{"id":"pp2.4","title":"4. Catukkapuggalapaññatti","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"pp2.4","title":"4. Catukkapuggalapaññatti","units":[{"id":"pp2.4:0","sourceIds":["pp2.4:0.1","pp2.4:0.2","pp2.4:0.3"],"kind":"text","text":{"pi":"Puggalapaññatti\nNiddesa\n4. Catukkapuggalapaññatti"}},{"id":"pp2.4:1","sourceIds":["pp2.4:1.1","pp2.4:1.2","pp2.4:1.3"],"kind":"text","text":{"pi":"Katamo ca puggalo asappuriso?\nIdhekacco puggalo pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti—\nayaṁ vuccati puggalo “asappuriso”."}},{"id":"pp2.4:2","sourceIds":["pp2.4:2.1","pp2.4:2.2","pp2.4:2.3"],"kind":"text","text":{"pi":"Katamo ca puggalo asappurisena asappurisataro?\nIdhekacco puggalo attanā ca pāṇātipātī hoti parañca pāṇātipāte samādapeti, attanā ca adinnādāyī hoti parañca adinnādāne samādapeti, attanā ca kāmesumicchācārī hoti parañca kāmesumicchācāre samādapeti, attanā ca musāvādī hoti parañca musāvāde samādapeti, attanā ca surāmerayamajjapamādaṭṭhāyī hoti parañca surāmerayamajjapamādaṭṭhāne samādapeti—\nayaṁ vuccati puggalo “asappurisena asappurisataro”."}},{"id":"pp2.4:3","sourceIds":["pp2.4:3.1","pp2.4:3.2","pp2.4:3.3"],"kind":"text","text":{"pi":"Katamo ca puggalo sappuriso?\nIdhekacco puggalo pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti—\nayaṁ vuccati puggalo “sappuriso”."}},{"id":"pp2.4:4","sourceIds":["pp2.4:4.1","pp2.4:4.2","pp2.4:4.3"],"kind":"text","text":{"pi":"Katamo ca puggalo sappurisena sappurisataro?\nIdhekacco puggalo attanā ca pāṇātipātā paṭivirato hoti parañca pāṇātipātā veramaṇiyā samādapeti, attanā ca adinnādānā paṭivirato hoti parañca adinnādānā veramaṇiyā samādapeti, attanā ca kāmesumicchācārā paṭivirato hoti parañca kāmesumicchācārā veramaṇiyā samādapeti, attanā ca musāvādā paṭivirato hoti parañca musāvādā veramaṇiyā samādapeti, attanā ca surāmerayamajjapamādaṭṭhānā paṭivirato hoti parañca surāmerayamajjapamādaṭṭhānā veramaṇiyā samādapeti—\nayaṁ vuccati puggalo “sappurisena sappurisataro”."}},{"id":"pp2.4:5","sourceIds":["pp2.4:5.1","pp2.4:5.2","pp2.4:5.3"],"kind":"text","text":{"pi":"Katamo ca puggalo pāpo?\nIdhekacco puggalo pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhi hoti—\nayaṁ vuccati puggalo “pāpo”."}},{"id":"pp2.4:6","sourceIds":["pp2.4:6.1","pp2.4:6.2","pp2.4:6.3"],"kind":"text","text":{"pi":"Katamo ca puggalo pāpena pāpataro?\nIdhekacco puggalo attanā ca pāṇātipātī hoti parañca pāṇātipāte samādapeti, attanā ca adinnādāyī hoti parañca adinnādāne samādapeti, attanā ca kāmesumicchācārī hoti parañca kāmesumicchācāre samādapeti, attanā ca musāvādī hoti parañca musāvāde samādapeti, attanā ca pisuṇavāco hoti parañca pisuṇāya vācāya samādapeti, attanā ca pharusavāco hoti parañca pharusāya vācāya samādapeti, attanā ca samphappalāpī hoti parañca samphappalāpe samādapeti, attanā ca abhijjhālu hoti parañca abhijjhāya samādapeti, attanā ca byāpannacitto hoti parañca byāpāde samādapeti, attanā ca micchādiṭṭhi hoti parañca micchādiṭṭhiyā samādapeti—\nayaṁ vuccati puggalo “pāpena pāpataro”."}},{"id":"pp2.4:7","sourceIds":["pp2.4:7.1","pp2.4:7.2","pp2.4:7.3"],"kind":"text","text":{"pi":"Katamo ca puggalo kalyāṇo?\nIdhekacco puggalo pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti—\nayaṁ vuccati puggalo “kalyāṇo”."}},{"id":"pp2.4:8","sourceIds":["pp2.4:8.1","pp2.4:8.2","pp2.4:8.3"],"kind":"text","text":{"pi":"Katamo ca puggalo kalyāṇena kalyāṇataro?\nIdhekacco puggalo attanā ca pāṇātipātā paṭivirato hoti parañca pāṇātipātā veramaṇiyā samādapeti, attanā ca adinnādānā paṭivirato hoti parañca adinnādānā veramaṇiyā samādapeti, attanā ca kāmesumicchācārā paṭivirato hoti parañca kāmesumicchācārā veramaṇiyā samādapeti, attanā ca musāvādā paṭivirato hoti parañca musāvādā veramaṇiyā samādapeti, attanā ca pisuṇāya vācāya paṭivirato hoti parañca pisuṇāya vācāya veramaṇiyā samādapeti, attanā ca pharusāya vācāya paṭivirato hoti parañca pharusāya vācāya veramaṇiyā samādapeti, attanā ca samphappalāpā paṭivirato hoti parañca samphappalāpā veramaṇiyā samādapeti, attanā ca anabhijjhālu hoti parañca anabhijjhāya samādapeti, attanā ca abyāpannacitto hoti parañca abyāpāde samādapeti, attanā ca sammādiṭṭhi hoti parañca sammādiṭṭhiyā samādapeti—\nayaṁ vuccati puggalo “kalyāṇena kalyāṇataro”."}},{"id":"pp2.4:9","sourceIds":["pp2.4:9.1","pp2.4:9.2","pp2.4:9.3","pp2.4:9.4"],"kind":"text","text":{"pi":"Katamo ca puggalo pāpadhammo?\nIdhekacco puggalo pāṇātipātī hoti, adinnādāyī hoti …pe…\nmicchādiṭṭhi hoti—\nayaṁ vuccati puggalo “pāpadhammo”."}},{"id":"pp2.4:10","sourceIds":["pp2.4:10.1","pp2.4:10.2","pp2.4:10.3","pp2.4:10.4"],"kind":"text","text":{"pi":"Katamo ca puggalo pāpadhammena pāpadhammataro?\nIdhekacco puggalo attanā ca pāṇātipātī hoti parañca pāṇātipāte samādapeti, attanā ca adinnādāyī hoti parañca adinnādāne samādapeti …pe…\nattanā ca micchādiṭṭhi hoti parañca micchādiṭṭhiyā samādapeti—\nayaṁ vuccati puggalo “pāpadhammena pāpadhammataro”."}},{"id":"pp2.4:11","sourceIds":["pp2.4:11.1","pp2.4:11.2","pp2.4:11.3","pp2.4:11.4"],"kind":"text","text":{"pi":"Katamo ca puggalo kalyāṇadhammo?\nIdhekacco puggalo pāṇātipātā paṭivirato hoti, adinnādānā paṭivirato hoti …pe…\nsammādiṭṭhi hoti—\nayaṁ vuccati puggalo “kalyāṇadhammo”."}},{"id":"pp2.4:12","sourceIds":["pp2.4:12.1","pp2.4:12.2","pp2.4:12.3","pp2.4:12.4"],"kind":"text","text":{"pi":"Katamo ca puggalo kalyāṇadhammena kalyāṇadhammataro?\nIdhekacco puggalo attanā ca pāṇātipātā paṭivirato hoti parañca pāṇātipātā veramaṇiyā samādapeti …pe…\nattanā ca sammādiṭṭhi hoti parañca sammādiṭṭhiyā samādapeti—\nayaṁ vuccati puggalo “kalyāṇadhammena kalyāṇadhammataro”."}},{"id":"pp2.4:13","sourceIds":["pp2.4:13.1","pp2.4:13.2","pp2.4:13.3"],"kind":"text","text":{"pi":"Katamo ca puggalo sāvajjo?\nIdhekacco puggalo sāvajjena kāyakammena samannāgato hoti, sāvajjena vacīkammena samannāgato hoti, sāvajjena manokammena samannāgato hoti—\nayaṁ vuccati puggalo “sāvajjo”."}},{"id":"pp2.4:14","sourceIds":["pp2.4:14.1","pp2.4:14.2","pp2.4:14.3"],"kind":"text","text":{"pi":"Katamo ca puggalo vajjabahulo?\nIdhekacco puggalo sāvajjena bahulaṁ kāyakammena samannāgato hoti appaṁ anavajjena, sāvajjena bahulaṁ vacīkammena samannāgato hoti appaṁ anavajjena, sāvajjena bahulaṁ manokammena samannāgato hoti appaṁ anavajjena—\nayaṁ vuccati puggalo “vajjabahulo”."}},{"id":"pp2.4:15","sourceIds":["pp2.4:15.1","pp2.4:15.2","pp2.4:15.3"],"kind":"text","text":{"pi":"Katamo ca puggalo appavajjo?\nIdhekacco puggalo anavajjena bahulaṁ kāyakammena samannāgato hoti appaṁ sāvajjena, anavajjena bahulaṁ vacīkammena samannāgato hoti appaṁ sāvajjena, anavajjena bahulaṁ manokammena samannāgato hoti appaṁ sāvajjena—\nayaṁ vuccati puggalo “appavajjo”."}},{"id":"pp2.4:16","sourceIds":["pp2.4:16.1","pp2.4:16.2","pp2.4:16.3"],"kind":"text","text":{"pi":"Katamo ca puggalo anavajjo?\nIdhekacco puggalo anavajjena kāyakammena samannāgato hoti, anavajjena vacīkammena samannāgato hoti, anavajjena manokammena samannāgato hoti—\nayaṁ vuccati puggalo “anavajjo”."}},{"id":"pp2.4:17","sourceIds":["pp2.4:17.1","pp2.4:17.2","pp2.4:17.3"],"kind":"text","text":{"pi":"Katamo ca puggalo ugghaṭitaññū?\nYassa puggalassa saha udāhaṭavelāya dhammābhisamayo hoti—\nayaṁ vuccati puggalo “ugghaṭitaññū”."}},{"id":"pp2.4:18","sourceIds":["pp2.4:18.1","pp2.4:18.2","pp2.4:18.3"],"kind":"text","text":{"pi":"Katamo ca puggalo vipañcitaññū?\nYassa puggalassa saṅkhittena bhāsitassa vitthārena atthe vibhajiyamāne dhammābhisamayo hoti—\nayaṁ vuccati puggalo “vipañcitaññū”."}},{"id":"pp2.4:19","sourceIds":["pp2.4:19.1","pp2.4:19.2","pp2.4:19.3"],"kind":"text","text":{"pi":"Katamo ca puggalo neyyo?\nYassa puggalassa uddesato paripucchato yoniso manasikaroto kalyāṇamitte sevato bhajato payirupāsato evaṁ anupubbena dhammābhisamayo hoti—\nayaṁ vuccati puggalo “neyyo”."}},{"id":"pp2.4:20","sourceIds":["pp2.4:20.1","pp2.4:20.2","pp2.4:20.3"],"kind":"text","text":{"pi":"Katamo ca puggalo padaparamo?\nYassa puggalassa bahumpi suṇato bahumpi bhaṇato bahumpi dhārayato bahumpi vācayato na tāya jātiyā dhammābhisamayo hoti—\nayaṁ vuccati puggalo “padaparamo”."}},{"id":"pp2.4:21","sourceIds":["pp2.4:21.1","pp2.4:21.2","pp2.4:21.3"],"kind":"text","text":{"pi":"Katamo ca puggalo yuttappaṭibhāno no muttappaṭibhāno?\nIdhekacco puggalo pañhaṁ puṭṭho samāno yuttaṁ vadati no sīghaṁ—\nayaṁ vuccati puggalo “yuttappaṭibhāno no muttappaṭibhāno”."}},{"id":"pp2.4:22","sourceIds":["pp2.4:22.1","pp2.4:22.2","pp2.4:22.3"],"kind":"text","text":{"pi":"Katamo ca puggalo muttappaṭibhāno no yuttappaṭibhāno?\nIdhekacco puggalo pañhaṁ puṭṭho samāno sīghaṁ vadati no yuttaṁ—\nayaṁ vuccati puggalo “muttappaṭibhāno no yuttappaṭibhāno”."}},{"id":"pp2.4:23","sourceIds":["pp2.4:23.1","pp2.4:23.2","pp2.4:23.3"],"kind":"text","text":{"pi":"Katamo ca puggalo yuttappaṭibhāno ca muttappaṭibhāno ca?\nIdhekacco puggalo pañhaṁ puṭṭho samāno yuttañca vadati sīghañca—\nayaṁ vuccati puggalo “yuttappaṭibhāno ca muttappaṭibhāno ca”."}},{"id":"pp2.4:24","sourceIds":["pp2.4:24.1","pp2.4:24.2","pp2.4:24.3"],"kind":"text","text":{"pi":"Katamo ca puggalo neva yuttappaṭibhāno no muttappaṭibhāno?\nIdhekacco puggalo pañhaṁ puṭṭho samāno neva yuttaṁ vadati no sīghaṁ—\nayaṁ vuccati, puggalo “neva yuttappaṭibhāno no muttappaṭibhāno”."}},{"id":"pp2.4:25","sourceIds":["pp2.4:25.1","pp2.4:25.2","pp2.4:25.3"],"kind":"text","text":{"pi":"Tattha katame cattāro dhammakathikā puggalā?\nIdhekacco dhammakathiko appañca bhāsati asahitañca, parisā cassa na kusalā hoti sahitāsahitassa.\nEvarūpo dhammakathiko evarūpāya parisāya dhammakathikotveva saṅkhaṁ gacchati."}},{"id":"pp2.4:26","sourceIds":["pp2.4:26.1","pp2.4:26.2"],"kind":"text","text":{"pi":"Idha panekacco dhammakathiko appañca bhāsati sahitañca, parisā cassa kusalā hoti sahitāsahitassa.\nEvarūpo dhammakathiko evarūpāya parisāya dhammakathikotveva saṅkhaṁ gacchati."}},{"id":"pp2.4:27","sourceIds":["pp2.4:27.1","pp2.4:27.2"],"kind":"text","text":{"pi":"Idha panekacco dhammakathiko bahuñca bhāsati asahitañca, parisā cassa na kusalā hoti sahitāsahitassa.\nEvarūpo dhammakathiko evarūpāya parisāya dhammakathikotveva saṅkhaṁ gacchati."}},{"id":"pp2.4:28","sourceIds":["pp2.4:28.1","pp2.4:28.2"],"kind":"text","text":{"pi":"Idha panekacco dhammakathiko bahuñca bhāsati sahitañca, parisā cassa kusalā hoti sahitāsahitassa.\nEvarūpo dhammakathiko evarūpāya parisāya dhammakathikotveva saṅkhaṁ gacchati."}},{"id":"pp2.4:29","sourceIds":["pp2.4:29.1"],"kind":"text","text":{"pi":"Ime cattāro “dhammakathikā puggalā”."}},{"id":"pp2.4:30","sourceIds":["pp2.4:30.1","pp2.4:30.2","pp2.4:30.3","pp2.4:30.4","pp2.4:30.5","pp2.4:30.6"],"kind":"text","text":{"pi":"Tattha katame cattāro valāhakūpamā puggalā?\nCattāro valāhakā—\ngajjitā no vassitā, vassitā no gajjitā, gajjitā ca vassitā ca, neva gajjitā no vassitā.\nEvamevaṁ cattārome valāhakūpamā puggalā santo saṁvijjamānā lokasmiṁ.\nKatame cattāro?\nGajjitā no vassitā, vassitā no gajjitā, gajjitā ca vassitā ca, neva gajjitā no vassitā."}},{"id":"pp2.4:31","sourceIds":["pp2.4:31.1","pp2.4:31.2","pp2.4:31.3","pp2.4:31.4"],"kind":"text","text":{"pi":"Kathañca puggalo gajjitā hoti no vassitā?\nIdhekacco puggalo bhāsitā hoti, no kattā.\nEvaṁ puggalo gajjitā hoti, no vassitā.\nSeyyathāpi so valāhako gajjitā no vassitā, tathūpamo ayaṁ puggalo."}},{"id":"pp2.4:32","sourceIds":["pp2.4:32.1","pp2.4:32.2","pp2.4:32.3","pp2.4:32.4"],"kind":"text","text":{"pi":"Kathañca puggalo vassitā hoti no gajjitā?\nIdhekacco puggalo kattā hoti, no bhāsitā.\nEvaṁ puggalo vassitā hoti no gajjitā.\nSeyyathāpi so valāhako vassitā no gajjitā, tathūpamo ayaṁ puggalo."}},{"id":"pp2.4:33","sourceIds":["pp2.4:33.1","pp2.4:33.2","pp2.4:33.3","pp2.4:33.4"],"kind":"text","text":{"pi":"Kathañca puggalo gajjitā ca hoti vassitā ca?\nIdhekacco puggalo bhāsitā ca hoti, kattā ca.\nEvaṁ puggalo gajjitā ca hoti vassitā ca.\nSeyyathāpi so valāhako gajjitā ca vassitā ca, tathūpamo ayaṁ puggalo."}},{"id":"pp2.4:34","sourceIds":["pp2.4:34.1","pp2.4:34.2","pp2.4:34.3","pp2.4:34.4"],"kind":"text","text":{"pi":"Kathañca puggalo neva gajjitā hoti no vassitā?\nIdhekacco puggalo neva bhāsitā hoti no kattā.\nEvaṁ puggalo neva gajjitā hoti no vassitā.\nSeyyathāpi so valāhako neva gajjitā no vassitā, tathūpamo ayaṁ puggalo."}},{"id":"pp2.4:35","sourceIds":["pp2.4:35.1"],"kind":"text","text":{"pi":"Ime cattāro valāhakūpamā puggalā santo saṁvijjamānā lokasmiṁ."}},{"id":"pp2.4:36","sourceIds":["pp2.4:36.1","pp2.4:36.2","pp2.4:36.3","pp2.4:36.4","pp2.4:36.5","pp2.4:36.6"],"kind":"text","text":{"pi":"Tattha katame cattāro mūsikūpamā puggalā?\nCatasso mūsikā—\ngādhaṁ kattā no vasitā, vasitā no gādhaṁ kattā, gādhaṁ kattā ca vasitā ca, neva gādhaṁ kattā no vasitā.\nEvamevaṁ cattārome mūsikūpamā puggalā santo saṁvijjamānā lokasmiṁ.\nKatame cattāro?\nGādhaṁ kattā no vasitā, vasitā no gādhaṁ kattā, gādhaṁ kattā ca vasitā ca, neva gādhaṁ kattā no vasitā."}},{"id":"pp2.4:37","sourceIds":["pp2.4:37.1","pp2.4:37.2","pp2.4:37.3","pp2.4:37.4","pp2.4:37.5","pp2.4:37.6"],"kind":"text","text":{"pi":"Kathañca puggalo gādhaṁ kattā hoti no vasitā?\nIdhekacco puggalo dhammaṁ pariyāpuṇāti—\nsuttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo “idaṁ dukkhan”ti yathābhūtaṁ nappajānāti, “ayaṁ dukkhasamudayo”ti yathābhūtaṁ nappajānāti, “ayaṁ dukkhanirodho”ti yathābhūtaṁ nappajānāti, “ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo gādhaṁ kattā hoti no vasitā.\nSeyyathāpi sā mūsikā gādhaṁ kattā no vasitā, tathūpamo ayaṁ puggalo."}},{"id":"pp2.4:38","sourceIds":["pp2.4:38.1","pp2.4:38.2","pp2.4:38.3","pp2.4:38.4","pp2.4:38.5","pp2.4:38.6"],"kind":"text","text":{"pi":"Kathañca puggalo vasitā hoti no gādhaṁ kattā?\nIdhekacco puggalo dhammaṁ na pariyāpuṇāti—\nsuttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo vasitā hoti no gādhaṁ kattā.\nSeyyathāpi sā mūsikā vasitā no gādhaṁ kattā, tathūpamo ayaṁ puggalo."}},{"id":"pp2.4:39","sourceIds":["pp2.4:39.1","pp2.4:39.2","pp2.4:39.3","pp2.4:39.4","pp2.4:39.5","pp2.4:39.6"],"kind":"text","text":{"pi":"Kathañca puggalo gādhaṁ kattā ca hoti vasitā ca?\nIdhekacco puggalo dhammaṁ pariyāpuṇāti—\nsuttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo gādhaṁ kattā ca hoti vasitā ca.\nSeyyathāpi sā mūsikā gādhaṁ kattā ca vasitā ca, tathūpamo ayaṁ puggalo."}},{"id":"pp2.4:40","sourceIds":["pp2.4:40.1","pp2.4:40.2","pp2.4:40.3","pp2.4:40.4","pp2.4:40.5","pp2.4:40.6"],"kind":"text","text":{"pi":"Kathañca puggalo neva gādhaṁ kattā hoti no vasitā?\nIdhekacco puggalo dhammaṁ na pariyāpuṇāti—\nsuttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo “idaṁ dukkhan”ti yathābhūtaṁ nappajānāti, “ayaṁ dukkhasamudayo”ti yathābhūtaṁ nappajānāti, “ayaṁ dukkhanirodho”ti yathābhūtaṁ nappajānāti, “ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo neva gādhaṁ kattā hoti no vasitā.\nSeyyathāpi sā mūsikā neva gādhaṁ kattā no vasitā, tathūpamo ayaṁ puggalo."}},{"id":"pp2.4:41","sourceIds":["pp2.4:41.1"],"kind":"text","text":{"pi":"Ime cattāro mūsikūpamā puggalā santo saṁvijjamānā lokasmiṁ."}},{"id":"pp2.4:42","sourceIds":["pp2.4:42.1","pp2.4:42.2","pp2.4:42.3","pp2.4:42.4","pp2.4:42.5","pp2.4:42.6"],"kind":"text","text":{"pi":"Tattha katame cattāro ambūpamā puggalā?\nCattāri ambāni—\nāmaṁ pakkavaṇṇi, pakkaṁ āmavaṇṇi, āmaṁ āmavaṇṇi, pakkaṁ pakkavaṇṇi.\nEvamevaṁ cattārome ambūpamā puggalā santo saṁvijjamānā lokasmiṁ.\nKatame cattāro?\nĀmo pakkavaṇṇī, pakko āmavaṇṇī, āmo āmavaṇṇī, pakko pakkavaṇṇī."}},{"id":"pp2.4:43","sourceIds":["pp2.4:43.1","pp2.4:43.2","pp2.4:43.3","pp2.4:43.4","pp2.4:43.5"],"kind":"text","text":{"pi":"Kathañca puggalo āmo hoti pakkavaṇṇī?\nIdhekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ nappajānāti, “ayaṁ dukkhasamudayo”ti yathābhūtaṁ nappajānāti, “ayaṁ dukkhanirodho”ti yathābhūtaṁ nappajānāti, “ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo āmo hoti pakkavaṇṇī.\nSeyyathāpi taṁ ambaṁ āmaṁ pakkavaṇṇi, tathūpamo ayaṁ puggalo."}},{"id":"pp2.4:44","sourceIds":["pp2.4:44.1","pp2.4:44.2","pp2.4:44.3","pp2.4:44.4","pp2.4:44.5"],"kind":"text","text":{"pi":"Kathañca puggalo pakko hoti āmavaṇṇī?\nIdhekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo pakko hoti āmavaṇṇī.\nSeyyathāpi taṁ ambaṁ pakkaṁ āmavaṇṇi, tathūpamo ayaṁ puggalo."}},{"id":"pp2.4:45","sourceIds":["pp2.4:45.1","pp2.4:45.2","pp2.4:45.3","pp2.4:45.4","pp2.4:45.5","pp2.4:45.6"],"kind":"text","text":{"pi":"Kathañca puggalo āmo hoti āmavaṇṇī?\nIdhekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ nappajānāti …pe…\n“ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo āmo hoti āmavaṇṇī.\nSeyyathāpi taṁ ambaṁ āmaṁ āmavaṇṇi, tathūpamo ayaṁ puggalo."}},{"id":"pp2.4:46","sourceIds":["pp2.4:46.1","pp2.4:46.2","pp2.4:46.3","pp2.4:46.4","pp2.4:46.5","pp2.4:46.6"],"kind":"text","text":{"pi":"Kathañca puggalo pakko hoti pakkavaṇṇī?\nIdhekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ pajānāti …pe…\n“ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo pakko hoti pakkavaṇṇī.\nSeyyathāpi taṁ ambaṁ pakkaṁ pakkavaṇṇi, tathūpamo ayaṁ puggalo."}},{"id":"pp2.4:47","sourceIds":["pp2.4:47.1"],"kind":"text","text":{"pi":"Ime cattāro ambūpamā puggalā santo saṁvijjamānā lokasmiṁ."}},{"id":"pp2.4:48","sourceIds":["pp2.4:48.1","pp2.4:48.2","pp2.4:48.3","pp2.4:48.4","pp2.4:48.5","pp2.4:48.6"],"kind":"text","text":{"pi":"Tattha katame cattāro kumbhūpamā puggalā?\nCattāro kumbhā—\ntuccho pihito, pūro vivaṭo, tuccho vivaṭo, pūro pihito.\nEvamevaṁ cattārome kumbhūpamā puggalā santo saṁvijjamānā lokasmiṁ.\nKatame cattāro?\nTuccho pihito, pūro vivaṭo, tuccho vivaṭo, pūro pihito."}},{"id":"pp2.4:49","sourceIds":["pp2.4:49.1","pp2.4:49.2","pp2.4:49.3","pp2.4:49.4","pp2.4:49.5","pp2.4:49.6"],"kind":"text","text":{"pi":"Kathañca puggalo tuccho hoti pihito?\nIdhekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ nappajānāti …pe…\n“ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo tuccho hoti pihito.\nSeyyathāpi so kumbho tuccho pihito, tathūpamo ayaṁ puggalo."}},{"id":"pp2.4:50","sourceIds":["pp2.4:50.1","pp2.4:50.2","pp2.4:50.3","pp2.4:50.4","pp2.4:50.5","pp2.4:50.6"],"kind":"text","text":{"pi":"Kathañca puggalo pūro hoti vivaṭo?\nIdhekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ pajānāti …pe…\n“ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo pūro hoti vivaṭo.\nSeyyathāpi so kumbho pūro vivaṭo, tathūpamo ayaṁ puggalo."}},{"id":"pp2.4:51","sourceIds":["pp2.4:51.1","pp2.4:51.2","pp2.4:51.3","pp2.4:51.4","pp2.4:51.5","pp2.4:51.6"],"kind":"text","text":{"pi":"Kathañca puggalo tuccho hoti vivaṭo?\nIdhekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ nappajānāti …pe…\n“ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo tuccho hoti vivaṭo.\nSeyyathāpi so kumbho tuccho vivaṭo, tathūpamo ayaṁ puggalo."}},{"id":"pp2.4:52","sourceIds":["pp2.4:52.1","pp2.4:52.2","pp2.4:52.3","pp2.4:52.4","pp2.4:52.5","pp2.4:52.6"],"kind":"text","text":{"pi":"Kathañca puggalo pūro hoti pihito?\nIdhekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ pajānāti …pe…\n“ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo pūro hoti pihito.\nSeyyathāpi so kumbho pūro pihito, tathūpamo ayaṁ puggalo."}},{"id":"pp2.4:53","sourceIds":["pp2.4:53.1"],"kind":"text","text":{"pi":"Ime cattāro kumbhūpamā puggalā santo saṁvijjamānā lokasmiṁ."}},{"id":"pp2.4:54","sourceIds":["pp2.4:54.1","pp2.4:54.2","pp2.4:54.3","pp2.4:54.4","pp2.4:54.5","pp2.4:54.6"],"kind":"text","text":{"pi":"Tattha katame cattāro udakarahadūpamā puggalā?\nCattāro udakarahadā—\nuttāno gambhīrobhāso, gambhīro uttānobhāso, uttāno uttānobhāso, gambhīro gambhīrobhāso.\nEvamevaṁ cattārome udakarahadūpamā puggalā santo saṁvijjamānā lokasmiṁ.\nKatame cattāro?\nUttāno gambhīrobhāso, gambhīro uttānobhāso, uttāno uttānobhāso, gambhīro gambhīrobhāso."}},{"id":"pp2.4:55","sourceIds":["pp2.4:55.1","pp2.4:55.2","pp2.4:55.3","pp2.4:55.4","pp2.4:55.5","pp2.4:55.6"],"kind":"text","text":{"pi":"Kathañca puggalo uttāno hoti gambhīrobhāso?\nIdhekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ nappajānāti …pe…\n“ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo uttāno hoti gambhīrobhāso.\nSeyyathāpi so udakarahado uttāno gambhīrobhāso, tathūpamo ayaṁ puggalo."}},{"id":"pp2.4:56","sourceIds":["pp2.4:56.1","pp2.4:56.2","pp2.4:56.3","pp2.4:56.4","pp2.4:56.5","pp2.4:56.6"],"kind":"text","text":{"pi":"Kathañca puggalo gambhīro hoti uttānobhāso?\nIdhekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ pajānāti …pe…\n“ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo gambhīro hoti uttānobhāso.\nSeyyathāpi so udakarahado gambhīro uttānobhāso, tathūpamo ayaṁ puggalo."}},{"id":"pp2.4:57","sourceIds":["pp2.4:57.1","pp2.4:57.2","pp2.4:57.3","pp2.4:57.4","pp2.4:57.5","pp2.4:57.6"],"kind":"text","text":{"pi":"Kathañca puggalo uttāno hoti uttānobhāso?\nIdhekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ nappajānāti …pe…\n“ayaṁ dukkhanirodhagāminī paṭipadā”ti yathābhūtaṁ nappajānāti.\nEvaṁ puggalo uttāno hoti uttānobhāso.\nSeyyathāpi so udakarahado uttāno uttānobhāso, tathūpamo ayaṁ puggalo."}},{"id":"pp2.4:58","sourceIds":["pp2.4:58.1","pp2.4:58.2","pp2.4:58.3","pp2.4:58.4","pp2.4:58.5","pp2.4:58.6"],"kind":"text","text":{"pi":"Kathañca puggalo gambhīro hoti gambhīrobhāso?\nIdhekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo “idaṁ dukkhan”ti yathābhūtaṁ pajānāti …pe…\n“ayaṁ dukkhanirodhagāminī paṭipadā”ti yathābhūtaṁ pajānāti.\nEvaṁ puggalo gambhīro hoti gambhīrobhāso.\nSeyyathāpi so udakarahado gambhīro gambhīrobhāso, tathūpamo ayaṁ puggalo."}},{"id":"pp2.4:59","sourceIds":["pp2.4:59.1"],"kind":"text","text":{"pi":"Ime cattāro udakarahadūpamā puggalā santo saṁvijjamānā lokasmiṁ."}},{"id":"pp2.4:60","sourceIds":["pp2.4:60.1","pp2.4:60.2","pp2.4:60.3","pp2.4:60.4","pp2.4:60.5","pp2.4:60.6"],"kind":"text","text":{"pi":"Tattha katame cattāro balībaddūpamā puggalā?\nCattāro balībaddā—\nsakagavacaṇḍo no paragavacaṇḍo, paragavacaṇḍo no sakagavacaṇḍo, sakagavacaṇḍo ca paragavacaṇḍo ca, neva sakagavacaṇḍo no paragavacaṇḍo.\nEvamevaṁ cattārome balībaddūpamā puggalā santo saṁvijjamānā lokasmiṁ.\nKatame cattāro?\nSakagavacaṇḍo no paragavacaṇḍo, paragavacaṇḍo no sakagavacaṇḍo, sakagavacaṇḍo ca paragavacaṇḍo ca, neva sakagavacaṇḍo no paragavacaṇḍo."}},{"id":"pp2.4:61","sourceIds":["pp2.4:61.1","pp2.4:61.2","pp2.4:61.3","pp2.4:61.4"],"kind":"text","text":{"pi":"Kathañca puggalo sakagavacaṇḍo hoti no paragavacaṇḍo?\nIdhekacco puggalo sakaparisaṁ ubbejitā hoti, no paraparisaṁ.\nEvaṁ puggalo sakagavacaṇḍo hoti no paragavacaṇḍo.\nSeyyathāpi so balībaddo sakagavacaṇḍo no paragavacaṇḍo, tathūpamo ayaṁ puggalo."}},{"id":"pp2.4:62","sourceIds":["pp2.4:62.1","pp2.4:62.2","pp2.4:62.3","pp2.4:62.4"],"kind":"text","text":{"pi":"Kathañca puggalo paragavacaṇḍo hoti no sakagavacaṇḍo?\nIdhekacco puggalo paraparisaṁ ubbejitā hoti, no sakaparisaṁ.\nEvaṁ puggalo paragavacaṇḍo hoti no sakagavacaṇḍo.\nSeyyathāpi so balībaddo paragavacaṇḍo no sakagavacaṇḍo, tathūpamo ayaṁ puggalo."}},{"id":"pp2.4:63","sourceIds":["pp2.4:63.1","pp2.4:63.2","pp2.4:63.3","pp2.4:63.4"],"kind":"text","text":{"pi":"Kathañca puggalo sakagavacaṇḍo ca hoti paragavacaṇḍo ca?\nIdhekacco puggalo sakaparisañca ubbejitā hoti, paraparisañca.\nEvaṁ puggalo sakagavacaṇḍo ca hoti paragavacaṇḍo ca.\nSeyyathāpi so balībaddo sakagavacaṇḍo ca paragavacaṇḍo ca, tathūpamo ayaṁ puggalo."}},{"id":"pp2.4:64","sourceIds":["pp2.4:64.1","pp2.4:64.2","pp2.4:64.3","pp2.4:64.4"],"kind":"text","text":{"pi":"Kathañca puggalo neva sakagavacaṇḍo hoti no paragavacaṇḍo?\nIdhekacco puggalo neva sakaparisaṁ ubbejitā hoti no paraparisaṁ.\nEvaṁ puggalo neva sakagavacaṇḍo hoti no paragavacaṇḍo.\nSeyyathāpi so balībaddo neva sakagavacaṇḍo no paragavacaṇḍo, tathūpamo ayaṁ puggalo."}},{"id":"pp2.4:65","sourceIds":["pp2.4:65.1"],"kind":"text","text":{"pi":"Ime cattāro balībaddūpamā puggalā santo saṁvijjamānā lokasmiṁ."}},{"id":"pp2.4:66","sourceIds":["pp2.4:66.1","pp2.4:66.2","pp2.4:66.3","pp2.4:66.4","pp2.4:66.5","pp2.4:66.6"],"kind":"text","text":{"pi":"Tattha katame cattāro āsīvisūpamā puggalā?\nCattāro āsīvisā—\nāgataviso no ghoraviso, ghoraviso no āgataviso, āgataviso ca ghoraviso ca, neva āgataviso no ghoraviso.\nEvamevaṁ cattārome āsīvisūpamā puggalā santo saṁvijjamānā lokasmiṁ.\nKatame cattāro?\nĀgataviso no ghoraviso, ghoraviso no āgataviso, āgataviso ca ghoraviso ca, neva āgataviso no ghoraviso."}},{"id":"pp2.4:67","sourceIds":["pp2.4:67.1","pp2.4:67.2","pp2.4:67.3","pp2.4:67.4","pp2.4:67.5"],"kind":"text","text":{"pi":"Kathañca puggalo āgataviso hoti no ghoraviso?\nIdhekacco puggalo abhiṇhaṁ kujjhati.\nSo ca khvassa kodho na ciraṁ dīgharattaṁ anuseti.\nEvaṁ puggalo āgataviso hoti, no ghoraviso.\nSeyyathāpi so āsīviso āgataviso no ghoraviso, tathūpamo ayaṁ puggalo."}},{"id":"pp2.4:68","sourceIds":["pp2.4:68.1","pp2.4:68.2","pp2.4:68.3","pp2.4:68.4","pp2.4:68.5"],"kind":"text","text":{"pi":"Kathañca puggalo ghoraviso hoti no āgataviso?\nIdhekacco puggalo naheva kho abhiṇhaṁ kujjhati.\nSo ca khvassa kodho ciraṁ dīgharattaṁ anuseti.\nEvaṁ puggalo ghoraviso hoti, no āgataviso.\nSeyyathāpi so āsīviso ghoraviso no āgataviso, tathūpamo ayaṁ puggalo."}},{"id":"pp2.4:69","sourceIds":["pp2.4:69.1","pp2.4:69.2","pp2.4:69.3","pp2.4:69.4","pp2.4:69.5"],"kind":"text","text":{"pi":"Kathañca puggalo āgataviso ca hoti ghoraviso ca?\nIdhekacco puggalo abhiṇhaṁ kujjhati.\nSo ca khvassa kodho ciraṁ dīgharattaṁ anuseti.\nEvaṁ puggalo āgataviso ca hoti ghoraviso ca.\nSeyyathāpi so āsīviso āgataviso ca ghoraviso ca, tathūpamo ayaṁ puggalo."}},{"id":"pp2.4:70","sourceIds":["pp2.4:70.1","pp2.4:70.2","pp2.4:70.3","pp2.4:70.4","pp2.4:70.5"],"kind":"text","text":{"pi":"Kathañca puggalo neva āgataviso hoti no ghoraviso?\nIdhekacco puggalo naheva kho abhiṇhaṁ kujjhati.\nSo ca khvassa kodho na ciraṁ dīgharattaṁ anuseti.\nEvaṁ puggalo neva āgataviso hoti no ghoraviso.\nSeyyathāpi so āsīviso neva āgataviso no ghoraviso, tathūpamo ayaṁ puggalo."}},{"id":"pp2.4:71","sourceIds":["pp2.4:71.1"],"kind":"text","text":{"pi":"Ime cattāro āsīvisūpamā puggalā santo saṁvijjamānā lokasmiṁ."}},{"id":"pp2.4:72","sourceIds":["pp2.4:72.1","pp2.4:72.2","pp2.4:72.3","pp2.4:72.4"],"kind":"text","text":{"pi":"Kathañca puggalo ananuvicca apariyogāhetvā avaṇṇārahassa vaṇṇaṁ bhāsitā hoti?\nIdhekacco puggalo duppaṭipannānaṁ micchāpaṭipannānaṁ titthiyānaṁ titthiyasāvakānaṁ vaṇṇaṁ bhāsati—\n“suppaṭipannā” itipi, “sammāpaṭipannā” itipīti.\nEvaṁ puggalo ananuvicca apariyogāhetvā avaṇṇārahassa vaṇṇaṁ bhāsitā hoti."}},{"id":"pp2.4:73","sourceIds":["pp2.4:73.1","pp2.4:73.2","pp2.4:73.3","pp2.4:73.4"],"kind":"text","text":{"pi":"Kathañca puggalo ananuvicca apariyogāhetvā vaṇṇārahassa avaṇṇaṁ bhāsitā hoti?\nIdhekacco puggalo suppaṭipannānaṁ sammāpaṭipannānaṁ buddhānaṁ buddhasāvakānaṁ avaṇṇaṁ bhāsati—\n“duppaṭipannā” itipi, “micchāpaṭipannā” itipīti.\nEvaṁ puggalo ananuvicca apariyogāhetvā vaṇṇārahassa avaṇṇaṁ bhāsitā hoti."}},{"id":"pp2.4:74","sourceIds":["pp2.4:74.1","pp2.4:74.2","pp2.4:74.3","pp2.4:74.4"],"kind":"text","text":{"pi":"Kathañca puggalo ananuvicca apariyogāhetvā appasādanīye ṭhāne pasādaṁ upadaṁsitā hoti?\nIdhekacco puggalo duppaṭipadāya micchāpaṭipadāya pasādaṁ janeti—\n“suppaṭipadā” itipi, “sammāpaṭipadā” itipīti.\nEvaṁ puggalo ananuvicca apariyogāhetvā appasādanīye ṭhāne pasādaṁ upadaṁsitā hoti."}},{"id":"pp2.4:75","sourceIds":["pp2.4:75.1","pp2.4:75.2","pp2.4:75.3","pp2.4:75.4"],"kind":"text","text":{"pi":"Kathañca puggalo ananuvicca apariyogāhetvā pasādanīye ṭhāne appasādaṁ upadaṁsitā hoti?\nIdhekacco puggalo suppaṭipadāya sammāpaṭipadāya appasādaṁ janeti—\n“duppaṭipadā” itipi, “micchāpaṭipadā” itipīti.\nEvaṁ puggalo ananuvicca apariyogāhetvā pasādanīye ṭhāne appasādaṁ upadaṁsitā hoti."}},{"id":"pp2.4:76","sourceIds":["pp2.4:76.1","pp2.4:76.2","pp2.4:76.3","pp2.4:76.4"],"kind":"text","text":{"pi":"Kathañca puggalo anuvicca pariyogāhetvā avaṇṇārahassa avaṇṇaṁ bhāsitā hoti?\nIdhekacco puggalo duppaṭipannānaṁ micchāpaṭipannānaṁ titthiyānaṁ titthiyasāvakānaṁ avaṇṇaṁ bhāsati—\n“duppaṭipannā” itipi, “micchāpaṭipannā” itipīti.\nEvaṁ puggalo anuvicca pariyogāhetvā avaṇṇārahassa avaṇṇaṁ bhāsitā hoti."}},{"id":"pp2.4:77","sourceIds":["pp2.4:77.1","pp2.4:77.2","pp2.4:77.3","pp2.4:77.4"],"kind":"text","text":{"pi":"Kathañca puggalo anuvicca pariyogāhetvā vaṇṇārahassa vaṇṇaṁ bhāsitā hoti?\nIdhekacco puggalo suppaṭipannānaṁ sammāpaṭipannānaṁ buddhānaṁ buddhasāvakānaṁ vaṇṇaṁ bhāsati—\n“suppaṭipannā” itipi, “sammāpaṭipannā” itipīti.\nEvaṁ puggalo anuvicca pariyogāhetvā vaṇṇārahassa vaṇṇaṁ bhāsitā hoti."}},{"id":"pp2.4:78","sourceIds":["pp2.4:78.1","pp2.4:78.2","pp2.4:78.3","pp2.4:78.4"],"kind":"text","text":{"pi":"Kathañca puggalo anuvicca pariyogāhetvā appasādanīye ṭhāne appasādaṁ upadaṁsitā hoti?\nIdhekacco puggalo duppaṭipadāya micchāpaṭipadāya appasādaṁ janeti—\n“duppaṭipadā” itipi, “micchāpaṭipadā” itipīti.\nEvaṁ puggalo anuvicca pariyogāhetvā appasādanīye ṭhāne appasādaṁ upadaṁsitā hoti."}},{"id":"pp2.4:79","sourceIds":["pp2.4:79.1","pp2.4:79.2","pp2.4:79.3","pp2.4:79.4"],"kind":"text","text":{"pi":"Kathañca puggalo anuvicca pariyogāhetvā pasādanīye ṭhāne pasādaṁ upadaṁsitā hoti?\nIdhekacco puggalo suppaṭipadāya sammāpaṭipadāya pasādaṁ janeti—\n“suppaṭipadā” itipi, “sammāpaṭipadā” itipīti.\nEvaṁ puggalo anuvicca pariyogāhetvā pasādanīye ṭhāne pasādaṁ upadaṁsitā hoti."}},{"id":"pp2.4:80","sourceIds":["pp2.4:80.1","pp2.4:80.2","pp2.4:80.3","pp2.4:80.4"],"kind":"text","text":{"pi":"Kathañca puggalo avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca kho vaṇṇārahassa vaṇṇaṁ bhāsitā hoti bhūtaṁ tacchaṁ kālena?\nIdhekacco puggalo vaṇṇopi saṁvijjati avaṇṇopi saṁvijjati.\nYo tattha avaṇṇo taṁ bhaṇati bhūtaṁ tacchaṁ kālena, yo tattha vaṇṇo taṁ na bhaṇati bhūtaṁ tacchaṁ kālena.\nEvaṁ puggalo avaṇṇārahassa avaṇṇaṁ bhāsitā hoti bhūtaṁ tacchaṁ kālena, no ca kho vaṇṇārahassa vaṇṇaṁ bhāsitā hoti bhūtaṁ tacchaṁ kālena."}},{"id":"pp2.4:81","sourceIds":["pp2.4:81.1","pp2.4:81.2","pp2.4:81.3","pp2.4:81.4"],"kind":"text","text":{"pi":"Kathañca puggalo vaṇṇārahassa vaṇṇaṁ bhāsitā hoti bhūtaṁ tacchaṁ kālena, no ca kho avaṇṇārahassa avaṇṇaṁ bhāsitā hoti bhūtaṁ tacchaṁ kālena?\nIdhekacco puggalo vaṇṇopi saṁvijjati avaṇṇopi saṁvijjati.\nYo tattha vaṇṇo taṁ bhaṇati bhūtaṁ tacchaṁ kālena, yo tattha avaṇṇo taṁ na bhaṇati bhūtaṁ tacchaṁ kālena.\nEvaṁ puggalo vaṇṇārahassa vaṇṇaṁ bhāsitā hoti bhūtaṁ tacchaṁ kālena, no ca kho avaṇṇārahassa avaṇṇaṁ bhāsitā hoti bhūtaṁ tacchaṁ kālena."}},{"id":"pp2.4:82","sourceIds":["pp2.4:82.1","pp2.4:82.2","pp2.4:82.3","pp2.4:82.4","pp2.4:82.5"],"kind":"text","text":{"pi":"Kathañca puggalo avaṇṇārahassa ca avaṇṇaṁ bhāsitā hoti bhūtaṁ tacchaṁ kālena, vaṇṇārahassa ca vaṇṇaṁ bhāsitā hoti bhūtaṁ tacchaṁ kālena?\nIdhekacco puggalo vaṇṇopi saṁvijjati avaṇṇopi saṁvijjati.\nYo tattha avaṇṇo taṁ bhaṇati bhūtaṁ tacchaṁ kālena, yopi tattha vaṇṇo tampi bhaṇati bhūtaṁ tacchaṁ kālena.\nTatra kālaññū hoti tassa pañhassa veyyākaraṇāya.\nEvaṁ puggalo avaṇṇārahassa ca avaṇṇaṁ bhāsitā hoti bhūtaṁ tacchaṁ kālena, vaṇṇārahassa ca vaṇṇaṁ bhāsitā hoti bhūtaṁ tacchaṁ kālena."}},{"id":"pp2.4:83","sourceIds":["pp2.4:83.1","pp2.4:83.2","pp2.4:83.3","pp2.4:83.4","pp2.4:83.5"],"kind":"text","text":{"pi":"Kathañca puggalo neva avaṇṇārahassa avaṇṇaṁ bhāsitā hoti bhūtaṁ tacchaṁ kālena, nopi vaṇṇārahassa vaṇṇaṁ bhāsitā hoti bhūtaṁ tacchaṁ kālena?\nIdhekacco puggalo vaṇṇopi saṁvijjati avaṇṇopi saṁvijjati.\nYo tattha avaṇṇo taṁ na bhaṇati bhūtaṁ tacchaṁ kālena, yopi tattha vaṇṇo tampi na bhaṇati bhūtaṁ tacchaṁ kālena.\nUpekkhako viharati sato sampajāno.\nEvaṁ puggalo neva avaṇṇārahassa avaṇṇaṁ bhāsitā hoti bhūtaṁ tacchaṁ kālena, nopi vaṇṇārahassa vaṇṇaṁ bhāsitā hoti bhūtaṁ tacchaṁ kālena."}},{"id":"pp2.4:84","sourceIds":["pp2.4:84.1","pp2.4:84.2","pp2.4:84.3"],"kind":"text","text":{"pi":"Katamo ca puggalo uṭṭhānaphalūpajīvī no puññaphalūpajīvī?\nYassa puggalassa uṭṭhahato ghaṭato vāyamato ājīvo abhinibbattati, no puññato—\nayaṁ vuccati puggalo “uṭṭhānaphalūpajīvī, no puññaphalūpajīvī”."}},{"id":"pp2.4:85","sourceIds":["pp2.4:85.1","pp2.4:85.2"],"kind":"text","text":{"pi":"Katamo ca puggalo puññaphalūpajīvī no uṭṭhānaphalūpajīvī?\nParanimmitavasavattī deve upādāya tatūpari devā puññaphalūpajīvino na uṭṭhānaphalūpajīvino."}},{"id":"pp2.4:86","sourceIds":["pp2.4:86.1","pp2.4:86.2","pp2.4:86.3"],"kind":"text","text":{"pi":"Katamo ca puggalo uṭṭhānaphalūpajīvī ca puññaphalūpajīvī ca?\nYassa puggalassa uṭṭhahato ghaṭato vāyamato ājīvo abhinibbattati puññato ca—\nayaṁ vuccati puggalo “uṭṭhānaphalūpajīvī ca puññaphalūpajīvī ca”."}},{"id":"pp2.4:87","sourceIds":["pp2.4:87.1","pp2.4:87.2"],"kind":"text","text":{"pi":"Katamo ca puggalo neva uṭṭhānaphalūpajīvī no puññaphalūpajīvī?\nNerayikā neva uṭṭhānaphalūpajīvino no puññaphalūpajīvino."}},{"id":"pp2.4:88","sourceIds":["pp2.4:88.1","pp2.4:88.2","pp2.4:88.3","pp2.4:88.4","pp2.4:88.5","pp2.4:88.6","pp2.4:88.7"],"kind":"text","text":{"pi":"Kathañca puggalo tamo hoti tamaparāyano?\nIdhekacco puggalo nīce kule paccājāto hoti—\ncaṇḍālakule vā nesādakule vā venakule vā rathakārakule vā pukkusakule vā dalidde appannapānabhojane kasiravuttike, yattha kasirena ghāsacchādo labbhati.\nSo ca hoti dubbaṇṇo duddasiko okoṭimako bahvābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadīpeyyassa.\nSo kāyena duccaritaṁ carati, vācāya duccaritaṁ carati, manasā duccaritaṁ carati.\nSo kāyena duccaritaṁ caritvā vācāya duccaritaṁ caritvā manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nEvaṁ puggalo tamo hoti tamaparāyano."}},{"id":"pp2.4:89","sourceIds":["pp2.4:89.1","pp2.4:89.2","pp2.4:89.3","pp2.4:89.4","pp2.4:89.5","pp2.4:89.6","pp2.4:89.7"],"kind":"text","text":{"pi":"Kathañca puggalo tamo hoti jotiparāyano?\nIdhekacco puggalo nīce kule paccājāto hoti—\ncaṇḍālakule vā nesādakule vā venakule vā rathakārakule vā pukkusakule vā dalidde appannapānabhojane kasiravuttike, yattha kasirena ghāsacchādo labbhati.\nSo ca hoti dubbaṇṇo duddasiko okoṭimako bahvābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadīpeyyassa.\nSo kāyena sucaritaṁ carati, vācāya sucaritaṁ carati, manasā sucaritaṁ carati.\nSo kāyena sucaritaṁ caritvā vācāya sucaritaṁ caritvā manasā sucaritaṁ caritvā kāyassa bhedā paraṁ maraṇā sugatiṁ saggaṁ lokaṁ upapajjati.\nEvaṁ puggalo tamo hoti jotiparāyano."}},{"id":"pp2.4:90","sourceIds":["pp2.4:90.1","pp2.4:90.2","pp2.4:90.3","pp2.4:90.4","pp2.4:90.5","pp2.4:90.6","pp2.4:90.7"],"kind":"text","text":{"pi":"Kathañca puggalo joti hoti tamaparāyano?\nIdhekacco puggalo ucce kule paccājāto hoti—\nkhattiyamahāsālakule vā brāhmaṇamahāsālakule vā gahapatimahāsālakule vā aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe.\nSo ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa.\nSo kāyena duccaritaṁ carati, vācāya duccaritaṁ carati, manasā duccaritaṁ carati.\nSo kāyena duccaritaṁ caritvā vācāya duccaritaṁ caritvā manasā duccaritaṁ caritvā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nEvaṁ puggalo joti hoti tamaparāyano."}},{"id":"pp2.4:91","sourceIds":["pp2.4:91.1","pp2.4:91.2","pp2.4:91.3","pp2.4:91.4","pp2.4:91.5","pp2.4:91.6","pp2.4:91.7"],"kind":"text","text":{"pi":"Kathañca puggalo joti hoti jotiparāyano?\nIdhekacco puggalo ucce kule paccājāto hoti—\nkhattiyamahāsālakule vā brāhmaṇamahāsālakule vā gahapatimahāsālakule vā aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe.\nSo ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa.\nSo kāyena sucaritaṁ carati, vācāya sucaritaṁ carati, manasā sucaritaṁ carati.\nSo kāyena sucaritaṁ caritvā vācāya sucaritaṁ caritvā manasā sucaritaṁ caritvā kāyassa bhedā paraṁ maraṇā sugatiṁ saggaṁ lokaṁ upapajjati.\nEvaṁ puggalo joti hoti jotiparāyano."}},{"id":"pp2.4:92","sourceIds":["pp2.4:92.1","pp2.4:92.2"],"kind":"text","text":{"pi":"Kathañca puggalo oṇatoṇato hoti …pe…\nevaṁ puggalo oṇatoṇato hoti."}},{"id":"pp2.4:93","sourceIds":["pp2.4:93.1","pp2.4:93.2"],"kind":"text","text":{"pi":"Kathañca puggalo oṇatuṇṇato hoti …pe…\nevaṁ puggalo oṇatuṇṇato hoti."}},{"id":"pp2.4:94","sourceIds":["pp2.4:94.1","pp2.4:94.2"],"kind":"text","text":{"pi":"Kathañca puggalo uṇṇatoṇato hoti …pe…\nevaṁ puggalo uṇṇatoṇato hoti."}},{"id":"pp2.4:95","sourceIds":["pp2.4:95.1","pp2.4:95.2"],"kind":"text","text":{"pi":"Kathañca puggalo uṇṇatuṇṇato hoti …pe…\nevaṁ puggalo uṇṇatuṇṇato hoti."}},{"id":"pp2.4:96","sourceIds":["pp2.4:96.1","pp2.4:96.2","pp2.4:96.3","pp2.4:96.4","pp2.4:96.5","pp2.4:96.6"],"kind":"text","text":{"pi":"Tattha katame cattāro rukkhūpamā puggalā?\nCattāro rukkhā—\npheggu sāraparivāro, sāro phegguparivāro, pheggu phegguparivāro, sāro sāraparivāro.\nEvamevaṁ cattārome rukkhūpamā puggalā santo saṁvijjamānā lokasmiṁ.\nKatame cattāro?\nPheggu sāraparivāro, sāro phegguparivāro, pheggu phegguparivāro, sāro sāraparivāro."}},{"id":"pp2.4:97","sourceIds":["pp2.4:97.1","pp2.4:97.2","pp2.4:97.3","pp2.4:97.4"],"kind":"text","text":{"pi":"Kathañca puggalo pheggu hoti sāraparivāro?\nIdhekacco puggalo dussīlo hoti pāpadhammo, parisā ca khvassa hoti sīlavatī kalyāṇadhammā.\nEvaṁ puggalo pheggu hoti sāraparivāro.\nSeyyathāpi so rukkho pheggu sāraparivāro, tathūpamo ayaṁ puggalo."}},{"id":"pp2.4:98","sourceIds":["pp2.4:98.1","pp2.4:98.2","pp2.4:98.3","pp2.4:98.4"],"kind":"text","text":{"pi":"Kathañca puggalo sāro hoti phegguparivāro?\nIdhekacco puggalo sīlavā hoti kalyāṇadhammo, parisā ca khvassa hoti dussīlā pāpadhammā.\nEvaṁ puggalo sāro hoti phegguparivāro.\nSeyyathāpi so rukkho sāro phegguparivāro, tathūpamo ayaṁ puggalo."}},{"id":"pp2.4:99","sourceIds":["pp2.4:99.1","pp2.4:99.2","pp2.4:99.3","pp2.4:99.4"],"kind":"text","text":{"pi":"Kathañca puggalo pheggu hoti phegguparivāro?\nIdhekacco puggalo dussīlo hoti pāpadhammo, parisāpissa hoti dussīlā pāpadhammā.\nEvaṁ puggalo pheggu hoti phegguparivāro.\nSeyyathāpi so rukkho pheggu phegguparivāro, tathūpamo ayaṁ puggalo."}},{"id":"pp2.4:100","sourceIds":["pp2.4:100.1","pp2.4:100.2","pp2.4:100.3","pp2.4:100.4"],"kind":"text","text":{"pi":"Kathañca puggalo sāro hoti sāraparivāro?\nIdhekacco puggalo sīlavā hoti kalyāṇadhammo, parisāpissa hoti sīlavatī kalyāṇadhammā.\nEvaṁ puggalo sāro hoti sāraparivāro.\nSeyyathāpi so rukkho sāro sāraparivāro, tathūpamo ayaṁ puggalo."}},{"id":"pp2.4:101","sourceIds":["pp2.4:101.1"],"kind":"text","text":{"pi":"Ime cattāro rukkhūpamā puggalā santo saṁvijjamānā lokasmiṁ."}},{"id":"pp2.4:102","sourceIds":["pp2.4:102.1","pp2.4:102.2","pp2.4:102.3"],"kind":"text","text":{"pi":"Katamo ca puggalo rūpappamāṇo rūpappasanno?\nIdhekacco puggalo ārohaṁ vā passitvā pariṇāhaṁ vā passitvā saṇṭhānaṁ vā passitvā pāripūriṁ vā passitvā tattha pamāṇaṁ gahetvā pasādaṁ janeti.\nAyaṁ vuccati puggalo rūpappamāṇo rūpappasanno."}},{"id":"pp2.4:103","sourceIds":["pp2.4:103.1","pp2.4:103.2","pp2.4:103.3"],"kind":"text","text":{"pi":"Katamo ca puggalo ghosappamāṇo ghosappasanno?\nIdhekacco puggalo paravaṇṇanāya parathomanāya parapasaṁsanāya paravaṇṇahārikāya tattha pamāṇaṁ gahetvā pasādaṁ janeti.\nAyaṁ vuccati puggalo ghosappamāṇo ghosappasanno."}},{"id":"pp2.4:104","sourceIds":["pp2.4:104.1","pp2.4:104.2","pp2.4:104.3"],"kind":"text","text":{"pi":"Katamo ca puggalo lūkhappamāṇo lūkhappasanno?\nIdhekacco puggalo cīvaralūkhaṁ vā passitvā pattalūkhaṁ vā passitvā senāsanalūkhaṁ vā passitvā vividhaṁ vā dukkarakārikaṁ passitvā tattha pamāṇaṁ gahetvā pasādaṁ janeti.\nAyaṁ vuccati puggalo lūkhappamāṇo lūkhappasanno."}},{"id":"pp2.4:105","sourceIds":["pp2.4:105.1","pp2.4:105.2","pp2.4:105.3"],"kind":"text","text":{"pi":"Katamo ca puggalo dhammappamāṇo dhammappasanno?\nIdhekacco puggalo sīlaṁ vā passitvā samādhiṁ vā passitvā paññaṁ vā passitvā tattha pamāṇaṁ gahetvā pasādaṁ janeti.\nAyaṁ vuccati puggalo dhammappamāṇo dhammappasanno."}},{"id":"pp2.4:106","sourceIds":["pp2.4:106.1","pp2.4:106.2","pp2.4:106.3","pp2.4:106.4","pp2.4:106.5","pp2.4:106.6","pp2.4:106.7"],"kind":"text","text":{"pi":"Kathañca puggalo attahitāya paṭipanno hoti no parahitāya?\nIdhekacco puggalo attanā sīlasampanno hoti, no paraṁ sīlasampadāya samādapeti;\nattanā samādhisampanno hoti, no paraṁ samādhisampadāya samādapeti;\nattanā paññāsampanno hoti, no paraṁ paññāsampadāya samādapeti;\nattanā vimuttisampanno hoti, no paraṁ vimuttisampadāya samādapeti;\nattanā vimuttiñāṇadassanasampanno hoti, no paraṁ vimuttiñāṇadassanasampadāya samādapeti.\nEvaṁ puggalo attahitāya paṭipanno hoti no parahitāya."}},{"id":"pp2.4:107","sourceIds":["pp2.4:107.1","pp2.4:107.2","pp2.4:107.3","pp2.4:107.4","pp2.4:107.5","pp2.4:107.6","pp2.4:107.7"],"kind":"text","text":{"pi":"Kathañca puggalo parahitāya paṭipanno hoti no attahitāya?\nIdhekacco puggalo attanā na sīlasampanno hoti, paraṁ sīlasampadāya samādapeti;\nattanā na samādhisampanno hoti, paraṁ samādhisampadāya samādapeti;\nattanā na paññāsampanno hoti, paraṁ paññāsampadāya samādapeti;\nattanā na vimuttisampanno hoti, paraṁ vimuttisampadāya samādapeti;\nattanā na vimuttiñāṇadassanasampanno hoti, paraṁ vimuttiñāṇadassanasampadāya samādapeti.\nEvaṁ puggalo parahitāya paṭipanno hoti no attahitāya."}},{"id":"pp2.4:108","sourceIds":["pp2.4:108.1","pp2.4:108.2","pp2.4:108.3","pp2.4:108.4","pp2.4:108.5","pp2.4:108.6","pp2.4:108.7"],"kind":"text","text":{"pi":"Kathañca puggalo attahitāya ceva paṭipanno hoti parahitāya ca?\nIdhekacco puggalo attanā ca sīlasampanno hoti, parañca sīlasampadāya samādapeti;\nattanā ca samādhisampanno hoti, parañca samādhisampadāya samādapeti;\nattanā ca paññāsampanno hoti, parañca paññāsampadāya samādapeti;\nattanā ca vimuttisampanno hoti, parañca vimuttisampadāya samādapeti;\nattanā ca vimuttiñāṇadassanasampanno hoti, parañca vimuttiñāṇadassanasampadāya samādapeti.\nEvaṁ puggalo attahitāya ceva paṭipanno hoti parahitāya ca."}},{"id":"pp2.4:109","sourceIds":["pp2.4:109.1","pp2.4:109.2","pp2.4:109.3","pp2.4:109.4","pp2.4:109.5","pp2.4:109.6","pp2.4:109.7"],"kind":"text","text":{"pi":"Kathañca puggalo neva attahitāya paṭipanno hoti no parahitāya?\nIdhekacco puggalo attanā na sīlasampanno hoti, no paraṁ sīlasampadāya samādapeti;\nattanā na samādhisampanno hoti, no paraṁ samādhisampadāya samādapeti;\nattanā na paññāsampanno hoti, no paraṁ paññāsampadāya samādapeti;\nattanā na vimuttisampanno hoti, no paraṁ vimuttisampadāya samādapeti;\nattanā na vimuttiñāṇadassanasampanno hoti, no paraṁ vimuttiñāṇadassanasampadāya samādapeti.\nEvaṁ puggalo neva attahitāya paṭipanno hoti no parahitāya."}},{"id":"pp2.4:110","sourceIds":["pp2.4:110.1","pp2.4:110.2","pp2.4:110.3","pp2.4:110.4","pp2.4:110.5","pp2.4:110.6","pp2.4:110.7","pp2.4:110.8","pp2.4:110.9","pp2.4:110.10","pp2.4:110.11","pp2.4:110.12","pp2.4:110.13"],"kind":"text","text":{"pi":"Kathañca puggalo attantapo hoti attaparitāpanānuyogamanuyutto?\nIdhekacco puggalo acelako hoti muttācāro hatthāpalekhano, naehibhaddantiko natiṭṭhabhaddantiko nābhihaṭaṁ na uddissakataṁ na nimantanaṁ sādiyati, so na kumbhimukhā paṭiggaṇhāti na kaḷopimukhā paṭiggaṇhāti, na eḷakamantaraṁ na daṇḍamantaraṁ na musalamantaraṁ na dvinnaṁ bhuñjamānānaṁ na gabbhiniyā na pāyamānāya na purisantaragatāya, na saṅkittīsu na yattha sā upaṭṭhito hoti na yattha makkhikā saṇḍasaṇḍacārinī, na macchaṁ na maṁsaṁ na suraṁ na merayaṁ na thusodakaṁ pivati.\nSo ekāgāriko vā hoti ekālopiko, dvāgāriko vā hoti dvālopiko …pe…\nsattāgāriko vā hoti sattālopiko;\nekissāpi dattiyā yāpeti, dvīhipi dattīhi yāpeti …pe…\nsattahipi dattīhi yāpeti;\nekāhikampi āhāraṁ āhāreti, dvīhikampi āhāraṁ āhāreti …pe…\nsattāhikampi āhāraṁ āhāreti.\nIti evarūpaṁ aḍḍhamāsikampi pariyāyabhattabhojanānuyogamanuyutto viharati.\nSo sākabhakkho vā hoti sāmākabhakkho vā hoti nīvārabhakkho vā hoti daddulabhakkho vā hoti haṭabhakkho vā hoti kaṇabhakkho vā hoti ācāmabhakkho vā hoti piññākabhakkho vā hoti tiṇabhakkho vā hoti gomayabhakkho vā hoti, vanamūlaphalāhāro yāpeti pavattaphalabhojī.\nSo sāṇānipi dhāreti masāṇānipi dhāreti chavadussānipi dhāreti paṁsukūlānipi dhāreti tirīṭānipi dhāreti ajinampi dhāreti ajinakkhipampi dhāreti kusacīrampi dhāreti vākacīrampi dhāreti phalakacīrampi dhāreti kesakambalampi dhāreti vāḷakambalampi dhāreti ulūkapakkhampi dhāreti, kesamassulocakopi hoti kesamassulocanānuyogamanuyutto, ubbhaṭṭhakopi hoti āsanapaṭikkhitto, ukkuṭikopi hoti ukkuṭikappadhānamanuyutto, kaṇṭakāpassayikopi hoti kaṇṭakāpassaye seyyaṁ kappeti, sāyatatiyakampi udakorohanānuyogamanuyutto viharati.\nIti evarūpaṁ anekavihitaṁ kāyassa ātāpanaparitāpanānuyogamanuyutto viharati.\nEvaṁ puggalo attantapo hoti attaparitāpanānuyogamanuyutto."}},{"id":"pp2.4:111","sourceIds":["pp2.4:111.1","pp2.4:111.2","pp2.4:111.3"],"kind":"text","text":{"pi":"Kathañca puggalo parantapo hoti paraparitāpanānuyogamanuyutto?\nIdhekacco puggalo orabbhiko hoti sūkariko sākuṇiko māgaviko luddo macchaghātako coro coraghātako goghātako bandhanāgāriko, ye vā panaññepi keci kurūrakammantā.\nEvaṁ puggalo parantapo hoti paraparitāpanānuyogamanuyutto."}},{"id":"pp2.4:112","sourceIds":["pp2.4:112.1","pp2.4:112.2","pp2.4:112.3","pp2.4:112.4","pp2.4:112.5","pp2.4:112.6","pp2.4:112.7","pp2.4:112.8","pp2.4:112.9"],"kind":"text","text":{"pi":"Kathañca puggalo attantapo ca hoti attaparitāpanānuyogamanuyutto, parantapo ca paraparitāpanānuyogamanuyutto?\nIdhekacco puggalo rājā vā hoti khattiyo muddhāvasitto brāhmaṇo vā mahāsālo.\nSo puratthimena nagarassa navaṁ sandhāgāraṁ kārāpetvā kesamassuṁ ohāretvā kharājinaṁ nivāsetvā sappitelena kāyaṁ abbhañjitvā migavisāṇena piṭṭhiṁ kaṇḍuvamāno sandhāgāraṁ pavisati saddhiṁ mahesiyā brāhmaṇena ca purohitena.\nSo tattha anantarahitāya bhūmiyā haritupalittāya seyyaṁ kappeti.\nEkissā gāviyā sarūpavacchāya yaṁ ekasmiṁ thane khīraṁ hoti tena rājā yāpeti, yaṁ dutiyasmiṁ thane khīraṁ hoti tena mahesī yāpeti, yaṁ tatiyasmiṁ thane khīraṁ hoti tena brāhmaṇo purohito yāpeti, yaṁ catutthasmiṁ thane khīraṁ hoti tena aggiṁ juhati, avasesena vacchako yāpeti.\nSo evamāha—\n“ettakā usabhā haññantu yaññatthāya, ettakā vacchatarā haññantu yaññatthāya, ettakā vacchatariyo haññantu yaññatthāya, ettakā ajā haññantu yaññatthāya, ettakā urabbhā haññantu yaññatthāya, ettakā assā haññantu yaññatthāya ettakā rukkhā chijjantu yūpatthāya, ettakā dabbhā lūyantu barihisatthāyā”ti.\nYepissa te honti dāsāti vā pessāti vā kammakarāti vā, tepi daṇḍatajjitā bhayatajjitā assumukhā rudamānā parikammāni karonti.\nEvaṁ puggalo attantapo ca hoti attaparitāpanānuyogamanuyutto, parantapo ca paraparitāpanānuyogamanuyutto."}},{"id":"pp2.4:113","sourceIds":["pp2.4:113.1","pp2.4:113.2"],"kind":"text","text":{"pi":"Kathañca puggalo neva attantapo ca hoti na attaparitāpanānuyogamanuyutto, na parantapo na paraparitāpanānuyogamanuyutto?\nSo anattantapo aparantapo diṭṭheva dhamme nicchāto nibbuto sītībhūto sukhappaṭisaṁvedī brahmabhūtena attanā viharati."}},{"id":"pp2.4:114","sourceIds":["pp2.4:114.1","pp2.4:114.2","pp2.4:114.3","pp2.4:114.4","pp2.4:114.5","pp2.4:114.6","pp2.4:114.7","pp2.4:114.8","pp2.4:114.9","pp2.4:114.10"],"kind":"text","text":{"pi":"Idha tathāgato loke uppajjati arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā.\nSo imaṁ lokaṁ sadevakaṁ samārakaṁ sabrahmakaṁ sassamaṇabrāhmaṇiṁ pajaṁ sadevamanussaṁ sayaṁ abhiññā sacchikatvā pavedeti.\nSo dhammaṁ deseti ādikalyāṇaṁ majjhekalyāṇaṁ pariyosānakalyāṇaṁ sātthaṁ sabyañjanaṁ, kevalaparipuṇṇaṁ parisuddhaṁ brahmacariyaṁ pakāseti.\nTaṁ dhammaṁ suṇāti gahapati vā gahapatiputto vā aññatarasmiṁ vā kule paccājāto.\nSo taṁ dhammaṁ sutvā tathāgate saddhaṁ paṭilabhati.\nSo tena saddhāpaṭilābhena samannāgato iti paṭisañcikkhati—\n“sambādho gharāvāso rajāpatho, abbhokāso pabbajjā.\nNayidaṁ sukaraṁ agāraṁ ajjhāvasatā ekantaparipuṇṇaṁ ekantaparisuddhaṁ saṅkhalikhitaṁ brahmacariyaṁ carituṁ.\nYannūnāhaṁ kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajeyyan”ti.\nSo aparena samayena appaṁ vā bhogakkhandhaṁ pahāya mahantaṁ vā bhogakkhandhaṁ pahāya appaṁ vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ ohāretvā kāsāyāni vatthāni acchādetvā agārasmā anagāriyaṁ pabbajati."}},{"id":"pp2.4:115","sourceIds":["pp2.4:115.1"],"kind":"text","text":{"pi":"So evaṁ pabbajito samāno bhikkhūnaṁ sikkhāsājīvasamāpanno pāṇātipātaṁ pahāya pāṇātipātā paṭivirato hoti nihitadaṇḍo nihitasattho lajjī dayāpanno sabbapāṇabhūtahitānukampī viharati."}},{"id":"pp2.4:116","sourceIds":["pp2.4:116.1"],"kind":"text","text":{"pi":"Adinnādānaṁ pahāya adinnādānā paṭivirato hoti dinnādāyī dinnapāṭikaṅkhī, athenena sucibhūtena attanā viharati."}},{"id":"pp2.4:117","sourceIds":["pp2.4:117.1"],"kind":"text","text":{"pi":"Abrahmacariyaṁ pahāya brahmacārī hoti ārācārī paṭivirato methunā gāmadhammā."}},{"id":"pp2.4:118","sourceIds":["pp2.4:118.1"],"kind":"text","text":{"pi":"Musāvādaṁ pahāya musāvādā paṭivirato hoti saccavādī saccasandho theto paccayiko avisaṁvādako lokassa."}},{"id":"pp2.4:119","sourceIds":["pp2.4:119.1","pp2.4:119.2"],"kind":"text","text":{"pi":"Pisuṇaṁ vācaṁ pahāya pisuṇāya vācāya paṭivirato hoti, ito sutvā na amutra akkhātā imesaṁ bhedāya, amutra vā sutvā na imesaṁ akkhātā amūsaṁ bhedāya.\nIti bhinnānaṁ vā sandhātā sahitānaṁ vā anuppadātā samaggārāmo samaggarato samagganandī samaggakaraṇiṁ vācaṁ bhāsitā hoti."}},{"id":"pp2.4:120","sourceIds":["pp2.4:120.1","pp2.4:120.2"],"kind":"text","text":{"pi":"Pharusaṁ vācaṁ pahāya pharusāya vācāya paṭivirato hoti.\nYā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṁ vācaṁ bhāsitā hoti."}},{"id":"pp2.4:121","sourceIds":["pp2.4:121.1"],"kind":"text","text":{"pi":"Samphappalāpaṁ pahāya samphappalāpā paṭivirato hoti, kālavādī bhūtavādī atthavādī dhammavādī vinayavādī nidhānavatiṁ vācaṁ bhāsitā kālena sāpadesaṁ pariyantavatiṁ atthasaṁhitaṁ."}},{"id":"pp2.4:122","sourceIds":["pp2.4:122.1"],"kind":"text","text":{"pi":"So bījagāmabhūtagāmasamārambhā paṭivirato hoti, ekabhattiko hoti rattūparato virato vikālabhojanā, naccagītavāditavisūkadassanā paṭivirato hoti, mālāgandhavilepanadhāraṇamaṇḍanavibhūsanaṭṭhānā paṭivirato hoti, uccāsayanamahāsayanā paṭivirato hoti, jātarūparajatapaṭiggahaṇā paṭivirato hoti."}},{"id":"pp2.4:123","sourceIds":["pp2.4:123.1"],"kind":"text","text":{"pi":"Āmakadhaññapaṭiggahaṇā paṭivirato hoti, āmakamaṁsapaṭiggahaṇā paṭivirato hoti, itthikumārikāpaṭiggahaṇā paṭivirato hoti, dāsidāsapaṭiggahaṇā paṭivirato hoti, ajeḷakapaṭiggahaṇā paṭivirato hoti, kukkuṭasūkarapaṭiggahaṇā paṭivirato hoti, hatthigavāssavaḷavapaṭiggahaṇā paṭivirato hoti, khettavatthupaṭiggahaṇā paṭivirato hoti, dūteyyapahiṇagamanānuyogā paṭivirato hoti, kayavikkayā paṭivirato hoti, tulākūṭakaṁsakūṭamānakūṭā paṭivirato hoti, ukkoṭanavañcananikatisāciyogā paṭivirato hoti, chedanavadhabandhanaviparāmosaālopasahasākārā paṭivirato hoti."}},{"id":"pp2.4:124","sourceIds":["pp2.4:124.1","pp2.4:124.2","pp2.4:124.3","pp2.4:124.4","pp2.4:124.5"],"kind":"text","text":{"pi":"So santuṭṭho hoti kāyaparihārikena cīvarena kucchiparihārikena piṇḍapātena.\nSo yena yeneva pakkamati samādāyeva pakkamati, seyyathāpi nāma pakkhī sakuṇo yena yeneva ḍeti sapattabhārova ḍeti.\nEvamevaṁ bhikkhu santuṭṭho hoti kāyaparihārikena cīvarena kucchiparihārikena piṇḍapātena.\nSo yena yeneva pakkamati samādāyeva pakkamati.\nSo iminā ariyena sīlakkhandhena samannāgato ajjhattaṁ anavajjasukhaṁ paṭisaṁvedeti."}},{"id":"pp2.4:125","sourceIds":["pp2.4:125.1","pp2.4:125.2","pp2.4:125.3","pp2.4:125.4","pp2.4:125.5","pp2.4:125.6","pp2.4:125.7","pp2.4:125.8","pp2.4:125.9"],"kind":"text","text":{"pi":"So cakkhunā rūpaṁ disvā na nimittaggāhī hoti nānubyañjanaggāhī.\nYatvādhikaraṇamenaṁ cakkhundriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati cakkhundriyaṁ, cakkhundriye saṁvaraṁ āpajjati;\nsotena saddaṁ sutvā …pe…\nghānena gandhaṁ ghāyitvā …pe…\njivhāya rasaṁ sāyitvā …pe…\nkāyena phoṭṭhabbaṁ phusitvā …pe…\nmanasā dhammaṁ viññāya na nimittaggāhī hoti nānubyañjanaggāhī.\nYatvādhikaraṇamenaṁ manindriyaṁ asaṁvutaṁ viharantaṁ abhijjhādomanassā pāpakā akusalā dhammā anvāssaveyyuṁ, tassa saṁvarāya paṭipajjati, rakkhati manindriyaṁ, manindriye saṁvaraṁ āpajjati.\nSo iminā ariyena indriyasaṁvarena samannāgato ajjhattaṁ abyāsekasukhaṁ paṭisaṁvedeti."}},{"id":"pp2.4:126","sourceIds":["pp2.4:126.1"],"kind":"text","text":{"pi":"So abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti."}},{"id":"pp2.4:127","sourceIds":["pp2.4:127.1","pp2.4:127.2","pp2.4:127.3","pp2.4:127.4","pp2.4:127.5","pp2.4:127.6","pp2.4:127.7"],"kind":"text","text":{"pi":"So iminā ca ariyena sīlakkhandhena samannāgato iminā ca ariyena indriyasaṁvarena samannāgato iminā ca ariyena satisampajaññena samannāgato imāya ca ariyāya santuṭṭhiyā samannāgato vivittaṁ senāsanaṁ bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ abbhokāsaṁ palālapuñjaṁ.\nSo pacchābhattaṁ piṇḍapātapaṭikkanto nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.\nSo abhijjhaṁ loke pahāya vigatābhijjhena cetasā viharati, abhijjhāya cittaṁ parisodheti;\nbyāpādapadosaṁ pahāya abyāpannacitto viharati sabbapāṇabhūtahitānukampī, byāpādapadosā cittaṁ parisodheti;\nthinamiddhaṁ pahāya vigatathinamiddho viharati ālokasaññī sato sampajāno, thinamiddhā cittaṁ parisodheti;\nuddhaccakukkuccaṁ pahāya anuddhato viharati ajjhattaṁ vūpasantacitto, uddhaccakukkuccā cittaṁ parisodheti;\nvicikicchaṁ pahāya tiṇṇavicikiccho viharati akathaṅkathī kusalesu dhammesu, vicikicchāya cittaṁ parisodheti."}},{"id":"pp2.4:128","sourceIds":["pp2.4:128.1","pp2.4:128.2","pp2.4:128.3","pp2.4:128.4"],"kind":"text","text":{"pi":"So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṁ savicāraṁ vivekajaṁ pītisukhaṁ paṭhamaṁ jhānaṁ upasampajja viharati;\nvitakkavicārānaṁ vūpasamā ajjhattaṁ sampasādanaṁ cetaso ekodibhāvaṁ avitakkaṁ avicāraṁ samādhijaṁ pītisukhaṁ dutiyaṁ jhānaṁ upasampajja viharati;\npītiyā ca virāgā upekkhako ca viharati sato ca sampajāno sukhañca kāyena paṭisaṁvedeti, yaṁ taṁ ariyā ācikkhanti—“upekkhako satimā sukhavihārī”ti tatiyaṁ jhānaṁ upasampajja viharati;\nsukhassa ca pahānā dukkhassa ca pahānā pubbeva somanassadomanassānaṁ atthaṅgamā adukkhamasukhaṁ upekkhāsatipārisuddhiṁ catutthaṁ jhānaṁ upasampajja viharati."}},{"id":"pp2.4:129","sourceIds":["pp2.4:129.1","pp2.4:129.2","pp2.4:129.3","pp2.4:129.4","pp2.4:129.5","pp2.4:129.6"],"kind":"text","text":{"pi":"So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṁ abhininnāmeti.\nSo anekavihitaṁ pubbenivāsaṁ anussarati, seyyathidaṁ—\nekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe—\n“amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto, so tato cuto amutra udapādiṁ;\ntatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto, so tato cuto idhūpapanno”ti.\nIti sākāraṁ sauddesaṁ anekavihitaṁ pubbenivāsaṁ anussarati."}},{"id":"pp2.4:130","sourceIds":["pp2.4:130.1","pp2.4:130.2","pp2.4:130.3","pp2.4:130.4","pp2.4:130.5","pp2.4:130.6","pp2.4:130.7"],"kind":"text","text":{"pi":"So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṁ cutūpapātañāṇāya cittaṁ abhininnāmeti.\nSo dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti—\n“ime vata bhonto sattā kāyaduccaritena samannāgatā, vacīduccaritena samannāgatā, manoduccaritena samannāgatā, ariyānaṁ upavādakā, micchādiṭṭhikā micchādiṭṭhikammasamādānā.\nTe kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā.\nIme vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṁ anupavādakā sammādiṭṭhikā sammādiṭṭhikammasamādānā.\nTe kāyassa bhedā paraṁ maraṇā sugatiṁ saggaṁ lokaṁ upapannā”ti.\nSo iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti."}},{"id":"pp2.4:131","sourceIds":["pp2.4:131.1","pp2.4:131.2","pp2.4:131.3","pp2.4:131.4","pp2.4:131.5","pp2.4:131.6","pp2.4:131.7","pp2.4:131.8"],"kind":"text","text":{"pi":"So evaṁ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṁ khayañāṇāya cittaṁ abhininnāmeti.\nSo “idaṁ dukkhan”ti yathābhūtaṁ pajānāti, “ayaṁ dukkhasamudayo”ti yathābhūtaṁ pajānāti, “ayaṁ dukkhanirodho”ti yathābhūtaṁ pajānāti, “ayaṁ dukkhanirodhagāminī paṭipadā”ti yathābhūtaṁ pajānāti,\n“ime āsavā”ti yathābhūtaṁ pajānāti, “ayaṁ āsavasamudayo”ti yathābhūtaṁ pajānāti, “ayaṁ āsavanirodho”ti yathābhūtaṁ pajānāti, “ayaṁ āsavanirodhagāminī paṭipadā”ti yathābhūtaṁ pajānāti.\nTassa evaṁ jānato evaṁ passato kāmāsavāpi cittaṁ vimuccati, bhavāsavāpi cittaṁ vimuccati, avijjāsavāpi cittaṁ vimuccati.\nVimuttasmiṁ vimuttamiti ñāṇaṁ hoti.\n“Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā”ti pajānāti.\nEvaṁ puggalo neva attantapo ca hoti na attaparitāpanānuyogamanuyutto, na parantapo na paraparitāpanānuyogamanuyutto.\nSo anattantapo aparantapo diṭṭheva dhamme nicchāto nibbuto sītībhūto sukhappaṭisaṁvedī brahmabhūtena attanā viharati."}},{"id":"pp2.4:132","sourceIds":["pp2.4:132.1","pp2.4:132.2"],"kind":"text","text":{"pi":"Katamo ca puggalo sarāgo?\nYassa puggalassa rāgo appahīno, ayaṁ vuccati puggalo “sarāgo”."}},{"id":"pp2.4:133","sourceIds":["pp2.4:133.1","pp2.4:133.2"],"kind":"text","text":{"pi":"Katamo ca puggalo sadoso?\nYassa puggalassa doso appahīno, ayaṁ vuccati puggalo “sadoso”."}},{"id":"pp2.4:134","sourceIds":["pp2.4:134.1","pp2.4:134.2"],"kind":"text","text":{"pi":"Katamo ca puggalo samoho?\nYassa puggalassa moho appahīno, ayaṁ vuccati puggalo “samoho”."}},{"id":"pp2.4:135","sourceIds":["pp2.4:135.1","pp2.4:135.2"],"kind":"text","text":{"pi":"Katamo ca puggalo samāno?\nYassa puggalassa māno appahīno, ayaṁ vuccati puggalo “samāno”."}},{"id":"pp2.4:136","sourceIds":["pp2.4:136.1","pp2.4:136.2","pp2.4:136.3"],"kind":"text","text":{"pi":"Kathañca puggalo lābhī hoti ajjhattaṁ cetosamathassa, na lābhī adhipaññādhammavipassanāya?\nIdhekacco puggalo lābhī hoti rūpasahagatānaṁ vā arūpasahagatānaṁ vā samāpattīnaṁ, na lābhī lokuttaramaggassa vā phalassa vā.\nEvaṁ puggalo lābhī hoti ajjhattaṁ cetosamathassa, na lābhī adhipaññādhammavipassanāya."}},{"id":"pp2.4:137","sourceIds":["pp2.4:137.1","pp2.4:137.2","pp2.4:137.3"],"kind":"text","text":{"pi":"Kathañca puggalo lābhī hoti adhipaññādhammavipassanāya, na lābhī ajjhattaṁ cetosamathassa?\nIdhekacco puggalo lābhī hoti lokuttaramaggassa vā phalassa vā, na lābhī rūpasahagatānaṁ vā arūpasahagatānaṁ vā samāpattīnaṁ.\nEvaṁ puggalo lābhī hoti adhipaññādhammavipassanāya, na lābhī ajjhattaṁ cetosamathassa."}},{"id":"pp2.4:138","sourceIds":["pp2.4:138.1","pp2.4:138.2","pp2.4:138.3"],"kind":"text","text":{"pi":"Kathañca puggalo lābhī ceva hoti ajjhattaṁ cetosamathassa, lābhī ca adhipaññādhammavipassanāya?\nIdhekacco puggalo lābhī hoti rūpasahagatānaṁ vā arūpasahagatānaṁ vā samāpattīnaṁ, lābhī lokuttaramaggassa vā phalassa vā.\nEvaṁ puggalo lābhī ceva hoti ajjhattaṁ cetosamathassa, lābhī ca adhipaññādhammavipassanāya."}},{"id":"pp2.4:139","sourceIds":["pp2.4:139.1","pp2.4:139.2","pp2.4:139.3"],"kind":"text","text":{"pi":"Kathañca puggalo neva lābhī hoti ajjhattaṁ cetosamathassa, na lābhī adhipaññādhammavipassanāya?\nIdhekacco puggalo neva lābhī hoti rūpasahagatānaṁ vā arūpasahagatānaṁ vā samāpattīnaṁ, na lābhī lokuttaramaggassa vā phalassa vā.\nEvaṁ puggalo neva lābhī hoti ajjhattaṁ cetosamathassa, na lābhī adhipaññādhammavipassanāya."}},{"id":"pp2.4:140","sourceIds":["pp2.4:140.1","pp2.4:140.2","pp2.4:140.3"],"kind":"text","text":{"pi":"Katamo ca puggalo anusotagāmī?\nIdhekacco puggalo kāme ca paṭisevati pāpañca kammaṁ karoti.\nAyaṁ vuccati puggalo “anusotagāmī”."}},{"id":"pp2.4:141","sourceIds":["pp2.4:141.1","pp2.4:141.2","pp2.4:141.3","pp2.4:141.4"],"kind":"text","text":{"pi":"Katamo ca puggalo paṭisotagāmī?\nIdhekacco puggalo kāme ca na paṭisevati pāpañca kammaṁ na karoti.\nSo sahāpi dukkhena sahāpi domanassena assumukhenapi rudamāno paripuṇṇaṁ parisuddhaṁ brahmacariyaṁ carati.\nAyaṁ vuccati puggalo “paṭisotagāmī”."}},{"id":"pp2.4:142","sourceIds":["pp2.4:142.1","pp2.4:142.2","pp2.4:142.3"],"kind":"text","text":{"pi":"Katamo ca puggalo ṭhitatto?\nIdhekacco puggalo pañcannaṁ orambhāgiyānaṁ saṁyojanānaṁ parikkhayā opapātiko hoti tattha parinibbāyī anāvattidhammo tasmā lokā.\nAyaṁ vuccati puggalo “ṭhitatto”."}},{"id":"pp2.4:143","sourceIds":["pp2.4:143.1","pp2.4:143.2","pp2.4:143.3"],"kind":"text","text":{"pi":"Katamo ca puggalo tiṇṇo pāraṅgato thale tiṭṭhati brāhmaṇo?\nIdhekacco puggalo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nAyaṁ vuccati puggalo tiṇṇo pāraṅgato thale tiṭṭhati brāhmaṇo."}},{"id":"pp2.4:144","sourceIds":["pp2.4:144.1","pp2.4:144.2","pp2.4:144.3","pp2.4:144.4"],"kind":"text","text":{"pi":"Kathañca puggalo appassuto hoti sutena anupapanno?\nIdhekaccassa puggalassa appakaṁ sutaṁ hoti suttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo tassa appakassa sutassa na atthamaññāya dhammamaññāya dhammānudhammappaṭipanno hoti.\nEvaṁ puggalo appassuto hoti sutena anupapanno."}},{"id":"pp2.4:145","sourceIds":["pp2.4:145.1","pp2.4:145.2","pp2.4:145.3","pp2.4:145.4"],"kind":"text","text":{"pi":"Kathañca puggalo appassuto hoti sutena upapanno?\nIdhekaccassa puggalassa appakaṁ sutaṁ hoti suttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo tassa appakassa sutassa atthamaññāya dhammamaññāya dhammānudhammappaṭipanno hoti.\nEvaṁ puggalo appassuto hoti sutena upapanno."}},{"id":"pp2.4:146","sourceIds":["pp2.4:146.1","pp2.4:146.2","pp2.4:146.3","pp2.4:146.4"],"kind":"text","text":{"pi":"Kathañca puggalo bahussuto hoti sutena anupapanno?\nIdhekaccassa puggalassa bahukaṁ sutaṁ hoti suttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo tassa bahukassa sutassa na atthamaññāya dhammamaññāya dhammānudhammappaṭipanno hoti.\nEvaṁ puggalo bahussuto hoti sutena anupapanno."}},{"id":"pp2.4:147","sourceIds":["pp2.4:147.1","pp2.4:147.2","pp2.4:147.3","pp2.4:147.4"],"kind":"text","text":{"pi":"Kathañca puggalo bahussuto hoti sutena upapanno?\nIdhekaccassa puggalassa bahukaṁ sutaṁ hoti suttaṁ geyyaṁ veyyākaraṇaṁ gāthaṁ udānaṁ itivuttakaṁ jātakaṁ abbhutadhammaṁ vedallaṁ.\nSo tassa bahukassa sutassa atthamaññāya dhammamaññāya dhammānudhammappaṭipanno hoti.\nEvaṁ puggalo bahussuto hoti sutena upapanno."}},{"id":"pp2.4:148","sourceIds":["pp2.4:148.1","pp2.4:148.2","pp2.4:148.3"],"kind":"text","text":{"pi":"Katamo ca puggalo samaṇamacalo?\nIdhekacco puggalo tiṇṇaṁ saṁyojanānaṁ parikkhayā sotāpanno hoti avinipātadhammo niyato sambodhiparāyano.\nAyaṁ vuccati puggalo “samaṇamacalo”."}},{"id":"pp2.4:149","sourceIds":["pp2.4:149.1","pp2.4:149.2","pp2.4:149.3"],"kind":"text","text":{"pi":"Katamo ca puggalo samaṇapadumo?\nIdhekacco puggalo tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī hoti, sakideva imaṁ lokaṁ āgantvā dukkhassantaṁ karoti.\nAyaṁ vuccati puggalo “samaṇapadumo”."}},{"id":"pp2.4:150","sourceIds":["pp2.4:150.1","pp2.4:150.2","pp2.4:150.3"],"kind":"text","text":{"pi":"Katamo ca puggalo samaṇapuṇḍarīko?\nIdhekacco puggalo pañcannaṁ orambhāgiyānaṁ saṁyojanānaṁ parikkhayā opapātiko hoti tattha parinibbāyī anāvattidhammo tasmā lokā.\nAyaṁ vuccati puggalo “samaṇapuṇḍarīko”."}},{"id":"pp2.4:151","sourceIds":["pp2.4:151.1","pp2.4:151.2","pp2.4:151.3"],"kind":"text","text":{"pi":"Katamo ca puggalo samaṇesu samaṇasukhumālo?\nIdhekacco puggalo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nAyaṁ vuccati puggalo “samaṇesu samaṇasukhumālo”ti."}},{"id":"pp2.4:152","sourceIds":["pp2.4:152.1"],"kind":"text","text":{"pi":"Catukkaniddeso."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pp2.4/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}