{"id":"pli-tv-bu-vb-ss12","title":"Being difficult to correct","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-ss12","title":"Being difficult to correct","units":[{"id":"pli-tv-bu-vb-ss12:0","sourceIds":["pli-tv-bu-vb-ss12:0.1","pli-tv-bu-vb-ss12:0.2","pli-tv-bu-vb-ss12:0.3","pli-tv-bu-vb-ss12:0.4"],"kind":"text","text":{"pi":"Theravāda Vinaya\nMahāvibhaṅga\nSaṅghādisesakaṇḍa\n12. Dubbacasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing suspension\nBeing difficult to correct"}},{"id":"pli-tv-bu-vb-ss12:1","sourceIds":["pli-tv-bu-vb-ss12:1.0","pli-tv-bu-vb-ss12:1.1","pli-tv-bu-vb-ss12:1.2","pli-tv-bu-vb-ss12:1.3","pli-tv-bu-vb-ss12:1.4","pli-tv-bu-vb-ss12:1.5","pli-tv-bu-vb-ss12:1.6","pli-tv-bu-vb-ss12:1.7","pli-tv-bu-vb-ss12:1.8","pli-tv-bu-vb-ss12:1.9","pli-tv-bu-vb-ss12:1.10","pli-tv-bu-vb-ss12:1.11","pli-tv-bu-vb-ss12:1.12","pli-tv-bu-vb-ss12:1.13","pli-tv-bu-vb-ss12:1.14","pli-tv-bu-vb-ss12:1.15","pli-tv-bu-vb-ss12:1.16","pli-tv-bu-vb-ss12:1.17","pli-tv-bu-vb-ss12:1.18","pli-tv-bu-vb-ss12:1.19","pli-tv-bu-vb-ss12:1.20","pli-tv-bu-vb-ss12:1.21","pli-tv-bu-vb-ss12:1.22","pli-tv-bu-vb-ss12:1.23","pli-tv-bu-vb-ss12:1.24","pli-tv-bu-vb-ss12:1.25"],"kind":"text","text":{"en":"Origin story\nAt one time when the Buddha was staying at Kosambī in Ghosita’s Monastery,\nVenerable Channa was misbehaving.\nThe monks would tell him,\n“Don’t do that;\nit’s not allowable,”\nand he would reply,\n“Who are you to correct me?\nI should correct you!\nThe Buddha is mine; the Teaching is mine.\nThe Master realized the Truth because of me.\nJust as grass, sticks, and fallen leaves are whirled up by a strong wind all at once, just as various water plants are whirled up by a mountain stream all at once,\nso too have you–after going forth with various names, various families, various castes, various households–been lifted up all at once.\nSo, who are you to correct me?\nI should correct you!\nThe Buddha is mine; the Teaching is mine.\nThe Master realized the Truth because of me.”\nThe monks of few desires complained and criticized him,\n“How can Venerable Channa make himself incorrigible when he’s legitimately corrected by the monks?”\nThey rebuked Channa in many ways and then told the Buddha. Soon afterwards he had the Sangha gathered and questioned Channa:\n“Is it true, Channa, that you do this?\n“It’s true, sir.”\nThe Buddha rebuked him …\n“Foolish man, how can you do this?\nThis will affect people’s confidence …” …\n“And, monks, this training rule should be recited like this:","pi":"Tena samayena buddho bhagavā kosambiyaṁ viharati ghositārāme.\nTena kho pana samayena āyasmā channo anācāraṁ ācarati.\nBhikkhū evamāhaṁsu—\n“māvuso channa, evarūpaṁ akāsi.\nNetaṁ kappatī”ti.\nSo evaṁ vadeti—\n“kiṁ nu kho nāma tumhe, āvuso, maṁ vattabbaṁ maññatha?\nAhaṁ kho nāma tumhe vadeyyaṁ.\nAmhākaṁ buddho amhākaṁ dhammo\namhākaṁ ayyaputtena dhammo abhisamito.\nSeyyathāpi nāma mahāvāto vāyanto tiṇakaṭṭhapaṇṇasaṭaṁ ekato ussāreyya, seyyathā vā pana nadī pabbateyyā saṅkhasevālapaṇakaṁ ekato ussāreyya;\nevameva tumhe nānānāmā nānāgottā nānājaccā nānākulā pabbajitā ekato ussāritā.\nKiṁ nu kho nāma tumhe, āvuso, maṁ vattabbaṁ maññatha?\nAhaṁ kho nāma tumhe vadeyyaṁ.\nAmhākaṁ buddho amhākaṁ dhammo\namhākaṁ ayyaputtena dhammo abhisamito”ti.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma āyasmā channo bhikkhūhi sahadhammikaṁ vuccamāno attānaṁ avacanīyaṁ karissatī”ti.\nAtha kho te bhikkhū āyasmantaṁ channaṁ anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira tvaṁ, channa, bhikkhūhi sahadhammikaṁ vuccamāno attānaṁ avacanīyaṁ karosī”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma tvaṁ, moghapurisa, bhikkhūhi sahadhammikaṁ vuccamāno attānaṁ avacanīyaṁ karissasi.\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—"}},{"id":"pli-tv-bu-vb-ss12:1.26","sourceIds":["pli-tv-bu-vb-ss12:1.26.0","pli-tv-bu-vb-ss12:1.26.1"],"kind":"text","text":{"en":"Final ruling\n‘If a monk is difficult to correct, and he makes himself incorrigible when legitimately corrected by the monks concerning the training rules that are recited, saying,","pi":"“Bhikkhu paneva dubbacajātiko hoti uddesapariyāpannesu sikkhāpadesu bhikkhūhi sahadhammikaṁ vuccamāno attānaṁ avacanīyaṁ karoti—"}},{"id":"pli-tv-bu-vb-ss12:1-from-pli-tv-bu-vb-ss12-1.27","sourceIds":["pli-tv-bu-vb-ss12:1.27","pli-tv-bu-vb-ss12:1.28","pli-tv-bu-vb-ss12:1.29","pli-tv-bu-vb-ss12:1.30","pli-tv-bu-vb-ss12:1.31","pli-tv-bu-vb-ss12:1.32","pli-tv-bu-vb-ss12:1.33","pli-tv-bu-vb-ss12:1.34","pli-tv-bu-vb-ss12:1.35"],"kind":"text","text":{"pi":"‘mā maṁ āyasmanto kiñci avacuttha kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā,\nviramathāyasmanto mama vacanāyā’ti,\nso bhikkhu bhikkhūhi evamassa vacanīyo—\n‘māyasmā attānaṁ avacanīyaṁ akāsi, vacanīyamevāyasmā attānaṁ karotu,\nāyasmāpi bhikkhū vadetu sahadhammena, bhikkhūpi āyasmantaṁ vakkhanti sahadhammena.\nEvaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā’ti.\nEvañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.\nYāvatatiyañce samanubhāsiyamāno taṁ paṭinissajjeyya, iccetaṁ kusalaṁ;\nno ce paṭinissajjeyya, saṅghādiseso”ti.","en":"“Venerables, don’t say anything to me, either good or bad, and I won’t say anything to you, either good or bad.\nPlease refrain from correcting me,”\nthen the monks should correct him like this:\n“Be easy to correct, venerable, not incorrigible.\nAnd please give legitimate correction to the monks, and the monks will do the same to you.\nFor it’s in this way that the Buddha’s community has grown, that is, through mutual correction and mutual clearing of offenses.”\nIf that monk continues as before, the monks should press him up to three times to make him stop.\nIf he then stops, all is well.\nIf he does not stop, he commits an offense entailing suspension.’”"}},{"id":"pli-tv-bu-vb-ss12:2","sourceIds":["pli-tv-bu-vb-ss12:2.0","pli-tv-bu-vb-ss12:2.1","pli-tv-bu-vb-ss12:2.2","pli-tv-bu-vb-ss12:2.3","pli-tv-bu-vb-ss12:2.4","pli-tv-bu-vb-ss12:2.5","pli-tv-bu-vb-ss12:2.6","pli-tv-bu-vb-ss12:2.7","pli-tv-bu-vb-ss12:2.8","pli-tv-bu-vb-ss12:2.9","pli-tv-bu-vb-ss12:2.10","pli-tv-bu-vb-ss12:2.11","pli-tv-bu-vb-ss12:2.12","pli-tv-bu-vb-ss12:2.13","pli-tv-bu-vb-ss12:2.14","pli-tv-bu-vb-ss12:2.15","pli-tv-bu-vb-ss12:2.16","pli-tv-bu-vb-ss12:2.17","pli-tv-bu-vb-ss12:2.18","pli-tv-bu-vb-ss12:2.19","pli-tv-bu-vb-ss12:2.20","pli-tv-bu-vb-ss12:2.21","pli-tv-bu-vb-ss12:2.22","pli-tv-bu-vb-ss12:2.23","pli-tv-bu-vb-ss12:2.24","pli-tv-bu-vb-ss12:2.25","pli-tv-bu-vb-ss12:2.26","pli-tv-bu-vb-ss12:2.27","pli-tv-bu-vb-ss12:2.28","pli-tv-bu-vb-ss12:2.29","pli-tv-bu-vb-ss12:2.30","pli-tv-bu-vb-ss12:2.31","pli-tv-bu-vb-ss12:2.32","pli-tv-bu-vb-ss12:2.33","pli-tv-bu-vb-ss12:2.34","pli-tv-bu-vb-ss12:2.35","pli-tv-bu-vb-ss12:2.36","pli-tv-bu-vb-ss12:2.37","pli-tv-bu-vb-ss12:2.38","pli-tv-bu-vb-ss12:2.39","pli-tv-bu-vb-ss12:2.40","pli-tv-bu-vb-ss12:2.41","pli-tv-bu-vb-ss12:2.42","pli-tv-bu-vb-ss12:2.43","pli-tv-bu-vb-ss12:2.44","pli-tv-bu-vb-ss12:2.45","pli-tv-bu-vb-ss12:2.46","pli-tv-bu-vb-ss12:2.47","pli-tv-bu-vb-ss12:2.48","pli-tv-bu-vb-ss12:2.49","pli-tv-bu-vb-ss12:2.50","pli-tv-bu-vb-ss12:2.51","pli-tv-bu-vb-ss12:2.52","pli-tv-bu-vb-ss12:2.53","pli-tv-bu-vb-ss12:2.54","pli-tv-bu-vb-ss12:2.55","pli-tv-bu-vb-ss12:2.56","pli-tv-bu-vb-ss12:2.57","pli-tv-bu-vb-ss12:2.58","pli-tv-bu-vb-ss12:2.59","pli-tv-bu-vb-ss12:2.60","pli-tv-bu-vb-ss12:2.61"],"kind":"text","text":{"en":"Definitions\nIf a monk is difficult to correct:\nif he is hard to correct, endowed with qualities that make him hard to correct, resistant, not receiving instructions respectfully.\nConcerning the training rules that are recited:\nconcerning the training rules of the Monastic Code.\nThe monks:\nother monks.\nLegitimately:\nthe training rules laid down by the Buddha—this is called “legitimately”.\nWhen corrected in regard to this, he makes himself incorrigible, saying,\n“Venerables, don’t say anything to me, either good or bad, and I won’t say anything to you, either good or bad. Please refrain from correcting me.”\nHim:\nthe monk who is difficult to correct.\nThe monks:\nother monks who see it or hear about it. They should correct him like this:\n“Be easy to correct, venerable, not incorrigible.\nAnd please give legitimate correction to the monks, and the monks will do the same to you.\nFor it’s in this way that the Buddha’s community has grown, that is, through mutual correction and mutual clearing of offenses.”\nAnd they should correct him a second\nand a third time.\nIf he stops, all is well.\nIf he does not stop, he commits an offense of wrong conduct.\nIf those who hear about it do not say anything, they commit an offense of wrong conduct.\nThat monk, even if he has to be pulled into the Sangha, should be corrected like this:\n“Be easy to correct, venerable, not incorrigible. And please give legitimate correction to the monks, and the monks will do the same to you. For it’s in this way that the Buddha’s community has grown, that is, through mutual correction\nand mutual clearing of offenses.”\nThey should correct him a second\nand a third time.\nIf he stops, all is well.\nIf he does not stop, he commits an offense of wrong conduct.\nShould press him:\n“And, monks, he should be pressed like this.\nA competent and capable monk should inform the Sangha:\n‘Please, venerables, I ask the Sangha to listen.\nThe monk so-and-so makes himself incorrigible when legitimately corrected by the monks.\nAnd he keeps on doing it.\nIf the Sangha is ready, it should press monk so-and-so to make him stop.\nThis is the motion.\nPlease, venerables, I ask the Sangha to listen.\nThe monk so-and-so makes himself incorrigible when legitimately corrected by the monks.\nAnd he keeps on doing it.\nThe Sangha presses monk so-and-so to make him stop.\nAny monk who approves of pressing monk so-and-so to make him stop should remain silent.\nAny monk who doesn’t approve should speak up.\nFor the second time, I speak on this matter. …\nFor the third time, I speak on this matter.\nPlease, venerables, I ask the Sangha to listen.\nThe monk so-and-so makes himself incorrigible when legitimately corrected by the monks.\nAnd he keeps on doing it.\nThe Sangha presses monk so-and-so to make him stop.\nAny monk who approves of pressing monk so-and-so to make him stop should remain silent.\nAny monk who doesn’t approve should speak up.\nThe Sangha has pressed monk so-and-so to make him stop.\nThe Sangha approves and is therefore silent.\nI will remember it thus.’”\nAfter the motion, he commits an offense of wrong conduct.\nAfter each of the first two announcements, he commits a serious offense.\nWhen the last announcement is finished, he commits an offense entailing suspension.\nFor one who commits the offense entailing suspension, the offense of wrong conduct and the serious offenses are annulled.\nHe commits an offense entailing suspension:\n… Therefore, too, it is called an offense entailing suspension.","pi":"Bhikkhū paneva dubbacajātiko hotīti\ndubbaco hoti dovacassakaraṇehi dhammehi samannāgato akkhamo appadakkhiṇaggāhī anusāsaniṁ.\nUddesapariyāpannesu sikkhāpadesūti\npātimokkhapariyāpannesu sikkhāpadesu.\nBhikkhūhīti\naññehi bhikkhūhi.\nSahadhammikaṁ nāma\nyaṁ bhagavatā paññattaṁ sikkhāpadaṁ, etaṁ sahadhammikaṁ nāma.\nTena vuccamāno attānaṁ avacanīyaṁ karoti—\n“mā maṁ āyasmanto kiñci avacuttha kalyāṇaṁ vā pāpakaṁ vā, ahampāyasmante na kiñci vakkhāmi kalyāṇaṁ vā pāpakaṁ vā. Viramathāyasmanto mama vacanāyā”ti.\nSo bhikkhūti\nyo so dubbacajātiko bhikkhu.\nBhikkhūhīti\naññehi bhikkhūhi. Ye passanti ye suṇanti tehi vattabbo—\n“māyasmā attānaṁ avacanīyaṁ akāsi.\nVacanīyameva āyasmā attānaṁ karotu.\nĀyasmāpi bhikkhū vadetu sahadhammena, bhikkhūpi āyasmantaṁ vakkhanti sahadhammena.\nEvaṁ saṁvaddhā hi tassa bhagavato parisā yadidaṁ aññamaññavacanena aññamaññavuṭṭhāpanenā”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ;\nno ce paṭinissajjati, āpatti dukkaṭassa.\nSutvā na vadanti, āpatti dukkaṭassa.\nSo bhikkhu saṅghamajjhampi ākaḍḍhitvā vattabbo—\n“māyasmā attānaṁ avacanīyaṁ akāsi …pe…\naññamaññavuṭṭhāpanenā”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ;\nno ce paṭinissajjati, āpatti dukkaṭassa.\nSo bhikkhu samanubhāsitabbo.\n“Evañca pana, bhikkhave, samanubhāsitabbo.\nByattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nAyaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti.\nSo taṁ vatthuṁ na paṭinissajjati.\nYadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya.\nEsā ñatti.\nSuṇātu me, bhante, saṅgho.\nAyaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti.\nSo taṁ vatthuṁ na paṭinissajjati.\nSaṅgho itthannāmaṁ bhikkhuṁ samanubhāsati tassa vatthussa paṭinissaggāya.\nYassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;\nyassa nakkhamati, so bhāseyya.\nDutiyampi etamatthaṁ vadāmi …pe…\ntatiyampi etamatthaṁ vadāmi—\nsuṇātu me, bhante, saṅgho.\nAyaṁ itthannāmo bhikkhu bhikkhūhi sahadhammikaṁ vuccamāno attānaṁ avacanīyaṁ karoti.\nSo taṁ vatthuṁ na paṭinissajjati.\nSaṅgho itthannāmaṁ bhikkhuṁ samanubhāsati tassa vatthussa paṭinissaggāya.\nYassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa;\nyassa nakkhamati, so bhāseyya.\nSamanubhaṭṭho saṅghena itthannāmo bhikkhu tassa vatthussa paṭinissaggāya.\nKhamati saṅghassa, tasmā tuṇhī,\nevametaṁ dhārayāmī’”ti.\nÑattiyā dukkaṭaṁ,\ndvīhi kammavācāhi thullaccayā,\nkammavācāpariyosāne āpatti saṅghādisesassa.\nSaṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.\nSaṅghādisesoti\n…pe… tenapi vuccati “saṅghādiseso”ti."}},{"id":"pli-tv-bu-vb-ss12:3.1","sourceIds":["pli-tv-bu-vb-ss12:3.1.0","pli-tv-bu-vb-ss12:3.1.1","pli-tv-bu-vb-ss12:3.1.2","pli-tv-bu-vb-ss12:3.1.3","pli-tv-bu-vb-ss12:3.1.4","pli-tv-bu-vb-ss12:3.1.5","pli-tv-bu-vb-ss12:3.1.6"],"kind":"text","text":{"en":"Permutations\nIf it is a legitimate legal procedure, and he perceives it as such, and he does not stop, he commits an offense entailing suspension.\nIf it is a legitimate legal procedure, but he is unsure of it, and he does not stop, he commits an offense entailing suspension.\nIf it is a legitimate legal procedure, but he perceives it as illegitimate, and he does not stop, he commits an offense entailing suspension.\nIf it is an illegitimate legal procedure, but he perceives it as legitimate, he commits an offense of wrong conduct.\nIf it is an illegitimate legal procedure, but he is unsure of it, he commits an offense of wrong conduct.\nIf it is an illegitimate legal procedure, and he perceives it as such, he commits an offense of wrong conduct.","pi":"Dhammakamme dhammakammasaññī na paṭinissajjati, āpatti saṅghādisesassa.\nDhammakamme vematiko na paṭinissajjati, āpatti saṅghādisesassa.\nDhammakamme adhammakammasaññī na paṭinissajjati, āpatti saṅghādisesassa.\nAdhammakamme dhammakammasaññī, āpatti dukkaṭassa.\nAdhammakamme vematiko, āpatti dukkaṭassa.\nAdhammakamme adhammakammasaññī, āpatti dukkaṭassa."}},{"id":"pli-tv-bu-vb-ss12:3.2","sourceIds":["pli-tv-bu-vb-ss12:3.2.0","pli-tv-bu-vb-ss12:3.2.1","pli-tv-bu-vb-ss12:3.2.2","pli-tv-bu-vb-ss12:3.2.3","pli-tv-bu-vb-ss12:3.2.4","pli-tv-bu-vb-ss12:3.2.5","pli-tv-bu-vb-ss12:3.2.6"],"kind":"text","text":{"en":"Non-offenses\nThere is no offense:\nif he has not been pressed;\nif he stops;\nif he is insane;\nif he is the first offender.\nThe training rule on being difficult to correct, the twelfth, is finished.","pi":"Anāpatti—\nasamanubhāsantassa,\npaṭinissajjantassa,\nummattakassa,\nādikammikassāti.\nDubbacasikkhāpadaṁ niṭṭhitaṁ dvādasamaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-ss12/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}