{"id":"pli-tv-bu-vb-pc47","title":"Accepting an invitation of more than four months","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc47","title":"Accepting an invitation of more than four months","units":[{"id":"pli-tv-bu-vb-pc47:0","sourceIds":["pli-tv-bu-vb-pc47:0.1","pli-tv-bu-vb-pc47:0.2","pli-tv-bu-vb-pc47:0.3","pli-tv-bu-vb-pc47:0.4","pli-tv-bu-vb-pc47:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nAcelakavagga\n47. Mahānāmasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on naked ascetics\nAccepting an invitation of more than four months"}},{"id":"pli-tv-bu-vb-pc47:1.1","sourceIds":["pli-tv-bu-vb-pc47:1.1.0","pli-tv-bu-vb-pc47:1.1.1","pli-tv-bu-vb-pc47:1.1.2","pli-tv-bu-vb-pc47:1.1.3","pli-tv-bu-vb-pc47:1.1.4","pli-tv-bu-vb-pc47:1.1.5","pli-tv-bu-vb-pc47:1.1.6","pli-tv-bu-vb-pc47:1.1.7","pli-tv-bu-vb-pc47:1.1.8","pli-tv-bu-vb-pc47:1.1.9"],"kind":"text","text":{"en":"Origin story\nAt one time when the Buddha was staying in the Sakyan country in the Banyan Tree Monastery at Kapilavatthu,\nMahānāma the Sakyan had an abundance of tonics.\nHe went to the Buddha, bowed, sat down, and said,\n“Sir, I wish to invite the Sangha to ask for tonics for four months.”\n“Good, good, Mahānāma.\nPlease do so.”\nBut the monks were afraid of wrongdoing and did not accept.\nThey then told the Buddha what had happened. …\n“Monks, I allow you to accept an invitation to ask for tonics for four months.”","pi":"Tena samayena buddho bhagavā sakkesu viharati kapilavatthusmiṁ nigrodhārāme.\nTena kho pana samayena mahānāmassa sakkassa bhesajjaṁ ussannaṁ hoti.\nAtha kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca—\n“icchāmahaṁ, bhante, saṅghaṁ catumāsaṁ bhesajjena pavāretun”ti.\n“Sādhu sādhu, mahānāma.\nTena hi tvaṁ, mahānāma, saṅghaṁ catumāsaṁ bhesajjena pavārehī”ti.\nBhikkhū kukkuccāyantā nādhivāsenti.\nBhagavato etamatthaṁ ārocesuṁ …pe…\nanujānāmi, bhikkhave, catumāsaṁ bhesajjappaccayapavāraṇaṁ sāditun”ti."}},{"id":"pli-tv-bu-vb-pc47:1.2","sourceIds":["pli-tv-bu-vb-pc47:1.2.1","pli-tv-bu-vb-pc47:1.2.2","pli-tv-bu-vb-pc47:1.2.3","pli-tv-bu-vb-pc47:1.2.4","pli-tv-bu-vb-pc47:1.2.5","pli-tv-bu-vb-pc47:1.2.6","pli-tv-bu-vb-pc47:1.2.7","pli-tv-bu-vb-pc47:1.2.8"],"kind":"text","text":{"pi":"Tena kho pana samayena bhikkhū mahānāmaṁ sakkaṁ parittaṁ bhesajjaṁ viññāpenti. Tatheva mahānāmassa sakkassa bhesajjaṁ ussannaṁ hoti.\nDutiyampi kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca—\n“icchāmahaṁ, bhante, saṅghaṁ aparampi catumāsaṁ bhesajjena pavāretun”ti.\n“Sādhu sādhu, mahānāma.\nTena hi tvaṁ, mahānāma, saṅghaṁ aparampi catumāsaṁ bhesajjena pavārehī”ti.\nBhikkhū kukkuccāyantā nādhivāsenti.\nBhagavato etamatthaṁ ārocesuṁ …pe…\nanujānāmi, bhikkhave, puna pavāraṇampi sāditun”ti.","en":"Yet the monks only asked Mahānāma for a small amount of tonics, and so he still had an abundance.\nA second time he went to the Buddha, bowed, sat down, and said,\n“Sir, I wish to invite the Sangha to ask for tonics for a further four months.”\n“Good, good, Mahānāma.\nPlease do so.”\nAgain the monks were afraid of wrongdoing and did not accept.\nThey told the Buddha. …\n“Monks, I allow you to accept a further invitation.”"}},{"id":"pli-tv-bu-vb-pc47:1.3","sourceIds":["pli-tv-bu-vb-pc47:1.3.1","pli-tv-bu-vb-pc47:1.3.2","pli-tv-bu-vb-pc47:1.3.3","pli-tv-bu-vb-pc47:1.3.4","pli-tv-bu-vb-pc47:1.3.5","pli-tv-bu-vb-pc47:1.3.6","pli-tv-bu-vb-pc47:1.3.7","pli-tv-bu-vb-pc47:1.3.8"],"kind":"text","text":{"pi":"Tena kho pana samayena bhikkhū mahānāmaṁ sakkaṁ parittaṁyeva bhesajjaṁ viññāpenti. Tatheva mahānāmassa sakkassa bhesajjaṁ ussannaṁ hoti.\nTatiyampi kho mahānāmo sakko yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahānāmo sakko bhagavantaṁ etadavoca—\n“icchāmahaṁ, bhante, saṅghaṁ yāvajīvaṁ bhesajjena pavāretun”ti.\n“Sādhu sādhu, mahānāma.\nTena hi tvaṁ, mahānāma, saṅghaṁ yāvajīvaṁ bhesajjena pavārehī”ti.\nBhikkhū kukkuccāyantā nādhivāsenti.\nBhagavato etamatthaṁ ārocesuṁ …pe…\nanujānāmi, bhikkhave, niccapavāraṇampi sāditun”ti.","en":"Once again the monks only asked Mahānāma for a small amount of tonics, and so he still had an abundance.\nA third time he went to the Buddha, bowed, sat down, and said,\n“Sir, I wish to invite the Sangha to ask for tonics for life.”\n“Good, good, Mahānāma.\nPlease do so.”\nYet again the monks were afraid of wrongdoing and did not accept.\nThey told the Buddha. …\n“Monks, I allow you to accept a permanent invitation.”"}},{"id":"pli-tv-bu-vb-pc47:1.4","sourceIds":["pli-tv-bu-vb-pc47:1.4.1","pli-tv-bu-vb-pc47:1.4.2","pli-tv-bu-vb-pc47:1.4.3","pli-tv-bu-vb-pc47:1.4.4","pli-tv-bu-vb-pc47:1.4.5","pli-tv-bu-vb-pc47:1.4.6","pli-tv-bu-vb-pc47:1.4.7","pli-tv-bu-vb-pc47:1.4.8","pli-tv-bu-vb-pc47:1.4.9","pli-tv-bu-vb-pc47:1.4.10","pli-tv-bu-vb-pc47:1.4.11","pli-tv-bu-vb-pc47:1.4.12","pli-tv-bu-vb-pc47:1.4.13","pli-tv-bu-vb-pc47:1.4.14","pli-tv-bu-vb-pc47:1.4.15","pli-tv-bu-vb-pc47:1.4.16","pli-tv-bu-vb-pc47:1.4.17","pli-tv-bu-vb-pc47:1.4.18","pli-tv-bu-vb-pc47:1.4.19","pli-tv-bu-vb-pc47:1.4.20","pli-tv-bu-vb-pc47:1.4.21","pli-tv-bu-vb-pc47:1.4.22","pli-tv-bu-vb-pc47:1.4.23","pli-tv-bu-vb-pc47:1.4.24","pli-tv-bu-vb-pc47:1.4.25","pli-tv-bu-vb-pc47:1.4.26"],"kind":"text","text":{"pi":"Tena kho pana samayena chabbaggiyā bhikkhū dunnivatthā honti duppārutā anākappasampannā.\nMahānāmo sakko vattā hoti—“kissa tumhe, bhante, dunnivatthā duppārutā anākappasampannā?\nNanu nāma pabbajitena sunivatthena bhavitabbaṁ supārutena ākappasampannenā”ti?\nChabbaggiyā bhikkhū mahānāme sakke upanandhiṁsu.\nAtha kho chabbaggiyānaṁ bhikkhūnaṁ etadahosi—“kena nu kho mayaṁ upāyena mahānāmaṁ sakkaṁ maṅkuṁ kareyyāmā”ti? Atha kho chabbaggiyānaṁ bhikkhūnaṁ etadahosi—\n“mahānāmena kho, āvuso, sakkena saṅgho bhesajjena pavārito. Handa mayaṁ, āvuso, mahānāmaṁ sakkaṁ sappiṁ viññāpemā”ti.\nAtha kho chabbaggiyā bhikkhū yena mahānāmo sakko tenupasaṅkamiṁsu; upasaṅkamitvā mahānāmaṁ sakkaṁ etadavocuṁ—“doṇena, āvuso, sappinā attho”ti.\n“Ajjaṇho, bhante, āgametha.\nManussā vajaṁ gatā sappiṁ āharituṁ.\nKālaṁ āharissathā”ti.\nDutiyampi kho …pe…\ntatiyampi kho chabbaggiyā bhikkhū mahānāmaṁ sakkaṁ etadavocuṁ—“doṇena, āvuso, sappinā attho”ti.\n“Ajjaṇho, bhante, āgametha.\nManussā vajaṁ gatā sappiṁ āharituṁ.\nKālaṁ āharissathā”ti.\n“Kiṁ pana tayā, āvuso, adātukāmena pavāritena, yaṁ tvaṁ pavāretvā na desī”ti.\nAtha kho mahānāmo sakko ujjhāyati khiyyati vipāceti—“kathañhi nāma bhadantā—‘ajjaṇho, bhante, āgamethā’ti vuccamānā nāgamessantī”ti.\nAssosuṁ kho bhikkhū mahānāmassa sakkassa ujjhāyantassa khiyyantassa vipācentassa.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma chabbaggiyā bhikkhū mahānāmena sakkena—‘ajjaṇho, bhante, āgamethā’ti vuccamānā nāgamessantī”ti …pe…\n“saccaṁ kira tumhe, bhikkhave, mahānāmena sakkena—‘ajjaṇho, bhante, āgamethā’ti vuccamānā nāgamethā”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tumhe, moghapurisā, mahānāmena sakkena—“ajjaṇho, bhante, āgamethā”ti vuccamānā nāgamessatha.\nNetaṁ, moghapurisā, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"At that time the monks from the group of six were shabbily dressed and improper in appearance.\nMahānāma criticized them, “Venerables, why are you shabbily dressed and improper in appearance?\nShouldn’t one who has gone forth be suitably dressed and proper in appearance?”\nThe monks from the group of six developed a grudge against Mahānāma.\nThinking of ways to humiliate him, it occurred to them,\n“Mahānāma has invited the Sangha to ask for tonics. Let’s ask him for ghee.”\nThey then went to Mahānāma and said, “We need a doṇa measure of ghee.”\n“Please wait until tomorrow.\nPeople have gone to the cow-pen to get ghee.\nYou may come and get it in the morning.”\nA second time\nand a third time the monks from the group of six said the same thing,\nand Mahānāma replied as before.\nThey then said, “Why do you give an invitation if you don’t wish to give?”\nMahānāma complained and criticized them, “How can they not wait for one day when asked?”\nThe monks heard the complaints of Mahānāma,\nand the monks of few desires complained and criticized those monks,\n“How could the monks from the group of six not wait for one day when asked by Mahānāma?” …\n“Is it true, monks, that you acted like this?”\n“It’s true, sir.”\nThe Buddha rebuked them …\n“Foolish men, how could you act like this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-pc47:1.4.27","sourceIds":["pli-tv-bu-vb-pc47:1.4.27.0","pli-tv-bu-vb-pc47:1.4.27.1"],"kind":"text","text":{"en":"Final ruling\n‘A monk who is not sick may accept an invitation to ask for requisites for four months. If he accepts one beyond that limit, except if it is a further invitation or a permanent invitation, he commits an offense entailing confession.’”","pi":"“Agilānena bhikkhunā catumāsappaccayapavāraṇā sāditabbā, aññatra punapavāraṇāya, aññatra niccapavāraṇāya; tato ce uttari sādiyeyya, pācittiyan”ti."}},{"id":"pli-tv-bu-vb-pc47:2.1","sourceIds":["pli-tv-bu-vb-pc47:2.1.0","pli-tv-bu-vb-pc47:2.1.1","pli-tv-bu-vb-pc47:2.1.2","pli-tv-bu-vb-pc47:2.1.3","pli-tv-bu-vb-pc47:2.1.4","pli-tv-bu-vb-pc47:2.1.5","pli-tv-bu-vb-pc47:2.1.6","pli-tv-bu-vb-pc47:2.1.7","pli-tv-bu-vb-pc47:2.1.8","pli-tv-bu-vb-pc47:2.1.9","pli-tv-bu-vb-pc47:2.1.10","pli-tv-bu-vb-pc47:2.1.11","pli-tv-bu-vb-pc47:2.1.12","pli-tv-bu-vb-pc47:2.1.13","pli-tv-bu-vb-pc47:2.1.14","pli-tv-bu-vb-pc47:2.1.15","pli-tv-bu-vb-pc47:2.1.16","pli-tv-bu-vb-pc47:2.1.17","pli-tv-bu-vb-pc47:2.1.18","pli-tv-bu-vb-pc47:2.1.19","pli-tv-bu-vb-pc47:2.1.20","pli-tv-bu-vb-pc47:2.1.21","pli-tv-bu-vb-pc47:2.1.22","pli-tv-bu-vb-pc47:2.1.23"],"kind":"text","text":{"en":"Definitions\nA monk who is not sick may accept an invitation to ask for requisites for four months:\nhe may accept an invitation to ask for requisites for the sick.\nHe may also accept a further invitation:\nhe should think, “I’ll ask when I’m sick.”\nHe may also accept a permanent invitation:\nhe should think, “I’ll ask when I’m sick.”\nIf he accepts one beyond that limit:\nthere are invitations that have a limit on the tonics, but no limit on the time period;\nthere are invitations that have a limit on the time period, but no limit on the tonics;\nthere are invitations that have a limit on both the tonics and the time period;\nthere are invitations that have neither a limit on the tonics nor on the time period.\nLimit on the tonics:\nthe tonics are restricted: “I invite you to ask for these particular tonics.”\nLimit on the time period:\nthe time period is restricted: “I invite you to ask during this particular period of time.”\nLimit on both the tonics and the time period:\nboth the tonics and the time period are restricted: “I invite you to ask for these particular tonics during this particular period of time.”\nNeither a limit on the tonics nor on the time period:\nneither the tonics nor the time period is restricted.\nWhen there is a limit on the tonics, if he asks for tonics other than those he has been invited to ask for, he commits an offense entailing confession.\nWhen there is a limit on the time period, if he asks outside of the period during which he has been invited to ask, he commits an offense entailing confession.\nWhen there is a limit on both the tonics and on the time period, if he asks for tonics other than those he has been invited to ask for or he asks outside of the period during which he has been invited to ask, he commits an offense entailing confession.\nWhen there is neither a limit on the tonics nor on the time period, there is no offense.","pi":"Agilānena bhikkhunā catumāsappaccayapavāraṇā sāditabbāti\ngilānappaccayapavāraṇā sāditabbā.\nPunapavāraṇāpi sāditabbāti\nyadā gilāno bhavissāmi tadā viññāpessāmīti.\nNiccapavāraṇāpi sāditabbāti\nyadā gilāno bhavissāmi tadā viññāpessāmīti.\nTato ce uttari sādiyeyyāti\natthi pavāraṇā bhesajjapariyantā na rattipariyantā,\natthi pavāraṇā rattipariyantā na bhesajjapariyantā,\natthi pavāraṇā bhesajjapariyantā ca rattipariyantā ca,\natthi pavāraṇā neva bhesajjapariyantā na rattipariyantā.\nBhesajjapariyantā nāma\nbhesajjāni pariggahitāni honti—“ettakehi bhesajjehi pavāremī”ti.\nRattipariyantā nāma\nrattiyo pariggahitāyo honti—“ettakāsu rattīsu pavāremī”ti.\nBhesajjapariyantā ca rattipariyantā ca nāma\nbhesajjāni ca pariggahitāni honti rattiyo ca pariggahitāyo honti—“ettakehi bhesajjehi ettakāsu rattīsu pavāremī”ti.\nNeva bhesajjapariyantā na rattipariyantā nāma\nbhesajjāni ca apariggahitāni honti rattiyo ca apariggahitāyo honti.\nBhesajjapariyante—yehi bhesajjehi pavārito hoti tāni bhesajjāni ṭhapetvā aññāni bhesajjāni viññāpeti, āpatti pācittiyassa.\nRattipariyante—yāsu rattīsu pavārito hoti, tā rattiyo ṭhapetvā aññāsu rattīsu viññāpeti, āpatti pācittiyassa.\nBhesajjapariyante ca rattipariyante ca—yehi bhesajjehi pavārito hoti, tāni bhesajjāni ṭhapetvā yāsu rattīsu pavārito hoti, tā rattiyo ṭhapetvā aññāni bhesajjāni aññāsu rattīsu viññāpeti, āpatti pācittiyassa.\nNeva bhesajjapariyante na rattipariyante, anāpatti."}},{"id":"pli-tv-bu-vb-pc47:2.2","sourceIds":["pli-tv-bu-vb-pc47:2.2.1","pli-tv-bu-vb-pc47:2.2.2"],"kind":"text","text":{"pi":"Na bhesajjena karaṇīyena bhesajjaṁ viññāpeti, āpatti pācittiyassa.\nAññena bhesajjena karaṇīyena aññaṁ bhesajjaṁ viññāpeti, āpatti pācittiyassa.","en":"If he asks for tonics when he has no need for tonics, he commits an offense entailing confession.\nIf he asks for a tonic other than the tonic he needs, he commits an offense entailing confession."}},{"id":"pli-tv-bu-vb-pc47:2.2.3","sourceIds":["pli-tv-bu-vb-pc47:2.2.3.0","pli-tv-bu-vb-pc47:2.2.3.1"],"kind":"text","text":{"en":"Permutations\nIf it is beyond the limit, and he perceives it as such, and he asks for tonics, he commits an offense entailing confession.","pi":"Tatuttari tatuttarisaññī bhesajjaṁ viññāpeti, āpatti pācittiyassa."}},{"id":"pli-tv-bu-vb-pc47:2.2-from-pli-tv-bu-vb-pc47-2.2.4","sourceIds":["pli-tv-bu-vb-pc47:2.2.4","pli-tv-bu-vb-pc47:2.2.5","pli-tv-bu-vb-pc47:2.2.6","pli-tv-bu-vb-pc47:2.2.7","pli-tv-bu-vb-pc47:2.2.8"],"kind":"text","text":{"pi":"Tatuttari vematiko bhesajjaṁ viññāpeti, āpatti pācittiyassa.\nTatuttari natatuttarisaññī bhesajjaṁ viññāpeti, āpatti pācittiyassa.\nNatatuttari tatuttarisaññī, āpatti dukkaṭassa.\nNatatuttari vematiko, āpatti dukkaṭassa.\nNatatuttari natatuttarisaññī, anāpatti.","en":"If it is beyond the limit, but he is unsure of it, and he asks for tonics, he commits an offense entailing confession.\nIf it is beyond the limit, but he does not perceive it as such, and he asks for tonics, he commits an offense entailing confession.\nIf it is not beyond the limit, but he perceives it as such, he commits an offense of wrong conduct.\nIf it is not beyond the limit, but he is unsure of it, he commits an offense of wrong conduct.\nIf it is not beyond the limit, and he does not perceive it as such, there is no offense."}},{"id":"pli-tv-bu-vb-pc47:2.3","sourceIds":["pli-tv-bu-vb-pc47:2.3.0","pli-tv-bu-vb-pc47:2.3.1","pli-tv-bu-vb-pc47:2.3.2","pli-tv-bu-vb-pc47:2.3.3","pli-tv-bu-vb-pc47:2.3.4","pli-tv-bu-vb-pc47:2.3.5","pli-tv-bu-vb-pc47:2.3.6","pli-tv-bu-vb-pc47:2.3.7","pli-tv-bu-vb-pc47:2.3.8","pli-tv-bu-vb-pc47:2.3.9","pli-tv-bu-vb-pc47:2.3.10","pli-tv-bu-vb-pc47:2.3.11","pli-tv-bu-vb-pc47:2.3.12"],"kind":"text","text":{"en":"Non-offenses\nThere is no offense:\nif he asks for those tonics for which he was invited to ask;\nif he asks during the time period for which he was invited to ask;\nif he asks by informing, “You have invited me to ask for these tonics, but I need such-and-such a tonic;”\nif he asks by informing, “The time period during which you invited me to ask has passed, but I need tonics;”\nif it is from relatives;\nif it is from those who have given an invitation;\nif it is for the benefit of someone else;\nif it is by means of his own property;\nif he is insane;\nif he is the first offender.\nThe training rule on accepting an invitation of more than four months, the seventh, is finished.","pi":"Anāpatti—\nyehi bhesajjehi pavārito hoti tāni bhesajjāni viññāpeti,\nyāsu rattīsu pavārito hoti tāsu rattīsu viññāpeti,\n“imehi tayā bhesajjehi pavāritāmha, amhākañca iminā ca iminā ca bhesajjena attho”ti ācikkhitvā viññāpeti,\n“yāsu tayā rattīsu pavāritāmha tāyo ca rattiyo vītivattā amhākañca bhesajjena attho”ti ācikkhitvā viññāpeti,\nñātakānaṁ\npavāritānaṁ,\naññassatthāya,\nattano dhanena,\nummattakassa,\nādikammikassāti.\nMahānāmasikkhāpadaṁ niṭṭhitaṁ sattamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc47/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}