{"id":"pli-tv-bi-vb-ss3","title":"Being alone","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bi-vb-ss3","title":"Being alone","units":[{"id":"pli-tv-bi-vb-ss3:0","sourceIds":["pli-tv-bi-vb-ss3:0.1","pli-tv-bi-vb-ss3:0.2","pli-tv-bi-vb-ss3:0.3","pli-tv-bi-vb-ss3:0.4"],"kind":"text","text":{"pi":"Theravāda Vinaya\nBhikkhunivibhaṅga\nSaṅghādisesakaṇḍa\n3. Ekagāmantaragamanasikkhāpada","en":"Theravāda Collection on Monastic Law\nThe Nuns’ Analysis\nThe chapter on offenses entailing suspension\nBeing alone"}},{"id":"pli-tv-bi-vb-ss3:1.0","sourceIds":["pli-tv-bi-vb-ss3:1.0.1","pli-tv-bi-vb-ss3:1.0.2"],"kind":"text","text":{"en":"Origin story\nFirst substory"}},{"id":"pli-tv-bi-vb-ss3:1","sourceIds":["pli-tv-bi-vb-ss3:1.1","pli-tv-bi-vb-ss3:1.2","pli-tv-bi-vb-ss3:1.3","pli-tv-bi-vb-ss3:1.4","pli-tv-bi-vb-ss3:1.5","pli-tv-bi-vb-ss3:1.6","pli-tv-bi-vb-ss3:1.7","pli-tv-bi-vb-ss3:1.8","pli-tv-bi-vb-ss3:1.9","pli-tv-bi-vb-ss3:1.10","pli-tv-bi-vb-ss3:1.11","pli-tv-bi-vb-ss3:1.12","pli-tv-bi-vb-ss3:1.13","pli-tv-bi-vb-ss3:1.14","pli-tv-bi-vb-ss3:1.15"],"kind":"text","text":{"pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena bhaddāya kāpilāniyā antevāsinī bhikkhunī bhikkhunīhi saddhiṁ bhaṇḍitvā gāmakaṁ ñātikulaṁ agamāsi.\nBhaddā kāpilānī taṁ bhikkhuniṁ apassantī bhikkhuniyo pucchi—“kahaṁ itthannāmā, na dissatī”ti.\n“Bhikkhunīhi saddhiṁ, ayye, bhaṇḍitvā na dissatī”ti.\n“Ammā, amukasmiṁ gāmake etissā ñātikulaṁ. Tattha gantvā vicinathā”ti.\nBhikkhuniyo tattha gantvā taṁ bhikkhuniṁ passitvā etadavocuṁ—“kissa tvaṁ, ayye, ekikā āgatā, kaccisi appadhaṁsitā”ti?\n“Appadhaṁsitāmhi, ayye”ti.\nYā tā bhikkhuniyo appicchā …pe… tā ujjhāyanti khiyyanti vipācenti—\n“kathañhi nāma bhikkhunī ekā gāmantaraṁ gacchissatī”ti …pe…\n“saccaṁ kira, bhikkhave, bhikkhunī ekā gāmantaraṁ gacchatī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma, bhikkhave, bhikkhunī ekā gāmantaraṁ gacchissati.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, bhikkhuniyo imaṁ sikkhāpadaṁ uddisantu—","en":"At one time when the Buddha was staying at Sāvatthī in Anāthapiṇḍika’s Monastery,\na nun who was a pupil of Bhaddā Kāpilānī had an argument with the nuns and then went to her relatives’ village.\nNot seeing her pupil anywhere, Bhaddā Kāpilānī asked the nuns, “Where’s so-and-so? She’s disappeared.”\n“She disappeared, venerable, after arguing with the nuns.”\n“My dears, her relatives live in such-and-such a village. Go there and look for her.”\nThe nuns went there, and when they saw her, they said to her, “Why did you go alone, venerable? We hope you weren’t assaulted?”\n“I wasn’t.”\nThe nuns of few desires complained and criticized her,\n“How could a nun walk to the next village by herself?” …\n“Is it true, monks, that a nun did this?”\n“It’s true, sir.”\nThe Buddha rebuked her …\n“How could a nun do this?\nThis will affect people’s confidence …” …\n“And, monks, the nuns should recite this training rule like this:"}},{"id":"pli-tv-bi-vb-ss3:1.16","sourceIds":["pli-tv-bi-vb-ss3:1.16.0","pli-tv-bi-vb-ss3:1.16.1"],"kind":"text","text":{"en":"First preliminary ruling\n‘If a nun walks to the next inhabited area by herself, then that nun too has committed an immediate offense entailing sending away and suspension.’”","pi":"“Yā pana bhikkhunī ekā gāmantaraṁ gaccheyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti."}},{"id":"pli-tv-bi-vb-ss3:1-from-pli-tv-bi-vb-ss3-1.17","sourceIds":["pli-tv-bi-vb-ss3:1.17"],"kind":"text","text":{"pi":"Evañcidaṁ bhagavatā bhikkhunīnaṁ sikkhāpadaṁ paññattaṁ hoti.","en":"In this way the Buddha laid down this training rule for the nuns."}},{"id":"pli-tv-bi-vb-ss3:2","sourceIds":["pli-tv-bi-vb-ss3:2.0","pli-tv-bi-vb-ss3:2.1","pli-tv-bi-vb-ss3:2.2","pli-tv-bi-vb-ss3:2.3","pli-tv-bi-vb-ss3:2.4","pli-tv-bi-vb-ss3:2.5","pli-tv-bi-vb-ss3:2.6","pli-tv-bi-vb-ss3:2.7","pli-tv-bi-vb-ss3:2.8","pli-tv-bi-vb-ss3:2.9","pli-tv-bi-vb-ss3:2.10","pli-tv-bi-vb-ss3:2.11","pli-tv-bi-vb-ss3:2.12","pli-tv-bi-vb-ss3:2.13","pli-tv-bi-vb-ss3:2.14","pli-tv-bi-vb-ss3:2.15","pli-tv-bi-vb-ss3:2.16","pli-tv-bi-vb-ss3:2.17","pli-tv-bi-vb-ss3:2.18","pli-tv-bi-vb-ss3:2.19","pli-tv-bi-vb-ss3:2.20","pli-tv-bi-vb-ss3:2.21","pli-tv-bi-vb-ss3:2.22","pli-tv-bi-vb-ss3:2.23"],"kind":"text","text":{"en":"Second substory\nOn one occasion two nuns were traveling from Sāketa to Sāvatthī.\nOn the way they had to cross a river.\nThey went to a boatman and said, “Please take us across.”\n“I’m not able, venerables, to take both of you across at the same time.”\nAnd so they crossed individually, alone with the boatman.\nWhen he had crossed with the first nun, he raped her.\nAnd after returning to the first bank, he raped the other nun as well.\nLater, when they were reunited, they asked each other,\n“Venerable, I hope you weren’t assaulted?”\n“I was.\nAnd you, venerable, were you assaulted?”\n“I was, too.”\nThey then continued on to Sāvatthī and told the nuns there what had happened.\nThe nuns of few desires complained and criticized them,\n“How could a nun cross a river by herself?”\nThey told the monks,\nwho in turn told the Buddha. Soon afterwards he had the Sangha gathered and questioned the monks:\n“Is it true, monks, that a nun did this?”\n“It’s true, sir.”\nThe Buddha rebuked them …\n“How could a nun do this?\nThis will affect people’s confidence …” …\n“And so, monks, the nuns should recite this training rule like this:","pi":"Tena kho pana samayena dve bhikkhuniyo sāketā sāvatthiṁ addhānamaggappaṭipannā honti.\nAntarāmagge nadī taritabbā hoti.\nAtha kho tā bhikkhuniyo nāvike upasaṅkamitvā etadavocuṁ—“sādhu no, āvuso, tārethā”ti.\n“Nāyye, sakkā ubho sakiṁ tāretun”ti.\nEko ekaṁ uttāresi.\nUttiṇṇo uttiṇṇaṁ dūsesi.\nAnuttiṇṇo anuttiṇṇaṁ dūsesi.\nTā pacchā samāgantvā pucchiṁsu—\n“kaccisi, ayye, appadhaṁsitā”ti?\n“Padhaṁsitāmhi, ayye.\nTvaṁ pana, ayye, appadhaṁsitā”ti?\n“Padhaṁsitāmhi, ayye”ti.\nAtha kho tā bhikkhuniyo sāvatthiṁ gantvā bhikkhunīnaṁ etamatthaṁ ārocesuṁ.\nYā tā bhikkhuniyo appicchā …pe… tā ujjhāyanti khiyyanti vipācenti—\n“kathañhi nāma bhikkhunī ekā nadīpāraṁ gacchissatī”ti.\nAtha kho tā bhikkhuniyo bhikkhūnaṁ etamatthaṁ ārocesuṁ.\nBhikkhū bhagavato etamatthaṁ ārocesuṁ …pe…\n“saccaṁ kira, bhikkhave, bhikkhunī ekā nadīpāraṁ gacchatī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma, bhikkhave, bhikkhunī ekā nadīpāraṁ gacchissati.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, bhikkhuniyo imaṁ sikkhāpadaṁ uddisantu—"}},{"id":"pli-tv-bi-vb-ss3:2.24","sourceIds":["pli-tv-bi-vb-ss3:2.24.0","pli-tv-bi-vb-ss3:2.24.1"],"kind":"text","text":{"en":"Second preliminary ruling\n‘If a nun walks to the next inhabited area by herself or crosses a river by herself, then that nun too has committed an immediate offense entailing sending away and suspension.’”","pi":"“Yā pana bhikkhunī ekā vā gāmantaraṁ gaccheyya, ekā vā nadīpāraṁ gaccheyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti."}},{"id":"pli-tv-bi-vb-ss3:2-from-pli-tv-bi-vb-ss3-2.25","sourceIds":["pli-tv-bi-vb-ss3:2.25"],"kind":"text","text":{"pi":"Evañcidaṁ bhagavatā bhikkhunīnaṁ sikkhāpadaṁ paññattaṁ hoti.","en":"In this way the Buddha laid down this training rule for the nuns."}},{"id":"pli-tv-bi-vb-ss3:3","sourceIds":["pli-tv-bi-vb-ss3:3.0","pli-tv-bi-vb-ss3:3.1","pli-tv-bi-vb-ss3:3.2","pli-tv-bi-vb-ss3:3.3","pli-tv-bi-vb-ss3:3.4","pli-tv-bi-vb-ss3:3.5","pli-tv-bi-vb-ss3:3.6","pli-tv-bi-vb-ss3:3.7","pli-tv-bi-vb-ss3:3.8","pli-tv-bi-vb-ss3:3.9","pli-tv-bi-vb-ss3:3.10","pli-tv-bi-vb-ss3:3.11","pli-tv-bi-vb-ss3:3.12","pli-tv-bi-vb-ss3:3.13","pli-tv-bi-vb-ss3:3.14","pli-tv-bi-vb-ss3:3.15","pli-tv-bi-vb-ss3:3.16","pli-tv-bi-vb-ss3:3.17","pli-tv-bi-vb-ss3:3.18"],"kind":"text","text":{"en":"Third substory\nOn one occasion a number of nuns were walking through the Kosalan country on their way to Sāvatthī, when one evening they arrived at a certain village.\nOne of the nuns was beautiful and graceful, and a certain man fell in love with her as soon as he saw her.\nThen, as he was preparing sleeping places for those nuns, he prepared hers to one side.\nAnd that nun thought, “This man is obsessed with me. If I go there for the night, I’ll get into trouble.”\nThen, without informing the nuns, she went to a certain family and slept there.\nWhen night arrived, that man went searching for that nun, and as he did so he bumped into the other nuns.\nNot seeing that nun anywhere, the nuns said, “No doubt she has left with a man.”\nThe following morning that nun returned to the nuns, and they said to her, “Venerable, why did you leave with a man?”\n“I didn’t leave with a man, venerables.”\nShe then told the nuns what had happened.\nThe nuns of few desires complained and criticized her,\n“How could a nun spend the night apart by herself?” …\n“Is it true, monks, that a nun did this?”\n“It’s true, sir.”\nThe Buddha rebuked her …\n“How could a nun do this?\nThis will affect people’s confidence …” …\n“And so, monks, the nuns should recite this training rule like this:","pi":"Tena kho pana samayena sambahulā bhikkhuniyo kosalesu janapade sāvatthiṁ gacchantā sāyaṁ aññataraṁ gāmaṁ upagacchiṁsu.\nTattha aññatarā bhikkhunī abhirūpā hoti dassanīyā pāsādikā. Aññataro puriso tassā bhikkhuniyā saha dassanena paṭibaddhacitto hoti.\nAtha kho so puriso tāsaṁ bhikkhunīnaṁ seyyaṁ paññapento tassā bhikkhuniyā seyyaṁ ekamantaṁ paññāpesi.\nAtha kho sā bhikkhunī sallakkhetvā—“pariyuṭṭhito ayaṁ puriso; sace rattiṁ āgacchissati, vissaro me bhavissatī”ti,\nbhikkhuniyo anāpucchā aññataraṁ kulaṁ gantvā seyyaṁ kappesi.\nAtha kho so puriso rattiṁ āgantvā taṁ bhikkhuniṁ gavesanto bhikkhuniyo ghaṭṭesi.\nBhikkhuniyo taṁ bhikkhuniṁ apassantiyo evamāhaṁsu—“nissaṁsayaṁ kho sā bhikkhunī purisena saddhiṁ nikkhantā”ti.\nAtha kho sā bhikkhunī tassā rattiyā accayena yena tā bhikkhuniyo tenupasaṅkami. Bhikkhuniyo taṁ bhikkhuniṁ etadavocuṁ—“kissa tvaṁ, ayye, purisena saddhiṁ nikkhantā”ti?\n“Nāhaṁ, ayye, purisena saddhiṁ nikkhantā”ti.\nBhikkhunīnaṁ etamatthaṁ ārocesi.\nYā tā bhikkhuniyo appicchā …pe… tā ujjhāyanti khiyyanti vipācenti—\n“kathañhi nāma bhikkhunī ekā rattiṁ vippavasissatī”ti …pe…\n“saccaṁ kira, bhikkhave, bhikkhunī ekā rattiṁ vippavasatī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma, bhikkhave, bhikkhunī ekā rattiṁ vippavasissati.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, bhikkhuniyo imaṁ sikkhāpadaṁ uddisantu—"}},{"id":"pli-tv-bi-vb-ss3:3.19","sourceIds":["pli-tv-bi-vb-ss3:3.19.0","pli-tv-bi-vb-ss3:3.19.1"],"kind":"text","text":{"en":"Third preliminary ruling\n‘If a nun walks to the next inhabited area by herself or crosses a river by herself or spends the night apart by herself, then that nun too has committed an immediate offense entailing sending away and suspension.’”","pi":"“Yā pana bhikkhunī ekā vā gāmantaraṁ gaccheyya, ekā vā nadīpāraṁ gaccheyya, ekā vā rattiṁ vippavaseyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti."}},{"id":"pli-tv-bi-vb-ss3:3-from-pli-tv-bi-vb-ss3-3.20","sourceIds":["pli-tv-bi-vb-ss3:3.20"],"kind":"text","text":{"pi":"Evañcidaṁ bhagavatā bhikkhunīnaṁ sikkhāpadaṁ paññattaṁ hoti.","en":"In this way the Buddha laid down this training rule for the nuns."}},{"id":"pli-tv-bi-vb-ss3:4","sourceIds":["pli-tv-bi-vb-ss3:4.0","pli-tv-bi-vb-ss3:4.1","pli-tv-bi-vb-ss3:4.2","pli-tv-bi-vb-ss3:4.3","pli-tv-bi-vb-ss3:4.4","pli-tv-bi-vb-ss3:4.5","pli-tv-bi-vb-ss3:4.6","pli-tv-bi-vb-ss3:4.7","pli-tv-bi-vb-ss3:4.8","pli-tv-bi-vb-ss3:4.9","pli-tv-bi-vb-ss3:4.10","pli-tv-bi-vb-ss3:4.11","pli-tv-bi-vb-ss3:4.12","pli-tv-bi-vb-ss3:4.13"],"kind":"text","text":{"en":"Fourth substory\nOn one occasion a number of nuns were traveling through the Kosalan country on their way to Sāvatthī.\nOne of the nuns, needing to defecate, stayed behind by herself, and then followed behind the others.\nPeople saw her and raped her.\nShe then went to the other nuns, and they said to her, “Why did you stay behind by yourself, venerable? We hope you weren’t assaulted?”\n“I was.”\nThe nuns of few desires complained and criticized her,\n“How could a nun lag behind her companions by herself?” …\n“Is it true, monks, that a nun did this?”\n“It’s true, sir.”\nThe Buddha rebuked her …\n“How could a nun do this?\nThis will affect people’s confidence …” …\n“And so, monks, the nuns should recite this training rule like this:","pi":"Tena kho pana samayena sambahulā bhikkhuniyo kosalesu janapade sāvatthiṁ addhānamaggappaṭipannā honti.\nTattha aññatarā bhikkhunī vaccena pīḷitā ekikā ohīyitvā pacchā agamāsi.\nManussā taṁ bhikkhuniṁ passitvā dūsesuṁ.\nAtha kho sā bhikkhunī yena tā bhikkhuniyo tenupasaṅkami. Bhikkhuniyo taṁ bhikkhuniṁ etadavocuṁ—“kissa tvaṁ, ayye, ekikā ohīnā, kaccisi appadhaṁsitā”ti?\n“Padhaṁsitāmhi, ayye”ti.\nYā tā bhikkhuniyo appicchā …pe… tā ujjhāyanti khiyyanti vipācenti—\nkathañhi nāma bhikkhunī ekā gaṇamhā ohīyissatīti …pe…\n“saccaṁ kira, bhikkhave, bhikkhunī ekā gaṇamhā ohīyatī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma, bhikkhave, bhikkhunī ekā gaṇamhā ohīyissati.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, bhikkhuniyo imaṁ sikkhāpadaṁ uddisantu—"}},{"id":"pli-tv-bi-vb-ss3:4.14","sourceIds":["pli-tv-bi-vb-ss3:4.14.0","pli-tv-bi-vb-ss3:4.14.1"],"kind":"text","text":{"en":"Final ruling\n‘If a nun walks to the next inhabited area by herself or crosses a river by herself or spends the night apart by herself or lags behind her companions by herself, then that nun too has committed an immediate offense entailing sending away and suspension.’”","pi":"“Yā pana bhikkhunī ekā vā gāmantaraṁ gaccheyya, ekā vā nadīpāraṁ gaccheyya, ekā vā rattiṁ vippavaseyya, ekā vā gaṇamhā ohīyeyya, ayampi bhikkhunī paṭhamāpattikaṁ dhammaṁ āpannā nissāraṇīyaṁ saṅghādisesan”ti."}},{"id":"pli-tv-bi-vb-ss3:5.1","sourceIds":["pli-tv-bi-vb-ss3:5.1.0","pli-tv-bi-vb-ss3:5.1.1","pli-tv-bi-vb-ss3:5.1.2","pli-tv-bi-vb-ss3:5.1.3","pli-tv-bi-vb-ss3:5.1.4","pli-tv-bi-vb-ss3:5.1.5","pli-tv-bi-vb-ss3:5.1.6","pli-tv-bi-vb-ss3:5.1.7","pli-tv-bi-vb-ss3:5.1.8","pli-tv-bi-vb-ss3:5.1.9","pli-tv-bi-vb-ss3:5.1.10","pli-tv-bi-vb-ss3:5.1.11","pli-tv-bi-vb-ss3:5.1.12","pli-tv-bi-vb-ss3:5.1.13","pli-tv-bi-vb-ss3:5.1.14","pli-tv-bi-vb-ss3:5.1.15","pli-tv-bi-vb-ss3:5.1.16","pli-tv-bi-vb-ss3:5.1.17","pli-tv-bi-vb-ss3:5.1.18","pli-tv-bi-vb-ss3:5.1.19","pli-tv-bi-vb-ss3:5.1.20","pli-tv-bi-vb-ss3:5.1.21","pli-tv-bi-vb-ss3:5.1.22","pli-tv-bi-vb-ss3:5.1.23","pli-tv-bi-vb-ss3:5.1.24","pli-tv-bi-vb-ss3:5.1.25","pli-tv-bi-vb-ss3:5.1.26","pli-tv-bi-vb-ss3:5.1.27"],"kind":"text","text":{"en":"Definitions\nA:\nwhoever …\nNun:\n… The nun who has been given the full ordination in unanimity by both Sanghas through a legal procedure consisting of one motion and three announcements that is irreversible and fit to stand—this sort of nun is meant in this case.\nWalks to the next inhabited area by herself:\nif she crosses the boundary of an enclosed inhabited area with her first foot, she commits a serious offense.\nIf she then crosses it with her second foot, she commits an offense entailing suspension.\nIf she enters the vicinity of an unenclosed inhabited area with her first foot, she commits a serious offense.\nIf she then enters it with her second foot, she commits an offense entailing suspension.\nOr crosses a river by herself:\nA river: wherever, after covering the three circles, the sarong gets wet when the nun is crossing.\nWhen she has crossed with the first foot, she commits a serious offense.\nWhen she has crossed with the second foot, she commits an offense entailing suspension.\nOr spends the night apart by herself:\nif, at dawn, she is in the process of going beyond arm’s reach of her companion nun, she commits a serious offense.\nWhen she has gone beyond, she commits an offense entailing suspension.\nOr lags behind her companions by herself:\nif, in an uninhabited area, in the wilderness, she is in the process of going beyond the range of sight or the range of hearing of her companion nun, she commits a serious offense.\nWhen she has gone beyond, she commits an offense entailing suspension.\nThat too:\nthis is said with reference to the preceding offenses.\nAn immediate offense:\nthere is an offense as soon as the misconduct is committed, and no pressing is required.\nEntailing sending away:\nshe is sent away from the Sangha.\nSuspension:\n… Therefore, too, it is called an offense entailing suspension.","pi":"Yā panāti\nyā yādisā …pe…\nbhikkhunīti\n…pe… ayaṁ imasmiṁ atthe adhippetā bhikkhunīti.\nEkā vā gāmantaraṁ gaccheyyāti\nparikkhittassa gāmassa parikkhepaṁ paṭhamaṁ pādaṁ atikkāmentiyā āpatti thullaccayassa,\ndutiyaṁ pādaṁ atikkāmentiyā āpatti saṅghādisesassa.\nAparikkhittassa gāmassa upacāraṁ paṭhamaṁ pādaṁ atikkāmentiyā āpatti thullaccayassa.\nDutiyaṁ pādaṁ atikkāmentiyā āpatti saṅghādisesassa.\nEkā vā nadīpāraṁ gaccheyyāti\nnadī nāma timaṇḍalaṁ paṭicchādetvā yattha katthaci uttarantiyā bhikkhuniyā antaravāsako temiyati.\nPaṭhamaṁ pādaṁ uttarantiyā āpatti thullaccayassa.\nDutiyaṁ pādaṁ uttarantiyā āpatti saṅghādisesassa.\nEkā vā rattiṁ vippavaseyyāti\nsaha aruṇuggamanā dutiyikāya bhikkhuniyā hatthapāsaṁ vijahantiyā āpatti thullaccayassa.\nVijahite āpatti saṅghādisesassa.\nEkā vā gaṇamhā ohīyeyyāti\nagāmake araññe dutiyikāya bhikkhuniyā dassanūpacāraṁ vā savanūpacāraṁ vā vijahantiyā āpatti thullaccayassa.\nVijahite āpatti saṅghādisesassa.\nAyampīti\npurimāyo upādāya vuccati.\nPaṭhamāpattikanti\nsaha vatthujjhācārā āpajjati asamanubhāsanāya.\nNissāraṇīyanti\nsaṅghamhā nissārīyati.\nSaṅghādisesoti\n…pe… tenapi vuccati saṅghādisesoti."}},{"id":"pli-tv-bi-vb-ss3:5.2","sourceIds":["pli-tv-bi-vb-ss3:5.2.0","pli-tv-bi-vb-ss3:5.2.1","pli-tv-bi-vb-ss3:5.2.2","pli-tv-bi-vb-ss3:5.2.3","pli-tv-bi-vb-ss3:5.2.4","pli-tv-bi-vb-ss3:5.2.5","pli-tv-bi-vb-ss3:5.2.6"],"kind":"text","text":{"en":"Non-offenses\nThere is no offense:\nif her companion nun has left or disrobed or died or joined another religion or sect;\nif there is an emergency;\nif she is insane;\nif she is the first offender.\nThe third offense entailing suspension is finished.","pi":"Anāpatti—\ndutiyikā bhikkhunī pakkantā vā hoti vibbhantā vā kālaṅkatā vā pakkhasaṅkantā vā,\nāpadāsu,\nummattikāya,\nādikammikāyāti.\nTatiyasaṅghādisesasikkhāpadaṁ niṭṭhitaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bi-vb-ss3/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}