{"id":"pli-tv-bu-vb-pc32","title":"Eating in a group","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc32","title":"Eating in a group","units":[{"id":"pli-tv-bu-vb-pc32:0","sourceIds":["pli-tv-bu-vb-pc32:0.1","pli-tv-bu-vb-pc32:0.2","pli-tv-bu-vb-pc32:0.3","pli-tv-bu-vb-pc32:0.4","pli-tv-bu-vb-pc32:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nBhojanavagga\n32. Gaṇabhojanasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on eating\nEating in a group"}},{"id":"pli-tv-bu-vb-pc32:1.0","sourceIds":["pli-tv-bu-vb-pc32:1.0.1","pli-tv-bu-vb-pc32:1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-pc32:1","sourceIds":["pli-tv-bu-vb-pc32:1.1","pli-tv-bu-vb-pc32:1.2","pli-tv-bu-vb-pc32:1.3","pli-tv-bu-vb-pc32:1.4","pli-tv-bu-vb-pc32:1.5","pli-tv-bu-vb-pc32:1.6","pli-tv-bu-vb-pc32:1.7","pli-tv-bu-vb-pc32:1.8","pli-tv-bu-vb-pc32:1.9","pli-tv-bu-vb-pc32:1.10","pli-tv-bu-vb-pc32:1.11","pli-tv-bu-vb-pc32:1.12","pli-tv-bu-vb-pc32:1.13","pli-tv-bu-vb-pc32:1.14"],"kind":"text","text":{"pi":"Tena samayena buddho bhagavā rājagahe viharati veḷuvane kalandakanivāpe.\nTena kho pana samayena devadatto parihīnalābhasakkāro sapariso kulesu viññāpetvā viññāpetvā bhuñjati.\nManussā ujjhāyanti khiyyanti vipācenti—\n“kathañhi nāma samaṇā sakyaputtiyā kulesu viññāpetvā viññāpetvā bhuñjissanti.\nKassa sampannaṁ na manāpaṁ, kassa sāduṁ na ruccatī”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma devadatto sapariso kulesu viññāpetvā viññāpetvā bhuñjissatī”ti …pe…\n“saccaṁ kira tvaṁ, devadatta, sapariso kulesu viññāpetvā viññāpetvā bhuñjasī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tvaṁ, moghapurisa, sapariso kulesu viññāpetvā viññāpetvā bhuñjissasi.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"At one time the Buddha was staying at Rājagaha in the Bamboo Grove, the squirrel sanctuary.\nAt that time, because of his loss of material support and honor, Devadatta and his followers had to ask families repeatedly to get invited to meals.\nPeople complained and criticized him,\n“How can the Sakyan monastics repeatedly ask families to get invited to meals?\nWho doesn’t like nice food? Who doesn’t prefer tasty food?”\nThe monks heard the complaints of those people,\nand the monks of few desires complained and criticized those monks,\n“How can Devadatta and his followers repeatedly ask families to get invited to meals?” …\n“Is it true, Devadatta, that you do this?”\n“It’s true, sir.”\nThe Buddha rebuked him …\n“Foolish man, how can you do this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-pc32:1.15","sourceIds":["pli-tv-bu-vb-pc32:1.15.0","pli-tv-bu-vb-pc32:1.15.1"],"kind":"text","text":{"en":"First preliminary ruling\n‘If a monk eats in a group, he commits an offense entailing confession.’”","pi":"“Gaṇabhojane pācittiyan”ti."}},{"id":"pli-tv-bu-vb-pc32:1-from-pli-tv-bu-vb-pc32-1.16","sourceIds":["pli-tv-bu-vb-pc32:1.16"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-pc32:2","sourceIds":["pli-tv-bu-vb-pc32:2.0","pli-tv-bu-vb-pc32:2.1","pli-tv-bu-vb-pc32:2.2","pli-tv-bu-vb-pc32:2.3","pli-tv-bu-vb-pc32:2.4","pli-tv-bu-vb-pc32:2.5","pli-tv-bu-vb-pc32:2.6"],"kind":"text","text":{"en":"Second substory\nSoon afterwards people invited sick monks to a meal.\nBut knowing that the Buddha had prohibited eating in a group and being afraid of wrongdoing, they did not accept.\nThey told the Buddha.\nSoon afterwards he gave a teaching and addressed the monks:\n“Monks, I allow a sick monk to eat in a group.\nAnd so, monks, this training rule should be recited like this:","pi":"Tena kho pana samayena manussā gilāne bhikkhū bhattena nimantenti.\nBhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.\nBhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, gilānena bhikkhunā gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:2.7","sourceIds":["pli-tv-bu-vb-pc32:2.7.0","pli-tv-bu-vb-pc32:2.7.1"],"kind":"text","text":{"en":"Second preliminary ruling\n‘If a monk eats in a group, except on an appropriate occasion, he commits an offense entailing confession.","pi":"“Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:2-from-pli-tv-bu-vb-pc32-2.8","sourceIds":["pli-tv-bu-vb-pc32:2.8","pli-tv-bu-vb-pc32:2.9"],"kind":"text","text":{"pi":"Tatthāyaṁ samayo. Gilānasamayo—ayaṁ tattha samayo”ti.\nEvañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"This is the appropriate occasion: he is sick.’”\nIn this way the Buddha laid down this training rule for the monks."}},{"id":"pli-tv-bu-vb-pc32:3","sourceIds":["pli-tv-bu-vb-pc32:3.0","pli-tv-bu-vb-pc32:3.1","pli-tv-bu-vb-pc32:3.2","pli-tv-bu-vb-pc32:3.3","pli-tv-bu-vb-pc32:3.4","pli-tv-bu-vb-pc32:3.5","pli-tv-bu-vb-pc32:3.6","pli-tv-bu-vb-pc32:3.7"],"kind":"text","text":{"en":"Third substory\nSoon afterwards, during the robe-giving season, people prepared a meal together with robe-cloth and then invited the monks, saying,\n“We wish to offer a meal and then give robe-cloth.”\nBut knowing that the Buddha had prohibited eating in a group and being afraid of wrongdoing, they did not accept.\nAs a result, they only got a small amount of robe-cloth.\nThey told the Buddha. …\n“Monks, I allow you to eat in a group during the robe-giving season.\nAnd so, monks, this training rule should be recited like this:","pi":"Tena kho pana samayena manussā cīvaradānasamaye sacīvarabhattaṁ paṭiyādetvā bhikkhū nimantenti—\n“bhojetvā cīvarena acchādessāmā”ti.\nBhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.\nCīvaraṁ parittaṁ uppajjati.\nBhagavato etamatthaṁ ārocesuṁ …pe…\nanujānāmi, bhikkhave, cīvaradānasamaye gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:3.8","sourceIds":["pli-tv-bu-vb-pc32:3.8.0","pli-tv-bu-vb-pc32:3.8.1"],"kind":"text","text":{"en":"Third preliminary ruling\n‘If a monk eats in a group, except on an appropriate occasion, he commits an offense entailing confession.","pi":"“Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:3-from-pli-tv-bu-vb-pc32-3.9","sourceIds":["pli-tv-bu-vb-pc32:3.9","pli-tv-bu-vb-pc32:3.10"],"kind":"text","text":{"pi":"Tatthāyaṁ samayo. Gilānasamayo, cīvaradānasamayo—ayaṁ tattha samayo”ti.\nEvañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"These are the appropriate occasions: he is sick; it is the robe-giving season.’”\nIn this way the Buddha laid down this training rule for the monks."}},{"id":"pli-tv-bu-vb-pc32:4","sourceIds":["pli-tv-bu-vb-pc32:4.0","pli-tv-bu-vb-pc32:4.1","pli-tv-bu-vb-pc32:4.2","pli-tv-bu-vb-pc32:4.3","pli-tv-bu-vb-pc32:4.4","pli-tv-bu-vb-pc32:4.5"],"kind":"text","text":{"en":"Fourth substory\nSoon afterwards people invited the robe-making monks for a meal.\nBut knowing that the Buddha had prohibited eating in a group and being afraid of wrongdoing, they did not accept.\nThey told the Buddha. …\n“Monks, I allow you to eat in a group at a time when you are making robes.\nAnd so, monks, this training rule should be recited like this:","pi":"Tena kho pana samayena manussā cīvarakārake bhikkhū bhattena nimantenti.\nBhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.\nBhagavato etamatthaṁ ārocesuṁ …pe…\nanujānāmi, bhikkhave, cīvarakārasamaye gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:4.6","sourceIds":["pli-tv-bu-vb-pc32:4.6.0","pli-tv-bu-vb-pc32:4.6.1"],"kind":"text","text":{"en":"Fourth preliminary ruling\n‘If a monk eats in a group, except on an appropriate occasion, he commits an offense entailing confession.","pi":"“Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:4-from-pli-tv-bu-vb-pc32-4.7","sourceIds":["pli-tv-bu-vb-pc32:4.7","pli-tv-bu-vb-pc32:4.8"],"kind":"text","text":{"pi":"Tatthāyaṁ samayo. Gilānasamayo, cīvaradānasamayo, cīvarakārasamayo—ayaṁ tattha samayo”ti.\nEvañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"These are the appropriate occasions: he is sick; it is the robe-giving season; it is a time of making robes.’”\nIn this way the Buddha laid down this training rule for the monks."}},{"id":"pli-tv-bu-vb-pc32:5","sourceIds":["pli-tv-bu-vb-pc32:5.0","pli-tv-bu-vb-pc32:5.1","pli-tv-bu-vb-pc32:5.2","pli-tv-bu-vb-pc32:5.3","pli-tv-bu-vb-pc32:5.4","pli-tv-bu-vb-pc32:5.5","pli-tv-bu-vb-pc32:5.6","pli-tv-bu-vb-pc32:5.7","pli-tv-bu-vb-pc32:5.8","pli-tv-bu-vb-pc32:5.9"],"kind":"text","text":{"en":"Fifth substory\nSoon afterwards some monks went traveling with a group of people.\nThe monks said to those people,\n“Please wait a moment while we walk for alms.”\nThey replied,\n“Venerables, please eat right here.”\nBut knowing that the Buddha had prohibited eating in a group and being afraid of wrongdoing, they did not accept.\nThey told the Buddha. …\n“Monks, I allow you to eat in a group when you’re traveling.\nAnd so, monks, this training rule should be recited like this:","pi":"Tena kho pana samayena bhikkhū manussehi saddhiṁ addhānaṁ gacchanti.\nAtha kho te bhikkhū te manusse etadavocuṁ—\n“muhuttaṁ, āvuso, āgametha; piṇḍāya carissāmā”ti.\nTe evamāhaṁsu—\n“idheva, bhante, bhuñjathā”ti.\nBhikkhū kukkuccāyantā na paṭiggaṇhanti—“paṭikkhittaṁ bhagavatā gaṇabhojanan”ti.\nBhagavato etamatthaṁ ārocesuṁ …pe…\nanujānāmi, bhikkhave, addhānagamanasamaye gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:5.10","sourceIds":["pli-tv-bu-vb-pc32:5.10.0","pli-tv-bu-vb-pc32:5.10.1"],"kind":"text","text":{"en":"Fifth preliminary ruling\n‘If a monk eats in a group, except on an appropriate occasion, he commits an offense entailing confession.","pi":"“Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:5-from-pli-tv-bu-vb-pc32-5.11","sourceIds":["pli-tv-bu-vb-pc32:5.11","pli-tv-bu-vb-pc32:5.12"],"kind":"text","text":{"pi":"Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo—ayaṁ tattha samayo”ti.\nEvañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"These are the appropriate occasions: he is sick; it is the robe-giving season; it is a time of making robes; he is traveling.’”\nIn this way the Buddha laid down this training rule for the monks."}},{"id":"pli-tv-bu-vb-pc32:6","sourceIds":["pli-tv-bu-vb-pc32:6.0","pli-tv-bu-vb-pc32:6.1","pli-tv-bu-vb-pc32:6.2","pli-tv-bu-vb-pc32:6.3","pli-tv-bu-vb-pc32:6.4","pli-tv-bu-vb-pc32:6.5","pli-tv-bu-vb-pc32:6.6","pli-tv-bu-vb-pc32:6.7"],"kind":"text","text":{"en":"Sixth substory\nSoon afterwards some monks were traveling by boat with a group of people.\nThe monks said to those people, “Please go to the shore for a moment while we walk for alms.”\nThey replied, “Venerables, please eat right here.”\nBut knowing that the Buddha had prohibited eating in a group and being afraid of wrongdoing, they did not accept.\nThey told the Buddha. …\n“Monks, I allow you to eat in a group when on board a boat.\nAnd so, monks, this training rule should be recited like this:","pi":"Tena kho pana samayena bhikkhū manussehi saddhiṁ nāvāya gacchanti.\nAtha kho te bhikkhū te manusse etadavocuṁ—“muhuttaṁ, āvuso, tīraṁ upanetha; piṇḍāya carissāmā”ti.\nTe evamāhaṁsu—“idheva, bhante, bhuñjathā”ti.\nBhikkhū kukkuccāyantā na paṭiggaṇhanti—“paṭikkhittaṁ bhagavatā gaṇabhojanan”ti.\nBhagavato etamatthaṁ ārocesuṁ …pe…\nanujānāmi, bhikkhave, nāvābhiruhanasamaye gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:6.8","sourceIds":["pli-tv-bu-vb-pc32:6.8.0","pli-tv-bu-vb-pc32:6.8.1"],"kind":"text","text":{"en":"Sixth preliminary ruling\n‘If a monk eats in a group, except on an appropriate occasion, he commits an offense entailing confession.","pi":"“Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:6-from-pli-tv-bu-vb-pc32-6.9","sourceIds":["pli-tv-bu-vb-pc32:6.9","pli-tv-bu-vb-pc32:6.10"],"kind":"text","text":{"pi":"Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo—ayaṁ tattha samayo”ti.\nEvañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"These are the appropriate occasions: he is sick; it is the robe-giving season; it is a time of making robes; he is traveling; he is on a boat.’”\nIn this way the Buddha laid down this training rule for the monks."}},{"id":"pli-tv-bu-vb-pc32:7","sourceIds":["pli-tv-bu-vb-pc32:7.0","pli-tv-bu-vb-pc32:7.1","pli-tv-bu-vb-pc32:7.2","pli-tv-bu-vb-pc32:7.3","pli-tv-bu-vb-pc32:7.4","pli-tv-bu-vb-pc32:7.5","pli-tv-bu-vb-pc32:7.6"],"kind":"text","text":{"en":"Seventh substory\nSoon afterwards monks who had completed the rainy-season residence in various regions were coming to Rājagaha to visit the Buddha.\nPeople saw those monks who had come from various countries and invited them for a meal.\nBut knowing that the Buddha had prohibited eating in a group and being afraid of wrongdoing, they did not accept.\nThey told the Buddha. …\n“Monks, I allow you to eat in a group on big occasions.\nAnd so, monks, this training rule should be recited like this:","pi":"Tena kho pana samayena disāsu vassaṁvuṭṭhā bhikkhū rājagahaṁ āgacchanti bhagavantaṁ dassanāya.\nManussā nānāverajjake bhikkhū passitvā bhattena nimantenti.\nBhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.\nBhagavato etamatthaṁ ārocesuṁ …pe…\nanujānāmi, bhikkhave, mahāsamaye gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:7.7","sourceIds":["pli-tv-bu-vb-pc32:7.7.0","pli-tv-bu-vb-pc32:7.7.1"],"kind":"text","text":{"en":"Seventh preliminary ruling\n‘If a monk eats in a group, except on an appropriate occasion, he commits an offense entailing confession.","pi":"“Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:7-from-pli-tv-bu-vb-pc32-7.8","sourceIds":["pli-tv-bu-vb-pc32:7.8","pli-tv-bu-vb-pc32:7.9"],"kind":"text","text":{"pi":"Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo—ayaṁ tattha samayo”ti.\nEvañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"These are the appropriate occasions: he is sick; it is the robe-giving season; it is a time of making robes; he is traveling; he is on a boat; it is a big occasion.’”\nIn this way the Buddha laid down this training rule for the monks."}},{"id":"pli-tv-bu-vb-pc32:8","sourceIds":["pli-tv-bu-vb-pc32:8.0","pli-tv-bu-vb-pc32:8.1","pli-tv-bu-vb-pc32:8.2","pli-tv-bu-vb-pc32:8.3","pli-tv-bu-vb-pc32:8.4","pli-tv-bu-vb-pc32:8.5","pli-tv-bu-vb-pc32:8.6","pli-tv-bu-vb-pc32:8.7","pli-tv-bu-vb-pc32:8.8","pli-tv-bu-vb-pc32:8.9","pli-tv-bu-vb-pc32:8.10","pli-tv-bu-vb-pc32:8.11","pli-tv-bu-vb-pc32:8.12","pli-tv-bu-vb-pc32:8.13","pli-tv-bu-vb-pc32:8.14"],"kind":"text","text":{"en":"Eighth substory\nSoon afterwards a relative of King Seniya Bimbisāra of Magadha who had gone forth with the Ājīvaka ascetics went to the king and said, “Great king, I wish to make a meal for the monastics of all religions.”\n“That’s fine, sir, if you first feed the Sangha of monks headed by the Buddha.”\n“I’ll do that.”\nAnd he sent a message to the monks: “Please accept a meal from me tomorrow.”\nBut knowing that the Buddha had prohibited eating in a group and being afraid of wrongdoing, they did not accept.\nThat Ājīvaka ascetic then went to the Buddha, exchanged pleasantries with him, and said,\n“Good Gotama has gone forth and so have I.\nOne who has gone forth should receive alms from another who has gone forth.\nGood Gotama, please accept a meal from me tomorrow together with the Sangha of monks.”\nThe Buddha consented by remaining silent.\nThe Ājīvaka understood that the Buddha had consented, and he left.\nSoon afterwards the Buddha gave a teaching and addressed the monks:\n“Monks, I allow you to eat in a group when the meal is given by a monastic.\nAnd so, monks, this training rule should be recited like this:","pi":"Tena kho pana samayena rañño māgadhassa seniyassa bimbisārassa ñātisālohito ājīvakesu pabbajito hoti. Atha kho so ājīvako yena rājā māgadho seniyo bimbisāro tenupasaṅkami; upasaṅkamitvā rājānaṁ māgadhaṁ seniyaṁ bimbisāraṁ etadavoca—“icchāmahaṁ, mahārāja, sabbapāsaṇḍikabhattaṁ kātun”ti.\n“Sace tvaṁ, bhante, buddhappamukhaṁ bhikkhusaṅghaṁ paṭhamaṁ bhojeyyāsi”.\n“Evaṁ kareyyāmī”ti.\nAtha kho so ājīvako bhikkhūnaṁ santike dūtaṁ pāhesi—“adhivāsentu me bhikkhū svātanāya bhattan”ti.\nBhikkhū kukkuccāyantā nādhivāsenti—“paṭikkhittaṁ bhagavatā gaṇabhojanan”ti.\nAtha kho so ājīvako yena bhagavā tenupasaṅkami; upasaṅkamitvā bhagavatā saddhiṁ sammodi, sammodanīyaṁ kathaṁ sāraṇīyaṁ vītisāretvā ekamantaṁ aṭṭhāsi. Ekamantaṁ ṭhito kho so ājīvako bhagavantaṁ etadavoca—\n“bhavampi gotamo pabbajito, ahampi pabbajito;\narahati pabbajito pabbajitassa piṇḍaṁ paṭiggahetuṁ.\nAdhivāsetu me bhavaṁ gotamo svātanāya bhattaṁ saddhiṁ bhikkhusaṅghenā”ti.\nAdhivāsesi bhagavā tuṇhībhāvena.\nAtha kho so ājīvako bhagavato adhivāsanaṁ viditvā pakkāmi.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, samaṇabhattasamaye gaṇabhojanaṁ bhuñjituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc32:8.15","sourceIds":["pli-tv-bu-vb-pc32:8.15.0","pli-tv-bu-vb-pc32:8.15.1"],"kind":"text","text":{"en":"Final ruling\n‘If a monk eats in a group, except on an appropriate occasion, he commits an offense entailing confession.","pi":"Gaṇabhojane, aññatra samayā, pācittiyaṁ."}},{"id":"pli-tv-bu-vb-pc32:8-from-pli-tv-bu-vb-pc32-8.16","sourceIds":["pli-tv-bu-vb-pc32:8.16"],"kind":"text","text":{"pi":"Tatthāyaṁ samayo. Gilānasamayo, cīvaradānasamayo, cīvarakārasamayo, addhānagamanasamayo, nāvābhiruhanasamayo, mahāsamayo, samaṇabhattasamayo—ayaṁ tattha samayo”ti.","en":"These are the appropriate occasions: he is sick; it is the robe-giving season; it is a time of making robes; he is traveling; he is on a boat; it is a big occasion; it is a meal given by a monastic.’”"}},{"id":"pli-tv-bu-vb-pc32:9.1","sourceIds":["pli-tv-bu-vb-pc32:9.1.0","pli-tv-bu-vb-pc32:9.1.1","pli-tv-bu-vb-pc32:9.1.2","pli-tv-bu-vb-pc32:9.1.3","pli-tv-bu-vb-pc32:9.1.4","pli-tv-bu-vb-pc32:9.1.5","pli-tv-bu-vb-pc32:9.1.6","pli-tv-bu-vb-pc32:9.1.7","pli-tv-bu-vb-pc32:9.1.8","pli-tv-bu-vb-pc32:9.1.9","pli-tv-bu-vb-pc32:9.1.10","pli-tv-bu-vb-pc32:9.1.11","pli-tv-bu-vb-pc32:9.1.12","pli-tv-bu-vb-pc32:9.1.13","pli-tv-bu-vb-pc32:9.1.14","pli-tv-bu-vb-pc32:9.1.15","pli-tv-bu-vb-pc32:9.1.16","pli-tv-bu-vb-pc32:9.1.17","pli-tv-bu-vb-pc32:9.1.18","pli-tv-bu-vb-pc32:9.1.19","pli-tv-bu-vb-pc32:9.1.20"],"kind":"text","text":{"en":"Definitions\nEats in a group:\nwherever four monks, after being invited, eat any of the five cooked foods—this is called “eats in a group”.\nExcept on an appropriate occasion:\nunless it is an appropriate occasion.\nHe is sick:\neven if he has cracked feet, he may eat in a group.\nIt is the robe-giving season:\nif he has not participated in the robe-making ceremony, he may eat in a group during the last month of the rainy season. If he has participated in the robe-making ceremony, he may eat in a group during the five month period.\nIt is a time of making robes:\nwhen he is making robes, he may eat in a group.\nHe is traveling:\nhe may eat in a group if he intends to travel at least six kilometers, while traveling, and after traveling.\nHe is on a boat:\nhe may eat in a group if he intends to board a boat, while on board, and after disembarking.\nIt is a big occasion:\nif two or three monks can get by on walking for alms, but not a group of four, he may eat in a group.\nIt is a meal given by a monastic:\nif any kind of wanderer is making the meal, he may eat in a group.\nIf he receives something intending to eat it, except on an appropriate occasion, he commits an offense of wrong conduct.\nFor every mouthful swallowed, he commits an offense entailing confession.","pi":"Gaṇabhojanaṁ nāma\nyattha cattāro bhikkhū pañcannaṁ bhojanānaṁ aññatarena bhojanena nimantitā bhuñjanti. Etaṁ gaṇabhojanaṁ nāma.\nAññatra samayāti\nṭhapetvā samayaṁ.\nGilānasamayo nāma\nantamaso pādāpi phalitā honti. “Gilānasamayo”ti bhuñjitabbaṁ.\nCīvaradānasamayo nāma\nanatthate kathine vassānassa pacchimo māso, atthate kathine pañcamāsā. “Cīvaradānasamayo”ti bhuñjitabbaṁ.\nCīvarakārasamayo nāma\ncīvare kayiramāne. “Cīvarakārasamayo”ti bhuñjitabbaṁ.\nAddhānagamanasamayo nāma\n“addhayojanaṁ gacchissāmī”ti bhuñjitabbaṁ, gacchantena bhuñjitabbaṁ, gatena bhuñjitabbaṁ.\nNāvābhiruhanasamayo nāma\n“nāvaṁ abhiruhissāmī”ti bhuñjitabbaṁ, āruḷhena bhuñjitabbaṁ, oruḷhena bhuñjitabbaṁ.\nMahāsamayo nāma\nyattha dve tayo bhikkhū piṇḍāya caritvā yāpenti, catutthe āgate na yāpenti. “Mahāsamayo”ti bhuñjitabbaṁ.\nSamaṇabhattasamayo nāma\nyo koci paribbājakasamāpanno bhattaṁ karoti. “Samaṇabhattasamayo”ti bhuñjitabbaṁ.\n“Aññatra samayā bhuñjissāmī”ti paṭiggaṇhāti, āpatti dukkaṭassa.\nAjjhohāre ajjhohāre āpatti pācittiyassa."}},{"id":"pli-tv-bu-vb-pc32:9.2","sourceIds":["pli-tv-bu-vb-pc32:9.2.0","pli-tv-bu-vb-pc32:9.2.1","pli-tv-bu-vb-pc32:9.2.2","pli-tv-bu-vb-pc32:9.2.3","pli-tv-bu-vb-pc32:9.2.4","pli-tv-bu-vb-pc32:9.2.5","pli-tv-bu-vb-pc32:9.2.6"],"kind":"text","text":{"en":"Permutations\nIf he eats in a group, and he perceives it as such, except on an appropriate occasion, he commits an offense entailing confession.\nIf he eats in a group, but he is unsure of it, except on an appropriate occasion, he commits an offense entailing confession.\nIf he eats in a group, but he does not perceive it as such, except on an appropriate occasion, he commits an offense entailing confession.\nIf he does not eat in a group, but he perceives it as such, he commits an offense of wrong conduct.\nIf he does not eat in a group, but he is unsure of it, he commits an offense of wrong conduct.\nIf he does not eat in a group, and he does not perceive it as such, there is no offense.","pi":"Gaṇabhojane gaṇabhojanasaññī, aññatra samayā, bhuñjati, āpatti pācittiyassa.\nGaṇabhojane vematiko, aññatra samayā, bhuñjati, āpatti pācittiyassa.\nGaṇabhojane nagaṇabhojanasaññī, aññatra samayā, bhuñjati, āpatti pācittiyassa.\nNagaṇabhojane gaṇabhojanasaññī, āpatti dukkaṭassa.\nNagaṇabhojane vematiko, āpatti dukkaṭassa.\nNagaṇabhojane nagaṇabhojanasaññī, anāpatti."}},{"id":"pli-tv-bu-vb-pc32:9.3","sourceIds":["pli-tv-bu-vb-pc32:9.3.0","pli-tv-bu-vb-pc32:9.3.1","pli-tv-bu-vb-pc32:9.3.2","pli-tv-bu-vb-pc32:9.3.3","pli-tv-bu-vb-pc32:9.3.4","pli-tv-bu-vb-pc32:9.3.5","pli-tv-bu-vb-pc32:9.3.6","pli-tv-bu-vb-pc32:9.3.7","pli-tv-bu-vb-pc32:9.3.8","pli-tv-bu-vb-pc32:9.3.9","pli-tv-bu-vb-pc32:9.3.10","pli-tv-bu-vb-pc32:9.3.11","pli-tv-bu-vb-pc32:9.3.12","pli-tv-bu-vb-pc32:9.3.13"],"kind":"text","text":{"en":"Non-offenses\nThere is no offense:\nif it is an appropriate occasion;\nif two or three eat together;\nif they eat together after walking for alms;\nif it is a regular meal invitation;\nif it is a meal for which lots are drawn;\nif it is a half-monthly meal;\nif it is on the observance day;\nif it is on the day after the observance day;\nif it is anything apart from the five cooked foods;\nif he is insane;\nif he is the first offender.\nThe training rule on eating in a group, the second, is finished.","pi":"Anāpatti—\nsamaye,\ndve tayo ekato bhuñjanti,\npiṇḍāya caritvā ekato sannipatitvā bhuñjanti,\nniccabhattaṁ,\nsalākabhattaṁ,\npakkhikaṁ,\nuposathikaṁ,\npāṭipadikaṁ,\npañca bhojanāni ṭhapetvā sabbattha anāpatti,\nummattakassa,\nādikammikassāti.\nGaṇabhojanasikkhāpadaṁ niṭṭhitaṁ dutiyaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc32/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}