{"id":"pli-tv-bu-vb-ss4","title":"Encouraging a woman to satisfy one’s desires","languageCodes":["en","pi"],"languageNotes":{"en":"Bhikkhu Brahmāli · CC0","pi":"Mahāsaṅgīti edition · SuttaCentral"},"chapters":[{"id":"pli-tv-bu-vb-ss4","title":"Encouraging a woman to satisfy one’s desires","units":[{"id":"pli-tv-bu-vb-ss4:0","sourceIds":["pli-tv-bu-vb-ss4:0.1","pli-tv-bu-vb-ss4:0.2","pli-tv-bu-vb-ss4:0.3","pli-tv-bu-vb-ss4:0.4"],"kind":"text","text":{"pi":"Theravāda Vinaya\nMahāvibhaṅga\nSaṅghādisesakaṇḍa\n4. Attakāmapāricariyasikkhāpada","en":"Theravāda Collection on Monastic Law\nThe Great Analysis\nThe chapter on offenses entailing suspension\nEncouraging a woman to satisfy one’s desires"}},{"id":"pli-tv-bu-vb-ss4:1.1","sourceIds":["pli-tv-bu-vb-ss4:1.1.0","pli-tv-bu-vb-ss4:1.1.1","pli-tv-bu-vb-ss4:1.1.2","pli-tv-bu-vb-ss4:1.1.3","pli-tv-bu-vb-ss4:1.1.4","pli-tv-bu-vb-ss4:1.1.5","pli-tv-bu-vb-ss4:1.1.6","pli-tv-bu-vb-ss4:1.1.7","pli-tv-bu-vb-ss4:1.1.8","pli-tv-bu-vb-ss4:1.1.9","pli-tv-bu-vb-ss4:1.1.10","pli-tv-bu-vb-ss4:1.1.11","pli-tv-bu-vb-ss4:1.1.12","pli-tv-bu-vb-ss4:1.1.13","pli-tv-bu-vb-ss4:1.1.14","pli-tv-bu-vb-ss4:1.1.15","pli-tv-bu-vb-ss4:1.1.16","pli-tv-bu-vb-ss4:1.1.17","pli-tv-bu-vb-ss4:1.1.18","pli-tv-bu-vb-ss4:1.1.19","pli-tv-bu-vb-ss4:1.1.20","pli-tv-bu-vb-ss4:1.1.21","pli-tv-bu-vb-ss4:1.1.22","pli-tv-bu-vb-ss4:1.1.23","pli-tv-bu-vb-ss4:1.1.24","pli-tv-bu-vb-ss4:1.1.25","pli-tv-bu-vb-ss4:1.1.26","pli-tv-bu-vb-ss4:1.1.27","pli-tv-bu-vb-ss4:1.1.28"],"kind":"text","text":{"en":"Origin story\nAt one time the Buddha was staying at Sāvatthī in the Jeta Grove, Anāthapiṇḍika’s Monastery.\nAt that time Venerable Udāyī was associating with and visiting a number of families in Sāvatthī.\nOne morning Udāyī robed up, took his bowl and robe, and went to the house of a beautiful widow where he sat down on the prepared seat.\nShe then approached Udāyī, bowed, and sat down.\nAnd Udāyī instructed, inspired, and gladdened her with a teaching.\nShe then said,\n“Venerable, please tell me what you need.\nI can give robe-cloth, almsfood, a dwelling, and medicinal supplies.”\n“It’s not hard for us to get those requisites.\nGive instead what’s hard for us to get.”\n“What’s that, venerable?”\n“Sexual intercourse.”\n“Is it wanted now?”\n“Yes.”\nSaying, “Come,”\nshe entered her bedroom, took off her wrap, and lay back on the bed.\nUdāyī went up to her and spat out,\n“Who would touch this stinking wretch!”\nand he left.\nThat woman then complained and criticized him,\n“These Sakyan monastics are shameless and immoral liars.\nThey claim to have integrity, to be celibate and of good conduct, to be truthful, moral, and good.\nBut they don’t have the good character of a monastic or a brahmin.\nThey’ve lost the plot!\nHow could the ascetic Udāyī ask for sexual intercourse from me, but then spit out, ‘Who would touch this stinking wretch!’ and leave?\nWhat’s bad about me? How am I stinking?\nHow am I inferior to anyone?”","pi":"Tena samayena buddho bhagavā sāvatthiyaṁ viharati jetavane anāthapiṇḍikassa ārāme.\nTena kho pana samayena āyasmā udāyī sāvatthiyaṁ kulūpako hoti, bahukāni kulāni upasaṅkamati.\nTena kho pana samayena aññatarā itthī matapatikā abhirūpā hoti dassanīyā pāsādikā.\nAtha kho āyasmā udāyī pubbaṇhasamayaṁ nivāsetvā pattacīvaramādāya yena tassā itthiyā nivesanaṁ tenupasaṅkami; upasaṅkamitvā paññatte āsane nisīdi.\nAtha kho sā itthī yenāyasmā udāyī tenupasaṅkami; upasaṅkamitvā āyasmantaṁ udāyiṁ abhivādetvā ekamantaṁ nisīdi.\nEkamantaṁ nisinnaṁ kho taṁ itthiṁ āyasmā udāyī dhammiyā kathāya sandassesi samādapesi samuttejesi sampahaṁsesi.\nAtha kho sā itthī āyasmatā udāyinā dhammiyā kathāya sandassitā samādapitā samuttejitā sampahaṁsitā āyasmantaṁ udāyiṁ etadavoca—\n“vadeyyātha, bhante, yena attho.\nPaṭibalā mayaṁ ayyassa dātuṁ yadidaṁ cīvarapiṇḍapātasenāsanagilānappaccayabhesajjaparikkhāran”ti.\n“Na kho te, bhagini, amhākaṁ dullabhā yadidaṁ cīvarapiṇḍapātasenāsanagilānappaccayabhesajjaparikkhārā.\nApi ca yo amhākaṁ dullabho taṁ dehī”ti.\n“Kiṁ, bhante”ti?\n“Methunadhamman”ti.\n“Attho, bhante”ti?\n“Attho, bhaginī”ti.\n“Ehi, bhante”ti,\novarakaṁ pavisitvā sāṭakaṁ nikkhipitvā mañcake uttānā nipajji.\nAtha kho āyasmā udāyī yena sā itthī tenupasaṅkami; upasaṅkamitvā—\n“ko imaṁ vasalaṁ duggandhaṁ āmasissatī”ti,\nniṭṭhubhitvā pakkāmi.\nAtha kho sā itthī ujjhāyati khiyyati vipāceti—\n“alajjino ime samaṇā sakyaputtiyā dussīlā musāvādino.\nIme hi nāma dhammacārino samacārino brahmacārino saccavādino sīlavanto kalyāṇadhammā paṭijānissanti.\nNatthi imesaṁ sāmaññaṁ natthi imesaṁ brahmaññaṁ, naṭṭhaṁ imesaṁ sāmaññaṁ naṭṭhaṁ imesaṁ brahmaññaṁ, kuto imesaṁ sāmaññaṁ kuto imesaṁ brahmaññaṁ,\napagatā ime sāmaññā apagatā ime brahmaññā.\nKathañhi nāma samaṇo udāyī maṁ sāmaṁ methunadhammaṁ yācitvā, ‘ko imaṁ vasalaṁ duggandhaṁ āmasissatī’ti niṭṭhubhitvā pakkamissati.\nKiṁ me pāpakaṁ kiṁ me duggandhaṁ,\nkassāhaṁ kena hāyāmī”ti?"}},{"id":"pli-tv-bu-vb-ss4:1.2","sourceIds":["pli-tv-bu-vb-ss4:1.2.1","pli-tv-bu-vb-ss4:1.2.2","pli-tv-bu-vb-ss4:1.2.3","pli-tv-bu-vb-ss4:1.2.4","pli-tv-bu-vb-ss4:1.2.5","pli-tv-bu-vb-ss4:1.2.6","pli-tv-bu-vb-ss4:1.2.7","pli-tv-bu-vb-ss4:1.2.8","pli-tv-bu-vb-ss4:1.2.9","pli-tv-bu-vb-ss4:1.2.10","pli-tv-bu-vb-ss4:1.2.11","pli-tv-bu-vb-ss4:1.2.12","pli-tv-bu-vb-ss4:1.2.13","pli-tv-bu-vb-ss4:1.2.14","pli-tv-bu-vb-ss4:1.2.15","pli-tv-bu-vb-ss4:1.2.16","pli-tv-bu-vb-ss4:1.2.17","pli-tv-bu-vb-ss4:1.2.18"],"kind":"text","text":{"pi":"Aññāpi itthiyo ujjhāyanti khiyyanti vipācenti—\n“alajjino ime samaṇā sakyaputtiyā dussīlā musāvādino …pe…\nkathañhi nāma samaṇo udāyī imissā sāmaṁ methunadhammaṁ yācitvā, ‘ko imaṁ vasalaṁ duggandhaṁ āmasissatī’ti niṭṭhubhitvā pakkamissati.\nKiṁ imissā pāpakaṁ kiṁ imissā duggandhaṁ, kassāyaṁ kena hāyatī”ti?\nAssosuṁ kho bhikkhū tāsaṁ itthīnaṁ ujjhāyantīnaṁ khiyyantīnaṁ vipācentīnaṁ.\nYe te bhikkhū appicchā …pe… te ujjhāyanti khiyyanti vipācenti—\n“kathañhi nāma āyasmā udāyī mātugāmassa santike attakāmapāricariyāya vaṇṇaṁ bhāsissatī”ti.\nAtha kho te bhikkhū āyasmantaṁ udāyiṁ anekapariyāyena vigarahitvā bhagavato etamatthaṁ ārocesuṁ.\nAtha kho bhagavā etasmiṁ nidāne etasmiṁ pakaraṇe bhikkhusaṅghaṁ sannipātāpetvā āyasmantaṁ udāyiṁ paṭipucchi—\n“saccaṁ kira tvaṁ, udāyi, mātugāmassa santike attakāmapāricariyāya vaṇṇaṁ bhāsasī”ti?\n“Saccaṁ, bhagavā”ti.\nVigarahi buddho bhagavā—\n“ananucchavikaṁ, moghapurisa, ananulomikaṁ appatirūpaṁ assāmaṇakaṁ akappiyaṁ akaraṇīyaṁ.\nKathañhi nāma tvaṁ, moghapurisa, mātugāmassa santike attakāmapāricariyāya vaṇṇaṁ bhāsissasi.\nNanu mayā, moghapurisa, anekapariyāyena virāgāya dhammo desito no sarāgāya …pe…\nkāmapariḷāhānaṁ vūpasamo akkhāto?\nNetaṁ, moghapurisa, appasannānaṁ vā pasādāya …pe…\nevañca pana, bhikkhave, imaṁ sikkhāpadaṁ uddiseyyātha—","en":"Other women, too, criticized him\nin the same way.\nThe monks heard the criticism of those women,\nand the monks of few desires complained and criticized him,\n“How could Venerable Udāyī encourage a woman to satisfy his own desires?”\nThose monks rebuked Udāyī in many ways and then told the Buddha.\nThe Buddha had the Sangha gathered and questioned Udāyī:\n“Is it true, Udāyī, that you did this?”\n“It’s true, sir.”\nThe Buddha rebuked him,\n“It’s not suitable, foolish man, it’s not proper, it’s not worthy of a monastic, it’s not allowable, it’s not to be done.\nHow could you do such a thing?\nHaven’t I given many teachings for the sake of dispassion, not for the sake of passion …\nthe stilling of the fevers of worldly pleasures?\nThis will affect people’s confidence …” …\n“And, monks, this training rule should be recited like this:"}},{"id":"pli-tv-bu-vb-ss4:1.2.19","sourceIds":["pli-tv-bu-vb-ss4:1.2.19.0","pli-tv-bu-vb-ss4:1.2.19.1"],"kind":"text","text":{"en":"Final ruling\n‘If a monk, overcome by lust and with a distorted mind, encourages a woman to satisfy his own desires, saying, “Sister, she provides the highest service who in this way satisfies one like me, who is virtuous, celibate, and of good character,” and if it is a reference to sexual intercourse, he commits an offense entailing suspension.’”","pi":"“Yo pana bhikkhu otiṇṇo vipariṇatena cittena mātugāmassa santike attakāmapāricariyāya vaṇṇaṁ bhāseyya— ‘etadaggaṁ, bhagini, pāricariyānaṁ yā mādisaṁ sīlavantaṁ kalyāṇadhammaṁ brahmacāriṁ etena dhammena paricareyyāti methunupasaṁhitena’, saṅghādiseso”ti."}},{"id":"pli-tv-bu-vb-ss4:2","sourceIds":["pli-tv-bu-vb-ss4:2.0","pli-tv-bu-vb-ss4:2.1","pli-tv-bu-vb-ss4:2.2","pli-tv-bu-vb-ss4:2.3","pli-tv-bu-vb-ss4:2.4","pli-tv-bu-vb-ss4:2.5","pli-tv-bu-vb-ss4:2.6","pli-tv-bu-vb-ss4:2.7","pli-tv-bu-vb-ss4:2.8","pli-tv-bu-vb-ss4:2.9","pli-tv-bu-vb-ss4:2.10","pli-tv-bu-vb-ss4:2.11","pli-tv-bu-vb-ss4:2.12","pli-tv-bu-vb-ss4:2.13","pli-tv-bu-vb-ss4:2.14","pli-tv-bu-vb-ss4:2.15","pli-tv-bu-vb-ss4:2.16","pli-tv-bu-vb-ss4:2.17","pli-tv-bu-vb-ss4:2.18","pli-tv-bu-vb-ss4:2.19","pli-tv-bu-vb-ss4:2.20","pli-tv-bu-vb-ss4:2.21","pli-tv-bu-vb-ss4:2.22","pli-tv-bu-vb-ss4:2.23","pli-tv-bu-vb-ss4:2.24","pli-tv-bu-vb-ss4:2.25","pli-tv-bu-vb-ss4:2.26","pli-tv-bu-vb-ss4:2.27","pli-tv-bu-vb-ss4:2.28","pli-tv-bu-vb-ss4:2.29","pli-tv-bu-vb-ss4:2.30","pli-tv-bu-vb-ss4:2.31","pli-tv-bu-vb-ss4:2.32","pli-tv-bu-vb-ss4:2.33","pli-tv-bu-vb-ss4:2.34","pli-tv-bu-vb-ss4:2.35"],"kind":"text","text":{"en":"Definitions\nA:\nwhoever …\nMonk:\n… The monk who has been given the full ordination by a unanimous Sangha through a legal procedure consisting of one motion and three announcements that is irreversible and fit to stand—this sort of monk is meant in this case.\nOvercome by lust:\nhaving lust, longing for, in love with.\nDistorted:\na lustful mind is distorted; an angry mind is distorted; a confused mind is distorted.\nBut in this case “distorted” refers to the lustful mind.\nA woman:\na human female, not a female spirit, not a female ghost, not a female animal. She understands and is capable of discerning good and bad speech, what is decent and what is indecent.\nA woman:\nnear a woman, close to a woman.\nHis own desires:\nhis own desires, for the sake of himself, aiming at himself, satisfying himself.\nThe highest:\nthis is the highest, this is the best, this is the foremost, this is the utmost, this is the most excellent.\nShe:\na female aristocrat, a female brahmin, a female merchant, or a female worker.\nOne like me:\na male aristocrat, a male brahmin, a male merchant, or a male worker.\nWho is virtuous:\none who refrains from killing living beings, who refrains from stealing, who refrains from lying.\nCelibate:\none who refrains from sexual intercourse.\nOf good character:\nhe is one of good character because of that virtue and because of being celibate.\nIn this way:\nwith sexual intercourse.\nSatisfies:\ngives pleasure to.\nIf it is a reference to sexual intercourse:\nif it is connected with the sexual act.\nHe commits an offense entailing suspension:\n… Therefore, too, it is called an offense entailing suspension.","pi":"Yo panāti\nyo yādiso …pe…\nbhikkhūti\n…pe… ayaṁ imasmiṁ atthe adhippeto bhikkhūti.\nOtiṇṇo nāma\nsāratto apekkhavā paṭibaddhacitto.\nVipariṇatanti\nrattampi cittaṁ vipariṇataṁ, duṭṭhampi cittaṁ vipariṇataṁ, mūḷhampi cittaṁ vipariṇataṁ.\nApi ca rattaṁ cittaṁ imasmiṁ atthe adhippetaṁ vipariṇatanti.\nMātugāmo nāma\nmanussitthī, na yakkhī, na petī, na tiracchānagatā. Viññū paṭibalā subhāsitadubbhāsitaṁ duṭṭhullāduṭṭhullaṁ ājānituṁ.\nMātugāmassa santiketi\nmātugāmassa sāmantā, mātugāmassa avidūre.\nAttakāmanti\nattano kāmaṁ attano hetuṁ attano adhippāyaṁ attano pāricariyaṁ.\nEtadagganti\netaṁ aggaṁ etaṁ seṭṭhaṁ etaṁ mokkhaṁ etaṁ uttamaṁ etaṁ pavaraṁ.\nYāti\nkhattiyī vā brāhmaṇī vā vessī vā suddī vā.\nMādisanti\nkhattiyaṁ vā brāhmaṇaṁ vā vessaṁ vā suddaṁ vā.\nSīlavantanti\npāṇātipātā paṭivirataṁ, adinnādānā paṭivirataṁ, musāvādā paṭivirataṁ.\nBrahmacārinti\nmethunadhammā paṭivirataṁ.\nKalyāṇadhammo nāma\ntena ca sīlena tena ca brahmacariyena kalyāṇadhammo hoti.\nEtena dhammenāti\nmethunadhammena.\nParicareyyāti\nabhirameyya.\nMethunupasaṁhitenāti\nmethunadhammappaṭisaṁyuttena.\nSaṅghādisesoti\n…pe… tenapi vuccati “saṅghādiseso”ti."}},{"id":"pli-tv-bu-vb-ss4:3.1.0","sourceIds":["pli-tv-bu-vb-ss4:3.1.0.1","pli-tv-bu-vb-ss4:3.1.0.2"],"kind":"text","text":{"en":"Permutations\nEncouraging sexual intercourse to a single person or animal"}},{"id":"pli-tv-bu-vb-ss4:3.1","sourceIds":["pli-tv-bu-vb-ss4:3.1.1","pli-tv-bu-vb-ss4:3.1.2","pli-tv-bu-vb-ss4:3.1.3","pli-tv-bu-vb-ss4:3.1.4","pli-tv-bu-vb-ss4:3.1.5","pli-tv-bu-vb-ss4:3.1.6","pli-tv-bu-vb-ss4:3.1.7","pli-tv-bu-vb-ss4:3.1.8","pli-tv-bu-vb-ss4:3.1.9","pli-tv-bu-vb-ss4:3.1.10","pli-tv-bu-vb-ss4:3.1.11","pli-tv-bu-vb-ss4:3.1.12","pli-tv-bu-vb-ss4:3.1.13","pli-tv-bu-vb-ss4:3.1.14","pli-tv-bu-vb-ss4:3.1.15","pli-tv-bu-vb-ss4:3.1.16","pli-tv-bu-vb-ss4:3.1.17","pli-tv-bu-vb-ss4:3.1.18","pli-tv-bu-vb-ss4:3.1.19","pli-tv-bu-vb-ss4:3.1.20","pli-tv-bu-vb-ss4:3.1.21","pli-tv-bu-vb-ss4:3.1.22"],"kind":"text","text":{"pi":"Itthī ca hoti itthisaññī sāratto ca.\nBhikkhu ca naṁ itthiyā santike attakāmapāricariyāya vaṇṇaṁ bhāsati, āpatti saṅghādisesassa.\nItthī ca hoti vematiko …pe…\npaṇḍakasaññī …\npurisasaññī …\ntiracchānagatasaññī sāratto ca.\nBhikkhu ca naṁ itthiyā santike attakāmapāricariyāya vaṇṇaṁ bhāsati, āpatti thullaccayassa.\nPaṇḍako ca hoti paṇḍakasaññī sāratto ca.\nBhikkhu ca naṁ paṇḍakassa santike attakāmapāricariyāya vaṇṇaṁ bhāsati, āpatti thullaccayassa.\nPaṇḍako ca hoti vematiko …pe…\npurisasaññī …\ntiracchānagatasaññī …\nitthisaññī sāratto ca.\nBhikkhu ca naṁ paṇḍakassa santike attakāmapāricariyāya vaṇṇaṁ bhāsati, āpatti dukkaṭassa.\nPuriso ca hoti\n…pe…\ntiracchānagato ca hoti tiracchānagatasaññī …pe…\nvematiko …\nitthisaññī …\npaṇḍakasaññī …\npurisasaññī sāratto ca.\nBhikkhu ca naṁ tiracchānagatassa santike attakāmapāricariyāya vaṇṇaṁ bhāsati, āpatti dukkaṭassa.","en":"It is a woman, he perceives her as a woman, and he has lust.\nIf the monk encourages the woman to satisfy his own desires, he commits an offense entailing suspension.\nIt is a woman, but he is unsure of it …\nIt is a woman, but he perceives her as a paṇḍaka …\nIt is a woman, but he perceives her as a man …\nIt is a woman, but he perceives her as an animal, and he has lust.\nIf the monk encourages the woman to satisfy his own desires, he commits a serious offense.\nIt is a paṇḍaka, he perceives him as a paṇḍaka, and he has lust.\nIf the monk encourages the paṇḍaka to satisfy his own desires, he commits a serious offense.\nIt is a paṇḍaka, but he is unsure of it …\nIt is a paṇḍaka, but he perceives him as a man …\nIt is a paṇḍaka, but he perceives him as an animal …\nIt is a paṇḍaka, but he perceives him as a woman, and he has lust.\nIf the monk encourages the paṇḍaka to satisfy his own desires, he commits an offense of wrong conduct.\nIt is a man\n… (To be expanded as above with appropriate adjustments.) …\nIt is an animal, he perceives it as an animal …\nIt is an animal, but he is unsure of it …\nIt is an animal, but he perceives it as a woman …\nIt is an animal, but he perceives it as a paṇḍaka …\nIt is an animal, but he perceives it as a man, and he has lust.\nIf the monk encourages the animal to satisfy his own desires, he commits an offense of wrong conduct."}},{"id":"pli-tv-bu-vb-ss4:3.1.23","sourceIds":["pli-tv-bu-vb-ss4:3.1.23.0","pli-tv-bu-vb-ss4:3.1.23.1"],"kind":"text","text":{"en":"Encouraging sexual intercourse to two beings of the same kind\nIt is two women, he perceives them both as women, and he has lust.","pi":"Dve itthiyo dvinnaṁ itthīnaṁ itthisaññī sāratto ca."}},{"id":"pli-tv-bu-vb-ss4:3.1-from-pli-tv-bu-vb-ss4-3.1.24","sourceIds":["pli-tv-bu-vb-ss4:3.1.24","pli-tv-bu-vb-ss4:3.1.25"],"kind":"text","text":{"pi":"Bhikkhu ca naṁ dvinnaṁ itthīnaṁ santike attakāmapāricariyāya vaṇṇaṁ bhāsati, āpatti dvinnaṁ saṅghādisesānaṁ.\n…pe…","en":"If the monk encourages both women to satisfy his own desires, he commits two offenses entailing suspension.\n… (To be expanded as in Bu Ss 2:3.2.4–3.2.36, with appropriate substitutions.) …"}},{"id":"pli-tv-bu-vb-ss4:3.1.26","sourceIds":["pli-tv-bu-vb-ss4:3.1.26.0","pli-tv-bu-vb-ss4:3.1.26.1"],"kind":"text","text":{"en":"Encouraging sexual intercourse to two beings of different kinds\nIt is a woman and a paṇḍaka, but he perceives both as women, and he has lust.","pi":"Itthī ca paṇḍako ca ubhinnaṁ itthisaññī sāratto ca."}},{"id":"pli-tv-bu-vb-ss4:3.1-from-pli-tv-bu-vb-ss4-3.1.27","sourceIds":["pli-tv-bu-vb-ss4:3.1.27","pli-tv-bu-vb-ss4:3.1.28"],"kind":"text","text":{"pi":"Bhikkhu ca naṁ ubhinnaṁ santike attakāmapāricariyāya vaṇṇaṁ bhāsati, āpatti saṅghādisesena dukkaṭassa.\n…pe…","en":"If the monk encourages both of them to satisfy his own desires, he commits one offense entailing suspension and one offense of wrong conduct.\n… (To be expanded as in Bu Ss 2:3.3.4–3.3.61, with appropriate substitutions.) …"}},{"id":"pli-tv-bu-vb-ss4:3.2","sourceIds":["pli-tv-bu-vb-ss4:3.2.0","pli-tv-bu-vb-ss4:3.2.1","pli-tv-bu-vb-ss4:3.2.2","pli-tv-bu-vb-ss4:3.2.3","pli-tv-bu-vb-ss4:3.2.4","pli-tv-bu-vb-ss4:3.2.5","pli-tv-bu-vb-ss4:3.2.6","pli-tv-bu-vb-ss4:3.2.7","pli-tv-bu-vb-ss4:3.2.8","pli-tv-bu-vb-ss4:3.2.9"],"kind":"text","text":{"en":"Non-offenses\nThere is no offense:\nif he says, “Support us with robe-cloth, almsfood, dwellings, and medicinal supplies;”\nif he is insane;\nif he is the first offender.\nSummary verses of case studies\n“How a barren woman, may she have a child,\nAnd dear to, may I be fortunate;\nWhat may I give, how may I support,\nHow may I get a good rebirth.”","pi":"Anāpatti—\n“cīvarapiṇḍapātasenāsanagilānappaccayabhesajjaparikkhārena upaṭṭhahā”ti bhaṇati,\nummattakassa\nādikammikassāti.\n4.1. Vinītavatthuuddānagāthā\nKathaṁ vañjhā labhe puttaṁ,\nPiyā ca subhagā siyaṁ;\nKiṁ dajjaṁ kenupaṭṭheyyaṁ,\nKathaṁ gaccheyyaṁ suggatinti."}},{"id":"pli-tv-bu-vb-ss4:4.1","sourceIds":["pli-tv-bu-vb-ss4:4.1.0","pli-tv-bu-vb-ss4:4.1.1","pli-tv-bu-vb-ss4:4.1.2","pli-tv-bu-vb-ss4:4.1.3","pli-tv-bu-vb-ss4:4.1.4","pli-tv-bu-vb-ss4:4.1.5","pli-tv-bu-vb-ss4:4.1.6","pli-tv-bu-vb-ss4:4.1.7"],"kind":"text","text":{"pi":"4.2. Vinītavatthu\nTena kho pana samayena aññatarā vañjhā itthī kulūpakaṁ bhikkhuṁ etadavoca—\n“kathāhaṁ, bhante, vijāyeyyan”ti?\n“Tena hi, bhagini, aggadānaṁ dehī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.","en":"Case studies\nOn one occasion a barren woman said to a monk who associated with her family,\n“Sir, how can I get pregnant?”\n“Well, sister, give the highest gift.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”"}},{"id":"pli-tv-bu-vb-ss4:4.2","sourceIds":["pli-tv-bu-vb-ss4:4.2.1","pli-tv-bu-vb-ss4:4.2.2","pli-tv-bu-vb-ss4:4.2.3","pli-tv-bu-vb-ss4:4.2.4","pli-tv-bu-vb-ss4:4.2.5","pli-tv-bu-vb-ss4:4.2.6","pli-tv-bu-vb-ss4:4.2.7"],"kind":"text","text":{"pi":"Tena kho pana samayena aññatarā vijāyinī itthī kulūpakaṁ bhikkhuṁ etadavoca—\n“kathāhaṁ, bhante, puttaṁ labheyyan”ti?\n“Tena hi, bhagini, aggadānaṁ dehī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.","en":"On one occasion a fertile woman said to a monk who associated with her family,\n“Sir, how can I get a child?”\n“Well, sister, give the highest gift.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”"}},{"id":"pli-tv-bu-vb-ss4:4.3","sourceIds":["pli-tv-bu-vb-ss4:4.3.1","pli-tv-bu-vb-ss4:4.3.2","pli-tv-bu-vb-ss4:4.3.3","pli-tv-bu-vb-ss4:4.3.4","pli-tv-bu-vb-ss4:4.3.5","pli-tv-bu-vb-ss4:4.3.6","pli-tv-bu-vb-ss4:4.3.7","pli-tv-bu-vb-ss4:4.3.8","pli-tv-bu-vb-ss4:4.3.9","pli-tv-bu-vb-ss4:4.3.10","pli-tv-bu-vb-ss4:4.3.11","pli-tv-bu-vb-ss4:4.3.12","pli-tv-bu-vb-ss4:4.3.13","pli-tv-bu-vb-ss4:4.3.14"],"kind":"text","text":{"pi":"Tena kho pana samayena aññatarā itthī kulūpakaṁ bhikkhuṁ etadavoca—\n“kathāhaṁ, bhante, sāmikassa piyā assan”ti?\n“Tena hi, bhagini, aggadānaṁ dehī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.\nTena kho pana samayena aññatarā itthī kulūpakaṁ bhikkhuṁ etadavoca—\n“kathāhaṁ, bhante, subhagā assan”ti?\n“Tena hi, bhagini, aggadānaṁ dehī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.","en":"On one occasion a woman said to a monk who associated with her family,\n“Sir, how can I get my husband to love me?”\n“Well, sister, give the highest gift.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”\nOn one occasion a woman said to a monk who associated with her family,\n“Sir, how can I become more fortunate?”\n“Well, sister, give the highest gift.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”"}},{"id":"pli-tv-bu-vb-ss4:4.4","sourceIds":["pli-tv-bu-vb-ss4:4.4.1","pli-tv-bu-vb-ss4:4.4.2","pli-tv-bu-vb-ss4:4.4.3","pli-tv-bu-vb-ss4:4.4.4","pli-tv-bu-vb-ss4:4.4.5","pli-tv-bu-vb-ss4:4.4.6","pli-tv-bu-vb-ss4:4.4.7"],"kind":"text","text":{"pi":"Tena kho pana samayena aññatarā itthī kulūpakaṁ bhikkhuṁ etadavoca—\n“kyāhaṁ, bhante, ayyassa dajjāmī”ti?\n“Aggadānaṁ, bhaginī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.","en":"On one occasion a woman said to a monk who associated with her family,\n“Sir, what may I give you?”\n“The highest gift, sister.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”"}},{"id":"pli-tv-bu-vb-ss4:4.5","sourceIds":["pli-tv-bu-vb-ss4:4.5.1","pli-tv-bu-vb-ss4:4.5.2","pli-tv-bu-vb-ss4:4.5.3","pli-tv-bu-vb-ss4:4.5.4","pli-tv-bu-vb-ss4:4.5.5","pli-tv-bu-vb-ss4:4.5.6","pli-tv-bu-vb-ss4:4.5.7"],"kind":"text","text":{"pi":"Tena kho pana samayena aññatarā itthī kulūpakaṁ bhikkhuṁ etadavoca—\n“kenāhaṁ, bhante, ayyaṁ upaṭṭhemī”ti?\n“Aggadānena, bhaginī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.","en":"On one occasion a woman said to a monk who associated with her family,\n“Sir, how may I support you?”\n“With the highest gift, sister.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”"}},{"id":"pli-tv-bu-vb-ss4:4.6","sourceIds":["pli-tv-bu-vb-ss4:4.6.1","pli-tv-bu-vb-ss4:4.6.2","pli-tv-bu-vb-ss4:4.6.3","pli-tv-bu-vb-ss4:4.6.4","pli-tv-bu-vb-ss4:4.6.5","pli-tv-bu-vb-ss4:4.6.6","pli-tv-bu-vb-ss4:4.6.7","pli-tv-bu-vb-ss4:4.6.8"],"kind":"text","text":{"pi":"Tena kho pana samayena aññatarā itthī kulūpakaṁ bhikkhuṁ etadavoca—\n“kathāhaṁ, bhante, sugatiṁ gaccheyyan”ti?\n“Tena hi, bhagini, aggadānaṁ dehī”ti.\n“Kiṁ, bhante, aggadānan”ti?\n“Methunadhamman”ti.\nTassa kukkuccaṁ ahosi …pe…\n“āpattiṁ tvaṁ, bhikkhu, āpanno saṅghādisesan”ti.\nAttakāmapāricariyasikkhāpadaṁ niṭṭhitaṁ catutthaṁ.","en":"On one occasion a woman said to a monk who associated with her family,\n“Sir, how can I get a good rebirth?”\n“Well, sister, give the highest gift.”\n“What’s that?”\n“Sexual intercourse.”\nHe became anxious …\n“You’ve committed an offense entailing suspension.”\nThe training rule on encouraging a woman to satisfy one’s desires, the fourth, is finished."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pli-tv-bu-vb-ss4/en/brahmali","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}