{"id":"pli-tv-bu-vb-pc83","title":"Entering a royal compound unannounced","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc83","title":"Entering a royal compound unannounced","units":[{"id":"pli-tv-bu-vb-pc83:0","sourceIds":["pli-tv-bu-vb-pc83:0.1","pli-tv-bu-vb-pc83:0.2","pli-tv-bu-vb-pc83:0.3","pli-tv-bu-vb-pc83:0.4","pli-tv-bu-vb-pc83:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nRatanavagga\n83. Antepurasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on precious things\nEntering a royal compound unannounced"}},{"id":"pli-tv-bu-vb-pc83:1.1","sourceIds":["pli-tv-bu-vb-pc83:1.1.0","pli-tv-bu-vb-pc83:1.1.1","pli-tv-bu-vb-pc83:1.1.2","pli-tv-bu-vb-pc83:1.1.3","pli-tv-bu-vb-pc83:1.1.4","pli-tv-bu-vb-pc83:1.1.5","pli-tv-bu-vb-pc83:1.1.6","pli-tv-bu-vb-pc83:1.1.7","pli-tv-bu-vb-pc83:1.1.8","pli-tv-bu-vb-pc83:1.1.9","pli-tv-bu-vb-pc83:1.1.10","pli-tv-bu-vb-pc83:1.1.11","pli-tv-bu-vb-pc83:1.1.12","pli-tv-bu-vb-pc83:1.1.13","pli-tv-bu-vb-pc83:1.1.14","pli-tv-bu-vb-pc83:1.1.15","pli-tv-bu-vb-pc83:1.1.16","pli-tv-bu-vb-pc83:1.1.17","pli-tv-bu-vb-pc83:1.1.18"],"kind":"text","text":{"en":"Origin story\nAt one time when the Buddha was staying at Sāvatthī in Anāthapiṇḍika’s Monastery,\nKing Pasenadi of Kosala told his park-keeper, “Go and clean up the park; I’ll be going there.”\n“Yes, sir.” While cleaning the park, he saw the Buddha seated at the foot of a tree.\nHe then went to King Pasenadi and said, “The park is clean, sir, but the Buddha is sitting there.”\n“Marvelous! I’ll visit him.”\nThe king went to the park and approached the Buddha, but just then a lay follower was seated there.\nWhen the king saw him, he became fearful and stopped.\nBut he considered, “This man isn’t likely to be bad, since he’s visiting the Buddha,” and so he approached the Buddha, bowed, and sat down.\nBut when that lay follower, because of his respect for the Buddha, neither bowed down to the king nor stood up for him, the king became annoyed.\nThe Buddha realized what was happening and said to the king, “Great king, this lay follower is learned, a master of the tradition, and he’s free from sensual desire.”\nThe king thought, “This lay follower doesn’t deserve to be in an inferior position, since even the Buddha praises him.”\nAnd he said to that lay follower, “Please say what you want.”\n“Thank you, sir.”\nThe Buddha then instructed, inspired, and gladdened King Pasenadi with a teaching, after which the king got up from his seat, bowed down, circumambulated the Buddha with his right side toward him, and left.\nSoon afterwards King Pasenadi was up in his finest stilt house, when he saw that lay follower walking along the street, holding a sunshade.\nHe summoned him and said, “You are a learned Buddhist, a master of the tradition.\nPlease teach my harem.”\n“Whatever I know, sir, I know because of the monks. They should teach the harem.”","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena rājā pasenadi kosalo uyyānapālaṁ āṇāpesi—“gaccha, bhaṇe, uyyānaṁ sodhehi. Uyyānaṁ gamissāmā”ti.\n“Evaṁ, devā”ti kho so uyyānapālo rañño pasenadissa kosalassa paṭissutvā uyyānaṁ sodhento addasa bhagavantaṁ aññatarasmiṁ rukkhamūle nisinnaṁ.\nDisvāna yena rājā pasenadi kosalo tenupasaṅkami; upasaṅkamitvā rājānaṁ pasenadiṁ kosalaṁ etadavoca—“suddhaṁ, deva, uyyānaṁ. Api ca bhagavā tattha nisinno”ti.\n“Hotu, bhaṇe. Mayaṁ bhagavantaṁ payirupāsissāmā”ti.\nAtha kho rājā pasenadi kosalo uyyānaṁ gantvā yena bhagavā tenupasaṅkami. Tena kho pana samayena aññataro upāsako bhagavantaṁ payirupāsanto nisinno hoti.\nAddasā kho rājā pasenadi kosalo taṁ upāsakaṁ bhagavantaṁ payirupāsantaṁ nisinnaṁ. Disvāna bhīto aṭṭhāsi.\nAtha kho rañño pasenadissa kosalassa etadahosi—“nārahatāyaṁ puriso pāpo hotuṁ, yathā bhagavantaṁ payirupāsatī”ti. Yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nAtha kho so upāsako bhagavato gāravena rājānaṁ pasenadiṁ kosalaṁ neva abhivādesi na paccuṭṭhāsi. Atha kho rājā pasenadi kosalo anattamano ahosi—“kathañhi nāmāyaṁ puriso mayi āgate neva abhivādessati na paccuṭṭhessatī”ti.\nAtha kho bhagavā rājānaṁ pasenadiṁ kosalaṁ anattamanaṁ viditvā rājānaṁ pasenadiṁ kosalaṁ etadavoca—“eso kho, mahārāja, upāsako bahussuto āgatāgamo kāmesu vītarāgo”ti.\nAtha kho rañño pasenadissa kosalassa etadahosi—“nārahatāyaṁ upāsako orako hotuṁ, bhagavāpi imassa vaṇṇaṁ bhāsatī”ti.\nTaṁ upāsakaṁ etadavoca—“vadeyyāsi, upāsaka, yena attho”ti.\n“Suṭṭhu, devā”ti.\nAtha kho bhagavā rājānaṁ pasenadiṁ kosalaṁ dhammiyā kathāya sandassesi samādapesi samuttejesi sampahaṁsesi. Atha kho rājā pasenadi kosalo bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nTena kho pana samayena rājā pasenadi kosalo uparipāsādavaragato hoti. Addasā kho rājā pasenadi kosalo taṁ upāsakaṁ rathikāya chattapāṇiṁ gacchantaṁ.\nDisvāna pakkosāpetvā etadavoca—“tvaṁ kira, upāsaka, bahussuto āgatāgamo.\nSādhu, upāsaka, amhākaṁ itthāgāraṁ dhammaṁ vācehī”ti.\n“Yamahaṁ, deva, jānāmi ayyānaṁ vāhasā, ayyāva devassa itthāgāraṁ dhammaṁ vācessantī”ti."}},{"id":"pli-tv-bu-vb-pc83:1.2","sourceIds":["pli-tv-bu-vb-pc83:1.2.1","pli-tv-bu-vb-pc83:1.2.2","pli-tv-bu-vb-pc83:1.2.3","pli-tv-bu-vb-pc83:1.2.4","pli-tv-bu-vb-pc83:1.2.5","pli-tv-bu-vb-pc83:1.2.6","pli-tv-bu-vb-pc83:1.2.7","pli-tv-bu-vb-pc83:1.2.8","pli-tv-bu-vb-pc83:1.2.9","pli-tv-bu-vb-pc83:1.2.10","pli-tv-bu-vb-pc83:1.2.11","pli-tv-bu-vb-pc83:1.2.12","pli-tv-bu-vb-pc83:1.2.13","pli-tv-bu-vb-pc83:1.2.14","pli-tv-bu-vb-pc83:1.2.15","pli-tv-bu-vb-pc83:1.2.16","pli-tv-bu-vb-pc83:1.2.17","pli-tv-bu-vb-pc83:1.2.18"],"kind":"text","text":{"pi":"Atha kho rājā pasenadi kosalo—“saccaṁ kho upāsako āhā”ti yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho rājā pasenadi kosalo bhagavantaṁ etadavoca—\n“sādhu, bhante, bhagavā ekaṁ bhikkhuṁ āṇāpetu yo amhākaṁ itthāgāraṁ dhammaṁ vācessatī”ti.\nAtha kho bhagavā rājānaṁ pasenadiṁ kosalaṁ dhammiyā kathāya sandassesi …pe… padakkhiṇaṁ katvā pakkāmi.\nAtha kho bhagavā āyasmantaṁ ānandaṁ āmantesi—“tenahānanda, rañño itthāgāraṁ dhammaṁ vācehī”ti.\n“Evaṁ, bhante”ti kho āyasmā ānando bhagavato paṭissutvā kālena kālaṁ pavisitvā rañño itthāgāraṁ dhammaṁ vāceti.\nAtha kho āyasmā ānando pubbaṇhasamayaṁ nivāsetvā pattacīvaramādāya yena rañño pasenadissa kosalassa nivesanaṁ tenupasaṅkami.\nTena kho pana samayena rājā pasenadi kosalo mallikāya deviyā saddhiṁ sayanagato hoti.\nAddasā kho mallikā devī āyasmantaṁ ānandaṁ dūratova āgacchantaṁ. Disvāna sahasā vuṭṭhāsi; pītakamaṭṭhaṁ dussaṁ pabhassittha.\nAtha kho āyasmā ānando tatova paṭinivattitvā ārāmaṁ gantvā bhikkhūnaṁ etamatthaṁ ārocesi.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma āyasmā ānando pubbe appaṭisaṁvidito rañño antepuraṁ pavisissatī”ti …pe…\n“saccaṁ kira tvaṁ, ānanda, pubbe appaṭisaṁvidito rañño antepuraṁ pavisasī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tvaṁ, ānanda, pubbe appaṭisaṁvidito rañño antepuraṁ pavisissasi.\nNetaṁ, ānanda, appasannānaṁ vā pasādāya …pe…\nvigarahitvā …pe…\ndhammiṁ kathaṁ katvā bhikkhū āmantesi—","en":"Knowing that the lay follower was right, the king went to the Buddha, bowed, sat down, and said,\n“Sir, please ask a monk to teach my harem.”\nThe Buddha then instructed, inspired, and gladdened King Pasenadi with a teaching, after which the king got up from his seat, paid his respects as before, and left.\nSoon afterwards, the Buddha said to Venerable Ānanda, “Well then, Ānanda, teach the king’s harem.”\n“Yes, sir.” And from time to time he would enter the harem and teach.\nThen, after robing up in the morning, Ānanda took his bowl and robe and went to King Pasenadi’s house.\nOn that occasion the king was in bed with Queen Mallikā.\nThe queen saw Ānanda coming and she quickly got up, but her burnished golden dressing gown fell off.\nĀnanda turned around right there and returned to the monastery. And he told the monks what had happened.\nThe monks of few desires complained and criticized him,\n“How could Venerable Ānanda enter the royal compound without first being announced?” …\n“Is it true, Ānanda, that you did this?”\n“It’s true, sir.”\nThe Buddha rebuked him …\n“Ānanda, how could you do this?\nThis will affect people’s confidence …” …\nHaving rebuked him …\nthe Buddha gave a teaching and addressed the monks:"}},{"id":"pli-tv-bu-vb-pc83:1.3","sourceIds":["pli-tv-bu-vb-pc83:1.3.1","pli-tv-bu-vb-pc83:1.3.2","pli-tv-bu-vb-pc83:1.3.3","pli-tv-bu-vb-pc83:1.3.4","pli-tv-bu-vb-pc83:1.3.5","pli-tv-bu-vb-pc83:1.3.6","pli-tv-bu-vb-pc83:1.3.7","pli-tv-bu-vb-pc83:1.3.8","pli-tv-bu-vb-pc83:1.3.9","pli-tv-bu-vb-pc83:1.3.10","pli-tv-bu-vb-pc83:1.3.11","pli-tv-bu-vb-pc83:1.3.12","pli-tv-bu-vb-pc83:1.3.13","pli-tv-bu-vb-pc83:1.3.14","pli-tv-bu-vb-pc83:1.3.15","pli-tv-bu-vb-pc83:1.3.16","pli-tv-bu-vb-pc83:1.3.17","pli-tv-bu-vb-pc83:1.3.18","pli-tv-bu-vb-pc83:1.3.19","pli-tv-bu-vb-pc83:1.3.20","pli-tv-bu-vb-pc83:1.3.21","pli-tv-bu-vb-pc83:1.3.22","pli-tv-bu-vb-pc83:1.3.23","pli-tv-bu-vb-pc83:1.3.24","pli-tv-bu-vb-pc83:1.3.25","pli-tv-bu-vb-pc83:1.3.26","pli-tv-bu-vb-pc83:1.3.27","pli-tv-bu-vb-pc83:1.3.28","pli-tv-bu-vb-pc83:1.3.29","pli-tv-bu-vb-pc83:1.3.30","pli-tv-bu-vb-pc83:1.3.31","pli-tv-bu-vb-pc83:1.3.32","pli-tv-bu-vb-pc83:1.3.33","pli-tv-bu-vb-pc83:1.3.34","pli-tv-bu-vb-pc83:1.3.35","pli-tv-bu-vb-pc83:1.3.36","pli-tv-bu-vb-pc83:1.3.37","pli-tv-bu-vb-pc83:1.3.38","pli-tv-bu-vb-pc83:1.3.39","pli-tv-bu-vb-pc83:1.3.40","pli-tv-bu-vb-pc83:1.3.41","pli-tv-bu-vb-pc83:1.3.42","pli-tv-bu-vb-pc83:1.3.43","pli-tv-bu-vb-pc83:1.3.44","pli-tv-bu-vb-pc83:1.3.45","pli-tv-bu-vb-pc83:1.3.46","pli-tv-bu-vb-pc83:1.3.47","pli-tv-bu-vb-pc83:1.3.48","pli-tv-bu-vb-pc83:1.3.49","pli-tv-bu-vb-pc83:1.3.50","pli-tv-bu-vb-pc83:1.3.51","pli-tv-bu-vb-pc83:1.3.52","pli-tv-bu-vb-pc83:1.3.53","pli-tv-bu-vb-pc83:1.3.54","pli-tv-bu-vb-pc83:1.3.55"],"kind":"text","text":{"pi":"“Dasayime, bhikkhave, ādīnavā rājantepurappavesane.\nKatame dasa?\nIdha, bhikkhave, rājā mahesiyā saddhiṁ nisinno hoti, tattha bhikkhu pavisati.\nMahesī vā bhikkhuṁ disvā sitaṁ pātukaroti.\nBhikkhu vā mahesiṁ disvā sitaṁ pātukaroti.\nTattha rañño evaṁ hoti—\n‘addhā imesaṁ kataṁ vā karissanti vā’ti.\nAyaṁ, bhikkhave, paṭhamo ādīnavo rājantepurappavesane.\nPuna caparaṁ, bhikkhave, rājā bahukicco bahukaraṇīyo.\nAññataraṁ itthiṁ gantvā nassarati.\nSā tena gabbhaṁ gaṇhi.\nTattha rañño evaṁ hoti—\n‘na kho idha añño koci pavisati aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, dutiyo ādīnavo rājantepurappavesane.\nPuna caparaṁ, bhikkhave, rañño antepure aññataraṁ ratanaṁ nassati.\nTattha rañño evaṁ hoti—\n‘na kho idha añño koci pavisati aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, tatiyo ādīnavo rājantepurappavesane.\nPuna caparaṁ, bhikkhave, rañño antepure abbhantarā guyhamantā bahiddhā sambhedaṁ gacchanti.\nTattha rañño evaṁ hoti—\n‘na kho idha añño koci pavisati aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, catuttho ādīnavo rājantepurappavesane.\nPuna caparaṁ, bhikkhave, rañño antepure putto vā pitaraṁ pattheti pitā vā puttaṁ pattheti.\nTesaṁ evaṁ hoti—\n‘na kho idha añño koci pavisati aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, pañcamo ādīnavo rājantepurappavesane.\nPuna caparaṁ, bhikkhave, rājā nīcaṭṭhāniyaṁ ucce ṭhāne ṭhapeti.\nYesaṁ taṁ amanāpaṁ tesaṁ evaṁ hoti—\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, chaṭṭho ādīnavo, rājantepurappavesane.\nPuna caparaṁ, bhikkhave, rājā uccaṭṭhāniyaṁ nīce ṭhāne ṭhapeti.\nYesaṁ taṁ amanāpaṁ tesaṁ evaṁ hoti—\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, sattamo ādīnavo rājantepurappavesane.\nPuna caparaṁ, bhikkhave, rājā akāle senaṁ uyyojeti.\nYesaṁ taṁ amanāpaṁ tesaṁ evaṁ hoti—\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, aṭṭhamo ādīnavo rājantepurappavesane.\nPuna caparaṁ, bhikkhave, rājā kāle senaṁ uyyojetvā antarāmaggato nivattāpeti.\nYesaṁ taṁ amanāpaṁ tesaṁ evaṁ hoti—\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, navamo ādīnavo rājantepurappavesane.\nPuna caparaṁ, bhikkhave, rañño rājantepuraṁ hatthisammaddaṁ assasammaddaṁ rathasammaddaṁ rajanīyāni rūpasaddagandharasaphoṭṭhabbāni, yāni na pabbajitassa sāruppāni.\nAyaṁ, bhikkhave, dasamo ādīnavo rājantepurappavesane.\nIme kho, bhikkhave, dasa ādīnavā rājantepurappavesane”ti.\nAtha kho bhagavā āyasmantaṁ ānandaṁ anekapariyāyena vigarahitvā dubbharatāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"“Monks, there are these ten dangers of entering a royal compound.\nWhat ten?\nIt may be that a monk enters where the king is sitting with his queen.\nThe queen smiles when she sees the monk\nor the monk smiles when he sees the queen.\nThe king thinks,\n‘Surely they’ve done it, or they’re going to.’\nAgain, because the king is very busy,\nhe does not remember having slept with a certain woman,\nyet she becomes pregnant because of that.\nThe king thinks,\n‘Only the monk enters here.\nIs he responsible for this?’\nAgain, a gem disappears from the royal compound.\nThe king thinks,\n‘Only the monk enters here.\nIs he responsible for this?’\nAgain, secret discussions in the royal compound are spread outside.\nThe king thinks,\n‘Only the monk enters here.\nIs he responsible for this?’\nAgain, in the royal compound a father longs for his son, or a son longs for his father.\nThey think,\n‘Only the monk enters here.\nIs he responsible for this?’\nAgain, the king promotes someone.\nThose who dislike this think,\n‘The king is close to the monk.\nIs he responsible for this?’\nAgain, the king demotes someone.\nThose who dislike this think,\n‘The king is close to the monk.\nIs he responsible for this?’\nAgain, the king sends out the army at an inappropriate time.\nThose who dislike this think,\n‘The king is close to the monk.\nIs he responsible for this?’\nAgain, after sending out the army at an appropriate time, the king orders it to turn back while still en route.\nThose who dislike this think,\n‘The king is close to the monk.\nIs he responsible for this?’\nAgain, a royal compound is crowded with elephants, horses, and chariots, as well as enticing sights, sounds, smells, tastes, and tangibles that are not suitable for a monk.\nMonks, these are the ten dangers of entering a royal compound.”\nThen, after rebuking Ānanda in many ways, the Buddha spoke in dispraise of being difficult to support …\n“And, monks, this training rule should be recited like this:"}},{"id":"pli-tv-bu-vb-pc83:1.3.56","sourceIds":["pli-tv-bu-vb-pc83:1.3.56.0","pli-tv-bu-vb-pc83:1.3.56.1"],"kind":"text","text":{"en":"Final ruling\n‘If a monk, without first being announced, crosses the threshold to the bedroom of a consecrated aristocrat king, when both the king and the queen are present, he commits an offense entailing confession.’”","pi":"“Yo pana bhikkhu rañño khattiyassa muddhāvasittassa anikkhantarājake aniggataratanake pubbe appaṭisaṁvidito indakhīlaṁ atikkāmeyya, pācittiyan”ti."}},{"id":"pli-tv-bu-vb-pc83:2.1","sourceIds":["pli-tv-bu-vb-pc83:2.1.0","pli-tv-bu-vb-pc83:2.1.1","pli-tv-bu-vb-pc83:2.1.2","pli-tv-bu-vb-pc83:2.1.3","pli-tv-bu-vb-pc83:2.1.4","pli-tv-bu-vb-pc83:2.1.5","pli-tv-bu-vb-pc83:2.1.6","pli-tv-bu-vb-pc83:2.1.7","pli-tv-bu-vb-pc83:2.1.8","pli-tv-bu-vb-pc83:2.1.9","pli-tv-bu-vb-pc83:2.1.10","pli-tv-bu-vb-pc83:2.1.11","pli-tv-bu-vb-pc83:2.1.12","pli-tv-bu-vb-pc83:2.1.13","pli-tv-bu-vb-pc83:2.1.14","pli-tv-bu-vb-pc83:2.1.15","pli-tv-bu-vb-pc83:2.1.16","pli-tv-bu-vb-pc83:2.1.17","pli-tv-bu-vb-pc83:2.1.18","pli-tv-bu-vb-pc83:2.1.19","pli-tv-bu-vb-pc83:2.1.20","pli-tv-bu-vb-pc83:2.1.21"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nAristocrat:\nwell-born on both his mother’s side and his father’s side, pure in descent, irreproachable and impeccable with respect to birth going back eight generations of male ancestors.\nConsecrated:\nconsecrated with the aristocratic consecration.\nThe king is present:\nthe king has not left the bedroom.\nThe queen is present:\nthe queen has not left the bedroom. Or both have not left.\nWithout first being announced:\nwithout first having informed.\nThe threshold:\nthe threshold to the bedroom is what is meant.\nThe bedroom:\nwherever a king’s bed is prepared, even if just enclosed by a cloth screen.\nCrosses the threshold to the bedroom:\nif he crosses the threshold with the first foot, he commits an offense of wrong conduct.\nIf he crosses with the second foot, he commits an offense entailing confession.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nKhattiyo nāma\nubhato sujāto hoti, mātito ca pitito ca saṁsuddhagahaṇiko, yāva sattamā pitāmahayugā akkhitto anupakuṭṭho jātivādena.\nMuddhāvasitto nāma\nkhattiyābhisekena abhisitto hoti.\nAnikkhantarājaketi\nrājā sayanigharā anikkhanto hoti.\nAniggataratanaketi\nmahesī sayanigharā anikkhantā hoti, ubho vā anikkhantā honti.\nPubbe appaṭisaṁviditoti\npubbe anāmantetvā.\nIndakhīlo nāma\nsayanigharassa ummāro vuccati.\nSayanigharaṁ nāma\nyattha katthaci rañño sayanaṁ paññattaṁ hoti, antamaso sāṇipākāraparikkhittampi.\nIndakhīlaṁ atikkāmeyyāti\npaṭhamaṁ pādaṁ ummāraṁ atikkāmeti, āpatti dukkaṭassa.\nDutiyaṁ pādaṁ atikkāmeti, āpatti pācittiyassa."}},{"id":"pli-tv-bu-vb-pc83:2.2","sourceIds":["pli-tv-bu-vb-pc83:2.2.0","pli-tv-bu-vb-pc83:2.2.1","pli-tv-bu-vb-pc83:2.2.2","pli-tv-bu-vb-pc83:2.2.3","pli-tv-bu-vb-pc83:2.2.4","pli-tv-bu-vb-pc83:2.2.5","pli-tv-bu-vb-pc83:2.2.6"],"kind":"text","text":{"en":"Permutations\nIf he has not been announced, and he perceives that he has not, and he crosses the threshold to the bedroom, he commits an offense entailing confession.\nIf he has not been announced, but he is unsure of it, and he crosses the threshold to the bedroom, he commits an offense entailing confession.\nIf he has not been announced, but he perceives that he has, and he crosses the threshold to the bedroom, he commits an offense entailing confession.\nIf he has been announced, but he perceives that he has not, he commits an offense of wrong conduct.\nIf he has been announced, but he is unsure of it, he commits an offense of wrong conduct.\nIf he has been announced, and he perceives that he has, there is no offense.","pi":"Appaṭisaṁvidite appaṭisaṁviditasaññī indakhīlaṁ atikkāmeti, āpatti pācittiyassa.\nAppaṭisaṁvidite vematiko indakhīlaṁ atikkāmeti, āpatti pācittiyassa.\nAppaṭisaṁvidite paṭisaṁviditasaññī indakhīlaṁ atikkāmeti, āpatti pācittiyassa.\nPaṭisaṁvidite appaṭisaṁviditasaññī, āpatti dukkaṭassa.\nPaṭisaṁvidite vematiko, āpatti dukkaṭassa.\nPaṭisaṁvidite paṭisaṁviditasaññī, anāpatti."}},{"id":"pli-tv-bu-vb-pc83:2.3","sourceIds":["pli-tv-bu-vb-pc83:2.3.0","pli-tv-bu-vb-pc83:2.3.1","pli-tv-bu-vb-pc83:2.3.2","pli-tv-bu-vb-pc83:2.3.3","pli-tv-bu-vb-pc83:2.3.4","pli-tv-bu-vb-pc83:2.3.5","pli-tv-bu-vb-pc83:2.3.6","pli-tv-bu-vb-pc83:2.3.7","pli-tv-bu-vb-pc83:2.3.8","pli-tv-bu-vb-pc83:2.3.9","pli-tv-bu-vb-pc83:2.3.10","pli-tv-bu-vb-pc83:2.3.11"],"kind":"text","text":{"en":"Non-offenses\nThere is no offense:\nif he has been announced;\nif it is not an aristocrat king;\nif the king has not been consecrated with the aristocratic consecration;\nif the king has left the bedroom;\nif the queen has left the bedroom;\nif they both have left;\nif it is not a bedroom;\nif he is insane;\nif he is the first offender.\nThe training rule on entering a royal compound unannounced, the first, is finished.","pi":"Anāpatti—\npaṭisaṁvidite,\nna khattiyo hoti,\nna khattiyābhisekena abhisitto hoti,\nrājā sayanigharā nikkhanto hoti,\nmahesī sayanigharā nikkhantā hoti,\nubho vā nikkhantā honti,\nna sayanighare,\nummattakassa,\nādikammikassāti.\nAntepurasikkhāpadaṁ niṭṭhitaṁ paṭhamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc83/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}