{"id":"pli-tv-bu-vb-np6","title":"Asking an unrelated person for a robe","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-np6","title":"Asking an unrelated person for a robe","units":[{"id":"pli-tv-bu-vb-np6:0","sourceIds":["pli-tv-bu-vb-np6:0.1","pli-tv-bu-vb-np6:0.2","pli-tv-bu-vb-np6:0.3","pli-tv-bu-vb-np6:0.4","pli-tv-bu-vb-np6:0.5"],"kind":"text","text":{"pi":"Theravāda Vinaya\nMahāvibhaṅga\nNissaggiyakaṇḍa\nCīvaravagga\n6. Aññātakaviññattisikkhāpada","en":"Theravāda Collection on Monastic Law\nThe Great Analysis\nThe chapter on relinquishment\nThe subchapter on robes\nAsking an unrelated person for a robe"}},{"id":"pli-tv-bu-vb-np6:1.1.0","sourceIds":["pli-tv-bu-vb-np6:1.1.0.1","pli-tv-bu-vb-np6:1.1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-np6:1.1","sourceIds":["pli-tv-bu-vb-np6:1.1.1","pli-tv-bu-vb-np6:1.1.2","pli-tv-bu-vb-np6:1.1.3","pli-tv-bu-vb-np6:1.1.4","pli-tv-bu-vb-np6:1.1.5","pli-tv-bu-vb-np6:1.1.6","pli-tv-bu-vb-np6:1.1.7","pli-tv-bu-vb-np6:1.1.8","pli-tv-bu-vb-np6:1.1.9","pli-tv-bu-vb-np6:1.1.10","pli-tv-bu-vb-np6:1.1.11","pli-tv-bu-vb-np6:1.1.12","pli-tv-bu-vb-np6:1.1.13","pli-tv-bu-vb-np6:1.1.14","pli-tv-bu-vb-np6:1.1.15","pli-tv-bu-vb-np6:1.1.16","pli-tv-bu-vb-np6:1.1.17","pli-tv-bu-vb-np6:1.1.18","pli-tv-bu-vb-np6:1.1.19"],"kind":"text","text":{"pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā upanando sakyaputto paṭṭo hoti dhammiṁ kathaṁ kātuṁ.\nAtha kho aññataro seṭṭhiputto yenāyasmā upanando sakyaputto tenupasaṅkami; upasaṅkamitvā āyasmantaṁ upanandaṁ sakyaputtaṁ abhivādetvā ekamantaṁ nisīdi.\nEkamantaṁ nisinnaṁ kho taṁ seṭṭhiputtaṁ āyasmā upanando sakyaputto dhammiyā kathāya sandassesi samādapesi samuttejesi sampahaṁsesi.\nAtha kho so seṭṭhiputto āyasmatā upanandena sakyaputtena dhammiyā kathāya sandassito samādapito samuttejito sampahaṁsito āyasmantaṁ upanandaṁ sakyaputtaṁ etadavoca—\n“vadeyyātha, bhante, yena attho.\nPaṭibalā mayaṁ ayyassa dātuṁ yadidaṁ cīvarapiṇḍapātasenāsanagilānappaccayabhesajjaparikkhāran”ti.\n“Sace me tvaṁ, āvuso, dātukāmosi, ito ekaṁ sāṭakaṁ dehī”ti.\n“Amhākaṁ kho, bhante, kulaputtānaṁ kismiṁ viya ekasāṭakaṁ gantuṁ.\nĀgamehi, bhante, yāva gharaṁ gacchāmi.\nGharaṁ gato ito vā ekaṁ sāṭakaṁ pahiṇissāmi ito vā sundarataran”ti.\nDutiyampi kho āyasmā upanando sakyaputto taṁ seṭṭhiputtaṁ etadavoca—\n“sace me tvaṁ, āvuso, dātukāmosi ito ekaṁ sāṭakaṁ dehī”ti.\nAmhākaṁ kho bhante kulaputtānaṁ kismiṁ viya ekasāṭakaṁ gantuṁ, āgamehi, bhante yāva gharaṁ gacchāmi, gharaṁ gato ito vā ekaṁ sāṭakaṁ pahiṇissāmi ito vā sundarataranti.\nTatiyampi kho āyasmā upanando sakyaputto taṁ seṭṭhiputtaṁ etadavoca—\n“sace me tvaṁ, āvuso, dātukāmosi, ito ekaṁ sāṭakaṁ dehī”ti.\nAmhākaṁ kho, bhante, kulaputtānaṁ kismiṁ viya ekasāṭakaṁ gantuṁ, āgamehi, bhante yāva gharaṁ gacchāmi, gharaṁ gato ito vā ekaṁ sāṭakaṁ pahiṇissāmi ito vā sundarataranti.\n“Kiṁ pana tayā, āvuso, adātukāmena pavāritena yaṁ tvaṁ pavāretvā na desī”ti.\nAtha kho so seṭṭhiputto āyasmatā upanandena sakyaputtena nippīḷiyamāno ekaṁ sāṭakaṁ datvā agamāsi.","en":"At one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time Venerable Upananda the Sakyan was skilled at teaching.\nOn one occasion the son of a wealthy merchant went to Upananda, bowed, and sat down.\nAnd Upananda instructed, inspired, and gladdened him with a teaching.\nAfterwards that merchant’s son said to Upananda:\n“Venerable, please tell me what you need.\nI can give you robe-cloth, almsfood, a dwelling, and medicinal supplies.”\n“If you wish to give me something, give me one of your wrap garments.”\n“It’s shameful, venerable, for a gentleman to walk around in only one wrap.\nPlease wait until I get back home.\nI’ll send you this wrap or a better one.”\nA second time\nand a third time Upananda said\nthe same thing to that merchant’s son,\nand he got the same reply.\nHe then said, “What’s the point of inviting me if you don’t want to give?”\nBeing pressured by Upananda, that merchant’s son gave him one of his wraps and left."}},{"id":"pli-tv-bu-vb-np6:1.2","sourceIds":["pli-tv-bu-vb-np6:1.2.1","pli-tv-bu-vb-np6:1.2.2","pli-tv-bu-vb-np6:1.2.3","pli-tv-bu-vb-np6:1.2.4","pli-tv-bu-vb-np6:1.2.5","pli-tv-bu-vb-np6:1.2.6","pli-tv-bu-vb-np6:1.2.7","pli-tv-bu-vb-np6:1.2.8","pli-tv-bu-vb-np6:1.2.9","pli-tv-bu-vb-np6:1.2.10","pli-tv-bu-vb-np6:1.2.11","pli-tv-bu-vb-np6:1.2.12","pli-tv-bu-vb-np6:1.2.13","pli-tv-bu-vb-np6:1.2.14","pli-tv-bu-vb-np6:1.2.15","pli-tv-bu-vb-np6:1.2.16","pli-tv-bu-vb-np6:1.2.17","pli-tv-bu-vb-np6:1.2.18"],"kind":"text","text":{"pi":"Manussā taṁ seṭṭhiputtaṁ etadavocuṁ—“kissa tvaṁ, ayyo, ekasāṭako āgacchasī”ti?\nAtha kho so seṭṭhiputto tesaṁ manussānaṁ etamatthaṁ ārocesi.\nManussā ujjhāyanti khiyyanti vipācenti—\n“mahicchā ime samaṇā sakyaputtiyā asantuṭṭhā.\nNayimesaṁ sukarā dhammanimantanāpi kātuṁ.\nKathañhi nāma seṭṭhiputtena dhammanimantanāya kayiramānāya sāṭakaṁ gahessantī”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma āyasmā upanando sakyaputto seṭṭhiputtaṁ cīvaraṁ viññāpessatī”ti.\nAtha kho te bhikkhū āyasmantaṁ upanandaṁ sakyaputtaṁ anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira tvaṁ, upananda, seṭṭhiputtaṁ cīvaraṁ viññāpesī”ti?\n“Saccaṁ, bhagavā”ti.\n“Ñātako te, upananda, aññātako”ti?\n“Aññātako, bhagavā”ti.\n“Aññātako, moghapurisa, aññātakassa na jānāti patirūpaṁ vā appatirūpaṁ vā santaṁ vā asantaṁ vā.\nTattha nāma tvaṁ, moghapurisa, aññātakaṁ seṭṭhiputtaṁ cīvaraṁ viññāpessasi.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"People asked him why he was walking around in only one wrap,\nand he told them what had happened.\nPeople complained and criticized Upananda,\n“These Sakyan monastics have great desires. They’re not content.\nEven to make them an appropriate offer isn’t easy.\nHow could they take his wrap when the merchant’s son was making an appropriate offer?”\nThe monks heard the complaints of those people,\nand the monks of few desires complained and criticized him too,\n“How could Venerable Upananda ask the merchant’s son for a robe?”\nAfter rebuking him in many ways, they told the Buddha. Soon afterwards he had the Sangha gathered and questioned Upananda:\n“Is it true, Upananda, that you did this?”\n“It’s true, sir.”\n“Is he a relative of yours?”\n“No.”\n“Foolish man, people who are unrelated don’t know what’s appropriate and inappropriate, what’s good and bad, in dealing with each other.\nAnd still you did this.\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-np6:1.2.19","sourceIds":["pli-tv-bu-vb-np6:1.2.19.0","pli-tv-bu-vb-np6:1.2.19.1"],"kind":"text","text":{"en":"Preliminary ruling\n‘If a monk asks an unrelated male or female householder for a robe, he commits an offense entailing relinquishment and confession.’”","pi":"“Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya, nissaggiyaṁ pācittiyan”ti."}},{"id":"pli-tv-bu-vb-np6:1.2-from-pli-tv-bu-vb-np6-1.2.20","sourceIds":["pli-tv-bu-vb-np6:1.2.20"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-np6:2","sourceIds":["pli-tv-bu-vb-np6:2.0","pli-tv-bu-vb-np6:2.1","pli-tv-bu-vb-np6:2.2","pli-tv-bu-vb-np6:2.3","pli-tv-bu-vb-np6:2.4","pli-tv-bu-vb-np6:2.5","pli-tv-bu-vb-np6:2.6","pli-tv-bu-vb-np6:2.7","pli-tv-bu-vb-np6:2.8","pli-tv-bu-vb-np6:2.9","pli-tv-bu-vb-np6:2.10","pli-tv-bu-vb-np6:2.11","pli-tv-bu-vb-np6:2.12","pli-tv-bu-vb-np6:2.13","pli-tv-bu-vb-np6:2.14","pli-tv-bu-vb-np6:2.15","pli-tv-bu-vb-np6:2.16","pli-tv-bu-vb-np6:2.17"],"kind":"text","text":{"en":"Second substory\nSoon afterwards a number of monks who were traveling from Sāketa to Sāvatthī were robbed by bandits.\nKnowing that the Buddha had laid down this training rule and being afraid of wrongdoing, they did not ask for robes.\nAs a consequence, they walked naked to Sāvatthī, where they bowed down to the monks.\nThe monks there said, “These Ājīvaka ascetics are good people, as they bow down to the monks.”\n“We’re not Ājīvakas! We’re monks!”\nThe monks asked Venerable Upāli to examine them.\nWhen the naked monks told him what had happened, Upāli said to the monks, “They are monks. Please give them robes.”\nThe monks of few desires complained and criticized them,\n“How can monks go naked?\nShouldn’t they have covered up with grass and leaves?”\nAfter rebuking those monks in many ways, they told the Buddha.\nSoon afterwards he gave a teaching and addressed the monks:\n“Monks, if a monk’s robes are stolen or lost, I allow him to ask an unrelated householder for robes.\nAt the first monastery where he arrives, if the Sangha has a communal robe, a bedspread, a floor cover, or a mattress cover, he should take that and put it on, thinking, ‘When I get a robe, I’ll return it.’\nIf there’s none of these things, he should cover up with grass and leaves before going on. He should not go on while naked.\nIf he does, he commits an offense of wrong conduct.\nAnd so, monks, this training rule should be recited like this:","pi":"Tena kho pana samayena sambahulā bhikkhū sāketā sāvatthiṁ addhānamaggappaṭipannā honti. Antarāmagge corā nikkhamitvā te bhikkhū acchindiṁsu.\nAtha kho te bhikkhū—“bhagavatā paṭikkhittaṁ aññātakaṁ gahapatiṁ vā gahapatāniṁ vā cīvaraṁ viññāpetun”ti, kukkuccāyantā na viññāpesuṁ.\nYathānaggāva sāvatthiṁ gantvā bhikkhū abhivādenti.\nBhikkhū evamāhaṁsu—“sundarā kho ime, āvuso, ājīvakā ye ime bhikkhūsu abhivādentī”ti.\nTe evamāhaṁsu—“na mayaṁ, āvuso, ājīvakā, bhikkhū mayan”ti.\nBhikkhū āyasmantaṁ upāliṁ etadavocuṁ—“iṅghāvuso upāli, ime anuyuñjāhī”ti.\nAtha kho āyasmatā upālinā anuyuñjiyamānā te bhikkhū etamatthaṁ ārocesuṁ. Atha kho āyasmā upāli te bhikkhū anuyuñjitvā bhikkhū etadavoca—“bhikkhū ime, āvuso. Detha nesaṁ cīvarānī”ti.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma bhikkhū naggā āgacchissanti.\nNanu nāma tiṇena vā paṇṇena vā paṭicchādetvā āgantabban”ti.\nAtha kho te bhikkhū te anekapariyāyena vigarahitvā bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, acchinnacīvarassa vā naṭṭhacīvarassa vā aññātakaṁ gahapatiṁ vā gahapatāniṁ vā cīvaraṁ viññāpetuṁ.\nYaṁ āvāsaṁ paṭhamaṁ upagacchati, sace tattha hoti saṅghassa vihāracīvaraṁ vā uttarattharaṇaṁ vā bhūmattharaṇaṁ vā bhisicchavi vā, taṁ gahetvā pārupituṁ ‘labhitvā odahissāmī’ti.\nNo ce hoti saṅghassa vihāracīvaraṁ vā uttarattharaṇaṁ vā bhūmattharaṇaṁ vā bhisicchavi vā tiṇena vā paṇṇena vā paṭicchādetvā āgantabbaṁ; na tveva naggena āgantabbaṁ.\nYo āgaccheyya, āpatti dukkaṭassa.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-np6:2.18","sourceIds":["pli-tv-bu-vb-np6:2.18.0","pli-tv-bu-vb-np6:2.18.1"],"kind":"text","text":{"en":"Final ruling\n‘If a monk asks an unrelated male or female householder for a robe, except on an appropriate occasion, he commits an offense entailing relinquishment and confession.","pi":"“Yo pana bhikkhu aññātakaṁ gahapatiṁ vā gahapatāniṁ vā cīvaraṁ viññāpeyya, aññatra samayā, nissaggiyaṁ pācittiyaṁ."}},{"id":"pli-tv-bu-vb-np6:2-from-pli-tv-bu-vb-np6-2.19","sourceIds":["pli-tv-bu-vb-np6:2.19","pli-tv-bu-vb-np6:2.20"],"kind":"text","text":{"pi":"Tatthāyaṁ samayo—acchinnacīvaro vā hoti bhikkhu naṭṭhacīvaro vā.\nAyaṁ tattha samayo”ti.","en":"These are the appropriate occasions: his robes are stolen or his robes are lost.’”"}},{"id":"pli-tv-bu-vb-np6:3.1","sourceIds":["pli-tv-bu-vb-np6:3.1.0","pli-tv-bu-vb-np6:3.1.1","pli-tv-bu-vb-np6:3.1.2","pli-tv-bu-vb-np6:3.1.3","pli-tv-bu-vb-np6:3.1.4","pli-tv-bu-vb-np6:3.1.5","pli-tv-bu-vb-np6:3.1.6","pli-tv-bu-vb-np6:3.1.7","pli-tv-bu-vb-np6:3.1.8","pli-tv-bu-vb-np6:3.1.9","pli-tv-bu-vb-np6:3.1.10","pli-tv-bu-vb-np6:3.1.11","pli-tv-bu-vb-np6:3.1.12","pli-tv-bu-vb-np6:3.1.13","pli-tv-bu-vb-np6:3.1.14","pli-tv-bu-vb-np6:3.1.15","pli-tv-bu-vb-np6:3.1.16","pli-tv-bu-vb-np6:3.1.17","pli-tv-bu-vb-np6:3.1.18"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nUnrelated:\nanyone who is not a descendant of one’s male ancestors going back eight generations, either on the mother’s side or on the father’s side.\nA male householder:\nany man who lives at home.\nA female householder:\nany woman who lives at home.\nA robe:\none of the six kinds of robe-cloth, but not smaller than what can be assigned to another.\nExcept on an appropriate occasion:\nunless it is an appropriate occasion.\nHis robes are stolen:\na monk’s robe is taken by kings, bandits, scoundrels, or whoever.\nHis robes are lost:\na monk’s robe is burned by fire, carried away by flooding, eaten by rats or termites, or worn through use.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nAññātako nāma\nmātito vā pitito vā yāva sattamā pitāmahayugā asambaddho.\nGahapati nāma\nyo koci agāraṁ ajjhāvasati.\nGahapatānī nāma\nyā kāci agāraṁ ajjhāvasati.\nCīvaraṁ nāma\nchannaṁ cīvarānaṁ aññataraṁ cīvaraṁ vikappanupagaṁ pacchimaṁ.\nAññatra samayāti\nṭhapetvā samayaṁ.\nAcchinnacīvaro nāma\nbhikkhussa cīvaraṁ acchinnaṁ hoti rājūhi vā corehi vā dhuttehi vā, yehi kehici vā acchinnaṁ hoti.\nNaṭṭhacīvaro nāma\nbhikkhussa cīvaraṁ agginā vā daḍḍhaṁ hoti, udakena vā vūḷhaṁ hoti, undūrehi vā upacikāhi vā khāyitaṁ hoti, paribhogajiṇṇaṁ vā hoti."}},{"id":"pli-tv-bu-vb-np6:3.2","sourceIds":["pli-tv-bu-vb-np6:3.2.1","pli-tv-bu-vb-np6:3.2.2","pli-tv-bu-vb-np6:3.2.3","pli-tv-bu-vb-np6:3.2.4","pli-tv-bu-vb-np6:3.2.5","pli-tv-bu-vb-np6:3.2.6","pli-tv-bu-vb-np6:3.2.7","pli-tv-bu-vb-np6:3.2.8","pli-tv-bu-vb-np6:3.2.9","pli-tv-bu-vb-np6:3.2.10"],"kind":"text","text":{"pi":"Aññatra samayā viññāpeti, payoge dukkaṭaṁ.\nPaṭilābhena nissaggiyaṁ hoti.\nNissajjitabbaṁ saṅghassa vā gaṇassa vā puggalassa vā.\nEvañca pana, bhikkhave, nissajjitabbaṁ.\n…pe…\nidaṁ me, bhante, cīvaraṁ aññātakaṁ gahapatikaṁ, aññatra samayā viññāpitaṁ, nissaggiyaṁ.\nImāhaṁ saṅghassa nissajjāmīti …pe…\ndadeyyāti …pe…\ndadeyyunti …pe…\nāyasmato dammīti.","en":"If he asks, except on an appropriate occasion, then for the effort there is an act of wrong conduct.\nWhen he gets the robe-cloth, it becomes subject to relinquishment.\nThe robe-cloth should be relinquished to a sangha, a group, or an individual.\n“And, monks, it should be relinquished like this. …”\n(To be expanded as in Bu NP 1:3.2.5–3.2.29, with appropriate substitutions.)\n“Venerables, this robe-cloth, which I received after asking an unrelated householder, but not on an appropriate occasion, is to be relinquished.\nI relinquish it to the Sangha.” …\n“the Sangha should give …”\n“you should give …”\n“I give this robe-cloth back to you.”"}},{"id":"pli-tv-bu-vb-np6:3.3","sourceIds":["pli-tv-bu-vb-np6:3.3.0","pli-tv-bu-vb-np6:3.3.1","pli-tv-bu-vb-np6:3.3.2","pli-tv-bu-vb-np6:3.3.3","pli-tv-bu-vb-np6:3.3.4","pli-tv-bu-vb-np6:3.3.5","pli-tv-bu-vb-np6:3.3.6"],"kind":"text","text":{"en":"Permutations\nIf the person is unrelated and the monk perceives them as such, and he asks them for robe-cloth, except on an appropriate occasion, he commits an offense entailing relinquishment and confession.\nIf the person is unrelated, but the monk is unsure of it, and he asks them for robe-cloth, except on an appropriate occasion, he commits an offense entailing relinquishment and confession.\nIf the person is unrelated, but the monk perceives them as related, and he asks them for robe-cloth, except on an appropriate occasion, he commits an offense entailing relinquishment and confession.\nIf the person is related, but the monk perceives them as unrelated, he commits an offense of wrong conduct.\nIf the person is related, but the monk is unsure of it, he commits an offense of wrong conduct.\nIf the person is related and the monk perceives them as such, there is no offense.","pi":"Aññātake aññātakasaññī aññatra samayā cīvaraṁ viññāpeti, nissaggiyaṁ pācittiyaṁ.\nAññātake vematiko aññatra samayā cīvaraṁ viññāpeti, nissaggiyaṁ pācittiyaṁ.\nAññātake ñātakasaññī aññatra samayā cīvaraṁ viññāpeti, nissaggiyaṁ pācittiyaṁ.\nÑātake aññātakasaññī, āpatti dukkaṭassa.\nÑātake vematiko, āpatti dukkaṭassa.\nÑātake ñātakasaññī, anāpatti."}},{"id":"pli-tv-bu-vb-np6:3.4","sourceIds":["pli-tv-bu-vb-np6:3.4.0","pli-tv-bu-vb-np6:3.4.1","pli-tv-bu-vb-np6:3.4.2","pli-tv-bu-vb-np6:3.4.3","pli-tv-bu-vb-np6:3.4.4","pli-tv-bu-vb-np6:3.4.5","pli-tv-bu-vb-np6:3.4.6","pli-tv-bu-vb-np6:3.4.7","pli-tv-bu-vb-np6:3.4.8","pli-tv-bu-vb-np6:3.4.9"],"kind":"text","text":{"en":"Non-offenses\nThere is no offense:\nif it is an appropriate occasion;\nif he asks relatives;\nif he asks those who have given an invitation;\nif he asks for the benefit of someone else;\nif it is by means of his own property;\nif he is insane;\nif he is the first offender.\nThe training rule on asking an unrelated person for a robe, the sixth, is finished.","pi":"Anāpatti—\nsamaye,\nñātakānaṁ,\npavāritānaṁ,\naññassatthāya,\nattano dhanena,\nummattakassa,\nādikammikassāti.\nAññātakaviññattisikkhāpadaṁ niṭṭhitaṁ chaṭṭhaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-np6/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}