{"id":"mnd13","title":"13. Mahābyūhasuttaniddesa","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"mnd13","title":"13. Mahābyūhasuttaniddesa","units":[{"id":"mnd13:0","sourceIds":["mnd13:0.1","mnd13:0.2","mnd13:0.3"],"kind":"text","text":{"pi":"Mahāniddesa\nAṭṭhakavagga\n13. Mahābyūhasuttaniddesa"}},{"id":"mnd13:1","sourceIds":["mnd13:1.1"],"kind":"text","text":{"pi":"Atha mahābyūhasuttaniddesaṁ vakkhati—"}},{"id":"mnd13:2","sourceIds":["mnd13:2.1","mnd13:2.2","mnd13:2.3","mnd13:2.4"],"kind":"text","text":{"pi":"Ye kecime diṭṭhiparibbasānā,\nIdameva saccanti ca vādayanti;\nSabbeva te nindamanvānayanti,\nAtho pasaṁsampi labhanti tattha."}},{"id":"mnd13:3","sourceIds":["mnd13:3.1","mnd13:3.2","mnd13:3.3","mnd13:3.4","mnd13:3.5","mnd13:3.6","mnd13:3.7","mnd13:3.8","mnd13:3.9","mnd13:3.10"],"kind":"text","text":{"pi":"Ye kecime diṭṭhiparibbasānāti.\nYe kecīti sabbena sabbaṁ sabbathā sabbaṁ asesaṁ nissesaṁ pariyādiyanavacanametaṁ—\nye kecīti.\nDiṭṭhiparibbasānāti.\nSanteke samaṇabrāhmaṇā diṭṭhigatikā;\nte dvāsaṭṭhiyā diṭṭhigatānaṁ aññataraññataraṁ diṭṭhigataṁ gahetvā uggahetvā gaṇhitvā parāmasitvā abhinivisitvā sakāya sakāya diṭṭhiyā vasanti saṁvasanti āvasanti parivasanti.\nYathā agārikā vā gharesu vasanti, sāpattikā vā āpattīsu vasanti, sakilesā vā kilesesu vasanti;\nevamevaṁ santeke …pe…\nparivasantīti—\nye kecime diṭṭhiparibbasānā."}},{"id":"mnd13:4","sourceIds":["mnd13:4.1","mnd13:4.2","mnd13:4.3","mnd13:4.4","mnd13:4.5"],"kind":"text","text":{"pi":"Idameva saccanti ca vādayantīti.\n“Sassato loko, idameva saccaṁ moghamaññan”ti vadanti kathenti bhaṇanti dīpayanti voharanti.\n“Asassato loko …pe…\nneva hoti na na hoti tathāgato paraṁ maraṇā, idameva saccaṁ moghamaññan”ti vadanti kathenti bhaṇanti dīpayanti voharantīti—\nidameva saccanti ca vādayanti."}},{"id":"mnd13:5","sourceIds":["mnd13:5.1","mnd13:5.2","mnd13:5.3","mnd13:5.4"],"kind":"text","text":{"pi":"Sabbeva te nindamanvānayantīti.\nSabbeva te samaṇabrāhmaṇā nindameva anventi, garahameva anventi, akittimeva anventi;\nsabbe ninditāyeva honti, garahitāyeva honti, akittitāyeva hontīti—\nsabbeva te nindamanvānayanti."}},{"id":"mnd13:6","sourceIds":["mnd13:6.1","mnd13:6.2","mnd13:6.3"],"kind":"text","text":{"pi":"Atho pasaṁsampi labhanti tatthāti.\nTattha sakāya diṭṭhiyā sakāya khantiyā sakāya ruciyā sakāya laddhiyā pasaṁsaṁ thomanaṁ kittiṁ vaṇṇahārikaṁ labhanti paṭilabhanti upagacchanti vindantīti—\natho pasaṁsampi labhanti tattha."}},{"id":"mnd13:7","sourceIds":["mnd13:7.1"],"kind":"text","text":{"pi":"Tenāha so nimmito—"}},{"id":"mnd13:8","sourceIds":["mnd13:8.1","mnd13:8.2","mnd13:8.3","mnd13:8.4"],"kind":"text","text":{"pi":"“Ye kecime diṭṭhiparibbasānā,\nIdameva saccanti ca vādayanti;\nSabbeva te nindamanvānayanti,\nAtho pasaṁsampi labhanti tatthā”ti."}},{"id":"mnd13:9","sourceIds":["mnd13:9.1","mnd13:9.2","mnd13:9.3","mnd13:9.4"],"kind":"text","text":{"pi":"Appañhi etaṁ na alaṁ samāya,\nDuve vivādassa phalāni brūmi;\nEtampi disvā na vivādayetha,\nKhemābhipassaṁ avivādabhūmiṁ."}},{"id":"mnd13:10","sourceIds":["mnd13:10.1","mnd13:10.2","mnd13:10.3","mnd13:10.4","mnd13:10.5"],"kind":"text","text":{"pi":"Appañhi etaṁ na alaṁ samāyāti.\nAppañhi etanti appakaṁ etaṁ, omakaṁ etaṁ, thokakaṁ etaṁ, lāmakaṁ etaṁ, chatukkaṁ etaṁ, parittakaṁ etanti—\nappañhi etaṁ.\nNa alaṁ samāyāti nālaṁ rāgassa samāya, dosassa samāya, mohassa samāya, kodhassa … upanāhassa … makkhassa … paḷāsassa … issāya … macchariyassa … māyāya … sāṭheyyassa … thambhassa … sārambhassa … mānassa … atimānassa … madassa … pamādassa … sabbakilesānaṁ … sabbaduccaritānaṁ … sabbadarathānaṁ … sabbapariḷāhānaṁ … sabbasantāpānaṁ … sabbākusalābhisaṅkhārānaṁ samāya upasamāya vūpasamāya nibbānāya paṭinissaggāya paṭipassaddhiyāti—\nappañhi etaṁ na alaṁ samāya."}},{"id":"mnd13:11","sourceIds":["mnd13:11.1","mnd13:11.2","mnd13:11.3","mnd13:11.4","mnd13:11.5"],"kind":"text","text":{"pi":"Duve vivādassa phalāni brūmīti.\nDiṭṭhikalahassa diṭṭhibhaṇḍanassa diṭṭhiviggahassa diṭṭhivivādassa diṭṭhimedhagassa dve phalāni honti—\njayaparājayo hoti, lābhālābho hoti, yasāyaso hoti, nindāpasaṁso hoti, sukhadukkhaṁ hoti, somanassadomanassaṁ hoti, iṭṭhāniṭṭhaṁ hoti, anunayapaṭighaṁ hoti, ugghātinigghāti hoti, anurodhavirodho hoti.\nAtha vā taṁ kammaṁ nirayasaṁvattanikaṁ, tiracchānayonisaṁvattanikaṁ, pettivisayasaṁvattanikanti brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti—\nduve vivādassa phalāni brūmi."}},{"id":"mnd13:12","sourceIds":["mnd13:12.1","mnd13:12.2","mnd13:12.3","mnd13:12.4","mnd13:12.5"],"kind":"text","text":{"pi":"Etampi disvā na vivādayethāti.\nEtampi disvāti etaṁ ādīnavaṁ disvā passitvā tulayitvā tīrayitvā vibhāvayitvā vibhūtaṁ katvā diṭṭhikalahesu diṭṭhibhaṇḍanesu diṭṭhiviggahesu diṭṭhivivādesu diṭṭhimedhagesūti—\netampi disvā.\nNa vivādayethāti na kalahaṁ kareyya, na bhaṇḍanaṁ kareyya, na viggahaṁ kareyya, na vivādaṁ kareyya, na medhagaṁ kareyya, kalahaṁ bhaṇḍanaṁ viggahaṁ vivādaṁ medhagaṁ pajaheyya vinodeyya byantiṁ kareyya anabhāvaṁ gameyya, kalahā bhaṇḍanā viggahā vivādā medhagā ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti—\netampi disvā na vivādayetha."}},{"id":"mnd13:13","sourceIds":["mnd13:13.1","mnd13:13.2","mnd13:13.3","mnd13:13.4","mnd13:13.5"],"kind":"text","text":{"pi":"Khemābhipassaṁ avivādabhūminti.\nAvivādabhūmiṁ vuccati amataṁ nibbānaṁ.\nYo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.\nEtaṁ avivādabhūmiṁ khemato tāṇato leṇato saraṇato abhayato accutato amatato nibbānato passanto dakkhanto olokento nijjhāyanto upaparikkhantoti—\nkhemābhipassaṁ avivādabhūmiṁ."}},{"id":"mnd13:14","sourceIds":["mnd13:14.1"],"kind":"text","text":{"pi":"Tenāha bhagavā—"}},{"id":"mnd13:15","sourceIds":["mnd13:15.1","mnd13:15.2","mnd13:15.3","mnd13:15.4"],"kind":"text","text":{"pi":"“Appañhi etaṁ na alaṁ samāya,\nDuve vivādassa phalāni brūmi;\nEtampi disvā na vivādayetha,\nKhemābhipassaṁ avivādabhūmin”ti."}},{"id":"mnd13:16","sourceIds":["mnd13:16.1","mnd13:16.2","mnd13:16.3","mnd13:16.4"],"kind":"text","text":{"pi":"Yā kācimā sammutiyo puthujjā,\nSabbāva etā na upeti vidvā;\nAnūpayo so upayaṁ kimeyya,\nDiṭṭhe sute khantimakubbamāno."}},{"id":"mnd13:17","sourceIds":["mnd13:17.1","mnd13:17.2","mnd13:17.3","mnd13:17.4","mnd13:17.5","mnd13:17.6","mnd13:17.7"],"kind":"text","text":{"pi":"Yā kācimā sammutiyo puthujjāti.\nYā kācīti sabbena sabbaṁ sabbathā sabbaṁ asesaṁ nissesaṁ pariyādiyanavacanametaṁ—\nyā kācīti.\nSammutiyoti.\nSammutiyo vuccanti dvāsaṭṭhi diṭṭhigatāni diṭṭhisammutiyo.\nPuthujjāti puthujjanehi janitā sammutiyoti puthujjā, puthu nānājanehi janitā vā sammutiyoti puthujjāti—\nyā kācimā sammutiyo puthujjā."}},{"id":"mnd13:18","sourceIds":["mnd13:18.1","mnd13:18.2","mnd13:18.3","mnd13:18.4"],"kind":"text","text":{"pi":"Sabbāva etā na upeti vidvāti.\nVidvā vijjāgato ñāṇī vibhāvī medhāvī.\nSabbāva etā diṭṭhisammutiyo neti na upeti na upagacchati na gaṇhāti na parāmasati nābhinivisatīti—\nsabbāva etā na upeti vidvā."}},{"id":"mnd13:19","sourceIds":["mnd13:19.1","mnd13:19.2","mnd13:19.3","mnd13:19.4","mnd13:19.5","mnd13:19.6","mnd13:19.7","mnd13:19.8","mnd13:19.9","mnd13:19.10","mnd13:19.11","mnd13:19.12","mnd13:19.13","mnd13:19.14","mnd13:19.15","mnd13:19.16","mnd13:19.17","mnd13:19.18"],"kind":"text","text":{"pi":"Anūpayo so upayaṁ kimeyyāti.\nUpayoti dve upayā—\ntaṇhūpayo ca diṭṭhūpayo ca …pe…\nayaṁ taṇhūpayo …pe…\nayaṁ diṭṭhūpayo.\nTassa taṇhūpayo pahīno, diṭṭhūpayo paṭinissaṭṭho;\ntaṇhūpayassa pahīnattā, diṭṭhūpayassa paṭinissaṭṭhattā anūpayo puggalo kiṁ rūpaṁ upeyya upagaccheyya gaṇheyya parāmaseyya abhiniveseyya attā meti.\nKiṁ vedanaṁ …\nkiṁ saññaṁ …\nkiṁ saṅkhāre …\nkiṁ viññāṇaṁ …\nkiṁ gatiṁ …\nkiṁ upapattiṁ …\nkiṁ paṭisandhiṁ …\nkiṁ bhavaṁ …\nkiṁ saṁsāraṁ …\nkiṁ vaṭṭaṁ upeyya upagaccheyya gaṇheyya parāmaseyya abhiniveseyyāti—\nanūpayo so upayaṁ kimeyya."}},{"id":"mnd13:20","sourceIds":["mnd13:20.1","mnd13:20.2","mnd13:20.3"],"kind":"text","text":{"pi":"Diṭṭhe sute khantimakubbamānoti.\nDiṭṭhe vā diṭṭhasuddhiyā vā sute vā sutasuddhiyā vā mute vā mutasuddhiyā vā khantiṁ akubbamāno chandaṁ akubbamāno pemaṁ akubbamāno rāgaṁ akubbamāno ajanayamāno asañjanayamāno anibbattayamāno anabhinibbattayamānoti—\ndiṭṭhe sute khantimakubbamāno."}},{"id":"mnd13:21","sourceIds":["mnd13:21.1"],"kind":"text","text":{"pi":"Tenāha bhagavā—"}},{"id":"mnd13:22","sourceIds":["mnd13:22.1","mnd13:22.2","mnd13:22.3","mnd13:22.4"],"kind":"text","text":{"pi":"“Yā kācimā sammutiyo puthujjā,\nSabbāva etā na upeti vidvā;\nAnūpayo so upayaṁ kimeyya,\nDiṭṭhe sute khantimakubbamāno”ti."}},{"id":"mnd13:23","sourceIds":["mnd13:23.1","mnd13:23.2","mnd13:23.3","mnd13:23.4"],"kind":"text","text":{"pi":"Sīluttamā saññamenāhu suddhiṁ,\nVataṁ samādāya upaṭṭhitāse;\nIdheva sikkhema athassa suddhiṁ,\nBhavūpanītā kusalāvadānā."}},{"id":"mnd13:24","sourceIds":["mnd13:24.1","mnd13:24.2","mnd13:24.3"],"kind":"text","text":{"pi":"Sīluttamā saññamenāhu suddhinti.\nSanteke samaṇabrāhmaṇā sīluttamavādā;\nte sīlamattena saññamamattena saṁvaramattena avītikkamamattena suddhiṁ visuddhiṁ parivisuddhiṁ, muttiṁ vimuttiṁ parivimuttiṁ āhaṁsu vadanti kathenti bhaṇanti dīpayanti voharanti."}},{"id":"mnd13:25","sourceIds":["mnd13:25.1","mnd13:25.2","mnd13:25.3","mnd13:25.4","mnd13:25.5","mnd13:25.6","mnd13:25.7","mnd13:25.8"],"kind":"text","text":{"pi":"Samaṇamuṇḍikāputto evamāha—\n“catūhi kho ahaṁ, gahapati, dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhaṁ.\nKatamehi catūhi?\nIdha, gahapati, na kāyena pāpakammaṁ karoti, na pāpikaṁ vācaṁ bhāsati, na pāpakaṁ saṅkappaṁ saṅkappeti, na pāpakaṁ ājīvaṁ ājīvati.\nImehi kho ahaṁ, gahapati, catūhi dhammehi samannāgataṁ purisapuggalaṁ paññapemi sampannakusalaṁ paramakusalaṁ uttamapattipattaṁ samaṇaṁ ayojjhaṁ;\nevamevaṁ santeke samaṇabrāhmaṇā sīluttamavādā;\nte sīlamattena saññamamattena saṁvaramattena avītikkamamattena suddhiṁ visuddhiṁ parisuddhiṁ, muttiṁ vimuttiṁ parimuttiṁ āhaṁsu vadanti kathenti bhaṇanti dīpayanti voharantī”ti—\nsīluttamā saññamenāhu suddhiṁ."}},{"id":"mnd13:26","sourceIds":["mnd13:26.1","mnd13:26.2","mnd13:26.3"],"kind":"text","text":{"pi":"Vataṁ samādāya upaṭṭhitāseti.\nVatanti hatthivataṁ vā assavataṁ vā govataṁ vā kukkuravataṁ vā kākavataṁ vā vāsudevavataṁ vā baladevavataṁ vā puṇṇabhaddavataṁ vā maṇibhaddavataṁ vā aggivataṁ vā nāgavataṁ vā supaṇṇavataṁ vā yakkhavataṁ vā asuravataṁ vā gandhabbavataṁ vā mahārājavataṁ vā candavataṁ vā sūriyavataṁ vā indavataṁ vā brahmavataṁ vā devavataṁ vā disāvataṁ vā ādāya samādāya ādiyitvā samādiyitvā gaṇhitvā parāmasitvā abhinivisitvā upaṭṭhitā paccupaṭṭhitā allīnā upagatā ajjhositā adhimuttāti—\nvataṁ samādāya upaṭṭhitāse."}},{"id":"mnd13:27","sourceIds":["mnd13:27.1","mnd13:27.2","mnd13:27.3","mnd13:27.4","mnd13:27.5","mnd13:27.6"],"kind":"text","text":{"pi":"Idheva sikkhema athassa suddhinti.\nIdhāti sakāya diṭṭhiyā sakāya khantiyā sakāya ruciyā sakāya laddhiyā.\nSikkhemāti sikkhema ācarema samācarema samādāya vattemāti—\nidheva sikkhema.\nAthassa suddhinti athassa suddhiṁ visuddhiṁ parisuddhiṁ, muttiṁ vimuttiṁ parimuttinti—\nidheva sikkhema athassa suddhiṁ."}},{"id":"mnd13:28","sourceIds":["mnd13:28.1","mnd13:28.2","mnd13:28.3","mnd13:28.4","mnd13:28.5"],"kind":"text","text":{"pi":"Bhavūpanītā kusalāvadānāti.\nBhavūpanītāti bhavūpanītā bhavūpagatā bhavajjhositā bhavādhimuttāti—\nbhavūpanītā.\nKusalāvadānāti kusalavādā paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti—\nbhavūpanītā kusalāvadānā."}},{"id":"mnd13:29","sourceIds":["mnd13:29.1"],"kind":"text","text":{"pi":"Tenāha bhagavā—"}},{"id":"mnd13:30","sourceIds":["mnd13:30.1","mnd13:30.2","mnd13:30.3","mnd13:30.4"],"kind":"text","text":{"pi":"“Sīluttamā saññamenāhu suddhiṁ,\nVataṁ samādāya upaṭṭhitāse;\nIdheva sikkhema athassa suddhiṁ,\nBhavūpanītā kusalāvadānā”ti."}},{"id":"mnd13:31","sourceIds":["mnd13:31.1","mnd13:31.2","mnd13:31.3","mnd13:31.4"],"kind":"text","text":{"pi":"Sace cuto sīlavatato hoti,\nPavedhatī kamma virādhayitvā;\nPajappatī patthayatī ca suddhiṁ,\nSatthāva hīno pavasaṁ gharamhā."}},{"id":"mnd13:32","sourceIds":["mnd13:32.1","mnd13:32.2","mnd13:32.3","mnd13:32.4","mnd13:32.5","mnd13:32.6","mnd13:32.7","mnd13:32.8","mnd13:32.9","mnd13:32.10","mnd13:32.11","mnd13:32.12"],"kind":"text","text":{"pi":"Sace cuto sīlavatato hotīti.\nDvīhi kāraṇehi sīlavatato cavati—\nparavicchindanāya vā cavati, anabhisambhuṇanto vā cavati.\nKathaṁ paravicchindanāya cavati?\nParo vicchindati so satthā na sabbaññū, dhammo na svākkhāto, gaṇo na suppaṭipanno, diṭṭhi na bhaddikā, paṭipadā na supaññattā, maggo na niyyāniko, natthettha suddhi vā visuddhi vā parisuddhi vā, mutti vā vimutti vā parimutti vā, natthettha sujjhanti vā visujjhanti vā parisujjhanti vā, muccanti vā vimuccanti vā, parimuccanti vā, hīnā nihīnā omakā lāmakā chatukkā parittāti.\nEvaṁ paro vicchindati.\nEvaṁ vicchindiyamāno satthārā cavati, dhammakkhānā cavati, gaṇā cavati, diṭṭhiyā cavati, paṭipadāya cavati, maggato cavati.\nEvaṁ paravicchindanāya cavati.\nKathaṁ anabhisambhuṇanto cavati?\nSīlaṁ anabhisambhuṇanto sīlato cavati, vataṁ anabhisambhuṇanto vatato cavati, sīlabbataṁ anabhisambhuṇanto sīlabbatato cavati.\nEvaṁ anabhisambhuṇanto cavatīti—\nsace cuto sīlavatato hoti."}},{"id":"mnd13:33","sourceIds":["mnd13:33.1","mnd13:33.2","mnd13:33.3","mnd13:33.4","mnd13:33.5"],"kind":"text","text":{"pi":"Pavedhati kamma virādhayitvāti.\nPavedhatīti sīlaṁ vā vataṁ vā sīlabbataṁ vā “viraddhaṁ mayā, aparaddhaṁ mayā, khalitaṁ mayā, galitaṁ mayā, aññāya aparaddho ahan”ti vedhati pavedhati sampavedhatīti—\npavedhati.\nKamma virādhayitvāti puññābhisaṅkhāraṁ vā apuññābhisaṅkhāraṁ vā āneñjābhisaṅkhāraṁ vā “viraddhaṁ mayā, aparaddhaṁ mayā, khalitaṁ mayā, galitaṁ mayā, aññāya aparaddho ahan”ti vedhati pavedhati sampavedhatīti—\npavedhati kamma virādhayitvā."}},{"id":"mnd13:34","sourceIds":["mnd13:34.1","mnd13:34.2","mnd13:34.3","mnd13:34.4","mnd13:34.5"],"kind":"text","text":{"pi":"Pajappatī patthayatī ca suddhinti.\nPajappatīti sīlaṁ vā jappati, vataṁ vā jappati, sīlabbataṁ vā jappati pajappati abhijappatīti—\npajappati.\nPatthayatī ca suddhinti sīlasuddhiṁ vā pattheti, vatasuddhiṁ vā pattheti, sīlabbatasuddhiṁ vā pattheti piheti abhijappatīti—\npajappatī patthayatī ca suddhiṁ."}},{"id":"mnd13:35","sourceIds":["mnd13:35.1","mnd13:35.2","mnd13:35.3","mnd13:35.4"],"kind":"text","text":{"pi":"Satthāva hīno pavasaṁ gharamhāti.\nYathā puriso gharato nikkhanto satthena pavasaṁ vasanto satthā ohīno, taṁ vā satthaṁ anubandhati sakaṁ vā gharaṁ paccāgacchati;\nevamevaṁ so diṭṭhigatiko taṁ vā satthāraṁ gaṇhāti aññaṁ vā satthāraṁ gaṇhāti, taṁ vā dhammakkhānaṁ gaṇhāti aññaṁ vā dhammakkhānaṁ gaṇhāti, taṁ vā gaṇaṁ gaṇhāti aññaṁ vā gaṇaṁ gaṇhāti, taṁ vā diṭṭhiṁ gaṇhāti aññaṁ vā diṭṭhiṁ gaṇhāti, taṁ vā paṭipadaṁ gaṇhāti aññaṁ vā paṭipadaṁ gaṇhāti, taṁ vā maggaṁ gaṇhāti aññaṁ vā maggaṁ gaṇhāti parāmasati abhinivisatīti—\nsatthāva hīno pavasaṁ gharamhā."}},{"id":"mnd13:36","sourceIds":["mnd13:36.1"],"kind":"text","text":{"pi":"Tenāha bhagavā—"}},{"id":"mnd13:37","sourceIds":["mnd13:37.1","mnd13:37.2","mnd13:37.3","mnd13:37.4"],"kind":"text","text":{"pi":"“Sace cuto sīlavatato hoti,\nPavedhatī kamma virādhayitvā;\nPajappatī patthayatī ca suddhiṁ,\nSatthāva hīno pavasaṁ gharamhā”ti."}},{"id":"mnd13:38","sourceIds":["mnd13:38.1","mnd13:38.2","mnd13:38.3","mnd13:38.4"],"kind":"text","text":{"pi":"Sīlabbataṁ vāpi pahāya sabbaṁ,\nKammañca sāvajjanavajjametaṁ;\nSuddhiṁ asuddhinti apatthayāno,\nVirato care santimanuggahāya."}},{"id":"mnd13:39","sourceIds":["mnd13:39.1","mnd13:39.2","mnd13:39.3"],"kind":"text","text":{"pi":"Sīlabbataṁ vāpi pahāya sabbanti.\nSabbā sīlasuddhiyo pahāya pajahitvā vinodetvā byantiṁ karitvā anabhāvaṁ gametvā, sabbā vatasuddhiyo pahāya pajahitvā vinodetvā byantiṁ karitvā anabhāvaṁ gametvā, sabbā sīlabbatasuddhiyo pahāya pajahitvā vinodetvā byantiṁ karitvā anabhāvaṁ gametvāti—\nsīlabbataṁ vāpi pahāya sabbaṁ."}},{"id":"mnd13:40","sourceIds":["mnd13:40.1","mnd13:40.2","mnd13:40.3","mnd13:40.4","mnd13:40.5","mnd13:40.6","mnd13:40.7"],"kind":"text","text":{"pi":"Kammañca sāvajjanavajjametanti.\nSāvajjakammaṁ vuccati—\nkaṇhaṁ kaṇhavipākaṁ.\nAnavajjakammaṁ vuccati—\nsukkaṁ sukkavipākaṁ.\nSāvajjañca kammaṁ anavajjañca kammaṁ pahāya pajahitvā vinodetvā byantiṁ karitvā anabhāvaṁ gametvāti—\nkammañca sāvajjanavajjametaṁ."}},{"id":"mnd13:41","sourceIds":["mnd13:41.1","mnd13:41.2","mnd13:41.3","mnd13:41.4","mnd13:41.5","mnd13:41.6","mnd13:41.7","mnd13:41.8","mnd13:41.9","mnd13:41.10","mnd13:41.11","mnd13:41.12","mnd13:41.13","mnd13:41.14"],"kind":"text","text":{"pi":"Suddhiṁ asuddhinti apatthayānoti.\nAsuddhinti asuddhiṁ patthenti, akusale dhamme patthenti.\nSuddhinti suddhiṁ patthenti, pañca kāmaguṇe patthenti;\nasuddhiṁ patthenti, akusale dhamme patthenti, pañca kāmaguṇe patthenti;\nsuddhiṁ patthenti, dvāsaṭṭhi diṭṭhigatāni patthenti, asuddhiṁ patthenti, akusale dhamme patthenti, pañca kāmaguṇe patthenti, dvāsaṭṭhi diṭṭhigatāni patthenti;\nsuddhiṁ patthenti;\ntedhātuke kusale dhamme patthenti, asuddhiṁ patthenti, akusale dhamme patthenti, pañca kāmaguṇe patthenti, dvāsaṭṭhi diṭṭhigatāni patthenti, tedhātuke kusale dhamme patthenti;\nsuddhiṁ patthenti, puthujjanakalyāṇakā niyāmāvakkantiṁ patthenti.\nSekkhā aggadhammaṁ arahattaṁ patthenti.\nArahatte patte arahā neva akusale dhamme pattheti, napi pañca kāmaguṇe pattheti, napi dvāsaṭṭhi diṭṭhigatāni pattheti, napi tedhātuke kusale dhamme pattheti, napi niyāmāvakkantiṁ pattheti, napi aggadhammaṁ arahattaṁ pattheti.\nPatthanā samatikkanto arahā vuddhipārihānivītivatto.\nSo vuṭṭhavāso ciṇṇacaraṇo …pe…\njātijarāmaraṇasaṁsāro natthi tassa punabbhavoti—\nsuddhiṁ asuddhinti apatthayāno."}},{"id":"mnd13:42","sourceIds":["mnd13:42.1","mnd13:42.2","mnd13:42.3","mnd13:42.4","mnd13:42.5","mnd13:42.6","mnd13:42.7","mnd13:42.8"],"kind":"text","text":{"pi":"Virato care santimanuggahāyāti.\nViratoti suddhiasuddhiyā ārato assa virato paṭivirato nikkhanto nissaṭo vippamutto visaññutto, vimariyādikatena cetasā viharatīti—\nvirato.\nCareti careyya vicareyya vihareyya iriyeyya vatteyya pāleyya yapeyya yāpeyyāti—\nvirato care.\nSantimanuggahāyāti.\nSantiyo vuccanti dvāsaṭṭhi diṭṭhigatāni diṭṭhisantiyo agaṇhanto aparāmasanto anabhinivisantoti—\nvirato care santimanuggahāya."}},{"id":"mnd13:43","sourceIds":["mnd13:43.1"],"kind":"text","text":{"pi":"Tenāha bhagavā—"}},{"id":"mnd13:44","sourceIds":["mnd13:44.1","mnd13:44.2","mnd13:44.3","mnd13:44.4"],"kind":"text","text":{"pi":"“Sīlabbataṁ vāpi pahāya sabbaṁ,\nKammañca sāvajjanavajjametaṁ;\nSuddhiṁ asuddhinti apatthayāno,\nVirato care santimanuggahāyā”ti."}},{"id":"mnd13:45","sourceIds":["mnd13:45.1","mnd13:45.2","mnd13:45.3","mnd13:45.4"],"kind":"text","text":{"pi":"Tamūpanissāya jigucchitaṁ vā,\nAtha vāpi diṭṭhaṁ va sutaṁ mutaṁ vā;\nUddhaṁsarā suddhimanutthunanti,\nAvītataṇhāse bhavābhavesu."}},{"id":"mnd13:46","sourceIds":["mnd13:46.1","mnd13:46.2","mnd13:46.3"],"kind":"text","text":{"pi":"Tamūpanissāya jigucchitaṁ vāti.\nSanteke samaṇabrāhmaṇā tapojigucchavādā tapojigucchasārā tapojigucchanissitā ānissitā allīnā upagatā ajjhositā adhimuttāti—\ntamūpanissāya jigucchitaṁ vā."}},{"id":"mnd13:47","sourceIds":["mnd13:47.1","mnd13:47.2","mnd13:47.3"],"kind":"text","text":{"pi":"Atha vāpi diṭṭhaṁ va sutaṁ mutaṁ vāti.\nDiṭṭhaṁ vā diṭṭhasuddhiṁ vā sutaṁ vā sutasuddhiṁ vā mutaṁ vā mutasuddhiṁ vā nissāya upanissāya gaṇhitvā parāmasitvā abhinivisitvāti—\natha vāpi diṭṭhaṁ va sutaṁ mutaṁ vā."}},{"id":"mnd13:48","sourceIds":["mnd13:48.1","mnd13:48.2","mnd13:48.3","mnd13:48.4","mnd13:48.5","mnd13:48.6","mnd13:48.7"],"kind":"text","text":{"pi":"Uddhaṁsarā suddhimanutthunantīti.\nSanteke samaṇabrāhmaṇā uddhaṁsarāvādā.\nKatame te samaṇabrāhmaṇā uddhaṁsarāvādā?\nYe te samaṇabrāhmaṇā accantasuddhikā, saṁsārasuddhikā, akiriyadiṭṭhikā, sassatavādā—\nime te samaṇabrāhmaṇā uddhaṁsarāvādā.\nTe saṁsāre suddhiṁ visuddhiṁ parisuddhiṁ, muttiṁ vimuttiṁ parimuttiṁ thunanti vadanti kathenti bhaṇanti dīpayanti voharantīti—\nuddhaṁsarā suddhimanutthunanti."}},{"id":"mnd13:49","sourceIds":["mnd13:49.1","mnd13:49.2","mnd13:49.3","mnd13:49.4"],"kind":"text","text":{"pi":"Avītataṇhāse bhavābhavesūti.\nTaṇhāti rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā.\nBhavābhavesūti bhavābhave kammabhave punabbhave kāmabhave, kammabhave kāmabhave punabbhave rūpabhave, kammabhave rūpabhave punabbhave arūpabhave, kammabhave arūpabhave punabbhave punappunabbhave punappunagatiyā punappunaupapattiyā punappunapaṭisandhiyā punappunaattabhāvābhinibbattiyā avītataṇhā avigatataṇhā acattataṇhā avantataṇhā amuttataṇhā appahīnataṇhā appaṭinissaṭṭhataṇhāti—\navītataṇhāse bhavābhavesu."}},{"id":"mnd13:50","sourceIds":["mnd13:50.1"],"kind":"text","text":{"pi":"Tenāha bhagavā—"}},{"id":"mnd13:51","sourceIds":["mnd13:51.1","mnd13:51.2","mnd13:51.3","mnd13:51.4"],"kind":"text","text":{"pi":"“Tamūpanissāya jigucchitaṁ vā,\nAtha vāpi diṭṭhaṁ va sutaṁ mutaṁ vā;\nUddhaṁsarā suddhimanutthunanti,\nAvītataṇhāse bhavābhavesū”ti."}},{"id":"mnd13:52","sourceIds":["mnd13:52.1","mnd13:52.2","mnd13:52.3","mnd13:52.4"],"kind":"text","text":{"pi":"Patthayamānassa hi jappitāni,\nPavedhitaṁ vāpi pakappitesu;\nCutūpapāto idha yassa natthi,\nSa kena vedheyya kuhiṁ va jappe."}},{"id":"mnd13:53","sourceIds":["mnd13:53.1","mnd13:53.2","mnd13:53.3","mnd13:53.4","mnd13:53.5","mnd13:53.6","mnd13:53.7","mnd13:53.8","mnd13:53.9"],"kind":"text","text":{"pi":"Patthayamānassa hi jappitānīti.\nPatthanā vuccati taṇhā.\nYo rāgo sārāgo …pe… abhijjhā lobho akusalamūlaṁ.\nPatthayamānassāti patthayamānassa icchamānassa sādiyamānassa pihayamānassa abhijappamānassāti—\npatthayamānassa hi.\nJappitānīti.\nJappanā vuccati taṇhā.\nYo rāgo sārāgo …pe… abhijjhā lobho akusalamūlanti—\npatthayamānassa hi jappitāni."}},{"id":"mnd13:54","sourceIds":["mnd13:54.1","mnd13:54.2","mnd13:54.3","mnd13:54.4","mnd13:54.5","mnd13:54.6","mnd13:54.7","mnd13:54.8","mnd13:54.9"],"kind":"text","text":{"pi":"Pavedhitaṁ vāpi pakappitesūti.\nPakappanāti dve pakappanā—\ntaṇhāpakappanā ca diṭṭhipakappanā ca …pe…\nayaṁ taṇhāpakappanā …pe…\nayaṁ diṭṭhipakappanā.\nPavedhitaṁ vāpi pakappitesūti.\nPakappitaṁ vatthuṁ acchedasaṅkinopi vedhenti, acchijjantepi vedhenti, acchinnepi vedhenti;\npakappitaṁ vatthuṁ vipariṇāmasaṅkinopi vedhenti, vipariṇamantepi vedhenti, vipariṇatepi vedhenti pavedhenti sampavedhentīti—\npavedhitaṁ vāpi pakappitesu."}},{"id":"mnd13:55","sourceIds":["mnd13:55.1","mnd13:55.2","mnd13:55.3","mnd13:55.4"],"kind":"text","text":{"pi":"Cutūpapāto idha yassa natthīti.\nYassāti arahato khīṇāsavassa.\nYassa gamanaṁ āgamanaṁ gamanāgamanaṁ kālaṁ gati bhavābhavo cuti ca upapatti ca nibbatti ca bhedo ca jāti ca jarāmaraṇañca natthi na santi na saṁvijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti—\ncutūpapāto idha yassa natthi."}},{"id":"mnd13:56","sourceIds":["mnd13:56.1","mnd13:56.2","mnd13:56.3","mnd13:56.4","mnd13:56.5","mnd13:56.6","mnd13:56.7","mnd13:56.8","mnd13:56.9"],"kind":"text","text":{"pi":"Sa kena vedheyya kuhiṁ va jappeti.\nSo kena rāgena vedheyya, kena dosena vedheyya, kena mohena vedheyya, kena mānena vedheyya, kāya diṭṭhiyā vedheyya, kena uddhaccena vedheyya, kāya vicikicchāya vedheyya, kehi anusayehi vedheyya—\nrattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti vā thāmagatoti vā.\nTe abhisaṅkhārā pahīnā;\nabhisaṅkhārānaṁ pahīnattā gatiyā kena vedheyya—\nnerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā, so hetu natthi paccayo natthi kāraṇaṁ natthi yena vedheyya pavedheyya sampavedheyyāti—\nsa kena vedheyya.\nKuhiṁva jappeti kuhiṁ vā jappeyya kimhi jappeyya, kattha jappeyya pajappeyya abhijappeyyāti—\nsa kena vedheyya kuhiṁ va jappe."}},{"id":"mnd13:57","sourceIds":["mnd13:57.1"],"kind":"text","text":{"pi":"Tenāha bhagavā—"}},{"id":"mnd13:58","sourceIds":["mnd13:58.1","mnd13:58.2","mnd13:58.3","mnd13:58.4"],"kind":"text","text":{"pi":"“Patthayamānassa hi jappitāni,\nPavedhitaṁ vāpi pakappitesu;\nCutūpapāto idha yassa natthi,\nSa kena vedheyya kuhiṁ va jappe”ti."}},{"id":"mnd13:59","sourceIds":["mnd13:59.1","mnd13:59.2","mnd13:59.3","mnd13:59.4"],"kind":"text","text":{"pi":"Yamāhu dhammaṁ paramanti eke,\nTameva hīnanti panāhu aññe;\nSacco nu vādo katamo imesaṁ,\nSabbeva hīme kusalāvadānā."}},{"id":"mnd13:60","sourceIds":["mnd13:60.1","mnd13:60.2","mnd13:60.3"],"kind":"text","text":{"pi":"Yamāhu dhammaṁ paramanti eketi.\nYaṁ dhammaṁ diṭṭhiṁ paṭipadaṁ maggaṁ eke samaṇabrāhmaṇā “idaṁ paramaṁ aggaṁ seṭṭhaṁ visiṭṭhaṁ pāmokkhaṁ uttamaṁ pavaran”ti, evamāhaṁsu evaṁ kathenti evaṁ bhaṇanti evaṁ dīpayanti evaṁ voharantīti—\nyamāhu dhammaṁ paramanti eke."}},{"id":"mnd13:61","sourceIds":["mnd13:61.1","mnd13:61.2"],"kind":"text","text":{"pi":"Tameva hīnanti panāhu aññeti tameva dhammaṁ diṭṭhiṁ paṭipadaṁ maggaṁ eke samaṇabrāhmaṇā “hīnaṁ etaṁ, nihīnaṁ etaṁ, omakaṁ etaṁ, lāmakaṁ etaṁ, chatukkaṁ etaṁ, parittakaṁ etan”ti, evamāhaṁsu evaṁ kathenti evaṁ bhaṇanti evaṁ dīpayanti evaṁ voharantīti—\ntameva hīnanti panāhu aññe."}},{"id":"mnd13:62","sourceIds":["mnd13:62.1","mnd13:62.2","mnd13:62.3"],"kind":"text","text":{"pi":"Sacco nu vādo katamo imesanti.\nImesaṁ samaṇabrāhmaṇānaṁ vādo katamo sacco taccho tatho bhūto yāthāvo aviparītoti—\nsacco nu vādo katamo imesaṁ."}},{"id":"mnd13:63","sourceIds":["mnd13:63.1","mnd13:63.2","mnd13:63.3"],"kind":"text","text":{"pi":"Sabbeva hīme kusalāvadānāti.\nSabbevime samaṇabrāhmaṇā kusalavādā paṇḍitavādā thiravādā ñāyavādā hetuvādā lakkhaṇavādā kāraṇavādā ṭhānavādā sakāya laddhiyāti—\nsabbeva hīme kusalāvadānā."}},{"id":"mnd13:64","sourceIds":["mnd13:64.1"],"kind":"text","text":{"pi":"Tenāha so nimmito—"}},{"id":"mnd13:65","sourceIds":["mnd13:65.1","mnd13:65.2","mnd13:65.3","mnd13:65.4"],"kind":"text","text":{"pi":"“Yamāhu dhammaṁ paramanti eke,\nTameva hīnanti panāhu aññe;\nSacco nu vādo katamo imesaṁ,\nSabbeva hīme kusalāvadānā”ti."}},{"id":"mnd13:66","sourceIds":["mnd13:66.1","mnd13:66.2","mnd13:66.3","mnd13:66.4"],"kind":"text","text":{"pi":"Sakañhi dhammaṁ paripuṇṇamāhu,\nAññassa dhammaṁ pana hīnamāhu;\nEvampi viggayha vivādayanti,\nSakaṁ sakaṁ sammutimāhu saccaṁ."}},{"id":"mnd13:67","sourceIds":["mnd13:67.1","mnd13:67.2","mnd13:67.3"],"kind":"text","text":{"pi":"Sakañhi dhammaṁ paripuṇṇamāhūti sakaṁ dhammaṁ diṭṭhiṁ paṭipadaṁ maggaṁ eke samaṇabrāhmaṇā “idaṁ samattaṁ paripuṇṇaṁ anoman”ti, evamāhaṁsu …pe…\nevaṁ voharantīti—\nsakañhi dhammaṁ paripuṇṇamāhu."}},{"id":"mnd13:68","sourceIds":["mnd13:68.1","mnd13:68.2","mnd13:68.3"],"kind":"text","text":{"pi":"Aññassa dhammaṁ pana hīnamāhūti.\nAññassa dhammaṁ diṭṭhiṁ paṭipadaṁ maggaṁ eke samaṇabrāhmaṇā “hīnaṁ etaṁ, nihīnaṁ etaṁ, omakaṁ etaṁ, lāmakaṁ etaṁ, chatukkaṁ etaṁ, parittakaṁ etan”ti, evamāhaṁsu evaṁ kathenti evaṁ bhaṇanti evaṁ dīpayanti evaṁ voharantīti—\naññassa dhammaṁ pana hīnamāhu."}},{"id":"mnd13:69","sourceIds":["mnd13:69.1","mnd13:69.2","mnd13:69.3","mnd13:69.4"],"kind":"text","text":{"pi":"Evampi viggayha vivādayantīti evaṁ gahetvā uggahetvā gaṇhitvā parāmasitvā abhinivisitvā vivādayanti, kalahaṁ karonti, bhaṇḍanaṁ karonti, viggahaṁ karonti, vivādaṁ karonti, medhagaṁ karonti—\n“na tvaṁ imaṁ dhammavinayaṁ ājānāsi …pe…\nnibbeṭhehi vā sace pahosī”ti—\nevampi viggayha vivādayanti."}},{"id":"mnd13:70","sourceIds":["mnd13:70.1","mnd13:70.2","mnd13:70.3","mnd13:70.4","mnd13:70.5","mnd13:70.6"],"kind":"text","text":{"pi":"Sakaṁ sakaṁ sammutimāhu saccanti.\n“Sassato loko, idameva saccaṁ moghamaññan”ti—\nsakaṁ sakaṁ sammutimāhu saccaṁ.\n“Asassato loko …pe…\nneva hoti na na hoti tathāgato paraṁ maraṇā, idameva saccaṁ moghamaññan”ti—\nsakaṁ sakaṁ sammutimāhu saccaṁ."}},{"id":"mnd13:71","sourceIds":["mnd13:71.1"],"kind":"text","text":{"pi":"Tenāha bhagavā—"}},{"id":"mnd13:72","sourceIds":["mnd13:72.1","mnd13:72.2","mnd13:72.3","mnd13:72.4"],"kind":"text","text":{"pi":"“Sakañhi dhammaṁ paripuṇṇamāhu,\nAññassa dhammaṁ pana hīnamāhu;\nEvampi viggayha vivādayanti,\nSakaṁ sakaṁ sammutimāhu saccan”ti."}},{"id":"mnd13:73","sourceIds":["mnd13:73.1","mnd13:73.2","mnd13:73.3","mnd13:73.4"],"kind":"text","text":{"pi":"Parassa ce vambhayitena hīno,\nNa koci dhammesu visesi assa;\nPuthū hi aññassa vadanti dhammaṁ,\nNihīnato samhi daḷhaṁ vadānā."}},{"id":"mnd13:74","sourceIds":["mnd13:74.1","mnd13:74.2"],"kind":"text","text":{"pi":"Parassa ce vambhayitena hīnoti parassa ce vambhayitakāraṇā ninditakāraṇā garahitakāraṇā upavaditakāraṇā paro bālo hoti hīno nihīno omako lāmako chatukko parittoti—\nparassa ce vambhayitena hīno."}},{"id":"mnd13:75","sourceIds":["mnd13:75.1","mnd13:75.2","mnd13:75.3"],"kind":"text","text":{"pi":"Na koci dhammesu visesi assāti.\nDhammesu na koci aggo seṭṭho visiṭṭho pāmokkho uttamo pavaro assāti—\nna koci dhammesu visesi assa."}},{"id":"mnd13:76","sourceIds":["mnd13:76.1","mnd13:76.2","mnd13:76.3"],"kind":"text","text":{"pi":"Puthū hi aññassa vadanti dhammaṁ, nihīnatoti.\nBahukāpi bahūnaṁ dhammaṁ vadanti upavadanti nindanti garahanti hīnato nihīnato omakato lāmakato chatukkato parittato, bahukāpi ekassa dhammaṁ vadanti upavadanti nindanti garahanti hīnato nihīnato omakato lāmakato chatukkato parittato, ekopi bahūnaṁ dhammaṁ vadati upavadati nindati garahati hīnato nihīnato omakato lāmakato chatukkato parittato, ekopi ekassa dhammaṁ vadati upavadati nindati garahati hīnato nihīnato omakato lāmakato chatukkato parittatoti—\nputhū hi aññassa vadanti dhammaṁ."}},{"id":"mnd13:77","sourceIds":["mnd13:77.1","mnd13:77.2","mnd13:77.3"],"kind":"text","text":{"pi":"Nihīnato samhi daḷhaṁ vadānāti.\nDhammo sakāyanaṁ, diṭṭhi sakāyanaṁ, paṭipadā sakāyanaṁ, maggo sakāyanaṁ, sakāyane daḷhavādā thiravādā balikavādā aṭṭhitavādāti—\nnihīnato samhi daḷhaṁ vadānā."}},{"id":"mnd13:78","sourceIds":["mnd13:78.1"],"kind":"text","text":{"pi":"Tenāha bhagavā—"}},{"id":"mnd13:79","sourceIds":["mnd13:79.1","mnd13:79.2","mnd13:79.3","mnd13:79.4"],"kind":"text","text":{"pi":"“Parassa ce vambhayitena hīno,\nNa koci dhammesu visesi assa;\nPuthū hi aññassa vadanti dhammaṁ,\nNihīnato samhi daḷhaṁ vadānā”ti."}},{"id":"mnd13:80","sourceIds":["mnd13:80.1","mnd13:80.2","mnd13:80.3","mnd13:80.4"],"kind":"text","text":{"pi":"Saddhammapūjāpi nesaṁ tatheva,\nYathā pasaṁsanti sakāyanāni;\nSabbeva vādā tathiyā bhaveyyuṁ,\nSuddhī hi nesaṁ paccattameva."}},{"id":"mnd13:81","sourceIds":["mnd13:81.1","mnd13:81.2","mnd13:81.3","mnd13:81.4","mnd13:81.5","mnd13:81.6","mnd13:81.7","mnd13:81.8"],"kind":"text","text":{"pi":"Saddhammapūjāpi nesaṁ tathevāti.\nKatamā saddhammapūjā?\nSakaṁ satthāraṁ sakkaroti garuṁ karoti māneti pūjeti “ayaṁ satthā sabbaññū”ti—\nayaṁ saddhammapūjā.\nSakaṁ dhammakkhānaṁ sakaṁ gaṇaṁ sakaṁ diṭṭhiṁ sakaṁ paṭipadaṁ sakaṁ maggaṁ sakkaroti garuṁ karoti māneti pūjeti “ayaṁ maggo niyyāniko”ti—\nayaṁ saddhammapūjā.\nSaddhammapūjāpi nesaṁ tathevāti saddhammapūjā tathā tacchā bhūtā yāthāvā aviparītāti—\nsaddhammapūjāpi nesaṁ tatheva."}},{"id":"mnd13:82","sourceIds":["mnd13:82.1","mnd13:82.2","mnd13:82.3"],"kind":"text","text":{"pi":"Yathā pasaṁsanti sakāyanānīti.\nDhammo sakāyanaṁ diṭṭhi sakāyanaṁ paṭipadā sakāyanaṁ maggo sakāyanaṁ, sakāyanāni pasaṁsanti thomenti kittenti vaṇṇentīti—\nyathā pasaṁsanti sakāyanāni."}},{"id":"mnd13:83","sourceIds":["mnd13:83.1","mnd13:83.2"],"kind":"text","text":{"pi":"Sabbeva vādā tathiyā bhaveyyunti sabbeva vādā tathā tacchā bhūtā yāthāvā aviparītā bhaveyyunti—\nsabbeva vādā tathiyā bhaveyyuṁ."}},{"id":"mnd13:84","sourceIds":["mnd13:84.1","mnd13:84.2","mnd13:84.3"],"kind":"text","text":{"pi":"Suddhī hi nesaṁ paccattamevāti.\nPaccattameva tesaṁ samaṇabrāhmaṇānaṁ suddhi visuddhi parisuddhi, mutti vimutti parimuttīti—\nsuddhī hi nesaṁ paccattameva."}},{"id":"mnd13:85","sourceIds":["mnd13:85.1"],"kind":"text","text":{"pi":"Tenāha bhagavā—"}},{"id":"mnd13:86","sourceIds":["mnd13:86.1","mnd13:86.2","mnd13:86.3","mnd13:86.4"],"kind":"text","text":{"pi":"“Saddhammapūjāpi nesaṁ tatheva,\nYathā pasaṁsanti sakāyanāni;\nSabbeva vādā tathiyā bhaveyyuṁ,\nSuddhī hi nesaṁ paccattamevā”ti."}},{"id":"mnd13:87","sourceIds":["mnd13:87.1","mnd13:87.2","mnd13:87.3","mnd13:87.4"],"kind":"text","text":{"pi":"Na brāhmaṇassa paraneyyamatthi,\nDhammesu niccheyya samuggahītaṁ;\nTasmā vivādāni upātivatto,\nNa hi seṭṭhato passati dhammamaññaṁ."}},{"id":"mnd13:88","sourceIds":["mnd13:88.1","mnd13:88.2","mnd13:88.3","mnd13:88.4","mnd13:88.5","mnd13:88.6","mnd13:88.7","mnd13:88.8"],"kind":"text","text":{"pi":"Na brāhmaṇassa paraneyyamatthīti.\nNāti paṭikkhepo.\nBrāhmaṇoti sattannaṁ dhammānaṁ bāhitattā brāhmaṇo …pe… asito tādi pavuccate sa brahmā.\nNa brāhmaṇassa paraneyyamatthīti brāhmaṇassa paraneyyatā natthi, brāhmaṇo na paraneyyo, na parapattiyo, na parapaccayo, na parapaṭibaddhagū jānāti passati asammūḷho sampajāno paṭissato.\n“Sabbe saṅkhārā aniccā”ti brāhmaṇassa paraneyyatā natthi, brāhmaṇo na paraneyyo, na parapattiyo, na parapaccayo, na parapaṭibaddhagū jānāti passati asammūḷho sampajāno paṭissato.\n“Sabbe saṅkhārā dukkhā”ti …pe…\n“yaṁ kiñci samudayadhammaṁ sabbaṁ taṁ nirodhadhamman”ti brāhmaṇassa paraneyyatā natthi, brāhmaṇo na paraneyyo, na parapattiyo, na parapaccayo, na parapaṭibaddhagū jānāti passati asammūḷho sampajāno paṭissatoti—\nna brāhmaṇassa paraneyyamatthi."}},{"id":"mnd13:89","sourceIds":["mnd13:89.1","mnd13:89.2","mnd13:89.3","mnd13:89.4","mnd13:89.5"],"kind":"text","text":{"pi":"Dhammesu niccheyya samuggahītanti.\nDhammesūti dvāsaṭṭhiyā diṭṭhigatesu.\nNiccheyyāti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṁ katvā.\nSamuggahītanti odhiggāho bilaggāho varaggāho koṭṭhāsaggāho uccayaggāho samuccayaggāho “idaṁ saccaṁ tathaṁ bhūtaṁ yāthāvaṁ aviparītan”ti gahitaṁ parāmaṭṭhaṁ abhiniviṭṭhaṁ ajjhositaṁ adhimuttaṁ natthi na santi na saṁvijjati nupalabbhati, pahīnaṁ samucchinnaṁ vūpasantaṁ paṭipassaddhaṁ abhabbuppattikaṁ ñāṇagginā daḍḍhanti—\ndhammesu niccheyya samuggahītaṁ."}},{"id":"mnd13:90","sourceIds":["mnd13:90.1","mnd13:90.2","mnd13:90.3"],"kind":"text","text":{"pi":"Tasmā vivādāni upātivattoti.\nTasmāti tasmā taṅkāraṇā taṁhetu tappaccayā taṁnidānā diṭṭhikalahāni diṭṭhibhaṇḍanāni diṭṭhiviggahāni diṭṭhivivādāni diṭṭhimedhagāni upātivatto atikkanto samatikkanto vītivattoti—\ntasmā vivādāni upātivatto."}},{"id":"mnd13:91","sourceIds":["mnd13:91.1","mnd13:91.2","mnd13:91.3"],"kind":"text","text":{"pi":"Na hi seṭṭhato passati dhammamaññanti.\nAññaṁ satthāraṁ dhammakkhānaṁ gaṇaṁ diṭṭhiṁ paṭipadaṁ maggaṁ aññatra satipaṭṭhānehi, aññatra sammappadhānehi, aññatra iddhipādehi, aññatra indriyehi, aññatra balehi, aññatra bojjhaṅgehi, aññatra ariyā aṭṭhaṅgikā maggā, aggaṁ seṭṭhaṁ visiṭṭhaṁ pāmokkhaṁ uttamaṁ pavaraṁ dhammaṁ na passati na dakkhati na oloketi na nijjhāyati na upaparikkhatīti—\nna hi seṭṭhato passati dhammamaññaṁ."}},{"id":"mnd13:92","sourceIds":["mnd13:92.1"],"kind":"text","text":{"pi":"Tenāha bhagavā—"}},{"id":"mnd13:93","sourceIds":["mnd13:93.1","mnd13:93.2","mnd13:93.3","mnd13:93.4"],"kind":"text","text":{"pi":"“Na brāhmaṇassa paraneyyamatthi,\nDhammesu niccheyya samuggahītaṁ;\nTasmā vivādāni upātivatto,\nNa hi seṭṭhato passati dhammamaññan”ti."}},{"id":"mnd13:94","sourceIds":["mnd13:94.1","mnd13:94.2","mnd13:94.3","mnd13:94.4"],"kind":"text","text":{"pi":"Jānāmi passāmi tatheva etaṁ,\nDiṭṭhiyā eke paccenti suddhiṁ;\nAdakkhi ce kiñhi tumassa tena,\nAtisitvā aññena vadanti suddhiṁ."}},{"id":"mnd13:95","sourceIds":["mnd13:95.1","mnd13:95.2","mnd13:95.3","mnd13:95.4","mnd13:95.5"],"kind":"text","text":{"pi":"Jānāmi passāmi tatheva etanti.\nJānāmīti paracittañāṇena vā jānāmi, pubbenivāsānussatiñāṇena vā jānāmi.\nPassāmīti maṁsacakkhunā vā passāmi, dibbena cakkhunā vā passāmi.\nTatheva etanti etaṁ tathaṁ tacchaṁ bhūtaṁ yāthāvaṁ aviparītanti—\njānāmi passāmi tatheva etaṁ."}},{"id":"mnd13:96","sourceIds":["mnd13:96.1","mnd13:96.2","mnd13:96.3","mnd13:96.4","mnd13:96.5","mnd13:96.6"],"kind":"text","text":{"pi":"Diṭṭhiyā eke paccenti suddhinti.\nDiṭṭhiyā eke samaṇabrāhmaṇā suddhiṁ visuddhiṁ parisuddhiṁ, muttiṁ vimuttiṁ parimuttiṁ paccenti.\n“Sassato loko, idameva saccaṁ moghamaññan”ti diṭṭhiyā eke samaṇabrāhmaṇā suddhiṁ visuddhiṁ parisuddhiṁ, muttiṁ vimuttiṁ parimuttiṁ paccenti.\n“Asassato loko …pe…\nneva hoti na na hoti tathāgato paraṁ maraṇā, idameva saccaṁ moghamaññan”ti diṭṭhiyā eke samaṇabrāhmaṇā suddhiṁ visuddhiṁ parisuddhiṁ, muttiṁ vimuttiṁ parimuttiṁ paccentīti—\ndiṭṭhiyā eke paccenti suddhiṁ."}},{"id":"mnd13:97","sourceIds":["mnd13:97.1","mnd13:97.2","mnd13:97.3","mnd13:97.4","mnd13:97.5","mnd13:97.6","mnd13:97.7"],"kind":"text","text":{"pi":"Adakkhi ce kiñhi tumassa tenāti.\nAdakkhīti paracittañāṇena vā adakkhi, pubbenivāsānussatiñāṇena vā adakkhi, maṁsacakkhunā vā adakkhi, dibbena cakkhunā vā adakkhīti—\nadakkhi ce.\nKiñhi tumassa tenāti.\nTassa tena dassanena kiṁ kataṁ?\nNa dukkhapariññā atthi, na samudayassa pahānaṁ atthi, na maggabhāvanā atthi, na phalasacchikiriyā atthi, na rāgassa samucchedapahānaṁ atthi, na dosassa samucchedapahānaṁ atthi, na mohassa samucchedapahānaṁ atthi, na kilesānaṁ samucchedapahānaṁ atthi, na saṁsāravaṭṭassa upacchedo atthīti—\nadakkhi ce kiñhi tumassa tena."}},{"id":"mnd13:98","sourceIds":["mnd13:98.1","mnd13:98.2"],"kind":"text","text":{"pi":"Atisitvā aññena vadanti suddhinti te titthiyā suddhimaggaṁ visuddhimaggaṁ parisuddhimaggaṁ vodātamaggaṁ parivodātamaggaṁ atikkamitvā samatikkamitvā vītivattitvā aññatra satipaṭṭhānehi, aññatra sammappadhānehi, aññatra iddhipādehi, aññatra indriyehi, aññatra balehi, aññatra bojjhaṅgehi, aññatra ariyā aṭṭhaṅgikā maggā suddhiṁ visuddhiṁ parisuddhiṁ, muttiṁ vimuttiṁ parimuttiṁ vadanti kathenti bhaṇanti dīpayanti voharantīti.\nEvampi atisitvā aññena vadanti suddhiṁ."}},{"id":"mnd13:99","sourceIds":["mnd13:99.1","mnd13:99.2"],"kind":"text","text":{"pi":"Atha vā buddhā ca buddhasāvakā ca paccekabuddhā ca tesaṁ titthiyānaṁ asuddhimaggaṁ avisuddhimaggaṁ aparisuddhimaggaṁ avodātamaggaṁ aparivodātamaggaṁ atikkamitvā samatikkamitvā vītivattitvā catūhi satipaṭṭhānehi catūhi sammappadhānehi catūhi iddhipādehi pañcahi indriyehi pañcahi balehi sattahi bojjhaṅgehi ariyena aṭṭhaṅgikena maggena suddhiṁ visuddhiṁ parisuddhiṁ, muttiṁ vimuttiṁ parimuttiṁ vadanti kathenti bhaṇanti dīpayanti voharantīti—\nevampi atisitvā aññena vadanti suddhiṁ."}},{"id":"mnd13:100","sourceIds":["mnd13:100.1"],"kind":"text","text":{"pi":"Tenāha bhagavā—"}},{"id":"mnd13:101","sourceIds":["mnd13:101.1","mnd13:101.2","mnd13:101.3","mnd13:101.4"],"kind":"text","text":{"pi":"“Jānāmi passāmi tatheva etaṁ,\nDiṭṭhiyā eke paccenti suddhiṁ;\nAdakkhi ce kiñhi tumassa tena,\nAtisitvā aññena vadanti suddhin”ti."}},{"id":"mnd13:102","sourceIds":["mnd13:102.1","mnd13:102.2","mnd13:102.3","mnd13:102.4"],"kind":"text","text":{"pi":"Passaṁ naro dakkhati nāmarūpaṁ,\nDisvāna vā ñassati tānimeva;\nKāmaṁ bahuṁ passatu appakaṁ vā,\nNa hi tena suddhiṁ kusalā vadanti."}},{"id":"mnd13:103","sourceIds":["mnd13:103.1","mnd13:103.2"],"kind":"text","text":{"pi":"Passaṁ naro dakkhati nāmarūpanti passaṁ naro dakkhati paracittañāṇena vā passanto, pubbenivāsānussatiñāṇena vā passanto, maṁsacakkhunā vā passanto, dibbena cakkhunā vā passanto nāmarūpaṁyeva dakkhati niccato sukhato attato, na tesaṁ dhammānaṁ samudayaṁ vā atthaṅgamaṁ vā assādaṁ vā ādīnavaṁ vā nissaraṇaṁ vā dakkhatīti—\npassaṁ naro dakkhati nāmarūpaṁ."}},{"id":"mnd13:104","sourceIds":["mnd13:104.1","mnd13:104.2","mnd13:104.3"],"kind":"text","text":{"pi":"Disvāna vā ñassati tānimevāti.\nDisvāti paracittañāṇena vā disvā, pubbenivāsānussatiñāṇena vā disvā, maṁsacakkhunā vā disvā, dibbena cakkhunā vā disvā, nāmarūpaṁyeva disvā ñassati niccato sukhato attato, na tesaṁ dhammānaṁ samudayaṁ vā atthaṅgamaṁ vā assādaṁ vā ādīnavaṁ vā nissaraṇaṁ vā ñassatīti—\ndisvāna vā ñassati tānimeva."}},{"id":"mnd13:105","sourceIds":["mnd13:105.1","mnd13:105.2","mnd13:105.3"],"kind":"text","text":{"pi":"Kāmaṁ bahuṁ passatu appakaṁ vāti.\nKāmaṁ bahukaṁ vā passanto nāmarūpaṁ appakaṁ vā niccato sukhato attatoti—\nkāmaṁ bahuṁ passatu appakaṁ vā."}},{"id":"mnd13:106","sourceIds":["mnd13:106.1","mnd13:106.2","mnd13:106.3"],"kind":"text","text":{"pi":"Na hi tena suddhiṁ kusalā vadantīti.\nKusalāti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhipādakusalā indriyakusalā balakusalā bojjhaṅgakusalā maggakusalā phalakusalā nibbānakusalā, te kusalā paracittañāṇena vā pubbenivāsānussatiñāṇena vā maṁsacakkhunā vā dibbena cakkhunā vā nāmarūpadassanena suddhiṁ visuddhiṁ parisuddhiṁ muttiṁ vimuttiṁ parimuttiṁ na vadanti na kathenti na bhaṇanti na dīpayanti na voharantīti—\nna hi tena suddhiṁ kusalā vadanti."}},{"id":"mnd13:107","sourceIds":["mnd13:107.1"],"kind":"text","text":{"pi":"Tenāha bhagavā—"}},{"id":"mnd13:108","sourceIds":["mnd13:108.1","mnd13:108.2","mnd13:108.3","mnd13:108.4"],"kind":"text","text":{"pi":"“Passaṁ naro dakkhati nāmarūpaṁ,\nDisvāna vā ñassati tānimeva;\nKāmaṁ bahuṁ passatu appakaṁ vā,\nNa hi tena suddhiṁ kusalā vadantī”ti."}},{"id":"mnd13:109","sourceIds":["mnd13:109.1","mnd13:109.2","mnd13:109.3","mnd13:109.4"],"kind":"text","text":{"pi":"Nivissavādī na hi subbināyo,\nPakappitā diṭṭhipurakkharāno;\nYaṁ nissito tattha subhaṁ vadāno,\nSuddhiṁ vado tattha tathaddasā so."}},{"id":"mnd13:110","sourceIds":["mnd13:110.1","mnd13:110.2","mnd13:110.3","mnd13:110.4","mnd13:110.5","mnd13:110.6","mnd13:110.7","mnd13:110.8"],"kind":"text","text":{"pi":"Nivissavādī na hi subbināyoti.\n“Sassato loko, idameva saccaṁ moghamaññan”ti nivissavādī,\n“asassato loko …pe…\nneva hoti na na hoti tathāgato paraṁ maraṇā, idameva saccaṁ moghamaññan”ti—\nnivissavādī.\nNa hi subbināyoti.\nNivissavādī dubbinayo duppaññāpayo dunnijjhāpayo duppekkhāpayo duppasādayoti—\nnivissavādī na hi subbināyo."}},{"id":"mnd13:111","sourceIds":["mnd13:111.1","mnd13:111.2","mnd13:111.3","mnd13:111.4"],"kind":"text","text":{"pi":"Pakappitā diṭṭhipurakkharānoti.\nKappitā pakappitā abhisaṅkhatā saṇṭhapitā diṭṭhiṁ purekkhato katvā carati.\nDiṭṭhidhajo diṭṭhiketu diṭṭhādhipateyyo diṭṭhiyā parivārito caratīti—\npakappitā diṭṭhipurakkharāno."}},{"id":"mnd13:112","sourceIds":["mnd13:112.1","mnd13:112.2","mnd13:112.3","mnd13:112.4","mnd13:112.5","mnd13:112.6"],"kind":"text","text":{"pi":"Yaṁ nissito tattha subhaṁ vadānoti.\nYaṁ nissitoti yaṁ satthāraṁ dhammakkhānaṁ gaṇaṁ diṭṭhiṁ paṭipadaṁ maggaṁ nissito ānissito allīno upagato ajjhosito adhimuttoti—\nyaṁ nissito.\nTatthāti sakāya diṭṭhiyā sakāya khantiyā sakāya ruciyā sakāya laddhiyā.\nSubhaṁ vadānoti subhavādo sobhanavādo paṇḍitavādo thiravādo ñāyavādo hetuvādo lakkhaṇavādo kāraṇavādo ṭhānavādo sakāya laddhiyāti—\nyaṁ nissito tattha subhaṁ vadāno."}},{"id":"mnd13:113","sourceIds":["mnd13:113.1","mnd13:113.2","mnd13:113.3","mnd13:113.4","mnd13:113.5","mnd13:113.6"],"kind":"text","text":{"pi":"Suddhiṁ vado tattha tathaddasā soti.\nSuddhivādo visuddhivādo parisuddhivādo vodātavādo parivodātavādo.\nAtha vā suddhidassano visuddhidassano parisuddhidassano vodātadassano parivodātadassanoti—\nsuddhiṁ vādo.\nTatthāti sakāya diṭṭhiyā sakāya khantiyā sakāya ruciyā sakāya laddhiyā tathaṁ tacchaṁ bhūtaṁ yāthāvaṁ aviparītanti addassa adakkhi apassi paṭivijjhīti—\nsuddhiṁ vādo tattha tathaddasā so."}},{"id":"mnd13:114","sourceIds":["mnd13:114.1"],"kind":"text","text":{"pi":"Tenāha bhagavā—"}},{"id":"mnd13:115","sourceIds":["mnd13:115.1","mnd13:115.2","mnd13:115.3","mnd13:115.4"],"kind":"text","text":{"pi":"“Nivissavādī na hi subbināyo,\nPakappitā diṭṭhipurakkharāno;\nYaṁ nissito tattha subhaṁ vadāno,\nSuddhiṁ vado tattha tathaddasā so”ti."}},{"id":"mnd13:116","sourceIds":["mnd13:116.1","mnd13:116.2","mnd13:116.3","mnd13:116.4"],"kind":"text","text":{"pi":"Na brāhmaṇo kappamupeti saṅkhā,\nNa diṭṭhisārī napi ñāṇabandhu;\nÑatvā ca so sammutiyo puthujjā,\nUpekkhatī uggahaṇanti maññe."}},{"id":"mnd13:117","sourceIds":["mnd13:117.1","mnd13:117.2","mnd13:117.3","mnd13:117.4","mnd13:117.5","mnd13:117.6","mnd13:117.7","mnd13:117.8","mnd13:117.9","mnd13:117.10","mnd13:117.11","mnd13:117.12","mnd13:117.13","mnd13:117.14","mnd13:117.15"],"kind":"text","text":{"pi":"Na brāhmaṇo kappamupeti saṅkhāti.\nNāti paṭikkhepo.\nBrāhmaṇoti sattannaṁ dhammānaṁ bāhitattā brāhmaṇo …pe… asito tādi pavuccate sa brahmā.\nKappāti dve kappā—\ntaṇhākappo ca diṭṭhikappo ca …pe…\nayaṁ taṇhākappo …pe…\nayaṁ diṭṭhikappo.\nSaṅkhā vuccati ñāṇaṁ.\nYā paññā pajānanā …pe… amoho dhammavicayo sammādiṭṭhi.\nNa brāhmaṇo kappamupeti saṅkhāti.\nBrāhmaṇo saṅkhāya jānitvā tulayitvā tīrayitvā vibhāvayitvā vibhūtaṁ katvā.\n“Sabbe saṅkhārā aniccā …\nsabbe saṅkhārā dukkhā …pe…\nyaṁ kiñci samudayadhammaṁ sabbaṁ taṁ nirodhadhamman”ti saṅkhāya jānitvā tulayitvā tīrayitvā vibhāvayitvā vibhūtaṁ katvā taṇhākappaṁ vā diṭṭhikappaṁ vā neti na upeti na upagacchati na gaṇhāti na parāmasati nābhinivisatīti—\nna brāhmaṇo kappamupeti saṅkhā."}},{"id":"mnd13:118","sourceIds":["mnd13:118.1","mnd13:118.2","mnd13:118.3","mnd13:118.4","mnd13:118.5","mnd13:118.6"],"kind":"text","text":{"pi":"Na diṭṭhisārī napi ñāṇabandhūti.\nTassa dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni.\nSo diṭṭhiyā na yāyati na nīyati na vuyhati na saṁharīyati napi taṁ diṭṭhigataṁ sārato pacceti na paccāgacchatīti—\nna diṭṭhisārī.\nNapi ñāṇabandhūti aṭṭhasamāpattiñāṇena vā pañcābhiññāñāṇena vā taṇhābandhuṁ vā diṭṭhibandhuṁ vā na karoti na janeti na sañjaneti na nibbatteti nābhinibbattetīti—\nna diṭṭhisārī napi ñāṇabandhu."}},{"id":"mnd13:119","sourceIds":["mnd13:119.1","mnd13:119.2","mnd13:119.3","mnd13:119.4","mnd13:119.5","mnd13:119.6","mnd13:119.7","mnd13:119.8","mnd13:119.9","mnd13:119.10","mnd13:119.11"],"kind":"text","text":{"pi":"Ñatvā ca so sammutiyo puthujjāti.\nÑatvāti ñatvā jānitvā tulayitvā tīrayitvā vibhāvayitvā vibhūtaṁ katvā.\n“Sabbe saṅkhārā aniccā”ti ñatvā jānitvā tulayitvā tīrayitvā vibhāvayitvā vibhūtaṁ katvā,\n“sabbe saṅkhārā dukkhā”ti …pe…\n“yaṁ kiñci samudayadhammaṁ sabbaṁ taṁ nirodhadhamman”ti ñatvā jānitvā tulayitvā tīrayitvā vibhāvayitvā vibhūtaṁ katvāti—\nñatvā ca so.\nSammutiyo vuccanti dvāsaṭṭhi diṭṭhigatāni diṭṭhisammutiyo.\nPuthujjāti puthujjanehi janitā vā tā sammutiyoti—\nputhujjā.\nPuthu nānājanehi janitā vā sammutiyoti puthujjāti—\nñatvā ca so sammutiyo puthujjā."}},{"id":"mnd13:120","sourceIds":["mnd13:120.1","mnd13:120.2","mnd13:120.3","mnd13:120.4"],"kind":"text","text":{"pi":"Upekkhatī uggahaṇanti maññeti.\nAññe taṇhāvasena diṭṭhivasena gaṇhanti parāmasanti abhinivisanti.\nArahā upekkhati na gaṇhāti na parāmasati nābhinivisatīti—\nupekkhatī uggahaṇanti maññe."}},{"id":"mnd13:121","sourceIds":["mnd13:121.1"],"kind":"text","text":{"pi":"Tenāha bhagavā—"}},{"id":"mnd13:122","sourceIds":["mnd13:122.1","mnd13:122.2","mnd13:122.3","mnd13:122.4"],"kind":"text","text":{"pi":"“Na brāhmaṇo kappamupeti saṅkhā,\nNa diṭṭhisārī napi ñāṇabandhu;\nÑatvā ca so sammutiyo puthujjā,\nUpekkhatī uggahaṇanti maññe”ti."}},{"id":"mnd13:123","sourceIds":["mnd13:123.1","mnd13:123.2","mnd13:123.3","mnd13:123.4"],"kind":"text","text":{"pi":"Vissajja ganthāni munīdha loke,\nVivādajātesu na vaggasārī;\nSanto asantesu upekkhako so,\nAnuggaho uggahaṇanti maññe."}},{"id":"mnd13:124","sourceIds":["mnd13:124.1","mnd13:124.2","mnd13:124.3","mnd13:124.4","mnd13:124.5","mnd13:124.6","mnd13:124.7","mnd13:124.8","mnd13:124.9","mnd13:124.10","mnd13:124.11","mnd13:124.12","mnd13:124.13","mnd13:124.14"],"kind":"text","text":{"pi":"Vissajja ganthāni munīdha loketi.\nGanthāti cattāro ganthā—\nabhijjhā kāyagantho, byāpādo kāyagantho, sīlabbataparāmāso kāyagantho, idaṁsaccābhiniveso kāyagantho.\nAttano diṭṭhiyā rāgo abhijjhā kāyagantho, paravādesu āghāto appaccayo byāpādo kāyagantho, attano sīlaṁ vā vataṁ vā sīlabbataṁ vā parāmasati sīlabbataparāmāso kāyagantho, attano diṭṭhi idaṁsaccābhiniveso kāyagantho.\nVissajjāti ganthe vossajjitvā vissajja.\nAtha vā ganthe gathite ganthite bandhe vibandhe ābandhe lagge laggite palibuddhe bandhane phoṭayitvā vissajja.\nYathā vayhaṁ vā rathaṁ vā sakaṭaṁ vā sandamānikaṁ vā sajjaṁ vissajjaṁ karonti vikopenti;\nevamevaṁ ganthe vossajjitvā vissajja.\nAtha vā ganthe gathite gaṇṭhite bandhe vibandhe ābandhe lagge laggite palibuddhe bandhane phoṭayitvā vissajja.\nMunīti.\nMonaṁ vuccati ñāṇaṁ …pe… saṅgajālamaticca so muni.\nIdhāti imissā diṭṭhiyā …pe…\nimasmiṁ manussaloketi—\nvissajja ganthāni munīdha loke."}},{"id":"mnd13:125","sourceIds":["mnd13:125.1","mnd13:125.2","mnd13:125.3"],"kind":"text","text":{"pi":"Vivādajātesu na vaggasārīti.\nVivādajātesu sañjātesu nibbattesu abhinibbattesu pātubhūtesu chandāgatiṁ gacchantesu dosāgatiṁ gacchantesu bhayāgatiṁ gacchantesu mohāgatiṁ gacchantesu na chandāgatiṁ gacchati, na dosāgatiṁ gacchati, na bhayāgatiṁ gacchati, na mohāgatiṁ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati nīyati vuyhati saṁharīyatīti—\nvivādajātesu na vaggasārī."}},{"id":"mnd13:126","sourceIds":["mnd13:126.1","mnd13:126.2","mnd13:126.3","mnd13:126.4","mnd13:126.5","mnd13:126.6","mnd13:126.7","mnd13:126.8","mnd13:126.9"],"kind":"text","text":{"pi":"Santo asantesu upekkhako soti.\nSantoti rāgassa santattā santo, dosassa santattā santo, mohassa santattā santo …pe… sabbākusalābhisaṅkhārānaṁ santattā samitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddhoti—\nsanto.\nAsantesūti asantesu anupasantesu avūpasantesu anibbutesu appaṭipassaddhesūti—\nsanto asantesu.\nUpekkhako soti arahā chaḷaṅgupekkhāya samannāgato cakkhunā rūpaṁ disvā neva sumano hoti na dummano upekkhako viharati sato sampajāno.\nSotena saddaṁ sutvā …pe…\nkālaṁ kaṅkhati bhāvito sa dantoti—\nsanto asantesu upekkhako so."}},{"id":"mnd13:127","sourceIds":["mnd13:127.1","mnd13:127.2","mnd13:127.3","mnd13:127.4"],"kind":"text","text":{"pi":"Anuggaho uggahaṇanti maññeti.\nAññe taṇhāvasena diṭṭhivasena gaṇhante parāmasante abhinivisante.\nArahā upekkhati na gaṇhāti na parāmasati nābhinivisatīti—\nanuggaho uggahaṇanti maññe."}},{"id":"mnd13:128","sourceIds":["mnd13:128.1"],"kind":"text","text":{"pi":"Tenāha bhagavā—"}},{"id":"mnd13:129","sourceIds":["mnd13:129.1","mnd13:129.2","mnd13:129.3","mnd13:129.4"],"kind":"text","text":{"pi":"“Vissajja ganthāni munīdha loke,\nVivādajātesu na vaggasārī;\nSanto asantesu upekkhako so,\nAnuggaho uggahaṇanti maññe”ti."}},{"id":"mnd13:130","sourceIds":["mnd13:130.1","mnd13:130.2","mnd13:130.3","mnd13:130.4"],"kind":"text","text":{"pi":"Pubbāsave hitvā nave akubbaṁ,\nNa chandagū nopi nivissavādī;\nSa vippamutto diṭṭhigatehi dhīro,\nNa limpati loke anattagarahī."}},{"id":"mnd13:131","sourceIds":["mnd13:131.1","mnd13:131.2","mnd13:131.3","mnd13:131.4","mnd13:131.5","mnd13:131.6","mnd13:131.7"],"kind":"text","text":{"pi":"Pubbāsave hitvā nave akubbanti.\nPubbāsavā vuccanti atītā rūpavedanāsaññāsaṅkhāraviññāṇā.\nAtīte saṅkhāre ārabbha ye kilesā uppajjeyyuṁ te kilese hitvā cajitvā pariccajitvā pajahitvā vinodetvā byantiṁ karitvā anabhāvaṁ gametvāti—\npubbāsave hitvā.\nNave akubbanti navā vuccanti paccuppannā rūpavedanāsaññāsaṅkhāraviññāṇā.\nPaccuppanne saṅkhāre ārabbha chandaṁ akubbamāno pemaṁ akubbamāno rāgaṁ akubbamāno ajanayamāno asañjanayamāno anibbattayamāno anabhinibbattayamānoti—\npubbāsave hitvā nave akubbaṁ."}},{"id":"mnd13:132","sourceIds":["mnd13:132.1","mnd13:132.2","mnd13:132.3","mnd13:132.4","mnd13:132.5","mnd13:132.6"],"kind":"text","text":{"pi":"Na chandagū nopi nivissavādīti.\nNa chandāgatiṁ gacchati, na dosāgatiṁ gacchati, na mohāgatiṁ gacchati, na bhayāgatiṁ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati nīyati vuyhati na saṁharīyatīti—\nna chandagū.\nNopi nivissavādīti “sassato loko, idameva saccaṁ moghamaññan”ti na nivissavādī …pe…\n“neva hoti na na hoti tathāgato paraṁ maraṇā, idameva saccaṁ moghamaññan”ti na nivissavādīti—\nna chandagū nopi nivissavādī."}},{"id":"mnd13:133","sourceIds":["mnd13:133.1","mnd13:133.2","mnd13:133.3","mnd13:133.4"],"kind":"text","text":{"pi":"Sa vippamutto diṭṭhigatehi dhīroti tassa dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni.\nSo diṭṭhigatehi vippamutto visaññutto vimariyādikatena cetasā viharati.\nDhīroti dhīro paṇḍito paññavā buddhimā ñāṇī vibhāvī medhāvīti—\nsa vippamutto diṭṭhigatehi dhīro."}},{"id":"mnd13:134","sourceIds":["mnd13:134.1","mnd13:134.2","mnd13:134.3","mnd13:134.4","mnd13:134.5","mnd13:134.6","mnd13:134.7","mnd13:134.8"],"kind":"text","text":{"pi":"Na limpati loke anattagarahīti.\nLepāti dve lepā—\ntaṇhālepo ca diṭṭhilepo ca …pe…\nayaṁ taṇhālepo …pe…\nayaṁ diṭṭhilepo.\nTassa taṇhālepo pahīno, diṭṭhilepo paṭinissaṭṭho;\ntassa taṇhālepassa pahīnattā, diṭṭhilepassa paṭinissaṭṭhattā apāyaloke na limpati, manussaloke na limpati, devaloke na limpati, khandhaloke na limpati, dhātuloke na limpati, āyatanaloke na limpati na palimpati na upalimpati, alitto apalitto anupalitto nikkhanto nissaṭo vippamutto visaññutto vimariyādikatena cetasā viharatīti—\nna limpati loke."}},{"id":"mnd13:135","sourceIds":["mnd13:135.1","mnd13:135.2","mnd13:135.3","mnd13:135.4","mnd13:135.5","mnd13:135.6","mnd13:135.7","mnd13:135.8","mnd13:135.9"],"kind":"text","text":{"pi":"Anattagarahīti dvīhi kāraṇehi attānaṁ garahati—\nkatattā ca akatattā ca.\nKathaṁ katattā ca akatattā ca attānaṁ garahati?\n“Kataṁ me kāyaduccaritaṁ, akataṁ me kāyasucaritan”ti attānaṁ garahati.\n“Kataṁ me vacīduccaritaṁ …pe…\nkataṁ me manoduccaritaṁ …\nkato me pāṇātipāto …pe…\nkatā me micchādiṭṭhi, akatā me sammādiṭṭhī”ti attānaṁ garahati.\nEvaṁ katattā ca akatattā ca attānaṁ garahati."}},{"id":"mnd13:136","sourceIds":["mnd13:136.1","mnd13:136.2","mnd13:136.3","mnd13:136.4","mnd13:136.5","mnd13:136.6","mnd13:136.7","mnd13:136.8","mnd13:136.9","mnd13:136.10","mnd13:136.11","mnd13:136.12","mnd13:136.13","mnd13:136.14","mnd13:136.15","mnd13:136.16","mnd13:136.17","mnd13:136.18","mnd13:136.19","mnd13:136.20"],"kind":"text","text":{"pi":"Atha vā “sīlesumhi na paripūrakārī”ti attānaṁ garahati.\n“Indriyesumhi aguttadvāro”ti …\n“bhojanemhi amattaññū”ti …\n“jāgariyamhi ananuyutto”ti …\n“na satisampajaññenāmhi samannāgato”ti …\n“abhāvitā me cattāro satipaṭṭhānā”ti …\n“abhāvitā me cattāro sammappadhānā”ti …\n“abhāvitā me cattāro iddhipādā”ti …\n“abhāvitāni me pañcindriyānī”ti …\n“abhāvitāni me pañca balānī”ti …\n“abhāvitā me satta bojjhaṅgā”ti …\n“abhāvito me ariyo aṭṭhaṅgiko maggo”ti …\n“dukkhaṁ me apariññātan”ti …\n“dukkhasamudayo me appahīno”ti …\n“maggo me abhāvito”ti …\n“nirodho me asacchikato”ti attānaṁ garahati.\nEvaṁ katattā ca akatattā ca attānaṁ garahati.\nEvaṁ attagarahī.\nTayidaṁ kammaṁ akubbamāno ajanayamāno asañjanayamāno anibbattayamāno anabhinibbattayamāno anattagarahīti—\nna limpati loke anattagarahī."}},{"id":"mnd13:137","sourceIds":["mnd13:137.1"],"kind":"text","text":{"pi":"Tenāha bhagavā—"}},{"id":"mnd13:138","sourceIds":["mnd13:138.1","mnd13:138.2","mnd13:138.3","mnd13:138.4"],"kind":"text","text":{"pi":"“Pubbāsave hitvā nave akubbaṁ,\nNa chandagū nopi nivissavādī;\nSa vippamutto diṭṭhigatehi dhīro,\nNa limpati loke anattagarahī”ti."}},{"id":"mnd13:139","sourceIds":["mnd13:139.1","mnd13:139.2","mnd13:139.3","mnd13:139.4","mnd13:139.5"],"kind":"text","text":{"pi":"Sa sabbadhammesu visenibhūto,\nYaṁ kiñci diṭṭhaṁ va sutaṁ mutaṁ vā;\nSa pannabhāro muni vippamutto,\nNa kappiyo nūparato na patthiyo.\n(Iti bhagavā.)"}},{"id":"mnd13:140","sourceIds":["mnd13:140.1","mnd13:140.2","mnd13:140.3"],"kind":"text","text":{"pi":"Sa sabbadhammesu visenibhūto yaṁ kiñci diṭṭhaṁ va sutaṁ mutaṁ vāti.\nSenā vuccati mārasenā.\nKāyaduccaritaṁ mārasenā, vacīduccaritaṁ mārasenā, manoduccaritaṁ mārasenā, rāgo … doso … moho … kodho … upanāho … makkho … paḷāso … issā … macchariyaṁ … māyā … sāṭheyyaṁ … thambho … sārambho … māno … atimāno … mado … pamādo … sabbe kilesā … sabbe duccaritā … sabbe darathā … sabbe pariḷāhā … sabbe santāpā … sabbākusalābhisaṅkhārā mārasenā."}},{"id":"mnd13:141","sourceIds":["mnd13:141.1"],"kind":"text","text":{"pi":"Vuttañhetaṁ bhagavatā—"}},{"id":"mnd13:142","sourceIds":["mnd13:142.1","mnd13:142.2","mnd13:142.3","mnd13:142.4","mnd13:142.5"],"kind":"text","text":{"pi":"“Kāmā te paṭhamā senā,\ndutiyā arati vuccati;\n…pe…\nNa naṁ asūro jināti,\njetvāva labhate sukhan”ti."}},{"id":"mnd13:143","sourceIds":["mnd13:143.1","mnd13:143.2","mnd13:143.3","mnd13:143.4","mnd13:143.5","mnd13:143.6","mnd13:143.7"],"kind":"text","text":{"pi":"Yato catūhi ariyamaggehi sabbā ca mārasenā sabbe ca paṭisenikarā kilesā jitā ca parājitā ca bhaggā vippaluggā parammukhā—\nso vuccati visenibhūto.\nSo diṭṭhe visenibhūto,\nsute …\nmute …\nviññāte visenibhūtoti—\nsa sabbadhammesu visenibhūto, yaṁ kiñci diṭṭhaṁ va sutaṁ mutaṁ vā."}},{"id":"mnd13:144","sourceIds":["mnd13:144.1","mnd13:144.2","mnd13:144.3","mnd13:144.4","mnd13:144.5","mnd13:144.6","mnd13:144.7","mnd13:144.8","mnd13:144.9","mnd13:144.10","mnd13:144.11","mnd13:144.12","mnd13:144.13","mnd13:144.14"],"kind":"text","text":{"pi":"Sa pannabhāro muni vippamuttoti.\nBhārāti tayo bhārā—\nkhandhabhāro, kilesabhāro, abhisaṅkhārabhāro.\nKatamo khandhabhāro?\nPaṭisandhiyā rūpaṁ vedanā saññā saṅkhārā viññāṇaṁ—\nayaṁ khandhabhāro.\nKatamo kilesabhāro?\nRāgo doso moho …pe…\nsabbākusalābhisaṅkhārā—\nayaṁ kilesabhāro.\nKatamo abhisaṅkhārabhāro?\nPuññābhisaṅkhāro apuññābhisaṅkhāro āneñjābhisaṅkhāro—\nayaṁ abhisaṅkhārabhāro.\nYato khandhabhāro ca kilesabhāro ca abhisaṅkhārabhāro ca pahīnā honti ucchinnamūlā tālāvatthukatā anabhāvaṅkatā āyatiṁ anuppādadhammā, so vuccati pannabhāro patitabhāro oropitabhāro samoropitabhāro nikkhittabhāro paṭipassaddhabhāro."}},{"id":"mnd13:145","sourceIds":["mnd13:145.1","mnd13:145.2","mnd13:145.3"],"kind":"text","text":{"pi":"Munīti monaṁ vuccati ñāṇaṁ.\nYā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā, paṇḍiccaṁ kosallaṁ nepuññaṁ vebhabyā cintā upaparikkhā bhūri medhā parināyikā vipassanā sampajaññaṁ patodo paññā paññindriyaṁ paññābalaṁ paññāsatthaṁ paññāpāsādo paññāāloko paññāobhāso paññāpajjoto paññāratanaṁ amoho dhammavicayo sammādiṭṭhi.\nTena ñāṇena samannāgato muni monappatto."}},{"id":"mnd13:146","sourceIds":["mnd13:146.1","mnd13:146.2","mnd13:146.3","mnd13:146.4","mnd13:146.5"],"kind":"text","text":{"pi":"Tīṇi moneyyāni—\nkāyamoneyyaṁ, vacīmoneyyaṁ, manomoneyyaṁ.\nKatamaṁ kāyamoneyyaṁ?\nTividhānaṁ kāyaduccaritānaṁ pahānaṁ kāyamoneyyaṁ, tividhaṁ kāyasucaritaṁ kāyamoneyyaṁ, kāyārammaṇe ñāṇaṁ kāyamoneyyaṁ, kāyapariññā kāyamoneyyaṁ, pariññāsahagato maggo kāyamoneyyaṁ, kāye chandarāgassa pahānaṁ kāyamoneyyaṁ, kāyasaṅkhāranirodho catutthajjhānasamāpatti kāyamoneyyaṁ—\nidaṁ kāyamoneyyaṁ."}},{"id":"mnd13:147","sourceIds":["mnd13:147.1","mnd13:147.2","mnd13:147.3"],"kind":"text","text":{"pi":"Katamaṁ vacīmoneyyaṁ?\nCatubbidhānaṁ vacīduccaritānaṁ pahānaṁ vacīmoneyyaṁ, catubbidhaṁ vacīsucaritaṁ vacīmoneyyaṁ, vācārammaṇe ñāṇaṁ vacīmoneyyaṁ, vācāpariññā vacīmoneyyaṁ, pariññāsahagato maggo vacīmoneyyaṁ, vācāya chandarāgassa pahānaṁ vacīmoneyyaṁ, vacīsaṅkhāranirodho dutiyajjhānasamāpatti vacīmoneyyaṁ—\nidaṁ vacīmoneyyaṁ."}},{"id":"mnd13:148","sourceIds":["mnd13:148.1","mnd13:148.2","mnd13:148.3"],"kind":"text","text":{"pi":"Katamaṁ manomoneyyaṁ?\nTividhānaṁ manoduccaritānaṁ pahānaṁ manomoneyyaṁ, tividhaṁ manosucaritaṁ manomoneyyaṁ, cittārammaṇe ñāṇaṁ manomoneyyaṁ, cittapariññā manomoneyyaṁ, pariññāsahagato maggo manomoneyyaṁ, citte chandarāgassa pahānaṁ manomoneyyaṁ, cittasaṅkhāranirodho saññāvedayitanirodhasamāpatti manomoneyyaṁ—\nidaṁ manomoneyyaṁ."}},{"id":"mnd13:149","sourceIds":["mnd13:149.1","mnd13:149.2","mnd13:149.3","mnd13:149.4"],"kind":"text","text":{"pi":"“Kāyamuniṁ vācāmuniṁ,\nmanomunimanāsavaṁ;\nMuniṁ moneyyasampannaṁ,\nāhu sabbappahāyinaṁ."}},{"id":"mnd13:150","sourceIds":["mnd13:150.1","mnd13:150.2","mnd13:150.3","mnd13:150.4"],"kind":"text","text":{"pi":"Kāyamuniṁ vācāmuniṁ,\nmanomunimanāsavaṁ;\nMuniṁ moneyyasampannaṁ,\nāhu ninhātapāpakan”ti."}},{"id":"mnd13:151","sourceIds":["mnd13:151.1","mnd13:151.2","mnd13:151.3","mnd13:151.4","mnd13:151.5","mnd13:151.6","mnd13:151.7","mnd13:151.8","mnd13:151.9","mnd13:151.10","mnd13:151.11"],"kind":"text","text":{"pi":"Imehi tīhi moneyyehi dhammehi samannāgatā cha munino—\nagāramunino, anagāramunino, sekhamunino, asekhamunino, paccekamunino, munimuninoti.\nKatame agāramunino?\nYe te agārikā diṭṭhapadā viññātasāsanā—\nime agāramunino.\nKatame anagāramunino?\nYe te pabbajitā diṭṭhapadā viññātasāsanā—\nime anagāramunino.\nSatta sekhā sekhamunino, arahanto asekhamunino.\nPaccekabuddhā paccekamunino.\nMunimunino vuccanti tathāgatā arahanto sammāsambuddhā."}},{"id":"mnd13:152","sourceIds":["mnd13:152.1","mnd13:152.2","mnd13:152.3","mnd13:152.4"],"kind":"text","text":{"pi":"“Na monena munī hoti,\nmūḷharūpo aviddasu;\nYo ca tulaṁva paggayha,\nvaramādāya paṇḍito."}},{"id":"mnd13:153","sourceIds":["mnd13:153.1","mnd13:153.2","mnd13:153.3","mnd13:153.4"],"kind":"text","text":{"pi":"Pāpāni parivajjeti,\nsa munī tena so muni;\nYo munāti ubho loke,\nmuni tena pavuccati."}},{"id":"mnd13:154","sourceIds":["mnd13:154.1","mnd13:154.2","mnd13:154.3","mnd13:154.4"],"kind":"text","text":{"pi":"Asatañca satañca ñatvā dhammaṁ,\nAjjhattaṁ bahiddhā ca sabbaloke;\nDevamanussehi pūjito yo,\nSaṅgajālamaticca so muni”."}},{"id":"mnd13:155","sourceIds":["mnd13:155.1","mnd13:155.2","mnd13:155.3","mnd13:155.4","mnd13:155.5"],"kind":"text","text":{"pi":"Vippamuttoti munino rāgā cittaṁ muttaṁ vimuttaṁ suvimuttaṁ;\ndosā cittaṁ …\nmohā cittaṁ muttaṁ vimuttaṁ suvimuttaṁ …pe…\nsabbākusalābhisaṅkhārehi cittaṁ muttaṁ vimuttaṁ suvimuttanti—\nsa pannabhāro muni vippamutto."}},{"id":"mnd13:156","sourceIds":["mnd13:156.1","mnd13:156.2","mnd13:156.3","mnd13:156.4","mnd13:156.5","mnd13:156.6","mnd13:156.7","mnd13:156.8","mnd13:156.9","mnd13:156.10","mnd13:156.11","mnd13:156.12","mnd13:156.13","mnd13:156.14","mnd13:156.15"],"kind":"text","text":{"pi":"Na kappiyo nūparato na patthiyoti bhagavāti.\nKappāti dve kappā—\ntaṇhākappo ca diṭṭhikappo ca …pe…\nayaṁ taṇhākappo …pe…\nayaṁ diṭṭhikappo.\nTassa taṇhākappo pahīno, diṭṭhikappo paṭinissaṭṭho;\ntaṇhākappassa pahīnattā diṭṭhikappassa paṭinissaṭṭhattā taṇhākappaṁ vā diṭṭhikappaṁ vā na kappeti na janeti na sañjaneti na nibbatteti nābhinibbattetīti—\nna kappiyo.\nNūparatoti.\nSabbe bālaputhujjanā rajjanti, puthujjanakalyāṇakaṁ upādāya satta sekhā appattassa pattiyā anadhigatassa adhigamāya asacchikatassa sacchikiriyāya āramanti viramanti paṭiviramanti, arahā ārato virato paṭivirato nikkhanto nissaṭo vippamutto visaññutto vimariyādikatena cetasā viharatīti—\nna kappiyo nūparato.\nNa patthiyoti.\nPatthanā vuccati taṇhā.\nYo rāgo sārāgo …pe… abhijjhā lobho akusalamūlaṁ.\nYassesā patthanā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati na patthiyo."}},{"id":"mnd13:157","sourceIds":["mnd13:157.1","mnd13:157.2","mnd13:157.3","mnd13:157.4","mnd13:157.5","mnd13:157.6","mnd13:157.7","mnd13:157.8","mnd13:157.9","mnd13:157.10","mnd13:157.11","mnd13:157.12","mnd13:157.13","mnd13:157.14","mnd13:157.15","mnd13:157.16","mnd13:157.17","mnd13:157.18","mnd13:157.19","mnd13:157.20","mnd13:157.21","mnd13:157.22"],"kind":"text","text":{"pi":"Bhagavāti gāravādhivacanaṁ.\nApi ca bhaggarāgoti bhagavā,\nbhaggadosoti bhagavā,\nbhaggamohoti bhagavā,\nbhaggamānoti bhagavā,\nbhaggadiṭṭhīti bhagavā,\nbhaggakaṇḍakoti bhagavā,\nbhaggakilesoti bhagavā,\nbhaji vibhaji pavibhaji dhammaratananti bhagavā,\nbhavānaṁ antakaroti bhagavā,\nbhāvitakāyo bhāvitasīlo bhāvitacitto bhāvitapaññoti bhagavā;\nbhaji vā bhagavā araññavanapatthāni pantāni senāsanāni appasaddāni appanigghosāni vijanavātāni manussarāhasseyyakāni paṭisallānasāruppānīti bhagavā,\nbhāgī vā bhagavā cīvarapiṇḍapātasenāsanagilānapaccayabhesajjaparikkhārānanti bhagavā,\nbhāgī vā bhagavā attharasassa dhammarasassa vimuttirasassa adhisīlassa adhicittassa adhipaññāyāti bhagavā,\nbhāgī vā bhagavā catunnaṁ jhānānaṁ catunnaṁ appamaññānaṁ catunnaṁ arūpasamāpattīnanti bhagavā,\nbhāgī vā bhagavā aṭṭhannaṁ vimokkhānaṁ aṭṭhannaṁ abhibhāyatanānaṁ navannaṁ anupubbavihārasamāpattīnanti bhagavā,\nbhāgī vā bhagavā dasannaṁ saññābhāvanānaṁ dasannaṁ kasiṇasamāpattīnaṁ ānāpānassatisamādhissa asubhasamāpattiyāti bhagavā,\nbhāgī vā bhagavā catunnaṁ satipaṭṭhānānaṁ catunnaṁ sammappadhānānaṁ catunnaṁ iddhipādānaṁ pañcannaṁ indriyānaṁ pañcannaṁ balānaṁ sattannaṁ bojjhaṅgānaṁ ariyassa aṭṭhaṅgikassa maggassāti bhagavā,\nbhāgī vā bhagavā dasannaṁ tathāgatabalānaṁ catunnaṁ vesārajjānaṁ catunnaṁ paṭisambhidānaṁ channaṁ abhiññānaṁ channaṁ buddhadhammānanti bhagavā,\nbhagavāti netaṁ nāmaṁ mātarā kataṁ na pitarā kataṁ na bhātarā kataṁ na bhaginiyā kataṁ na mittāmaccehi kataṁ na ñātisālohitehi kataṁ na samaṇabrāhmaṇehi kataṁ na devatāhi kataṁ;\nvimokkhantikametaṁ buddhānaṁ bhagavantānaṁ bodhiyā mūle saha sabbaññutaññāṇassa paṭilābhā sacchikā paññatti yadidaṁ bhagavāti—\nna kappiyo nūparato na patthiyo iti bhagavā."}},{"id":"mnd13:158","sourceIds":["mnd13:158.1"],"kind":"text","text":{"pi":"Tenāha bhagavā—"}},{"id":"mnd13:159","sourceIds":["mnd13:159.1","mnd13:159.2","mnd13:159.3","mnd13:159.4","mnd13:159.5"],"kind":"text","text":{"pi":"“Sa sabbadhammesu visenibhūto,\nYaṁ kiñci diṭṭhaṁ va sutaṁ mutaṁ vā;\nSa pannabhāro muni vippamutto,\nNa kappiyo nūparato na patthiyo”.\n(Iti bhagavāti.)"}},{"id":"mnd13:160","sourceIds":["mnd13:160.1"],"kind":"text","text":{"pi":"Mahābyūhasuttaniddeso terasamo."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/mnd13/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}