{"id":"pp2.7","title":"7. Sattakapuggalapaññatti","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"pp2.7","title":"7. Sattakapuggalapaññatti","units":[{"id":"pp2.7:0","sourceIds":["pp2.7:0.1","pp2.7:0.2","pp2.7:0.3"],"kind":"text","text":{"pi":"Puggalapaññatti\nNiddesa\n7. Sattakapuggalapaññatti"}},{"id":"pp2.7:1","sourceIds":["pp2.7:1.1","pp2.7:1.2","pp2.7:1.3"],"kind":"text","text":{"pi":"Kathañca puggalo sakiṁ nimuggo nimuggova hoti?\nIdhekacco puggalo samannāgato hoti ekantakāḷakehi akusalehi dhammehi.\nEvaṁ puggalo sakiṁ nimuggo nimuggova hoti."}},{"id":"pp2.7:2","sourceIds":["pp2.7:2.1","pp2.7:2.2","pp2.7:2.3","pp2.7:2.4"],"kind":"text","text":{"pi":"Kathañca puggalo ummujjitvā nimujjati?\nIdhekacco puggalo ummujjati “sāhu saddhā kusalesu dhammesu, sādhu hirī kusalesu dhammesu, sādhu ottappaṁ kusalesu dhammesu, sādhu vīriyaṁ kusalesu dhammesu, sādhu paññā kusalesu dhammesū”ti.\nTassa sā saddhā neva tiṭṭhati no vaḍḍhati hāyatiyeva, tassa sā hirī neva tiṭṭhati no vaḍḍhati hāyatiyeva, tassa taṁ ottappaṁ neva tiṭṭhati no vaḍḍhati hāyatiyeva, tassa taṁ vīriyaṁ neva tiṭṭhati no vaḍḍhati hāyatiyeva, tassa sā paññā neva tiṭṭhati no vaḍḍhati hāyatiyeva.\nEvaṁ puggalo ummujjitvā nimujjati."}},{"id":"pp2.7:3","sourceIds":["pp2.7:3.1","pp2.7:3.2","pp2.7:3.3","pp2.7:3.4"],"kind":"text","text":{"pi":"Kathañca puggalo ummujjitvā ṭhito hoti?\nIdhekacco puggalo ummujjati “sāhu saddhā kusalesu dhammesu, sādhu hirī kusalesu dhammesu, sādhu ottappaṁ kusalesu dhammesu, sādhu vīriyaṁ kusalesu dhammesu, sādhu paññā kusalesu dhammesū”ti.\nTassa sā saddhā neva hāyati no vaḍḍhati ṭhitā hoti, tassa sā hirī neva hāyati no vaḍḍhati ṭhitā hoti, tassa taṁ ottappaṁ neva hāyati no vaḍḍhati ṭhitaṁ hoti, tassa taṁ vīriyaṁ neva hāyati no vaḍḍhati ṭhitaṁ hoti, tassa sā paññā neva hāyati no vaḍḍhati ṭhitā hoti.\nEvaṁ puggalo ummujjitvā ṭhito hoti."}},{"id":"pp2.7:4","sourceIds":["pp2.7:4.1","pp2.7:4.2","pp2.7:4.3","pp2.7:4.4"],"kind":"text","text":{"pi":"Kathañca puggalo ummujjitvā vipassati viloketi?\nIdhekacco puggalo ummujjati “sāhu saddhā kusalesu dhammesu, sādhu hirī kusalesu dhammesu, sādhu ottappaṁ kusalesu dhammesu, sādhu vīriyaṁ kusalesu dhammesu, sādhu paññā kusalesu dhammesū”ti.\nSo tiṇṇaṁ saṁyojanānaṁ parikkhayā sotāpanno hoti avinipātadhammo niyato sambodhiparāyano.\nEvaṁ puggalo ummujjitvā vipassati viloketi."}},{"id":"pp2.7:5","sourceIds":["pp2.7:5.1","pp2.7:5.2","pp2.7:5.3","pp2.7:5.4"],"kind":"text","text":{"pi":"Kathañca puggalo ummujjitvā patarati?\nIdhekacco puggalo ummujjati “sāhu saddhā kusalesu dhammesu, sādhu hirī kusalesu dhammesu, sādhu ottappaṁ kusalesu dhammesu, sādhu vīriyaṁ kusalesu dhammesu, sādhu paññā kusalesu dhammesū”ti.\nSo tiṇṇaṁ saṁyojanānaṁ parikkhayā rāgadosamohānaṁ tanuttā sakadāgāmī hoti sakideva imaṁ lokaṁ āgantvā dukkhassantakaro hoti.\nEvaṁ puggalo ummujjitvā patarati."}},{"id":"pp2.7:6","sourceIds":["pp2.7:6.1","pp2.7:6.2","pp2.7:6.3","pp2.7:6.4"],"kind":"text","text":{"pi":"Kathañca puggalo ummujjitvā patigādhappatto hoti?\nIdhekacco puggalo ummujjati “sāhu saddhā kusalesu dhammesu, sādhu hirī kusalesu dhammesu, sādhu ottappaṁ kusalesu dhammesu, sādhu vīriyaṁ kusalesu dhammesu, sādhu paññā kusalesu dhammesū”ti.\nSo pañcannaṁ orambhāgiyānaṁ saṁyojanānaṁ parikkhayā opapātiko hoti tattha parinibbāyī anāvattidhammo tasmā lokā.\nEvaṁ puggalo ummujjitvā paṭigādhappatto hoti."}},{"id":"pp2.7:7","sourceIds":["pp2.7:7.1","pp2.7:7.2","pp2.7:7.3","pp2.7:7.4"],"kind":"text","text":{"pi":"Kathañca puggalo ummujjitvā tiṇṇo hoti pāraṅgato thale tiṭṭhati brāhmaṇo?\nIdhekacco puggalo ummujjati “sāhu saddhā kusalesu dhammesu, sādhu hirī kusalesu dhammesu, sādhu ottappaṁ kusalesu dhammesu, sādhu vīriyaṁ kusalesu dhammesu, sādhu paññā kusalesu dhammesū”ti.\nSo āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nEvaṁ puggalo ummujjitvā tiṇṇo hoti pāraṅgato thale tiṭṭhati brāhmaṇo."}},{"id":"pp2.7:8","sourceIds":["pp2.7:8.1","pp2.7:8.2","pp2.7:8.3"],"kind":"text","text":{"pi":"Katamo ca puggalo ubhatobhāgavimutto?\nIdhekacco puggalo aṭṭha vimokkhe kāyena phusitvā viharati paññāya cassa disvā āsavā parikkhīṇā honti.\nAyaṁ vuccati puggalo ubhatobhāgavimutto."}},{"id":"pp2.7:9","sourceIds":["pp2.7:9.1"],"kind":"text","text":{"pi":"Katamo ca puggalo paññāvimutto …pe…."}},{"id":"pp2.7:10","sourceIds":["pp2.7:10.1"],"kind":"text","text":{"pi":"Kāyasakkhī …."}},{"id":"pp2.7:11","sourceIds":["pp2.7:11.1"],"kind":"text","text":{"pi":"Diṭṭhippatto …."}},{"id":"pp2.7:12","sourceIds":["pp2.7:12.1"],"kind":"text","text":{"pi":"Saddhāvimutto …."}},{"id":"pp2.7:13","sourceIds":["pp2.7:13.1"],"kind":"text","text":{"pi":"Dhammānusārī …."}},{"id":"pp2.7:14","sourceIds":["pp2.7:14.1","pp2.7:14.2","pp2.7:14.3","pp2.7:14.4"],"kind":"text","text":{"pi":"Katamo ca puggalo saddhānusārī?\nYassa puggalassa sotāpattiphalasacchikiriyāya paṭipannassa saddhindriyaṁ adhimattaṁ hoti, saddhāvāhiṁ saddhāpubbaṅgamaṁ ariyamaggaṁ bhāveti.\nAyaṁ vuccati puggalo saddhānusārī.\nSotāpattiphalasacchikiriyāya paṭipanno puggalo saddhānusārī, phale ṭhito saddhāvimuttoti."}},{"id":"pp2.7:15","sourceIds":["pp2.7:15.1"],"kind":"text","text":{"pi":"Sattakaniddeso."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/pp2.7/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}