{"id":"pli-tv-bu-vb-np10","title":"Excessive prompting to get a robe","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-np10","title":"Excessive prompting to get a robe","units":[{"id":"pli-tv-bu-vb-np10:0","sourceIds":["pli-tv-bu-vb-np10:0.1","pli-tv-bu-vb-np10:0.2","pli-tv-bu-vb-np10:0.3","pli-tv-bu-vb-np10:0.4","pli-tv-bu-vb-np10:0.5"],"kind":"text","text":{"pi":"Theravāda Vinaya\nMahāvibhaṅga\nNissaggiyakaṇḍa\nCīvaravagga\n10. Rājasikkhāpada","en":"Theravāda Collection on Monastic Law\nThe Great Analysis\nThe chapter on relinquishment\nThe subchapter on robes\nExcessive prompting to get a robe"}},{"id":"pli-tv-bu-vb-np10:1.1","sourceIds":["pli-tv-bu-vb-np10:1.1.0","pli-tv-bu-vb-np10:1.1.1","pli-tv-bu-vb-np10:1.1.2","pli-tv-bu-vb-np10:1.1.3","pli-tv-bu-vb-np10:1.1.4","pli-tv-bu-vb-np10:1.1.5","pli-tv-bu-vb-np10:1.1.6","pli-tv-bu-vb-np10:1.1.7","pli-tv-bu-vb-np10:1.1.8","pli-tv-bu-vb-np10:1.1.9","pli-tv-bu-vb-np10:1.1.10","pli-tv-bu-vb-np10:1.1.11","pli-tv-bu-vb-np10:1.1.12","pli-tv-bu-vb-np10:1.1.13","pli-tv-bu-vb-np10:1.1.14","pli-tv-bu-vb-np10:1.1.15","pli-tv-bu-vb-np10:1.1.16","pli-tv-bu-vb-np10:1.1.17","pli-tv-bu-vb-np10:1.1.18","pli-tv-bu-vb-np10:1.1.19","pli-tv-bu-vb-np10:1.1.20","pli-tv-bu-vb-np10:1.1.21","pli-tv-bu-vb-np10:1.1.22","pli-tv-bu-vb-np10:1.1.23","pli-tv-bu-vb-np10:1.1.24"],"kind":"text","text":{"en":"Origin story\nAt one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time a certain government official was a supporter of Venerable Upananda the Sakyan. On one occasion that official sent a robe fund by messenger, saying,\n“Buy robe-cloth with this fund and give it to Venerable Upananda.”\nThe messenger went to Upananda and said,\n“Venerable, I’ve brought a robe fund for you.\nPlease receive it.”\n“We don’t receive robe funds, but we do receive allowable robe-cloth at the right time.”\n“Is there anyone who provides services for you?”\nJust then a lay follower had come to the monastery on some business.\nUpananda told the messenger,\n“This lay follower provides services for the monks.”\nThe messenger instructed that lay follower and then returned to Upananda, saying,\n“I’ve instructed the lay follower you pointed out to me.\nPlease go to them at the right time and they’ll give you robe-cloth.”\nLater on that government official sent a message to Upananda, saying,\n“Please use the robe-cloth. I would like you to use the robe-cloth.”\nWhen Upananda did not say anything to that lay follower,\nthat government official sent him a second message\nsaying the same thing.\nWhen Upananda still did not say anything to that lay follower,\nthat government official sent him a third message.","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmato upanandassa sakyaputtassa upaṭṭhāko mahāmatto āyasmato upanandassa sakyaputtassa dūtena cīvaracetāpannaṁ pāhesi—\n“iminā cīvaracetāpannena cīvaraṁ cetāpetvā ayyaṁ upanandaṁ cīvarena acchādehī”ti.\nAtha kho so dūto yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—\n“idaṁ kho, bhante, āyasmantaṁ uddissa cīvaracetāpannaṁ ābhataṁ.\nPaṭiggaṇhātu āyasmā cīvaracetāpannan”ti.\nEvaṁ vutte āyasmā upanando sakyaputto taṁ dūtaṁ etadavoca—\n“na kho mayaṁ, āvuso, cīvaracetāpannaṁ paṭiggaṇhāma, cīvarañca kho mayaṁ paṭiggaṇhāma kālena kappiyan”ti.\nEvaṁ vutte, so dūto āyasmantaṁ upanandaṁ sakyaputtaṁ etadavoca—\n“atthi panāyasmato koci veyyāvaccakaro”ti?\nTena kho pana samayena aññataro upāsako ārāmaṁ agamāsi kenacideva karaṇīyena.\nAtha kho āyasmā upanando sakyaputto taṁ dūtaṁ etadavoca—\n“eso kho, āvuso, upāsako bhikkhūnaṁ veyyāvaccakaro”ti.\nAtha kho so dūto taṁ upāsakaṁ saññāpetvā yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ etadavoca—\n“yaṁ kho, bhante, āyasmā veyyāvaccakaraṁ niddisi saññatto so mayā.\nUpasaṅkamatu āyasmā kālena, cīvarena taṁ acchādessatī”ti.\nTena kho pana samayena so mahāmatto āyasmato upanandassa sakyaputtassa santike dūtaṁ pāhesi—\n“paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhuttan”ti.\nAtha kho āyasmā upanando sakyaputto taṁ upāsakaṁ na kiñci avacāsi.\nDutiyampi kho so mahāmatto āyasmato upanandassa sakyaputtassa santike dūtaṁ pāhesi—\n“paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhuttan”ti.\nDutiyampi kho āyasmā upanando sakyaputto taṁ upāsakaṁ na kiñci avacāsi.\nTatiyampi kho so mahāmatto āyasmato upanandassa sakyaputtassa santike dūtaṁ pāhesi—\n“paribhuñjatu ayyo taṁ cīvaraṁ, icchāma mayaṁ ayyena taṁ cīvaraṁ paribhuttan”ti."}},{"id":"pli-tv-bu-vb-np10:1.2","sourceIds":["pli-tv-bu-vb-np10:1.2.1","pli-tv-bu-vb-np10:1.2.2","pli-tv-bu-vb-np10:1.2.3","pli-tv-bu-vb-np10:1.2.4","pli-tv-bu-vb-np10:1.2.5","pli-tv-bu-vb-np10:1.2.6","pli-tv-bu-vb-np10:1.2.7","pli-tv-bu-vb-np10:1.2.8","pli-tv-bu-vb-np10:1.2.9","pli-tv-bu-vb-np10:1.2.10","pli-tv-bu-vb-np10:1.2.11","pli-tv-bu-vb-np10:1.2.12","pli-tv-bu-vb-np10:1.2.13","pli-tv-bu-vb-np10:1.2.14","pli-tv-bu-vb-np10:1.2.15","pli-tv-bu-vb-np10:1.2.16","pli-tv-bu-vb-np10:1.2.17","pli-tv-bu-vb-np10:1.2.18","pli-tv-bu-vb-np10:1.2.19","pli-tv-bu-vb-np10:1.2.20","pli-tv-bu-vb-np10:1.2.21","pli-tv-bu-vb-np10:1.2.22","pli-tv-bu-vb-np10:1.2.23","pli-tv-bu-vb-np10:1.2.24","pli-tv-bu-vb-np10:1.2.25","pli-tv-bu-vb-np10:1.2.26","pli-tv-bu-vb-np10:1.2.27","pli-tv-bu-vb-np10:1.2.28","pli-tv-bu-vb-np10:1.2.29"],"kind":"text","text":{"pi":"Tena kho pana samayena negamassa samayo hoti.\nNegamena ca katikā katā hoti— “yo pacchā āgacchati paññāsaṁ baddho”ti.\nAtha kho āyasmā upanando sakyaputto yena so upāsako tenupasaṅkami; upasaṅkamitvā taṁ upāsakaṁ etadavoca—\n“attho me, āvuso, cīvarenā”ti.\n“Ajjaṇho, bhante, āgamehi, ajja negamassa samayo.\nNegamena ca katikā katā hoti—‘yo pacchā āgacchati paññāsaṁ baddho’”ti.\n“Ajjeva me, āvuso, cīvaraṁ dehī”ti ovaṭṭikāya parāmasi.\nAtha kho so upāsako āyasmatā upanandena sakyaputtena nippīḷiyamāno āyasmato upanandassa sakyaputtassa cīvaraṁ cetāpetvā pacchā agamāsi.\nManussā taṁ upāsakaṁ etadavocuṁ—\n“kissa tvaṁ, ayyo, pacchā āgato, paññāsaṁ jīnosī”ti.\nAtha kho so upāsako tesaṁ manussānaṁ etamatthaṁ ārocesi.\nManussā ujjhāyanti khiyyanti vipācenti—\n“mahicchā ime samaṇā sakyaputtiyā asantuṭṭhā.\nNayimesaṁ sukaraṁ veyyāvaccampi kātuṁ.\nKathañhi nāma āyasmā upanando upāsakena—\n‘ajjaṇho, bhante, āgamehī’ti vuccamāno nāgamessatī”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma āyasmā upanando sakyaputto upāsakena—\n‘ajjaṇho, bhante, āgamehī’ti vuccamāno nāgamessatī”ti.\nAtha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira tvaṁ, upananda, upāsakena—\n‘ajjaṇho, bhante, āgamehī’ti vuccamāno nāgamesī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tvaṁ, moghapurisa, upāsakena—\n‘ajjaṇho, bhante, āgamehī’ti vuccamāno nāgamessasi.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"At that time the householder association had made an agreement that whoever came late to a meeting would be fined fifty coins. And now they were having a meeting.\nJust then Upananda went to that lay follower and said,\n“I need robe-cloth.”\n“Please wait one day, venerable, for today there’s a meeting of the householder association.\nThey’ve made an agreement that whoever comes late gets fined fifty coins.”\nSaying, “Give me the robe-cloth today,” he grabbed him by the belt.\nBeing pressured by Upananda, the lay follower bought him robe-cloth, and as a consequence he was late for the meeting.\nPeople asked him,\n“Sir, why are you late? You’ve just lost fifty coins.”\nWhen that lay follower told them what had happened,\nthey complained and criticized Upananda,\n“These Sakyan monastics have great desires. They’re not content.\nIt’s no easy matter to provide them with a service.\nHow could Venerable Upananda not agree when asked by a lay follower\nto wait for a day?”\nThe monks heard the complaints of those people,\nand the monks of few desires complained and criticized him,\n“How could Venerable Upananda not agree when asked by a lay follower\nto wait for a day?”\nAfter rebuking him in many ways, they told the Buddha. Soon afterwards he had the Sangha gathered and questioned Upananda:\n“Is it true, Upananda, that you did this?”\n“It’s true, sir.”\nThe Buddha rebuked him …\n“Foolish man, how could you do this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-np10:1.3","sourceIds":["pli-tv-bu-vb-np10:1.3.0","pli-tv-bu-vb-np10:1.3.1","pli-tv-bu-vb-np10:1.3.2","pli-tv-bu-vb-np10:1.3.3","pli-tv-bu-vb-np10:1.3.4","pli-tv-bu-vb-np10:1.3.5","pli-tv-bu-vb-np10:1.3.6","pli-tv-bu-vb-np10:1.3.7","pli-tv-bu-vb-np10:1.3.8","pli-tv-bu-vb-np10:1.3.9","pli-tv-bu-vb-np10:1.3.10","pli-tv-bu-vb-np10:1.3.11","pli-tv-bu-vb-np10:1.3.12","pli-tv-bu-vb-np10:1.3.13","pli-tv-bu-vb-np10:1.3.14","pli-tv-bu-vb-np10:1.3.15","pli-tv-bu-vb-np10:1.3.16","pli-tv-bu-vb-np10:1.3.17","pli-tv-bu-vb-np10:1.3.18","pli-tv-bu-vb-np10:1.3.19","pli-tv-bu-vb-np10:1.3.20","pli-tv-bu-vb-np10:1.3.21","pli-tv-bu-vb-np10:1.3.22"],"kind":"text","text":{"en":"Final ruling\n‘If a king, a king’s employee, a brahmin, or a householder sends a robe fund for a monk by messenger, saying,\n“Buy robe-cloth with this robe fund and give it to monk so-and-so,”\nand the messenger goes to that monk and says,\n“Venerable, I have brought a robe fund for you. Please receive it,”\nthen that monk should reply,\n“We don’t receive robe funds, but we do receive allowable robe-cloth at the right time.”\nIf that messenger says,\n“Is there anyone who provides services for you?”\nthe monk, if he needs robe-cloth, should point out a monastery worker or a lay follower and say,\n“They provide services for the monks.”\nIf the messenger instructs that service provider and then returns to the monk and says,\n“Venerable, I have instructed the service provider you pointed out. Please go to them at the right time and they’ll give you robe-cloth,”\nthen, if that monk needs robe-cloth, he should go to that service provider and prompt them and remind them two or three times, saying,\n“I need robe-cloth.”\nIf he then gets robe-cloth, all is well.\nIf he does not get it, he should stand in silence for it at most six times.\nIf he then gets robe-cloth, all is well.\nIf he makes any further effort and then gets robe-cloth, he commits an offense entailing relinquishment and confession.\nIf he does not get robe-cloth, he should go to the owners of that robe fund, or send a message, saying,\n“That monk hasn’t received any benefit from the robe fund you sent for him.\nPlease recover what’s yours, or it might perish.”\nThis is the proper procedure.’”","pi":"“Bhikkhuṁ paneva uddissa rājā vā rājabhoggo vā brāhmaṇo vā gahapatiko vā dūtena cīvaracetāpannaṁ pahiṇeyya—\n‘iminā cīvaracetāpannena cīvaraṁ cetāpetvā itthannāmaṁ bhikkhuṁ cīvarena acchādehī’ti.\nSo ce dūto taṁ bhikkhuṁ upasaṅkamitvā evaṁ vadeyya—\n‘idaṁ kho, bhante, āyasmantaṁ uddissa cīvaracetāpannaṁ ābhataṁ, paṭiggaṇhātu āyasmā cīvaracetāpannan’ti,\ntena bhikkhunā so dūto evamassa vacanīyo—\n‘na kho mayaṁ, āvuso, cīvaracetāpannaṁ paṭiggaṇhāma. Cīvarañca kho mayaṁ paṭiggaṇhāma, kālena kappiyan’ti.\nSo ce dūto taṁ bhikkhuṁ evaṁ vadeyya—\n‘atthi panāyasmato koci veyyāvaccakaro’ti,\ncīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā—\n‘eso kho, āvuso, bhikkhūnaṁ veyyāvaccakaro’ti.\nSo ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya—\n‘yaṁ kho, bhante, āyasmā veyyāvaccakaraṁ niddisi saññatto so mayā, upasaṅkamatu āyasmā kālena, cīvarena taṁ acchādessatī’ti,\ncīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṁ codetabbo sāretabbo—\n‘attho me, āvuso, cīvarenā’ti.\nDvattikkhattuṁ codayamāno sārayamāno taṁ cīvaraṁ abhinipphādeyya, iccetaṁ kusalaṁ;\nno ce abhinipphādeyya, catukkhattuṁ pañcakkhattuṁ chakkhattuparamaṁ tuṇhībhūtena uddissa ṭhātabbaṁ.\nCatukkhattuṁ pañcakkhattuṁ chakkhattuparamaṁ tuṇhībhūto uddissa tiṭṭhamāno taṁ cīvaraṁ abhinipphādeyya, iccetaṁ kusalaṁ;\ntato ce uttari vāyamamāno taṁ cīvaraṁ abhinipphādeyya, nissaggiyaṁ pācittiyaṁ.\nNo ce abhinipphādeyya, yatassa cīvaracetāpannaṁ ābhataṁ, tattha sāmaṁ vā gantabbaṁ dūto vā pāhetabbo—\n‘yaṁ kho tumhe āyasmanto bhikkhuṁ uddissa cīvaracetāpannaṁ pahiṇittha, na taṁ tassa bhikkhuno kiñci atthaṁ anubhoti,\nyuñjantāyasmanto sakaṁ, mā vo sakaṁ vinassā’ti,\nayaṁ tattha sāmīcī”ti."}},{"id":"pli-tv-bu-vb-np10:2.1","sourceIds":["pli-tv-bu-vb-np10:2.1.0","pli-tv-bu-vb-np10:2.1.1","pli-tv-bu-vb-np10:2.1.2","pli-tv-bu-vb-np10:2.1.3","pli-tv-bu-vb-np10:2.1.4","pli-tv-bu-vb-np10:2.1.5","pli-tv-bu-vb-np10:2.1.6","pli-tv-bu-vb-np10:2.1.7","pli-tv-bu-vb-np10:2.1.8","pli-tv-bu-vb-np10:2.1.9","pli-tv-bu-vb-np10:2.1.10","pli-tv-bu-vb-np10:2.1.11","pli-tv-bu-vb-np10:2.1.12","pli-tv-bu-vb-np10:2.1.13","pli-tv-bu-vb-np10:2.1.14","pli-tv-bu-vb-np10:2.1.15","pli-tv-bu-vb-np10:2.1.16","pli-tv-bu-vb-np10:2.1.17","pli-tv-bu-vb-np10:2.1.18","pli-tv-bu-vb-np10:2.1.19","pli-tv-bu-vb-np10:2.1.20","pli-tv-bu-vb-np10:2.1.21","pli-tv-bu-vb-np10:2.1.22","pli-tv-bu-vb-np10:2.1.23","pli-tv-bu-vb-np10:2.1.24","pli-tv-bu-vb-np10:2.1.25","pli-tv-bu-vb-np10:2.1.26","pli-tv-bu-vb-np10:2.1.27","pli-tv-bu-vb-np10:2.1.28","pli-tv-bu-vb-np10:2.1.29","pli-tv-bu-vb-np10:2.1.30","pli-tv-bu-vb-np10:2.1.31","pli-tv-bu-vb-np10:2.1.32","pli-tv-bu-vb-np10:2.1.33","pli-tv-bu-vb-np10:2.1.34","pli-tv-bu-vb-np10:2.1.35","pli-tv-bu-vb-np10:2.1.36","pli-tv-bu-vb-np10:2.1.37","pli-tv-bu-vb-np10:2.1.38","pli-tv-bu-vb-np10:2.1.39","pli-tv-bu-vb-np10:2.1.40","pli-tv-bu-vb-np10:2.1.41","pli-tv-bu-vb-np10:2.1.42","pli-tv-bu-vb-np10:2.1.43","pli-tv-bu-vb-np10:2.1.44","pli-tv-bu-vb-np10:2.1.45"],"kind":"text","text":{"en":"Definitions\nFor a monk:\nfor the benefit of a monk; making a monk the object of consideration, one wants to give to him.\nA king:\nwhoever rules.\nA king’s employee:\nwhoever gets food and wages from a king.\nA brahmin:\na brahmin by birth.\nA householder:\nanyone apart from a king, a king’s employee, and a brahmin.\nA robe fund:\nmoney, gold, a pearl, or a gem.\nWith this robe fund:\nwith that which is at one’s disposal.\nBuy:\nhaving traded.\nGive:\ndonate.\nAnd the messenger goes to that monk and says,\n“Venerable, I have brought a robe fund for you. Please receive it,”\nthen that monk should reply,\n“We don’t receive robe funds, but we do receive allowable robe-cloth at the right time.”\nIf that messenger says,\n“Is there anyone who provides services for you?”\nthe monk, if he needs robe-cloth, should point out a monastery worker or a lay follower and say,\n“They provides services for the monks”:\nhe should not say, “Give it to them,” “They’ll put it aside,” “They’ll trade it,” “They’ll buy it.”\nIf the messenger instructs that service provider and then returns to the monk and says,\n“Venerable, I have instructed the service provider you pointed out. Please go to them at the right time and they’ll give you robe-cloth,”\nthen, if that monk needs robe-cloth, he should go to that service provider and prompt them and remind them two or three times, saying,\n“I need robe-cloth”:\nhe should not say, “Give me robe-cloth,” “Get me robe-cloth,” “Trade me robe-cloth,” “Buy me robe-cloth.”\nHe should say it a second\nand a third time.\nIf he gets it, all is well.\nIf he does not get it, he should go there and stand in silence for it:\nhe should not sit down on a seat; he should not receive food;\nhe should not give a teaching.\nIf he is asked, “Why have you come?” he should say, “Think about it.”\nIf he sits down on a seat, or he receives food, or he gives a teaching, he loses one allowance to stand.\nHe should stand a second\nand a third time.\nIf he prompts four times, he can stand four times.\nIf he prompts five times, he can stand twice.\nIf he prompts six times, he cannot stand at all.","pi":"Bhikkhuṁ paneva uddissāti\nbhikkhussatthāya, bhikkhuṁ ārammaṇaṁ karitvā, bhikkhuṁ acchādetukāmo.\nRājā nāma\nyo koci rajjaṁ kāreti.\nRājabhoggo nāma\nyo koci rañño bhattavetanāhāro.\nBrāhmaṇo nāma\njātiyā brāhmaṇo.\nGahapatiko nāma\nṭhapetvā rājaṁ rājabhoggaṁ brāhmaṇaṁ avaseso gahapatiko nāma.\nCīvaracetāpannaṁ nāma\nhiraññaṁ vā suvaṇṇaṁ vā muttā vā maṇi vā.\nIminā cīvaracetāpannenāti\npaccupaṭṭhitena.\nCetāpetvāti\nparivattetvā.\nAcchādehīti\ndajjehi.\nSo ce dūto taṁ bhikkhuṁ upasaṅkamitvā evaṁ vadeyya—\n“idaṁ kho, bhante, āyasmantaṁ uddissa cīvaracetāpannaṁ ābhataṁ. Paṭiggaṇhātu āyasmā cīvaracetāpannan”ti,\ntena bhikkhunā so dūto evamassa vacanīyo—\n“na kho mayaṁ, āvuso, cīvaracetāpannaṁ paṭiggaṇhāma. Cīvarañca kho mayaṁ paṭiggaṇhāma, kālena kappiyan”ti.\nSo ce dūto taṁ bhikkhuṁ evaṁ vadeyya—\n“atthi panāyasmato koci veyyāvaccakaro”ti?\nCīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā—\n“eso kho, āvuso, bhikkhūnaṁ veyyāvaccakaro”ti.\nNa vattabbo— “tassa dehīti vā, so vā nikkhipissati, so vā parivattessati, so vā cetāpessatī”ti.\nSo ce dūto taṁ veyyāvaccakaraṁ saññāpetvā taṁ bhikkhuṁ upasaṅkamitvā evaṁ vadeyya—\n“yaṁ kho, bhante, āyasmā veyyāvaccakaraṁ niddisi saññatto so mayā. Upasaṅkamatu āyasmā kālena, cīvarena taṁ acchādessatī”ti.\nCīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṁ codetabbo sāretabbo—\n“attho me, āvuso, cīvarenā”ti.\nNa vattabbo— “dehi me cīvaraṁ, āhara me cīvaraṁ, parivattehi me cīvaraṁ, cetāpehi me cīvaran”ti.\nDutiyampi vattabbo.\nTatiyampi vattabbo.\nSace abhinipphādeti, iccetaṁ kusalaṁ;\nno ce abhinipphādeti, tattha gantvā tuṇhībhūtena uddissa ṭhātabbaṁ.\nNa āsane nisīditabbaṁ. Na āmisaṁ paṭiggahetabbaṁ.\nNa dhammo bhāsitabbo.\n“Kiṁ kāraṇā āgatosī”ti pucchiyamāno “jānāhi, āvuso”ti vattabbo.\nSace āsane vā nisīdati, āmisaṁ vā paṭiggaṇhāti, dhammaṁ vā bhāsati, ṭhānaṁ bhañjati.\nDutiyampi ṭhātabbaṁ.\nTatiyampi ṭhātabbaṁ.\nCatukkhattuṁ codetvā catukkhattuṁ ṭhātabbaṁ.\nPañcakkhattuṁ codetvā dvikkhattuṁ ṭhātabbaṁ.\nChakkhattuṁ codetvā na ṭhātabbaṁ."}},{"id":"pli-tv-bu-vb-np10:2.2","sourceIds":["pli-tv-bu-vb-np10:2.2.1","pli-tv-bu-vb-np10:2.2.2","pli-tv-bu-vb-np10:2.2.3","pli-tv-bu-vb-np10:2.2.4","pli-tv-bu-vb-np10:2.2.5","pli-tv-bu-vb-np10:2.2.6","pli-tv-bu-vb-np10:2.2.7","pli-tv-bu-vb-np10:2.2.8","pli-tv-bu-vb-np10:2.2.9","pli-tv-bu-vb-np10:2.2.10","pli-tv-bu-vb-np10:2.2.11","pli-tv-bu-vb-np10:2.2.12","pli-tv-bu-vb-np10:2.2.13","pli-tv-bu-vb-np10:2.2.14","pli-tv-bu-vb-np10:2.2.15","pli-tv-bu-vb-np10:2.2.16"],"kind":"text","text":{"pi":"Tato ce uttari vāyamamāno taṁ cīvaraṁ abhinipphādeti,\npayoge dukkaṭaṁ.\nPaṭilābhena nissaggiyaṁ hoti.\nNissajjitabbaṁ saṅghassa vā gaṇassa vā puggalassa vā.\nEvañca pana, bhikkhave, nissajjitabbaṁ.\n…pe…\n“idaṁ me, bhante, cīvaraṁ atirekatikkhattuṁ codanāya atirekachakkhattuṁ ṭhānena abhinipphāditaṁ nissaggiyaṁ.\nImāhaṁ saṅghassa nissajjāmī”ti …pe…\ndadeyyāti …pe…\ndadeyyunti …pe…\nāyasmato dammīti.\nNo ce abhinipphādeyya, yatassa cīvaracetāpannaṁ ābhataṁ tattha sāmaṁ vā gantabbaṁ dūto vā pāhetabbo—\n“yaṁ kho tumhe, āyasmanto, bhikkhuṁ uddissa cīvaracetāpannaṁ pahiṇittha na taṁ tassa bhikkhuno kiñci atthaṁ anubhoti.\nYuñjantāyasmanto sakaṁ, mā vo sakaṁ vinassā”ti.\nAyaṁ tattha sāmīcīti\nayaṁ tattha anudhammatā.","en":"If he makes any further effort and then gets robe-cloth:\nfor the effort there is an act of wrong conduct.\nWhen he gets the robe-cloth, it becomes subject to relinquishment.\nThe robe-cloth should be relinquished to a sangha, a group, or an individual.\n“And, monks, it should be relinquished like this. …”\n(To be expanded as in Bu NP 1:3.2.5–3.2.29, with appropriate substitutions.)\n“Venerables, this robe-cloth, which I got after prompting more than three times and standing more than six times, is to be relinquished.\nI relinquish it to the Sangha.” …\n“the Sangha should give …”\n“you should give …”\n“I give this robe-cloth back to you.”\nIf he does not get robe-cloth, he should go to the owner of that robe fund, or send a message, saying,\n“That monk hasn’t received any benefit from the robe fund you sent for him.\nPlease recover what’s yours, or it might perish.”\nThis is the proper procedure:\nthis is the right method."}},{"id":"pli-tv-bu-vb-np10:2.3","sourceIds":["pli-tv-bu-vb-np10:2.3.0","pli-tv-bu-vb-np10:2.3.1","pli-tv-bu-vb-np10:2.3.2","pli-tv-bu-vb-np10:2.3.3","pli-tv-bu-vb-np10:2.3.4","pli-tv-bu-vb-np10:2.3.5","pli-tv-bu-vb-np10:2.3.6"],"kind":"text","text":{"en":"Permutations\nIf he prompts more than three times and stands more than six times, and he perceives it as more, and he gets robe-cloth, he commits an offense entailing relinquishment and confession.\nIf he prompts more than three times and stands more than six times, but he is unsure of it, and he gets robe-cloth, he commits an offense entailing relinquishment and confession.\nIf he prompts more than three times and stands more than six times, but he perceives it as less, and he gets robe-cloth, he commits an offense entailing relinquishment and confession.\nIf he prompts less than three times and stands less than six times, but he perceives it as more, he commits an offense of wrong conduct.\nIf he prompts less than three times and stands less than six times, but he is unsure of it, he commits an offense of wrong conduct.\nIf he prompts less than three times and stands less than six times, and he perceives it as less, there is no offense.","pi":"Atirekatikkhattuṁ codanāya atirekachakkhattuṁ ṭhānena atirekasaññī abhinipphādeti, nissaggiyaṁ pācittiyaṁ.\nAtirekatikkhattuṁ codanāya atirekachakkhattuṁ ṭhānena vematiko abhinipphādeti, nissaggiyaṁ pācittiyaṁ.\nAtirekatikkhattuṁ codanāya atirekachakkhattuṁ ṭhānena ūnakasaññī abhinipphādeti, nissaggiyaṁ pācittiyaṁ.\nŪnakatikkhattuṁ codanāya ūnakachakkhattuṁ ṭhānena atirekasaññī, āpatti dukkaṭassa.\nŪnakatikkhattuṁ codanāya ūnakachakkhattuṁ ṭhānena vematiko, āpatti dukkaṭassa.\nŪnakatikkhattuṁ codanāya ūnakachakkhattuṁ ṭhānena ūnakasaññī anāpatti."}},{"id":"pli-tv-bu-vb-np10:2.4","sourceIds":["pli-tv-bu-vb-np10:2.4.0","pli-tv-bu-vb-np10:2.4.1","pli-tv-bu-vb-np10:2.4.2","pli-tv-bu-vb-np10:2.4.3","pli-tv-bu-vb-np10:2.4.4","pli-tv-bu-vb-np10:2.4.5","pli-tv-bu-vb-np10:2.4.6","pli-tv-bu-vb-np10:2.4.7","pli-tv-bu-vb-np10:2.4.8","pli-tv-bu-vb-np10:2.4.9","pli-tv-bu-vb-np10:2.4.10","pli-tv-bu-vb-np10:2.4.11","pli-tv-bu-vb-np10:2.4.12","pli-tv-bu-vb-np10:2.4.13","pli-tv-bu-vb-np10:2.4.14"],"kind":"text","text":{"en":"Non-offenses\nThere is no offense:\nif he prompts three times and stands six times;\nif he prompts less than three times and stands less than six times;\nif it is given without prompting;\nif the owners prompt and then it is given;\nif he is insane;\nif he is the first offender.\nThe training rule on excessive prompting to get a robe, the tenth, is finished.\nThe first subchapter on the robe season is finished.\nThis is the summary:\n“Three on the ended robe season,\nAnd washing, receiving;\nThree on those who are unrelated,\nOf both, and with messenger.”","pi":"Anāpatti—\ntikkhattuṁ codanāya, chakkhattuṁ ṭhānena,\nūnakatikkhattuṁ codanāya, ūnakachakkhattuṁ ṭhānena,\nacodiyamāno deti,\nsāmikā codetvā denti,\nummattakassa,\nādikammikassāti.\nRājasikkhāpadaṁ niṭṭhitaṁ dasamaṁ.\nKathinavaggo paṭhamo.\nTassuddānaṁ\nUbbhataṁ kathinaṁ tīṇi,\ndhovanañca paṭiggaho;\nAññātakāni tīṇeva,\nubhinnaṁ dūtakena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-np10/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}