{"id":"pli-tv-bu-vb-pc25","title":"Giving robe-cloth to a nun","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc25","title":"Giving robe-cloth to a nun","units":[{"id":"pli-tv-bu-vb-pc25:0","sourceIds":["pli-tv-bu-vb-pc25:0.1","pli-tv-bu-vb-pc25:0.2","pli-tv-bu-vb-pc25:0.3","pli-tv-bu-vb-pc25:0.4","pli-tv-bu-vb-pc25:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nOvādavagga\n25. Cīvaradānasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on the instruction\nGiving robe-cloth to a nun"}},{"id":"pli-tv-bu-vb-pc25:1.0","sourceIds":["pli-tv-bu-vb-pc25:1.0.1","pli-tv-bu-vb-pc25:1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-pc25:1","sourceIds":["pli-tv-bu-vb-pc25:1.1","pli-tv-bu-vb-pc25:1.2","pli-tv-bu-vb-pc25:1.3","pli-tv-bu-vb-pc25:1.4","pli-tv-bu-vb-pc25:1.5","pli-tv-bu-vb-pc25:1.6","pli-tv-bu-vb-pc25:1.7","pli-tv-bu-vb-pc25:1.8","pli-tv-bu-vb-pc25:1.9","pli-tv-bu-vb-pc25:1.10","pli-tv-bu-vb-pc25:1.11","pli-tv-bu-vb-pc25:1.12","pli-tv-bu-vb-pc25:1.13","pli-tv-bu-vb-pc25:1.14","pli-tv-bu-vb-pc25:1.15","pli-tv-bu-vb-pc25:1.16","pli-tv-bu-vb-pc25:1.17","pli-tv-bu-vb-pc25:1.18","pli-tv-bu-vb-pc25:1.19","pli-tv-bu-vb-pc25:1.20","pli-tv-bu-vb-pc25:1.21","pli-tv-bu-vb-pc25:1.22","pli-tv-bu-vb-pc25:1.23"],"kind":"text","text":{"pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena aññataro bhikkhu sāvatthiyaṁ aññatarissā visikhāya piṇḍāya carati. Aññatarāpi bhikkhunī tassā visikhāya piṇḍāya carati.\nAtha kho so bhikkhu taṁ bhikkhuniṁ etadavoca—“gaccha, bhagini, amukasmiṁ okāse bhikkhā diyyatī”ti.\nSāpi kho evamāha—“gacchāyya, amukasmiṁ okāse bhikkhā diyyatī”ti.\nTe abhiṇhadassanena sandiṭṭhā ahesuṁ.\nTena kho pana samayena saṅghassa cīvaraṁ bhājīyati.\nAtha kho sā bhikkhunī ovādaṁ gantvā yena so bhikkhu tenupasaṅkami; upasaṅkamitvā taṁ bhikkhuṁ abhivādetvā ekamantaṁ aṭṭhāsi.\nEkamantaṁ ṭhitaṁ kho taṁ bhikkhuniṁ so bhikkhu etadavoca—“ ayaṁ me, bhagini, cīvarapaṭivīso; sādiyissasī”ti?\n“Āmāyya, dubbalacīvarāmhī”ti.\nAtha kho so bhikkhu tassā bhikkhuniyā cīvaraṁ adāsi.\nSopi kho bhikkhu dubbalacīvaro hoti.\nBhikkhū taṁ bhikkhuṁ etadavocuṁ—“karohi dāni te, āvuso, cīvaran”ti.\nAtha kho so bhikkhu bhikkhūnaṁ etamatthaṁ ārocesi.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma bhikkhu bhikkhuniyā cīvaraṁ dassatī”ti …pe…\n“saccaṁ kira tvaṁ, bhikkhu, bhikkhuniyā cīvaraṁ adāsī”ti?\n“Saccaṁ, bhagavā”ti.\n“Ñātikā te, bhikkhu, aññātikā”ti?\n“Aññātikā, bhagavā”ti.\n“Aññātako, moghapurisa, aññātikāya na jānāti patirūpaṁ vā appatirūpaṁ vā santaṁ vā asantaṁ vā.\nKathañhi nāma tvaṁ, moghapurisa, aññātikāya bhikkhuniyā cīvaraṁ dassasi.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"On one occasion when the Buddha was staying at Sāvatthī in Anāthapiṇḍika’s Monastery,\na certain monk was walking for almsfood along a street in Sāvatthī, as was a certain nun.\nThat monk said to that nun, “Go to such-and-such a place, sister, and you’ll get alms,”\nand she said the same to him.\nAnd because they met frequently, they became friends.\nJust then robe-cloth belonging to the Sangha was being distributed.\nThen, after going to the instruction, that nun went to that monk and bowed.\nHe then said to her, “Sister, will you accept my share of the robe-cloth?”\n“Yes, venerable, my robes are worn.”\nAnd he gave his robe-cloth to that nun.\nAs a consequence, his robes, too, became worn.\nOther monks said to him, “Why don’t you make a robe for yourself?”\nAnd he told them what had happened.\nThe monks of few desires complained and criticized him,\n“How could a monk give robe-cloth to a nun?” …\n“Is it true, monk, that you did this?”\n“It’s true, sir.”\n“Is she a relative of yours?”\n“No.”\n“Foolish man, a man and a woman who are unrelated don’t know what’s appropriate and inappropriate, what’s good and bad, in dealing with each other.\nAnd still you did this.\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-pc25:1.24","sourceIds":["pli-tv-bu-vb-pc25:1.24.0","pli-tv-bu-vb-pc25:1.24.1"],"kind":"text","text":{"en":"Preliminary ruling\n‘If a monk gives robe-cloth to an unrelated nun, he commits an offense entailing confession.’”","pi":"“Yo pana bhikkhu aññātikāya bhikkhuniyā cīvaraṁ dadeyya, pācittiyan”ti."}},{"id":"pli-tv-bu-vb-pc25:1-from-pli-tv-bu-vb-pc25-1.25","sourceIds":["pli-tv-bu-vb-pc25:1.25"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-pc25:2","sourceIds":["pli-tv-bu-vb-pc25:2.0","pli-tv-bu-vb-pc25:2.1","pli-tv-bu-vb-pc25:2.2","pli-tv-bu-vb-pc25:2.3","pli-tv-bu-vb-pc25:2.4","pli-tv-bu-vb-pc25:2.5","pli-tv-bu-vb-pc25:2.6","pli-tv-bu-vb-pc25:2.7","pli-tv-bu-vb-pc25:2.8","pli-tv-bu-vb-pc25:2.9","pli-tv-bu-vb-pc25:2.10"],"kind":"text","text":{"en":"Second substory\nOnce this had happened, the monks did not even give robe-cloth to the nuns in exchange, being afraid of wrongdoing.\nThe nuns complained and criticized them,\n“How can they not give us robe-cloth in exchange?”\nThe monks heard the complaints of those nuns\nand they told the Buddha.\nSoon afterwards the Buddha gave a teaching and addressed the monks:\n“Monks, I allow you to give things in exchange to five kinds of people:\nmonks, nuns, trainee nuns, novice monks, and novice nuns.\nAnd so, monks, this training rule should be recited like this:","pi":"Tena kho pana samayena bhikkhū kukkuccāyantā bhikkhunīnaṁ pārivattakaṁ cīvaraṁ na denti.\nBhikkhuniyo ujjhāyanti khiyyanti vipācenti—\n“kathañhi nāma ayyā amhākaṁ pārivattakaṁ cīvaraṁ na dassantī”ti.\nAssosuṁ kho bhikkhū tāsaṁ bhikkhunīnaṁ ujjhāyantīnaṁ khiyyantīnaṁ vipācentīnaṁ.\nAtha kho te bhikkhū bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, pañcannaṁ pārivattakaṁ dātuṁ.\nBhikkhussa, bhikkhuniyā, sikkhamānāya, sāmaṇerassa, sāmaṇeriyā—\nanujānāmi, bhikkhave, imesaṁ pañcannaṁ pārivattakaṁ dātuṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc25:2.11","sourceIds":["pli-tv-bu-vb-pc25:2.11.0","pli-tv-bu-vb-pc25:2.11.1"],"kind":"text","text":{"en":"Final ruling\n‘If a monk gives robe-cloth to an unrelated nun, except in exchange, he commits an offense entailing confession.’”","pi":"“Yo pana bhikkhu aññātikāya bhikkhuniyā cīvaraṁ dadeyya, aññatra pārivattakā, pācittiyan”ti."}},{"id":"pli-tv-bu-vb-pc25:3.1","sourceIds":["pli-tv-bu-vb-pc25:3.1.0","pli-tv-bu-vb-pc25:3.1.1","pli-tv-bu-vb-pc25:3.1.2","pli-tv-bu-vb-pc25:3.1.3","pli-tv-bu-vb-pc25:3.1.4","pli-tv-bu-vb-pc25:3.1.5","pli-tv-bu-vb-pc25:3.1.6","pli-tv-bu-vb-pc25:3.1.7","pli-tv-bu-vb-pc25:3.1.8","pli-tv-bu-vb-pc25:3.1.9","pli-tv-bu-vb-pc25:3.1.10","pli-tv-bu-vb-pc25:3.1.11","pli-tv-bu-vb-pc25:3.1.12"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nUnrelated:\nanyone who is not a descendant of one’s male ancestors going back eight generations, either on the mother’s side or on the father’s side.\nA nun:\nshe has been given the full ordination by both Sanghas.\nRobe-cloth:\none of the six kinds of robe-cloth, but not smaller than what can be assigned to another.\nExcept in exchange:\nunless there is an exchange.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nAññātikā nāma\nmātito vā pitito vā yāva sattamā pitāmahayugā asambaddhā.\nBhikkhunī nāma\nubhatosaṅghe upasampannā.\nCīvaraṁ nāma\nchannaṁ cīvarānaṁ aññataraṁ cīvaraṁ vikappanupagaṁ pacchimaṁ.\nAññatra pārivattakāti\nṭhapetvā pārivattakaṁ deti, āpatti pācittiyassa."}},{"id":"pli-tv-bu-vb-pc25:3.2","sourceIds":["pli-tv-bu-vb-pc25:3.2.0","pli-tv-bu-vb-pc25:3.2.1","pli-tv-bu-vb-pc25:3.2.2","pli-tv-bu-vb-pc25:3.2.3","pli-tv-bu-vb-pc25:3.2.4","pli-tv-bu-vb-pc25:3.2.5","pli-tv-bu-vb-pc25:3.2.6","pli-tv-bu-vb-pc25:3.2.7"],"kind":"text","text":{"en":"Permutations\nIf she is unrelated and he perceives her as such, and he gives her robe-cloth, except in exchange, he commits an offense entailing confession.\nIf she is unrelated, but he is unsure of it, and he gives her robe-cloth, except in exchange, he commits an offense entailing confession.\nIf she is unrelated, but he perceives her as related, and he gives her robe-cloth, except in exchange, he commits an offense entailing confession.\nIf he gives robe-cloth to a nun who is fully ordained only on one side, except in exchange, he commits an offense of wrong conduct.\nIf she is related, but he perceives her as unrelated, he commits an offense of wrong conduct.\nIf she is related, but he is unsure of it, he commits an offense of wrong conduct.\nIf she is related and he perceives her as such, there is no offense.","pi":"Aññātikāya aññātikasaññī cīvaraṁ deti, aññatra pārivattakā, āpatti pācittiyassa.\nAññātikāya vematiko cīvaraṁ deti, aññatra pārivattakā, āpatti pācittiyassa.\nAññātikāya ñātikasaññī cīvaraṁ deti, aññatra pārivattakā, āpatti pācittiyassa.\nEkato upasampannāya cīvaraṁ deti, aññatra pārivattakā, āpatti dukkaṭassa.\nÑātikāya aññātikasaññī, āpatti dukkaṭassa.\nÑātikāya vematiko, āpatti dukkaṭassa.\nÑātikāya ñātikasaññī, anāpatti."}},{"id":"pli-tv-bu-vb-pc25:3.3","sourceIds":["pli-tv-bu-vb-pc25:3.3.0","pli-tv-bu-vb-pc25:3.3.1","pli-tv-bu-vb-pc25:3.3.2","pli-tv-bu-vb-pc25:3.3.3","pli-tv-bu-vb-pc25:3.3.4","pli-tv-bu-vb-pc25:3.3.5","pli-tv-bu-vb-pc25:3.3.6","pli-tv-bu-vb-pc25:3.3.7","pli-tv-bu-vb-pc25:3.3.8","pli-tv-bu-vb-pc25:3.3.9","pli-tv-bu-vb-pc25:3.3.10","pli-tv-bu-vb-pc25:3.3.11"],"kind":"text","text":{"en":"Non-offenses\nThere is no offense:\nif she is related;\nif much is exchanged with little or little is exchanged with much;\nif the nun takes it on trust;\nif she borrows it;\nif he gives any requisite apart from robe-cloth;\nif it is a trainee nun;\nif it is a novice nun;\nif he is insane;\nif he is the first offender.\nThe training rule on giving robe-cloth to a nun, the fifth, is finished.","pi":"Anāpatti—\nñātikāya,\npārivattakaṁ parittena vā vipulaṁ, vipulena vā parittaṁ,\nbhikkhunī vissāsaṁ gaṇhāti,\ntāvakālikaṁ gaṇhāti,\ncīvaraṁ ṭhapetvā aññaṁ parikkhāraṁ deti,\nsikkhamānāya,\nsāmaṇeriyā,\nummattakassa,\nādikammikassāti.\nCīvaradānasikkhāpadaṁ niṭṭhitaṁ pañcamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc25/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}