{"id":"pli-tv-bu-vb-ss13","title":"Being a corrupter of families","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-ss13","title":"Being a corrupter of families","units":[{"id":"pli-tv-bu-vb-ss13:0","sourceIds":["pli-tv-bu-vb-ss13:0.1","pli-tv-bu-vb-ss13:0.2","pli-tv-bu-vb-ss13:0.3","pli-tv-bu-vb-ss13:0.4"],"kind":"text","text":{"pi":"Theravāda Vinaya\nMahāvibhaṅga\nSaṅghādisesakaṇḍa\n13. Kuladūsakasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing suspension\nBeing a corrupter of families"}},{"id":"pli-tv-bu-vb-ss13:1.1","sourceIds":["pli-tv-bu-vb-ss13:1.1.0","pli-tv-bu-vb-ss13:1.1.1","pli-tv-bu-vb-ss13:1.1.2","pli-tv-bu-vb-ss13:1.1.3","pli-tv-bu-vb-ss13:1.1.4","pli-tv-bu-vb-ss13:1.1.5","pli-tv-bu-vb-ss13:1.1.6","pli-tv-bu-vb-ss13:1.1.7","pli-tv-bu-vb-ss13:1.1.8","pli-tv-bu-vb-ss13:1.1.9","pli-tv-bu-vb-ss13:1.1.10","pli-tv-bu-vb-ss13:1.1.11","pli-tv-bu-vb-ss13:1.1.12"],"kind":"text","text":{"en":"Origin story\nAt one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time the bad and shameless monks Assaji and Punabbasuka were staying at Kīṭāgiri.\nThey were misbehaving in many ways.\nThey planted flowering trees, watered and plucked them, and then tied the flowers together.\nThey made the flowers into garlands, garlands with stalks on one side and garlands with stalks on both sides.\nThey made flower arrangements, wreaths, ornaments for the head, ornaments for the ears, and ornaments for the chest. And they had others do the same.\nThey then took these things, or sent them, to the women, the daughters, the girls, the daughters-in-law, and the female slaves of respectable families.\nThey ate from the same plates as these women and drank from the same vessels.\nThey sat on the same seats as them, and they lay down on the same beds, on the same sheets, under the same covers, and both on the same sheets and under the same covers.\nThey ate at the wrong time, drank alcohol, and wore garlands, perfumes, and cosmetics.\nThey danced, sang, played instruments, and performed.\nWhile the women were dancing, singing, playing instruments, and performing, so would they.","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena assajipunabbasukā nāma kīṭāgirismiṁ āvāsikā honti alajjino pāpabhikkhū.\nTe evarūpaṁ anācāraṁ ācaranti—\nmālāvacchaṁ ropentipi ropāpentipi, siñcantipi siñcāpentipi, ocinantipi ocināpentipi, ganthentipi ganthāpentipi,\nekatovaṇṭikamālaṁ karontipi kārāpentipi, ubhatovaṇṭikamālaṁ karontipi kārāpentipi,\nmañjarikaṁ karontipi kārāpentipi, vidhūtikaṁ karontipi kārāpentipi, vaṭaṁsakaṁ karontipi kārāpentipi, āveḷaṁ karontipi kārāpentipi, uracchadaṁ karontipi kārāpentipi.\nTe kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harantipi harāpentipi, ubhatovaṇṭikamālaṁ harantipi harāpentipi, mañjarikaṁ harantipi harāpentipi, vidhūtikaṁ harantipi harāpentipi, vaṭaṁsakaṁ harantipi harāpentipi, āveḷaṁ harantipi harāpentipi, uracchadaṁ harantipi harāpentipi.\nTe kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjanti, ekathālakepi pivanti,\nekāsanepi nisīdanti, ekamañcepi tuvaṭṭenti, ekattharaṇāpi tuvaṭṭenti, ekapāvuraṇāpi tuvaṭṭenti, ekattharaṇapāvuraṇāpi tuvaṭṭenti,\nvikālepi bhuñjanti, majjampi pivanti, mālāgandhavilepanampi dhārenti,\nnaccantipi gāyantipi vādentipi lāsentipi,\nnaccantiyāpi naccanti, naccantiyāpi gāyanti, naccantiyāpi vādenti, naccantiyāpi lāsenti, gāyantiyāpi naccanti, gāyantiyāpi gāyanti, gāyantiyāpi vādenti, gāyantiyāpi lāsenti, vādentiyāpi naccanti, vādentiyāpi gāyanti, vādentiyāpi vādenti, vādentiyāpi lāsenti, lāsentiyāpi naccanti, lāsentiyāpi gāyanti, lāsentiyāpi vādenti, lāsentiyāpi lāsenti;"}},{"id":"pli-tv-bu-vb-ss13:1.2","sourceIds":["pli-tv-bu-vb-ss13:1.2.1","pli-tv-bu-vb-ss13:1.2.2","pli-tv-bu-vb-ss13:1.2.3","pli-tv-bu-vb-ss13:1.2.4","pli-tv-bu-vb-ss13:1.2.5"],"kind":"text","text":{"pi":"aṭṭhapadepi kīḷanti, dasapadepi kīḷanti, ākāsepi kīḷanti, parihārapathepi kīḷanti, santikāyapi kīḷanti, khalikāyapi kīḷanti, ghaṭikāyapi kīḷanti, salākahatthenapi kīḷanti, akkhenapi kīḷanti, paṅgacīrenapi kīḷanti, vaṅkakenapi kīḷanti, mokkhacikāyapi kīḷanti, ciṅgulakenapi kīḷanti, pattāḷhakenapi kīḷanti, rathakenapi kīḷanti, dhanukenapi kīḷanti, akkharikāyapi kīḷanti, manesikāyapi kīḷanti, yathāvajjenapi kīḷanti.\nHatthismimpi sikkhanti, assasmimpi sikkhanti, rathasmimpi sikkhanti, dhanusmimpi sikkhanti, tharusmimpi sikkhanti,\nhatthissapi purato dhāvanti, assassapi purato dhāvanti, rathassapi purato dhāvantipi ādhāvantipi,\nusseḷentipi, apphoṭentipi, nibbujjhantipi, muṭṭhīhipi yujjhanti,\nraṅgamajjhepi saṅghāṭiṁ pattharitvā naccakiṁ evaṁ vadanti—“idha, bhagini, naccassū”ti, nalāṭikampi denti, vividhampi anācāraṁ ācaranti.","en":"They played various games: eight-row checkers, ten-row checkers, imaginary checkers, hopscotch, pick-up-sticks, board games, tipcat, painting with the hand, dice, leaf flutes, toy plows, somersaults, pinwheels, toy measures, toy carriages, toy bows, guessing from syllables, thought guessing, mimicking deformities.\nThey trained in elephant riding, in horsemanship, in carriage riding, in archery, in swordsmanship.\nAnd they ran in front of elephants, horses, and carriages, and they ran backward and forward.\nThey whistled, clapped their hands, wrestled, and boxed.\nThey spread their outer robe on a stage and said to the dancing girls, “Dance here, sister,” and they made gestures of approval. And they misbehaved in a variety of ways."}},{"id":"pli-tv-bu-vb-ss13:1.3","sourceIds":["pli-tv-bu-vb-ss13:1.3.1","pli-tv-bu-vb-ss13:1.3.2","pli-tv-bu-vb-ss13:1.3.3","pli-tv-bu-vb-ss13:1.3.4","pli-tv-bu-vb-ss13:1.3.5","pli-tv-bu-vb-ss13:1.3.6","pli-tv-bu-vb-ss13:1.3.7","pli-tv-bu-vb-ss13:1.3.8"],"kind":"text","text":{"pi":"Tena kho pana samayena aññataro bhikkhu kāsīsu vassaṁvuṭṭho sāvatthiṁ gacchanto bhagavantaṁ dassanāya, yena kīṭāgiri tadavasari.\nAtha kho so bhikkhu pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisi\npāsādikena abhikkantena paṭikkantena ālokitena vilokitena samiñjitena pasāritena okkhittacakkhu iriyāpathasampanno.\nManussā taṁ bhikkhuṁ passitvā evamāhaṁsu—“kvāyaṁ abalabalo viya mandamando viya bhākuṭikabhākuṭiko viya? Ko imassa upagatassa piṇḍakaṁ dassati? Amhākaṁ pana ayyā assajipunabbasukā saṇhā sakhilā sukhasambhāsā mihitapubbaṅgamā ehisvāgatavādino abbhākuṭikā uttānamukhā pubbabhāsino. Tesaṁ kho nāma piṇḍo dātabbo”ti.\nAddasā kho aññataro upāsako taṁ bhikkhuṁ kīṭāgirismiṁ piṇḍāya carantaṁ.\nDisvāna yena so bhikkhu tenupasaṅkami; upasaṅkamitvā taṁ bhikkhuṁ abhivādetvā etadavoca—“api, bhante, piṇḍo labbhatī”ti?\n“Na kho, āvuso, piṇḍo labbhatī”ti.\n“Ehi, bhante, gharaṁ gamissāmā”ti.","en":"Just then a monk who had completed the rainy-season residence in Kāsi was on his way to visit the Buddha at Sāvatthī when he arrived at Kīṭāgiri.\nIn the morning he robed up, took his bowl and robe, and entered Kīṭāgiri to collect almsfood.\nHe was pleasing in his conduct: in going out and coming back, in looking ahead and looking aside, in bending and stretching his arms. His eyes were lowered, and he was perfect in deportment.\nWhen people saw him, they said, “Who’s this, acting like a moron and always frowning? Who’s gonna give almsfood to him? Almsfood should be given to our Venerables Assaji and Punabbasuka, for they’re gentle, congenial, pleasant to speak with, greeting one with a smile, welcoming, friendly, open, the first to speak.”\nA certain lay follower saw that monk walking for alms in Kīṭāgiri.\nHe approached him, bowed, and said, “Venerable, have you received any almsfood?”\n“No, I haven’t.”\n“Come, let’s go to my house.”"}},{"id":"pli-tv-bu-vb-ss13:1.4","sourceIds":["pli-tv-bu-vb-ss13:1.4.1","pli-tv-bu-vb-ss13:1.4.2","pli-tv-bu-vb-ss13:1.4.3","pli-tv-bu-vb-ss13:1.4.4","pli-tv-bu-vb-ss13:1.4.5","pli-tv-bu-vb-ss13:1.4.6","pli-tv-bu-vb-ss13:1.4.7","pli-tv-bu-vb-ss13:1.4.8","pli-tv-bu-vb-ss13:1.4.9","pli-tv-bu-vb-ss13:1.4.10","pli-tv-bu-vb-ss13:1.4.11","pli-tv-bu-vb-ss13:1.4.12"],"kind":"text","text":{"pi":"Atha kho so upāsako taṁ bhikkhuṁ gharaṁ netvā bhojetvā etadavoca—\n“kahaṁ, bhante, ayyo gamissatī”ti?\n“Sāvatthiṁ kho ahaṁ, āvuso, gamissāmi bhagavantaṁ dassanāyā”ti.\n“Tena hi, bhante, mama vacanena bhagavato pāde sirasā vanda, evañca vadehi—\n‘duṭṭho, bhante, kīṭāgirismiṁ āvāso.\nAssajipunabbasukā nāma kīṭāgirismiṁ āvāsikā alajjino pāpabhikkhū.\nTe evarūpaṁ anācāraṁ ācaranti—\nmālāvacchaṁ ropentipi ropāpentipi, siñcantipi siñcāpentipi …pe… vividhampi anācāraṁ ācaranti.\nYepi te, bhante, manussā pubbe saddhā ahesuṁ pasannā tepi etarahi assaddhā appasannā.\nYānipi tāni saṅghassa pubbe dānapathāni tānipi etarahi upacchinnāni.\nRiñcanti pesalā bhikkhū, nivasanti pāpabhikkhū.\nSādhu, bhante, bhagavā kīṭāgiriṁ bhikkhū pahiṇeyya yathāyaṁ kīṭāgirismiṁ āvāso saṇṭhaheyyā’”ti.","en":"He took that monk to his house and gave him a meal.\nHe then said, “Where are you going, venerable?”\n“I’m going to Sāvatthī to see the Buddha.”\n“Well then, would you please pay respect at the Buddha’s feet in my name and say,\n‘Sir, the monastery at Kīṭāgiri has been corrupted.\nThe bad and shameless monks Assaji and Punabbasuka are staying there.\nAnd they’re misbehaving in many ways.\nThey plant flowering trees, water them … And they misbehave in a variety of ways.\nThose who previously had faith and confidence have now lost it,\nand there’s no longer any support for the Sangha.\nThe good monks have left and the bad monks are staying on.\nSir, please send monks to stay at the monastery at Kīṭāgiri.’”"}},{"id":"pli-tv-bu-vb-ss13:1.5","sourceIds":["pli-tv-bu-vb-ss13:1.5.1","pli-tv-bu-vb-ss13:1.5.2","pli-tv-bu-vb-ss13:1.5.3","pli-tv-bu-vb-ss13:1.5.4","pli-tv-bu-vb-ss13:1.5.5","pli-tv-bu-vb-ss13:1.5.6","pli-tv-bu-vb-ss13:1.5.7","pli-tv-bu-vb-ss13:1.5.8","pli-tv-bu-vb-ss13:1.5.9","pli-tv-bu-vb-ss13:1.5.10","pli-tv-bu-vb-ss13:1.5.11","pli-tv-bu-vb-ss13:1.5.12","pli-tv-bu-vb-ss13:1.5.13","pli-tv-bu-vb-ss13:1.5.14","pli-tv-bu-vb-ss13:1.5.15","pli-tv-bu-vb-ss13:1.5.16","pli-tv-bu-vb-ss13:1.5.17","pli-tv-bu-vb-ss13:1.5.18","pli-tv-bu-vb-ss13:1.5.19","pli-tv-bu-vb-ss13:1.5.20","pli-tv-bu-vb-ss13:1.5.21","pli-tv-bu-vb-ss13:1.5.22","pli-tv-bu-vb-ss13:1.5.23","pli-tv-bu-vb-ss13:1.5.24","pli-tv-bu-vb-ss13:1.5.25","pli-tv-bu-vb-ss13:1.5.26","pli-tv-bu-vb-ss13:1.5.27","pli-tv-bu-vb-ss13:1.5.28"],"kind":"text","text":{"pi":"“Evamāvuso”ti kho so bhikkhu tassa upāsakassa paṭissutvā yena sāvatthi tena pakkāmi.\nAnupubbena yena sāvatthi jetavanaṁ anāthapiṇḍikassa ārāmo yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nĀciṇṇaṁ kho panetaṁ buddhānaṁ bhagavantānaṁ āgantukehi bhikkhūhi saddhiṁ paṭisammodituṁ.\nAtha kho bhagavā taṁ bhikkhuṁ etadavoca—\n“kacci, bhikkhu, khamanīyaṁ kacci yāpanīyaṁ,\nkaccisi appakilamathena addhānaṁ āgato,\nkuto ca tvaṁ, bhikkhu, āgacchasī”ti?\n“Khamanīyaṁ, bhagavā, yāpanīyaṁ, bhagavā.\nAppakilamathena cāhaṁ, bhante, addhānaṁ āgato.\nIdhāhaṁ, bhante, kāsīsu vassaṁvuṭṭho sāvatthiṁ āgacchanto bhagavantaṁ dassanāya yena kīṭāgiri tadavasariṁ.\nAtha khvāhaṁ, bhante, pubbaṇhasamayaṁ nivāsetvā pattacīvaramādāya kīṭāgiriṁ piṇḍāya pāvisiṁ.\nAddasā kho maṁ, bhante, aññataro upāsako kīṭāgirismiṁ piṇḍāya carantaṁ.\nDisvāna yenāhaṁ tenupasaṅkami; upasaṅkamitvā maṁ abhivādetvā etadavoca—‘api, bhante, piṇḍo labbhatī’ti?\n‘Na kho, āvuso, piṇḍo labbhatī’ti.\n‘Ehi, bhante, gharaṁ gamissāmā’ti.\nAtha kho, bhante, so upāsako maṁ gharaṁ netvā bhojetvā etadavoca—\n‘kahaṁ, bhante, ayyo gamissatī’ti?\n‘Sāvatthiṁ kho ahaṁ, āvuso, gamissāmi bhagavantaṁ dassanāyā’ti.\nTena hi, bhante, mama vacanena bhagavato pāde sirasā vanda, evañca vadehi—\n‘duṭṭho, bhante, kīṭāgirismiṁ āvāso,\nassajipunabbasukā nāma kīṭāgirismiṁ āvāsikā alajjino pāpabhikkhū.\nTe evarūpaṁ anācāraṁ ācaranti—\nmālāvacchaṁ ropentipi ropāpentipi, siñcantipi siñcāpentipi …pe… vividhampi anācāraṁ ācaranti.\nYepi te, bhante, manussā pubbe saddhā ahesuṁ pasannā tepi etarahi assaddhā appasannā,\nyānipi tāni saṅghassa pubbe dānapathāni tānipi etarahi upacchinnāni,\nriñcanti pesalā bhikkhū nivasanti pāpabhikkhū.\nSādhu, bhante, bhagavā kīṭāgiriṁ bhikkhū pahiṇeyya yathāyaṁ kīṭāgirismiṁ āvāso saṇṭhaheyyā’ti.\nTato ahaṁ, bhagavā, āgacchāmī”ti.","en":"The monk agreed, got up, and set out for Sāvatthī.\nWhen he eventually arrived, he went to the Buddha in Anāthapiṇḍika’s Monastery. He bowed to the Buddha and sat down.\nSince it is the custom for Buddhas to greet newly-arrived monks,\nthe Buddha said to him,\n“I hope you’re keeping well, monk, I hope you’re getting by?\nI hope you’re not tired from traveling?\nAnd where have you come from?”\n“I’m keeping well, sir, I’m getting by.\nI’m not tired from traveling.”\nHe then told the Buddha all that had happened at Kīṭāgiri,\nadding, “That’s where I’ve come from, sir.”"}},{"id":"pli-tv-bu-vb-ss13:1.6","sourceIds":["pli-tv-bu-vb-ss13:1.6.1","pli-tv-bu-vb-ss13:1.6.2","pli-tv-bu-vb-ss13:1.6.3","pli-tv-bu-vb-ss13:1.6.4","pli-tv-bu-vb-ss13:1.6.5","pli-tv-bu-vb-ss13:1.6.6","pli-tv-bu-vb-ss13:1.6.7","pli-tv-bu-vb-ss13:1.6.8","pli-tv-bu-vb-ss13:1.6.9","pli-tv-bu-vb-ss13:1.6.10","pli-tv-bu-vb-ss13:1.6.11","pli-tv-bu-vb-ss13:1.6.12","pli-tv-bu-vb-ss13:1.6.13","pli-tv-bu-vb-ss13:1.6.14","pli-tv-bu-vb-ss13:1.6.15","pli-tv-bu-vb-ss13:1.6.16","pli-tv-bu-vb-ss13:1.6.17","pli-tv-bu-vb-ss13:1.6.18","pli-tv-bu-vb-ss13:1.6.19","pli-tv-bu-vb-ss13:1.6.20","pli-tv-bu-vb-ss13:1.6.21","pli-tv-bu-vb-ss13:1.6.22","pli-tv-bu-vb-ss13:1.6.23","pli-tv-bu-vb-ss13:1.6.24","pli-tv-bu-vb-ss13:1.6.25","pli-tv-bu-vb-ss13:1.6.26","pli-tv-bu-vb-ss13:1.6.27","pli-tv-bu-vb-ss13:1.6.28"],"kind":"text","text":{"pi":"Atha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā bhikkhū paṭipucchi—\n“saccaṁ kira, bhikkhave, assajipunabbasukā nāma kīṭāgirismiṁ āvāsikā alajjino pāpabhikkhū te evarūpaṁ anācāraṁ ācaranti—\nmālāvacchaṁ ropentipi ropāpentipi, siñcantipi siñcāpentipi …pe… vividhampi anācāraṁ ācaranti,\nyepi te, bhikkhave, manussā pubbe saddhā ahesuṁ pasannā tepi etarahi assaddhā appasannā;\nyānipi tāni saṅghassa pubbe dānapathāni tānipi etarahi upacchinnāni;\nriñcanti pesalā bhikkhū nivasanti pāpabhikkhū”ti?\n“Saccaṁ, bhagavā”ti.\nVigarahi buddho bhagavā …pe…\nkathañhi nāma te, bhikkhave, moghapurisā evarūpaṁ anācāraṁ ācarissanti—\nmālāvacchaṁ ropessantipi ropāpessantipi, sañcissantipi siñcāpessantipi, ocinissantipi ocināpessantipi, ganthissantipi ganthāpessantipi,\nekatovaṇṭikamālaṁ karissantipi kārāpessantipi, ubhatovaṇṭikamālaṁ karissantipi kārāpessantipi,\nmañjarikaṁ karissantipi kārāpessantipi, vidhūtikaṁ karissantipi kārāpessantipi, vaṭaṁsakaṁ karissantipi kārāpessantipi, āveḷaṁ karissantipi kārāpessantipi, uracchadaṁ karissantipi kārāpessantipi.\nTe kulitthīnaṁ kuladhītānaṁ kulakumārīnaṁ kulasuṇhānaṁ kuladāsīnaṁ ekatovaṇṭikamālaṁ harissantipi hārāpessantipi, ubhatovaṇṭikamālaṁ harissantipi hārāpessantipi, mañjarikaṁ harissantipi hārāpessantipi, vidhūtikaṁ harissantipi hārāpessantipi, vaṭaṁsakaṁ harissantipi hārāpessantipi, āveḷaṁ harissantipi hārāpessantipi, uracchadaṁ harissantipi hārāpessantipi.\nTe kulitthīhi kuladhītāhi kulakumārīhi kulasuṇhāhi kuladāsīhi saddhiṁ ekabhājanepi bhuñjissanti, ekathālakepi pivissanti, ekāsanepi nisīdissanti, ekamañcepi tuvaṭṭissanti, ekattharaṇāpi tuvaṭṭissanti, ekapāvuraṇāpi tuvaṭṭissanti, ekattharaṇapāvuraṇāpi tuvaṭṭissanti,\nvikālepi bhuñjissanti, majjampi pivissanti, mālāgandhavilepanampi dhārissanti\nnaccissantipi gāyissantipi vādessantipi lāsessantipi,\nnaccantiyāpi naccissanti naccantiyāpi gāyissanti naccantiyāpi vādessanti naccantiyāpi lāsessanti, gāyantiyāpi naccissanti gāyantiyāpi gāyissanti gāyantiyāpi vādessanti gāyantiyāpi lāsessanti, vādentiyāpi naccissanti vādentiyāpi gāyissanti vādentiyāpi vādessanti vādentiyāpi lāsessanti, lāsentiyāpi naccissanti lāsentiyāpi gāyissanti lāsentiyāpi vādessanti lāsentiyāpi lāsessanti\naṭṭhapadepi kīḷissanti dasapadepi kīḷissanti, ākāsepi kīḷissanti, parihārapathepi kīḷissanti, santikāyapi kīḷissanti, khalikāyapi kīḷissanti, ghaṭikāyapi kīḷissanti, salākahatthenapi kīḷissanti, akkhenapi kīḷissanti, paṅgacīrenapi kīḷissanti, vaṅkakenapi kīḷissanti, mokkhacikāyapi kīḷissanti, ciṅgulakenapi kīḷissanti, pattāḷhakenapi kīḷissanti, rathakenapi kīḷissanti, dhanukenapi kīḷissanti, akkharikāyapi kīḷissanti, manesikāyapi kīḷissanti, yathāvajjenapi kīḷissanti,\nhatthismimpi sikkhissanti, assasmimpi sikkhissanti, rathasmimpi sikkhissanti, dhanusmimpi sikkhissanti, tharusmimpi sikkhissanti,\nhatthissapi purato dhāvissanti, assassapi purato dhāvissanti, rathassapi purato dhāvissantipi ādhāvissantipi\nusseḷessantipi, apphoṭessantipi, nibbujjhissantipi, muṭṭhīhipi yujjhissanti,\nraṅgamajjhepi saṅghāṭiṁ pattharitvā naccakiṁ evaṁ vakkhanti “idha, bhagini, naccassū”ti nalāṭikampi dassanti, vividhampi anācāraṁ ācarissanti.\nNetaṁ, bhikkhave, appasannānaṁ vā pasādāya …pe…\nvigarahitvā dhammiṁ kathaṁ katvā sāriputtamoggallāne āmantesi—\n“gacchatha tumhe, sāriputtā, kīṭāgiriṁ gantvā assajipunabbasukānaṁ bhikkhūnaṁ kīṭāgirismā pabbājanīyakammaṁ karotha. Tumhākaṁ ete saddhivihārikā”ti.\n“Kathaṁ mayaṁ, bhante, assajipunabbasukānaṁ bhikkhūnaṁ kīṭāgirismā pabbājanīyakammaṁ karoma? Caṇḍā te bhikkhū pharusā”ti.\n“Tena hi tumhe, sāriputtā, bahukehi bhikkhūhi saddhiṁ gacchathā”ti.\n“Evaṁ, bhante”ti kho sāriputtamoggallānā bhagavato paccassosuṁ.","en":"Soon afterwards the Buddha had the Sangha gathered and questioned the monks:\n“Is it true, monks, that the bad and shameless monks Assaji and Punabbasuka are staying at Kīṭāgiri and misbehaving in this way?\nAnd is it true that those people who previously had faith and confidence have now lost it,\nthat there’s no longer any support for the Sangha,\nand that the good monks have left and the bad monks are staying on?”\n“It’s true, sir.”\nThe Buddha rebuked them …\n“Monks, how can those foolish men misbehave in this way?\nThis will affect people’s confidence …”\nHe then gave a teaching and addressed Sāriputta and Moggallāna:\n“Go to Kīṭāgiri and do a legal procedure of banishment from Kīṭāgiri against the monks Assaji and Punabbasuka. They’re your students.”\n“Sir, how can we do a procedure of banishment against these monks? They’re temperamental and harsh.”\n“Well then, take many monks.”\n“Yes, sir.”"}},{"id":"pli-tv-bu-vb-ss13:1.7","sourceIds":["pli-tv-bu-vb-ss13:1.7.1","pli-tv-bu-vb-ss13:1.7.2","pli-tv-bu-vb-ss13:1.7.3","pli-tv-bu-vb-ss13:1.7.4","pli-tv-bu-vb-ss13:1.7.5","pli-tv-bu-vb-ss13:1.7.6","pli-tv-bu-vb-ss13:1.7.7","pli-tv-bu-vb-ss13:1.7.8","pli-tv-bu-vb-ss13:1.7.9","pli-tv-bu-vb-ss13:1.7.10","pli-tv-bu-vb-ss13:1.7.11","pli-tv-bu-vb-ss13:1.7.12","pli-tv-bu-vb-ss13:1.7.13","pli-tv-bu-vb-ss13:1.7.14","pli-tv-bu-vb-ss13:1.7.15","pli-tv-bu-vb-ss13:1.7.16","pli-tv-bu-vb-ss13:1.7.17"],"kind":"text","text":{"pi":"“Evañca pana, bhikkhave, kātabbaṁ.\nPaṭhamaṁ assajipunabbasukā bhikkhū codetabbā.\nCodetvā sāretabbā. Sāretvā āpattiṁ ropetabbā.\nĀpattiṁ ropetvā byattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nIme assajipunabbasukā bhikkhū kuladūsakā pāpasamācārā. Imesaṁ pāpakā samācārā dissanti ceva suyyanti ca. Kulāni ca imehi duṭṭhāni dissanti ceva suyyanti ca.\nYadi saṅghassa pattakallaṁ, saṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ kareyya—“na assajipunabbasukehi bhikkhūhi kīṭāgirismiṁ vatthabban”ti.\nEsā ñatti.\nSuṇātu me, bhante, saṅgho.\nIme assajipunabbasukā bhikkhū kuladūsakā pāpasamācārā. Imesaṁ pāpakā samācārā dissanti ceva suyyanti ca. Kulāni ca imehi duṭṭhāni dissanti ceva suyyanti ca.\nSaṅgho assajipunabbasukānaṁ bhikkhūnaṁ kīṭāgirismā pabbājanīyakammaṁ karoti—“na assajipunabbasukehi bhikkhūhi kīṭāgirismiṁ vatthabban”ti.\nYassāyasmato khamati assajipunabbasukānaṁ bhikkhūnaṁ kīṭāgirismā pabbājanīyakammassa karaṇaṁ—“na assajipunabbasukehi bhikkhūhi kīṭāgirismiṁ vatthabban”ti, so tuṇhassa;\nyassa nakkhamati, so bhāseyya.\nDutiyampi etamatthaṁ vadāmi …pe…\ntatiyampi etamatthaṁ vadāmi—suṇātu me, bhante, saṅgho …pe… so bhāseyya.\nKataṁ saṅghena assajipunabbasukānaṁ bhikkhūnaṁ kīṭāgirismā pabbājanīyakammaṁ—“na assajipunabbasukehi bhikkhūhi kīṭāgirismiṁ vatthabban”ti.\nKhamati saṅghassa, tasmā tuṇhī, evametaṁ dhārayāmī’”ti.","en":"“And, monks, this is how it should be done.\nFirst you should accuse the monks Assaji and Punabbasuka.\nThey should then be reminded of what they’ve done, before they’re charged with an offense.\nA competent and capable monk should then inform the Sangha:\n‘Please, venerables, I ask the Sangha to listen.\nThese monks, Assaji and Punabbasuka, are corrupters of families and badly behaved. Their bad behavior has been seen and heard about, and the families corrupted by them have been seen and heard about.\nIf the Sangha is ready, it should do a legal procedure of banishment from Kīṭāgiri against the monks Assaji and Punabbasuka, prohibiting them from staying at Kīṭāgiri.\nThis is the motion.\nPlease, venerables, I ask the Sangha to listen.\nThese monks, Assaji and Punabbasuka, are corrupters of families and badly behaved. Their bad behavior has been seen and heard about, and the families corrupted by them have been seen and heard about.\nThe Sangha does a legal procedure of banishment from Kīṭāgiri against the monks Assaji and Punabbasuka, prohibiting them from staying at Kīṭāgiri.\nAny monk who approves of doing a legal procedure of banishment from Kīṭāgiri against the monks Assaji and Punabbasuka, prohibiting them from staying at Kīṭāgiri,  should remain silent.\nAny monk who doesn’t approve should speak up.\nFor the second time, I speak on this matter. …\nFor the third time, I speak on this matter. Please, venerables, I ask the Sangha to listen. … should speak up.\nThe Sangha has done a legal procedure of banishment from Kīṭāgiri against the monks Assaji and Punabbasuka, prohibiting them from staying at Kīṭāgiri.\nThe Sangha approves and is therefore silent. I will remember it thus.’”"}},{"id":"pli-tv-bu-vb-ss13:1.8","sourceIds":["pli-tv-bu-vb-ss13:1.8.1","pli-tv-bu-vb-ss13:1.8.2","pli-tv-bu-vb-ss13:1.8.3","pli-tv-bu-vb-ss13:1.8.4","pli-tv-bu-vb-ss13:1.8.5","pli-tv-bu-vb-ss13:1.8.6","pli-tv-bu-vb-ss13:1.8.7","pli-tv-bu-vb-ss13:1.8.8","pli-tv-bu-vb-ss13:1.8.9"],"kind":"text","text":{"pi":"Atha kho sāriputtamoggallānappamukho bhikkhusaṅgho kīṭāgiriṁ gantvā assajipunabbasukānaṁ bhikkhūnaṁ kīṭāgirismā pabbājanīyakammaṁ akāsi—“na assajipunabbasukehi bhikkhūhi kīṭāgirismiṁ vatthabban”ti.\nTe saṅghena pabbājanīyakammakatā na sammā vattanti, na lomaṁ pātenti, na netthāraṁ vattanti, na bhikkhū khamāpenti, akkosanti paribhāsanti chandagāmitā dosagāmitā mohagāmitā bhayagāmitā pāpenti, pakkamantipi, vibbhamantipi.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma assajipunabbasukā bhikkhū saṅghena pabbājanīyakammakatā na sammā vattissanti, na lomaṁ pātessanti, na netthāraṁ vattissanti, na bhikkhū khamāpessanti, akkosissanti paribhāsissanti, chandagāmitā dosagāmitā mohagāmitā bhayagāmitā pāpessanti pakkamissantipi vibbhamissantipī”ti.\nAtha kho te bhikkhū assajipunabbasuke bhikkhū anekapariyāyena vigarahitvā bhagavato etamatthaṁ ārocesuṁ …pe…\n“saccaṁ kira, bhikkhave, assajipunabbasukā bhikkhū saṅghena pabbājanīyakammakatā na sammā vattanti …pe… vibbhamantipī”ti?\n“Saccaṁ, bhagavā”ti.\nVigarahi buddho bhagavā …pe…\nevañca pana, bhikkhave, imaṁ sikkhāpadaṁ uddiseyyātha—","en":"Soon afterwards a sangha of monks, headed by Sāriputta and Moggallāna, went to Kīṭāgiri and did the procedure of banishment against Assaji and Punabbasuka, prohibiting them from staying at Kīṭāgiri.\nEven so, they did not conduct themselves properly or suitably so as to deserve to be released, nor did they ask the monks for forgiveness. Instead they abused and reviled them, and they slandered them as acting from favoritism, ill will, confusion, and fear. And they left and they disrobed.\nThe monks of few desires complained and criticized them,\n“How can these monks act like this when the Sangha has done a legal procedure of banishment against them?”\nThey rebuked the monks Assaji and Punabbasuka in many ways and then told the Buddha. Soon afterwards he had the Sangha gathered and questioned the monks:\n“Is it true, monks, that the monks Assaji and Punabbasuka acted like this?”\n“It’s true, sir.”\nThe Buddha rebuked them …\n“And, monks, this training rule should be recited like this:"}},{"id":"pli-tv-bu-vb-ss13:1.8.10","sourceIds":["pli-tv-bu-vb-ss13:1.8.10.0","pli-tv-bu-vb-ss13:1.8.10.1"],"kind":"text","text":{"en":"Final ruling\n‘If a monk who lives supported by a village or town is a corrupter of families and badly behaved, and his bad behavior has been seen and heard about, and the families corrupted by him have been seen and heard about,","pi":"“Bhikkhu paneva aññataraṁ gāmaṁ vā nigamaṁ vā upanissāya viharati kuladūsako pāpasamācāro. Tassa kho pāpakā samācārā dissanti ceva suyyanti ca, kulāni ca tena duṭṭhāni dissanti ceva suyyanti ca."}},{"id":"pli-tv-bu-vb-ss13:1.8-from-pli-tv-bu-vb-ss13-1.8.11","sourceIds":["pli-tv-bu-vb-ss13:1.8.11","pli-tv-bu-vb-ss13:1.8.12","pli-tv-bu-vb-ss13:1.8.13","pli-tv-bu-vb-ss13:1.8.14","pli-tv-bu-vb-ss13:1.8.15","pli-tv-bu-vb-ss13:1.8.16","pli-tv-bu-vb-ss13:1.8.17","pli-tv-bu-vb-ss13:1.8.18","pli-tv-bu-vb-ss13:1.8.19","pli-tv-bu-vb-ss13:1.8.20"],"kind":"text","text":{"pi":"So bhikkhu bhikkhūhi evamassa vacanīyo—\n‘āyasmā kho kuladūsako pāpasamācāro, āyasmato kho pāpakā samācārā dissanti ceva suyyanti ca, kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā’ti.\nEvañca so bhikkhu bhikkhūhi vuccamāno te bhikkhū evaṁ vadeyya—\n‘chandagāmino ca bhikkhū dosagāmino ca bhikkhū mohagāmino ca bhikkhū bhayagāmino ca bhikkhū tādisikāya āpattiyā ekaccaṁ pabbājenti ekaccaṁ na pabbājentī’ti,\nso bhikkhu bhikkhūhi evamassa vacanīyo—\n‘māyasmā evaṁ avaca. Na ca bhikkhū chandagāmino. Na ca bhikkhū dosagāmino. Na ca bhikkhū mohagāmino. Na ca bhikkhū bhayagāmino.\nĀyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā’ti.\nEvañca so bhikkhu bhikkhūhi vuccamāno tatheva paggaṇheyya, so bhikkhu bhikkhūhi yāvatatiyaṁ samanubhāsitabbo tassa paṭinissaggāya.\nYāvatatiyañce samanubhāsiyamāno taṁ paṭinissajjeyya, iccetaṁ kusalaṁ;\nno ce paṭinissajjeyya, saṅghādiseso”ti.","en":"then the monks should correct him like this:\n“Venerable, you’re a corrupter of families and badly behaved. Your bad behavior has been seen and heard about, and the families corrupted by you have been seen and heard about. Leave this monastery; you’ve stayed here long enough.”\nIf he replies,\n“You’re acting out of favoritism, ill will, confusion, and fear. Because of this sort of offense, you only banish some, but not others,”\nthen the monks should correct him like this:\n“No, venerable, the monks are not acting out of favoritism, ill will, confusion, and fear.\nVenerable, you’re a corrupter of families and badly behaved. Your bad behavior has been seen and heard about, and the families corrupted by you have been seen and heard about. Leave this monastery; you’ve stayed here long enough.”\nIf that monk continues as before, the monks should press him up to three times to make him stop.\nIf he then stops, all is well.\nIf he does not stop, he commits an offense entailing suspension.’”"}},{"id":"pli-tv-bu-vb-ss13:2","sourceIds":["pli-tv-bu-vb-ss13:2.0","pli-tv-bu-vb-ss13:2.1","pli-tv-bu-vb-ss13:2.2","pli-tv-bu-vb-ss13:2.3","pli-tv-bu-vb-ss13:2.4","pli-tv-bu-vb-ss13:2.5","pli-tv-bu-vb-ss13:2.6","pli-tv-bu-vb-ss13:2.7","pli-tv-bu-vb-ss13:2.8","pli-tv-bu-vb-ss13:2.9","pli-tv-bu-vb-ss13:2.10","pli-tv-bu-vb-ss13:2.11","pli-tv-bu-vb-ss13:2.12","pli-tv-bu-vb-ss13:2.13","pli-tv-bu-vb-ss13:2.14","pli-tv-bu-vb-ss13:2.15","pli-tv-bu-vb-ss13:2.16","pli-tv-bu-vb-ss13:2.17","pli-tv-bu-vb-ss13:2.18","pli-tv-bu-vb-ss13:2.19","pli-tv-bu-vb-ss13:2.20","pli-tv-bu-vb-ss13:2.21","pli-tv-bu-vb-ss13:2.22","pli-tv-bu-vb-ss13:2.23","pli-tv-bu-vb-ss13:2.24","pli-tv-bu-vb-ss13:2.25","pli-tv-bu-vb-ss13:2.26","pli-tv-bu-vb-ss13:2.27","pli-tv-bu-vb-ss13:2.28","pli-tv-bu-vb-ss13:2.29","pli-tv-bu-vb-ss13:2.30","pli-tv-bu-vb-ss13:2.31","pli-tv-bu-vb-ss13:2.32","pli-tv-bu-vb-ss13:2.33","pli-tv-bu-vb-ss13:2.34","pli-tv-bu-vb-ss13:2.35","pli-tv-bu-vb-ss13:2.36","pli-tv-bu-vb-ss13:2.37","pli-tv-bu-vb-ss13:2.38","pli-tv-bu-vb-ss13:2.39","pli-tv-bu-vb-ss13:2.40","pli-tv-bu-vb-ss13:2.41","pli-tv-bu-vb-ss13:2.42","pli-tv-bu-vb-ss13:2.43","pli-tv-bu-vb-ss13:2.44","pli-tv-bu-vb-ss13:2.45","pli-tv-bu-vb-ss13:2.46","pli-tv-bu-vb-ss13:2.47","pli-tv-bu-vb-ss13:2.48","pli-tv-bu-vb-ss13:2.49","pli-tv-bu-vb-ss13:2.50","pli-tv-bu-vb-ss13:2.51","pli-tv-bu-vb-ss13:2.52","pli-tv-bu-vb-ss13:2.53","pli-tv-bu-vb-ss13:2.54","pli-tv-bu-vb-ss13:2.55","pli-tv-bu-vb-ss13:2.56","pli-tv-bu-vb-ss13:2.57","pli-tv-bu-vb-ss13:2.58","pli-tv-bu-vb-ss13:2.59","pli-tv-bu-vb-ss13:2.60","pli-tv-bu-vb-ss13:2.61","pli-tv-bu-vb-ss13:2.62","pli-tv-bu-vb-ss13:2.63","pli-tv-bu-vb-ss13:2.64"],"kind":"text","text":{"en":"Definitions\nA monk … a village or town:\na village and a town and a city are included in just a village and a town.\nLives supported by:\nrobe-cloth, almsfood, dwellings, and medicinal supplies can be obtained in that place.\nA family:\nthere are four kinds of families: the aristocratic family, the brahmin family, the merchant family, the worker family.\nA corrupter of families:\nhe corrupts families by means of flowers, fruit, bath powder, soap, tooth cleaners, bamboo, medical treatment, or by taking messages on foot.\nBadly behaved:\nhe plants flowering trees and has it done; he waters them and has it done; he plucks them and has it done; he ties the flowers together and has it done.\nHas been seen and heard about:\nthose who are present see it; those who are absent hear about it.\nThe families corrupted by him:\nthey have lost their faith because of him; they have lost their confidence because of him.\nHave been seen and heard about:\nthose who are present see it; those who are absent hear about it.\nHim:\nthat monk who is a corrupter of families.\nThe monks:\nother monks who see it or hear about it. They should correct him like this:\n“Venerable, you’re a corrupter of families and badly behaved. Your bad behavior has been seen and heard about, and the families corrupted by you have been seen and heard about. Leave this monastery; you’ve stayed here long enough.”\nIf he replies, “You’re acting out of favoritism, ill will, confusion, and fear. Because of this sort of offense, you only banish some, but not others.”\nHim:\nthat monk who is having a legal procedure done against him.\nThe monks:\nother monks who see it or hear about it. They should correct him like this:\n“No, venerable, the monks are not acting out of favoritism, ill will, confusion, and fear.\nVenerable, you’re a corrupter of families and badly behaved. Your bad behavior has been seen and heard about, and the families corrupted by you have been seen and heard about. Leave this monastery; you’ve stayed here long enough.”\nAnd they should correct him a second\nand a third time.\nIf he stops, all is well.\nIf he does not stop, he commits an offense of wrong conduct.\nIf those who hear about it do not say anything, they commit an offense of wrong conduct.\nThat monk, even if he has to be pulled into the Sangha, should be corrected like this:\n“No, venerable, the monks are not acting out of favoritism, ill will, confusion, and fear.\nVenerable, you’re a corrupter of families and badly behaved. Your bad behavior has been seen and heard about, and the families corrupted by you have been seen and heard about. Leave this monastery; you’ve stayed here long enough.”\nThey should correct him a second\nand a third time.\nIf he stops, all is well.\nIf he does not stop, he commits an offense of wrong conduct.\nShould press him:\n“And, monks, he should be pressed like this.\nA competent and capable monk should inform the Sangha:\n‘Please, venerables, I ask the Sangha to listen.\nThe monk so-and-so, who has had a legal procedure of banishment done against him, is slandering the monks as acting out of favoritism, ill will, confusion, and fear.\nAnd he keeps on doing it.\nIf the Sangha is ready, it should press monk so-and-so to make him stop.\nThis is the motion.\nPlease, venerables, I ask the Sangha to listen.\nThe monk so-and-so, who has had a legal procedure of banishment done against him, is slandering the monks as acting out of favoritism, ill will, confusion, and fear.\nAnd he keeps on doing it.\nThe Sangha presses monk so-and-so to make him stop.\nAny monk who approves of pressing monk so-and-so to make him stop should remain silent. Any monk who doesn’t approve should speak up.\nFor the second time, I speak on this matter. …\nFor the third time, I speak on this matter. …\nThe Sangha has pressed monk so-and-so to make him stop.\nThe Sangha approves and is therefore silent. I will remember it thus.’”\nAfter the motion, he commits an offense of wrong conduct.\nAfter each of the first two announcements, he commits a serious offense.\nWhen the last announcement is finished, he commits an offense entailing suspension.\nFor one who commits the offense entailing suspension, the offense of wrong conduct and the serious offenses are annulled.\nHe commits an offense entailing suspension:\nonly the Sangha gives probation for that offense, sends back to the beginning, gives the trial period, and rehabilitates—not several monks, not an individual. Therefore it is called an offense entailing suspension.\nThis is the name and designation of this class of offense. Therefore, too, it is called an offense entailing suspension.","pi":"Bhikkhu paneva aññataraṁ gāmaṁ vā nigamaṁ vāti\ngāmopi nigamopi nagarampi gāmo ceva nigamo ca.\nUpanissāya viharatīti\ntattha paṭibaddhā honti cīvarapiṇḍapātasenāsanagilānappaccayabhesajjaparikkhārā.\nKulaṁ nāma\ncattāri kulāni—khattiyakulaṁ, brāhmaṇakulaṁ, vessakulaṁ, suddakulaṁ.\nKuladūsakoti\nkulāni dūseti pupphena vā phalena vā cuṇṇena vā mattikāya vā dantakaṭṭhena vā veḷuyā vejjikāya vā jaṅghapesanikena vā.\nPāpasamācāroti\nmālāvacchaṁ ropetipi ropāpetipi, siñcatipi siñcāpetipi, ocinātipi ocināpetipi, ganthetipi ganthāpetipi.\nDissanti ceva suyyanti cāti\nye saṁmukhā te passanti, ye tirokkhā te suṇanti.\nKulāni ca tena duṭṭhānīti\npubbe saddhā hutvā taṁ āgamma assaddhā honti, pasannā hutvā appasannā honti.\nDissanti ceva suyyanti cāti\nye saṁmukhā te passanti, ye tirokkhā te suṇanti.\nSo bhikkhūti\nyo so kuladūsako bhikkhu.\nBhikkhūhīti\naññehi bhikkhūhi. Ye passanti ye suṇanti. Tehi vattabbo—\n“āyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā”ti.\nEvañca so bhikkhu bhikkhūhi vuccamāno te bhikkhū evaṁ vadeyya—“chandagāmino ca bhikkhū, dosagāmino ca bhikkhū, mohagāmino ca bhikkhū, bhayagāmino ca bhikkhū. Tādisikāya āpattiyā ekaccaṁ pabbājenti ekaccaṁ na pabbājentī”ti.\nSo bhikkhūti\nyo so kammakato bhikkhu.\nBhikkhūhīti\naññehi bhikkhūhi. Ye passanti ye suṇanti. Tehi vattabbo—\n“māyasmā evaṁ avaca. Na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino.\nĀyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ.\nNo ce paṭinissajjati, āpatti dukkaṭassa.\nSutvā na vadanti, āpatti dukkaṭassa.\nSo bhikkhu saṅghamajjhampi ākaḍḍhitvā vattabbo—\n“māyasmā evaṁ avaca. Na ca bhikkhū chandagāmino, na ca bhikkhū dosagāmino, na ca bhikkhū mohagāmino, na ca bhikkhū bhayagāmino.\nĀyasmā kho kuladūsako pāpasamācāro. Āyasmato kho pāpakā samācārā dissanti ceva suyyanti ca. Kulāni cāyasmatā duṭṭhāni dissanti ceva suyyanti ca. Pakkamatāyasmā imamhā āvāsā. Alaṁ te idha vāsenā”ti.\nDutiyampi vattabbo.\nTatiyampi vattabbo.\nSace paṭinissajjati, iccetaṁ kusalaṁ.\nNo ce paṭinissajjati, āpatti dukkaṭassa.\nSo bhikkhu samanubhāsitabbo.\n“Evañca pana, bhikkhave, samanubhāsitabbo.\nByattena bhikkhunā paṭibalena saṅgho ñāpetabbo—\n‘Suṇātu me, bhante, saṅgho.\nAyaṁ itthannāmo bhikkhu saṅghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti.\nSo taṁ vatthuṁ na paṭinissajjati.\nYadi saṅghassa pattakallaṁ, saṅgho itthannāmaṁ bhikkhuṁ samanubhāseyya tassa vatthussa paṭinissaggāya.\nEsā ñatti.\nSuṇātu me, bhante, saṅgho.\nAyaṁ itthannāmo bhikkhu saṅghena pabbājanīyakammakato bhikkhū chandagāmitā dosagāmitā mohagāmitā bhayagāmitā pāpeti.\nSo taṁ vatthuṁ na paṭinissajjati.\nSaṅgho itthannāmaṁ bhikkhuṁ samanubhāsati tassa vatthussa paṭinissaggāya.\nYassāyasmato khamati itthannāmassa bhikkhuno samanubhāsanā tassa vatthussa paṭinissaggāya, so tuṇhassa; yassa nakkhamati, so bhāseyya.\nDutiyampi etamatthaṁ vadāmi …pe…\ntatiyampi etamatthaṁ vadāmi …pe….\nSamanubhaṭṭho saṅghena itthannāmo bhikkhu tassa vatthussa paṭinissaggāya.\nKhamati saṅghassa, tasmā tuṇhī, evametaṁ dhārayāmī’”ti.\nÑattiyā dukkaṭaṁ,\ndvīhi kammavācāhi thullaccayā,\nkammavācāpariyosāne āpatti saṅghādisesassa.\nSaṅghādisesaṁ ajjhāpajjantassa ñattiyā dukkaṭaṁ, dvīhi kammavācāhi thullaccayā paṭippassambhanti.\nSaṅghādisesoti\nsaṅghova tassā āpattiyā parivāsaṁ deti, mūlāya paṭikassati, mānattaṁ deti, abbheti; na sambahulā, na ekapuggalo. Tena vuccati—“saṅghādiseso”ti,\ntasseva āpattinikāyassa nāmakammaṁ adhivacanaṁ. Tenapi vuccati “saṅghādiseso”ti."}},{"id":"pli-tv-bu-vb-ss13:3.1","sourceIds":["pli-tv-bu-vb-ss13:3.1.0","pli-tv-bu-vb-ss13:3.1.1","pli-tv-bu-vb-ss13:3.1.2","pli-tv-bu-vb-ss13:3.1.3","pli-tv-bu-vb-ss13:3.1.4","pli-tv-bu-vb-ss13:3.1.5","pli-tv-bu-vb-ss13:3.1.6"],"kind":"text","text":{"en":"Permutations\nIf it is a legitimate legal procedure, and he perceives it as such, and he does not stop, he commits an offense entailing suspension.\nIf it is a legitimate legal procedure, but he is unsure of it, and he does not stop, he commits an offense entailing suspension.\nIf it is a legitimate legal procedure, but he perceives it as illegitimate, and he does not stop, he commits an offense entailing suspension.\nIf it is an illegitimate legal procedure, but he perceives it as legitimate, he commits an offense of wrong conduct.\nIf it is an illegitimate legal procedure, but he is unsure of it, he commits an offense of wrong conduct.\nIf it is an illegitimate legal procedure, and he perceives it as such, he commits an offense of wrong conduct.","pi":"Dhammakamme dhammakammasaññī na paṭinissajjati, āpatti saṅghādisesassa.\nDhammakamme vematiko na paṭinissajjati, āpatti saṅghādisesassa.\nDhammakamme adhammakammasaññī na paṭinissajjati, āpatti saṅghādisesassa.\nAdhammakamme dhammakammasaññī, āpatti dukkaṭassa.\nAdhammakamme vematiko, āpatti dukkaṭassa.\nAdhammakamme adhammakammasaññī, āpatti dukkaṭassa."}},{"id":"pli-tv-bu-vb-ss13:3.2","sourceIds":["pli-tv-bu-vb-ss13:3.2.0","pli-tv-bu-vb-ss13:3.2.1","pli-tv-bu-vb-ss13:3.2.2","pli-tv-bu-vb-ss13:3.2.3","pli-tv-bu-vb-ss13:3.2.4","pli-tv-bu-vb-ss13:3.2.5","pli-tv-bu-vb-ss13:3.2.6","pli-tv-bu-vb-ss13:3.2.7","pli-tv-bu-vb-ss13:3.2.8","pli-tv-bu-vb-ss13:3.2.9","pli-tv-bu-vb-ss13:3.2.10","pli-tv-bu-vb-ss13:3.2.11","pli-tv-bu-vb-ss13:3.2.12","pli-tv-bu-vb-ss13:3.2.13","pli-tv-bu-vb-ss13:3.2.14","pli-tv-bu-vb-ss13:3.2.15","pli-tv-bu-vb-ss13:3.2.16","pli-tv-bu-vb-ss13:3.2.17","pli-tv-bu-vb-ss13:3.2.18","pli-tv-bu-vb-ss13:3.2.19","pli-tv-bu-vb-ss13:3.2.20","pli-tv-bu-vb-ss13:3.2.21","pli-tv-bu-vb-ss13:3.2.22","pli-tv-bu-vb-ss13:3.2.23","pli-tv-bu-vb-ss13:3.2.24","pli-tv-bu-vb-ss13:3.2.25","pli-tv-bu-vb-ss13:3.2.26"],"kind":"text","text":{"en":"Non-offenses\nThere is no offense:\nif he has not been pressed;\nif he stops;\nif he is insane;\nif he is the first offender.\nThe training rule on being a corrupter of families, the thirteenth, is finished.\n“Venerables, the thirteen rules on suspension have been recited, nine being immediate offenses, four after the third announcement.\nIf a monk commits any one of them, he is to undergo probation for the same number of days as he knowingly concealed that offense.\nWhen this is completed, he must undertake the trial period for a further six days.\nWhen this is completed, he is to be rehabilitated wherever there is a sangha of at least twenty monks.\nIf that monk is rehabilitated by a sangha of even one less than twenty, that monk is not rehabilitated and those monks are blameworthy. This is the proper procedure.\nIn regard to this I ask you, ‘Are you pure in this?’\nA second time I ask, ‘Are you pure in this?’\nA third time I ask, ‘Are you pure in this?’\nYou are pure in this and therefore silent. I will remember it thus.”\nThe group of thirteen is finished.\nThis is the summary:\n“Emission, physical contact,\nIndecent, and his own needs;\nMatchmaking, and a hut,\nAnd a dwelling, groundless.\nA pretext, and schism,\nThose who side with him;\nDifficult to correct, and corrupter of families—\nThe thirteen offenses entailing suspension.”\nThe chapter on offenses entailing suspension is finished.","pi":"Anāpatti—\nasamanubhāsantassa,\npaṭinissajjantassa,\nummattakassa,\nādikammikassāti.\nKuladūsakasikkhāpadaṁ niṭṭhitaṁ terasamaṁ.\n“Uddiṭṭhā kho, āyasmanto, terasa saṅghādisesā dhammā, nava paṭhamāpattikā, cattāro yāvatatiyakā.\nYesaṁ bhikkhu aññataraṁ vā aññataraṁ vā āpajjitvā yāvatīhaṁ jānaṁ paṭicchādeti tāvatīhaṁ tena bhikkhunā akāmā parivattabbaṁ.\nParivutthaparivāsena bhikkhunā uttari chārattaṁ bhikkhumānattāya paṭipajjitabbaṁ.\nCiṇṇamānatto bhikkhu yattha siyā vīsatigaṇo bhikkhusaṅgho tattha so bhikkhu abbhetabbo.\nEkenapi ce ūno vīsatigaṇo bhikkhusaṅgho taṁ bhikkhuṁ abbheyya, so ca bhikkhu anabbhito, te ca bhikkhū gārayhā, ayaṁ tattha sāmīci.\nTatthāyasmante pucchāmi—‘kaccittha parisuddhā’?\nDutiyampi pucchāmi—‘kaccittha parisuddhā’?\nTatiyampi pucchāmi—‘kaccittha parisuddhā’?\nParisuddhetthāyasmanto. Tasmā tuṇhī, evametaṁ dhārayāmī”ti.\nTerasakaṁ niṭṭhitaṁ.\nTassuddānaṁ\nVissaṭṭhi kāyasaṁsaggaṁ,\nduṭṭhullaṁ attakāmañca;\nSañcarittaṁ kuṭī ceva,\nvihāro ca amūlakaṁ.\nKiñcilesañca bhedo ca,\ntasseva anuvattakā;\nDubbacaṁ kuladūsañca,\nsaṅghādisesā terasāti.\nSaṅghādisesakaṇḍaṁ niṭṭhitaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-ss13/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}