{"id":"pp2.6","title":"6. Chakkapuggalapaññatti","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"pp2.6","title":"6. Chakkapuggalapaññatti","units":[{"id":"pp2.6:0","sourceIds":["pp2.6:0.1","pp2.6:0.2","pp2.6:0.3"],"kind":"text","text":{"pi":"Puggalapaññatti\nNiddesa\n6. Chakkapuggalapaññatti"}},{"id":"pp2.6:1","sourceIds":["pp2.6:1.1"],"kind":"text","text":{"pi":"Tatra yvāyaṁ puggalo pubbe ananussutesu dhammesu sāmaṁ saccāni abhisambujjhati, tattha ca sabbaññutaṁ pāpuṇāti balesu ca vasībhāvaṁ, sammāsambuddho tena daṭṭhabbo."}},{"id":"pp2.6:2","sourceIds":["pp2.6:2.1"],"kind":"text","text":{"pi":"Tatra yvāyaṁ puggalo pubbe ananussutesu dhammesu sāmaṁ saccāni abhisambujjhati, na ca tattha sabbaññutaṁ pāpuṇāti na ca balesu vasībhāvaṁ, paccekasambuddho tena daṭṭhabbo."}},{"id":"pp2.6:3","sourceIds":["pp2.6:3.1"],"kind":"text","text":{"pi":"Tatra yvāyaṁ puggalo pubbe ananussutesu dhammesu sāmaṁ saccāni anabhisambujjhati, diṭṭheva dhamme dukkhassantakaro hoti, sāvakapāramiñca pāpuṇāti, sāriputtamoggallānā tena daṭṭhabbā."}},{"id":"pp2.6:4","sourceIds":["pp2.6:4.1"],"kind":"text","text":{"pi":"Tatra yvāyaṁ puggalo pubbe ananussutesu dhammesu sāmaṁ saccāni anabhisambujjhati, diṭṭheva dhamme dukkhassantakaro hoti, na ca sāvakapāramiṁ pāpuṇāti, avasesā arahantā tena daṭṭhabbā."}},{"id":"pp2.6:5","sourceIds":["pp2.6:5.1"],"kind":"text","text":{"pi":"Tatra yvāyaṁ puggalo pubbe ananussutesu dhammesu sāmaṁ saccāni anabhisambujjhati, na ca diṭṭheva dhamme dukkhassantakaro hoti, anāgāmī hoti anāgantā itthattaṁ, anāgāmī tena daṭṭhabbo."}},{"id":"pp2.6:6","sourceIds":["pp2.6:6.1"],"kind":"text","text":{"pi":"Tatra yvāyaṁ puggalo pubbe ananussutesu dhammesu sāmaṁ saccāni anabhisambujjhati, na ca diṭṭheva dhamme dukkhassantakaro hoti, āgantā itthattaṁ, sotāpannasakadāgāmino tena daṭṭhabbā."}},{"id":"pp2.6:7","sourceIds":["pp2.6:7.1"],"kind":"text","text":{"pi":"Chakkaniddeso."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pp2.6/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}