{"id":"pli-tv-bu-vb-np15","title":"Making an inappropriate sitting blanket","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-np15","title":"Making an inappropriate sitting blanket","units":[{"id":"pli-tv-bu-vb-np15:0","sourceIds":["pli-tv-bu-vb-np15:0.1","pli-tv-bu-vb-np15:0.2","pli-tv-bu-vb-np15:0.3","pli-tv-bu-vb-np15:0.4","pli-tv-bu-vb-np15:0.5"],"kind":"text","text":{"pi":"Theravāda Vinaya\nMahāvibhaṅga\nNissaggiyakaṇḍa\nKosiyavagga\n15. Nisīdanasanthatasikkhāpada","en":"Theravāda Collection on Monastic Law\nThe Great Analysis\nThe chapter on relinquishment\nThe subchapter on silk\nMaking an inappropriate sitting blanket"}},{"id":"pli-tv-bu-vb-np15:1.1","sourceIds":["pli-tv-bu-vb-np15:1.1.0","pli-tv-bu-vb-np15:1.1.1","pli-tv-bu-vb-np15:1.1.2","pli-tv-bu-vb-np15:1.1.3","pli-tv-bu-vb-np15:1.1.4","pli-tv-bu-vb-np15:1.1.5","pli-tv-bu-vb-np15:1.1.6","pli-tv-bu-vb-np15:1.1.7","pli-tv-bu-vb-np15:1.1.8","pli-tv-bu-vb-np15:1.1.9","pli-tv-bu-vb-np15:1.1.10","pli-tv-bu-vb-np15:1.1.11","pli-tv-bu-vb-np15:1.1.12","pli-tv-bu-vb-np15:1.1.13","pli-tv-bu-vb-np15:1.1.14","pli-tv-bu-vb-np15:1.1.15","pli-tv-bu-vb-np15:1.1.16","pli-tv-bu-vb-np15:1.1.17","pli-tv-bu-vb-np15:1.1.18","pli-tv-bu-vb-np15:1.1.19","pli-tv-bu-vb-np15:1.1.20","pli-tv-bu-vb-np15:1.1.21","pli-tv-bu-vb-np15:1.1.22","pli-tv-bu-vb-np15:1.1.23","pli-tv-bu-vb-np15:1.1.24","pli-tv-bu-vb-np15:1.1.25","pli-tv-bu-vb-np15:1.1.26","pli-tv-bu-vb-np15:1.1.27","pli-tv-bu-vb-np15:1.1.28","pli-tv-bu-vb-np15:1.1.29","pli-tv-bu-vb-np15:1.1.30"],"kind":"text","text":{"en":"Origin story\nAt one time the Buddha was staying at Sāvatthī in the Jeta Grove, Anāthapiṇḍika’s Monastery.\nThere the Buddha addressed the monks: “Monks, I wish to do a solitary retreat for three months.\nNo one should visit me except the one who brings me almsfood.”\n“Yes, sir,” they replied, and no one visited him except the one who brought him almsfood.\nSoon afterwards the Sangha at Sāvatthī made the following agreement:\n“The Buddha wishes to be on solitary retreat for three months.\nNo one should visit him except the one who brings him almsfood.\nAnyone who does must confess an offense entailing confession.”\nJust then Venerable Upasena of Vaṅganta and his followers went to the Buddha, bowed, and sat down.\nSince it is the custom for Buddhas to greet newly-arrived monks, the Buddha said to Upasena,\n“I hope you’re keeping well, Upasena, I hope you’re getting by?\nI hope you’re not tired from traveling?”\n“We’re keeping well, sir, we’re getting by.\nWe’re not tired from traveling.”\nOne of Upasena’s students was seated not far from the Buddha, and the Buddha said to him,\n“Do you like rag robes, monk?”\n“I don’t like rag robes, sir.”\n“Why then do you wear them?”\n“My preceptor wears them, and so I do it too.”\nAnd the Buddha said to Upasena, “Upasena, your followers are inspiring.\nHow do you train them?”\n“When anyone asks me for the full ordination, I tell him this:\n‘I stay in the wilderness, I eat only almsfood, and I wear rag robes.\nIf you do the same, I’ll give you the full ordination.’\nIf he agrees, I ordain him. Otherwise I don’t.\nAnd I do the same when anyone asks me for support.\nIt’s in this way that I train my followers.”","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nAtha kho bhagavā bhikkhū āmantesi—“icchāmahaṁ, bhikkhave, temāsaṁ paṭisallīyituṁ.\nNamhi kenaci upasaṅkamitabbo, aññatra ekena piṇḍapātanīhārakenā”ti.\n“Evaṁ, bhante”ti kho te bhikkhū bhagavato paṭissuṇitvā nāssudha koci bhagavantaṁ upasaṅkamati, aññatra ekena piṇḍapātanīhārakena.\nTena kho pana samayena sāvatthiyā saṅghena katikā katā hoti—\n“icchatāvuso, bhagavā temāsaṁ paṭisallīyituṁ.\nNa bhagavā kenaci upasaṅkamitabbo, aññatra ekena piṇḍapātanīhārakena.\nYo bhagavantaṁ upasaṅkamati so pācittiyaṁ desāpetabbo”ti.\nAtha kho āyasmā upaseno vaṅgantaputto, sapariso yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nĀciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ. Atha kho bhagavā āyasmantaṁ upasenaṁ vaṅgantaputtaṁ etadavoca—\n“kacci vo, upasena, khamanīyaṁ kacci yāpanīyaṁ,\nkaccittha appakilamathena addhānaṁ āgatā”ti?\n“Khamanīyaṁ, bhagavā, yāpanīyaṁ, bhagavā.\nAppakilamathena ca mayaṁ, bhante, addhānaṁ āgatā”ti.\nTena kho pana samayena āyasmato upasenassa vaṅgantaputtassa saddhivihāriko bhikkhu bhagavato avidūre nisinno hoti. Atha kho bhagavā taṁ bhikkhuṁ etadavoca—\n“manāpāni te, bhikkhu, paṁsukūlānī”ti?\n“Na kho me, bhante, manāpāni paṁsukūlānī”ti.\n“Kissa pana tvaṁ, bhikkhu, paṁsukūliko”ti?\n“Upajjhāyo me, bhante, paṁsukūliko. Evaṁ ahampi paṁsukūliko”ti.\nAtha kho bhagavā āyasmantaṁ upasenaṁ vaṅgantaputtaṁ etadavoca—“pāsādikā kho tyāyaṁ, upasena, parisā.\nKathaṁ tvaṁ, upasena, parisaṁ vinesī”ti?\n“Yo maṁ, bhante, upasampadaṁ yācati tamahaṁ evaṁ vadāmi—\n‘ahaṁ kho, āvuso, āraññiko piṇḍapātiko paṁsukūliko.\nSace tvampi āraññiko bhavissasi piṇḍapātiko paṁsukūliko, evāhaṁ taṁ upasampādessāmī’ti.\nSace me paṭissuṇāti upasampādemi, no ce me paṭissuṇāti na upasampādemi.\nYo maṁ nissayaṁ yācati tamahaṁ evaṁ vadāmi—\n‘ahaṁ kho, āvuso, āraññiko piṇḍapātiko paṁsukūliko.\nSace tvampi āraññiko bhavissasi piṇḍapātiko paṁsukūliko, evāhaṁ te nissayaṁ dassāmī’ti.\nSace me paṭissuṇāti nissayaṁ demi, no ce me paṭissuṇāti na nissayaṁ demi.\nEvaṁ kho ahaṁ, bhante, parisaṁ vinemī”ti."}},{"id":"pli-tv-bu-vb-np15:1.2","sourceIds":["pli-tv-bu-vb-np15:1.2.1","pli-tv-bu-vb-np15:1.2.2","pli-tv-bu-vb-np15:1.2.3","pli-tv-bu-vb-np15:1.2.4","pli-tv-bu-vb-np15:1.2.5","pli-tv-bu-vb-np15:1.2.6","pli-tv-bu-vb-np15:1.2.7","pli-tv-bu-vb-np15:1.2.8","pli-tv-bu-vb-np15:1.2.9","pli-tv-bu-vb-np15:1.2.10","pli-tv-bu-vb-np15:1.2.11","pli-tv-bu-vb-np15:1.2.12","pli-tv-bu-vb-np15:1.2.13","pli-tv-bu-vb-np15:1.2.14","pli-tv-bu-vb-np15:1.2.15","pli-tv-bu-vb-np15:1.2.16","pli-tv-bu-vb-np15:1.2.17","pli-tv-bu-vb-np15:1.2.18","pli-tv-bu-vb-np15:1.2.19","pli-tv-bu-vb-np15:1.2.20","pli-tv-bu-vb-np15:1.2.21","pli-tv-bu-vb-np15:1.2.22","pli-tv-bu-vb-np15:1.2.23","pli-tv-bu-vb-np15:1.2.24","pli-tv-bu-vb-np15:1.2.25","pli-tv-bu-vb-np15:1.2.26","pli-tv-bu-vb-np15:1.2.27","pli-tv-bu-vb-np15:1.2.28"],"kind":"text","text":{"pi":"“Sādhu sādhu, upasena. Sādhu kho tvaṁ, upasena, parisaṁ vinesi.\nJānāsi pana tvaṁ, upasena, sāvatthiyā saṅghassa katikan”ti?\n“Na kho ahaṁ, bhante, jānāmi sāvatthiyā saṅghassa katikan”ti.\n“Sāvatthiyā kho, upasena, saṅghena katikā katā—\n‘icchatāvuso, bhagavā temāsaṁ paṭisallīyituṁ.\nNa bhagavā kenaci upasaṅkamitabbo, aññatra ekena piṇḍapātanīhārakena.\nYo bhagavantaṁ upasaṅkamati so pācittiyaṁ desāpetabbo’”ti.\n“Paññāyissati, bhante, sāvatthiyā saṅgho sakāya katikāya,\nna mayaṁ apaññattaṁ paññapessāma paññattaṁ vā na samucchindissāma,\nyathāpaññattesu sikkhāpadesu samādāya vattissāmā”ti.\n“Sādhu sādhu, upasena,\napaññattaṁ na paññapetabbaṁ, paññattaṁ vā na samucchinditabbaṁ,\nyathāpaññattesu sikkhāpadesu samādāya vattitabbaṁ.\nAnujānāmi, upasena, ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantū”ti.\nTena kho pana samayena sambahulā bhikkhū bahidvārakoṭṭhake ṭhitā honti—“mayaṁ āyasmantaṁ upasenaṁ vaṅgantaputtaṁ pācittiyaṁ desāpessāmā”ti.\nAtha kho āyasmā upaseno vaṅgantaputto sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho te bhikkhū āyasmantaṁ upasenaṁ vaṅgantaputtaṁ etadavocuṁ—“jānāsi tvaṁ, āvuso upasena, sāvatthiyā saṅghassa katikan”ti.\n“Bhagavāpi maṁ, āvuso, evamāha—‘jānāsi pana tvaṁ, upasena, sāvatthiyā saṅghassa katikan’ti? ‘Na kho ahaṁ, bhante, jānāmi sāvatthiyā saṅghassa katikan’ti.\n‘Sāvatthiyā kho, upasena, saṅghena katikā katā—\nicchatāvuso, bhagavā temāsaṁ paṭisallīyituṁ.\nNa bhagavā kenaci upasaṅkamitabbo, aññatra ekena piṇḍapātanīhārakena.\nYo bhagavantaṁ upasaṅkamati so pācittiyaṁ desāpetabbo’ti.\n‘Paññāyissati, bhante, sāvatthiyā saṅgho sakāya katikāya,\nna mayaṁ apaññattaṁ paññapessāma paññattaṁ vā na samucchindissāma,\nyathāpaññattesu sikkhāpadesu samādāya vattissāmā’ti.\nAnuññātāvuso, bhagavatā—‘ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantū’”ti.\nAtha kho te bhikkhū—“saccaṁ kho āyasmā upaseno āha—\n‘na apaññattaṁ paññapetabbaṁ, paññattaṁ vā na samucchinditabbaṁ, yathāpaññattesu sikkhāpadesu samādāya vattitabban’”ti.","en":"“Good, Upasena, you train your followers well.\nBut do you know the agreement made by the Sangha at Sāvatthī?”\n“No.”\n“The Sangha at Sāvatthī has made the following agreement:\n‘The Buddha wishes to be on solitary retreat for three months.\nNo one should visit him except the one who brings him almsfood.\nAnyone who does must confess an offense entailing confession.’”\n“Sir, let the Sangha at Sāvatthī be known for this agreement.\nWe, however, don’t lay down new rules, nor do we get rid of the existing ones.\nWe practice and undertake the training rules as they are.”\n“Good, Upasena.\nOne should not lay down new rules, nor should one get rid of the existing ones.\nOne should practice and undertake the training rules as they are.\nAnd, Upasena, I allow those monks who stay in the wilderness, who eat only almsfood, and who wear rag robes to visit me whenever they please.”\nUpasena and his followers got up from their seats, bowed down, circumambulated the Buddha with their right sides toward him, and left.\nJust then a number of monks were standing outside the gateway, thinking, “We’ll make Venerable Upasena confess an offense entailing confession.”\nAnd they said to Upasena, “Upasena, do you know the agreement of the Sangha at Sāvatthī?”\n“The Buddha asked me the same question, and I replied that I didn’t.\nHe then told me what it was, and I said,\n‘Sir, let the Sangha at Sāvatthī be known for this agreement.\nWe, however, don’t lay down new rules, nor do we get rid of the existing ones.\nWe practice and undertake the training rules as they are.’\nAlso, the Buddha has allowed those monks who stay in the wilderness, who eat only almsfood, and who wear rag robes to visit him whenever they please.”\nThose monks thought, “It’s true what Venerable Upasena says.”"}},{"id":"pli-tv-bu-vb-np15:1.3","sourceIds":["pli-tv-bu-vb-np15:1.3.1","pli-tv-bu-vb-np15:1.3.2","pli-tv-bu-vb-np15:1.3.3","pli-tv-bu-vb-np15:1.3.4","pli-tv-bu-vb-np15:1.3.5","pli-tv-bu-vb-np15:1.3.6","pli-tv-bu-vb-np15:1.3.7","pli-tv-bu-vb-np15:1.3.8","pli-tv-bu-vb-np15:1.3.9"],"kind":"text","text":{"pi":"Assosuṁ kho bhikkhū—“anuññātā kira bhagavatā—‘ye te bhikkhū āraññikā piṇḍapātikā paṁsukūlikā yathāsukhaṁ maṁ dassanāya upasaṅkamantū’”ti.\nTe bhagavantaṁ dassanaṁ pihentā santhatāni ujjhitvā āraññikaṅgaṁ piṇḍapātikaṅgaṁ paṁsukūlikaṅgaṁ samādiyiṁsu.\nAtha kho bhagavā sambahulehi bhikkhūhi saddhiṁ senāsanacārikaṁ āhiṇḍanto addasa santhatāni tahaṁ tahaṁ ujjhitāni.\nPassitvā bhikkhū āmantesi—“kassimāni, bhikkhave, santhatāni tahaṁ tahaṁ ujjhitānī”ti?\nAtha kho te bhikkhū bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“tena hi, bhikkhave, bhikkhūnaṁ sikkhāpadaṁ paññapessāmi dasa atthavase paṭicca—\nsaṅghasuṭṭhutāya, saṅghaphāsutāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"The monks heard that the Buddha had allowed those monks who stay in the wilderness, who eat only almsfood, and who wear rag robes to visit him whenever they please.\nLonging to see the Buddha, they discarded their blankets and undertook the practice of staying in the wilderness, of eating only almsfood, and of wearing rag robes.\nSoon afterwards, when the Buddha and a number of monks were walking about the dwellings, he saw discarded blankets here and there.\nHe asked the monks, “Who owns these discarded blankets?”\nThe monks told him.\nSoon afterwards he gave a teaching and addressed the monks:\n“Well then, monks, I will lay down a training rule for the following ten reasons:\nfor the well-being of the Sangha, for the comfort of the Sangha, for the restraint of bad people, for the ease of good monks, for the restraint of the corruptions relating to the present life, for the restraint of the corruptions relating to future lives, to give rise to confidence in those without it, to increase the confidence of those who have it, for the longevity of the true Teaching, and for supporting the training.\nAnd, monks, this training rule should be recited like this:"}},{"id":"pli-tv-bu-vb-np15:1.3.10","sourceIds":["pli-tv-bu-vb-np15:1.3.10.0","pli-tv-bu-vb-np15:1.3.10.1"],"kind":"text","text":{"en":"Final ruling\n‘If a monk is having a sitting blanket made, he must incorporate a piece of one standard handspan from the border of an old blanket in order to make it ugly.","pi":"“Nisīdanasanthataṁ pana bhikkhunā kārayamānena purāṇasanthatassa sāmantā sugatavidatthi ādātabbā dubbaṇṇakaraṇāya,"}},{"id":"pli-tv-bu-vb-np15:1.3-from-pli-tv-bu-vb-np15-1.3.11","sourceIds":["pli-tv-bu-vb-np15:1.3.11"],"kind":"text","text":{"pi":"anādā ce bhikkhu purāṇasanthatassa sāmantā sugatavidatthiṁ navaṁ nisīdanasanthataṁ kārāpeyya, nissaggiyaṁ pācittiyan”ti.","en":"If he has a new sitting blanket made without incorporating a piece of one standard handspan from the border of an old blanket, he commits an offense entailing relinquishment and confession.’”"}},{"id":"pli-tv-bu-vb-np15:2","sourceIds":["pli-tv-bu-vb-np15:2.0","pli-tv-bu-vb-np15:2.1","pli-tv-bu-vb-np15:2.2","pli-tv-bu-vb-np15:2.3","pli-tv-bu-vb-np15:2.4","pli-tv-bu-vb-np15:2.5","pli-tv-bu-vb-np15:2.6","pli-tv-bu-vb-np15:2.7","pli-tv-bu-vb-np15:2.8","pli-tv-bu-vb-np15:2.9","pli-tv-bu-vb-np15:2.10","pli-tv-bu-vb-np15:2.11","pli-tv-bu-vb-np15:2.12","pli-tv-bu-vb-np15:2.13","pli-tv-bu-vb-np15:2.14","pli-tv-bu-vb-np15:2.15","pli-tv-bu-vb-np15:2.16","pli-tv-bu-vb-np15:2.17","pli-tv-bu-vb-np15:2.18","pli-tv-bu-vb-np15:2.19","pli-tv-bu-vb-np15:2.20","pli-tv-bu-vb-np15:2.21"],"kind":"text","text":{"en":"Definitions\nSitting (blanket):\none with a border is what is meant.\nA blanket:\nit is made by strewing, not by weaving.\nIs having made:\nmaking it himself or having it made.\nAn old blanket:\neven worn once.\nHe must incorporate a piece of one standard handspan from the border in order to make it ugly:\nto make it strong, he cuts out a circular or a rectangular piece, and he then incorporates it in one place or he strews it on after pulling it apart.\nWithout incorporating a piece of one standard handspan from the border of an old blanket:\nif he makes a new sitting blanket, or has one made, without incorporating a piece of one standard handspan from the border of an old blanket, then for the effort there is an act of wrong conduct.\nWhen he gets the sitting blanket, it becomes subject to relinquishment.\nThe sitting blanket should be relinquished to a sangha, a group, or an individual.\n“And, monks, it should be relinquished like this. …”\n(To be expanded as in Bu NP 1:3.2.5–3.2.29, with appropriate substitutions.)\n“Venerables, this sitting blanket, which I got made without incorporating a piece of one standard handspan from the border of an old blanket, is to be relinquished.\nI relinquish it to the Sangha.” …\n“the Sangha should give …”\n“you should give …”\n“I give this sitting blanket back to you.”","pi":"Nisīdanaṁ nāma\nsadasaṁ vuccati.\nSanthataṁ nāma\nsantharitvā kataṁ hoti avāyimaṁ.\nKārayamānenāti\nkaronto vā kārāpento vā.\nPurāṇasanthataṁ nāma\nsakiṁ nivatthampi sakiṁ pārutampi.\nSāmantā sugatavidatthi ādātabbā dubbaṇṇakaraṇāyāti\nthirabhāvāya vaṭṭaṁ vā caturassaṁ vā chinditvā ekadese vā santharitabbaṁ vijaṭetvā vā santharitabbaṁ.\nAnādā ce bhikkhu purāṇasanthatassa sāmantā sugatavidatthinti\nanādiyitvā purāṇasanthatassa sāmantā sugatavidatthiṁ navaṁ nisīdanasanthataṁ karoti vā kārāpeti vā, payoge dukkaṭaṁ,\npaṭilābhena nissaggiyaṁ hoti.\nNissajjitabbaṁ saṅghassa vā gaṇassa vā puggalassa vā.\nEvañca pana, bhikkhave, nissajjitabbaṁ.\n…pe…\n“idaṁ me, bhante, nisīdanasanthataṁ anādiyitvā purāṇasanthatassa sāmantā sugatavidatthiṁ kārāpitaṁ nissaggiyaṁ.\nImāhaṁ saṅghassa nissajjāmī”ti …pe…\ndadeyyāti …pe…\ndadeyyunti …pe…\nāyasmato dammīti."}},{"id":"pli-tv-bu-vb-np15:2.22","sourceIds":["pli-tv-bu-vb-np15:2.22.0","pli-tv-bu-vb-np15:2.22.1"],"kind":"text","text":{"en":"Permutations\nIf he finishes what he began himself, he commits an offense entailing relinquishment and confession.","pi":"Attanā vippakataṁ attanā pariyosāpeti, nissaggiyaṁ pācittiyaṁ."}},{"id":"pli-tv-bu-vb-np15:2-from-pli-tv-bu-vb-np15-2.23","sourceIds":["pli-tv-bu-vb-np15:2.23","pli-tv-bu-vb-np15:2.24","pli-tv-bu-vb-np15:2.25","pli-tv-bu-vb-np15:2.26"],"kind":"text","text":{"pi":"Attanā vippakataṁ parehi pariyosāpeti, nissaggiyaṁ pācittiyaṁ.\nParehi vippakataṁ attanā pariyosāpeti, nissaggiyaṁ pācittiyaṁ.\nParehi vippakataṁ parehi pariyosāpeti, nissaggiyaṁ pācittiyaṁ.\nAññassatthāya karoti vā kārāpeti vā, āpatti dukkaṭassa.","en":"If he has others finish what he began himself, he commits an offense entailing relinquishment and confession.\nIf he finishes himself what was begun by others, he commits an offense entailing relinquishment and confession.\nIf he has others finish what was begun by others, he commits an offense entailing relinquishment and confession.\nIf he makes one, or has one made, for the sake of another, he commits an offense of wrong conduct."}},{"id":"pli-tv-bu-vb-np15:2.27","sourceIds":["pli-tv-bu-vb-np15:2.27.0","pli-tv-bu-vb-np15:2.27.1"],"kind":"text","text":{"en":"Non-offenses\nThere is no offense:","pi":"Anāpatti—"}},{"id":"pli-tv-bu-vb-np15:2-from-pli-tv-bu-vb-np15-2.28","sourceIds":["pli-tv-bu-vb-np15:2.28","pli-tv-bu-vb-np15:2.29","pli-tv-bu-vb-np15:2.30","pli-tv-bu-vb-np15:2.31","pli-tv-bu-vb-np15:2.32","pli-tv-bu-vb-np15:2.33","pli-tv-bu-vb-np15:2.34","pli-tv-bu-vb-np15:2.35"],"kind":"text","text":{"pi":"purāṇasanthatassa sāmantā sugatavidatthiṁ ādiyitvā karoti,\nalabhanto thokataraṁ ādiyitvā karoti,\nalabhanto anādiyitvā karoti,\naññena kataṁ paṭilabhitvā paribhuñjati,\nvitānaṁ vā bhūmattharaṇaṁ vā sāṇipākāraṁ vā bhisiṁ vā bibbohanaṁ vā karoti,\nummattakassa,\nādikammikassāti.\nNisīdanasanthatasikkhāpadaṁ niṭṭhitaṁ pañcamaṁ.","en":"if he makes one incorporating a piece of one standard handspan from the border of an old blanket;\nif he is unable to get hold of such a piece and he makes one incorporating a smaller piece;\nif he is unable to get hold of such a smaller piece and he makes one without;\nif he gets what was made by another and then uses it;\nif he makes a canopy, a floor cover, a cloth screen, a mattress, or a pillow;\nif he is insane;\nif he is the first offender.\nThe training rule on making an inappropriate sitting blanket, the fifth, is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-np15/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}