{"id":"pli-tv-bu-vb-np2","title":"Staying apart from one’s robes","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-np2","title":"Staying apart from one’s robes","units":[{"id":"pli-tv-bu-vb-np2:0","sourceIds":["pli-tv-bu-vb-np2:0.1","pli-tv-bu-vb-np2:0.2","pli-tv-bu-vb-np2:0.3","pli-tv-bu-vb-np2:0.4","pli-tv-bu-vb-np2:0.5"],"kind":"text","text":{"pi":"Theravāda Vinaya\nMahāvibhaṅga\nNissaggiyakaṇḍa\nCīvaravagga\n2. Udosita(dutiyakathina)sikkhāpada","en":"Theravāda Collection on Monastic Law\nThe Great Analysis\nThe chapter on relinquishment\nThe subchapter on robes\nStaying apart from one’s robes"}},{"id":"pli-tv-bu-vb-np2:1.0","sourceIds":["pli-tv-bu-vb-np2:1.0.1","pli-tv-bu-vb-np2:1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-np2:1","sourceIds":["pli-tv-bu-vb-np2:1.1","pli-tv-bu-vb-np2:1.2","pli-tv-bu-vb-np2:1.3","pli-tv-bu-vb-np2:1.4","pli-tv-bu-vb-np2:1.5","pli-tv-bu-vb-np2:1.6","pli-tv-bu-vb-np2:1.7","pli-tv-bu-vb-np2:1.8","pli-tv-bu-vb-np2:1.9","pli-tv-bu-vb-np2:1.10","pli-tv-bu-vb-np2:1.11","pli-tv-bu-vb-np2:1.12","pli-tv-bu-vb-np2:1.13","pli-tv-bu-vb-np2:1.14","pli-tv-bu-vb-np2:1.15","pli-tv-bu-vb-np2:1.16","pli-tv-bu-vb-np2:1.17"],"kind":"text","text":{"pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamanti.\nTāni cīvarāni ciraṁ nikkhittāni kaṇṇakitāni honti.\nTāni bhikkhū otāpenti.\nAddasā kho āyasmā ānando senāsanacārikaṁ āhiṇḍanto te bhikkhū tāni cīvarāni otāpente.\nDisvāna yena te bhikkhū tenupasaṅkami; upasaṅkamitvā te bhikkhū etadavoca—\n“kassimāni, āvuso, cīvarāni kaṇṇakitānī”ti?\nAtha kho te bhikkhū āyasmato ānandassa etamatthaṁ ārocesuṁ.\nĀyasmā ānando ujjhāyati khiyyati vipāceti—\n“kathañhi nāma bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamissantī”ti.\nAtha kho āyasmā ānando te bhikkhū anekapariyāyena vigarahitvā bhagavato etamatthaṁ ārocesi …pe…\n“saccaṁ kira, bhikkhave, bhikkhū bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamantī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma te, bhikkhave, moghapurisā bhikkhūnaṁ hatthe cīvaraṁ nikkhipitvā santaruttarena janapadacārikaṁ pakkamissanti.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"At one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time the monks stored one of their robes with other monks and then left to wander the country in a sarong and an upper robe.\nBecause they were stored for a long time, the robes became moldy.\nThe monks put them out in the sun.\nThen, while walking about the dwellings, Venerable Ānanda noticed that the monks were sunning those robes.\nHe asked them,\n“Whose moldy robes are these?”\nAnd they told him what had happened.\nVenerable Ānanda complained and criticized them,\n“How can those monks store a robe with other monks and then leave to wander the country in a sarong and an upper robe?”\nAfter rebuking those monks in many ways, Venerable Ānanda told the Buddha. Soon afterwards the Buddha had the Sangha gathered and questioned the monks:\n“Is it true, monks, that there are monks who do this?”\n“It’s true, sir.”\nThe Buddha rebuked them …\n“How can those foolish men do this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-np2:1.18","sourceIds":["pli-tv-bu-vb-np2:1.18.0","pli-tv-bu-vb-np2:1.18.1"],"kind":"text","text":{"en":"Preliminary ruling\n‘When his robe is finished and the robe season has ended, if a monk stays apart from his three robes even for a single day, he commits an offense entailing relinquishment and confession.’”","pi":"“Niṭṭhitacīvarasmiṁ bhikkhunā ubbhatasmiṁ kathine ekarattampi ce bhikkhu ticīvarena vippavaseyya, nissaggiyaṁ pācittiyan”ti."}},{"id":"pli-tv-bu-vb-np2:1-from-pli-tv-bu-vb-np2-1.19","sourceIds":["pli-tv-bu-vb-np2:1.19"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-np2:2","sourceIds":["pli-tv-bu-vb-np2:2.0","pli-tv-bu-vb-np2:2.1","pli-tv-bu-vb-np2:2.2","pli-tv-bu-vb-np2:2.3","pli-tv-bu-vb-np2:2.4","pli-tv-bu-vb-np2:2.5","pli-tv-bu-vb-np2:2.6","pli-tv-bu-vb-np2:2.7","pli-tv-bu-vb-np2:2.8","pli-tv-bu-vb-np2:2.9","pli-tv-bu-vb-np2:2.10","pli-tv-bu-vb-np2:2.11","pli-tv-bu-vb-np2:2.12","pli-tv-bu-vb-np2:2.13","pli-tv-bu-vb-np2:2.14","pli-tv-bu-vb-np2:2.15","pli-tv-bu-vb-np2:2.16","pli-tv-bu-vb-np2:2.17","pli-tv-bu-vb-np2:2.18","pli-tv-bu-vb-np2:2.19","pli-tv-bu-vb-np2:2.20","pli-tv-bu-vb-np2:2.21","pli-tv-bu-vb-np2:2.22","pli-tv-bu-vb-np2:2.23","pli-tv-bu-vb-np2:2.24","pli-tv-bu-vb-np2:2.25","pli-tv-bu-vb-np2:2.26","pli-tv-bu-vb-np2:2.27","pli-tv-bu-vb-np2:2.28","pli-tv-bu-vb-np2:2.29","pli-tv-bu-vb-np2:2.30","pli-tv-bu-vb-np2:2.31","pli-tv-bu-vb-np2:2.32","pli-tv-bu-vb-np2:2.33","pli-tv-bu-vb-np2:2.34","pli-tv-bu-vb-np2:2.35","pli-tv-bu-vb-np2:2.36","pli-tv-bu-vb-np2:2.37","pli-tv-bu-vb-np2:2.38"],"kind":"text","text":{"en":"Second substory\nAt one time a certain monk at Kosambī was sick.\nHis relatives sent him a message, saying,\n“Come, venerable, we’ll nurse you.”\nThe monks urged him to go,\nbut he said,\n“The Buddha has laid down a training rule\nthat you can’t be apart from your three robes.\nNow because I’m sick,\nI’m unable to travel with my three robes.\nSo I can’t go.”\nThey told the Buddha.\nSoon afterwards he gave a teaching and addressed the monks:\n“Monks, I allow you to give permission to a sick monk to stay apart from his three robes.\nAnd it should be given like this.\nAfter approaching the Sangha, the sick monk should arrange his upper robe over one shoulder and pay respect at the feet of the senior monks. He should then squat on his heels, raise his joined palms, and say,\n‘Venerables, I’m sick.\nI’m unable to travel with my three robes.\nI ask the Sangha for permission to stay apart from my three robes.’\nAnd he should ask a second\nand a third time.\nA competent and capable monk should then inform the Sangha:\n‘Please, venerables, I ask the Sangha to listen.\nThe monk so-and-so is sick.\nHe is unable to travel with his three robes.\nHe is asking the Sangha for permission to stay apart from his three robes.\nIf the Sangha is ready, it should give permission to monk so-and-so to stay apart from his three robes.\nThis is the motion.\nPlease, venerables, I ask the Sangha to listen.\nThe monk so-and-so is sick.\nHe is unable to travel with his three robes.\nHe is asking the Sangha for permission to stay apart from his three robes.\nThe Sangha gives permission to monk so-and-so to stay apart from his three robes.\nAny monk who approves of giving permission to monk so-and-so to stay apart from his three robes should remain silent.\nAny monk who doesn’t approve should speak up.\nThe Sangha has given permission to monk so-and-so to stay apart from his three robes.\nThe Sangha approves and is therefore silent.\nI will remember it thus.’\nAnd so, monks, this training rule should be recited like this:","pi":"Tena kho pana samayena aññataro bhikkhu kosambiyaṁ gilāno hoti.\nÑātakā tassa bhikkhuno santike dūtaṁ pāhesuṁ—\n“āgacchatu bhadanto, mayaṁ, upaṭṭhahissāmā”ti.\nBhikkhūpi evamāhaṁsu—“gacchāvuso, ñātakā taṁ upaṭṭhahissantī”ti.\nSo evamāha—\n“bhagavatāvuso, sikkhāpadaṁ paññattaṁ—\n‘na ticīvarena vippavasitabban’ti.\nAhañcamhi gilāno.\nNa sakkomi ticīvaraṁ ādāya pakkamituṁ.\nNāhaṁ gamissāmī”ti.\nBhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, gilānassa bhikkhuno ticīvarena avippavāsasammutiṁ dātuṁ.\nEvañca pana, bhikkhave, dātabbā.\nTena gilānena bhikkhunā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—\n‘ahaṁ, bhante, gilāno.\nNa sakkomi ticīvaraṁ ādāya pakkamituṁ.\nSohaṁ, bhante, saṅghaṁ ticīvarena avippavāsasammutiṁ yācāmī’ti.\nDutiyampi yācitabbā.\nTatiyampi yācitabbā.\nByattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nAyaṁ itthannāmo bhikkhu gilāno.\nNa sakkoti ticīvaraṁ ādāya pakkamituṁ.\nSo saṅghaṁ ticīvarena avippavāsasammutiṁ yācati.\nYadi saṅghassa pattakallaṁ, saṅgho itthannāmassa bhikkhuno ticīvarena avippavāsasammutiṁ dadeyya.\nEsā ñatti.\nSuṇātu me, bhante, saṅgho.\nAyaṁ itthannāmo bhikkhu gilāno.\nNa sakkoti ticīvaraṁ ādāya pakkamituṁ.\nSo saṅghaṁ ticīvarena avippavāsasammutiṁ yācati.\nSaṅgho itthannāmassa bhikkhuno ticīvarena avippavāsasammutiṁ deti.\nYassāyasmato khamati itthannāmassa bhikkhuno ticīvarena avippavāsasammutiyā dānaṁ, so tuṇhassa;\nyassa nakkhamati, so bhāseyya.\nDinnā saṅghena itthannāmassa bhikkhuno ticīvarena avippavāsasammuti.\nKhamati saṅghassa, tasmā tuṇhī,\nevametaṁ dhārayāmī’ti.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-np2:2.39","sourceIds":["pli-tv-bu-vb-np2:2.39.0","pli-tv-bu-vb-np2:2.39.1"],"kind":"text","text":{"en":"Final ruling\n‘When his robe is finished and the robe season has ended, if a monk stays apart from his three robes even for a single day, except if the monks have agreed, he commits an offense entailing relinquishment and confession.’”","pi":"“Niṭṭhitacīvarasmiṁ bhikkhunā ubbhatasmiṁ kathine ekarattampi ce bhikkhu ticīvarena vippavaseyya, aññatra bhikkhusammutiyā, nissaggiyaṁ pācittiyan”ti."}},{"id":"pli-tv-bu-vb-np2:3.1","sourceIds":["pli-tv-bu-vb-np2:3.1.0","pli-tv-bu-vb-np2:3.1.1","pli-tv-bu-vb-np2:3.1.2","pli-tv-bu-vb-np2:3.1.3","pli-tv-bu-vb-np2:3.1.4","pli-tv-bu-vb-np2:3.1.5","pli-tv-bu-vb-np2:3.1.6","pli-tv-bu-vb-np2:3.1.7","pli-tv-bu-vb-np2:3.1.8","pli-tv-bu-vb-np2:3.1.9","pli-tv-bu-vb-np2:3.1.10","pli-tv-bu-vb-np2:3.1.11","pli-tv-bu-vb-np2:3.1.12","pli-tv-bu-vb-np2:3.1.13","pli-tv-bu-vb-np2:3.1.14","pli-tv-bu-vb-np2:3.1.15","pli-tv-bu-vb-np2:3.1.16","pli-tv-bu-vb-np2:3.1.17","pli-tv-bu-vb-np2:3.1.18"],"kind":"text","text":{"en":"Definitions\nWhen his robe is finished:\nthe monk has made a robe; or the robe-cloth has been lost, destroyed, or burned; or his expectation of receiving further robe-cloth is disappointed.\nThe robe season has ended:\nit has ended according to one of the eight key phrases or the Sangha has ended it.\nIf a monk stays apart from his three robes even for a single day:\nfrom the outer robe, the upper robe, or the sarong.\nExcept if the monks have agreed:\nunless the monks have agreed.\nEntailing relinquishment:\nit becomes subject to relinquishment at dawn.\nThe robe should be relinquished to a sangha, a group, or an individual.\n“And, monks, it should be relinquished like this. …”\n(To be expanded as in Bu NP 1:3.2.5–3.2.29, with appropriate substitutions.)\n“Venerables, this robe, which I have stayed apart from for one day without the agreement of the monks, is to be relinquished.\nI relinquish it to the Sangha.” …\n“the Sangha should give …”\n“you should give …”\n“I give this robe back to you.”","pi":"Niṭṭhitacīvarasminti\nbhikkhuno cīvaraṁ kataṁ vā hoti naṭṭhaṁ vā vinaṭṭhaṁ vā daḍḍhaṁ vā cīvarāsā vā upacchinnā.\nUbbhatasmiṁ kathineti\naṭṭhannaṁ mātikānaṁ aññatarāya mātikāya ubbhataṁ hoti, saṅghena vā antarā ubbhataṁ hoti.\nEkarattampi ce bhikkhu ticīvarena vippavaseyyāti\nsaṅghāṭiyā vā uttarāsaṅgena vā antaravāsakena vā.\nAññatra bhikkhusammutiyāti\nṭhapetvā bhikkhusammutiṁ.\nNissaggiyaṁ hotīti\nsaha aruṇuggamanā nissaggiyaṁ hoti.\nNissajjitabbaṁ saṅghassa vā gaṇassa vā puggalassa vā.\nEvañca pana, bhikkhave, nissajjitabbaṁ\n…pe…\n“idaṁ me, bhante, cīvaraṁ rattivippavutthaṁ aññatra bhikkhusammutiyā nissaggiyaṁ,\nimāhaṁ saṅghassa nissajjāmī”ti …pe…\ndadeyyāti …pe…\ndadeyyunti …pe…\nāyasmato dammīti."}},{"id":"pli-tv-bu-vb-np2:3.2.0","sourceIds":["pli-tv-bu-vb-np2:3.2.0.1","pli-tv-bu-vb-np2:3.2.0.2"],"kind":"text","text":{"en":"Permutations\nSummary"}},{"id":"pli-tv-bu-vb-np2:3.2","sourceIds":["pli-tv-bu-vb-np2:3.2.1","pli-tv-bu-vb-np2:3.2.2","pli-tv-bu-vb-np2:3.2.3","pli-tv-bu-vb-np2:3.2.4","pli-tv-bu-vb-np2:3.2.5","pli-tv-bu-vb-np2:3.2.6","pli-tv-bu-vb-np2:3.2.7","pli-tv-bu-vb-np2:3.2.8","pli-tv-bu-vb-np2:3.2.9","pli-tv-bu-vb-np2:3.2.10","pli-tv-bu-vb-np2:3.2.11","pli-tv-bu-vb-np2:3.2.12","pli-tv-bu-vb-np2:3.2.13","pli-tv-bu-vb-np2:3.2.14","pli-tv-bu-vb-np2:3.2.15"],"kind":"text","text":{"pi":"Gāmo ekūpacāro nānūpacāro.\nNivesanaṁ ekūpacāraṁ nānūpacāraṁ.\nUdosito ekūpacāro nānūpacāro.\nAṭṭo ekūpacāro nānūpacāro.\nMāḷo ekūpacāro nānūpacāro.\nPāsādo ekūpacāro nānūpacāro.\nHammiyaṁ ekūpacāraṁ nānūpacāraṁ.\nNāvā ekūpacārā nānūpacārā.\nSattho ekūpacāro nānūpacāro.\nKhettaṁ ekūpacāraṁ nānūpacāraṁ.\nDhaññakaraṇaṁ ekūpacāraṁ nānūpacāraṁ.\nĀrāmo ekūpacāro nānūpacāro.\nVihāro ekūpacāro nānūpacāro.\nRukkhamūlaṁ ekūpacāraṁ nānūpacāraṁ.\nAjjhokāso ekūpacāro nānūpacāro.","en":"An inhabited area may have a single access or many;\na house may have a single access or many;\na storehouse may have a single access or many;\na watchtower may have a single access or many;\na stilt house may have a single access or many;\na boat may have a single access or many;\na caravan may have a single access or many;\na field may have a single access or many;\na threshing floor may have a single access or many;\na monastery may have a single access or many;\na dwelling may have a single access or many;\nthe foot of a tree may have a single access or many;\nout-in-the-open may have a single access or many."}},{"id":"pli-tv-bu-vb-np2:3.3.0","sourceIds":["pli-tv-bu-vb-np2:3.3.0.1","pli-tv-bu-vb-np2:3.3.0.2"],"kind":"text","text":{"en":"Exposition\nAn inhabited area"}},{"id":"pli-tv-bu-vb-np2:3.3","sourceIds":["pli-tv-bu-vb-np2:3.3.1","pli-tv-bu-vb-np2:3.3.2","pli-tv-bu-vb-np2:3.3.3","pli-tv-bu-vb-np2:3.3.4","pli-tv-bu-vb-np2:3.3.5","pli-tv-bu-vb-np2:3.3.6","pli-tv-bu-vb-np2:3.3.7"],"kind":"text","text":{"pi":"Gāmo ekūpacāro nāma\nekakulassa gāmo hoti parikkhitto ca. Antogāme cīvaraṁ nikkhipitvā antogāme vatthabbaṁ.\nAparikkhitto hoti, yasmiṁ ghare cīvaraṁ nikkhittaṁ hoti tasmiṁ ghare vatthabbaṁ, hatthapāsā vā na vijahitabbaṁ.\nNānākulassa gāmo hoti parikkhitto ca. Yasmiṁ ghare cīvaraṁ nikkhittaṁ hoti tasmiṁ ghare vatthabbaṁ sabhāye vā dvāramūle vā, hatthapāsā vā na vijahitabbaṁ.\nSabhāyaṁ gacchantena hatthapāse cīvaraṁ nikkhipitvā sabhāye vā vatthabbaṁ dvāramūle vā, hatthapāsā vā na vijahitabbaṁ.\nSabhāye cīvaraṁ nikkhipitvā sabhāye vā vatthabbaṁ dvāramūle vā, hatthapāsā vā na vijahitabbaṁ.\nAparikkhitto hoti, yasmiṁ ghare cīvaraṁ nikkhittaṁ hoti tasmiṁ ghare vatthabbaṁ, hatthapāsā vā na vijahitabbaṁ.","en":"“An inhabited area with a single access” refers to the following.\nAn enclosed inhabited area belonging to one clan: if the robe is kept within the inhabited area, one must stay within the inhabited area.\nAn unenclosed inhabited area belonging to one clan: one must stay in the house where the robe is kept, or not go beyond arm’s reach of the house.\nAn enclosed inhabited area belonging to many clans: if the robe is kept in a house, one must stay in that house, in the public meeting hall, or at the gateway to the inhabited area, or not go beyond arm’s reach of the public meeting hall or the gateway.\nIf one puts aside the robe within arm’s reach while going to the public meeting hall, one must stay in the public meeting hall, or at the gateway to the inhabited area, or not go beyond arm’s reach of either.\nIf the robe is kept in the public meeting hall, one must stay in the public meeting hall, or at the gateway to the inhabited area, or not go beyond arm’s reach of either.\nAn unenclosed inhabited area belonging to many clans: one must stay in the house where the robe is kept, or not go beyond arm’s reach of the house."}},{"id":"pli-tv-bu-vb-np2:3.4","sourceIds":["pli-tv-bu-vb-np2:3.4.0","pli-tv-bu-vb-np2:3.4.1","pli-tv-bu-vb-np2:3.4.2","pli-tv-bu-vb-np2:3.4.3","pli-tv-bu-vb-np2:3.4.4"],"kind":"text","text":{"en":"A house\nAn enclosed house belonging to one clan and having many rooms: if the robe is kept in the house, one must stay within the house.\nAn unenclosed house belonging to one clan and having many rooms: one must stay in the room where the robe is kept, or not go beyond arm’s reach of the room.\nAn enclosed house belonging to many clans and having many rooms: if the robe is kept in a room, one must stay in that room, or at the main entrance, or not go beyond arm’s reach of either.\nAn unenclosed house belonging to many clans and having many rooms: one must stay in the room where the robe is kept, or not go beyond arm’s reach of the room.","pi":"Ekakulassa nivesanaṁ hoti parikkhittañca, nānāgabbhā nānāovarakā. Antonivesane cīvaraṁ nikkhipitvā antonivesane vatthabbaṁ.\nAparikkhittaṁ hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ.\nNānākulassa nivesanaṁ hoti parikkhittañca, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.\nAparikkhittaṁ hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ."}},{"id":"pli-tv-bu-vb-np2:3.5","sourceIds":["pli-tv-bu-vb-np2:3.5.0","pli-tv-bu-vb-np2:3.5.1","pli-tv-bu-vb-np2:3.5.2","pli-tv-bu-vb-np2:3.5.3","pli-tv-bu-vb-np2:3.5.4"],"kind":"text","text":{"en":"A storehouse\nAn enclosed storehouse belonging to one clan and having many rooms: if the robe is kept in the building, one must stay within the building.\nAn unenclosed storehouse belonging to one clan and having many rooms: one must stay in the room where the robe is kept, or not go beyond arm’s reach of the room.\nAn enclosed storehouse belonging to many clans and having many rooms: if the robe is kept in a room, one must stay in that room, or at the main entrance, or not go beyond arm’s reach of either.\nAn unenclosed storehouse belonging to many clans and having many rooms: one must stay in the room where the robe is kept, or not go beyond arm’s reach of the room.","pi":"Ekakulassa udosito hoti parikkhitto ca, nānāgabbhā nānāovarakā. Antoudosite cīvaraṁ nikkhipitvā antoudosite vatthabbaṁ.\nAparikkhitto hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ.\nNānākulassa udosito hoti parikkhitto ca, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ.\nAparikkhitto hoti, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ, hatthapāsā vā na vijahitabbaṁ."}},{"id":"pli-tv-bu-vb-np2:3.6","sourceIds":["pli-tv-bu-vb-np2:3.6.0","pli-tv-bu-vb-np2:3.6.1","pli-tv-bu-vb-np2:3.6.2"],"kind":"text","text":{"en":"A watchtower\nA watchtower belonging to one clan: if the robe is kept in the watchtower, one must stay within the watchtower.\nA watchtower belonging to many clans and having many rooms: one must stay in the room where the robe is kept, or at the main entrance, or not go beyond arm’s reach of either.","pi":"Ekakulassa aṭṭo hoti, antoaṭṭe cīvaraṁ nikkhipitvā antoaṭṭe vatthabbaṁ.\nNānākulassa aṭṭo hoti, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ."}},{"id":"pli-tv-bu-vb-np2:3.7","sourceIds":["pli-tv-bu-vb-np2:3.7.0","pli-tv-bu-vb-np2:3.7.1","pli-tv-bu-vb-np2:3.7.2"],"kind":"text","text":{"en":"A stilt house\nA stilt house belonging to one clan: if the robe is kept in the stilt house, one must stay within the stilt house.\nA stilt house belonging to many clans and having many rooms: one must stay in the room where the robe is kept, or at the main entrance, or not go beyond arm’s reach of either.","pi":"Ekakulassa māḷo hoti, antomāḷe cīvaraṁ nikkhipitvā antomāḷe vatthabbaṁ.\nNānākulassa māḷo hoti nānāgabbhā nānāovarakā, yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ."}},{"id":"pli-tv-bu-vb-np2:3.8","sourceIds":["pli-tv-bu-vb-np2:3.8.1","pli-tv-bu-vb-np2:3.8.2"],"kind":"text","text":{"pi":"Ekakulassa pāsādo hoti, antopāsāde cīvaraṁ nikkhipitvā antopāsāde vatthabbaṁ.\nNānākulassa pāsādo hoti, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ."}},{"id":"pli-tv-bu-vb-np2:3.9","sourceIds":["pli-tv-bu-vb-np2:3.9.1","pli-tv-bu-vb-np2:3.9.2"],"kind":"text","text":{"pi":"Ekakulassa hammiyaṁ hoti, antohammiye cīvaraṁ nikkhipitvā antohammiye vatthabbaṁ.\nNānākulassa hammiyaṁ hoti, nānāgabbhā nānāovarakā. Yasmiṁ gabbhe cīvaraṁ nikkhittaṁ hoti tasmiṁ gabbhe vatthabbaṁ dvāramūle vā, hatthapāsā vā na vijahitabbaṁ."}},{"id":"pli-tv-bu-vb-np2:3.10","sourceIds":["pli-tv-bu-vb-np2:3.10.0","pli-tv-bu-vb-np2:3.10.1","pli-tv-bu-vb-np2:3.10.2"],"kind":"text","text":{"en":"A boat\nA boat belonging to one clan: if the robe is kept on the boat, one must stay on the boat.\nA boat belonging to many clans and having many rooms: one must stay in the room where the robe is kept, or not go beyond arm’s reach of the room.","pi":"Ekakulassa nāvā hoti. Antonāvāya cīvaraṁ nikkhipitvā antonāvāya vatthabbaṁ.\nNānākulassa nāvā hoti nānāgabbhā nānāovarakā. Yasmiṁ ovarake cīvaraṁ nikkhittaṁ hoti tasmiṁ ovarake vatthabbaṁ, hatthapāsā vā na vijahitabbaṁ."}},{"id":"pli-tv-bu-vb-np2:3.11","sourceIds":["pli-tv-bu-vb-np2:3.11.0","pli-tv-bu-vb-np2:3.11.1","pli-tv-bu-vb-np2:3.11.2"],"kind":"text","text":{"en":"A caravan\nA caravan belonging to one clan: if the robe is kept within the caravan, one must not go further than 80 meters in front of or behind the caravan, and no further than 11 meters from either side.\nA caravan belonging to many clans: if the robe is kept within the caravan, one must not go beyond arm’s reach of the caravan.","pi":"Ekakulassa sattho hoti. Satthe cīvaraṁ nikkhipitvā purato vā pacchato vā sattabbhantarā na vijahitabbā, passato abbhantaraṁ na vijahitabbaṁ.\nNānākulassa sattho hoti, satthe cīvaraṁ nikkhipitvā hatthapāsā na vijahitabbaṁ."}},{"id":"pli-tv-bu-vb-np2:3.12","sourceIds":["pli-tv-bu-vb-np2:3.12.0","pli-tv-bu-vb-np2:3.12.1","pli-tv-bu-vb-np2:3.12.2","pli-tv-bu-vb-np2:3.12.3","pli-tv-bu-vb-np2:3.12.4"],"kind":"text","text":{"en":"A field\nAn enclosed field belonging to one clan: if the robe is kept within the field, one must stay within that field.\nAn unenclosed field belonging to one clan: one must not go beyond arm’s reach of the robe.\nAn enclosed field belonging to many clans: if the robe is kept within the field, one must stay at the entrance to the field, or not go beyond arm’s reach of the entrance or the robe.\nAn unenclosed field belonging to many clans: one must not go beyond arm’s reach of the robe.","pi":"Ekakulassa khettaṁ hoti parikkhittañca. Antokhette cīvaraṁ nikkhipitvā antokhette vatthabbaṁ.\nAparikkhittaṁ hoti, hatthapāsā na vijahitabbaṁ.\nNānākulassa khettaṁ hoti parikkhittañca. Antokhette cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ.\nAparikkhittaṁ hoti, hatthapāsā na vijahitabbaṁ."}},{"id":"pli-tv-bu-vb-np2:3.13","sourceIds":["pli-tv-bu-vb-np2:3.13.0","pli-tv-bu-vb-np2:3.13.1","pli-tv-bu-vb-np2:3.13.2","pli-tv-bu-vb-np2:3.13.3","pli-tv-bu-vb-np2:3.13.4"],"kind":"text","text":{"en":"A threshing floor\nAn enclosed threshing floor belonging to one clan: if the robe is kept on the threshing floor, one must stay on that threshing floor.\nAn unenclosed threshing floor belonging to one clan: one must not go beyond arm’s reach of the robe.\nAn enclosed threshing floor belonging to many clans: if the robe is kept on the threshing floor, one must stay at the entrance to the threshing floor, or not go beyond arm’s reach of the entrance or the robe.\nAn unenclosed threshing floor belonging to many clans: one must not go beyond arm’s reach of the robe.","pi":"Ekakulassa dhaññakaraṇaṁ hoti parikkhittañca. Antodhaññakaraṇe cīvaraṁ nikkhipitvā antodhaññakaraṇe vatthabbaṁ.\nAparikkhittaṁ hoti, hatthapāsā na vijahitabbaṁ.\nNānākulassa dhaññakaraṇaṁ hoti parikkhittañca. Antodhaññakaraṇe cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ.\nAparikkhittaṁ hoti, hatthapāsā na vijahitabbaṁ."}},{"id":"pli-tv-bu-vb-np2:3.14","sourceIds":["pli-tv-bu-vb-np2:3.14.0","pli-tv-bu-vb-np2:3.14.1","pli-tv-bu-vb-np2:3.14.2","pli-tv-bu-vb-np2:3.14.3","pli-tv-bu-vb-np2:3.14.4"],"kind":"text","text":{"en":"A monastery\nAn enclosed monastery belonging to one clan: if the robe is kept within the monastery, one must stay within that monastery.\nAn unenclosed monastery belonging to one clan: one must not go beyond arm’s reach of the robe.\nAn enclosed monastery belonging to many clans: if the robe is kept within the monastery, one must stay at the entrance to the monastery, or not go beyond arm’s reach of the entrance or the robe.\nAn unenclosed monastery belonging to many clans: one must not go beyond arm’s reach of the robe.","pi":"Ekakulassa ārāmo hoti parikkhitto ca. Antoārāme cīvaraṁ nikkhipitvā antoārāme vatthabbaṁ.\nAparikkhitto hoti, hatthapāsā na vijahitabbaṁ.\nNānākulassa ārāmo hoti parikkhitto ca. Antoārāme cīvaraṁ nikkhipitvā dvāramūle vā vatthabbaṁ, hatthapāsā vā na vijahitabbaṁ.\nAparikkhitto hoti, hatthapāsā na vijahitabbaṁ."}},{"id":"pli-tv-bu-vb-np2:3.15","sourceIds":["pli-tv-bu-vb-np2:3.15.0","pli-tv-bu-vb-np2:3.15.1","pli-tv-bu-vb-np2:3.15.2","pli-tv-bu-vb-np2:3.15.3","pli-tv-bu-vb-np2:3.15.4"],"kind":"text","text":{"en":"A dwelling\nAn enclosed dwelling belonging to one clan: if the robe is kept within the dwelling, one must stay within that dwelling.\nAn unenclosed dwelling belonging to one clan: one must stay in the dwelling where the robe is kept, or not go beyond arm’s reach of that dwelling.\nAn enclosed dwelling belonging to many clans: one must stay in the dwelling where the robe is kept, or at the main entrance to the dwelling, or not go beyond arm’s reach of either.\nAn unenclosed dwelling belonging to many clans: one must stay in the dwelling where the robe is kept, or not go beyond arm’s reach of the dwelling.","pi":"Ekakulassa vihāro hoti parikkhitto ca. Antovihāre cīvaraṁ nikkhipitvā antovihāre vatthabbaṁ.\nAparikkhitto hoti, yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ, hatthapāsā vā na vijahitabbaṁ.\nNānākulassa vihāro hoti parikkhitto ca. Yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ dvāramūle vā, hatthapāsā vā na vijahitabbaṁ.\nAparikkhitto hoti, yasmiṁ vihāre cīvaraṁ nikkhittaṁ hoti tasmiṁ vihāre vatthabbaṁ, hatthapāsā vā na vijahitabbaṁ."}},{"id":"pli-tv-bu-vb-np2:3.16","sourceIds":["pli-tv-bu-vb-np2:3.16.0","pli-tv-bu-vb-np2:3.16.1","pli-tv-bu-vb-np2:3.16.2"],"kind":"text","text":{"en":"The foot of a tree\nAt the foot of a tree belonging to one clan: if the robe is kept within the area of the midday shadow of the tree, one must stay within that area.\nAt the foot of a tree belonging to many clans: one must not go beyond arm’s reach of the robe.","pi":"Ekakulassa rukkhamūlaṁ hoti, yaṁ majjhanhike kāle samantā chāyā pharati, antochāyāya cīvaraṁ nikkhipitvā antochāyāya vatthabbaṁ.\nNānākulassa rukkhamūlaṁ hoti, hatthapāsā na vijahitabbaṁ."}},{"id":"pli-tv-bu-vb-np2:3.17","sourceIds":["pli-tv-bu-vb-np2:3.17.0","pli-tv-bu-vb-np2:3.17.1","pli-tv-bu-vb-np2:3.17.2"],"kind":"text","text":{"en":"In the open\nOut-in-the-open with a single access: in an uninhabited area, in the wilderness, the area covered by a circle with 80 meters radius has a single access.\nWhatever lies beyond that has many accesses.","pi":"Ajjhokāso ekūpacāro nāma agāmake araññe samantā sattabbhantarā ekūpacāro,\ntato paraṁ nānūpacāro."}},{"id":"pli-tv-bu-vb-np2:3.18","sourceIds":["pli-tv-bu-vb-np2:3.18.1","pli-tv-bu-vb-np2:3.18.2","pli-tv-bu-vb-np2:3.18.3","pli-tv-bu-vb-np2:3.18.4","pli-tv-bu-vb-np2:3.18.5","pli-tv-bu-vb-np2:3.18.6","pli-tv-bu-vb-np2:3.18.7","pli-tv-bu-vb-np2:3.18.8","pli-tv-bu-vb-np2:3.18.9","pli-tv-bu-vb-np2:3.18.10","pli-tv-bu-vb-np2:3.18.11","pli-tv-bu-vb-np2:3.18.12","pli-tv-bu-vb-np2:3.18.13"],"kind":"text","text":{"pi":"Vippavutthe vippavutthasaññī aññatra bhikkhusammutiyā, nissaggiyaṁ pācittiyaṁ.\nVippavutthe vematiko, aññatra bhikkhusammutiyā, nissaggiyaṁ pācittiyaṁ.\nVippavutthe avippavutthasaññī, aññatra bhikkhusammutiyā, nissaggiyaṁ pācittiyaṁ.\nAppaccuddhaṭe paccuddhaṭasaññī …pe…\navissajjite vissajjitasaññī …\nanaṭṭhe naṭṭhasaññī …\navinaṭṭhe vinaṭṭhasaññī …\nadaḍḍhe daḍḍhasaññī …\navilutte viluttasaññī, aññatra bhikkhusammutiyā, nissaggiyaṁ pācittiyaṁ.\nNissaggiyaṁ cīvaraṁ anissajjitvā paribhuñjati, āpatti dukkaṭassa.\nAvippavutthe vippavutthasaññī, āpatti dukkaṭassa.\nAvippavutthe vematiko, āpatti dukkaṭassa.\nAvippavutthe avippavutthasaññī, anāpatti.","en":"If he has stayed apart and he perceives that he has, then, except if the monks have agreed, he commits an offense entailing relinquishment and confession.\nIf he has stayed apart, but he is unsure of it, then, except if the monks have agreed, he commits an offense entailing relinquishment and confession.\nIf he has stayed apart, but he does not perceive that he has, then, except if the monks have agreed, he commits an offense entailing relinquishment and confession.\nIf it has not been relinquished, but he perceives that it has, then, except if the monks have agreed, he commits an offense entailing relinquishment and confession.\nIf it has not been given away, but he perceives that it has, then, except if the monks have agreed, he commits an offense entailing relinquishment and confession.\nIf it has not been lost, but he perceives that it has, then, except if the monks have agreed, he commits an offense entailing relinquishment and confession.\nIf it has not been destroyed, but he perceives that it has, then, except if the monks have agreed, he commits an offense entailing relinquishment and confession.\nIf it has not been burned, but he perceives that it has, then, except if the monks have agreed, he commits an offense entailing relinquishment and confession.\nIf it has not been stolen, but he perceives that it has, then, except if the monks have agreed, he commits an offense entailing relinquishment and confession.\nIf he uses a robe that should be relinquished without first relinquishing it, he commits an offense of wrong conduct.\nIf he has not stayed apart, but he perceives that he has, he commits an offense of wrong conduct.\nIf he has not stayed apart, but he is unsure of it, he commits an offense of wrong conduct.\nIf he has not stayed apart and he does not perceive that he has, there is no offense."}},{"id":"pli-tv-bu-vb-np2:3.19","sourceIds":["pli-tv-bu-vb-np2:3.19.0","pli-tv-bu-vb-np2:3.19.1","pli-tv-bu-vb-np2:3.19.2","pli-tv-bu-vb-np2:3.19.3","pli-tv-bu-vb-np2:3.19.4","pli-tv-bu-vb-np2:3.19.5","pli-tv-bu-vb-np2:3.19.6"],"kind":"text","text":{"en":"Non-offenses\nThere is no offense:\nif before dawn it has been relinquished, given away, lost, destroyed, burned, stolen, or taken on trust;\nif he has the permission of the monks;\nif he is insane;\nif he is the first offender.\nThe training rule on staying apart from one’s robes, the second, is finished.","pi":"Anāpatti—\nantoaruṇe paccuddharati, vissajjeti, nassati, vinassati, ḍayhati, acchinditvā gaṇhanti, vissāsaṁ gaṇhanti,\nbhikkhusammutiyā,\nummattakassa,\nādikammikassāti.\nUdosita(dutiyakathina)sikkhāpadaṁ niṭṭhitaṁ dutiyaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-np2/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}