{"id":"pli-tv-bu-vb-ss10","title":"Causing a schism in the Sangha","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-ss10","title":"Causing a schism in the Sangha","units":[{"id":"pli-tv-bu-vb-ss10:0","sourceIds":["pli-tv-bu-vb-ss10:0.1","pli-tv-bu-vb-ss10:0.2","pli-tv-bu-vb-ss10:0.3","pli-tv-bu-vb-ss10:0.4"],"kind":"text","text":{"pi":"Theravāda Vinaya\nMahāvibhaṅga\nSaṅghādisesakaṇḍa\n10. Saṅghabhedasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing suspension\nCausing a schism in the Sangha"}},{"id":"pli-tv-bu-vb-ss10:1.1","sourceIds":["pli-tv-bu-vb-ss10:1.1.0","pli-tv-bu-vb-ss10:1.1.1","pli-tv-bu-vb-ss10:1.1.2","pli-tv-bu-vb-ss10:1.1.3","pli-tv-bu-vb-ss10:1.1.4","pli-tv-bu-vb-ss10:1.1.5","pli-tv-bu-vb-ss10:1.1.6","pli-tv-bu-vb-ss10:1.1.7","pli-tv-bu-vb-ss10:1.1.8","pli-tv-bu-vb-ss10:1.1.9","pli-tv-bu-vb-ss10:1.1.10","pli-tv-bu-vb-ss10:1.1.11","pli-tv-bu-vb-ss10:1.1.12","pli-tv-bu-vb-ss10:1.1.13","pli-tv-bu-vb-ss10:1.1.14","pli-tv-bu-vb-ss10:1.1.15","pli-tv-bu-vb-ss10:1.1.16","pli-tv-bu-vb-ss10:1.1.17","pli-tv-bu-vb-ss10:1.1.18","pli-tv-bu-vb-ss10:1.1.19","pli-tv-bu-vb-ss10:1.1.20","pli-tv-bu-vb-ss10:1.1.21","pli-tv-bu-vb-ss10:1.1.22","pli-tv-bu-vb-ss10:1.1.23","pli-tv-bu-vb-ss10:1.1.24"],"kind":"text","text":{"en":"Origin story\nAt one time when the Buddha was staying at Rājagaha in the Bamboo Grove,\nDevadatta went to Kokālika, Kaṭamodakatissaka, Khaṇḍadeviyāputta, and Samuddadatta. He said to them,\n“Let’s cause a schism in the Sangha of the ascetic Gotama. Let’s break its authority.”\nKokālika said to Devadatta,\n“The ascetic Gotama is powerful and mighty.\nHow can we achieve this?”\n“Well, let’s go to the ascetic Gotama and request five things:\n‘In many ways, sir, you praise fewness of wishes, contentment, self-effacement, ascetic practices, being inspiring, the reduction in things, and being energetic.\nAnd there are five things that lead to just that.\nIt would be good, sir:\nIf the monks stayed in the wilderness for life,\nand whoever stayed near an inhabited area would commit an offense,\nIf they ate only almsfood for life,\nand whoever accepted an invitational meal would commit an offense,\nIf they wore rag robes for life,\nand whoever accepted robe-cloth from a householder would commit an offense,\nIf they lived at the foot of a tree for life,\nand whoever took shelter would commit an offense,\nIf they didn’t eat fish or meat for life,\nand whoever did would commit an offense.’\nThe ascetic Gotama won’t allow this.\nWe’ll then be able to win people over with these five points.”\nKokālika said, “It might be possible to cause a schism in the Sangha with these five points,\nfor people have confidence in austerity.”","pi":"Tena samayena buddho bhagavā rājagahe viharati veḷuvane kalandakanivāpe.\nAtha kho devadatto yena kokāliko kaṭamodakatissako khaṇḍadeviyā putto samuddadatto tenupasaṅkami; upasaṅkamitvā kokālikaṁ kaṭamodakatissakaṁ khaṇḍadeviyā puttaṁ samuddadattaṁ etadavoca—\n“etha mayaṁ, āvuso, samaṇassa gotamassa saṅghabhedaṁ karissāma cakkabhedan”ti.\nEvaṁ vutte, kokāliko devadattaṁ etadavoca—\n“samaṇo kho, āvuso, gotamo mahiddhiko mahānubhāvo.\nKathaṁ mayaṁ samaṇassa gotamassa saṅghabhedaṁ karissāma cakkabhedan”ti?\n“Etha mayaṁ, āvuso, samaṇaṁ gotamaṁ upasaṅkamitvā pañca vatthūni yācissāma—\n‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.\nImāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṁvattanti.\nSādhu, bhante, bhikkhū\nyāvajīvaṁ āraññikā assu;\nyo gāmantaṁ osareyya, vajjaṁ naṁ phuseyya.\nYāvajīvaṁ piṇḍapātikā assu;\nyo nimantanaṁ sādiyeyya, vajjaṁ naṁ phuseyya.\nYāvajīvaṁ paṁsukūlikā assu;\nyo gahapaticīvaraṁ sādiyeyya, vajjaṁ naṁ phuseyya.\nYāvajīvaṁ rukkhamūlikā assu;\nyo channaṁ upagaccheyya, vajjaṁ naṁ phuseyya.\nYāvajīvaṁ macchamaṁsaṁ na khādeyyuṁ;\nyo macchamaṁsaṁ khādeyya, vajjaṁ naṁ phuseyyā’ti.\nImāni samaṇo gotamo nānujānissati.\nTe mayaṁ imehi pañcahi vatthūhi janaṁ saññāpessāmāti.\nSakkā kho, āvuso, imehi pañcahi vatthūhi samaṇassa gotamassa saṅghabhedo kātuṁ cakkabhedo.\nLūkhapasannā hi, āvuso, manussā”ti."}},{"id":"pli-tv-bu-vb-ss10:1.2","sourceIds":["pli-tv-bu-vb-ss10:1.2.1","pli-tv-bu-vb-ss10:1.2.2","pli-tv-bu-vb-ss10:1.2.3","pli-tv-bu-vb-ss10:1.2.4","pli-tv-bu-vb-ss10:1.2.5","pli-tv-bu-vb-ss10:1.2.6","pli-tv-bu-vb-ss10:1.2.7","pli-tv-bu-vb-ss10:1.2.8","pli-tv-bu-vb-ss10:1.2.9","pli-tv-bu-vb-ss10:1.2.10","pli-tv-bu-vb-ss10:1.2.11","pli-tv-bu-vb-ss10:1.2.12","pli-tv-bu-vb-ss10:1.2.13","pli-tv-bu-vb-ss10:1.2.14","pli-tv-bu-vb-ss10:1.2.15","pli-tv-bu-vb-ss10:1.2.16","pli-tv-bu-vb-ss10:1.2.17","pli-tv-bu-vb-ss10:1.2.18","pli-tv-bu-vb-ss10:1.2.19","pli-tv-bu-vb-ss10:1.2.20","pli-tv-bu-vb-ss10:1.2.21","pli-tv-bu-vb-ss10:1.2.22","pli-tv-bu-vb-ss10:1.2.23","pli-tv-bu-vb-ss10:1.2.24","pli-tv-bu-vb-ss10:1.2.25","pli-tv-bu-vb-ss10:1.2.26","pli-tv-bu-vb-ss10:1.2.27","pli-tv-bu-vb-ss10:1.2.28","pli-tv-bu-vb-ss10:1.2.29","pli-tv-bu-vb-ss10:1.2.30","pli-tv-bu-vb-ss10:1.2.31","pli-tv-bu-vb-ss10:1.2.32","pli-tv-bu-vb-ss10:1.2.33"],"kind":"text","text":{"pi":"Atha kho devadatto sapariso yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho devadatto bhagavantaṁ etadavoca—\n“bhagavā, bhante, anekapariyāyena appicchassa …pe…\nvīriyārambhassa vaṇṇavādī.\nImāni, bhante, pañca vatthūni anekapariyāyena appicchatāya …pe…\nvīriyārambhāya saṁvattanti.\nSādhu, bhante, bhikkhū yāvajīvaṁ āraññikā assu;\nyo gāmantaṁ osareyya vajjaṁ naṁ phuseyya …pe…\nyāvajīvaṁ macchamaṁsaṁ na khādeyyuṁ, yo macchamaṁsaṁ khādeyya vajjaṁ naṁ phuseyyā”ti.\n“Alaṁ, devadatta,\nyo icchati āraññiko hotu, yo icchati gāmante viharatu;\nyo icchati piṇḍapātiko hotu, yo icchati nimantanaṁ sādiyatu;\nyo icchati paṁsukūliko hotu, yo icchati gahapaticīvaraṁ sādiyatu.\nAṭṭhamāse kho mayā, devadatta, rukkhamūlasenāsanaṁ anuññātaṁ, tikoṭiparisuddhaṁ macchamaṁsaṁ—\nadiṭṭhaṁ asutaṁ aparisaṅkitan”ti.\nAtha kho devadatto—\n“na bhagavā imāni pañca vatthūni anujānātī”ti haṭṭho udaggo sapariso uṭṭhāyāsanā bhagavantaṁ abhivādetvā padakkhiṇaṁ katvā pakkāmi.\nAtha kho devadatto sapariso rājagahaṁ pavisitvā pañcahi vatthūhi janaṁ saññāpesi—\n“mayaṁ, āvuso, samaṇaṁ gotamaṁ upasaṅkamitvā pañca vatthūni yācimhā—\n‘bhagavā, bhante, anekapariyāyena appicchassa santuṭṭhassa sallekhassa dhutassa pāsādikassa apacayassa vīriyārambhassa vaṇṇavādī.\nImāni, bhante, pañca vatthūni anekapariyāyena appicchatāya santuṭṭhiyā sallekhāya dhutatāya pāsādikatāya apacayāya vīriyārambhāya saṁvattanti.\nSādhu, bhante, bhikkhū yāvajīvaṁ āraññikā assu;\nyo gāmantaṁ osareyya, vajjaṁ naṁ phuseyya.\nYāvajīvaṁ piṇḍapātikā assu;\nyo nimantanaṁ sādiyeyya, vajjaṁ naṁ phuseyya.\nYāvajīvaṁ paṁsukūlikā assu;\nyo gahapaticīvaraṁ sādiyeyya, vajjaṁ naṁ phuseyya.\nYāvajīvaṁ rukkhamūlikā assu;\nyo channaṁ upagaccheyya, vajjaṁ naṁ phuseyya.\nYāvajīvaṁ macchamaṁsaṁ na khādeyyuṁ;\nyo macchamaṁsaṁ khādeyya, vajjaṁ naṁ phuseyyā’ti.\nImāni samaṇo gotamo nānujānāti.\nTe mayaṁ imehi pañcahi vatthūhi samādāya vattāmā”ti.","en":"Devadatta and his followers then went to the Buddha, bowed and sat down,\nand Devadatta made his request.\nThe Buddha replied, “No, Devadatta.\nThose who wish may stay in the wilderness, and those who wish may live near inhabited areas.\nThose who wish may eat only almsfood, and those who wish may accept invitational meals.\nThose who wish may wear rag robes, and those who wish may accept robe-cloth from householders.\nI have allowed the foot of a tree as a resting place for eight months of the year, as well as fish and meat that are pure in three respects:\none hasn’t seen, heard, or suspected that the animal was specifically killed to feed a monastic.”\nDevadatta thought,\n“The Buddha doesn’t allow the five points.” Glad and elated, he got up from his seat, bowed down, circumambulated the Buddha with his right side toward him, and left with his followers.\nDevadatta then entered Rājagaha and won people over with the five points,\nsaying, “The ascetic Gotama doesn’t agree to them,\nbut we practice in accordance with them.”"}},{"id":"pli-tv-bu-vb-ss10:1.3","sourceIds":["pli-tv-bu-vb-ss10:1.3.1","pli-tv-bu-vb-ss10:1.3.2","pli-tv-bu-vb-ss10:1.3.3","pli-tv-bu-vb-ss10:1.3.4","pli-tv-bu-vb-ss10:1.3.5","pli-tv-bu-vb-ss10:1.3.6","pli-tv-bu-vb-ss10:1.3.7","pli-tv-bu-vb-ss10:1.3.8","pli-tv-bu-vb-ss10:1.3.9","pli-tv-bu-vb-ss10:1.3.10","pli-tv-bu-vb-ss10:1.3.11","pli-tv-bu-vb-ss10:1.3.12","pli-tv-bu-vb-ss10:1.3.13","pli-tv-bu-vb-ss10:1.3.14","pli-tv-bu-vb-ss10:1.3.15"],"kind":"text","text":{"pi":"Tattha ye te manussā assaddhā appasannā dubbuddhino te evamāhaṁsu—\n“ime kho samaṇā sakyaputtiyā dhutā sallekhavuttino,\nsamaṇo pana gotamo bāhulliko bāhullāya cetetī”ti.\nYe pana te manussā saddhā pasannā paṇḍitā byattā buddhimanto te ujjhāyanti khiyyanti vipācenti—\n“kathañhi nāma devadatto bhagavato saṅghabhedāya parakkamissati cakkabhedāyā”ti.\nAssosuṁ kho bhikkhū tesaṁ manussānaṁ ujjhāyantānaṁ khiyyantānaṁ vipācentānaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma devadatto saṅghabhedāya parakkamissati cakkabhedāyā”ti.\nAtha kho te bhikkhū devadattaṁ anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira tvaṁ, devadatta, saṅghabhedāya parakkamasi cakkabhedāyā”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tvaṁ, moghapurisa, saṅghabhedāya parakkamissasi cakkabhedāya.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"The foolish people with little faith and confidence said,\n“These Sakyan monastics are practicing asceticism and living with the aim of self-effacement.\nBut the ascetic Gotama is extravagant and has chosen a life of indulgence.”\nBut the wise people who had faith and confidence complained and criticized Devadatta,\n“How can Devadatta pursue schism in the Sangha of the Buddha? How can he break its authority?”\nThe monks heard the criticism of those people,\nand the monks of few desires complained and criticized him\nin the same way.\nAfter rebuking Devadatta in many ways, they told the Buddha. Soon afterwards he had the Sangha gathered and questioned Devadatta:\n“Is it true, Devadatta, that you are doing this?”\n“It’s true, sir.”\nThe Buddha rebuked him …\n“Foolish man, how can you do this?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-ss10:1.3.16","sourceIds":["pli-tv-bu-vb-ss10:1.3.16.0","pli-tv-bu-vb-ss10:1.3.16.1"],"kind":"text","text":{"en":"Final ruling\n‘If a monk pursues schism in a united Sangha or persists in taking up a legal issue conducive to schism, the monks should correct him like this:","pi":"“Yo pana bhikkhu samaggassa saṅghassa bhedāya parakkameyya, bhedanasaṁvattanikaṁ vā adhikaraṇaṁ samādāya paggayha tiṭṭheyya, so bhikkhu bhikkhūhi evamassa vacanīyo—"}},{"id":"pli-tv-bu-vb-ss10:1.3-from-pli-tv-bu-vb-ss10-1.3.17","sourceIds":["pli-tv-bu-vb-ss10:1.3.17","pli-tv-bu-vb-ss10:1.3.18","pli-tv-bu-vb-ss10:1.3.19","pli-tv-bu-vb-ss10:1.3.20","pli-tv-bu-vb-ss10:1.3.21"],"kind":"text","text":{"pi":"‘māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi.\nSametāyasmā saṅghena. Samaggo hi saṅgho sammodamāno avivadamāno ekuddeso phāsu viharatī’ti.\nEvañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.\nYāvatatiyañce samanubhāsiyamāno taṁ paṭinissajjeyya, iccetaṁ kusalaṁ;\nno ce paṭinissajjeyya, saṅghādiseso”ti.","en":"“Venerable, don’t pursue schism in the united Sangha or persist in taking up a legal issue conducive to schism.\nStay with the Sangha, for a united Sangha—in concord, in harmony, having a joint recitation—is at ease.”\nIf that monk continues as before, the monks should press him up to three times to make him stop.\nIf he then stops, all is well.\nIf he does not stop, he commits an offense entailing suspension.’”"}},{"id":"pli-tv-bu-vb-ss10:2","sourceIds":["pli-tv-bu-vb-ss10:2.0","pli-tv-bu-vb-ss10:2.1","pli-tv-bu-vb-ss10:2.2","pli-tv-bu-vb-ss10:2.3","pli-tv-bu-vb-ss10:2.4","pli-tv-bu-vb-ss10:2.5","pli-tv-bu-vb-ss10:2.6","pli-tv-bu-vb-ss10:2.7","pli-tv-bu-vb-ss10:2.8","pli-tv-bu-vb-ss10:2.9","pli-tv-bu-vb-ss10:2.10","pli-tv-bu-vb-ss10:2.11","pli-tv-bu-vb-ss10:2.12","pli-tv-bu-vb-ss10:2.13","pli-tv-bu-vb-ss10:2.14","pli-tv-bu-vb-ss10:2.15","pli-tv-bu-vb-ss10:2.16","pli-tv-bu-vb-ss10:2.17","pli-tv-bu-vb-ss10:2.18","pli-tv-bu-vb-ss10:2.19","pli-tv-bu-vb-ss10:2.20","pli-tv-bu-vb-ss10:2.21","pli-tv-bu-vb-ss10:2.22","pli-tv-bu-vb-ss10:2.23","pli-tv-bu-vb-ss10:2.24","pli-tv-bu-vb-ss10:2.25","pli-tv-bu-vb-ss10:2.26","pli-tv-bu-vb-ss10:2.27","pli-tv-bu-vb-ss10:2.28","pli-tv-bu-vb-ss10:2.29","pli-tv-bu-vb-ss10:2.30","pli-tv-bu-vb-ss10:2.31","pli-tv-bu-vb-ss10:2.32","pli-tv-bu-vb-ss10:2.33","pli-tv-bu-vb-ss10:2.34","pli-tv-bu-vb-ss10:2.35","pli-tv-bu-vb-ss10:2.36","pli-tv-bu-vb-ss10:2.37","pli-tv-bu-vb-ss10:2.38","pli-tv-bu-vb-ss10:2.39","pli-tv-bu-vb-ss10:2.40","pli-tv-bu-vb-ss10:2.41","pli-tv-bu-vb-ss10:2.42","pli-tv-bu-vb-ss10:2.43","pli-tv-bu-vb-ss10:2.44","pli-tv-bu-vb-ss10:2.45","pli-tv-bu-vb-ss10:2.46","pli-tv-bu-vb-ss10:2.47","pli-tv-bu-vb-ss10:2.48","pli-tv-bu-vb-ss10:2.49","pli-tv-bu-vb-ss10:2.50","pli-tv-bu-vb-ss10:2.51","pli-tv-bu-vb-ss10:2.52","pli-tv-bu-vb-ss10:2.53","pli-tv-bu-vb-ss10:2.54","pli-tv-bu-vb-ss10:2.55","pli-tv-bu-vb-ss10:2.56","pli-tv-bu-vb-ss10:2.57","pli-tv-bu-vb-ss10:2.58","pli-tv-bu-vb-ss10:2.59","pli-tv-bu-vb-ss10:2.60","pli-tv-bu-vb-ss10:2.61","pli-tv-bu-vb-ss10:2.62","pli-tv-bu-vb-ss10:2.63","pli-tv-bu-vb-ss10:2.64","pli-tv-bu-vb-ss10:2.65","pli-tv-bu-vb-ss10:2.66","pli-tv-bu-vb-ss10:2.67"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nA united Sangha:\nthose belonging to the same Buddhist sect and staying within the same monastery zone.\nPursues schism:\nthinking, “What can I do to split, separate, and divide them?” he searches for a faction and puts together a group.\nA legal issue conducive to schism:\nthe eighteen grounds for schism.\nTaking up:\nhaving adopted.\nTaking up:\nhe proclaims.\nIf he persists in:\nif he does not stop.\nHim:\nthe monk who is pursuing schism in the Sangha.\nThe monks:\nother monks who see it or hear about it. They should correct him like this:\n“Venerable, don’t pursue schism in the united Sangha or persist in taking up a legal issue conducive to schism.\nStay with the Sangha,\nfor a united Sangha—in concord, in harmony, having a joint recitation—is at ease.”\nAnd they should correct him a second\nand a third time.\nIf he stops, all is well.\nIf he does not stop, he commits an offense of wrong conduct.\nIf those who hear about it do not say anything, they commit an offense of wrong conduct.\nThat monk, even if he has to be pulled into the Sangha, should be corrected like this:\n“Venerable, don’t pursue schism in the united Sangha or persist in taking up a legal issue conducive to schism.\nStay with the Sangha,\nfor a united Sangha—in concord, in harmony, having a joint recitation—is at ease.”\nThey should correct him a second\nand a third time.\nIf he stops, all is well.\nIf he does not stop, he commits an offense of wrong conduct.\nShould press him:\n“And, monks, he should be pressed like this.\nA competent and capable monk should inform the Sangha:\n‘Please, venerables, I ask the Sangha to listen.\nThe monk so-and-so is pursuing schism in the united Sangha.\nAnd he keeps on doing it.\nIf the Sangha is ready, it should press monk so-and-so to make him stop.\nThis is the motion.\nPlease, venerables, I ask the Sangha to listen.\nThe monk so-and-so is pursuing schism in the united Sangha.\nAnd he keeps on doing it.\nThe Sangha presses monk so-and-so to make him stop.\nAny monk who approves of pressing monk so-and-so to make him stop should remain silent.\nAny monk who doesn’t approve should speak up.\nFor the second time, I speak on this matter. …\nFor the third time, I speak on this matter.\nPlease, venerables, I ask the Sangha to listen.\nThe monk so-and-so is pursuing schism in the united Sangha.\nAnd he keeps on doing it.\nThe Sangha presses monk so-and-so to make him stop.\nAny monk who approves of pressing monk so-and-so to make him stop should remain silent.\nAny monk who doesn’t approve should speak up.\nThe Sangha has pressed monk so-and-so to make him stop.\nThe Sangha approves and is therefore silent.\nI will remember it thus.’”\nAfter the motion, he commits an offense of wrong conduct.\nAfter each of the first two announcements, he commits a serious offense.\nWhen the last announcement is finished, he commits an offense entailing suspension.\nFor one who commits the offense entailing suspension, the offense of wrong conduct and the serious offenses are annulled.\nHe commits an offense entailing suspension:\n… Therefore, too, it is called an offense entailing suspension.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nSamaggo nāma saṅgho\nsamānasaṁvāsako samānasīmāyaṁ ṭhito.\nBhedāya parakkameyyāti—\n“kathaṁ ime nānā assu, vinā assu, vaggā assū”ti pakkhaṁ pariyesati, gaṇaṁ bandhati.\nBhedanasaṁvattanikaṁ vā adhikaraṇanti\naṭṭhārasabhedakaravatthūni.\nSamādāyāti\nādāya.\nPaggayhāti\ndīpeyya.\nTiṭṭheyyāti\nna paṭinissajjeyya.\nSo bhikkhūti\nyo so saṅghabhedako bhikkhu.\nBhikkhūhīti\naññehi bhikkhūhi. Ye passanti, ye suṇanti, tehi vattabbo—\n“māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi.\nSametāyasmā saṅghena.\nSamaggo hi saṅgho sammodamāno avivadamāno ekuddeso phāsu viharatī”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ;\nno ce paṭinissajjati, āpatti dukkaṭassa.\nSutvā na vadanti, āpatti dukkaṭassa.\nSo bhikkhu saṅghamajjhampi ākaḍḍhitvā vattabbo—\n“māyasmā samaggassa saṅghassa bhedāya parakkami, bhedanasaṁvattanikaṁ vā adhikaraṇaṁ samādāya paggayha aṭṭhāsi.\nSametāyasmā saṅghena.\nSamaggo hi saṅgho sammodamāno avivadamāno ekuddeso phāsu viharatī”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ;\nno ce paṭinissajjati, āpatti dukkaṭassa.\nSo bhikkhu samanubhāsitabbo—\n“evañca pana, bhikkhave, samanubhāsitabbo.\nByattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nAyaṁ itthannāmo bhikkhu samaggassa saṅghassa bhedāya parakkamati.\nSo taṁ vatthuṁ na paṭinissajjati.\nYadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya.\nEsā ñatti.\nSuṇātu me, bhante, saṅgho.\nAyaṁ itthannāmo bhikkhu samaggassa saṅghassa bhedāya parakkamati.\nSo taṁ vatthuṁ na paṭinissajjati.\nSaṅgho itthannāmaṁ bhikkhuṁ samanubhāsati tassa vatthussa paṭinissaggāya.\nYassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;\nyassa nakkhamati, so bhāseyya.\nDutiyampi etamatthaṁ vadāmi …pe…\ntatiyampi etamatthaṁ vadāmi—\nsuṇātu me, bhante, saṅgho.\nAyaṁ itthannāmo bhikkhu samaggassa saṅghassa bhedāya parakkamati.\nSo taṁ vatthuṁ na paṭinissajjati.\nSaṅgho itthannāmaṁ bhikkhuṁ samanubhāsati tassa vatthussa paṭinissaggāya.\nYassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;\nyassa nakkhamati, so bhāseyya.\nSamanubhaṭṭho saṅghena itthannāmo bhikkhu tassa vatthussa paṭinissaggāya.\nKhamati saṅghassa, tasmā tuṇhī,\nevametaṁ dhārayāmī’”ti.\nÑattiyā dukkaṭaṁ,\ndvīhi kammavācāhi thullaccayā,\nkammavācāpariyosāne āpatti saṅghādisesassa.\nSaṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.\nSaṅghādisesoti\n…pe… tenapi vuccati saṅghādisesoti."}},{"id":"pli-tv-bu-vb-ss10:3.1","sourceIds":["pli-tv-bu-vb-ss10:3.1.0","pli-tv-bu-vb-ss10:3.1.1","pli-tv-bu-vb-ss10:3.1.2","pli-tv-bu-vb-ss10:3.1.3","pli-tv-bu-vb-ss10:3.1.4","pli-tv-bu-vb-ss10:3.1.5","pli-tv-bu-vb-ss10:3.1.6"],"kind":"text","text":{"en":"Permutations\nIf it is a legitimate legal procedure, and he perceives it as such, and he does not stop, he commits an offense entailing suspension.\nIf it is a legitimate legal procedure, but he is unsure of it, and he does not stop, he commits an offense entailing suspension.\nIf it is a legitimate legal procedure, but he perceives it as illegitimate, and he does not stop, he commits an offense entailing suspension.\nIf it is an illegitimate legal procedure, but he perceives it as legitimate, he commits an offense of wrong conduct.\nIf it is an illegitimate legal procedure, but he is unsure of it, he commits an offense of wrong conduct.\nIf it is an illegitimate legal procedure, and he perceives it as such, he commits an offense of wrong conduct.","pi":"Dhammakamme dhammakammasaññī na paṭinissajjati, āpatti saṅghādisesassa.\nDhammakamme vematiko na paṭinissajjati, āpatti saṅghādisesassa.\nDhammakamme adhammakammasaññī na paṭinissajjati, āpatti saṅghādisesassa.\nAdhammakamme dhammakammasaññī, āpatti dukkaṭassa.\nAdhammakamme vematiko, āpatti dukkaṭassa.\nAdhammakamme adhammakammasaññī, āpatti dukkaṭassa."}},{"id":"pli-tv-bu-vb-ss10:3.2","sourceIds":["pli-tv-bu-vb-ss10:3.2.0","pli-tv-bu-vb-ss10:3.2.1","pli-tv-bu-vb-ss10:3.2.2","pli-tv-bu-vb-ss10:3.2.3","pli-tv-bu-vb-ss10:3.2.4","pli-tv-bu-vb-ss10:3.2.5","pli-tv-bu-vb-ss10:3.2.6","pli-tv-bu-vb-ss10:3.2.7","pli-tv-bu-vb-ss10:3.2.8"],"kind":"text","text":{"en":"Non-offenses\nThere is no offense:\nif he has not been pressed;\nif he stops;\nif he is insane;\nif he is deranged;\nif he is overwhelmed by pain;\nif he is the first offender.\nThe training rule on causing a schism in the Sangha, the tenth, is finished.","pi":"Anāpatti—\nasamanubhāsantassa,\npaṭinissajjantassa,\nummattakassa,\nkhittacittassa,\nvedanāṭṭassa,\nādikammikassāti.\nSaṅghabhedasikkhāpadaṁ niṭṭhitaṁ dasamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-ss10/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}