{"id":"pli-tv-bu-vb-ss11","title":"Siding with a schismatic","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-ss11","title":"Siding with a schismatic","units":[{"id":"pli-tv-bu-vb-ss11:0","sourceIds":["pli-tv-bu-vb-ss11:0.1","pli-tv-bu-vb-ss11:0.2","pli-tv-bu-vb-ss11:0.3","pli-tv-bu-vb-ss11:0.4"],"kind":"text","text":{"pi":"Theravāda Vinaya\nMahāvibhaṅga\nSaṅghādisesakaṇḍa\n11. Bhedānuvattakasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing suspension\nSiding with a schismatic"}},{"id":"pli-tv-bu-vb-ss11:1","sourceIds":["pli-tv-bu-vb-ss11:1.0","pli-tv-bu-vb-ss11:1.1","pli-tv-bu-vb-ss11:1.2","pli-tv-bu-vb-ss11:1.3","pli-tv-bu-vb-ss11:1.4","pli-tv-bu-vb-ss11:1.5","pli-tv-bu-vb-ss11:1.6","pli-tv-bu-vb-ss11:1.7","pli-tv-bu-vb-ss11:1.8","pli-tv-bu-vb-ss11:1.9","pli-tv-bu-vb-ss11:1.10","pli-tv-bu-vb-ss11:1.11","pli-tv-bu-vb-ss11:1.12","pli-tv-bu-vb-ss11:1.13","pli-tv-bu-vb-ss11:1.14","pli-tv-bu-vb-ss11:1.15","pli-tv-bu-vb-ss11:1.16","pli-tv-bu-vb-ss11:1.17","pli-tv-bu-vb-ss11:1.18"],"kind":"text","text":{"en":"Origin story\nAt one time the Buddha was staying at Rājagaha in the Bamboo Grove, the squirrel sanctuary.\nAt that time Devadatta was pursuing schism in the Sangha, a break in authority.\nThe monks were saying,\n“Devadatta speaks contrary to the Teaching and the training.\nHow can he pursue schism in the Sangha?”\nBut Kokālika, Kaṭamodakatissaka, Khaṇḍadeviyāputta, and Samuddadatta said to those monks,\n“No, venerables,\nDevadatta speaks in accordance with the Teaching and the training.\nAnd he speaks with our consent and approval. He knows about us and speaks for us, and we approve of this.”\nThe monks of few desires complained and criticized them,\n“How can these monks support Devadatta’s pursuit of schism in the Sangha?”\nThey rebuked those monks in many ways and then told the Buddha. Soon afterwards he had the Sangha gathered and questioned the monks:\n“Is it true, monks, that there are monks who support this?”\n“It’s true, sir.”\nThe Buddha rebuked them …\n“Monks, how can those foolish men support this?\nThis will affect people’s confidence …” …\n“And, monks, this training rule should be recited like this:","pi":"Tena samayena buddho bhagavā rājagahe viharati veḷuvane kalandakanivāpe.\nTena kho pana samayena devadatto saṅghabhedāya parakkamati cakkabhedāya.\nBhikkhū evamāhaṁsu—\n“adhammavādī devadatto, avinayavādī devadatto.\nKathañhi nāma devadatto saṅghabhedāya parakkamissati cakkabhedāyā”ti.\nEvaṁ vutte, kokāliko kaṭamodakatissako khaṇḍadeviyā putto samuddadatto te bhikkhū etadavocuṁ—\n“māyasmanto evaṁ avacuttha.\nDhammavādī devadatto, vinayavādī devadatto.\nAmhākañca devadatto chandañca ruciñca ādāya voharati jānāti no bhāsati amhākampetaṁ khamatī”ti.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma bhikkhū devadattassa saṅghabhedāya parakkamantassa anuvattakā bhavissanti vaggavādakā”ti.\nAtha kho te bhikkhū te anuvattake bhikkhū anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira, bhikkhave, bhikkhū devadattassa saṅghabhedāya parakkamantassa anuvattakā honti vaggavādakā”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma te, bhikkhave, moghapurisā devadattassa saṅghabhedāya parakkamantassa anuvattakā bhavissanti vaggavādakā.\nNetaṁ, bhikkhave, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-ss11:1.19","sourceIds":["pli-tv-bu-vb-ss11:1.19.0","pli-tv-bu-vb-ss11:1.19.1"],"kind":"text","text":{"en":"Final ruling\n‘That monk may have one, two, or three monks who side with him and support him, and they may say,","pi":"“Tasseva kho pana bhikkhussa bhikkhū honti anuvattakā vaggavādakā eko vā dve vā tayo vā. Te evaṁ vadeyyuṁ—"}},{"id":"pli-tv-bu-vb-ss11:1-from-pli-tv-bu-vb-ss11-1.20","sourceIds":["pli-tv-bu-vb-ss11:1.20","pli-tv-bu-vb-ss11:1.21","pli-tv-bu-vb-ss11:1.22","pli-tv-bu-vb-ss11:1.23","pli-tv-bu-vb-ss11:1.24","pli-tv-bu-vb-ss11:1.25","pli-tv-bu-vb-ss11:1.26","pli-tv-bu-vb-ss11:1.27","pli-tv-bu-vb-ss11:1.28","pli-tv-bu-vb-ss11:1.29","pli-tv-bu-vb-ss11:1.30"],"kind":"text","text":{"pi":"‘māyasmanto etaṁ bhikkhuṁ kiñci avacuttha.\nDhammavādī ceso bhikkhu, vinayavādī ceso bhikkhu.\nAmhākañceso bhikkhu chandañca ruciñca ādāya voharati jānāti no bhāsati amhākampetaṁ khamatī’ti,\nte bhikkhū bhikkhūhi evamassu vacanīyā—\n‘māyasmanto evaṁ avacuttha,\nna ceso bhikkhu dhammavādī, na ceso bhikkhu vinayavādī,\nmāyasmantānampi saṅghabhedo ruccittha,\nsametāyasmantānaṁ saṅghena, samaggo hi saṅgho sammodamāno avivadamāno ekuddeso phāsu viharatī’ti.\nEvañca te bhikkhū bhikkhūhi vuccamānā tatheva paggaṇheyyuṁ, te bhikkhū bhikkhūhi yāvatatiyaṁ samanubhāsitabbā tassa paṭinissaggāya.\nYāvatatiyañce samanubhāsiyamānā taṁ paṭinissajjeyyuṁ, iccetaṁ kusalaṁ,\nno ce paṭinissajjeyyuṁ, saṅghādiseso”ti.","en":"“Venerables, don’t correct this monk.\nHe speaks in accordance with the Teaching and the training.\nAnd he speaks with our consent and approval. He knows about us and speaks for us, and we approve of this.”\nThe monks should correct those monks like this:\n“No, venerables,\nthis monk speaks contrary to the Teaching and the training.\nAnd don’t consent to schism in the Sangha.\nStay with the Sangha, for a united Sangha—in concord, in harmony, having a joint recitation—is at ease.”\nIf those monks continue as before, the monks should press them up to three times to make them stop.\nIf they then stop, all is well.\nIf they do not stop, they commit an offense entailing suspension.’”"}},{"id":"pli-tv-bu-vb-ss11:2","sourceIds":["pli-tv-bu-vb-ss11:2.0","pli-tv-bu-vb-ss11:2.1","pli-tv-bu-vb-ss11:2.2","pli-tv-bu-vb-ss11:2.3","pli-tv-bu-vb-ss11:2.4","pli-tv-bu-vb-ss11:2.5","pli-tv-bu-vb-ss11:2.6","pli-tv-bu-vb-ss11:2.7","pli-tv-bu-vb-ss11:2.8","pli-tv-bu-vb-ss11:2.9","pli-tv-bu-vb-ss11:2.10","pli-tv-bu-vb-ss11:2.11","pli-tv-bu-vb-ss11:2.12","pli-tv-bu-vb-ss11:2.13","pli-tv-bu-vb-ss11:2.14","pli-tv-bu-vb-ss11:2.15","pli-tv-bu-vb-ss11:2.16","pli-tv-bu-vb-ss11:2.17","pli-tv-bu-vb-ss11:2.18","pli-tv-bu-vb-ss11:2.19","pli-tv-bu-vb-ss11:2.20","pli-tv-bu-vb-ss11:2.21","pli-tv-bu-vb-ss11:2.22","pli-tv-bu-vb-ss11:2.23","pli-tv-bu-vb-ss11:2.24","pli-tv-bu-vb-ss11:2.25","pli-tv-bu-vb-ss11:2.26","pli-tv-bu-vb-ss11:2.27","pli-tv-bu-vb-ss11:2.28","pli-tv-bu-vb-ss11:2.29","pli-tv-bu-vb-ss11:2.30","pli-tv-bu-vb-ss11:2.31","pli-tv-bu-vb-ss11:2.32","pli-tv-bu-vb-ss11:2.33","pli-tv-bu-vb-ss11:2.34","pli-tv-bu-vb-ss11:2.35","pli-tv-bu-vb-ss11:2.36","pli-tv-bu-vb-ss11:2.37","pli-tv-bu-vb-ss11:2.38","pli-tv-bu-vb-ss11:2.39","pli-tv-bu-vb-ss11:2.40","pli-tv-bu-vb-ss11:2.41","pli-tv-bu-vb-ss11:2.42","pli-tv-bu-vb-ss11:2.43","pli-tv-bu-vb-ss11:2.44","pli-tv-bu-vb-ss11:2.45","pli-tv-bu-vb-ss11:2.46","pli-tv-bu-vb-ss11:2.47","pli-tv-bu-vb-ss11:2.48","pli-tv-bu-vb-ss11:2.49","pli-tv-bu-vb-ss11:2.50","pli-tv-bu-vb-ss11:2.51","pli-tv-bu-vb-ss11:2.52","pli-tv-bu-vb-ss11:2.53","pli-tv-bu-vb-ss11:2.54","pli-tv-bu-vb-ss11:2.55","pli-tv-bu-vb-ss11:2.56","pli-tv-bu-vb-ss11:2.57","pli-tv-bu-vb-ss11:2.58","pli-tv-bu-vb-ss11:2.59","pli-tv-bu-vb-ss11:2.60","pli-tv-bu-vb-ss11:2.61","pli-tv-bu-vb-ss11:2.62","pli-tv-bu-vb-ss11:2.63","pli-tv-bu-vb-ss11:2.64","pli-tv-bu-vb-ss11:2.65","pli-tv-bu-vb-ss11:2.66","pli-tv-bu-vb-ss11:2.67","pli-tv-bu-vb-ss11:2.68"],"kind":"text","text":{"en":"Definitions\nThat:\nthat monk who is pursuing schism in the Sangha.\nMay have monks:\nmay have other monks.\nWho side with him:\nthey have the same view, the same belief, the same persuasion as he does.\nWho support him:\nthey praise him and take his side.\nOne, two, or three:\nthere is one, or two, or three. They may say,\n“Venerables, don’t correct this monk. He speaks in accordance with the Teaching and the training.\nAnd he speaks with our consent and approval. He knows about us and speaks for us, and we approve of this.”\nThose monks:\nthose monks who side with him.\nThe monks:\nother monks who see it or hear about it. They should correct them like this:\n“No, venerables,\nthis monk speaks contrary to the Teaching and the training.\nAnd don’t consent to schism in the Sangha.\nStay with the Sangha,\nfor a united Sangha—in concord, in harmony, having a joint recitation—is at ease.”\nAnd they should correct them a second\nand a third time.\nIf they stop, all is well.\nIf they do not stop, they commit an offense of wrong conduct.\nIf those who hear about it do not say anything, they commit an offense of wrong conduct.\nThose monks, even if they have to be pulled into the Sangha, should be corrected like this:\n“No, venerables,\nthis monk speaks contrary to the Teaching and the training.\nAnd don’t consent to schism in the Sangha.\nStay with the Sangha,\nfor a united Sangha—in concord, in harmony, having a joint recitation—is at ease.”\nThey should correct them a second\nand a third time.\nIf they stop, all is well.\nIf they do not stop, they commit an offense of wrong conduct.\nShould press them:\n“And, monks, they should be pressed like this.\nA competent and capable monk should inform the Sangha:\n‘Please, venerables, I ask the Sangha to listen.\nMonks so-and-so and so-and-so are siding with and supporting monk so-and-so who is pursuing schism in the Sangha.\nAnd they keep on doing it.\nIf the Sangha is ready, it should press monks so-and-so and so-and-so to make them stop.\nThis is the motion.\nPlease, venerables, I ask the Sangha to listen.\nMonks so-and-so and so-and-so are siding with and supporting monk so-and-so who is pursuing schism in the Sangha.\nAnd they keep on doing it.\nThe Sangha presses monks so-and-so and so-and-so to make them stop.\nAny monk who approves of pressing monks so-and-so and so-and-so to make them stop should remain silent.\nAny monk who doesn’t approve should speak up.\nFor the second time, I speak on this matter. …\nFor the third time, I speak on this matter.\nPlease, venerables, I ask the Sangha to listen.\nMonks so-and-so and so-and-so are siding with and supporting monk so-and-so who is pursuing schism in the Sangha.\nAnd they keep on doing it.\nThe Sangha presses monks so-and-so and so-and-so to make them stop.\nAny monk who approves of pressing monks so-and-so and so-and-so to make them stop should remain silent.\nAny monk who doesn’t approve should speak up.\nThe Sangha has pressed monks so-and-so and so-and-so to make them stop.\nThe Sangha approves and is therefore silent.\nI will remember it thus.’”\nAfter the motion, they commit an offense of wrong conduct.\nAfter each of the first two announcements, they commit a serious offense.\nWhen the last announcement is finished, they commit an offense entailing suspension.\nFor those who commit the offense entailing suspension, the offense of wrong conduct and the serious offenses are annulled.\nTwo or three may be pressed together, but not more than that.\nThey commit an offense entailing suspension:\n… Therefore, too, it is called an offense entailing suspension.","pi":"Tasseva kho panāti\ntassa saṅghabhedakassa bhikkhuno.\nBhikkhū hontīti\naññe bhikkhū honti.\nAnuvattakāti\nyaṁdiṭṭhiko so hoti yaṅkhantiko yaṁruciko tepi taṁdiṭṭhikā honti taṅkhantikā taṁrucikā.\nVaggavādakāti\ntassa vaṇṇāya pakkhāya ṭhitā honti.\nEko vā dve vā tayo vāti\neko vā hoti dve vā tayo vā. Te evaṁ vadeyyuṁ—\n“māyasmanto etaṁ bhikkhuṁ kiñci avacuttha, dhammavādī ceso bhikkhu, vinayavādī ceso bhikkhu,\namhākañceso bhikkhu chandañca ruciñca ādāya voharati jānāti no bhāsati amhākampetaṁ khamatī”ti.\nTe bhikkhūti\nye te anuvattakā bhikkhū.\nBhikkhūhīti\naññehi bhikkhūhi. Ye passanti ye suṇanti tehi vattabbā—\n“māyasmanto evaṁ avacuttha.\nNa ceso bhikkhu dhammavādī, na ceso bhikkhu vinayavādī.\nMāyasmantānampi saṅghabhedo ruccittha.\nSametāyasmantānaṁ saṅghena.\nSamaggo hi saṅgho sammodamāno avivadamāno ekuddeso phāsu viharatī”ti.\nDutiyampi vattabbā.\nTatiyampi vattabbā.\nSace paṭinissajjanti, iccetaṁ kusalaṁ;\nno ce paṭinissajjanti, āpatti dukkaṭassa.\nSutvā na vadanti, āpatti dukkaṭassa.\nTe bhikkhū saṅghamajjhampi ākaḍḍhitvā vattabbā—\n“māyasmanto evaṁ avacuttha.\nNa ceso bhikkhu dhammavādī, na ceso bhikkhu vinayavādī.\nMāyasmantānampi saṅghabhedo ruccittha.\nSametāyasmantānaṁ saṅghena.\nSamaggo hi saṅgho sammodamāno avivadamāno ekuddeso phāsu viharatī”ti.\nDutiyampi vattabbā.\nTatiyampi vattabbā.\nSace paṭinissajjanti, iccetaṁ kusalaṁ;\nno ce paṭinissajjanti, āpatti dukkaṭassa.\nTe bhikkhū samanubhāsitabbā.\n“Evañca pana, bhikkhave, samanubhāsitabbā.\nByattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nItthannāmo ca itthanāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā.\nTe taṁ vatthuṁ na paṭinissajjanti.\nYadi saṅghassa pattakallaṁ, saṅgho itthannāmañca itthannāmañca bhikkhū samanubhāseyya tassa vatthussa paṭinissaggāya.\nEsā ñatti.\nSuṇātu me, bhante, saṅgho.\nItthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā.\nTe taṁ vatthuṁ na paṭinissajjanti.\nSaṅgho itthannāmañca itthannāmañca bhikkhū samanubhāsati tassa vatthussa paṭinissaggāya.\nYassāyasmato khamati itthannāmassa ca itthannāmassa ca bhikkhūnaṁ samanubhāsanā tassa vatthussa paṭinissaggāya, so tuṇhassa;\nyassa nakkhamati, so bhāseyya.\nDutiyampi etamatthaṁ vadāmi …pe…\ntatiyampi etamatthaṁ vadāmi—\nsuṇātu me, bhante, saṅgho.\nItthannāmo ca itthannāmo ca bhikkhū itthannāmassa bhikkhuno saṅghabhedāya parakkamantassa anuvattakā vaggavādakā.\nTe taṁ vatthuṁ na paṭinissajjanti.\nSaṅgho itthannāmañca itthannāmañca bhikkhū samanubhāsati tassa vatthussa paṭinissaggāya.\nYassāyasmato khamati itthannāmassa ca itthannāmassa ca bhikkhūnaṁ samanubhāsanā tassa vatthussa paṭinissaggāya, so tuṇhassa;\nyassa nakkhamati, so bhāseyya.\nSamanubhaṭṭhā saṅghena itthannāmo ca itthannāmo ca bhikkhū tassa vatthussa paṭinissaggāya.\nKhamati saṅghassa, tasmā tuṇhī,\nevametaṁ dhārayāmī’”ti.\nÑattiyā dukkaṭaṁ,\ndvīhi kammavācāhi thullaccayā,\nkammavācāpariyosāne āpatti saṅghādisesassa.\nSaṅghādisesaṁ ajjhāpajjantānaṁ ñattiyā dukkaṭaṁ, dvīhi kammavācāhi thullaccayā paṭippassambhanti.\nDve tayo ekato samanubhāsitabbā, taduttari na samanubhāsitabbā.\nSaṅghādisesoti\n…pe… tenapi vuccati “saṅghādiseso”ti."}},{"id":"pli-tv-bu-vb-ss11:3.1","sourceIds":["pli-tv-bu-vb-ss11:3.1.0","pli-tv-bu-vb-ss11:3.1.1","pli-tv-bu-vb-ss11:3.1.2","pli-tv-bu-vb-ss11:3.1.3","pli-tv-bu-vb-ss11:3.1.4","pli-tv-bu-vb-ss11:3.1.5","pli-tv-bu-vb-ss11:3.1.6"],"kind":"text","text":{"en":"Permutations\nIf it is a legitimate legal procedure, and they perceive it as such, and they do not stop, they commit an offense entailing suspension.\nIf it is a legitimate legal procedure, but they are unsure of it, and they do not stop, they commit an offense entailing suspension.\nIf it is a legitimate legal procedure, but they perceive it as illegitimate, and they do not stop, they commit an offense entailing suspension.\nIf it is an illegitimate legal procedure, but they perceive it as legitimate, they commit an offense of wrong conduct.\nIf it is an illegitimate legal procedure, but they are unsure of it, they commit an offense of wrong conduct.\nIf it is an illegitimate legal procedure, and they perceive it as such, they commit an offense of wrong conduct.","pi":"Dhammakamme dhammakammasaññī na paṭinissajjanti, āpatti saṅghādisesassa.\nDhammakamme vematikā na paṭinissajjanti, āpatti saṅghādisesassa.\nDhammakamme adhammakammasaññī na paṭinissajjanti, āpatti saṅghādisesassa.\nAdhammakamme dhammakammasaññī, āpatti dukkaṭassa.\nAdhammakamme vematikā, āpatti dukkaṭassa.\nAdhammakamme adhammakammasaññī, āpatti dukkaṭassa."}},{"id":"pli-tv-bu-vb-ss11:3.2","sourceIds":["pli-tv-bu-vb-ss11:3.2.0","pli-tv-bu-vb-ss11:3.2.1","pli-tv-bu-vb-ss11:3.2.2","pli-tv-bu-vb-ss11:3.2.3","pli-tv-bu-vb-ss11:3.2.4","pli-tv-bu-vb-ss11:3.2.5","pli-tv-bu-vb-ss11:3.2.6","pli-tv-bu-vb-ss11:3.2.7","pli-tv-bu-vb-ss11:3.2.8"],"kind":"text","text":{"en":"Non-offenses\nThere is no offense:\nif they have not been pressed;\nif they stop;\nif they are insane;\nif they are deranged;\nif they are overwhelmed by pain;\nif they are the first offenders.\nThe training rule on siding with a schismatic, the eleventh, is finished.","pi":"Anāpatti—\nasamanubhāsantānaṁ,\npaṭinissajjantānaṁ,\nummattakānaṁ,\nkhittacittānaṁ,\nvedanāṭṭānaṁ,\nādikammikānanti.\nBhedānuvattakasikkhāpadaṁ niṭṭhitaṁ ekādasamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-ss11/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}