{"id":"pli-tv-bu-vb-pc85","title":"Entering an inhabited area at the wrong time","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-pc85","title":"Entering an inhabited area at the wrong time","units":[{"id":"pli-tv-bu-vb-pc85:0","sourceIds":["pli-tv-bu-vb-pc85:0.1","pli-tv-bu-vb-pc85:0.2","pli-tv-bu-vb-pc85:0.3","pli-tv-bu-vb-pc85:0.4","pli-tv-bu-vb-pc85:0.5"],"kind":"text","text":{"pi":"Theravāda Vinaya\nMahāvibhaṅga\nPācittiyakaṇḍa\nRatanavagga\n85. Vikālagāmappavisanasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing confession\nThe subchapter on precious things\nEntering an inhabited area at the wrong time"}},{"id":"pli-tv-bu-vb-pc85:1.0","sourceIds":["pli-tv-bu-vb-pc85:1.0.1","pli-tv-bu-vb-pc85:1.0.2"],"kind":"text","text":{"en":"Origin story\nFirst substory"}},{"id":"pli-tv-bu-vb-pc85:1","sourceIds":["pli-tv-bu-vb-pc85:1.1","pli-tv-bu-vb-pc85:1.2","pli-tv-bu-vb-pc85:1.3","pli-tv-bu-vb-pc85:1.4","pli-tv-bu-vb-pc85:1.5","pli-tv-bu-vb-pc85:1.6","pli-tv-bu-vb-pc85:1.7","pli-tv-bu-vb-pc85:1.8","pli-tv-bu-vb-pc85:1.9","pli-tv-bu-vb-pc85:1.10","pli-tv-bu-vb-pc85:1.11","pli-tv-bu-vb-pc85:1.12","pli-tv-bu-vb-pc85:1.13","pli-tv-bu-vb-pc85:1.14","pli-tv-bu-vb-pc85:1.15","pli-tv-bu-vb-pc85:1.16","pli-tv-bu-vb-pc85:1.17","pli-tv-bu-vb-pc85:1.18","pli-tv-bu-vb-pc85:1.19","pli-tv-bu-vb-pc85:1.20","pli-tv-bu-vb-pc85:1.21","pli-tv-bu-vb-pc85:1.22"],"kind":"text","text":{"pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena chabbaggiyā bhikkhū vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathenti, seyyathidaṁ—\nrājakathaṁ corakathaṁ mahāmattakathaṁ senākathaṁ bhayakathaṁ yuddhakathaṁ annakathaṁ pānakathaṁ vatthakathaṁ sayanakathaṁ mālākathaṁ gandhakathaṁ ñātikathaṁ yānakathaṁ gāmakathaṁ nigamakathaṁ nagarakathaṁ janapadakathaṁ itthikathaṁ sūrakathaṁ visikhākathaṁ kumbhaṭṭhānakathaṁ pubbapetakathaṁ nānattakathaṁ lokakkhāyikaṁ samuddakkhāyikaṁ itibhavābhavakathaṁ iti vā.\nManussā ujjhāyanti khiyyanti vipācenti—\n“kathañhi nāma samaṇā sakyaputtiyā vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathessanti, seyyathidaṁ—\nrājakathaṁ corakathaṁ …pe…\nitibhavābhavakathaṁ iti vā, seyyathāpi gihī kāmabhogino”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma chabbaggiyā bhikkhū vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathessanti, seyyathidaṁ—\nrājakathaṁ corakathaṁ …pe…\nitibhavābhavakathaṁ iti vā”ti …pe…\n“saccaṁ kira tumhe, bhikkhave, vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathetha, seyyathidaṁ—\nrājakathaṁ corakathaṁ …pe…\nitibhavābhavakathaṁ iti vā”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tumhe, moghapurisā, vikāle gāmaṁ pavisitvā sabhāyaṁ nisīditvā anekavihitaṁ tiracchānakathaṁ kathessatha, seyyathidaṁ—\nrājakathaṁ corakathaṁ …pe…\nitibhavābhavakathaṁ iti vā.\nNetaṁ, moghapurisā, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"At one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time the monks from the group of six entered the village at the wrong time, sat down in the public meeting hall, and talked about all sorts of worldly things:\nabout kings, gangsters, and officials; about armies, dangers, and battles; about food, drink, clothes, and beds; about garlands and perfumes; about relatives, vehicles, villages, towns, and countries; about women and heroes; gossip; about the departed; about various trivialities; about the world and the sea; about the various kinds of existence.\nPeople complained and criticized them,\n“How can the Sakyan monastics enter the village at the wrong time, sit down in the public meeting hall, and talk about such worldly things?\nThey’re just like householders who indulge in worldly pleasures!”\nThe monks heard the complaints of those people,\nand the monks of few desires complained and criticized those monks,\n“How can the monks from the group of six do this?”\n…\n“Is it true, monks, that you do this?”\n“It’s true, sir.”\nThe Buddha rebuked them …\n“Foolish men, how can you do this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-pc85:1.23","sourceIds":["pli-tv-bu-vb-pc85:1.23.0","pli-tv-bu-vb-pc85:1.23.1"],"kind":"text","text":{"en":"First preliminary ruling\n‘If a monk enters an inhabited area at the wrong time, he commits an offense entailing confession.’”","pi":"“Yo pana bhikkhu vikāle gāmaṁ paviseyya, pācittiyan”ti."}},{"id":"pli-tv-bu-vb-pc85:1-from-pli-tv-bu-vb-pc85-1.24","sourceIds":["pli-tv-bu-vb-pc85:1.24"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-pc85:2","sourceIds":["pli-tv-bu-vb-pc85:2.0","pli-tv-bu-vb-pc85:2.1","pli-tv-bu-vb-pc85:2.2","pli-tv-bu-vb-pc85:2.3","pli-tv-bu-vb-pc85:2.4","pli-tv-bu-vb-pc85:2.5","pli-tv-bu-vb-pc85:2.6","pli-tv-bu-vb-pc85:2.7","pli-tv-bu-vb-pc85:2.8","pli-tv-bu-vb-pc85:2.9","pli-tv-bu-vb-pc85:2.10","pli-tv-bu-vb-pc85:2.11"],"kind":"text","text":{"en":"Second substory\nSoon afterwards a number of monks were walking through the Kosalan country on their way to Sāvatthī, when one evening they came to a certain village.\nPeople saw them and said,\n“Venerables, please enter the village.”\nBut knowing that entering a village at the wrong time had been prohibited by the Buddha and being afraid of wrongdoing, they declined.\nAnd so thieves robbed them.\nThey then went to Sāvatthī and told the monks what had happened,\nwho in turn told the Buddha.\nSoon afterwards the Buddha gave a teaching and addressed the monks:\n“Monks, I allow you to enter an inhabited area at the wrong time after informing someone.\nAnd so, monks, this training rule should be recited like this:","pi":"Tena kho pana samayena sambahulā bhikkhū kosalesu janapade sāvatthiṁ gacchantā sāyaṁ aññataraṁ gāmaṁ upagacchiṁsu.\nManussā te bhikkhū passitvā etadavocuṁ—\n“pavisatha, bhante”ti.\nAtha kho te bhikkhū—\n“bhagavatā paṭikkhittaṁ vikāle gāmaṁ pavisitun”ti kukkuccāyantā na pavisiṁsu.\nCorā te bhikkhū acchindiṁsu.\nAtha kho te bhikkhū sāvatthiṁ gantvā bhikkhūnaṁ etamatthaṁ ārocesuṁ.\nBhikkhū bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, āpucchā vikāle gāmaṁ pavisituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc85:2.12","sourceIds":["pli-tv-bu-vb-pc85:2.12.0","pli-tv-bu-vb-pc85:2.12.1"],"kind":"text","text":{"en":"Second preliminary ruling\n‘If a monk, without informing anyone, enters an inhabited area at the wrong time, he commits an offense entailing confession.’”","pi":"“Yo pana bhikkhu anāpucchā vikāle gāmaṁ paviseyya, pācittiyan”ti."}},{"id":"pli-tv-bu-vb-pc85:2-from-pli-tv-bu-vb-pc85-2.13","sourceIds":["pli-tv-bu-vb-pc85:2.13"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-pc85:3","sourceIds":["pli-tv-bu-vb-pc85:3.0","pli-tv-bu-vb-pc85:3.1","pli-tv-bu-vb-pc85:3.2","pli-tv-bu-vb-pc85:3.3","pli-tv-bu-vb-pc85:3.4","pli-tv-bu-vb-pc85:3.5","pli-tv-bu-vb-pc85:3.6","pli-tv-bu-vb-pc85:3.7","pli-tv-bu-vb-pc85:3.8","pli-tv-bu-vb-pc85:3.9","pli-tv-bu-vb-pc85:3.10","pli-tv-bu-vb-pc85:3.11"],"kind":"text","text":{"en":"Third substory\nSoon afterwards a monk was walking through the Kosalan country on his way to Sāvatthī, when one evening he came to a certain village.\nPeople saw him and said,\n“Venerable, please enter the village.”\nBut knowing that entering a village at the wrong time without informing anyone had been prohibited by the Buddha and being afraid of wrongdoing, he declined.\nAnd so thieves robbed him.\nHe then went to Sāvatthī and told the monks what had happened,\nwho in turn told the Buddha.\nSoon afterwards the Buddha gave a teaching and addressed the monks:\n“Monks, I allow you to enter an inhabited area at the wrong time after informing an available monk.\nAnd so, monks, this training rule should be recited like this:","pi":"Tena kho pana samayena aññataro bhikkhu kosalesu janapade sāvatthiṁ gacchanto sāyaṁ aññataraṁ gāmaṁ upagacchi.\nManussā taṁ bhikkhuṁ passitvā etadavocuṁ—\n“pavisatha, bhante”ti.\nAtha kho so bhikkhu—\n“bhagavatā paṭikkhittaṁ anāpucchā vikāle gāmaṁ pavisitun”ti kukkuccāyanto na pāvisi.\nCorā taṁ bhikkhuṁ acchindiṁsu.\nAtha kho so bhikkhu sāvatthiṁ gantvā bhikkhūnaṁ etamatthaṁ ārocesi.\nBhikkhū bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, santaṁ bhikkhuṁ āpucchā vikāle gāmaṁ pavisituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc85:3.12","sourceIds":["pli-tv-bu-vb-pc85:3.12.0","pli-tv-bu-vb-pc85:3.12.1"],"kind":"text","text":{"en":"Third preliminary ruling\n‘If a monk, when a monk is available, enters an inhabited area at the wrong time without informing him, he commits an offense entailing confession.’”","pi":"“Yo pana bhikkhu santaṁ bhikkhuṁ anāpucchā vikāle gāmaṁ paviseyya, pācittiyan”ti."}},{"id":"pli-tv-bu-vb-pc85:3-from-pli-tv-bu-vb-pc85-3.13","sourceIds":["pli-tv-bu-vb-pc85:3.13"],"kind":"text","text":{"pi":"Evañcidaṁ bhagavatā bhikkhūnaṁ sikkhāpadaṁ paññattaṁ hoti.","en":"In this way the Buddha laid down this training rule for the monks."}},{"id":"pli-tv-bu-vb-pc85:4","sourceIds":["pli-tv-bu-vb-pc85:4.0","pli-tv-bu-vb-pc85:4.1","pli-tv-bu-vb-pc85:4.2","pli-tv-bu-vb-pc85:4.3","pli-tv-bu-vb-pc85:4.4","pli-tv-bu-vb-pc85:4.5","pli-tv-bu-vb-pc85:4.6","pli-tv-bu-vb-pc85:4.7","pli-tv-bu-vb-pc85:4.8"],"kind":"text","text":{"en":"Fourth substory\nSoon afterwards a monk was bitten by a snake.\nAnother monk went to the village to get fire.\nHe then remembered\nthat the Buddha has prohibited entering a village at the wrong time without informing an available monk. And being afraid of wrongdoing, he did not enter.\nThey told the Buddha.\nSoon afterwards the Buddha gave a teaching and addressed the monks:\n“Monks, I allow you to enter an inhabited area at the wrong time without informing an available monk if there is some appropriate urgent business.\nAnd so, monks, this training rule should be recited like this:","pi":"Tena kho pana samayena aññataro bhikkhu ahinā daṭṭho hoti.\nAññataro bhikkhu “aggiṁ āharissāmī”ti gāmaṁ gacchati.\nAtha kho so bhikkhu—\n“bhagavatā paṭikkhittaṁ santaṁ bhikkhuṁ anāpucchā vikāle gāmaṁ pavisitun”ti kukkuccāyanto na pāvisi …pe…\nbhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe dhammiṁ kathaṁ katvā bhikkhū āmantesi—\n“anujānāmi, bhikkhave, tathārūpe accāyike karaṇīye santaṁ bhikkhuṁ anāpucchā vikāle gāmaṁ pavisituṁ.\nEvañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-pc85:4.9","sourceIds":["pli-tv-bu-vb-pc85:4.9.0","pli-tv-bu-vb-pc85:4.9.1"],"kind":"text","text":{"en":"Final ruling\n‘If a monk, when another monk is available, enters an inhabited area at the wrong time without informing him, except if there is some appropriate urgent business, he commits an offense entailing confession.’”","pi":"“Yo pana bhikkhu santaṁ bhikkhuṁ anāpucchā vikāle gāmaṁ paviseyya, aññatra tathārūpā accāyikā karaṇīyā, pācittiyan”ti."}},{"id":"pli-tv-bu-vb-pc85:5.1","sourceIds":["pli-tv-bu-vb-pc85:5.1.0","pli-tv-bu-vb-pc85:5.1.1","pli-tv-bu-vb-pc85:5.1.2","pli-tv-bu-vb-pc85:5.1.3","pli-tv-bu-vb-pc85:5.1.4","pli-tv-bu-vb-pc85:5.1.5","pli-tv-bu-vb-pc85:5.1.6","pli-tv-bu-vb-pc85:5.1.7","pli-tv-bu-vb-pc85:5.1.8","pli-tv-bu-vb-pc85:5.1.9","pli-tv-bu-vb-pc85:5.1.10","pli-tv-bu-vb-pc85:5.1.11","pli-tv-bu-vb-pc85:5.1.12","pli-tv-bu-vb-pc85:5.1.13","pli-tv-bu-vb-pc85:5.1.14","pli-tv-bu-vb-pc85:5.1.15"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nAn available monk:\nhe is able to inform him and then enter.\nNo available monk:\nhe is not able to inform anyone and then enter.\nAt the wrong time:\nwhen the middle of the day has passed, until dawn.\nEnters an inhabited area:\nif he crosses the boundary of an enclosed inhabited area, he commits an offense entailing confession.\nIf he enters the vicinity of an unenclosed inhabited area, he commits an offense entailing confession.\nExcept if there is some appropriate urgent business:\nunless there is some appropriate urgent business.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nSanto nāma bhikkhu\nsakkā hoti āpucchā pavisituṁ.\nAsanto nāma bhikkhu\nna sakkā hoti āpucchā pavisituṁ.\nVikālo nāma\nmajjhanhike vītivatte yāva aruṇuggamanā.\nGāmaṁ paviseyyāti\nparikkhittassa gāmassa parikkhepaṁ atikkamantassa āpatti pācittiyassa.\nAparikkhittassa gāmassa upacāraṁ okkamantassa āpatti pācittiyassa.\nAññatra tathārūpā accāyikā karaṇīyāti\nṭhapetvā tathārūpaṁ accāyikaṁ karaṇīyaṁ."}},{"id":"pli-tv-bu-vb-pc85:5.2","sourceIds":["pli-tv-bu-vb-pc85:5.2.0","pli-tv-bu-vb-pc85:5.2.1","pli-tv-bu-vb-pc85:5.2.2","pli-tv-bu-vb-pc85:5.2.3","pli-tv-bu-vb-pc85:5.2.4","pli-tv-bu-vb-pc85:5.2.5","pli-tv-bu-vb-pc85:5.2.6"],"kind":"text","text":{"en":"Permutations\nIf it is the wrong time, and he perceives it as such, and he enters an inhabited area without informing an available monk, except if there is some appropriate urgent business, he commits an offense entailing confession.\nIf it is the wrong time, but he is unsure of it, and he enters an inhabited area without informing an available monk, except if there is some appropriate urgent business, he commits an offense entailing confession.\nIf it is the wrong time, but he perceives it as the right time, and he enters an inhabited area without informing an available monk, except if there is some appropriate urgent business, he commits an offense entailing confession.\nIf it is the right time, but he perceives it as the wrong time, he commits an offense of wrong conduct.\nIf it is the right time, but he is unsure of it, he commits an offense of wrong conduct.\nIf it is the right time, and he perceives it as such, there is no offense.","pi":"Vikāle vikālasaññī santaṁ bhikkhuṁ anāpucchā gāmaṁ pavisati, aññatra tathārūpā accāyikā karaṇīyā, āpatti pācittiyassa.\nVikāle vematiko santaṁ bhikkhuṁ anāpucchā gāmaṁ pavisati, aññatra tathārūpā accāyikā karaṇīyā, āpatti pācittiyassa.\nVikāle kālasaññī santaṁ bhikkhuṁ anāpucchā gāmaṁ pavisati, aññatra tathārūpā accāyikā karaṇīyā, āpatti pācittiyassa.\nKāle vikālasaññī, āpatti dukkaṭassa.\nKāle vematiko, āpatti dukkaṭassa.\nKāle kālasaññī, anāpatti."}},{"id":"pli-tv-bu-vb-pc85:5.3","sourceIds":["pli-tv-bu-vb-pc85:5.3.0","pli-tv-bu-vb-pc85:5.3.1","pli-tv-bu-vb-pc85:5.3.2","pli-tv-bu-vb-pc85:5.3.3","pli-tv-bu-vb-pc85:5.3.4","pli-tv-bu-vb-pc85:5.3.5","pli-tv-bu-vb-pc85:5.3.6","pli-tv-bu-vb-pc85:5.3.7","pli-tv-bu-vb-pc85:5.3.8","pli-tv-bu-vb-pc85:5.3.9","pli-tv-bu-vb-pc85:5.3.10","pli-tv-bu-vb-pc85:5.3.11","pli-tv-bu-vb-pc85:5.3.12","pli-tv-bu-vb-pc85:5.3.13"],"kind":"text","text":{"en":"Non-offenses\nThere is no offense:\nif there is some appropriate urgent business;\nif he enters after informing an available monk;\nif he enters without informing anyone when there is no available monk;\nif he is going between monasteries;\nif he is going to the nunnery;\nif he is going to the dwelling place of the monastics of another religion;\nif he is returning to the monastery;\nif the road goes via an inhabited area;\nif there is an emergency;\nif he is insane;\nif he is the first offender.\nThe training rule on entering an inhabited area at the wrong time, the third, is finished.","pi":"Anāpatti—\ntathārūpe accāyike karaṇīye,\nsantaṁ bhikkhuṁ āpucchā pavisati,\nasantaṁ bhikkhuṁ anāpucchā pavisati,\nantarārāmaṁ gacchati,\nbhikkhunupassayaṁ gacchati,\ntitthiyaseyyaṁ gacchati,\npaṭikkamanaṁ gacchati,\ngāmena maggo hoti,\nāpadāsu,\nummattakassa,\nādikammikassāti.\nVikālagāmappavisanasikkhāpadaṁ niṭṭhitaṁ tatiyaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-pc85/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}