mnd11:67.2","mnd11:67.3","mnd11:67.4","mnd11:67.5","mnd11:67.6","mnd11:67.7","mnd11:67.8","mnd11:67.9"],"kind":"text","text":{"pi":"Vibhavaṁ bhavañcāpi yametamatthanti.\nKatamo sātāsātānaṁ bhavo?\nYo sātāsātānaṁ bhavo pabhavo jāti sañjāti nibbatti abhinibbatti pātubhāvo—\nayaṁ sātāsātānaṁ bhavo.\nKatamo sātāsātānaṁ vibhavo?\nYo sātāsātānaṁ khayo vayo bhedo paribhedo aniccatā antaradhānaṁ—\nayaṁ sātāsātānaṁ vibhavo.\nYametamatthanti yaṁ paramatthanti—\nvibhavaṁ bhavañcāpi yametamatthaṁ."}},{"id":"mnd11:68","sourceIds":["mnd11:68.1","mnd11:68.2","mnd11:68.3","mnd11:68.4","mnd11:68.5","mnd11:68.6"],"kind":"text","text":{"pi":"Etaṁ me pabrūhi yatonidānanti.\nEtanti yaṁ pucchāmi yaṁ yācāmi yaṁ ajjhesāmi yaṁ pasādemi.\nPabrūhīti brūhi vadehi ācikkha desehi paññapehi paṭṭhapehi vivara vibhaja uttānīkarohi pakāsehīti—\netaṁ me pabrūhi.\nYatonidānanti yaṁnidānaṁ yaṁsamudayaṁ yaṁjātikaṁ yaṁpabhavanti—\netaṁ me pabrūhi yatonidānaṁ."}},{"id":"mnd11:69","sourceIds":["mnd11:69.1"],"kind":"text","text":{"pi":"Tenāha so nimmito—"}},{"id":"mnd11:70","sourceIds":["mnd11:70.1","mnd11:70.2","mnd11:70.3","mnd11:70.4"],"kind":"text","text":{"pi":"“Sātaṁ asātañca kutonidānā,\nKismiṁ asante na bhavanti hete;\nVibhavaṁ bhavañcāpi yametamatthaṁ,\nEtaṁ me pabrūhi yatonidānan”ti."}},{"id":"mnd11:71","sourceIds":["mnd11:71.1","mnd11:71.2","mnd11:71.3","mnd11:71.4"],"kind":"text","text":{"pi":"Phassanidānaṁ sātaṁ asātaṁ,\nPhasse asante na bhavanti hete;\nVibhavaṁ bhavañcāpi yametamatthaṁ,\nEtaṁ te pabrūmi itonidānaṁ."}},{"id":"mnd11:72","sourceIds":["mnd11:72.1","mnd11:72.2","mnd11:72.3","mnd11:72.4","mnd11:72.5","mnd11:72.6","mnd11:72.7","mnd11:72.8","mnd11:72.9","mnd11:72.10"],"kind":"text","text":{"pi":"Phassanidānaṁ sātaṁ asātanti.\nSukhavedanīyaṁ phassaṁ paṭicca uppajjati sukhā vedanā.\nYā tasseva sukhavedanīyassa phassassa nirodhā, yaṁ tajjaṁ vedayitaṁ sukhavedanīyaṁ phassaṁ paṭicca uppannā sukhā vedanā sā nirujjhati, sā vūpasammati.\nDukkhavedanīyaṁ phassaṁ paṭicca uppajjati dukkhā vedanā.\nYā tasseva dukkhavedanīyassa phassassa nirodhā, yaṁ tajjaṁ vedayitaṁ dukkhavedanīyaṁ phassaṁ paṭicca uppannā dukkhā vedanā sā nirujjhati, sā vūpasammati.\nAdukkhamasukhavedanīyaṁ phassaṁ paṭicca uppajjati adukkhamasukhā vedanā.\nYā tasseva adukkhamasukhavedanīyassa phassassa nirodhā, yaṁ tajjaṁ vedayitaṁ adukkhamasukhavedanīyaṁ phassaṁ paṭicca uppannā adukkhamasukhā vedanā sā nirujjhati, vūpasammati.\nPhassanidānaṁ sātaṁ asātanti.\nSātāsātā phassanidānā phassasamudayā phassajātikā phassappabhavāti—\nphassanidānaṁ sātaṁ asātaṁ."}},{"id":"mnd11:73","sourceIds":["mnd11:73.1","mnd11:73.2","mnd11:73.3"],"kind":"text","text":{"pi":"Phasse asante na bhavanti heteti.\nPhasse asante asaṁvijjamāne natthi anupalabbhamāne sātāsātā na bhavanti nappabhavanti na jāyanti na sañjāyanti na nibbattanti nābhinibbattanti na pātubhavantīti—\nphasse asante na bhavanti hete."}},{"id":"mnd11:74","sourceIds":["mnd11:74.1","mnd11:74.2","mnd11:74.3","mnd11:74.4"],"kind":"text","text":{"pi":"Vibhavaṁ bhavañcāpi yametamatthanti.\nBhavadiṭṭhipi phassanidānā, vibhavadiṭṭhipi phassanidānā.\nYametamatthanti yaṁ paramatthanti—\nvibhavaṁ bhavañcāpi yametamatthaṁ."}},{"id":"mnd11:75","sourceIds":["mnd11:75.1","mnd11:75.2","mnd11:75.3","mnd11:75.4","mnd11:75.5","mnd11:75.6"],"kind":"text","text":{"pi":"Etaṁ te pabrūmi itonidānanti.\nEtanti yaṁ pucchasi yaṁ yācasi yaṁ ajjhesasi yaṁ pasādesi.\nPabrūmīti brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti—\netaṁ te pabrūmi.\nItonidānanti ito phassanidānaṁ phassasamudayaṁ phassajātikaṁ phassappabhavanti—\netaṁ te pabrūmi itonidānaṁ."}},{"id":"mnd11:76","sourceIds":["mnd11:76.1"],"kind":"text","text":{"pi":"Tenāha bhagavā—"}},{"id":"mnd11:77","sourceIds":["mnd11:77.1","mnd11:77.2","mnd11:77.3","mnd11:77.4"],"kind":"text","text":{"pi":"“Phassanidānaṁ sātaṁ asātaṁ,\nPhasse asante na bhavanti hete;\nVibhavaṁ bhavañcāpi yametamatthaṁ,\nEtaṁ te pabrūmi itonidānan”ti."}},{"id":"mnd11:78","sourceIds":["mnd11:78.1","mnd11:78.2","mnd11:78.3","mnd11:78.4"],"kind":"text","text":{"pi":"Phasso nu lokasmiṁ kutonidāno,\nPariggahā cāpi kutopahūtā;\nKismiṁ asante na mamattamatthi,\nKismiṁ vibhūte na phusanti phassā."}},{"id":"mnd11:79","sourceIds":["mnd11:79.1","mnd11:79.2","mnd11:79.3","mnd11:79.4"],"kind":"text","text":{"pi":"Phasso nu lokasmiṁ kutonidānoti.\nPhasso kutonidāno kutojāto kutosañjāto kutonibbatto kutoabhinibbatto kutopātubhūto, kiṁnidāno kiṁsamudayo kiṁjātiko kiṁpabhavoti phassassa mūlaṁ pucchati hetuṁ pucchati …pe…\nsamudayaṁ pucchati papucchati yācati ajjhesati pasādetīti—\nphasso nu lokasmiṁ kutonidāno."}},{"id":"mnd11:80","sourceIds":["mnd11:80.1","mnd11:80.2","mnd11:80.3"],"kind":"text","text":{"pi":"Pariggahā cāpi kutopahūtāti pariggahā kutopahūtā kutojātā kutosañjātā kutonibbattā kutoabhinibbattā kutopātubhūtā, kiṁnidānā kiṁsamudayā kiṁjātikā kiṁpabhavāti pariggahānaṁ mūlaṁ pucchati hetuṁ pucchati …pe…\nsamudayaṁ pucchati papucchati yācati ajjhesati pasādetīti—\npariggahā cāpi kutopahūtā."}},{"id":"mnd11:81","sourceIds":["mnd11:81.1","mnd11:81.2","mnd11:81.3"],"kind":"text","text":{"pi":"Kismiṁ asante na mamattamatthīti.\nKismiṁ asante asaṁvijjamāne natthi anupalabbhamāne mamattā natthi na santi na saṁvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti—\nkismiṁ asante na mamattamatthi."}},{"id":"mnd11:82","sourceIds":["mnd11:82.1","mnd11:82.2","mnd11:82.3"],"kind":"text","text":{"pi":"Kismiṁ vibhūte na phusanti phassāti.\nKismiṁ vibhūte vibhavite atikkante samatikkante vītivatte phassā na phusantīti—\nkismiṁ vibhūte na phusanti phassā."}},{"id":"mnd11:83","sourceIds":["mnd11:83.1"],"kind":"text","text":{"pi":"Tenāha so nimmito—"}},{"id":"mnd11:84","sourceIds":["mnd11:84.1","mnd11:84.2","mnd11:84.3","mnd11:84.4"],"kind":"text","text":{"pi":"“Phasso nu lokasmiṁ kutonidāno,\nPariggahā cāpi kutopahūtā;\nKismiṁ asante na mamattamatthi,\nKismiṁ vibhūte na phusanti phassā”ti."}},{"id":"mnd11:85","sourceIds":["mnd11:85.1","mnd11:85.2","mnd11:85.3","mnd11:85.4"],"kind":"text","text":{"pi":"Nāmañca rūpañca paṭicca phasso,\nIcchānidānāni pariggahāni;\nIcchāyasantyā na mamattamatthi,\nRūpe vibhūte na phusanti phassā."}},{"id":"mnd11:86","sourceIds":["mnd11:86.1","mnd11:86.2","mnd11:86.3","mnd11:86.4","mnd11:86.5","mnd11:86.6","mnd11:86.7","mnd11:86.8","mnd11:86.9","mnd11:86.10","mnd11:86.11","mnd11:86.12","mnd11:86.13","mnd11:86.14","mnd11:86.15","mnd11:86.16","mnd11:86.17","mnd11:86.18","mnd11:86.19"],"kind":"text","text":{"pi":"Nāmañca rūpañca paṭicca phassoti.\nCakkhuñca paṭicca rūpe ca uppajjati cakkhuviññāṇaṁ, tiṇṇaṁ saṅgati phasso.\nCakkhu ca rūpā ca rūpasmiṁ cakkhusamphassaṁ ṭhapetvā sampayuttakā dhammā nāmasmiṁ.\nEvampi nāmañca rūpañca paṭicca phasso.\nSotañca paṭicca sadde ca uppajjati sotaviññāṇaṁ, tiṇṇaṁ saṅgati phasso.\nSotañca saddā ca rūpasmiṁ sotasamphassaṁ ṭhapetvā sampayuttakā dhammā nāmasmiṁ.\nEvampi nāmañca rūpañca paṭicca phasso.\nGhānañca paṭicca gandhe ca uppajjati ghānaviññāṇaṁ, tiṇṇaṁ saṅgati phasso.\nGhānañca gandhā ca rūpasmiṁ ghānasamphassaṁ ṭhapetvā sampayuttakā dhammā nāmasmiṁ.\nEvampi nāmañca rūpañca paṭicca phasso.\nJivhañca paṭicca rase ca uppajjati jivhāviññāṇaṁ, tiṇṇaṁ saṅgati phasso.\nJivhā ca rasā ca rūpasmiṁ jivhāsamphassaṁ ṭhapetvā sampayuttakā dhammā nāmasmiṁ.\nEvampi nāmañca rūpañca paṭicca phasso.\nKāyañca paṭicca phoṭṭhabbe ca uppajjati kāyaviññāṇaṁ, tiṇṇaṁ saṅgati phasso.\nKāyo ca phoṭṭhabbā ca rūpasmiṁ kāyasamphassaṁ ṭhapetvā sampayuttakā dhammā nāmasmiṁ.\nEvampi nāmañca rūpañca paṭicca phasso.\nManañca paṭicca dhamme ca uppajjati manoviññāṇaṁ, tiṇṇaṁ saṅgati phasso.\nVatthu rūpaṁ rūpasmiṁ, dhammā rūpino rūpasmiṁ manosamphassaṁ ṭhapetvā sampayuttakā dhammā nāmasmiṁ.\nEvampi nāmañca rūpañca paṭicca phasso."}},{"id":"mnd11:87","sourceIds":["mnd11:87.1","mnd11:87.2","mnd11:87.3","mnd11:87.4","mnd11:87.5","mnd11:87.6","mnd11:87.7","mnd11:87.8","mnd11:87.9","mnd11:87.10"],"kind":"text","text":{"pi":"Icchānidānāni pariggahānīti.\nIcchā vuccati taṇhā.\nYo rāgo sārāgo …pe… abhijjhā lobho akusalamūlaṁ.\nPariggahāti dve pariggahā—\ntaṇhāpariggaho ca diṭṭhipariggaho ca …pe…\nayaṁ taṇhāpariggaho …pe…\nayaṁ diṭṭhipariggaho.\nIcchānidānāni pariggahānīti.\nPariggahā icchānidānā icchāhetukā icchāpaccayā icchākāraṇā icchāpabhavāti—\nicchānidānāni pariggahāni."}},{"id":"mnd11:88","sourceIds":["mnd11:88.1","mnd11:88.2","mnd11:88.3","mnd11:88.4","mnd11:88.5","mnd11:88.6","mnd11:88.7","mnd11:88.8","mnd11:88.9","mnd11:88.10"],"kind":"text","text":{"pi":"Icchāyasantyā na mamattamatthīti.\nIcchā vuccati taṇhā.\nYo rāgo sārāgo …pe… abhijjhā lobho akusalamūlaṁ.\nMamattāti dve mamattā—\ntaṇhāmamattañca diṭṭhimamattañca …pe…\nidaṁ taṇhāmamattaṁ …pe…\nidaṁ diṭṭhimamattaṁ.\nIcchāyasantyā na mamattamatthīti.\nIcchāya asantyā asaṁvijjamānāya natthi anupalabbhamānāya mamattā natthi na santi na saṁvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti—\nicchāyasantyā na mamattamatthi."}},{"id":"mnd11:89","sourceIds":["mnd11:89.1","mnd11:89.2","mnd11:89.3","mnd11:89.4","mnd11:89.5","mnd11:89.6","mnd11:89.7","mnd11:89.8"],"kind":"text","text":{"pi":"Rūpe vibhūte na phusanti phassāti.\nRūpeti cattāro ca mahābhūtā catunnañca mahābhūtānaṁ upādāya rūpaṁ.\nRūpe vibhūteti catūhākārehi rūpaṁ vibhūtaṁ hoti—\nñātavibhūtena, tīraṇavibhūtena, pahānavibhūtena, samatikkamavibhūtena.\nKathaṁ ñātavibhūtena rūpaṁ vibhūtaṁ hoti?\nRūpaṁ jānāti—\n“yaṁ kiñci rūpaṁ sabbaṁ rūpaṁ cattāri ca mahābhūtāni catunnañca mahābhūtānaṁ upādāya rūpan”ti jānāti passati.\nEvaṁ ñātavibhūtena rūpaṁ vibhūtaṁ hoti."}},{"id":"mnd11:90","sourceIds":["mnd11:90.1","mnd11:90.2","mnd11:90.3"],"kind":"text","text":{"pi":"Kathaṁ tīraṇavibhūtena rūpaṁ vibhūtaṁ hoti?\nEvaṁ ñātaṁ katvā rūpaṁ tīreti, aniccato dukkhato rogato gaṇḍato sallato aghato ābādhato parato palokato ītito upaddavato bhayato upasaggato calato pabhaṅguto adhuvato atāṇato aleṇato asaraṇato rittato tucchato suññato anattato ādīnavato vipariṇāmadhammato asārakato aghamūlato vadhakato vibhavato sāsavato saṅkhatato mārāmisato jātidhammato jarādhammato byādhidhammato maraṇadhammato, sokaparidevadukkhadomanassupāyāsadhammato saṅkilesikadhammato samudayato atthaṅgamato, assādato ādīnavato nissaraṇato tīreti.\nEvaṁ tīraṇavibhūtena rūpaṁ vibhūtaṁ hoti."}},{"id":"mnd11:91","sourceIds":["mnd11:91.1","mnd11:91.2","mnd11:91.3","mnd11:91.4","mnd11:91.5","mnd11:91.6"],"kind":"text","text":{"pi":"Kathaṁ pahānavibhūtena rūpaṁ vibhūtaṁ hoti?\nEvaṁ tīrayitvā rūpe chandarāgaṁ pajahati vinodeti byantiṁ karoti anabhāvaṁ gameti.\nVuttañhetaṁ bhagavatā—\n“yo, bhikkhave, rūpasmiṁ chandarāgo taṁ pajahatha.\nEvaṁ taṁ rūpaṁ pahīnaṁ bhavissati ucchinnamūlaṁ tālāvatthukataṁ anabhāvaṅkataṁ āyatiṁ anuppādadhamman”ti.\nEvaṁ pahānavibhūtena rūpaṁ vibhūtaṁ hoti."}},{"id":"mnd11:92","sourceIds":["mnd11:92.1","mnd11:92.2","mnd11:92.3","mnd11:92.4"],"kind":"text","text":{"pi":"Kathaṁ samatikkamavibhūtena rūpaṁ vibhūtaṁ hoti.\nCatasso arūpasamāpattiyo paṭiladdhassa rūpā vibhūtā honti vibhāvitā atikkantā samatikkantā vītivattā.\nEvaṁ samatikkamavibhūtena rūpaṁ vibhūtaṁ hoti.\nImehi catūhi kāraṇehi rūpaṁ vibhūtaṁ hoti."}},{"id":"mnd11:93","sourceIds":["mnd11:93.1","mnd11:93.2","mnd11:93.3","mnd11:93.4"],"kind":"text","text":{"pi":"Rūpe vibhūte na phusanti phassāti.\nRūpe vibhūte vibhāvite atikkante samatikkante vītivatte pañca phassā na phusanti—\ncakkhusamphasso, sotasamphasso, ghānasamphasso, jivhāsamphasso, kāyasamphassoti—\nrūpe vibhūte na phusanti phassā."}},{"id":"mnd11:94","sourceIds":["mnd11:94.1"],"kind":"text","text":{"pi":"Tenāha bhagavā—"}},{"id":"mnd11:95","sourceIds":["mnd11:95.1","mnd11:95.2","mnd11:95.3","mnd11:95.4"],"kind":"text","text":{"pi":"“Nāmañca rūpañca paṭicca phasso,\nIcchānidānāni pariggahāni;\nIcchāyasantyā na mamattamatthi,\nRūpe vibhūte na phusanti phassā”ti."}},{"id":"mnd11:96","sourceIds":["mnd11:96.1","mnd11:96.2","mnd11:96.3","mnd11:96.4"],"kind":"text","text":{"pi":"Kathaṁ sametassa vibhoti rūpaṁ,\nSukhaṁ dukhañcāpi kathaṁ vibhoti;\nEtaṁ me pabrūhi yathā vibhoti,\nTaṁ jāniyāmāti me mano ahu."}},{"id":"mnd11:97","sourceIds":["mnd11:97.1","mnd11:97.2","mnd11:97.3"],"kind":"text","text":{"pi":"Kathaṁ sametassa vibhoti rūpanti.\nKathaṁ sametassāti kathaṁ sametassa kathaṁ paṭipannassa kathaṁ iriyantassa kathaṁ vattentassa kathaṁ pālentassa kathaṁ yapentassa kathaṁ yāpentassa rūpaṁ vibhoti vibhāvīyati atikkamīyati samatikkamīyati vītivattīyatīti—\nkathaṁ sametassa vibhoti rūpaṁ."}},{"id":"mnd11:98","sourceIds":["mnd11:98.1","mnd11:98.2"],"kind":"text","text":{"pi":"Sukhaṁ dukhañcāpi kathaṁ vibhotīti sukhañca dukkhañca kathaṁ vibhoti vibhāvīyati atikkamīyati samatikkamīyati vītivattīyatīti—\nsukhaṁ dukhañcāpi kathaṁ vibhoti."}},{"id":"mnd11:99","sourceIds":["mnd11:99.1","mnd11:99.2","mnd11:99.3","mnd11:99.4","mnd11:99.5","mnd11:99.6","mnd11:99.7"],"kind":"text","text":{"pi":"Etaṁ me pabrūhi yathā vibhotīti.\nEtanti yaṁ pucchāmi yaṁ yācāmi yaṁ ajjhesāmi yaṁ pasādemīti—\netaṁ.\nMe pabrūhīti me pabrūhi ācikkha desehi paññapehi paṭṭhapehi vivara vibhaja uttānīkarohi pakāsehīti—\netaṁ me pabrūhi.\nYathā vibhotīti yathā vibhoti vibhāvīyati atikkamīyati samatikkamīyati vītivattīyatīti—\netaṁ me pabrūhi yathā vibhoti."}},{"id":"mnd11:100","sourceIds":["mnd11:100.1","mnd11:100.2","mnd11:100.3","mnd11:100.4","mnd11:100.5"],"kind":"text","text":{"pi":"Taṁ jāniyāmāti me mano ahūti.\nTaṁ jāniyāmāti taṁ jāneyyāma ājāneyyāma vijāneyyāma paṭivijāneyyāma paṭivijjheyyāmāti—\ntaṁ jāniyāma.\nIti me mano ahūti iti me mano ahu, iti me cittaṁ ahu, iti me saṅkappo ahu, iti me viññāṇaṁ ahūti—\ntaṁ jāniyāma iti me mano ahu."}},{"id":"mnd11:101","sourceIds":["mnd11:101.1"],"kind":"text","text":{"pi":"Tenāha so nimmito—"}},{"id":"mnd11:102","sourceIds":["mnd11:102.1","mnd11:102.2","mnd11:102.3","mnd11:102.4"],"kind":"text","text":{"pi":"“Kathaṁ sametassa vibhoti rūpaṁ,\nSukhaṁ dukhañcāpi kathaṁ vibhoti;\nEtaṁ me pabrūhi yathā vibhoti,\nTaṁ jāniyāmāti me mano ahū”ti."}},{"id":"mnd11:103","sourceIds":["mnd11:103.1","mnd11:103.2","mnd11:103.3","mnd11:103.4"],"kind":"text","text":{"pi":"Na saññasaññī na visaññasaññī,\nNopi asaññī na vibhūtasaññī;\nEvaṁ sametassa vibhoti rūpaṁ,\nSaññānidānā hi papañcasaṅkhā."}},{"id":"mnd11:104","sourceIds":["mnd11:104.1","mnd11:104.2","mnd11:104.3","mnd11:104.4"],"kind":"text","text":{"pi":"Na saññasaññī na visaññasaññīti.\nSaññasaññino vuccanti ye pakatisaññāya ṭhitā, napi so pakatisaññāya ṭhito.\nVisaññasaññino vuccanti ummattakā ye ca khittacittā, napi so ummattako, nopi khittacittoti—\nna saññasaññī na visaññasaññī."}},{"id":"mnd11:105","sourceIds":["mnd11:105.1","mnd11:105.2","mnd11:105.3","mnd11:105.4"],"kind":"text","text":{"pi":"Nopi asaññī na vibhūtasaññīti.\nAsaññino vuccanti nirodhasamāpannā ye ca asaññasattā, napi so nirodhasamāpanno, napi asaññasatto.\nVibhūtasaññino vuccanti ye catunnaṁ arūpasamāpattīnaṁ lābhino, napi so catunnaṁ arūpasamāpattīnaṁ lābhīti—\nnopi asaññī na vibhūtasaññī."}},{"id":"mnd11:106","sourceIds":["mnd11:106.1","mnd11:106.2","mnd11:106.3","mnd11:106.4","mnd11:106.5"],"kind":"text","text":{"pi":"Evaṁ sametassa vibhoti rūpanti.\nIdha bhikkhu sukhassa ca pahānā …pe… catutthaṁ jhānaṁ upasampajja viharati.\nSo evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte ākāsānañcāyatanasamāpattipaṭilābhatthāya cittaṁ abhinīharati abhininnāmeti āruppamaggasamaṅgīti.\nEvaṁ sametassa evaṁ paṭipannassa evaṁ iriyantassa evaṁ vattentassa evaṁ pālentassa evaṁ yapentassa evaṁ yāpentassa rūpaṁ vibhoti vibhāvīyati atikkamīyati samatikkamīyati vītivattīyatīti—\nevaṁ sametassa vibhoti rūpaṁ."}},{"id":"mnd11:107","sourceIds":["mnd11:107.1","mnd11:107.2","mnd11:107.3"],"kind":"text","text":{"pi":"Saññānidānā hi papañcasaṅkhāti.\nPapañcāyeva papañcasaṅkhā taṇhāpapañcasaṅkhā, diṭṭhipapañcasaṅkhā, mānapapañcasaṅkhā saññānidānā saññāsamudayā saññājātikā saññāpabhavāti—\nsaññānidānā hi papañcasaṅkhā."}},{"id":"mnd11:108","sourceIds":["mnd11:108.1"],"kind":"text","text":{"pi":"Tenāha bhagavā—"}},{"id":"mnd11:109","sourceIds":["mnd11:109.1","mnd11:109.2","mnd11:109.3","mnd11:109.4"],"kind":"text","text":{"pi":"“Na saññasaññī na visaññasaññī,\nNopi asaññī na vibhūtasaññī;\nEvaṁ sametassa vibhoti rūpaṁ,\nSaññānidānā hi papañcasaṅkhā”ti."}},{"id":"mnd11:110","sourceIds":["mnd11:110.1","mnd11:110.2","mnd11:110.3","mnd11:110.4","mnd11:110.5"],"kind":"text","text":{"pi":"Yaṁ taṁ apucchimha akittayī no,\nAññaṁ taṁ pucchāma tadiṅgha brūhi;\nEttāvataggaṁ nu vadanti heke,\nYakkhassa suddhiṁ idha paṇḍitāse;\nUdāhu aññampi vadanti etto."}},{"id":"mnd11:111","sourceIds":["mnd11:111.1","mnd11:111.2","mnd11:111.3","mnd11:111.4"],"kind":"text","text":{"pi":"Yaṁ taṁ apucchimha akittayī noti.\nYaṁ taṁ apucchimha ayācimha ajjhesimha pasādayimha.\nAkittayī noti kittitaṁ pakittitaṁ ācikkhitaṁ desitaṁ paññapitaṁ paṭṭhapitaṁ vivaṭaṁ vibhattaṁ uttānīkataṁ pakāsitanti—\nyaṁ taṁ apucchimha akittayī no."}},{"id":"mnd11:112","sourceIds":["mnd11:112.1","mnd11:112.2","mnd11:112.3","mnd11:112.4"],"kind":"text","text":{"pi":"Aññaṁ taṁ pucchāma tadiṅgha brūhīti.\nAññaṁ taṁ pucchāma, aññaṁ taṁ yācāma, aññaṁ taṁ ajjhesāma, aññaṁ taṁ pasādema, uttariṁ taṁ pucchāma.\nTadiṅgha brūhīti iṅgha brūhi ācikkha desehi paññapehi paṭṭhapehi vivara vibhaja uttānīkarohi pakāsehīti—\naññaṁ taṁ pucchāma tadiṅgha brūhi."}},{"id":"mnd11:113","sourceIds":["mnd11:113.1","mnd11:113.2","mnd11:113.3","mnd11:113.4","mnd11:113.5","mnd11:113.6"],"kind":"text","text":{"pi":"Ettāvataggaṁ nu vadanti heke yakkhassa suddhiṁ idha paṇḍitāseti.\nEke samaṇabrāhmaṇā etā arūpasamāpattiyo aggaṁ seṭṭhaṁ visiṭṭhaṁ pāmokkhaṁ uttamaṁ pavaraṁ vadanti kathenti bhaṇanti dīpayanti voharanti.\nYakkhassāti sattassa narassa mānavassa posassa puggalassa jīvassa jāgussa jantussa indagussa manujassa.\nSuddhinti suddhiṁ visuddhiṁ parisuddhiṁ muttiṁ vimuttiṁ parimuttiṁ.\nIdha paṇḍitāseti idha paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti—\nettāvataggaṁ nu vadanti heke yakkhassa suddhiṁ idha paṇḍitāse."}},{"id":"mnd11:114","sourceIds":["mnd11:114.1","mnd11:114.2","mnd11:114.3"],"kind":"text","text":{"pi":"Udāhu aññampi vadanti ettoti.\nUdāhu eke samaṇabrāhmaṇā etā arūpasamāpattiyo atikkamitvā samatikkamitvā vītivattetvā etto arūpasamāpattito aññaṁ uttariṁ yakkhassa suddhiṁ visuddhiṁ parisuddhiṁ muttiṁ vimuttiṁ parimuttiṁ vadanti kathenti bhaṇanti dīpayanti voharantīti—\nudāhu aññampi vadanti etto."}},{"id":"mnd11:115","sourceIds":["mnd11:115.1"],"kind":"text","text":{"pi":"Tenāha so nimmito—"}},{"id":"mnd11:116","sourceIds":["mnd11:116.1","mnd11:116.2","mnd11:116.3","mnd11:116.4","mnd11:116.5"],"kind":"text","text":{"pi":"“Yaṁ taṁ apucchimha akittayī no,\nAññaṁ taṁ pucchāma tadiṅgha brūhi;\nEttāvataggaṁ nu vadanti heke,\nYakkhassa suddhiṁ idha paṇḍitāse;\nUdāhu aññampi vadanti etto”ti."}},{"id":"mnd11:117","sourceIds":["mnd11:117.1","mnd11:117.2","mnd11:117.3","mnd11:117.4"],"kind":"text","text":{"pi":"Ettāvataggampi vadanti heke,\nYakkhassa suddhiṁ idha paṇḍitāse;\nTesaṁ paneke samayaṁ vadanti,\nAnupādisese kusalāvadānā."}},{"id":"mnd11:118","sourceIds":["mnd11:118.1","mnd11:118.2","mnd11:118.3","mnd11:118.4","mnd11:118.5","mnd11:118.6"],"kind":"text","text":{"pi":"Ettāvataggampi vadanti heke, yakkhassa suddhiṁ idha paṇḍitāseti.\nSanteke samaṇabrāhmaṇā sassatavādā, etā arūpasamāpattiyo aggaṁ seṭṭhaṁ visiṭṭhaṁ pāmokkhaṁ uttamaṁ pavaraṁ vadanti kathenti bhaṇanti dīpayanti voharanti.\nYakkhassāti sattassa narassa mānavassa posassa puggalassa jīvassa jāgussa jantussa indagussa manujassa.\nSuddhinti suddhiṁ visuddhiṁ parisuddhiṁ, muttiṁ vimuttiṁ parimuttiṁ.\nIdha paṇḍitāseti idha paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti—\nettāvataggampi vadanti heke yakkhassa suddhiṁ idha paṇḍitāse."}},{"id":"mnd11:119","sourceIds":["mnd11:119.1","mnd11:119.2","mnd11:119.3"],"kind":"text","text":{"pi":"Tesaṁ paneke samayaṁ vadanti, anupādisese kusalāvadānāti tesaṁyeva samaṇabrāhmaṇānaṁ eke samaṇabrāhmaṇā ucchedavādā bhavatajjitā vibhavaṁ abhinandanti, te sattassa samaṁ upasamaṁ vūpasamaṁ nirodhaṁ paṭipassaddhinti vadanti, yato kiṁ, bho, ayaṁ attā kāyassa bhedā ucchijjati vinassati na hoti paraṁ maraṇā, ettāvatā anupādisesoti.\nKusalāvadānāti kusalavādā paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti—\ntesaṁ paneke samayaṁ vadanti anupādisese kusalāvadānā."}},{"id":"mnd11:120","sourceIds":["mnd11:120.1"],"kind":"text","text":{"pi":"Tenāha bhagavā—"}},{"id":"mnd11:121","sourceIds":["mnd11:121.1","mnd11:121.2","mnd11:121.3","mnd11:121.4"],"kind":"text","text":{"pi":"“Ettāvataggampi vadanti heke,\nYakkhassa suddhiṁ idha paṇḍitāse;\nTesaṁ paneke samayaṁ vadanti,\nAnupādisese kusalāvadānā”ti."}},{"id":"mnd11:122","sourceIds":["mnd11:122.1","mnd11:122.2","mnd11:122.3","mnd11:122.4"],"kind":"text","text":{"pi":"Ete ca ñatvā upanissitāti,\nÑatvā munī nissaye so vimaṁsī;\nÑatvā vimutto na vivādameti,\nBhavābhavāya na sameti dhīro."}},{"id":"mnd11:123","sourceIds":["mnd11:123.1","mnd11:123.2","mnd11:123.3","mnd11:123.4"],"kind":"text","text":{"pi":"Ete ca ñatvā upanissitāti.\nEteti diṭṭhigatike.\nUpanissitāti sassatadiṭṭhinissitāti ñatvā, ucchedadiṭṭhinissitāti ñatvā, sassatucchedadiṭṭhinissitāti ñatvā jānitvā tulayitvā tīrayitvā vibhāvayitvā vibhūtaṁ katvāti—\nete ca ñatvā upanissitāti."}},{"id":"mnd11:124","sourceIds":["mnd11:124.1","mnd11:124.2","mnd11:124.3","mnd11:124.4","mnd11:124.5","mnd11:124.6","mnd11:124.7","mnd11:124.8","mnd11:124.9","mnd11:124.10","mnd11:124.11","mnd11:124.12","mnd11:124.13","mnd11:124.14","mnd11:124.15","mnd11:124.16"],"kind":"text","text":{"pi":"Ñatvā munī nissaye so vimaṁsīti.\nMunīti.\nMonaṁ vuccati ñāṇaṁ …pe… saṅgajālamaticca so muni.\nMuni sassatadiṭṭhinissitāti ñatvā, ucchedadiṭṭhinissitāti ñatvā, sassatucchedadiṭṭhinissitāti ñatvā jānitvā tulayitvā tīrayitvā vibhāvayitvā vibhūtaṁ katvā.\nSo vimaṁsīti paṇḍito paññavā buddhimā ñāṇī vibhāvī medhāvīti ñatvā muni nissaye so vimaṁsī.\nÑatvā vimutto na vivādametīti ñatvā jānitvā tulayitvā tīrayitvā vibhāvayitvā vibhūtaṁ katvā.\nVimuttoti mutto vimutto parimutto suvimutto accantaanupādāvimokkhena.\n“Sabbe saṅkhārā aniccā”ti ñatvā jānitvā tulayitvā tīrayitvā vibhāvayitvā vibhūtaṁ katvā mutto vimutto parimutto suvimutto accantaanupādāvimokkhena.\n“Sabbe saṅkhārā dukkhā”ti …\n“sabbe dhammā anattā”ti …pe…\n“yaṁ kiñci samudayadhammaṁ sabbaṁ taṁ nirodhadhamman”ti ñatvā jānitvā tulayitvā tīrayitvā vibhāvayitvā vibhūtaṁ katvā mutto vimutto parimutto suvimutto accantaanupādāvimokkhenāti—\nñatvā vimutto.\nNa vivādametīti na kalahaṁ karoti, na bhaṇḍanaṁ karoti, na viggahaṁ karoti, na vivādaṁ karoti, na medhagaṁ karoti.\nVuttañhetaṁ bhagavatā—\n“evaṁ vimuttacitto kho, aggivessana, bhikkhu na kenaci saṁvadati, na kenaci vivadati, yañca loke vuttaṁ tena ca voharati aparāmasan”ti—\nñatvā vimutto na vivādameti."}},{"id":"mnd11:125","sourceIds":["mnd11:125.1","mnd11:125.2","mnd11:125.3","mnd11:125.4"],"kind":"text","text":{"pi":"Bhavābhavāya na sameti dhīroti.\nBhavābhavāyāti bhavāya kammabhavāya punabbhavāya kāmabhavāya, kammabhavāya kāmabhavāya punabbhavāya rūpabhavāya, kammabhavāya rūpabhavāya punabbhavāya arūpabhavāya, kammabhavāya arūpabhavāya punabbhavāya punappunabbhavāya punappunagatiyā punappunaupapattiyā punappunapaṭisandhiyā punappunaattabhāvāya punappunābhinibbattiyā na sameti na samāgacchati na gaṇhāti na parāmasati nābhinivisati.\nDhīroti dhīro paṇḍito paññavā buddhimā ñāṇī vibhāvī medhāvīti—\nbhavābhavāya na sameti dhīro."}},{"id":"mnd11:126","sourceIds":["mnd11:126.1"],"kind":"text","text":{"pi":"Tenāha bhagavā—"}},{"id":"mnd11:127","sourceIds":["mnd11:127.1","mnd11:127.2","mnd11:127.3","mnd11:127.4"],"kind":"text","text":{"pi":"“Ete ca ñatvā upanissitāti,\nÑatvā munī nissaye so vimaṁsī;\nÑatvā vimutto na vivādameti,\nBhavābhavāya na sameti dhīro”ti."}},{"id":"mnd11:128","sourceIds":["mnd11:128.1"],"kind":"text","text":{"pi":"Kalahavivādasuttaniddeso ekādasamo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mnd11/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}