{"id":"pli-tv-bu-vb-pc31","title":"Eating excessively at a public guesthouse","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc31","title":"Eating excessively at a public guesthouse","units":[{"id":"pli-tv-bu-vb-pc31:0","sourceIds":["pli-tv-bu-vb-pc31:0.1","pli-tv-bu-vb-pc31:0.2","pli-tv-bu-vb-pc31:0.3","pli-tv-bu-vb-pc31:0.4","pli-tv-bu-vb-pc31:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nBhojanavagga\n31. Āvasathapiṇḍasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on eating\nEating excessively at a public guesthouse"}},{"id":"pli-tv-bu-vb-pc31:1.0","sourceIds":["pli-tv-bu-vb-pc31:1.0.1","pli-tv-bu-vb-pc31:1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-pc31:1","sourceIds":["pli-tv-bu-vb-pc31:1.1","pli-tv-bu-vb-pc31:1.2","pli-tv-bu-vb-pc31:1.3","pli-tv-bu-vb-pc31:1.4","pli-tv-bu-vb-pc31:1.5","pli-tv-bu-vb-pc31:1.6","pli-tv-bu-vb-pc31:1.7","pli-tv-bu-vb-pc31:1.8","pli-tv-bu-vb-pc31:1.9","pli-tv-bu-vb-pc31:1.10","pli-tv-bu-vb-pc31:1.11","pli-tv-bu-vb-pc31:1.12","pli-tv-bu-vb-pc31:1.13","pli-tv-bu-vb-pc31:1.14","pli-tv-bu-vb-pc31:1.15","pli-tv-bu-vb-pc31:1.16","pli-tv-bu-vb-pc31:1.17","pli-tv-bu-vb-pc31:1.18","pli-tv-bu-vb-pc31:1.19","pli-tv-bu-vb-pc31:1.20","pli-tv-bu-vb-pc31:1.21","pli-tv-bu-vb-pc31:1.22","pli-tv-bu-vb-pc31:1.23"],"kind":"text","text":{"pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena sāvatthiyā avidūre aññatarassa pūgassa āvasathapiṇḍo paññatto hoti.\nChabbaggiyā bhikkhū pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisitvā piṇḍaṁ alabhamānā āvasathaṁ agamaṁsu.\nManussā—“cirassampi bhadantā āgatā”ti sakkaccaṁ parivisiṁsu.\nAtha kho chabbaggiyā bhikkhū dutiyampi divasaṁ …pe… tatiyampi divasaṁ pubbaṇhasamayaṁ nivāsetvā pattacīvaramādāya sāvatthiṁ piṇḍāya pavisitvā piṇḍaṁ alabhamānā āvasathaṁ gantvā bhuñjiṁsu.\nAtha kho chabbaggiyānaṁ bhikkhūnaṁ etadahosi—\n“kiṁ mayaṁ karissāma ārāmaṁ gantvā.\nHiyyopi idheva āgantabbaṁ bhavissatī”ti,\ntattheva anuvasitvā anuvasitvā āvasathapiṇḍaṁ bhuñjanti.\nTitthiyā apasakkanti.\nManussā ujjhāyanti khiyyanti vipācenti—\n“kathañhi nāma samaṇā sakyaputtiyā anuvasitvā anuvasitvā āvasathapiṇḍaṁ bhuñjissanti.\nNayimesaññeva āvasathapiṇḍo paññatto;\nsabbesaññeva āvasathapiṇḍo paññatto”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma chabbaggiyā bhikkhū anuvasitvā anuvasitvā āvasathapiṇḍaṁ bhuñjissantī”ti …pe…\n“saccaṁ kira tumhe, bhikkhave, anuvasitvā anuvasitvā āvasathapiṇḍaṁ bhuñjathā”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tumhe, moghapurisā, anuvasitvā anuvasitvā āvasathapiṇḍaṁ bhuñjissatha.\nNetaṁ, moghapurisā, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"At one time when the Buddha was staying at Sāvatthī in Anāthapiṇḍika’s Monastery,\na certain association was preparing an almsmeal at a public guesthouse not far from Sāvatthī.\nThen, after robing up in the morning, the monks from the group of six took their bowls and robes and entered Sāvatthī for alms. Not getting anything, they went to that public guesthouse.\nBecause it was a long time since they had been there, people served them respectfully.\nA second and a third day those monks did the same thing.\nThen they thought,\n“What’s the point of returning to the monastery?\nTomorrow we’ll just have to come back here.”\nSo they stayed on and on right there, eating alms at the guesthouse,\nwhile the monastics of other religions left.\nPeople complained and criticized them,\n“How can the Sakyan monastics stay on and on, eating alms at the guesthouse?\nWe don’t prepare the almsfood just for them;\nwe prepare it for everyone.”\nThe monks heard the complaints of those people,\nand the monks of few desires complained and criticized those monks,\n“How could the monks from the group of six stay on and on, eating alms at a public guesthouse?” …\n“Is it true, monks, that you did this?”\n“It’s true, sir.”\nThe Buddha rebuked them …\n“Foolish men, how could you do this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-pc31:1.24","sourceIds":["pli-tv-bu-vb-pc31:1.24.0","pli-tv-bu-vb-pc31:1.24.1"],"kind":"text","text":{"en":"Preliminary ruling\n‘If a monk eats more than one almsmeal at a public guesthouse, he commits an offense entailing confession.’”","pi":"“Eko āvasathapiṇḍo bhuñjitabbo. Tato ce uttari bhuñjeyya, pācittiyan”ti."}},{"id":"pli-tv-bu-vb-pc31:1-from-pli-tv-bu-vb-pc31-1.25","sourceIds":["pli-tv-bu-vb-pc31:1.25"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-pc31:2","sourceIds":["pli-tv-bu-vb-pc31:2.0","pli-tv-bu-vb-pc31:2.1","pli-tv-bu-vb-pc31:2.2","pli-tv-bu-vb-pc31:2.3","pli-tv-bu-vb-pc31:2.4","pli-tv-bu-vb-pc31:2.5","pli-tv-bu-vb-pc31:2.6","pli-tv-bu-vb-pc31:2.7","pli-tv-bu-vb-pc31:2.8","pli-tv-bu-vb-pc31:2.9","pli-tv-bu-vb-pc31:2.10","pli-tv-bu-vb-pc31:2.11","pli-tv-bu-vb-pc31:2.12","pli-tv-bu-vb-pc31:2.13"],"kind":"text","text":{"en":"Second substory\nSoon afterwards Venerable Sāriputta was traveling through the Kosalan country on his way to Sāvatthī when he came to a public guesthouse.\nBecause it was a long time since he had been there, people served him respectfully.\nAfter he had eaten, Sāriputta became severely ill, and he was unable to leave that guesthouse.\nOn the second day, too, those people said to him,\n“Please eat, venerable.”\nBut since he knew that\nthe Buddha had prohibited eating alms at a public guesthouse after staying on and on, and because he was afraid of wrongdoing, he did not accept.\nAs a consequence, he missed his meal.\nWhen he arrived at Sāvatthī, he told the monks what had happened,\nand they in turn told the Buddha.\nSoon afterwards the Buddha gave a teaching and addressed the monks:\n“Monks, I allow a sick monk to stay on at a public guesthouse and eat alms there.\nAnd so, monks, this training rule should be recited like this:","pi":"Tena kho pana samayena āyasmā sāriputto kosalesu janapade sāvatthiṁ gacchanto yena aññataro āvasatho tenupasaṅkami.\nManussā—“cirassampi thero āgato”ti sakkaccaṁ parivisiṁsu.\nAtha kho āyasmato sāriputtassa bhuttāvissa kharo ābādho uppajji, nāsakkhi tamhā āvasathā pakkamituṁ.\nAtha kho te manussā dutiyampi divasaṁ āyasmantaṁ sāriputtaṁ etadavocuṁ—\n“bhuñjatha, bhante”ti.\nAtha kho āyasmā sāriputto—\n“bhagavatā paṭikkhittaṁ anuvasitvā anuvasitvā āvasathapiṇḍaṁ bhuñjitun”ti kukkuccāyanto na paṭiggahesi;\nchinnabhatto ahosi.\nAtha kho āyasmā sāriputto sāvatthiṁ gantvā bhikkhūnaṁ etamatthaṁ ārocesi.\nBhikkhū bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, gilānena bhikkhunā anuvasitvā anuvasitvā āvasathapiṇḍaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc31:2.14","sourceIds":["pli-tv-bu-vb-pc31:2.14.0","pli-tv-bu-vb-pc31:2.14.1"],"kind":"text","text":{"en":"Final ruling\n‘If a monk who is not sick eats more than one almsmeal at a public guesthouse, he commits an offense entailing confession.’”","pi":"“Agilānena bhikkhunā eko āvasathapiṇḍo bhuñjitabbo. Tato ce uttari bhuñjeyya, pācittiyan”ti."}},{"id":"pli-tv-bu-vb-pc31:3.1","sourceIds":["pli-tv-bu-vb-pc31:3.1.0","pli-tv-bu-vb-pc31:3.1.1","pli-tv-bu-vb-pc31:3.1.2","pli-tv-bu-vb-pc31:3.1.3","pli-tv-bu-vb-pc31:3.1.4","pli-tv-bu-vb-pc31:3.1.5","pli-tv-bu-vb-pc31:3.1.6","pli-tv-bu-vb-pc31:3.1.7","pli-tv-bu-vb-pc31:3.1.8"],"kind":"text","text":{"en":"Definitions\nWho is not sick:\nwho is able to leave that public guesthouse.\nWho is sick:\nwho is unable to leave that public guesthouse.\nAlmsmeal at a public guesthouse:\nas much as one needs of any of the five cooked foods, prepared for the general public, in a building, under a roof cover, at the foot of a tree, or out in the open.\nA monk who is not sick may eat there once. If he receives food beyond that with the intention of eating it, he commits an offense of wrong conduct.\nFor every mouthful swallowed, he commits an offense entailing confession.","pi":"Agilāno nāma\nsakkoti tamhā āvasathā pakkamituṁ.\nGilāno nāma\nna sakkoti tamhā āvasathā pakkamituṁ.\nĀvasathapiṇḍo nāma\npañcannaṁ bhojanānaṁ aññataraṁ bhojanaṁ— sālāya vā maṇḍape vā rukkhamūle vā ajjhokāse vā anodissa yāvadattho paññatto hoti.\nAgilānena bhikkhunā sakiṁ bhuñjitabbo. Tato ce uttari “bhuñjissāmī”ti paṭiggaṇhāti, āpatti dukkaṭassa.\nAjjhohāre ajjhohāre āpatti pācittiyassa."}},{"id":"pli-tv-bu-vb-pc31:3.2","sourceIds":["pli-tv-bu-vb-pc31:3.2.0","pli-tv-bu-vb-pc31:3.2.1","pli-tv-bu-vb-pc31:3.2.2","pli-tv-bu-vb-pc31:3.2.3","pli-tv-bu-vb-pc31:3.2.4","pli-tv-bu-vb-pc31:3.2.5","pli-tv-bu-vb-pc31:3.2.6"],"kind":"text","text":{"en":"Permutations\nIf he is not sick, and he perceives himself as not sick, and he eats more than one almsmeal at a public guesthouse, he commits an offense entailing confession.\nIf he is not sick, but he is unsure of it, and he eats more than one almsmeal at a public guesthouse, he commits an offense entailing confession.\nIf he is not sick, but he perceives himself as sick, and he eats more than one almsmeal at a public guesthouse, he commits an offense entailing confession.\nIf he is sick, but he perceives himself as not sick, he commits an offense of wrong conduct.\nIf he is sick, but he is unsure of it, he commits an offense of wrong conduct.\nIf he is sick, and he perceives himself as sick, there is no offense.","pi":"Agilāno agilānasaññī tatuttari āvasathapiṇḍaṁ bhuñjati, āpatti pācittiyassa.\nAgilāno vematiko tatuttari āvasathapiṇḍaṁ bhuñjati, āpatti pācittiyassa.\nAgilāno gilānasaññī tatuttari āvasathapiṇḍaṁ bhuñjati, āpatti pācittiyassa.\nGilāno agilānasaññī, āpatti dukkaṭassa.\nGilāno vematiko āpatti dukkaṭassa.\nGilāno gilānasaññī, anāpatti."}},{"id":"pli-tv-bu-vb-pc31:3.3","sourceIds":["pli-tv-bu-vb-pc31:3.3.0","pli-tv-bu-vb-pc31:3.3.1","pli-tv-bu-vb-pc31:3.3.2","pli-tv-bu-vb-pc31:3.3.3","pli-tv-bu-vb-pc31:3.3.4","pli-tv-bu-vb-pc31:3.3.5","pli-tv-bu-vb-pc31:3.3.6","pli-tv-bu-vb-pc31:3.3.7","pli-tv-bu-vb-pc31:3.3.8","pli-tv-bu-vb-pc31:3.3.9","pli-tv-bu-vb-pc31:3.3.10","pli-tv-bu-vb-pc31:3.3.11"],"kind":"text","text":{"en":"Non-offenses\nThere is no offense:\nif he is sick;\nif he is not sick and he eats once;\nif he eats while coming or going;\nif he eats after being invited by the owners;\nif the food is prepared specifically for him;\nif there is not as much as he needs;\nif it is anything apart from the five cooked foods;\nif he is insane;\nif he is the first offender.\nThe training rule on eating excessively at a public guesthouse, the first, is finished.","pi":"Anāpatti—\ngilānassa,\nagilāno sakiṁ bhuñjati,\ngacchanto, vā āgacchanto vā bhuñjati,\nsāmikā nimantetvā bhojenti,\nodissa paññatto hoti,\nna yāvadattho paññatto hoti,\npañca bhojanāni ṭhapetvā sabbattha anāpatti,\nummattakassa,\nādikammikassāti.\nĀvasathapiṇḍasikkhāpadaṁ niṭṭhitaṁ paṭhamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc31/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}