{"id":"pli-tv-bu-vb-np5","title":"Receiving a robe from a nun","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-np5","title":"Receiving a robe from a nun","units":[{"id":"pli-tv-bu-vb-np5:0","sourceIds":["pli-tv-bu-vb-np5:0.1","pli-tv-bu-vb-np5:0.2","pli-tv-bu-vb-np5:0.3","pli-tv-bu-vb-np5:0.4","pli-tv-bu-vb-np5:0.5"],"kind":"text","text":{"pi":"Theravāda Vinaya\nMahāvibhaṅga\nNissaggiyakaṇḍa\nCīvaravagga\n5. Cīvarapaṭiggahaṇasikkhāpada","en":"Theravāda Collection on Monastic Law\nThe Great Analysis\nThe chapter on relinquishment\nThe subchapter on robes\nReceiving a robe from a nun"}},{"id":"pli-tv-bu-vb-np5:1.1.0","sourceIds":["pli-tv-bu-vb-np5:1.1.0.1","pli-tv-bu-vb-np5:1.1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-np5:1.1","sourceIds":["pli-tv-bu-vb-np5:1.1.1","pli-tv-bu-vb-np5:1.1.2","pli-tv-bu-vb-np5:1.1.3","pli-tv-bu-vb-np5:1.1.4","pli-tv-bu-vb-np5:1.1.5","pli-tv-bu-vb-np5:1.1.6","pli-tv-bu-vb-np5:1.1.7","pli-tv-bu-vb-np5:1.1.8","pli-tv-bu-vb-np5:1.1.9","pli-tv-bu-vb-np5:1.1.10","pli-tv-bu-vb-np5:1.1.11","pli-tv-bu-vb-np5:1.1.12","pli-tv-bu-vb-np5:1.1.13","pli-tv-bu-vb-np5:1.1.14","pli-tv-bu-vb-np5:1.1.15"],"kind":"text","text":{"pi":"Tena samayena buddho bhagavā rājagahe viharati veḷuvane kalandakanivāpe.\nTena kho pana samayena uppalavaṇṇā bhikkhunī sāvatthiyaṁ viharati.\nAtha kho uppalavaṇṇā bhikkhunī pubbaṇhasamayaṁ nivāsetvā pattacīvaramādāya sāvatthiṁ piṇḍāya pāvisi.\nSāvatthiyaṁ piṇḍāya caritvā pacchābhattaṁ piṇḍapātapaṭikkantā yena andhavanaṁ tenupasaṅkami divāvihārāya.\nAndhavanaṁ ajjhogāhetvā aññatarasmiṁ rukkhamūle divāvihāraṁ nisīdi.\nTena kho pana samayena corā katakammā gāviṁ vadhitvā maṁsaṁ gahetvā andhavanaṁ pavisiṁsu.\nAddasā kho coragāmaṇiko uppalavaṇṇaṁ bhikkhuniṁ aññatarasmiṁ rukkhamūle divāvihāraṁ nisinnaṁ.\nDisvānassa etadahosi—\n“sace me puttabhātukā passissanti viheṭhissanti imaṁ bhikkhunin”ti\naññena maggena agamāsi.\nAtha kho so coragāmaṇiko maṁse pakke varamaṁsāni gahetvā paṇṇapuṭaṁ bandhitvā uppalavaṇṇāya bhikkhuniyā avidūre rukkhe ālaggetvā—\n“yo passati samaṇo vā brāhmaṇo vā dinnaṁyeva haratū”ti, vatvā pakkāmi.\nAssosi kho uppalavaṇṇā bhikkhunī samādhimhā vuṭṭhahitvā tassa coragāmaṇikassa imaṁ vācaṁ bhāsamānassa.\nAtha kho uppalavaṇṇā bhikkhunī taṁ maṁsaṁ gahetvā upassayaṁ agamāsi.\nAtha kho uppalavaṇṇā bhikkhunī tassā rattiyā accayena taṁ maṁsaṁ sampādetvā uttarāsaṅgena bhaṇḍikaṁ bandhitvā vehāsaṁ abbhuggantvā veḷuvane paccuṭṭhāsi.","en":"At one time when the Buddha was staying at Rājagaha in the Bamboo Grove,\nthe nun Uppalavaṇṇā was staying at Sāvatthī.\nOne morning she robed up, took her bowl and robe, and entered Sāvatthī to collect almsfood.\nWhen she had completed her almsround, eaten her meal, and returned, she went to the Blind Men’s Grove\nwhere she sat down at the foot of a tree for the day’s meditation.\nJust then some bandits who had stolen and slaughtered a cow were taking the meat to the Blind Men’s Grove.\nThe head bandit saw Uppalavaṇṇā sitting at the foot of that tree.\nHe thought,\n“If my sons and brothers see this nun, they’ll harass her,”\nand he took a different path.\nSoon afterwards when the meat was cooked, he took the best part, tied it up with a palm-leaf wrap, hung it from a tree not far from Uppalavaṇṇā, and said,\n“Whatever ascetic or brahmin sees this gift, please take it.” And he left.\nUppalavaṇṇā had just come out from the stillness of meditation when she heard the head bandit making that statement.\nShe took the meat and returned to the nunnery.\nThe following morning she prepared the meat and made it into a bundle with her upper robe. She then rose into the air and landed in the Bamboo Grove."}},{"id":"pli-tv-bu-vb-np5:1.2","sourceIds":["pli-tv-bu-vb-np5:1.2.1","pli-tv-bu-vb-np5:1.2.2","pli-tv-bu-vb-np5:1.2.3","pli-tv-bu-vb-np5:1.2.4","pli-tv-bu-vb-np5:1.2.5","pli-tv-bu-vb-np5:1.2.6","pli-tv-bu-vb-np5:1.2.7","pli-tv-bu-vb-np5:1.2.8","pli-tv-bu-vb-np5:1.2.9","pli-tv-bu-vb-np5:1.2.10","pli-tv-bu-vb-np5:1.2.11","pli-tv-bu-vb-np5:1.2.12","pli-tv-bu-vb-np5:1.2.13","pli-tv-bu-vb-np5:1.2.14","pli-tv-bu-vb-np5:1.2.15","pli-tv-bu-vb-np5:1.2.16","pli-tv-bu-vb-np5:1.2.17","pli-tv-bu-vb-np5:1.2.18","pli-tv-bu-vb-np5:1.2.19","pli-tv-bu-vb-np5:1.2.20","pli-tv-bu-vb-np5:1.2.21","pli-tv-bu-vb-np5:1.2.22","pli-tv-bu-vb-np5:1.2.23","pli-tv-bu-vb-np5:1.2.24","pli-tv-bu-vb-np5:1.2.25","pli-tv-bu-vb-np5:1.2.26","pli-tv-bu-vb-np5:1.2.27","pli-tv-bu-vb-np5:1.2.28","pli-tv-bu-vb-np5:1.2.29","pli-tv-bu-vb-np5:1.2.30"],"kind":"text","text":{"pi":"Tena kho pana samayena bhagavā gāmaṁ piṇḍāya paviṭṭho hoti.\nĀyasmā udāyī ohiyyako hoti vihārapālo.\nAtha kho uppalavaṇṇā bhikkhunī yenāyasmā udāyī tenupasaṅkami; upasaṅkamitvā āyasmantaṁ udāyiṁ etadavoca—\n“kahaṁ, bhante, bhagavā”ti?\n“Paviṭṭho, bhagini, bhagavā gāmaṁ piṇḍāyā”ti.\n“Imaṁ, bhante, maṁsaṁ bhagavato dehī”ti.\n“Santappito tayā, bhagini, bhagavā maṁsena.\nSace me tvaṁ antaravāsakaṁ dadeyyāsi, evaṁ ahampi santappito bhaveyyaṁ antaravāsakenā”ti.\n“Mayaṁ kho, bhante, mātugāmā nāma kicchalābhā. Idañca me antimaṁ pañcamaṁ cīvaraṁ.\nNāhaṁ dassāmī”ti.\n“Seyyathāpi, bhagini, puriso hatthiṁ datvā kacche sajjeyya;\nevameva kho tvaṁ, bhagini, bhagavato maṁsaṁ datvā mayi antaravāsake sajjasī”ti.\nAtha kho uppalavaṇṇā bhikkhunī āyasmatā udāyinā nippīḷiyamānā antaravāsakaṁ datvā upassayaṁ agamāsi.\nBhikkhuniyo uppalavaṇṇāya bhikkhuniyā pattacīvaraṁ paṭiggaṇhantiyo uppalavaṇṇaṁ bhikkhuniṁ etadavocuṁ—\n“kahaṁ te, ayye, antaravāsako”ti?\nUppalavaṇṇā bhikkhunī bhikkhunīnaṁ etamatthaṁ ārocesi.\nBhikkhuniyo ujjhāyanti khiyyanti vipācenti—\n“kathañhi nāma ayyo udāyī bhikkhuniyā cīvaraṁ paṭiggahessati kicchalābho mātugāmo”ti.\nAtha kho tā bhikkhuniyo bhikkhūnaṁ etamatthaṁ ārocesuṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma āyasmā udāyī bhikkhuniyā cīvaraṁ paṭiggahessatī”ti.\nAtha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira tvaṁ, udāyi, bhikkhuniyā cīvaraṁ paṭiggahesī”ti?\n“Saccaṁ, bhagavā”ti.\n“Ñātikā te, udāyi, aññātikā”ti?\n“Aññātikā, bhagavā”ti.\n“Aññātako, moghapurisa, aññātikāya na jānāti patirūpaṁ vā appatirūpaṁ vā santaṁ vā asantaṁ vā.\nTattha nāma tvaṁ, moghapurisa, aññātikāya bhikkhuniyā hatthato cīvaraṁ paṭiggahessasi.\nNetaṁ moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"When she arrived, the Buddha had already gone to the village for alms,\nbut Venerable Udāyī had been left behind to look after the dwellings.\nUppalavaṇṇā approached Udāyī and said,\n“Sir, where’s the Buddha?”\n“He’s gone to the village for alms.”\n“Please give this meat to the Buddha.”\n“You’ll please the Buddha with that meat.\nIf you give me your sarong, you’ll please me too.”\n“It’s hard for women to get material support, and this is one of my five robes. I don’t have another.\nI can’t give it away.”\n“Sister, just as a man giving an elephant might decorate it with a girdle,\nso should you, when giving meat to the Buddha, decorate me with your sarong.”\nBeing pressured by Udāyī, Uppalavaṇṇā gave him her sarong and then returned to the nunnery.\nThe nuns who received Uppalavaṇṇā’s bowl and robe asked her\nwhere her sarong was.\nAnd she told them what had happened.\nThe nuns complained and criticized Udāyī,\n“How could Venerable Udāyī receive a robe from a nun? It’s hard for women to get material support.”\nThe nuns told the monks.\nThe monks of few desires complained and criticized Udāyī,\n“How could Venerable Udāyī receive a robe from a nun?”\nAfter rebuking him in many ways, they told the Buddha. Soon afterwards he had the Sangha gathered and questioned Udāyī:\n“Is it true, Udāyī, that you did this?”\n“It’s true, sir.”\n“Is she a relative of yours?”\n“No.”\n“Foolish man, a man and a woman who are unrelated don’t know what’s appropriate and inappropriate, what’s good and bad, in dealing with each other.\nAnd still you did this.\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-np5:1.2.31","sourceIds":["pli-tv-bu-vb-np5:1.2.31.0","pli-tv-bu-vb-np5:1.2.31.1"],"kind":"text","text":{"en":"Preliminary ruling\n‘If a monk receives a robe directly from an unrelated nun, he commits an offense entailing relinquishment and confession.’”","pi":"“Yo pana bhikkhu aññātikāya bhikkhuniyā hatthato cīvaraṁ paṭiggaṇheyya, nissaggiyaṁ pācittiyan”ti."}},{"id":"pli-tv-bu-vb-np5:1.2-from-pli-tv-bu-vb-np5-1.2.32","sourceIds":["pli-tv-bu-vb-np5:1.2.32"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-np5:2","sourceIds":["pli-tv-bu-vb-np5:2.0","pli-tv-bu-vb-np5:2.1","pli-tv-bu-vb-np5:2.2","pli-tv-bu-vb-np5:2.3","pli-tv-bu-vb-np5:2.4","pli-tv-bu-vb-np5:2.5","pli-tv-bu-vb-np5:2.6","pli-tv-bu-vb-np5:2.7","pli-tv-bu-vb-np5:2.8","pli-tv-bu-vb-np5:2.9"],"kind":"text","text":{"en":"Second substory\nThen, being afraid of wrongdoing, the monks did not receive robes from nuns even in exchange.\nThe nuns complained and criticized them,\n“How can they not receive robes from us in exchange?”\nThe monks heard the criticism of those nuns\nand they told the Buddha.\nSoon afterwards the Buddha gave a teaching and addressed the monks:\n“Monks, I allow you to receive things in exchange from five kinds of people: monks, nuns, trainee nuns, novice monks, and novice nuns.\nAnd so, monks, this training rule should be recited like this:","pi":"Tena kho pana samayena bhikkhū kukkuccāyantā bhikkhunīnaṁ pārivattakacīvaraṁ na paṭiggaṇhanti.\nBhikkhuniyo ujjhāyanti khiyyanti vipācenti—\n“kathañhi nāma ayyā amhākaṁ pārivattakacīvaraṁ na paṭiggahessantī”ti.\nAssosuṁ kho bhikkhū tāsaṁ bhikkhunīnaṁ ujjhāyantīnaṁ khiyyantīnaṁ vipācentīnaṁ.\nAtha kho te bhikkhū bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, pañcannaṁ pārivattakaṁ paṭiggahetuṁ— bhikkhussa, bhikkhuniyā, sikkhamānāya, sāmaṇerassa, sāmaṇeriyā.\nAnujānāmi, bhikkhave, imesaṁ pañcannaṁ pārivattakaṁ paṭiggahetuṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-np5:2.10","sourceIds":["pli-tv-bu-vb-np5:2.10.0","pli-tv-bu-vb-np5:2.10.1"],"kind":"text","text":{"en":"Final ruling\n‘If a monk receives a robe directly from an unrelated nun, except in exchange, he commits an offense entailing relinquishment and confession.’”","pi":"“Yo pana bhikkhu aññātikāya bhikkhuniyā hatthato cīvaraṁ paṭiggaṇheyya, aññatra pārivattakā, nissaggiyaṁ pācittiyan”ti."}},{"id":"pli-tv-bu-vb-np5:3.1","sourceIds":["pli-tv-bu-vb-np5:3.1.0","pli-tv-bu-vb-np5:3.1.1","pli-tv-bu-vb-np5:3.1.2","pli-tv-bu-vb-np5:3.1.3","pli-tv-bu-vb-np5:3.1.4","pli-tv-bu-vb-np5:3.1.5","pli-tv-bu-vb-np5:3.1.6","pli-tv-bu-vb-np5:3.1.7","pli-tv-bu-vb-np5:3.1.8","pli-tv-bu-vb-np5:3.1.9","pli-tv-bu-vb-np5:3.1.10","pli-tv-bu-vb-np5:3.1.11","pli-tv-bu-vb-np5:3.1.12","pli-tv-bu-vb-np5:3.1.13","pli-tv-bu-vb-np5:3.1.14","pli-tv-bu-vb-np5:3.1.15","pli-tv-bu-vb-np5:3.1.16","pli-tv-bu-vb-np5:3.1.17","pli-tv-bu-vb-np5:3.1.18","pli-tv-bu-vb-np5:3.1.19","pli-tv-bu-vb-np5:3.1.20","pli-tv-bu-vb-np5:3.1.21","pli-tv-bu-vb-np5:3.1.22"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nUnrelated:\nanyone who is not a descendant of one’s male ancestors going back eight generations, either on the mother’s side or on the father’s side.\nA nun:\nshe has been given the full ordination by both Sanghas.\nA robe:\none of the six kinds of robe-cloth, but not smaller than what can be assigned to another.\nExcept in exchange:\nunless there is an exchange.\nIf he accepts, then for the effort there is an act of wrong conduct.\nWhen he gets the robe-cloth, it becomes subject to relinquishment.\nThe robe-cloth should be relinquished to a sangha, a group, or an individual.\n“And, monks, it should be relinquished like this. …”\n(To be expanded as in Bu NP 1:3.2.5–3.2.29, with appropriate substitutions.)\n“Venerables, this robe-cloth, which I received directly from an unrelated nun without anything in exchange, is to be relinquished.\nI relinquish it to the Sangha.” …\n“the Sangha should give …”\n“you should give …”\n“I give this robe-cloth back to you.”","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nAññātikā nāma\nmātito vā pitito vā yāva sattamā pitāmahayugā asambaddhā.\nBhikkhunī nāma\nubhatosaṅghe upasampannā.\nCīvaraṁ nāma\nchannaṁ cīvarānaṁ aññataraṁ cīvaraṁ vikappanupagaṁ pacchimaṁ.\nAññatra pārivattakāti\nṭhapetvā pārivattakaṁ.\nPaṭiggaṇhāti, payoge dukkaṭaṁ.\nPaṭilābhena nissaggiyaṁ hoti.\nNissajjitabbaṁ saṅghassa vā gaṇassa vā puggalassa vā.\nEvañca pana, bhikkhave, nissajjitabbaṁ.\n…pe…\nidaṁ me, bhante, cīvaraṁ aññātikāya bhikkhuniyā hatthato paṭiggahitaṁ, aññatra pārivattakā, nissaggiyaṁ.\nImāhaṁ saṅghassa nissajjāmīti …pe…\ndadeyyāti …pe…\ndadeyyunti …pe…\nāyasmato dammīti."}},{"id":"pli-tv-bu-vb-np5:3.2","sourceIds":["pli-tv-bu-vb-np5:3.2.0","pli-tv-bu-vb-np5:3.2.1","pli-tv-bu-vb-np5:3.2.2","pli-tv-bu-vb-np5:3.2.3","pli-tv-bu-vb-np5:3.2.4","pli-tv-bu-vb-np5:3.2.5","pli-tv-bu-vb-np5:3.2.6","pli-tv-bu-vb-np5:3.2.7"],"kind":"text","text":{"en":"Permutations\nIf she is unrelated and he perceives her as such, and he receives robe-cloth from her, except in exchange, he commits an offense entailing relinquishment and confession.\nIf she is unrelated, but he is unsure of it, and he receives robe-cloth from her, except in exchange, he commits an offense entailing relinquishment and confession.\nIf she is unrelated, but he perceives her as related, and he receives robe-cloth from her, except in exchange, he commits an offense entailing relinquishment and confession.\nIf he receives robe-cloth directly from a nun who is fully ordained only on one side, except in exchange, he commits an offense of wrong conduct.\nIf she is related, but he perceives her as unrelated, he commits an offense of wrong conduct.\nIf she is related, but he is unsure of it, he commits an offense of wrong conduct.\nIf she is related and he perceives her as such, there is no offense.","pi":"Aññātikāya aññātikasaññī cīvaraṁ paṭiggaṇhāti, aññatra pārivattakā, nissaggiyaṁ pācittiyaṁ.\nAññātikāya vematiko cīvaraṁ paṭiggaṇhāti, aññatra pārivattakā, nissaggiyaṁ pācittiyaṁ.\nAññātikāya ñātikasaññī cīvaraṁ paṭiggaṇhāti, aññatra pārivattakā, nissaggiyaṁ pācittiyaṁ.\nEkatoupasampannāya hatthato cīvaraṁ paṭiggaṇhāti, aññatra pārivattakā, āpatti dukkaṭassa.\nÑātikāya aññātikasaññī, āpatti dukkaṭassa.\nÑātikāya vematiko, āpatti dukkaṭassa.\nÑātikāya ñātikasaññī, anāpatti."}},{"id":"pli-tv-bu-vb-np5:3.3","sourceIds":["pli-tv-bu-vb-np5:3.3.0","pli-tv-bu-vb-np5:3.3.1","pli-tv-bu-vb-np5:3.3.2","pli-tv-bu-vb-np5:3.3.3","pli-tv-bu-vb-np5:3.3.4","pli-tv-bu-vb-np5:3.3.5","pli-tv-bu-vb-np5:3.3.6","pli-tv-bu-vb-np5:3.3.7","pli-tv-bu-vb-np5:3.3.8","pli-tv-bu-vb-np5:3.3.9","pli-tv-bu-vb-np5:3.3.10","pli-tv-bu-vb-np5:3.3.11"],"kind":"text","text":{"en":"Non-offenses\nThere is no offense:\nif the nun is related;\nif much is exchanged with little or little is exchanged with much;\nif he takes it on trust;\nif he borrows it;\nif he receives any requisite apart from robe-cloth;\nif it is a trainee nun;\nif it is a novice nun;\nif he is insane;\nif he is the first offender.\nThe training rule on receiving a robe from a nun, the fifth, is finished.","pi":"Anāpatti—\nñātikāya,\npārivattakaṁ parittena vā vipulaṁ, vipulena vā parittaṁ,\nbhikkhu vissāsaṁ gaṇhāti,\ntāvakālikaṁ gaṇhāti,\ncīvaraṁ ṭhapetvā aññaṁ parikkhāraṁ gaṇhāti,\nsikkhamānāya,\nsāmaṇeriyā,\nummattakassa,\nādikammikassāti.\nCīvarapaṭiggahaṇasikkhāpadaṁ niṭṭhitaṁ pañcamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-np5/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}