{"id":"pli-tv-bu-vb-pc68","title":"Not giving up a bad view","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc68","title":"Not giving up a bad view","units":[{"id":"pli-tv-bu-vb-pc68:0","sourceIds":["pli-tv-bu-vb-pc68:0.1","pli-tv-bu-vb-pc68:0.2","pli-tv-bu-vb-pc68:0.3","pli-tv-bu-vb-pc68:0.4","pli-tv-bu-vb-pc68:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nSappāṇakavagga\n68. Ariṭṭhasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on containing living beings\nNot giving up a bad view"}},{"id":"pli-tv-bu-vb-pc68:1","sourceIds":["pli-tv-bu-vb-pc68:1.0","pli-tv-bu-vb-pc68:1.1","pli-tv-bu-vb-pc68:1.2","pli-tv-bu-vb-pc68:1.3","pli-tv-bu-vb-pc68:1.4","pli-tv-bu-vb-pc68:1.5","pli-tv-bu-vb-pc68:1.6","pli-tv-bu-vb-pc68:1.7","pli-tv-bu-vb-pc68:1.8","pli-tv-bu-vb-pc68:1.9","pli-tv-bu-vb-pc68:1.10","pli-tv-bu-vb-pc68:1.11","pli-tv-bu-vb-pc68:1.12","pli-tv-bu-vb-pc68:1.13","pli-tv-bu-vb-pc68:1.14","pli-tv-bu-vb-pc68:1.15","pli-tv-bu-vb-pc68:1.16","pli-tv-bu-vb-pc68:1.17","pli-tv-bu-vb-pc68:1.18","pli-tv-bu-vb-pc68:1.19","pli-tv-bu-vb-pc68:1.20","pli-tv-bu-vb-pc68:1.21","pli-tv-bu-vb-pc68:1.22","pli-tv-bu-vb-pc68:1.23","pli-tv-bu-vb-pc68:1.24","pli-tv-bu-vb-pc68:1.25","pli-tv-bu-vb-pc68:1.26","pli-tv-bu-vb-pc68:1.27","pli-tv-bu-vb-pc68:1.28","pli-tv-bu-vb-pc68:1.29","pli-tv-bu-vb-pc68:1.30","pli-tv-bu-vb-pc68:1.31","pli-tv-bu-vb-pc68:1.32","pli-tv-bu-vb-pc68:1.33","pli-tv-bu-vb-pc68:1.34","pli-tv-bu-vb-pc68:1.35","pli-tv-bu-vb-pc68:1.36","pli-tv-bu-vb-pc68:1.37","pli-tv-bu-vb-pc68:1.38","pli-tv-bu-vb-pc68:1.39","pli-tv-bu-vb-pc68:1.40","pli-tv-bu-vb-pc68:1.41","pli-tv-bu-vb-pc68:1.42","pli-tv-bu-vb-pc68:1.43","pli-tv-bu-vb-pc68:1.44","pli-tv-bu-vb-pc68:1.45","pli-tv-bu-vb-pc68:1.46","pli-tv-bu-vb-pc68:1.47","pli-tv-bu-vb-pc68:1.48"],"kind":"text","text":{"en":"Origin story\nAt one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time the monk Ariṭṭha, the ex-vulture-hunter, had the following bad and erroneous view:\n“As I understand the Teaching of the Buddha, the things he calls obstacles are unable to obstruct one who indulges in them.”\nA number of monks heard\nthat Ariṭṭha had that view.\nThey went to him and asked,\n“Is it true, Ariṭṭha,\nthat you have such a view?”\n“Yes, indeed. As I understand the Buddha’s Teaching, the things he calls obstacles are unable to obstruct one who indulges in them.”\n“No, Ariṭṭha, don’t misrepresent the Buddha, for it’s not good to misrepresent him. The Buddha would never say such a thing.\nThe Buddha has given many discourses about the obstacles being obstructive and how they obstruct one who indulges in them.\nThe Buddha has said that the enjoyment provided by worldly pleasures is small, whereas the suffering and trouble with them are huge, and so their drawbacks are greater.\nThe Buddha has said that worldly pleasures are similar to a skeleton …\nsimilar to a piece of meat …\nsimilar to a grass torch …\nsimilar to a pit of coals …\nsimilar to a dream …\nsimilar to borrowed goods …\nsimilar to fruits on a tree …\nsimilar to a knife and chopping block …\nsimilar to swords and stakes …\nsimilar to a snake’s head; the suffering and trouble with them are huge, and so their drawbacks are greater.”\nBut even though the monks corrected Ariṭṭha like this, he stubbornly held on to that bad and erroneous view, and continued to insist on it.\nSince they were unable to make him give up that view, they went to the Buddha and told him what had happened.\nSoon afterwards the Buddha had the Sangha gathered and questioned Ariṭṭha:\n“Is it true, Ariṭṭha, that you have such a view?”\n“Yes indeed, sir.”\n“Foolish man, who do you think I have taught like this?\nHaven’t I given many discourses about the obstacles being obstructive and how they obstruct one who indulges in them?\nI have said that the enjoyment provided by worldly pleasures is small, whereas the suffering and trouble with them are huge, and so their drawbacks are greater.\nI have said that worldly pleasures are similar to a skeleton …\nsimilar to a piece of meat …\nsimilar to a grass torch …\nsimilar to a pit of coals …\nsimilar to a dream …\nsimilar to borrowed goods …\nsimilar to fruits on a tree …\nsimilar to a knife and chopping block …\nsimilar to swords and stakes …\nsimilar to a snake’s head; the suffering and trouble with them are huge, and so their drawbacks are greater.\nAnd yet, foolish man, by misunderstanding you have misrepresented me, hurt yourself, and made much demerit.\nThis will be for your long-lasting harm and suffering.\nThis will affect people’s confidence …” …\n“And, monks, this training rule should be recited like this:","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena ariṭṭhassa nāma bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ hoti—\n“tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.\nAssosuṁ kho sambahulā bhikkhū—\n“ariṭṭhassa kira nāma bhikkhuno gaddhabādhipubbassa evarūpaṁ pāpakaṁ diṭṭhigataṁ uppannaṁ—\n‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā’”ti.\nAtha kho te bhikkhū yena ariṭṭho bhikkhu gaddhabādhipubbo tenupasaṅkamiṁsu;\nupasaṅkamitvā ariṭṭhaṁ bhikkhuṁ gaddhabādhipubbaṁ etadavocuṁ—\n“saccaṁ kira te, āvuso ariṭṭha, evarūpaṁ pāpakaṁ diṭṭhigataṁ uppannaṁ—\n‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā’”ti?\n“Evaṁ byā kho ahaṁ, āvuso, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.\n“Mā, āvuso ariṭṭha, evaṁ avaca. Mā bhagavantaṁ abbhācikkhi. Na hi sādhu bhagavato abbhakkhānaṁ. Na hi bhagavā evaṁ vadeyya.\nAnekapariyāyenāvuso ariṭṭha, antarāyikā dhammā antarāyikā vuttā bhagavatā. Alañca pana te paṭisevato antarāyāya.\nAppassādā kāmā vuttā bhagavatā bahudukkhā bahupāyāsā, ādīnavo ettha bhiyyo.\nAṭṭhikaṅkalūpamā kāmā vuttā bhagavatā bahudukkhā bahupāyāsā, ādīnavo ettha bhiyyo.\nMaṁsapesūpamā kāmā vuttā bhagavatā …pe…\ntiṇukkūpamā kāmā vuttā bhagavatā …\naṅgārakāsūpamā kāmā vuttā bhagavatā …\nsupinakūpamā kāmā vuttā bhagavatā …\nyācitakūpamā kāmā vuttā bhagavatā …\nrukkhaphalūpamā kāmā vuttā bhagavatā …\nasisūnūpamā kāmā vuttā bhagavatā …\nsattisūlūpamā kāmā vuttā bhagavatā …\nsappasirūpamā kāmā vuttā bhagavatā bahudukkhā bahupāyāsā, ādīnavo ettha bhiyyo”ti.\nEvampi kho ariṭṭho bhikkhu gaddhabādhipubbo tehi bhikkhūhi vuccamāno tatheva taṁ pāpakaṁ diṭṭhigataṁ thāmasā parāmāsā abhinivissa voharati—\n“evaṁ byā kho ahaṁ, āvuso, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā, te paṭisevato nālaṁ antarāyāyā’”ti.\nYato ca kho te bhikkhū nāsakkhiṁsu ariṭṭhaṁ bhikkhuṁ gaddhabādhipubbaṁ etasmā pāpakā diṭṭhigatā vivecetuṁ, atha kho te bhikkhū yena bhagavā tenupasaṅkamiṁsu; upasaṅkamitvā bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā ariṭṭhaṁ bhikkhuṁ gaddhabādhipubbaṁ paṭipucchi—\n“saccaṁ kira te, ariṭṭha, evarūpaṁ pāpakaṁ diṭṭhigataṁ uppannaṁ—\n‘tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti?\n“Evaṁ byā kho ahaṁ, bhante, bhagavatā dhammaṁ desitaṁ ājānāmi— ‘yathā yeme antarāyikā dhammā vuttā bhagavatā te paṭisevato nālaṁ antarāyāyā’”ti.\nKassa nu kho nāma tvaṁ, moghapurisa, mayā evaṁ dhammaṁ desitaṁ ājānāsi?\nNanu mayā, moghapurisa, anekapariyāyena antarāyikā dhammā antarāyikā vuttā. Alañca pana te paṭisevato antarāyāya.\nAppassādā kāmā vuttā mayā bahudukkhā bahupāyāsā, ādīnavo ettha bhiyyo.\nAṭṭhikaṅkalūpamā kāmā vuttā mayā …pe…\nmaṁsapesūpamā kāmā vuttā mayā …\ntiṇukkūpamā kāmā vuttā mayā …\naṅgārakāsūpamā kāmā vuttā mayā …\nsupinakūpamā kāmā vuttā mayā …\nyācitakūpamā kāmā vuttā mayā …\nrukkhaphalūpamā kāmā vuttā mayā …\nasisūnūpamā kāmā vuttā mayā …\nsattisūlūpamā kāmā vuttā mayā …\nsappasirūpamā kāmā vuttā mayā bahudukkhā bahupāyāsā, ādīnavo ettha bhiyyo.\nAtha ca pana tvaṁ, moghapurisa, attanā duggahitena amhe ceva abbhācikkhasi, attānañca khaṇasi, bahuñca apuññaṁ pasavasi.\nTañhi te, moghapurisa, bhavissati dīgharattaṁ ahitāya dukkhāya.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc68:1.49","sourceIds":["pli-tv-bu-vb-pc68:1.49.0","pli-tv-bu-vb-pc68:1.49.1"],"kind":"text","text":{"en":"Final ruling\n‘If a monk says,","pi":"“Yo pana bhikkhu evaṁ vadeyya—"}},{"id":"pli-tv-bu-vb-pc68:1-from-pli-tv-bu-vb-pc68-1.50","sourceIds":["pli-tv-bu-vb-pc68:1.50","pli-tv-bu-vb-pc68:1.51","pli-tv-bu-vb-pc68:1.52","pli-tv-bu-vb-pc68:1.53","pli-tv-bu-vb-pc68:1.54","pli-tv-bu-vb-pc68:1.55","pli-tv-bu-vb-pc68:1.56"],"kind":"text","text":{"pi":"‘tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā’ti\nso bhikkhu bhikkhūhi evamassa vacanīyo—\n‘māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,\nanekapariyāyenāvuso, antarāyikā dhammā antarāyikā vuttā bhagavatā, alañca pana te paṭisevato antarāyāyā’ti.\nEvañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.\nYāvatatiyañce samanubhāsiyamāno taṁ paṭinissajjeyya, iccetaṁ kusalaṁ,\nno ce paṭinissajjeyya, pācittiyan”ti.","en":"“As I understand the Buddha’s Teaching, the things he calls obstacles are unable to obstruct one who indulges in them,”\nthen the monks should correct him like this:\n“No, venerable, don’t misrepresent the Buddha, for it’s not good to misrepresent the Buddha. The Buddha would never say such a thing.\nIn many discourses the Buddha has declared the obstacles to be obstructive and how they obstruct one who indulges in them.”\nIf that monk continues as before, the monks should press him up to three times to make him give up that view.\nIf he then gives it up, all is well.\nIf he does not, he commits an offense entailing confession.’”"}},{"id":"pli-tv-bu-vb-pc68:2.1","sourceIds":["pli-tv-bu-vb-pc68:2.1.0","pli-tv-bu-vb-pc68:2.1.1","pli-tv-bu-vb-pc68:2.1.2","pli-tv-bu-vb-pc68:2.1.3","pli-tv-bu-vb-pc68:2.1.4","pli-tv-bu-vb-pc68:2.1.5","pli-tv-bu-vb-pc68:2.1.6","pli-tv-bu-vb-pc68:2.1.7","pli-tv-bu-vb-pc68:2.1.8","pli-tv-bu-vb-pc68:2.1.9","pli-tv-bu-vb-pc68:2.1.10","pli-tv-bu-vb-pc68:2.1.11","pli-tv-bu-vb-pc68:2.1.12","pli-tv-bu-vb-pc68:2.1.13","pli-tv-bu-vb-pc68:2.1.14","pli-tv-bu-vb-pc68:2.1.15","pli-tv-bu-vb-pc68:2.1.16","pli-tv-bu-vb-pc68:2.1.17","pli-tv-bu-vb-pc68:2.1.18","pli-tv-bu-vb-pc68:2.1.19","pli-tv-bu-vb-pc68:2.1.20","pli-tv-bu-vb-pc68:2.1.21","pli-tv-bu-vb-pc68:2.1.22","pli-tv-bu-vb-pc68:2.1.23","pli-tv-bu-vb-pc68:2.1.24","pli-tv-bu-vb-pc68:2.1.25","pli-tv-bu-vb-pc68:2.1.26","pli-tv-bu-vb-pc68:2.1.27","pli-tv-bu-vb-pc68:2.1.28","pli-tv-bu-vb-pc68:2.1.29","pli-tv-bu-vb-pc68:2.1.30","pli-tv-bu-vb-pc68:2.1.31","pli-tv-bu-vb-pc68:2.1.32","pli-tv-bu-vb-pc68:2.1.33","pli-tv-bu-vb-pc68:2.1.34","pli-tv-bu-vb-pc68:2.1.35","pli-tv-bu-vb-pc68:2.1.36","pli-tv-bu-vb-pc68:2.1.37","pli-tv-bu-vb-pc68:2.1.38","pli-tv-bu-vb-pc68:2.1.39","pli-tv-bu-vb-pc68:2.1.40","pli-tv-bu-vb-pc68:2.1.41","pli-tv-bu-vb-pc68:2.1.42","pli-tv-bu-vb-pc68:2.1.43","pli-tv-bu-vb-pc68:2.1.44","pli-tv-bu-vb-pc68:2.1.45","pli-tv-bu-vb-pc68:2.1.46","pli-tv-bu-vb-pc68:2.1.47","pli-tv-bu-vb-pc68:2.1.48","pli-tv-bu-vb-pc68:2.1.49","pli-tv-bu-vb-pc68:2.1.50","pli-tv-bu-vb-pc68:2.1.51","pli-tv-bu-vb-pc68:2.1.52","pli-tv-bu-vb-pc68:2.1.53","pli-tv-bu-vb-pc68:2.1.54","pli-tv-bu-vb-pc68:2.1.55"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nSays:\n“As I understand the Buddha’s Teaching, the things he calls obstacles are unable to obstruct one who indulges in them.”\nHim:\nthe monk who speaks in that way.\nThe monks:\nother monks who see it or hear about it. They should correct him,\n“No, venerable, don’t misrepresent the Buddha, for it’s not good to misrepresent the Buddha. The Buddha would never say such a thing.\nIn many discourses the Buddha has declared the obstacles to be obstructive and how they obstruct one who indulges in them.”\nAnd they should correct him a second\nand a third time.\nIf he gives up that view, all is well.\nIf he does not, he commits an offense of wrong conduct.\nIf those who hear about it do not say anything, they commit an offense of wrong conduct.\nThat monk, even if he has to be pulled into the Sangha, should be corrected like this:\n“No, venerable, don’t misrepresent the Buddha, for it’s not good to misrepresent the Buddha. The Buddha would never say such a thing.\nIn many discourses the Buddha has declared the obstacles to be obstructive and how they obstruct one who indulges in them.”\nAnd they should correct him a second\nand a third time.\nIf he gives up that view, all is well.\nIf he does not, he commits an offense of wrong conduct.\nHe should then be pressed.\n“And, monks, he should be pressed like this.\nA competent and capable monk should inform the Sangha:\n‘Please, venerables, I ask the Sangha to listen.\nMonk so-and-so has the following bad and erroneous view:\n“As I understand the Buddha’s Teaching, the things he calls obstacles are unable to obstruct one who indulges in them.”\nHe is not giving up that view.\nIf the Sangha is ready, it should press monk so-and-so\nto make him give it up.\nThis is the motion.\nPlease, venerables, I ask the Sangha to listen.\nMonk so-and-so has the following bad and erroneous view:\n“As I understand the Buddha’s Teaching, the things he calls obstacles are unable to obstruct one who indulges in them.”\nHe is not giving up that view.\nThe Sangha presses monk so-and-so to make him give up that view.\nAny monk who approves of pressing monk so-and-so to make him give up that view should remain silent.\nAny monk who doesn’t approve should speak up.\nFor the second time …\nFor the third time I speak on this matter:\nPlease, venerables, I ask the Sangha to listen.\nMonk so-and-so has the following bad and erroneous view:\n“As I understand the Buddha’s Teaching, the things he calls obstacles are unable to obstruct one who indulges in them.”\nHe is not giving up that view.\nThe Sangha presses monk so-and-so to make him give up that view.\nAny monk who approves of pressing monk so-and-so to make him give up that view should remain silent.\nAny monk who doesn’t approve should speak up.\nThe Sangha has pressed monk so-and-so to make him give up that view.\nThe Sangha approves and is therefore silent. I will remember it thus.’”\nAfter the motion, he commits an offense of wrong conduct.\nAfter each of the first two announcements, he commits an offense of wrong conduct.\nWhen the last announcement is finished, he commits an offense entailing confession.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nEvaṁ vadeyyāti—\n“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.\nSo bhikkhūti\nyo so evaṁvādī bhikkhu.\nBhikkhūhīti\naññehi bhikkhūhi. Ye passanti ye suṇanti tehi vattabbo—\n“māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,\nanekapariyāyenāvuso antarāyikā dhammā antarāyikā vuttā bhagavatā. Alañca pana te paṭisevato antarāyāyā”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ;\nno ce paṭinissajjati, āpatti dukkaṭassa.\nSutvā na vadanti, āpatti dukkaṭassa.\nSo bhikkhu saṅghamajjhampi ākaḍḍhitvā vattabbo—\n“māyasmā evaṁ avaca, mā bhagavantaṁ abbhācikkhi, na hi sādhu bhagavato abbhakkhānaṁ, na hi bhagavā evaṁ vadeyya,\nanekapariyāyenāvuso antarāyikā dhammā antarāyikā vuttā bhagavatā. Alañca pana te paṭisevato antarāyāyā”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ.\nNo ce paṭinissajjati, āpatti dukkaṭassa.\nSo bhikkhu samanubhāsitabbo.\n“Evañca pana, bhikkhave, samanubhāsitabbo.\nByattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nItthannāmassa bhikkhuno evarūpaṁ pāpakaṁ diṭṭhigataṁ uppannaṁ—\n“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti.\nSo taṁ diṭṭhiṁ na paṭinissajjati.\nYadi saṅghassa pattakallaṁ, saṅgho itthannāmaṁ bhikkhuṁ samanubhāseyya—\ntassā diṭṭhiyā paṭinissaggāya.\nEsā ñatti.\nSuṇātu me, bhante, saṅgho.\nItthannāmassa bhikkhuno evarūpaṁ pāpakaṁ diṭṭhigataṁ uppannaṁ—\n“tathāhaṁ bhagavatā dhammaṁ desitaṁ ājānāmi, yathā yeme antarāyikā dhammā vuttā bhagavatā, te paṭisevato nālaṁ antarāyāyā”ti.\nSo taṁ diṭṭhiṁ na paṭinissajjati.\nSaṅgho itthannāmaṁ bhikkhuṁ samanubhāsati tassā diṭṭhiyā paṭinissaggāya.\nYassāyasmato khamati itthannāmassa bhikkhuno samanubhāsanā, tassā diṭṭhiyā paṭinissaggāya, so tuṇhassa;\nyassa nakkhamati, so bhāseyya.\nDutiyampi etamatthaṁ vadāmi …pe…\ntatiyampi etamatthaṁ vadāmi—\nsuṇātu me, bhante, saṅgho.\nItthannāmassa bhikkhuno evarūpaṁ pāpakaṁ diṭṭhigataṁ uppannaṁ—\n“tathāhaṁ bhagavatā dhammaṁ desitaṁ ājānāmi yathā yeme antarāyikā dhammā vuttā bhagavatā te paṭisevato nālaṁ antarāyāyā”ti.\nSo taṁ diṭṭhiṁ na paṭinissajjati.\nSaṅgho itthannāmaṁ bhikkhuṁ samanubhāsati tassā diṭṭhiyā paṭinissaggāya.\nYassāyasmato khamati itthannāmassa bhikkhuno samanubhāsanā, tassā diṭṭhiyā paṭinissaggāya, so tuṇhassa;\nyassa nakkhamati, so bhāseyya.\nSamanubhaṭṭho saṅghena itthannāmo bhikkhu, tassā diṭṭhiyā paṭinissaggāya.\nKhamati saṅghassa, tasmā tuṇhī, evametaṁ dhārayāmī’”ti.\nÑattiyā dukkaṭaṁ.\nDvīhi kammavācāhi dukkaṭā.\nKammavācāpariyosāne āpatti pācittiyassa."}},{"id":"pli-tv-bu-vb-pc68:2.2","sourceIds":["pli-tv-bu-vb-pc68:2.2.0","pli-tv-bu-vb-pc68:2.2.1","pli-tv-bu-vb-pc68:2.2.2","pli-tv-bu-vb-pc68:2.2.3","pli-tv-bu-vb-pc68:2.2.4","pli-tv-bu-vb-pc68:2.2.5","pli-tv-bu-vb-pc68:2.2.6"],"kind":"text","text":{"en":"Permutations\nIf it is a legitimate legal procedure, and he perceives it as such, and he does not give up his view, he commits an offense entailing confession.\nIf it is a legitimate legal procedure, but he is unsure of it, and he does not give up his view, he commits an offense entailing confession.\nIf it is a legitimate legal procedure, but he perceives it as illegitimate, and he does not give up his view, he commits an offense entailing confession.\nIf it is an illegitimate legal procedure, but he perceives it as legitimate, he commits an offense of wrong conduct.\nIf it is an illegitimate legal procedure, but he is unsure of it, he commits an offense of wrong conduct.\nIf it is an illegitimate legal procedure, and he perceives it as such, he commits an offense of wrong conduct.","pi":"Dhammakamme dhammakammasaññī na paṭinissajjati, āpatti pācittiyassa.\nDhammakamme vematiko na paṭinissajjati, āpatti pācittiyassa.\nDhammakamme adhammakammasaññī na paṭinissajjati, āpatti pācittiyassa.\nAdhammakamme dhammakammasaññī, āpatti dukkaṭassa.\nAdhammakamme vematiko, āpatti dukkaṭassa.\nAdhammakamme adhammakammasaññī, āpatti dukkaṭassa."}},{"id":"pli-tv-bu-vb-pc68:2.3","sourceIds":["pli-tv-bu-vb-pc68:2.3.0","pli-tv-bu-vb-pc68:2.3.1","pli-tv-bu-vb-pc68:2.3.2","pli-tv-bu-vb-pc68:2.3.3","pli-tv-bu-vb-pc68:2.3.4","pli-tv-bu-vb-pc68:2.3.5","pli-tv-bu-vb-pc68:2.3.6"],"kind":"text","text":{"en":"Non-offenses\nThere is no offense:\nif he has not been pressed;\nif he gives it up;\nif he is insane;\nif he is the first offender.\nThe training rule on not giving up a bad view, the eighth, is finished.","pi":"Anāpatti—\nasamanubhāsantassa,\npaṭinissajjantassa,\nummattakassāti.\nAriṭṭhasikkhāpadaṁ niṭṭhitaṁ aṭṭhamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc68/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}