{"id":"ps1.3","title":"1.3. Ānāpānassatikathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ps1.3","title":"1.3. Ānāpānassatikathā","units":[{"id":"ps1.3:0","sourceIds":["ps1.3:0.1","ps1.3:0.2","ps1.3:0.3"],"kind":"text","text":{"pi":"Paṭisambhidāmagga\n1 Mahāvagga\n1.3. Ānāpānassatikathā"}},{"id":"ps1.3:1","sourceIds":["ps1.3:1.0","ps1.3:1.1","ps1.3:1.2"],"kind":"text","text":{"pi":"1.3.1 Gaṇanavāra\nSoḷasavatthukaṁ ānāpānassatisamādhiṁ bhāvayato samadhikāni dve ñāṇasatāni uppajjanti—\naṭṭha paripanthe ñāṇāni, aṭṭha ca upakāre ñāṇāni, aṭṭhārasa upakkilese ñāṇāni, terasa vodāne ñāṇāni, bāttiṁsa satokārissa ñāṇāni, catuvīsati samādhivasena ñāṇāni, dvesattati vipassanāvasena ñāṇāni, aṭṭha nibbidāñāṇāni, aṭṭha nibbidānulomañāṇāni, aṭṭha nibbidāpaṭippassaddhiñāṇāni, ekavīsati vimuttisukhe ñāṇāni."}},{"id":"ps1.3:2","sourceIds":["ps1.3:2.1","ps1.3:2.2","ps1.3:2.3","ps1.3:2.4","ps1.3:2.5","ps1.3:2.6","ps1.3:2.7","ps1.3:2.8","ps1.3:2.9","ps1.3:2.10","ps1.3:2.11"],"kind":"text","text":{"pi":"Katamāni aṭṭha paripanthe ñāṇāni, aṭṭha ca upakāre ñāṇāni?\nKāmacchando samādhissa paripantho, nekkhammaṁ samādhissa upakāraṁ.\nByāpādo samādhissa paripantho, abyāpādo samādhissa upakāraṁ.\nThinamiddhaṁ samādhissa paripantho, ālokasaññā samādhissa upakāraṁ.\nUddhaccaṁ samādhissa paripantho, avikkhepo samādhissa upakāraṁ.\nVicikicchā samādhissa paripantho, dhammavavatthānaṁ samādhissa upakāraṁ.\nAvijjā samādhissa paripantho, ñāṇaṁ samādhissa upakāraṁ.\nArati samādhissa paripantho, pāmojjaṁ samādhissa upakāraṁ.\nSabbepi akusalā dhammā samādhissa paripanthā, sabbepi kusalā dhammā samādhissa upakārā.\nImāni aṭṭha paripanthe ñāṇāni, aṭṭha ca upakāre ñāṇāni.\nGaṇanavāro paṭhamo."}},{"id":"ps1.3:3","sourceIds":["ps1.3:3.0","ps1.3:3.1","ps1.3:3.2","ps1.3:3.3"],"kind":"text","text":{"pi":"1.3.2. Soḷasañāṇaniddesa\nImehi soḷasahi ākārehi uducitaṁ cittaṁ samuducitaṁ cittaṁ ekatte santiṭṭhati, nīvaraṇehi visujjhati.\nKatame te ekattā?\nNekkhammaṁ ekattaṁ, abyāpādo ekattaṁ, ālokasaññā ekattaṁ, avikkhepo ekattaṁ, dhammavavatthānaṁ ekattaṁ, ñāṇaṁ ekattaṁ, pāmojjaṁ ekattaṁ, sabbepi kusalā dhammā ekattā."}},{"id":"ps1.3:4","sourceIds":["ps1.3:4.1","ps1.3:4.2"],"kind":"text","text":{"pi":"Nīvaraṇāti, katame te nīvaraṇā?\nKāmacchando nīvaraṇaṁ, byāpādo nīvaraṇaṁ, thinamiddhaṁ nīvaraṇaṁ, uddhaccakukkuccaṁ nīvaraṇaṁ, vicikicchā nīvaraṇaṁ, avijjā nīvaraṇaṁ, arati nīvaraṇaṁ, sabbepi akusalā dhammā nīvaraṇā."}},{"id":"ps1.3:5","sourceIds":["ps1.3:5.1","ps1.3:5.2"],"kind":"text","text":{"pi":"Nīvaraṇāti, kenaṭṭhena nīvaraṇā?\nNiyyānāvaraṇaṭṭhena nīvaraṇā."}},{"id":"ps1.3:6","sourceIds":["ps1.3:6.1"],"kind":"text","text":{"pi":"Katame te niyyānā?"}},{"id":"ps1.3:7","sourceIds":["ps1.3:7.1","ps1.3:7.2","ps1.3:7.3","ps1.3:7.4","ps1.3:7.5"],"kind":"text","text":{"pi":"Nekkhammaṁ ariyānaṁ niyyānaṁ.\nTena ca nekkhammena ariyā niyyanti.\nKāmacchando niyyānāvaraṇaṁ.\nTena ca kāmacchandena nivutattā nekkhammaṁ ariyānaṁ niyyānaṁ nappajānātīti—\nkāmacchando niyyānāvaraṇaṁ."}},{"id":"ps1.3:8","sourceIds":["ps1.3:8.1","ps1.3:8.2","ps1.3:8.3","ps1.3:8.4","ps1.3:8.5"],"kind":"text","text":{"pi":"Abyāpādo ariyānaṁ niyyānaṁ.\nTena ca abyāpādena ariyā niyyanti.\nByāpādo niyyānāvaraṇaṁ.\nTena ca byāpādena nivutattā abyāpādaṁ ariyānaṁ niyyānaṁ nappajānātīti—\nbyāpādo niyyānāvaraṇaṁ."}},{"id":"ps1.3:9","sourceIds":["ps1.3:9.1","ps1.3:9.2","ps1.3:9.3","ps1.3:9.4","ps1.3:9.5"],"kind":"text","text":{"pi":"Ālokasaññā ariyānaṁ niyyānaṁ.\nTāya ca ālokasaññāya ariyā niyyanti.\nThinamiddhaṁ niyyānāvaraṇaṁ.\nTena ca thinamiddhena nivutattā ālokasaññaṁ ariyānaṁ niyyānaṁ nappajānātīti—\nthinamiddhaṁ niyyānāvaraṇaṁ."}},{"id":"ps1.3:10","sourceIds":["ps1.3:10.1","ps1.3:10.2","ps1.3:10.3","ps1.3:10.4","ps1.3:10.5"],"kind":"text","text":{"pi":"Avikkhepo ariyānaṁ niyyānaṁ.\nTena ca avikkhepena ariyā niyyanti.\nUddhaccaṁ niyyānāvaraṇaṁ.\nTena ca uddhaccena nivutattā avikkhepaṁ ariyānaṁ niyyānaṁ nappajānātīti—\nuddhaccaṁ niyyānāvaraṇaṁ."}},{"id":"ps1.3:11","sourceIds":["ps1.3:11.1","ps1.3:11.2","ps1.3:11.3","ps1.3:11.4","ps1.3:11.5"],"kind":"text","text":{"pi":"Dhammavavatthānaṁ ariyānaṁ niyyānaṁ.\nTena ca dhammavavatthānena ariyā niyyanti.\nVicikicchā niyyānāvaraṇaṁ.\nTāya ca vicikicchāya nivutattā dhammavavatthānaṁ ariyānaṁ niyyānaṁ nappajānātīti—\nvicikicchā niyyānāvaraṇaṁ."}},{"id":"ps1.3:12","sourceIds":["ps1.3:12.1","ps1.3:12.2","ps1.3:12.3","ps1.3:12.4","ps1.3:12.5"],"kind":"text","text":{"pi":"Ñāṇaṁ ariyānaṁ niyyānaṁ.\nTena ca ñāṇena ariyā niyyanti.\nAvijjā niyyānāvaraṇaṁ.\nTāya ca avijjāya nivutattā ñāṇaṁ ariyānaṁ niyyānaṁ nappajānātīti—\navijjā niyyānāvaraṇaṁ."}},{"id":"ps1.3:13","sourceIds":["ps1.3:13.1","ps1.3:13.2","ps1.3:13.3","ps1.3:13.4","ps1.3:13.5"],"kind":"text","text":{"pi":"Pāmojjaṁ ariyānaṁ niyyānaṁ.\nTena ca pāmojjena ariyā niyyanti.\nArati niyyānāvaraṇaṁ.\nTāya ca aratiyā nivutattā pāmojjaṁ ariyānaṁ niyyānaṁ nappajānātīti—\narati niyyānāvaraṇaṁ."}},{"id":"ps1.3:14","sourceIds":["ps1.3:14.1","ps1.3:14.2","ps1.3:14.3","ps1.3:14.4","ps1.3:14.5","ps1.3:14.6"],"kind":"text","text":{"pi":"Sabbepi kusalā dhammā ariyānaṁ niyyānaṁ.\nTehi ca kusalehi dhammehi ariyā niyyanti.\nSabbepi akusalā dhammā niyyānāvaraṇā.\nTehi ca akusalehi dhammehi nivutattā kusale dhamme ariyānaṁ niyyānaṁ nappajānātīti—\nsabbepi akusalā dhammā niyyānāvaraṇā.\nSoḷasañāṇaniddeso dutiyo."}},{"id":"ps1.3:15.0","sourceIds":["ps1.3:15.0.1","ps1.3:15.0.2"],"kind":"text","text":{"pi":"1.3.3. Upakkilesañāṇaniddesa\n1.3.3.1. Paṭhamacchakka"}},{"id":"ps1.3:15","sourceIds":["ps1.3:15.1","ps1.3:15.2","ps1.3:15.3","ps1.3:15.4","ps1.3:15.5","ps1.3:15.6","ps1.3:15.7"],"kind":"text","text":{"pi":"Imehi ca pana nīvaraṇehi visuddhacittassa soḷasavatthukaṁ ānāpānassatisamādhiṁ bhāvayato khaṇikasamodhānā katame aṭṭhārasa upakkilesā uppajjanti?\nAssāsādimajjhapariyosānaṁ satiyā anugacchato ajjhattavikkhepagataṁ cittaṁ samādhissa paripantho.\nPassāsādimajjhapariyosānaṁ satiyā anugacchato bahiddhāvikkhepagataṁ cittaṁ samādhissa paripantho.\nAssāsapaṭikaṅkhanā nikanti taṇhācariyā samādhissa paripantho.\nPassāsapaṭikaṅkhanā nikanti taṇhācariyā samādhissa paripantho.\nAssāsenābhitunnassa passāsapaṭilābhe mucchanā samādhissa paripantho.\nPassāsenābhitunnassa assāsapaṭilābhe mucchanā samādhissa paripantho."}},{"id":"ps1.3:16","sourceIds":["ps1.3:16.1","ps1.3:16.2","ps1.3:16.3","ps1.3:16.4"],"kind":"text","text":{"pi":"Anugacchanā ca assāsaṁ,\nPassāsaṁ anugacchanā;\nSati ajjhattavikkhepā-\nKaṅkhanā bahiddhāvikkhepapatthanā."}},{"id":"ps1.3:17","sourceIds":["ps1.3:17.1","ps1.3:17.2","ps1.3:17.3","ps1.3:17.4"],"kind":"text","text":{"pi":"Assāsenābhitunnassa,\nPassāsapaṭilābhe mucchanā;\nPassāsenābhitunnassa,\nAssāsapaṭilābhe mucchanā."}},{"id":"ps1.3:18","sourceIds":["ps1.3:18.1","ps1.3:18.2","ps1.3:18.3","ps1.3:18.4","ps1.3:18.5","ps1.3:18.6"],"kind":"text","text":{"pi":"Cha ete upakkilesā,\nĀnāpānassatisamādhissa;\nYehi vikkhippamānassa,\nNo ca cittaṁ vimuccati;\nVimokkhaṁ appajānantā,\nTe honti parapattiyāti."}},{"id":"ps1.3:19","sourceIds":["ps1.3:19.0","ps1.3:19.1","ps1.3:19.2","ps1.3:19.3","ps1.3:19.4","ps1.3:19.5","ps1.3:19.6","ps1.3:19.7","ps1.3:19.8","ps1.3:19.9","ps1.3:19.10","ps1.3:19.11","ps1.3:19.12"],"kind":"text","text":{"pi":"1.3.3.2. Dutiyacchakka\nNimittaṁ āvajjato assāse cittaṁ vikampati—\nsamādhissa paripantho.\nAssāsaṁ āvajjato nimitte cittaṁ vikampati—\nsamādhissa paripantho.\nNimittaṁ āvajjato passāse cittaṁ vikampati—\nsamādhissa paripantho.\nPassāsaṁ āvajjato nimitte cittaṁ vikampati—\nsamādhissa paripantho.\nAssāsaṁ āvajjato passāse cittaṁ vikampati—\nsamādhissa paripantho.\nPassāsaṁ āvajjato assāse cittaṁ vikampati—\nsamādhissa paripantho."}},{"id":"ps1.3:20","sourceIds":["ps1.3:20.1","ps1.3:20.2","ps1.3:20.3","ps1.3:20.4"],"kind":"text","text":{"pi":"Nimittaṁ āvajjamānassa,\nassāse vikkhipate mano;\nAssāsaṁ āvajjamānassa,\nnimitte cittaṁ vikampati."}},{"id":"ps1.3:21","sourceIds":["ps1.3:21.1","ps1.3:21.2","ps1.3:21.3","ps1.3:21.4"],"kind":"text","text":{"pi":"Nimittaṁ āvajjamānassa,\npassāse vikkhipate mano;\nPassāsaṁ āvajjamānassa,\nnimitte cittaṁ vikampati."}},{"id":"ps1.3:22","sourceIds":["ps1.3:22.1","ps1.3:22.2","ps1.3:22.3","ps1.3:22.4"],"kind":"text","text":{"pi":"Assāsaṁ āvajjamānassa,\npassāse vikkhipate mano;\nPassāsaṁ āvajjamānassa,\nassāse cittaṁ vikampati."}},{"id":"ps1.3:23","sourceIds":["ps1.3:23.1","ps1.3:23.2","ps1.3:23.3","ps1.3:23.4","ps1.3:23.5","ps1.3:23.6"],"kind":"text","text":{"pi":"Cha ete upakkilesā,\nĀnāpānassatisamādhissa;\nYehi vikkhippamānassa,\nNo ca cittaṁ vimuccati;\nVimokkhaṁ appajānantā,\nTe honti parapattiyāti."}},{"id":"ps1.3:24","sourceIds":["ps1.3:24.0","ps1.3:24.1","ps1.3:24.2","ps1.3:24.3","ps1.3:24.4","ps1.3:24.5","ps1.3:24.6","ps1.3:24.7","ps1.3:24.8","ps1.3:24.9","ps1.3:24.10","ps1.3:24.11","ps1.3:24.12"],"kind":"text","text":{"pi":"1.3.3.3. Tatiyacchakka\nAtītānudhāvanaṁ cittaṁ vikkhepānupatitaṁ—\nsamādhissa paripantho.\nAnāgatapaṭikaṅkhanaṁ cittaṁ vikampitaṁ—\nsamādhissa paripantho.\nLīnaṁ cittaṁ kosajjānupatitaṁ—\nsamādhissa paripantho.\nAtipaggahitaṁ cittaṁ uddhaccānupatitaṁ—\nsamādhissa paripantho.\nAbhinataṁ cittaṁ rāgānupatitaṁ—\nsamādhissa paripantho.\nApanataṁ cittaṁ byāpādānupatitaṁ—\nsamādhissa paripantho."}},{"id":"ps1.3:25","sourceIds":["ps1.3:25.1","ps1.3:25.2","ps1.3:25.3","ps1.3:25.4"],"kind":"text","text":{"pi":"Atītānudhāvanaṁ cittaṁ,\nAnāgatapaṭikaṅkhanaṁ līnaṁ;\nAtipaggahitaṁ abhinataṁ,\nApanataṁ cittaṁ na samādhiyati."}},{"id":"ps1.3:26","sourceIds":["ps1.3:26.1","ps1.3:26.2","ps1.3:26.3","ps1.3:26.4"],"kind":"text","text":{"pi":"Cha ete upakkilesā,\nĀnāpānassatisamādhissa;\nYehi upakkiliṭṭhasaṅkappo,\nAdhicittaṁ nappajānātīti."}},{"id":"ps1.3:27","sourceIds":["ps1.3:27.1","ps1.3:27.2","ps1.3:27.3","ps1.3:27.4","ps1.3:27.5","ps1.3:27.6"],"kind":"text","text":{"pi":"Assāsādimajjhapariyosānaṁ satiyā anugacchato ajjhattaṁ vikkhepagatena cittena kāyopi cittampi sāraddhā ca honti iñjitā ca phanditā ca.\nPassāsādimajjhapariyosānaṁ satiyā anugacchato bahiddhāvikkhepagatena cittena kāyopi cittampi sāraddhā ca honti iñjitā ca phanditā ca.\nAssāsapaṭikaṅkhanāya nikantiyā taṇhācariyāya kāyopi cittampi sāraddhā ca honti iñjitā ca phanditā ca.\nPassāsapaṭikaṅkhanāya nikantiyā taṇhācariyāya kāyopi cittampi sāraddhā ca honti iñjitā ca phanditā ca.\nAssāsenābhitunnassa passāsapaṭilābhe mucchitattā kāyopi cittampi sāraddhā ca honti iñjitā ca phanditā ca.\nPassāsenābhitunnassa assāsapaṭilābhe mucchitattā kāyopi cittampi sāraddhā ca honti iñjitā ca phanditā ca."}},{"id":"ps1.3:28","sourceIds":["ps1.3:28.1","ps1.3:28.2","ps1.3:28.3","ps1.3:28.4","ps1.3:28.5","ps1.3:28.6","ps1.3:28.7","ps1.3:28.8","ps1.3:28.9","ps1.3:28.10","ps1.3:28.11","ps1.3:28.12"],"kind":"text","text":{"pi":"Nimittaṁ āvajjato assāse cittaṁ vikampitattā kāyopi cittampi sāraddhā ca honti iñjitā ca phanditā ca.\nAssāsaṁ āvajjato nimitte cittaṁ vikampitattā kāyopi cittampi sāraddhā ca honti iñjitā ca phanditā ca.\nNimittaṁ āvajjato passāse cittaṁ vikampitattā kāyopi cittampi sāraddhā ca honti iñjitā ca phanditā ca.\nPassāsaṁ āvajjato nimitte cittaṁ vikampitattā kāyopi cittampi sāraddhā ca honti iñjitā ca phanditā ca.\nAssāsaṁ āvajjato passāse cittaṁ vikampitattā kāyopi cittampi sāraddhā ca honti iñjitā ca phanditā ca.\nPassāsaṁ āvajjato assāse cittaṁ vikampitattā kāyopi cittampi sāraddhā ca honti iñjitā ca phanditā ca.\nAtītānudhāvanena cittena vikkhepānupatitena kāyopi cittampi sāraddhā ca honti iñjitā ca phanditā ca.\nAnāgatapaṭikaṅkhanena cittena vikampitena kāyopi cittampi sāraddhā ca honti iñjitā ca phanditā ca.\nLīnena cittena kosajjānupatitena kāyopi cittampi sāraddhā ca honti iñjitā ca phanditā ca.\nAtipaggahitena cittena uddhaccānupatitena kāyopi cittampi sāraddhā ca honti iñjitā ca phanditā ca.\nAbhinatena cittena rāgānupatitena kāyopi cittampi sāraddhā ca honti iñjitā ca phanditā ca.\nApanatena cittena byāpādānupatitena kāyopi cittampi sāraddhā ca honti iñjitā ca phanditā ca."}},{"id":"ps1.3:29","sourceIds":["ps1.3:29.1","ps1.3:29.2","ps1.3:29.3","ps1.3:29.4","ps1.3:29.5","ps1.3:29.6"],"kind":"text","text":{"pi":"Ānāpānassati yassa,\nparipuṇṇā abhāvitā;\nKāyopi iñjito hoti,\ncittampi hoti iñjitaṁ;\nKāyopi phandito hoti,\ncittampi hoti phanditaṁ."}},{"id":"ps1.3:30","sourceIds":["ps1.3:30.1","ps1.3:30.2","ps1.3:30.3","ps1.3:30.4","ps1.3:30.5","ps1.3:30.6"],"kind":"text","text":{"pi":"Ānāpānassati yassa,\nParipuṇṇā subhāvitā;\nKāyopi aniñjito hoti,\nCittampi hoti aniñjitaṁ;\nKāyopi aphandito hoti,\nCittampi hoti aphanditanti."}},{"id":"ps1.3:31","sourceIds":["ps1.3:31.1","ps1.3:31.2"],"kind":"text","text":{"pi":"Imehi ca pana nīvaraṇehi visuddhacittassa soḷasavatthukaṁ ānāpānassatisamādhiṁ bhāvayato khaṇikasamodhānā ime aṭṭhārasa upakkilesā uppajjanti.\nUpakkilesañāṇaniddeso tatiyo."}},{"id":"ps1.3:32","sourceIds":["ps1.3:32.0","ps1.3:32.1","ps1.3:32.2","ps1.3:32.3","ps1.3:32.4","ps1.3:32.5","ps1.3:32.6","ps1.3:32.7","ps1.3:32.8","ps1.3:32.9","ps1.3:32.10","ps1.3:32.11","ps1.3:32.12","ps1.3:32.13","ps1.3:32.14","ps1.3:32.15","ps1.3:32.16","ps1.3:32.17","ps1.3:32.18","ps1.3:32.19","ps1.3:32.20"],"kind":"text","text":{"pi":"1.3.4. Vodānañāṇaniddesa\nKatamāni terasa vodāne ñāṇāni?\nAtītānudhāvanaṁ cittaṁ vikkhepānupatitaṁ;\ntaṁ vivajjayitvā ekaṭṭhāne samādahati—\nevampi cittaṁ na vikkhepaṁ gacchati.\nAnāgatapaṭikaṅkhanaṁ cittaṁ vikampitaṁ;\ntaṁ vivajjayitvā tattheva adhimoceti—\nevampi cittaṁ na vikkhepaṁ gacchati.\nLīnaṁ cittaṁ kosajjānupatitaṁ;\ntaṁ paggaṇhitvā kosajjaṁ pajahati—\nevampi cittaṁ na vikkhepaṁ gacchati.\nAtipaggahitaṁ cittaṁ uddhaccānupatitaṁ;\ntaṁ viniggaṇhitvā uddhaccaṁ pajahati—\nevampi cittaṁ na vikkhepaṁ gacchati.\nAbhinataṁ cittaṁ rāgānupatitaṁ;\ntaṁ sampajāno hutvā rāgaṁ pajahati—\nevampi cittaṁ na vikkhepaṁ gacchati.\nApanataṁ cittaṁ byāpādānupatitaṁ;\ntaṁ sampajāno hutvā byāpādaṁ pajahati—\nevampi cittaṁ na vikkhepaṁ gacchati.\nImehi chahi ṭhānehi parisuddhaṁ cittaṁ pariyodātaṁ ekattagataṁ hoti."}},{"id":"ps1.3:33","sourceIds":["ps1.3:33.1","ps1.3:33.2","ps1.3:33.3","ps1.3:33.4"],"kind":"text","text":{"pi":"Katame te ekattā?\nDānavosaggupaṭṭhānekattaṁ, samathanimittupaṭṭhānekattaṁ, vayalakkhaṇupaṭṭhānekattaṁ, nirodhupaṭṭhānekattaṁ.\nDānavosaggupaṭṭhānekattaṁ cāgādhimuttānaṁ, samathanimittupaṭṭhānekattañca adhicittamanuyuttānaṁ, vayalakkhaṇupaṭṭhānekattañca vipassakānaṁ, nirodhupaṭṭhānekattañca ariyapuggalānaṁ—\nimehi catūhi ṭhānehi ekattagataṁ cittaṁ paṭipadāvisuddhipakkhandañceva hoti, upekkhānubrūhitañca, ñāṇena ca sampahaṁsitaṁ."}},{"id":"ps1.3:34","sourceIds":["ps1.3:34.1","ps1.3:34.2","ps1.3:34.3","ps1.3:34.4","ps1.3:34.5","ps1.3:34.6","ps1.3:34.7","ps1.3:34.8","ps1.3:34.9","ps1.3:34.10","ps1.3:34.11"],"kind":"text","text":{"pi":"Paṭhamassa jhānassa ko ādi, kiṁ majjhe, kiṁ pariyosānaṁ?\nPaṭhamassa jhānassa paṭipadāvisuddhi ādi, upekkhānubrūhanā majjhe, sampahaṁsanā pariyosānaṁ.\nPaṭhamassa jhānassa paṭipadāvisuddhi ādi.\nĀdissa kati lakkhaṇāni?\nĀdissa tīṇi lakkhaṇāni.\nYo tassa paripantho tato cittaṁ visujjhati, visuddhattā cittaṁ majjhimaṁ samathanimittaṁ paṭipajjati, paṭipannattā tattha cittaṁ pakkhandati.\nYañca paripanthato cittaṁ visujjhati, yañca visuddhattā cittaṁ majjhimaṁ samathanimittaṁ paṭipajjati, yañca paṭipannattā tattha cittaṁ pakkhandati.\nPaṭhamassa jhānassa paṭipadāvisuddhi ādi.\nĀdissa imāni tīṇi lakkhaṇāni.\nTena vuccati—\n“paṭhamaṁ jhānaṁ ādikalyāṇañceva hoti lakkhaṇasampannañca”."}},{"id":"ps1.3:35","sourceIds":["ps1.3:35.1","ps1.3:35.2","ps1.3:35.3","ps1.3:35.4","ps1.3:35.5","ps1.3:35.6","ps1.3:35.7","ps1.3:35.8","ps1.3:35.9"],"kind":"text","text":{"pi":"Paṭhamassa jhānassa upekkhānubrūhanā majjhe.\nMajjhassa kati lakkhaṇāni?\nMajjhassa tīṇi lakkhaṇāni.\nVisuddhaṁ cittaṁ ajjhupekkhati, samathapaṭipannaṁ ajjhupekkhati, ekattupaṭṭhānaṁ ajjhupekkhati.\nYañca visuddhaṁ cittaṁ ajjhupekkhati, yañca samathapaṭipannaṁ ajjhupekkhati, yañca ekattupaṭṭhānaṁ ajjhupekkhati—\npaṭhamassa jhānassa upekkhānubrūhanā majjhe.\nMajjhassa imāni tīṇi lakkhaṇāni.\nTena vuccati—\n“paṭhamaṁ jhānaṁ majjhekalyāṇañceva hoti lakkhaṇasampannañca”."}},{"id":"ps1.3:36","sourceIds":["ps1.3:36.1","ps1.3:36.2","ps1.3:36.3","ps1.3:36.4","ps1.3:36.5","ps1.3:36.6","ps1.3:36.7","ps1.3:36.8","ps1.3:36.9"],"kind":"text","text":{"pi":"Paṭhamassa jhānassa sampahaṁsanā pariyosānaṁ.\nPariyosānassa kati lakkhaṇāni?\nPariyosānassa cattāri lakkhaṇāni.\nTattha jātānaṁ dhammānaṁ anativattanaṭṭhena sampahaṁsanā, indriyānaṁ ekarasaṭṭhena sampahaṁsanā, tadupagavīriyavāhanaṭṭhena sampahaṁsanā, āsevanaṭṭhena sampahaṁsanā.\nPaṭhamassa jhānassa sampahaṁsanā pariyosānaṁ.\nPariyosānassa imāni cattāri lakkhaṇāni.\nTena vuccati—\n“paṭhamaṁ jhānaṁ pariyosānakalyāṇañceva hoti lakkhaṇasampannañca”.\nEvaṁ tivattagataṁ cittaṁ tividhakalyāṇakaṁ dasalakkhaṇasampannaṁ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca."}},{"id":"ps1.3:37","sourceIds":["ps1.3:37.1","ps1.3:37.2","ps1.3:37.3"],"kind":"text","text":{"pi":"Dutiyassa jhānassa ko ādi, kiṁ majjhe, kiṁ pariyosānaṁ?\nDutiyassa jhānassa paṭipadāvisuddhi ādi, upekkhānubrūhanā majjhe, sampahaṁsanā pariyosānaṁ …pe…\nevaṁ tivattagataṁ cittaṁ tividhakalyāṇakaṁ dasalakkhaṇasampannaṁ pītisampannañceva hoti sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca."}},{"id":"ps1.3:38","sourceIds":["ps1.3:38.1","ps1.3:38.2"],"kind":"text","text":{"pi":"Tatiyassa jhānassa ko ādi, kiṁ majjhe, kiṁ pariyosānaṁ …pe…\nevaṁ tivattagataṁ cittaṁ tividhakalyāṇakaṁ dasalakkhaṇasampannaṁ sukhasampannañceva hoti cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca."}},{"id":"ps1.3:39","sourceIds":["ps1.3:39.1","ps1.3:39.2"],"kind":"text","text":{"pi":"Catutthassa jhānassa ko ādi, kiṁ majjhe, kiṁ pariyosānaṁ …pe…\nevaṁ tivattagataṁ cittaṁ tividhakalyāṇakaṁ dasalakkhaṇasampannañca upekkhāsampannañceva hoti cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca."}},{"id":"ps1.3:40","sourceIds":["ps1.3:40.1","ps1.3:40.2","ps1.3:40.3","ps1.3:40.4","ps1.3:40.5","ps1.3:40.6"],"kind":"text","text":{"pi":"Ākāsānañcāyatanasamāpattiyā …pe…\nviññāṇañcāyatanasamāpattiyā …\nākiñcaññāyatanasamāpattiyā …\nnevasaññānāsaññāyatanasamāpattiyā ko ādi, kiṁ majjhe, kiṁ pariyosānaṁ …pe…\nevaṁ tivattagataṁ cittaṁ tividhakalyāṇakaṁ dasalakkhaṇasampannaṁ upekkhāsampannañceva hoti cittassa adhiṭṭhānasampannañca …pe…\npaññāsampannañca."}},{"id":"ps1.3:41","sourceIds":["ps1.3:41.1","ps1.3:41.2","ps1.3:41.3","ps1.3:41.4","ps1.3:41.5","ps1.3:41.6","ps1.3:41.7","ps1.3:41.8","ps1.3:41.9","ps1.3:41.10","ps1.3:41.11","ps1.3:41.12","ps1.3:41.13","ps1.3:41.14","ps1.3:41.15","ps1.3:41.16","ps1.3:41.17","ps1.3:41.18","ps1.3:41.19"],"kind":"text","text":{"pi":"Aniccānupassanāya ko ādi, kiṁ majjhe, kiṁ pariyosānaṁ …pe…\nevaṁ tivattagataṁ cittaṁ tividhakalyāṇakaṁ dasalakkhaṇasampannaṁ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca.\nDukkhānupassanāya …pe…\nanattānupassanāya …\nnibbidānupassanāya …\nvirāgānupassanāya …\nnirodhānupassanāya …\npaṭinissaggānupassanāya …\nkhayānupassanāya …\nvayānupassanāya …\nvipariṇāmānupassanāya …\nanimittānupassanāya …\nappaṇihitānupassanāya …\nsuññatānupassanāya …\nadhipaññādhammavipassanāya …\nyathābhūtañāṇadassanāya …\nādīnavānupassanāya …\npaṭisaṅkhānupassanāya …\nvivaṭṭanānupassanāya …"}},{"id":"ps1.3:42","sourceIds":["ps1.3:42.1","ps1.3:42.2","ps1.3:42.3","ps1.3:42.4","ps1.3:42.5","ps1.3:42.6","ps1.3:42.7","ps1.3:42.8","ps1.3:42.9","ps1.3:42.10","ps1.3:42.11","ps1.3:42.12","ps1.3:42.13","ps1.3:42.14"],"kind":"text","text":{"pi":"Sotāpattimaggassa …pe…\nsakadāgāmimaggassa …\nanāgāmimaggassa …\narahattamaggassa ko ādi, kiṁ majjhe, kiṁ pariyosānaṁ?\nArahattamaggassa paṭipadāvisuddhi ādi upekkhānubrūhanā majjhe, sampahaṁsanā pariyosānaṁ.\nArahattamaggassa paṭipadāvisuddhi ādi.\nĀdissa kati lakkhaṇāni?\nĀdissa tīṇi lakkhaṇāni.\nYo tassa paripantho tato cittaṁ visujjhati, visuddhattā cittaṁ majjhimaṁ samathanimittaṁ paṭipajjati, paṭipannattā tattha cittaṁ pakkhandati.\nYañca paripanthato cittaṁ visujjhati, yañca visuddhattā cittaṁ majjhimaṁ samathanimittaṁ paṭipajjati, yañca paṭipannattā tattha cittaṁ pakkhandati—\narahattamaggassa paṭipadāvisuddhi ādi.\nĀdissa imāni tīṇi lakkhaṇāni.\nTena vuccati—\n“arahattamaggo ādikalyāṇo ceva hoti lakkhaṇasampanno ca”."}},{"id":"ps1.3:43","sourceIds":["ps1.3:43.1","ps1.3:43.2","ps1.3:43.3","ps1.3:43.4","ps1.3:43.5","ps1.3:43.6","ps1.3:43.7"],"kind":"text","text":{"pi":"Arahattamaggassa upekkhānubrūhanā majjhe.\nMajjhassa kati lakkhaṇāni?\nMajjhassa tīṇi lakkhaṇāni.\nVisuddhaṁ cittaṁ ajjhupekkhati, samathapaṭipannaṁ ajjhupekkhati, ekattupaṭṭhānaṁ ajjhupekkhati.\nYañca visuddhaṁ cittaṁ ajjhupekkhati, yañca samathapaṭipannaṁ ajjhupekkhati, yañca ekattupaṭṭhānaṁ ajjhupekkhati.\nTena vuccati—\n“arahattamaggo majjhekalyāṇo ceva hoti lakkhaṇasampanno ca”."}},{"id":"ps1.3:44","sourceIds":["ps1.3:44.1","ps1.3:44.2","ps1.3:44.3","ps1.3:44.4","ps1.3:44.5","ps1.3:44.6","ps1.3:44.7","ps1.3:44.8","ps1.3:44.9"],"kind":"text","text":{"pi":"Arahattamaggassa sampahaṁsanā pariyosānaṁ.\nPariyosānassa kati lakkhaṇāni?\nPariyosānassa cattāri lakkhaṇāni.\nTattha jātānaṁ dhammānaṁ anativattanaṭṭhena sampahaṁsanā, indriyānaṁ ekarasaṭṭhena sampahaṁsanā, tadupagavīriyavāhanaṭṭhena sampahaṁsanā, āsevanaṭṭhena sampahaṁsanā.\nArahattamaggassa sampahaṁsanā pariyosānaṁ.\nPariyosānassa imāni cattāri lakkhaṇāni.\nTena vuccati—\n“arahattamaggo pariyosānakalyāṇo ceva hoti lakkhaṇasampanno ca”.\nEvaṁ tivattagataṁ cittaṁ tividhakalyāṇakaṁ dasalakkhaṇasampannaṁ vitakkasampannañceva hoti vicārasampannañca pītisampannañca sukhasampannañca cittassa adhiṭṭhānasampannañca saddhāsampannañca vīriyasampannañca satisampannañca samādhisampannañca paññāsampannañca."}},{"id":"ps1.3:45","sourceIds":["ps1.3:45.1","ps1.3:45.2","ps1.3:45.3","ps1.3:45.4"],"kind":"text","text":{"pi":"Nimittaṁ assāsapassāsā,\nAnārammaṇamekacittassa;\nAjānato ca tayo dhamme,\nBhāvanā nupalabbhati."}},{"id":"ps1.3:46","sourceIds":["ps1.3:46.1","ps1.3:46.2","ps1.3:46.3","ps1.3:46.4"],"kind":"text","text":{"pi":"Nimittaṁ assāsapassāsā,\nAnārammaṇamekacittassa;\nJānato ca tayo dhamme,\nBhāvanā upalabbhatīti."}},{"id":"ps1.3:47","sourceIds":["ps1.3:47.1","ps1.3:47.2","ps1.3:47.3","ps1.3:47.4","ps1.3:47.5","ps1.3:47.6","ps1.3:47.7","ps1.3:47.8","ps1.3:47.9","ps1.3:47.10","ps1.3:47.11","ps1.3:47.12"],"kind":"text","text":{"pi":"Kathaṁ ime tayo dhammā ekacittassa ārammaṇā na honti, na cime tayo dhammā aviditā honti, na ca cittaṁ vikkhepaṁ gacchati, padhānañca paññāyati, payogañca sādheti, visesamadhigacchati?\nSeyyathāpi rukkho same bhūmibhāge nikkhitto.\nTamenaṁ puriso kakacena chindeyya.\nRukkhe phuṭṭhakakacadantānaṁ vasena purisassa sati upaṭṭhitā hoti;\nna āgate vā gate vā kakacadante manasi karoti.\nNa āgatā vā gatā vā kakacadantā aviditā honti, padhānañca paññāyati, payogañca sādheti.\nYathā rukkho same bhūmibhāge nikkhitto.\nEvaṁ upanibandhanā nimittaṁ.\nYathā kakacadantā, evaṁ assāsapassāsā.\nYathā rukkhe phuṭṭhakakacadantānaṁ vasena purisassa sati upaṭṭhitā hoti, na āgate vā gate vā kakacadante manasi karoti, na āgatā vā gatā vā kakacadantā aviditā honti, padhānañca paññāyati, payogañca sādheti.\nEvamevaṁ bhikkhu nāsikagge vā mukhanimitte vā satiṁ upaṭṭhapetvā nisinno hoti, na āgate vā gate vā assāsapassāse manasi karoti, na āgatā vā gatā vā assāsapassāsā aviditā honti, padhānañca paññāyati, payogañca sādheti.\nVisesamadhigacchati padhānañca."}},{"id":"ps1.3:48","sourceIds":["ps1.3:48.1","ps1.3:48.2","ps1.3:48.3","ps1.3:48.4","ps1.3:48.5","ps1.3:48.6","ps1.3:48.7","ps1.3:48.8","ps1.3:48.9","ps1.3:48.10"],"kind":"text","text":{"pi":"Katamaṁ padhānaṁ?\nĀraddhavīriyassa kāyopi cittampi kammaniyaṁ hoti—\nidaṁ padhānaṁ.\nKatamo payogo?\nĀraddhavīriyassa upakkilesā pahīyanti, vitakkā vūpasammanti—\nayaṁ payogo.\nKatamo viseso?\nĀraddhavīriyassa saññojanā pahīyanti, anusayā byantīhonti.\nAyaṁ viseso.\nEvaṁ ime tayo dhammā ekacittassa ārammaṇā na honti, na cime tayo dhammā aviditā honti, na ca cittaṁ vikkhepaṁ gacchati, padhānañca paññāyati, payogañca sādheti, visesamadhigacchati."}},{"id":"ps1.3:49","sourceIds":["ps1.3:49.1","ps1.3:49.2","ps1.3:49.3","ps1.3:49.4","ps1.3:49.5","ps1.3:49.6"],"kind":"text","text":{"pi":"Ānāpānassati yassa,\nparipuṇṇā subhāvitā;\nAnupubbaṁ paricitā,\nyathā buddhena desitā;\nSo imaṁ lokaṁ pabhāseti,\nabbhā muttova candimāti."}},{"id":"ps1.3:50","sourceIds":["ps1.3:50.1","ps1.3:50.2","ps1.3:50.3"],"kind":"text","text":{"pi":"Ānanti assāso, no passāso.\nĀpānanti passāso, no assāso.\nAssāsavasena upaṭṭhānaṁ sati, passāsavasena upaṭṭhānaṁ sati."}},{"id":"ps1.3:51","sourceIds":["ps1.3:51.1","ps1.3:51.2","ps1.3:51.3","ps1.3:51.4","ps1.3:51.5"],"kind":"text","text":{"pi":"Yo assasati tassupaṭṭhāti, yo passasati tassupaṭṭhāti.\nParipuṇṇāti pariggahaṭṭhena paripuṇṇā, parivāraṭṭhena paripuṇṇā, paripūraṭṭhena paripuṇṇā.\nSubhāvitāti catasso bhāvanā—\ntattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.\nTassime cattāro bhāvanaṭṭhā yānīkatā honti vatthukatā anuṭṭhitā paricitā susamāraddhā."}},{"id":"ps1.3:52","sourceIds":["ps1.3:52.1","ps1.3:52.2","ps1.3:52.3","ps1.3:52.4","ps1.3:52.5","ps1.3:52.6","ps1.3:52.7","ps1.3:52.8","ps1.3:52.9","ps1.3:52.10","ps1.3:52.11","ps1.3:52.12","ps1.3:52.13","ps1.3:52.14","ps1.3:52.15","ps1.3:52.16","ps1.3:52.17","ps1.3:52.18"],"kind":"text","text":{"pi":"Yānīkatāti yattha yattha ākaṅkhati tattha tattha vasippatto hoti balappatto vesārajjappatto.\nTassa me te dhammā āvajjanapaṭibaddhā honti ākaṅkhapaṭibaddhā manasikārapaṭibaddhā cittuppādapaṭibaddhā.\nTena vuccati—\n“yānīkatā”ti.\nVatthukatāti yasmiṁ yasmiṁ vatthusmiṁ cittaṁ svādhiṭṭhitaṁ hoti, tasmiṁ tasmiṁ vatthusmiṁ sati sūpaṭṭhitā hoti.\nYasmiṁ yasmiṁ vā pana vatthusmiṁ sati sūpaṭṭhitā hoti, tasmiṁ tasmiṁ vatthusmiṁ cittaṁ svādhiṭṭhitaṁ hoti.\nTena vuccati—\n“vatthukatā”ti.\nAnuṭṭhitāti vatthusmiṁ yena yena cittaṁ abhinīharati tena tena sati anuparivattati.\nYena yena vā pana sati anuparivattati tena tena cittaṁ abhinīharati.\nTena vuccati—\n“anuṭṭhitā”ti.\nParicitāti pariggahaṭṭhena paricitā, parivāraṭṭhena paricitā, paripūraṭṭhena paricitā.\nSatiyā pariggaṇhanto jināti pāpake akusale dhamme.\nTena vuccati—\n“paricitā”ti.\nSusamāraddhāti cattāro susamāraddhā—\ntattha jātānaṁ dhammānaṁ anativattanaṭṭhena susamāraddhā, indriyānaṁ ekarasaṭṭhena susamāraddhā, tadupagavīriyavāhanaṭṭhena susamāraddhā, tappaccanīkānaṁ kilesānaṁ susamūhatattā susamāraddhā."}},{"id":"ps1.3:53","sourceIds":["ps1.3:53.1","ps1.3:53.2","ps1.3:53.3","ps1.3:53.4","ps1.3:53.5","ps1.3:53.6","ps1.3:53.7","ps1.3:53.8","ps1.3:53.9","ps1.3:53.10","ps1.3:53.11"],"kind":"text","text":{"pi":"Susamanti atthi samaṁ, atthi susamaṁ.\nKatamaṁ samaṁ?\nYe tattha jātā anavajjā kusalā bodhipakkhiyā—\nidaṁ samaṁ.\nKatamaṁ susamaṁ?\nYaṁ tesaṁ tesaṁ dhammānaṁ ārammaṇaṁ nirodho nibbānaṁ—\nidaṁ susamaṁ.\nIti idañca samaṁ idañca susamaṁ ñātaṁ hoti diṭṭhaṁ viditaṁ sacchikataṁ phassitaṁ paññāya.\nĀraddhaṁ hoti vīriyaṁ asallīnaṁ, upaṭṭhitā sati asammuṭṭhā, passaddho kāyo asāraddho, samāhitaṁ cittaṁ ekaggaṁ.\nTena vuccati—\n“susamāraddhā”ti."}},{"id":"ps1.3:54","sourceIds":["ps1.3:54.1","ps1.3:54.2","ps1.3:54.3","ps1.3:54.4","ps1.3:54.5","ps1.3:54.6","ps1.3:54.7","ps1.3:54.8","ps1.3:54.9"],"kind":"text","text":{"pi":"Anupubbaṁ paricitāti dīghaṁ assāsavasena purimā purimā paricitā, pacchimā pacchimā anuparicitā.\nDīghaṁ passāsavasena purimā purimā paricitā, pacchimā pacchimā anuparicitā.\nRassaṁ assāsavasena purimā purimā paricitā, pacchimā pacchimā anuparicitā.\nRassaṁ passāsavasena purimā purimā paricitā, pacchimā pacchimā anuparicitā …pe…\npaṭinissaggānupassī assāsavasena purimā purimā paricitā, pacchimā pacchimā anuparicitā.\nPaṭinissaggānupassī passāsavasena purimā purimā paricitā, pacchimā pacchimā anuparicitā.\nSabbāpi soḷasavatthukā ānāpānassatiyo aññamaññaṁ paricitā ceva honti anuparicitā ca.\nTena vuccati—\n“anupubbaparicitā”ti."}},{"id":"ps1.3:55","sourceIds":["ps1.3:55.1","ps1.3:55.2"],"kind":"text","text":{"pi":"Yathāti dasa yathatthā—\nattadamathattho yathattho, attasamathattho yathattho, attaparinibbāpanattho yathattho, abhiññattho yathattho, pariññattho yathattho, pahānattho yathattho, bhāvanattho yathattho, sacchikiriyattho yathattho, saccābhisamayattho yathattho, nirodhe patiṭṭhāpakattho yathattho."}},{"id":"ps1.3:56","sourceIds":["ps1.3:56.1"],"kind":"text","text":{"pi":"Buddhoti yo so bhagavā sayambhū anācariyako pubbe ananussutesu dhammesu sāmaṁ saccāni abhisambujjhi, tattha ca sabbaññutaṁ pāpuṇi, balesu ca vasībhāvaṁ."}},{"id":"ps1.3:57","sourceIds":["ps1.3:57.1","ps1.3:57.2","ps1.3:57.3","ps1.3:57.4","ps1.3:57.5","ps1.3:57.6","ps1.3:57.7","ps1.3:57.8","ps1.3:57.9","ps1.3:57.10","ps1.3:57.11","ps1.3:57.12","ps1.3:57.13","ps1.3:57.14","ps1.3:57.15","ps1.3:57.16","ps1.3:57.17","ps1.3:57.18","ps1.3:57.19","ps1.3:57.20","ps1.3:57.21","ps1.3:57.22","ps1.3:57.23","ps1.3:57.24","ps1.3:57.25","ps1.3:57.26","ps1.3:57.27","ps1.3:57.28","ps1.3:57.29","ps1.3:57.30"],"kind":"text","text":{"pi":"Buddhoti kenaṭṭhena buddho?\nBujjhitā saccānīti—\nbuddho.\nBodhetā pajāyāti—\nbuddho.\nSabbaññutāya buddho.\nSabbadassāvitāya buddho.\nAnaññaneyyatāya buddho.\nVisavitāya buddho.\nKhīṇāsavasaṅkhātena buddho.\nNirupalepasaṅkhātena buddho.\nEkantavītarāgoti—\nbuddho.\nEkantavītadosoti—\nbuddho.\nEkantavītamohoti—\nbuddho.\nEkantanikkilesoti—\nbuddho.\nEkāyanamaggaṁ gatoti—\nbuddho.\nEko anuttaraṁ sammāsambodhiṁ abhisambuddhoti—\nbuddho.\nAbuddhivihatattā buddhipaṭilābhā—\nbuddho.\nBuddhoti netaṁ nāmaṁ mātarā kataṁ, na pitarā kataṁ, na bhātarā kataṁ, na bhaginiyā kataṁ, na mittāmaccehi kataṁ, na ñātisālohitehi kataṁ, na samaṇabrāhmaṇehi kataṁ, na devatāhi kataṁ.\nVimokkhantikametaṁ buddhānaṁ bhagavantānaṁ bodhiyā mūle saha sabbaññutaññāṇassa paṭilābhā sacchikā paññatti yadidaṁ—\nbuddhoti.\nDesitāti attadamathattho yathattho yathā buddhena desito, attasamathattho yathattho yathā buddhena desito, attaparinibbāpanattho yathattho yathā buddhena desito …pe…\nnirodhe patiṭṭhāpakattho yathattho yathā buddhena desito."}},{"id":"ps1.3:58","sourceIds":["ps1.3:58.1","ps1.3:58.2","ps1.3:58.3","ps1.3:58.4","ps1.3:58.5","ps1.3:58.6","ps1.3:58.7","ps1.3:58.8","ps1.3:58.9","ps1.3:58.10","ps1.3:58.11","ps1.3:58.12","ps1.3:58.13","ps1.3:58.14"],"kind":"text","text":{"pi":"Soti gahaṭṭho vā hoti pabbajito vā.\nLokoti khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko.\nEko loko—\nsabbe sattā āhāraṭṭhitikā …pe…\naṭṭhārasa lokā—\naṭṭhārasa dhātuyo.\nPabhāsetīti attadamathatthaṁ yathatthaṁ abhisambuddhattā.\nSo imaṁ lokaṁ obhāseti bhāseti pabhāseti.\nAttasamathatthaṁ yathatthaṁ abhisambuddhattā.\nSo imaṁ lokaṁ obhāseti bhāseti pabhāseti.\nAttaparinibbāpanatthaṁ yathatthaṁ abhisambuddhattā.\nSo imaṁ lokaṁ obhāseti bhāseti pabhāseti …pe…\nnirodhe patiṭṭhāpakatthaṁ yathatthaṁ abhisambuddhattā.\nSo imaṁ lokaṁ obhāseti bhāseti pabhāseti."}},{"id":"ps1.3:59","sourceIds":["ps1.3:59.1","ps1.3:59.2","ps1.3:59.3","ps1.3:59.4","ps1.3:59.5","ps1.3:59.6","ps1.3:59.7","ps1.3:59.8","ps1.3:59.9"],"kind":"text","text":{"pi":"Abbhā muttova candimāti yathā abbhā, evaṁ kilesā.\nYathā cando, evaṁ ariyañāṇaṁ.\nYathā candimā devaputto, evaṁ bhikkhu.\nYathā cando abbhā mutto mahikā mutto dhūmarajā mutto rāhugahaṇā vippamutto bhāsate ca tapate ca virocate ca, evamevaṁ bhikkhu sabbakilesehi vippamutto bhāsate ca tapate ca virocate ca.\nTena vuccati—\n“abbhā muttova candimā”ti.\nImāni terasa vodāne ñāṇāni.\nVodānañāṇaniddeso catuttho.\nBhāṇavāro."}},{"id":"ps1.3:60","sourceIds":["ps1.3:60.0","ps1.3:60.1","ps1.3:60.2","ps1.3:60.3","ps1.3:60.4","ps1.3:60.5","ps1.3:60.6","ps1.3:60.7","ps1.3:60.8","ps1.3:60.9","ps1.3:60.10","ps1.3:60.11","ps1.3:60.12","ps1.3:60.13","ps1.3:60.14","ps1.3:60.15","ps1.3:60.16","ps1.3:60.17","ps1.3:60.18","ps1.3:60.19","ps1.3:60.20","ps1.3:60.21","ps1.3:60.22","ps1.3:60.23","ps1.3:60.24"],"kind":"text","text":{"pi":"1.3.5. Satokāriñāṇaniddesa\nKatamāni bāttiṁsa satokārissa ñāṇāni?\nIdha bhikkhu araññagato vā rukkhamūlagato vā suññāgāragato vā nisīdati pallaṅkaṁ ābhujitvā ujuṁ kāyaṁ paṇidhāya parimukhaṁ satiṁ upaṭṭhapetvā.\nSo satova assasati sato passasati.\nDīghaṁ vā assasanto “dīghaṁ assasāmī”ti pajānāti.\nDīghaṁ vā passasanto “dīghaṁ passasāmī”ti pajānāti.\nRassaṁ vā assasanto “rassaṁ assasāmī”ti pajānāti.\nRassaṁ vā passasanto “rassaṁ passasāmī”ti pajānāti.\n“Sabbakāyapaṭisaṁvedī assasissāmī”ti sikkhati.\n“Sabbakāyapaṭisaṁvedī passasissāmī”ti sikkhati.\n“Passambhayaṁ kāyasaṅkhāraṁ assasissāmī”ti sikkhati.\n“Passambhayaṁ kāyasaṅkhāraṁ passasissāmī”ti sikkhati.\nPītipaṭisaṁvedī …pe…\nsukhapaṭisaṁvedī …\ncittasaṅkhārapaṭisaṁvedī …\npassambhayaṁ cittasaṅkhāraṁ …\ncittapaṭisaṁvedī …\nabhippamodayaṁ cittaṁ …\nsamādahaṁ cittaṁ …\nvimocayaṁ cittaṁ …\naniccānupassī …\nvirāgānupassī …\nnirodhānupassī …\n“paṭinissaggānupassī assasissāmī”ti sikkhati.\n“Paṭinissaggānupassī passasissāmī”ti sikkhati."}},{"id":"ps1.3:61","sourceIds":["ps1.3:61.1","ps1.3:61.2","ps1.3:61.3","ps1.3:61.4","ps1.3:61.5","ps1.3:61.6","ps1.3:61.7","ps1.3:61.8","ps1.3:61.9","ps1.3:61.10","ps1.3:61.11","ps1.3:61.12","ps1.3:61.13","ps1.3:61.14","ps1.3:61.15"],"kind":"text","text":{"pi":"Idhāti imissā diṭṭhiyā, imissā khantiyā, imissā ruciyā, imasmiṁ ādāye, imasmiṁ dhamme, imasmiṁ vinaye, imasmiṁ dhammavinaye, imasmiṁ pāvacane, imasmiṁ brahmacariye, imasmiṁ satthusāsane.\nTena vuccati—\n“idhā”ti.\nBhikkhūti puthujjanakalyāṇako vā hoti bhikkhu sekkho vā arahā vā akuppadhammo.\nAraññanti nikkhamitvā bahi indakhīlā sabbametaṁ araññaṁ.\nRukkhamūlanti yattha bhikkhuno āsanaṁ paññattaṁ hoti mañco vā pīṭhaṁ vā bhisi vā taṭṭikā vā cammakhaṇḍo vā tiṇasantharo vā paṇṇasantharo vā palālasantharo vā, tattha bhikkhu caṅkamati vā tiṭṭhati vā nisīdati vā seyyaṁ vā kappeti.\nSuññanti kenaci anākiṇṇaṁ hoti gahaṭṭhehi vā pabbajitehi vā.\nAgāranti vihāro aḍḍhayogo pāsādo hammiyaṁ guhā.\nNisīdati pallaṅkaṁ ābhujitvāti nisinno hoti pallaṅkaṁ ābhujitvā.\nUjuṁ kāyaṁ paṇidhāyāti ujuko hoti kāyo ṭhito supaṇihito.\nParimukhaṁ satiṁ upaṭṭhapetvāti parīti pariggahaṭṭho.\nMukhanti niyyānaṭṭho.\nSatīti upaṭṭhānaṭṭho.\nTena vuccati—\n“parimukhaṁ satiṁ upaṭṭhapetvā”ti."}},{"id":"ps1.3:62","sourceIds":["ps1.3:62.1","ps1.3:62.2","ps1.3:62.3","ps1.3:62.4","ps1.3:62.5","ps1.3:62.6","ps1.3:62.7","ps1.3:62.8","ps1.3:62.9","ps1.3:62.10","ps1.3:62.11","ps1.3:62.12"],"kind":"text","text":{"pi":"Satova assasati, sato passasatīti bāttiṁsāya ākārehi sato kārī hoti.\nDīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sato kārī hoti.\nDīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sato kārī hoti.\nRassaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sato kārī hoti.\nRassaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sato kārī hoti …pe…\npaṭinissaggānupassī assāsavasena …\npaṭinissaggānupassī passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sato kārī hoti."}},{"id":"ps1.3:63","sourceIds":["ps1.3:63.0","ps1.3:63.1","ps1.3:63.2","ps1.3:63.3","ps1.3:63.4","ps1.3:63.5","ps1.3:63.6","ps1.3:63.7","ps1.3:63.8","ps1.3:63.9","ps1.3:63.10","ps1.3:63.11","ps1.3:63.12","ps1.3:63.13","ps1.3:63.14","ps1.3:63.15"],"kind":"text","text":{"pi":"1.3.5.1. Paṭhamacatukkaniddesa\nKathaṁ dīghaṁ assasanto “dīghaṁ assasāmī”ti pajānāti, dīghaṁ passasanto “dīghaṁ passasāmī”ti pajānāti?\nDīghaṁ assāsaṁ addhānasaṅkhāte assasati, dīghaṁ passāsaṁ addhānasaṅkhāte passasati, dīghaṁ assāsapassāsaṁ addhānasaṅkhāte assasatipi passasatipi.\nDīghaṁ assāsapassāsaṁ addhānasaṅkhāte assasatopi passasatopi chando uppajjati.\nChandavasena tato sukhumataraṁ dīghaṁ assāsaṁ addhānasaṅkhāte assasati, chandavasena tato sukhumataraṁ dīghaṁ passāsaṁ addhānasaṅkhāte passasati, chandavasena tato sukhumataraṁ dīghaṁ assāsapassāsaṁ addhānasaṅkhāte assasatipi passasatipi.\nChandavasena tato sukhumataraṁ dīghaṁ assāsapassāsaṁ addhānasaṅkhāte assasatopi passasatopi pāmojjaṁ uppajjati.\nPāmojjavasena tato sukhumataraṁ dīghaṁ assāsaṁ addhānasaṅkhāte assasati, pāmojjavasena tato sukhumataraṁ dīghaṁ passāsaṁ addhānasaṅkhāte passasati, pāmojjavasena tato sukhumataraṁ dīghaṁ assāsapassāsaṁ addhānasaṅkhāte assasatipi passasatipi.\nPāmojjavasena tato sukhumataraṁ dīghaṁ assāsapassāsaṁ addhānasaṅkhāte assasatopi passasatopi dīghaṁ assāsapassāsāpi cittaṁ vivattati, upekkhā saṇṭhāti.\nImehi navahākārehi dīghaṁ assāsapassāsā kāyo.\nUpaṭṭhānaṁ sati.\nAnupassanā ñāṇaṁ.\nKāyo upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ kāyaṁ anupassati.\nTena vuccati—\n“kāye kāyānupassanāsatipaṭṭhānabhāvanā”ti."}},{"id":"ps1.3:64","sourceIds":["ps1.3:64.1","ps1.3:64.2","ps1.3:64.3","ps1.3:64.4","ps1.3:64.5","ps1.3:64.6","ps1.3:64.7","ps1.3:64.8","ps1.3:64.9","ps1.3:64.10","ps1.3:64.11","ps1.3:64.12","ps1.3:64.13","ps1.3:64.14","ps1.3:64.15","ps1.3:64.16"],"kind":"text","text":{"pi":"Anupassatīti kathaṁ taṁ kāyaṁ anupassati?\nAniccato anupassati, no niccato.\nDukkhato anupassati, no sukhato.\nAnattato anupassati, no attato.\nNibbindati, no nandati.\nVirajjati, no rajjati.\nNirodheti, no samudeti.\nPaṭinissajjati, no ādiyati.\nAniccato anupassanto niccasaññaṁ pajahati.\nDukkhato anupassanto sukhasaññaṁ pajahati.\nAnattato anupassanto attasaññaṁ pajahati.\nNibbindanto nandiṁ pajahati.\nVirajjanto rāgaṁ pajahati.\nNirodhento samudayaṁ pajahati.\nPaṭinissajjanto ādānaṁ pajahati.\nEvaṁ taṁ kāyaṁ anupassati."}},{"id":"ps1.3:65","sourceIds":["ps1.3:65.1","ps1.3:65.2","ps1.3:65.3","ps1.3:65.4","ps1.3:65.5"],"kind":"text","text":{"pi":"Bhāvanāti catasso bhāvanā—\ntattha jātānaṁ dhammānaṁ anativattanaṭṭhena bhāvanā, indriyānaṁ ekarasaṭṭhena bhāvanā, tadupagavīriyavāhanaṭṭhena bhāvanā, āsevanaṭṭhena bhāvanā.\nDīghaṁ assāsapassāsavasena cittassa ekaggataṁ avikkhepaṁ pajānato viditā vedanā uppajjanti, viditā upaṭṭhahanti, viditā abbhatthaṁ gacchanti.\nViditā saññā uppajjanti, viditā upaṭṭhahanti, viditā abbhatthaṁ gacchanti.\nViditā vitakkā uppajjanti, viditā upaṭṭhahanti, viditā abbhatthaṁ gacchanti."}},{"id":"ps1.3:66","sourceIds":["ps1.3:66.1","ps1.3:66.2","ps1.3:66.3","ps1.3:66.4","ps1.3:66.5","ps1.3:66.6","ps1.3:66.7","ps1.3:66.8","ps1.3:66.9"],"kind":"text","text":{"pi":"Kathaṁ viditā vedanā uppajjanti, viditā upaṭṭhahanti, viditā abbhatthaṁ gacchanti?\nKathaṁ vedanāya uppādo vidito hoti?\nAvijjāsamudayā vedanāsamudayoti—\npaccayasamudayaṭṭhena vedanāya uppādo vidito hoti.\nTaṇhāsamudayā vedanāsamudayoti …\nkammasamudayā vedanāsamudayoti …\nphassasamudayā vedanāsamudayoti paccayasamudayaṭṭhena vedanāya uppādo vidito hoti.\nNibbattilakkhaṇaṁ passatopi vedanāya uppādo vidito hoti.\nEvaṁ vedanāya uppādo vidito hoti."}},{"id":"ps1.3:67","sourceIds":["ps1.3:67.1","ps1.3:67.2","ps1.3:67.3","ps1.3:67.4","ps1.3:67.5"],"kind":"text","text":{"pi":"Kathaṁ vedanāya upaṭṭhānaṁ viditaṁ hoti?\nAniccato manasikaroto khayatupaṭṭhānaṁ viditaṁ hoti.\nDukkhato manasikaroto bhayatupaṭṭhānaṁ viditaṁ hoti.\nAnattato manasikaroto suññatupaṭṭhānaṁ viditaṁ hoti.\nEvaṁ vedanāya upaṭṭhānaṁ viditaṁ hoti."}},{"id":"ps1.3:68","sourceIds":["ps1.3:68.1","ps1.3:68.2","ps1.3:68.3","ps1.3:68.4","ps1.3:68.5","ps1.3:68.6","ps1.3:68.7","ps1.3:68.8","ps1.3:68.9"],"kind":"text","text":{"pi":"Kathaṁ vedanāya atthaṅgamo vidito hoti?\nAvijjānirodhā vedanānirodhoti—\npaccayanirodhaṭṭhena vedanāya atthaṅgamo vidito hoti.\nTaṇhānirodhā vedanānirodhoti …pe…\nkammanirodhā vedanānirodhoti …pe…\nphassanirodhā vedanānirodhoti paccayanirodhaṭṭhena vedanāya atthaṅgamo vidito hoti.\nVipariṇāmalakkhaṇaṁ passatopi vedanāya atthaṅgamo vidito hoti.\nEvaṁ vedanāya atthaṅgamo vidito hoti.\nEvaṁ viditā vedanā uppajjanti, viditā upaṭṭhahanti, viditā abbhatthaṁ gacchanti."}},{"id":"ps1.3:69","sourceIds":["ps1.3:69.1","ps1.3:69.2","ps1.3:69.3","ps1.3:69.4","ps1.3:69.5","ps1.3:69.6","ps1.3:69.7","ps1.3:69.8","ps1.3:69.9","ps1.3:69.10"],"kind":"text","text":{"pi":"Kathaṁ viditā saññā uppajjanti, viditā upaṭṭhahanti, viditā abbhatthaṁ gacchanti?\nKathaṁ saññāya uppādo vidito hoti?\nAvijjāsamudayā saññāsamudayoti—\npaccayasamudayaṭṭhena saññāya uppādo vidito hoti.\nTaṇhāsamudayā saññāsamudayoti …pe…\nkammasamudayā saññāsamudayoti …pe…\nphassasamudayā saññāsamudayoti—\npaccayasamudayaṭṭhena saññāya uppādo vidito hoti.\nNibbattilakkhaṇaṁ passatopi saññāya uppādo vidito hoti.\nEvaṁ saññāya uppādo vidito hoti."}},{"id":"ps1.3:70","sourceIds":["ps1.3:70.1","ps1.3:70.2","ps1.3:70.3","ps1.3:70.4","ps1.3:70.5"],"kind":"text","text":{"pi":"Kathaṁ saññāya upaṭṭhānaṁ viditaṁ hoti?\nAniccato manasikaroto khayatupaṭṭhānaṁ viditaṁ hoti.\nDukkhato manasikaroto bhayatupaṭṭhānaṁ viditaṁ hoti.\nAnattato manasikaroto suññatupaṭṭhānaṁ viditaṁ hoti.\nEvaṁ saññāya upaṭṭhānaṁ viditaṁ hoti."}},{"id":"ps1.3:71","sourceIds":["ps1.3:71.1","ps1.3:71.2","ps1.3:71.3","ps1.3:71.4","ps1.3:71.5","ps1.3:71.6","ps1.3:71.7","ps1.3:71.8","ps1.3:71.9","ps1.3:71.10"],"kind":"text","text":{"pi":"Kathaṁ saññāya atthaṅgamo vidito hoti?\nAvijjānirodhā saññānirodhoti—\npaccayanirodhaṭṭhena saññāya atthaṅgamo vidito hoti.\nTaṇhānirodhā saññānirodhoti …pe…\nkammanirodhā saññānirodhoti …pe…\nphassanirodhā saññānirodhoti—\npaccayanirodhaṭṭhena saññāya atthaṅgamo vidito hoti.\nVipariṇāmalakkhaṇaṁ passatopi saññāya atthaṅgamo vidito hoti.\nEvaṁ saññāya atthaṅgamo vidito hoti.\nEvaṁ viditā saññā uppajjanti, viditā upaṭṭhahanti, viditā abbhatthaṁ gacchanti."}},{"id":"ps1.3:72","sourceIds":["ps1.3:72.1","ps1.3:72.2","ps1.3:72.3","ps1.3:72.4","ps1.3:72.5","ps1.3:72.6","ps1.3:72.7","ps1.3:72.8","ps1.3:72.9","ps1.3:72.10"],"kind":"text","text":{"pi":"Kathaṁ viditā vitakkā uppajjanti, viditā upaṭṭhahanti, viditā abbhatthaṁ gacchanti?\nKathaṁ vitakkānaṁ uppādo vidito hoti?\nAvijjāsamudayā vitakkasamudayoti—\npaccayasamudayaṭṭhena vitakkānaṁ uppādo vidito hoti.\nTaṇhāsamudayā vitakkasamudayoti …pe…\nkammasamudayā vitakkasamudayoti …pe…\nsaññāsamudayā vitakkasamudayoti—\npaccayasamudayaṭṭhena vitakkānaṁ uppādo vidito hoti.\nNibbattilakkhaṇaṁ passatopi vitakkānaṁ uppādo vidito hoti.\nEvaṁ vitakkānaṁ uppādo vidito hoti."}},{"id":"ps1.3:73","sourceIds":["ps1.3:73.1","ps1.3:73.2","ps1.3:73.3","ps1.3:73.4","ps1.3:73.5"],"kind":"text","text":{"pi":"Kathaṁ vitakkānaṁ upaṭṭhānaṁ viditaṁ hoti?\nAniccato manasikaroto khayatupaṭṭhānaṁ viditaṁ hoti.\nDukkhato manasikaroto bhayatupaṭṭhānaṁ viditaṁ hoti.\nAnattato manasikaroto suññatupaṭṭhānaṁ viditaṁ hoti.\nEvaṁ vitakkānaṁ upaṭṭhānaṁ viditaṁ hoti."}},{"id":"ps1.3:74","sourceIds":["ps1.3:74.1","ps1.3:74.2","ps1.3:74.3","ps1.3:74.4","ps1.3:74.5","ps1.3:74.6","ps1.3:74.7","ps1.3:74.8","ps1.3:74.9","ps1.3:74.10"],"kind":"text","text":{"pi":"Kathaṁ vitakkānaṁ atthaṅgamo vidito hoti?\nAvijjānirodhā vitakkanirodhoti—\npaccayanirodhaṭṭhena vitakkānaṁ atthaṅgamo vidito hoti.\nTaṇhānirodhā vitakkanirodhoti …pe…\nkammanirodhā vitakkanirodhoti …pe…\nsaññānirodhā vitakkanirodhoti—\npaccayanirodhaṭṭhena vitakkānaṁ atthaṅgamo vidito hoti.\nVipariṇāmalakkhaṇaṁ passatopi vitakkānaṁ atthaṅgamo vidito hoti.\nEvaṁ vitakkānaṁ atthaṅgamo vidito hoti.\nEvaṁ viditā vitakkā uppajjanti, viditā upaṭṭhahanti, viditā abbhatthaṁ gacchanti."}},{"id":"ps1.3:75","sourceIds":["ps1.3:75.1","ps1.3:75.2"],"kind":"text","text":{"pi":"Dīghaṁ assāsapassāsavasena cittassa ekaggataṁ avikkhepaṁ pajānanto indriyāni samodhāneti, gocarañca pajānāti, samatthañca paṭivijjhati …pe…\nmaggaṁ samodhāneti, dhamme samodhāneti, gocarañca pajānāti, samatthañca paṭivijjhati."}},{"id":"ps1.3:76","sourceIds":["ps1.3:76.1","ps1.3:76.2","ps1.3:76.3","ps1.3:76.4","ps1.3:76.5"],"kind":"text","text":{"pi":"Indriyāni samodhānetīti kathaṁ indriyāni samodhāneti?\nAdhimokkhaṭṭhena saddhindriyaṁ samodhāneti, paggahaṭṭhena vīriyindriyaṁ samodhāneti, upaṭṭhānaṭṭhena satindriyaṁ samodhāneti, avikkhepaṭṭhena samādhindriyaṁ samodhāneti, dassanaṭṭhena paññindriyaṁ samodhāneti.\nAyaṁ puggalo imāni indriyāni imasmiṁ ārammaṇe samodhāneti.\nTena vuccati—\n“indriyāni samodhānetī”ti."}},{"id":"ps1.3:77","sourceIds":["ps1.3:77.1","ps1.3:77.2","ps1.3:77.3","ps1.3:77.4"],"kind":"text","text":{"pi":"Gocarañca pajānātīti yaṁ tassa ārammaṇaṁ, taṁ tassa gocaraṁ.\nYaṁ tassa gocaraṁ, taṁ tassa ārammaṇaṁ.\nPajānātīti puggalo.\nPajānanā paññā."}},{"id":"ps1.3:78","sourceIds":["ps1.3:78.1","ps1.3:78.2","ps1.3:78.3","ps1.3:78.4","ps1.3:78.5"],"kind":"text","text":{"pi":"Samanti ārammaṇassa upaṭṭhānaṁ samaṁ, cittassa avikkhepo samaṁ, cittassa adhiṭṭhānaṁ samaṁ, cittassa vodānaṁ samaṁ.\nAtthoti anavajjaṭṭho niklesaṭṭho vodānaṭṭho paramaṭṭho.\nPaṭivijjhatīti ārammaṇassa upaṭṭhānaṭṭhaṁ paṭivijjhati, cittassa avikkhepaṭṭhaṁ paṭivijjhati, cittassa adhiṭṭhānaṭṭhaṁ paṭivijjhati, cittassa vodānaṭṭhaṁ paṭivijjhati.\nTena vuccati—\n“samatthañca paṭivijjhatī”ti."}},{"id":"ps1.3:79","sourceIds":["ps1.3:79.1","ps1.3:79.2","ps1.3:79.3","ps1.3:79.4","ps1.3:79.5","ps1.3:79.6","ps1.3:79.7","ps1.3:79.8"],"kind":"text","text":{"pi":"Balāni samodhānetīti kathaṁ balāni samodhāneti?\nAssaddhiye akampiyaṭṭhena saddhābalaṁ samodhāneti, kosajje akampiyaṭṭhena vīriyabalaṁ samodhāneti, pamāde akampiyaṭṭhena satibalaṁ samodhāneti, uddhacce akampiyaṭṭhena samādhibalaṁ samodhāneti, avijjāya akampiyaṭṭhena paññābalaṁ samodhāneti.\nAyaṁ puggalo imāni balāni imasmiṁ ārammaṇe samodhāneti.\nTena vuccati—\nbalāni samodhānetīti.\nGocarañca pajānātīti …pe…\ntena vuccati—\n“samatthañca paṭivijjhatī”ti."}},{"id":"ps1.3:80","sourceIds":["ps1.3:80.1","ps1.3:80.2","ps1.3:80.3","ps1.3:80.4","ps1.3:80.5","ps1.3:80.6","ps1.3:80.7","ps1.3:80.8"],"kind":"text","text":{"pi":"Bojjhaṅge samodhānetīti kathaṁ bojjhaṅge samodhāneti?\nUpaṭṭhānaṭṭhena satisambojjhaṅgaṁ samodhāneti, pavicayaṭṭhena dhammavicayasambojjhaṅgaṁ samodhāneti, paggahaṭṭhena vīriyasambojjhaṅgaṁ samodhāneti, pharaṇaṭṭhena pītisambojjhaṅgaṁ samodhāneti, upasamaṭṭhena passaddhisambojjhaṅgaṁ samodhāneti, avikkhepaṭṭhena samādhisambojjhaṅgaṁ samodhāneti, paṭisaṅkhānaṭṭhena upekkhāsambojjhaṅgaṁ samodhāneti.\nAyaṁ puggalo ime bojjhaṅge imasmiṁ ārammaṇe samodhāneti.\nTena vuccati—\n“bojjhaṅge samodhānetī”ti.\nGocarañca pajānātīti …pe…\ntena vuccati—\n“samatthañca paṭivijjhatī”ti."}},{"id":"ps1.3:81","sourceIds":["ps1.3:81.1","ps1.3:81.2","ps1.3:81.3","ps1.3:81.4","ps1.3:81.5","ps1.3:81.6","ps1.3:81.7","ps1.3:81.8"],"kind":"text","text":{"pi":"Maggaṁ samodhānetīti kathaṁ maggaṁ samodhāneti?\nDassanaṭṭhena sammādiṭṭhiṁ samodhāneti, abhiniropanaṭṭhena sammāsaṅkappaṁ samodhāneti, pariggahaṭṭhena sammāvācaṁ samodhāneti, samuṭṭhānaṭṭhena sammākammantaṁ samodhāneti, vodānaṭṭhena sammāājīvaṁ samodhāneti, paggahaṭṭhena sammāvāyāmaṁ samodhāneti, upaṭṭhānaṭṭhena sammāsatiṁ samodhāneti, avikkhepaṭṭhena sammāsamādhiṁ samodhāneti.\nAyaṁ puggalo imaṁ maggaṁ imasmiṁ ārammaṇe samodhāneti.\nTena vuccati—\n“maggaṁ samodhānetī”ti.\nGocarañca pajānātīti …pe…\ntena vuccati—\n“samatthañca paṭivijjhatī”ti."}},{"id":"ps1.3:82","sourceIds":["ps1.3:82.1","ps1.3:82.2","ps1.3:82.3","ps1.3:82.4","ps1.3:82.5"],"kind":"text","text":{"pi":"Dhamme samodhānetīti kathaṁ dhamme samodhāneti?\nĀdhipateyyaṭṭhena indriyāni samodhāneti, akampiyaṭṭhena balāni samodhāneti, niyyānaṭṭhena bojjhaṅge samodhāneti, hetuṭṭhena maggaṁ samodhāneti, upaṭṭhānaṭṭhena satipaṭṭhānaṁ samodhāneti, padahanaṭṭhena sammappadhānaṁ samodhāneti, ijjhanaṭṭhena iddhipādaṁ samodhāneti tathaṭṭhena saccaṁ samodhāneti, avikkhepaṭṭhena samathaṁ samodhāneti, anupassanaṭṭhena vipassanaṁ samodhāneti, ekarasaṭṭhena samathavipassanaṁ samodhāneti, anativattanaṭṭhena yuganaddhaṁ samodhāneti, saṁvaraṭṭhena sīlavisuddhiṁ samodhāneti, avikkhepaṭṭhena cittavisuddhiṁ samodhāneti, dassanaṭṭhena diṭṭhivisuddhiṁ samodhāneti, vimuttaṭṭhena vimokkhaṁ samodhāneti, paṭivedhaṭṭhena vijjaṁ samodhāneti, pariccāgaṭṭhena vimuttiṁ samodhāneti, samucchedaṭṭhena khaye ñāṇaṁ samodhāneti, paṭippassaddhaṭṭhena anuppāde ñāṇaṁ samodhāneti, chandaṁ mūlaṭṭhena samodhāneti, manasikāraṁ samuṭṭhānaṭṭhena samodhāneti, phassaṁ samodhānaṭṭhena samodhāneti, vedanaṁ samosaraṇaṭṭhena samodhāneti, samādhiṁ pamukhaṭṭhena samodhāneti, satiṁ ādhipateyyaṭṭhena samodhāneti, paññaṁ taduttaraṭṭhena samodhāneti, vimuttiṁ sāraṭṭhena samodhāneti, amatogadhaṁ nibbānaṁ pariyosānaṭṭhena samodhāneti.\nAyaṁ puggalo ime dhamme imasmiṁ ārammaṇe samodhāneti.\nTena vuccati—\n“dhamme samodhānetī”ti."}},{"id":"ps1.3:83","sourceIds":["ps1.3:83.1","ps1.3:83.2","ps1.3:83.3","ps1.3:83.4","ps1.3:83.5","ps1.3:83.6","ps1.3:83.7","ps1.3:83.8"],"kind":"text","text":{"pi":"Gocarañca pajānātīti yaṁ tassa ārammaṇaṁ, taṁ tassa gocaraṁ.\nYaṁ tassa gocaraṁ, taṁ tassa ārammaṇaṁ pajānātīti puggalo.\nPajānanā paññā.\nSamanti ārammaṇassa upaṭṭhānaṁ samaṁ, cittassa avikkhepo samaṁ, cittassa adhiṭṭhānaṁ samaṁ, cittassa vodānaṁ samaṁ.\nAtthoti anavajjaṭṭho niklesaṭṭho vodānaṭṭho paramaṭṭho.\nPaṭivijjhatīti ārammaṇassa upaṭṭhānaṭṭhaṁ paṭivijjhati, cittassa avikkhepaṭṭhaṁ paṭivijjhati, cittassa adhiṭṭhānaṭṭhaṁ paṭivijjhati, cittassa vodānaṭṭhaṁ paṭivijjhati.\nTena vuccati—\n“samatthañca paṭivijjhatī”ti."}},{"id":"ps1.3:84","sourceIds":["ps1.3:84.1","ps1.3:84.2","ps1.3:84.3","ps1.3:84.4","ps1.3:84.5","ps1.3:84.6","ps1.3:84.7","ps1.3:84.8","ps1.3:84.9","ps1.3:84.10","ps1.3:84.11","ps1.3:84.12","ps1.3:84.13","ps1.3:84.14","ps1.3:84.15"],"kind":"text","text":{"pi":"Kathaṁ rassaṁ assasanto “rassaṁ assasāmī”ti pajānāti, rassaṁ passasanto “rassaṁ passasāmī”ti pajānāti?\nRassaṁ assāsaṁ ittarasaṅkhāte assasati, rassaṁ passāsaṁ ittarasaṅkhāte passasati, rassaṁ assāsapassāsaṁ ittarasaṅkhāte assasatipi passasatipi.\nRassaṁ assāsapassāsaṁ ittarasaṅkhāte assasatopi passasatopi chando uppajjati.\nChandavasena tato sukhumataraṁ rassaṁ assāsaṁ ittarasaṅkhāte assasati.\nChandavasena tato sukhumataraṁ rassaṁ passāsaṁ ittarasaṅkhāte passasati.\nChandavasena tato sukhumataraṁ rassaṁ assāsapassāsaṁ ittarasaṅkhāte assasatipi passasatipi.\nChandavasena tato sukhumataraṁ rassaṁ assāsapassāsaṁ ittarasaṅkhāte assasatopi passasatopi pāmojjaṁ uppajjati.\nPāmojjavasena tato sukhumataraṁ rassaṁ assāsaṁ ittarasaṅkhāte assasati, pāmojjavasena tato sukhumataraṁ rassaṁ passāsaṁ ittarasaṅkhāte passasati, pāmojjavasena tato sukhumataraṁ rassaṁ assāsapassāsaṁ ittarasaṅkhāte assasatipi passasatipi.\nPāmojjavasena tato sukhumataraṁ rassaṁ assāsapassāsaṁ ittarasaṅkhāte assasatopi passasatopi rassā assāsapassāsā cittaṁ vivattati, upekkhā saṇṭhāti.\nImehi navahākārehi rassā assāsapassāsā kāyo upaṭṭhānaṁ sati anupassanā ñāṇaṁ.\nKāyo upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ kāyaṁ anupassati.\nTena vuccati—\n“kāye kāyānupassanāsatipaṭṭhānabhāvanā”ti."}},{"id":"ps1.3:85","sourceIds":["ps1.3:85.1","ps1.3:85.2","ps1.3:85.3","ps1.3:85.4","ps1.3:85.5","ps1.3:85.6","ps1.3:85.7","ps1.3:85.8"],"kind":"text","text":{"pi":"Anupassatīti kathaṁ taṁ kāyaṁ anupassati …pe…\nevaṁ taṁ kāyaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nRassaṁ assāsapassāsavasena cittassa ekaggataṁ avikkhepaṁ pajānato viditā vedanā uppajjanti …pe…\nrassaṁ assāsapassāsavasena cittassa ekaggataṁ avikkhepaṁ pajānanto indriyāni samodhāneti …pe…\ntena vuccati—\n“samatthañca paṭivijjhatī”ti."}},{"id":"ps1.3:86","sourceIds":["ps1.3:86.1","ps1.3:86.2","ps1.3:86.3","ps1.3:86.4","ps1.3:86.5","ps1.3:86.6","ps1.3:86.7","ps1.3:86.8","ps1.3:86.9"],"kind":"text","text":{"pi":"Kathaṁ “sabbakāyapaṭisaṁvedī assasissāmī”ti sikkhati, “sabbakāyapaṭisaṁvedī passasissāmī”ti sikkhati?\nKāyoti dve kāyā—\nnāmakāyo ca rūpakāyo ca.\nKatamo nāmakāyo?\nVedanā, saññā, cetanā, phasso, manasikāro, nāmañca nāmakāyo ca, ye ca vuccanti cittasaṅkhārā—\nayaṁ nāmakāyo.\nKatamo rūpakāyo?\nCattāro ca mahābhūtā, catunnañca mahābhūtānaṁ upādāyarūpaṁ, assāso ca passāso ca, nimittañca upanibandhanā, ye ca vuccanti kāyasaṅkhārā—\nayaṁ rūpakāyo."}},{"id":"ps1.3:87","sourceIds":["ps1.3:87.1","ps1.3:87.2","ps1.3:87.3","ps1.3:87.4","ps1.3:87.5","ps1.3:87.6","ps1.3:87.7","ps1.3:87.8","ps1.3:87.9"],"kind":"text","text":{"pi":"Kathaṁ te kāyā paṭividitā honti?\nDīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te kāyā paṭividitā honti.\nDīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te kāyā paṭividitā honti.\nRassaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te kāyā paṭividitā honti.\nRassaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te kāyā paṭividitā honti."}},{"id":"ps1.3:88","sourceIds":["ps1.3:88.1","ps1.3:88.2","ps1.3:88.3","ps1.3:88.4","ps1.3:88.5","ps1.3:88.6","ps1.3:88.7","ps1.3:88.8"],"kind":"text","text":{"pi":"Āvajjato te kāyā paṭividitā honti, pajānato te kāyā paṭividitā honti, passato te kāyā paṭividitā honti, paccavekkhato te kāyā paṭividitā honti, cittaṁ adhiṭṭhahato te kāyā paṭividitā honti, saddhāya adhimuccato te kāyā paṭividitā honti, vīriyaṁ paggaṇhato te kāyā paṭividitā honti, satiṁ upaṭṭhāpayato te kāyā paṭividitā honti, cittaṁ samādahato te kāyā paṭividitā honti, paññāya pajānato te kāyā paṭividitā honti, abhiññeyyaṁ abhijānato te kāyā paṭividitā honti, pariññeyyaṁ parijānato te kāyā paṭividitā honti, pahātabbaṁ pajahato te kāyā paṭividitā honti, bhāvetabbaṁ bhāvayato te kāyā paṭividitā honti, sacchikātabbaṁ sacchikaroto te kāyā paṭividitā honti.\nEvaṁ te kāyā paṭividitā honti.\nSabbakāyapaṭisaṁvedī assāsapassāsā kāyo upaṭṭhānaṁ sati anupassanā ñāṇaṁ.\nKāyo upaṭṭhānaṁ, no sati.\nSati upaṭṭhānañceva sati ca.\nTāya satiyā tena ñāṇena taṁ kāyaṁ anupassati.\nTena vuccati—\n“kāye kāyānupassanāsatipaṭṭhānabhāvanā”ti."}},{"id":"ps1.3:89","sourceIds":["ps1.3:89.1","ps1.3:89.2","ps1.3:89.3","ps1.3:89.4"],"kind":"text","text":{"pi":"Anupassatīti kathaṁ taṁ kāyaṁ anupassati …pe…\nevaṁ taṁ kāyaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā."}},{"id":"ps1.3:90","sourceIds":["ps1.3:90.1","ps1.3:90.2","ps1.3:90.3","ps1.3:90.4","ps1.3:90.5"],"kind":"text","text":{"pi":"Sabbakāyapaṭisaṁvedī assāsapassāsānaṁ saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.\nYo tattha saṁvaraṭṭho, ayaṁ adhisīlasikkhā.\nYo tattha avikkhepaṭṭho, ayaṁ adhicittasikkhā.\nYo tattha dassanaṭṭho, ayaṁ adhipaññāsikkhā.\nImā tisso sikkhāyo āvajjanto sikkhati, jānanto sikkhati, passanto sikkhati, paccavekkhanto sikkhati, cittaṁ adhiṭṭhahanto sikkhati, saddhāya adhimuccanto sikkhati, vīriyaṁ paggaṇhanto sikkhati, satiṁ upaṭṭhapento sikkhati, cittaṁ samādahanto sikkhati, paññāya pajānanto sikkhati, abhiññeyyaṁ abhijānanto sikkhati, pariññeyyaṁ parijānanto sikkhati, pahātabbaṁ pajahanto sikkhati, bhāvetabbaṁ bhāvento sikkhati, sacchikātabbaṁ sacchikaronto sikkhati."}},{"id":"ps1.3:91","sourceIds":["ps1.3:91.1","ps1.3:91.2","ps1.3:91.3","ps1.3:91.4"],"kind":"text","text":{"pi":"Sabbakāyapaṭisaṁvedī assāsapassāsavasena cittassa ekaggataṁ avikkhepaṁ pajānato viditā vedanā uppajjanti …pe…\nsabbakāyapaṭisaṁvedī assāsapassāsavasena cittassa ekaggataṁ avikkhepaṁ pajānanto indriyāni samodhāneti …pe…\ntena vuccati—\n“samatthañca paṭivijjhatī”ti."}},{"id":"ps1.3:92","sourceIds":["ps1.3:92.1","ps1.3:92.2","ps1.3:92.3","ps1.3:92.4","ps1.3:92.5","ps1.3:92.6","ps1.3:92.7","ps1.3:92.8","ps1.3:92.9","ps1.3:92.10","ps1.3:92.11","ps1.3:92.12"],"kind":"text","text":{"pi":"Kathaṁ “passambhayaṁ kāyasaṅkhāraṁ assasissāmī”ti sikkhati, “passambhayaṁ kāyasaṅkhāraṁ passasissāmī”ti sikkhati?\nKatamo kāyasaṅkhāro?\nDīghaṁ assāsā kāyikā.\nEte dhammā kāyapaṭibaddhā kāyasaṅkhārā.\nTe kāyasaṅkhāre passambhento nirodhento vūpasamento sikkhati.\nDīghaṁ passāsā kāyikā.\nEte dhammā kāyapaṭibaddhā kāyasaṅkhārā.\nTe kāyasaṅkhāre passambhento nirodhento vūpasamento sikkhati.\nRassaṁ assāsā rassaṁ passāsā.\nSabbakāyapaṭisaṁvedī assāsā sabbakāyapaṭisaṁvedī passāsā kāyikā.\nEte dhammā kāyapaṭibaddhā kāyasaṅkhārā.\nTe kāyasaṅkhāre passambhento nirodhento vūpasamento sikkhati."}},{"id":"ps1.3:93","sourceIds":["ps1.3:93.1","ps1.3:93.2","ps1.3:93.3"],"kind":"text","text":{"pi":"Yathārūpehi kāyasaṅkhārehi yā kāyassa ānamanā vinamanā sannamanā paṇamanā iñjanā phandanā calanā pakampanā—\npassambhayaṁ kāyasaṅkhāraṁ assasissāmīti sikkhati, passambhayaṁ kāyasaṅkhāraṁ passasissāmīti sikkhati.\nYathārūpehi kāyasaṅkhārehi yā kāyassa na ānamanā na vinamanā na sannamanā na paṇamanā aniñjanā aphandanā acalanā akampanā santaṁ sukhumaṁ passambhayaṁ kāyasaṅkhāraṁ assasissāmīti sikkhati, passambhayaṁ kāyasaṅkhāraṁ passasissāmīti sikkhati."}},{"id":"ps1.3:94","sourceIds":["ps1.3:94.1","ps1.3:94.2","ps1.3:94.3"],"kind":"text","text":{"pi":"Iti kira “passambhayaṁ kāyasaṅkhāraṁ assasissāmī”ti sikkhati, “passambhayaṁ kāyasaṅkhāraṁ passasissāmī”ti sikkhati.\nEvaṁ sante vātūpaladdhiyā ca pabhāvanā na hoti, assāsapassāsānañca pabhāvanā na hoti, ānāpānassatiyā ca pabhāvanā na hoti, ānāpānassatisamādhissa ca pabhāvanā na hoti;\nna ca naṁ taṁ samāpattiṁ paṇḍitā samāpajjantipi vuṭṭhahantipi."}},{"id":"ps1.3:95","sourceIds":["ps1.3:95.1","ps1.3:95.2","ps1.3:95.3","ps1.3:95.4","ps1.3:95.5","ps1.3:95.6","ps1.3:95.7","ps1.3:95.8","ps1.3:95.9","ps1.3:95.10","ps1.3:95.11"],"kind":"text","text":{"pi":"Iti kira “passambhayaṁ kāyasaṅkhāraṁ assasissāmī”ti sikkhati, “passambhayaṁ kāyasaṅkhāraṁ passasissāmī”ti sikkhati.\nEvaṁ sante vātūpaladdhiyā ca pabhāvanā hoti, assāsapassāsānañca pabhāvanā hoti, ānāpānassatiyā ca pabhāvanā hoti.\nĀnāpānassatisamādhissa ca pabhāvanā hoti;\ntañca naṁ samāpattiṁ paṇḍitā samāpajjantipi vuṭṭhahantipi.\nYathā kathaṁ viya?\nSeyyathāpi kaṁse ākoṭite paṭhamaṁ oḷārikā saddā pavattanti.\nOḷārikānaṁ saddānaṁ nimittaṁ suggahitattā sumanasikatattā sūpadhāritattā niruddhepi oḷārike sadde, atha pacchā sukhumakā saddā pavattanti.\nSukhumakānaṁ saddānaṁ nimittaṁ suggahitattā sumanasikatattā sūpadhāritattā niruddhepi sukhumake sadde, atha pacchā sukhumasaddanimittārammaṇatāpi cittaṁ pavattati.\nEvamevaṁ paṭhamaṁ oḷārikā assāsapassāsā pavattanti;\noḷārikānaṁ assāsapassāsānaṁ nimittaṁ suggahitattā sumanasikatattā sūpadhāritattā niruddhepi oḷārike assāsapassāse, atha pacchā sukhumakā assāsapassāsā pavattanti.\nSukhumakānaṁ assāsapassāsānaṁ nimittaṁ suggahitattā sumanasikatattā sūpadhāritattā niruddhepi sukhumake assāsapassāse, atha pacchā sukhumakaassāsapassāsānaṁ nimittārammaṇatāpi cittaṁ na vikkhepaṁ gacchati."}},{"id":"ps1.3:96","sourceIds":["ps1.3:96.1","ps1.3:96.2","ps1.3:96.3","ps1.3:96.4","ps1.3:96.5","ps1.3:96.6","ps1.3:96.7","ps1.3:96.8"],"kind":"text","text":{"pi":"Evaṁ sante vātūpaladdhiyā ca pabhāvanā hoti, assāsapassāsānañca pabhāvanā hoti, ānāpānassatiyā ca pabhāvanā hoti, ānāpānassatisamādhissa ca pabhāvanā hoti;\ntañca naṁ samāpattiṁ paṇḍitā samāpajjantipi vuṭṭhahantipi.\nPassambhayaṁ kāyasaṅkhāraṁ assāsapassāsā kāyo upaṭṭhānaṁ sati anupassanā ñāṇaṁ.\nKāyo upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ kāyaṁ anupassati.\nTena vuccati—\n“kāye kāyānupassanāsatipaṭṭhānabhāvanā”ti."}},{"id":"ps1.3:97","sourceIds":["ps1.3:97.1","ps1.3:97.2","ps1.3:97.3","ps1.3:97.4","ps1.3:97.5","ps1.3:97.6","ps1.3:97.7","ps1.3:97.8","ps1.3:97.9","ps1.3:97.10","ps1.3:97.11","ps1.3:97.12","ps1.3:97.13"],"kind":"text","text":{"pi":"Anupassatīti kathaṁ taṁ kāyaṁ anupassati …pe…\nevaṁ taṁ kāyaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nPassambhayaṁ kāyasaṅkhāraṁ, assāsapassāsānaṁ saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.\nYo tattha saṁvaraṭṭho, ayaṁ adhisīlasikkhā;\nyo tattha avikkhepaṭṭho, ayaṁ adhicittasikkhā;\nyo tattha dassanaṭṭho ayaṁ adhipaññāsikkhā.\nImā tisso sikkhāyo āvajjanto sikkhati …pe…\nsacchikātabbaṁ sacchikaronto sikkhati, passambhayaṁ kāyasaṅkhāraṁ assāsapassāsavasena cittassa ekaggataṁ avikkhepaṁ pajānato viditā vedanā uppajjanti …pe…\npassambhayaṁ kāyasaṅkhāraṁ assāsapassāsavasena cittassa ekaggataṁ avikkhepaṁ pajānanto indriyāni samodhāneti …pe…\ntena vuccati—\n“samatthañca paṭivijjhatī”ti."}},{"id":"ps1.3:98","sourceIds":["ps1.3:98.1","ps1.3:98.2"],"kind":"text","text":{"pi":"Aṭṭha anupassanāñāṇāni, aṭṭha ca upaṭṭhānānussatiyo, cattāri suttantikavatthūni kāye kāyānupassanāya.\nBhāṇavāro."}},{"id":"ps1.3:99","sourceIds":["ps1.3:99.0","ps1.3:99.1","ps1.3:99.2","ps1.3:99.3","ps1.3:99.4","ps1.3:99.5","ps1.3:99.6","ps1.3:99.7","ps1.3:99.8"],"kind":"text","text":{"pi":"1.3.5.2. Dutiyacatukkaniddesa\nKathaṁ “pītipaṭisaṁvedī assasissāmī”ti sikkhati “pītipaṭisaṁvedī passasissāmī”ti sikkhati?\nKatamā pīti?\nDīghaṁ assāsavasena cittassa ekaggataṁ avikkhepaṁ pajānato uppajjati pīti pāmojjaṁ.\nYā pīti pāmojjaṁ āmodanā pamodanā hāso pahāso vitti odagyaṁ attamanatā cittassa.\nDīghaṁ passāsavasena cittassa ekaggataṁ avikkhepaṁ pajānato uppajjati pīti pāmojjaṁ …pe…\nrassaṁ assāsavasena, rassaṁ passāsavasena, sabbakāyapaṭisaṁvedī assāsavasena, sabbakāyapaṭisaṁvedī passāsavasena, passambhayaṁ kāyasaṅkhāraṁ assāsavasena, passambhayaṁ kāyasaṅkhāraṁ passāsavasena cittassa ekaggataṁ avikkhepaṁ pajānato uppajjati pīti pāmojjaṁ.\nYā pīti pāmojjaṁ āmodanā pamodanā hāso pahāso vitti odagyaṁ attamanatā cittassa—\nayaṁ pīti."}},{"id":"ps1.3:100","sourceIds":["ps1.3:100.1","ps1.3:100.2","ps1.3:100.3","ps1.3:100.4","ps1.3:100.5","ps1.3:100.6","ps1.3:100.7","ps1.3:100.8","ps1.3:100.9","ps1.3:100.10","ps1.3:100.11","ps1.3:100.12","ps1.3:100.13","ps1.3:100.14","ps1.3:100.15","ps1.3:100.16","ps1.3:100.17","ps1.3:100.18","ps1.3:100.19","ps1.3:100.20","ps1.3:100.21","ps1.3:100.22","ps1.3:100.23","ps1.3:100.24","ps1.3:100.25","ps1.3:100.26","ps1.3:100.27"],"kind":"text","text":{"pi":"Kathaṁ sā pīti paṭividitā hoti?\nDīghaṁ assāsapassāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sā pīti paṭividitā hoti.\nDīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sā pīti paṭividitā hoti.\nRassaṁ assāsavasena …pe…\nrassaṁ passāsavasena …\nsabbakāyapaṭisaṁvedī assāsavasena …\nsabbakāyapaṭisaṁvedī passāsavasena …\npassambhayaṁ kāyasaṅkhāraṁ assāsavasena …\npassambhayaṁ kāyasaṅkhāraṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena sā pīti paṭividitā hoti.\nĀvajjato sā pīti paṭividitā hoti, jānato …\npassato …\npaccavekkhato …\ncittaṁ adhiṭṭhahato …\nsaddhāya adhimuccato …\nvīriyaṁ paggaṇhato …\nsatiṁ upaṭṭhāpayato …\ncittaṁ samādahato …\npaññāya pajānato …\nabhiññeyyaṁ abhijānato …\npariññeyyaṁ parijānato …\npahātabbaṁ pajahato …\nbhāvetabbaṁ bhāvayato …\nsacchikātabbaṁ sacchikaroto sā pīti paṭividitā hoti.\nEvaṁ sā pīti paṭividitā hoti."}},{"id":"ps1.3:101","sourceIds":["ps1.3:101.1","ps1.3:101.2","ps1.3:101.3","ps1.3:101.4","ps1.3:101.5","ps1.3:101.6"],"kind":"text","text":{"pi":"Pītipaṭisaṁvedī assāsapassāsavasena vedanā upaṭṭhānaṁ sati anupassanā ñāṇaṁ.\nVedanā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ vedanaṁ anupassati.\nTena vuccati—\n“vedanāsu vedanānupassanāsatipaṭṭhānabhāvanā”ti."}},{"id":"ps1.3:102","sourceIds":["ps1.3:102.1","ps1.3:102.2","ps1.3:102.3","ps1.3:102.4","ps1.3:102.5","ps1.3:102.6","ps1.3:102.7","ps1.3:102.8","ps1.3:102.9","ps1.3:102.10"],"kind":"text","text":{"pi":"Anupassatīti kathaṁ taṁ vedanaṁ anupassati?\nAniccato anupassati …pe…\nevaṁ taṁ vedanaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nPītipaṭisaṁvedī assāsapassāsānaṁ saṁvaraṭṭhena sīlavisuddhi …pe…\npītipaṭisaṁvedī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:103","sourceIds":["ps1.3:103.1","ps1.3:103.2","ps1.3:103.3","ps1.3:103.4","ps1.3:103.5","ps1.3:103.6","ps1.3:103.7","ps1.3:103.8","ps1.3:103.9"],"kind":"text","text":{"pi":"Kathaṁ “sukhapaṭisaṁvedī assasissāmī”ti sikkhati, “sukhapaṭisaṁvedī passasissāmī”ti sikkhati?\nSukhanti dve sukhāni—\nkāyikañca sukhaṁ, cetasikañca sukhaṁ.\nKatamaṁ kāyikaṁ sukhaṁ?\nYaṁ kāyikaṁ sātaṁ kāyikaṁ sukhaṁ, kāyasamphassajaṁ sātaṁ sukhaṁ vedayitaṁ, kāyasamphassajā sātā sukhā vedanā—\nidaṁ kāyikaṁ sukhaṁ.\nKatamaṁ cetasikaṁ sukhaṁ?\nYaṁ cetasikaṁ sātaṁ cetasikaṁ sukhaṁ, cetosamphassajaṁ sātaṁ sukhaṁ vedayitaṁ, cetosamphassajā sātā sukhā vedanā—\nidaṁ cetasikaṁ sukhaṁ."}},{"id":"ps1.3:104","sourceIds":["ps1.3:104.1","ps1.3:104.2","ps1.3:104.3","ps1.3:104.4","ps1.3:104.5","ps1.3:104.6","ps1.3:104.7","ps1.3:104.8","ps1.3:104.9","ps1.3:104.10","ps1.3:104.11","ps1.3:104.12","ps1.3:104.13"],"kind":"text","text":{"pi":"Kathaṁ te sukhā paṭividitā honti?\nDīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te sukhā paṭividitā honti.\nDīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te sukhā paṭividitā honti …pe…\nsacchikātabbaṁ sacchikaroto te sukhā paṭividitā honti.\nEvaṁ te sukhā paṭividitā honti.\nSukhapaṭisaṁvedī assāsapassāsavasena vedanā upaṭṭhānaṁ sati anupassanā ñāṇaṁ.\nVedanā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ vedanaṁ anupassati.\nTena vuccati—\n“vedanāsu vedanānupassanāsatipaṭṭhānabhāvanā”ti."}},{"id":"ps1.3:105","sourceIds":["ps1.3:105.1","ps1.3:105.2","ps1.3:105.3","ps1.3:105.4","ps1.3:105.5","ps1.3:105.6","ps1.3:105.7","ps1.3:105.8","ps1.3:105.9","ps1.3:105.10"],"kind":"text","text":{"pi":"Anupassatīti kathaṁ taṁ vedanaṁ anupassati.\nAniccato anupassati …pe…\nevaṁ taṁ vedanaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nSukhapaṭisaṁvedī assāsapassāsānaṁ saṁvaraṭṭhena sīlavisuddhi …pe…\nsukhapaṭisaṁvedī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:106","sourceIds":["ps1.3:106.1","ps1.3:106.2","ps1.3:106.3","ps1.3:106.4","ps1.3:106.5","ps1.3:106.6","ps1.3:106.7","ps1.3:106.8","ps1.3:106.9","ps1.3:106.10"],"kind":"text","text":{"pi":"Kathaṁ “cittasaṅkhārapaṭisaṁvedī assasissāmī”ti sikkhati, “cittasaṅkhārapaṭisaṁvedī passasissāmī”ti sikkhati?\nKatamo cittasaṅkhāro?\nDīghaṁ assāsavasena saññā ca vedanā ca cetasikā—\nete dhammā cittapaṭibaddhā cittasaṅkhārā.\nDīghaṁ passāsavasena saññā ca vedanā ca cetasikā—\nete dhammā cittapaṭibaddhā cittasaṅkhārā …pe…\nsukhapaṭisaṁvedī assāsavasena …\nsukhapaṭisaṁvedī passāsavasena saññā ca vedanā ca cetasikā—\nete dhammā cittapaṭibaddhā cittasaṅkhārā—\nayaṁ cittasaṅkhāro."}},{"id":"ps1.3:107","sourceIds":["ps1.3:107.1","ps1.3:107.2","ps1.3:107.3","ps1.3:107.4","ps1.3:107.5","ps1.3:107.6","ps1.3:107.7","ps1.3:107.8","ps1.3:107.9","ps1.3:107.10","ps1.3:107.11","ps1.3:107.12"],"kind":"text","text":{"pi":"Kathaṁ te cittasaṅkhārā paṭividitā honti?\nDīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te cittasaṅkhārā paṭividitā honti.\nDīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena te cittasaṅkhārā paṭividitā honti …pe…\nsacchikātabbaṁ sacchikaroto te cittasaṅkhārā paṭividitā honti.\nEvaṁ te cittasaṅkhārā paṭividitā honti.\nCittasaṅkhārapaṭisaṁvedī assāsapassāsavasena vedanā upaṭṭhānaṁ sati anupassanā ñāṇaṁ vedanā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ vedanaṁ anupassati.\nTena vuccati—\n“vedanāsu vedanānupassanāsatipaṭṭhānabhāvanā”ti."}},{"id":"ps1.3:108","sourceIds":["ps1.3:108.1","ps1.3:108.2","ps1.3:108.3","ps1.3:108.4","ps1.3:108.5","ps1.3:108.6","ps1.3:108.7","ps1.3:108.8","ps1.3:108.9","ps1.3:108.10"],"kind":"text","text":{"pi":"Anupassatīti kathaṁ taṁ vedanaṁ anupassati?\nAniccato anupassati …pe…\nevaṁ taṁ vedanaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nCittasaṅkhārapaṭisaṁvedī assāsapassāsānaṁ saṁvaraṭṭhena sīlavisuddhi …pe…\ncittasaṅkhārapaṭisaṁvedī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:109","sourceIds":["ps1.3:109.1","ps1.3:109.2","ps1.3:109.3","ps1.3:109.4","ps1.3:109.5","ps1.3:109.6","ps1.3:109.7","ps1.3:109.8","ps1.3:109.9","ps1.3:109.10","ps1.3:109.11","ps1.3:109.12","ps1.3:109.13","ps1.3:109.14","ps1.3:109.15","ps1.3:109.16","ps1.3:109.17","ps1.3:109.18"],"kind":"text","text":{"pi":"Kathaṁ “passambhayaṁ cittasaṅkhāraṁ assasissāmī”ti sikkhati, “passambhayaṁ cittasaṅkhāraṁ passasissāmī”ti sikkhati?\nKatamo cittasaṅkhāro?\nDīghaṁ assāsavasena saññā ca vedanā ca cetasikā—\nete dhammā cittapaṭibaddhā cittasaṅkhārā.\nTe cittasaṅkhāre passambhento nirodhento vūpasamento sikkhati.\nDīghaṁ passāsavasena saññā ca vedanā ca cetasikā—\nete dhammā cittapaṭibaddhā cittasaṅkhārā.\nTe cittasaṅkhāre passambhento nirodhento vūpasamento sikkhati.\nCittasaṅkhārapaṭisaṁvedī assāsavasena …\ncittasaṅkhārapaṭisaṁvedī passāsavasena saññā ca vedanā ca cetasikā—\nete dhammā cittapaṭibaddhā cittasaṅkhārā.\nTe cittasaṅkhāre passambhento nirodhento vūpasamento sikkhati.\nPassambhayaṁ cittasaṅkhāraṁ assāsapassāsavasena vedanā upaṭṭhānaṁ sati anupassanā ñāṇaṁ.\nVedanā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ vedanaṁ anupassati.\nTena vuccati—\n“vedanāsu vedanānupassanāsatipaṭṭhānabhāvanā”ti."}},{"id":"ps1.3:110","sourceIds":["ps1.3:110.1","ps1.3:110.2","ps1.3:110.3","ps1.3:110.4","ps1.3:110.5","ps1.3:110.6","ps1.3:110.7","ps1.3:110.8","ps1.3:110.9"],"kind":"text","text":{"pi":"Anupassatīti kathaṁ taṁ vedanaṁ anupassati …pe…\nevaṁ taṁ vedanaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nPassambhayaṁ cittasaṅkhāraṁ assāsapassāsānaṁ saṁvaraṭṭhena sīlavisuddhi …pe…\npassambhayaṁ cittasaṅkhāraṁ assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:111","sourceIds":["ps1.3:111.1"],"kind":"text","text":{"pi":"Aṭṭha anupassanāñāṇāni aṭṭha ca upaṭṭhānānussatiyo cattāri suttantikavatthūni vedanāsu vedanānupassanāya."}},{"id":"ps1.3:112","sourceIds":["ps1.3:112.0","ps1.3:112.1","ps1.3:112.2","ps1.3:112.3","ps1.3:112.4","ps1.3:112.5","ps1.3:112.6","ps1.3:112.7","ps1.3:112.8","ps1.3:112.9"],"kind":"text","text":{"pi":"1.3.5.3. Tatiyacatukkaniddesa\nKathaṁ “cittapaṭisaṁvedī assasissāmī”ti sikkhati, “cittapaṭisaṁvedī passasissāmī”ti sikkhati?\nKatamaṁ taṁ cittaṁ?\nDīghaṁ assāsavasena viññāṇaṁ cittaṁ.\nYaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjā manoviññāṇadhātu.\nDīghaṁ passāsavasena …pe…\npassambhayaṁ cittasaṅkhāraṁ assāsavasena …\npassambhayaṁ cittasaṅkhāraṁ passāsavasena viññāṇaṁ cittaṁ.\nYaṁ cittaṁ mano mānasaṁ hadayaṁ paṇḍaraṁ mano manāyatanaṁ manindriyaṁ viññāṇaṁ viññāṇakkhandho tajjā manoviññāṇadhātu—\nidaṁ cittaṁ."}},{"id":"ps1.3:113","sourceIds":["ps1.3:113.1","ps1.3:113.2","ps1.3:113.3","ps1.3:113.4","ps1.3:113.5","ps1.3:113.6","ps1.3:113.7","ps1.3:113.8","ps1.3:113.9","ps1.3:113.10","ps1.3:113.11","ps1.3:113.12","ps1.3:113.13"],"kind":"text","text":{"pi":"Kathaṁ taṁ cittaṁ paṭividitaṁ hoti?\nDīghaṁ assāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena taṁ cittaṁ paṭividitaṁ hoti.\nDīghaṁ passāsavasena cittassa ekaggataṁ avikkhepaṁ pajānato sati upaṭṭhitā hoti.\nTāya satiyā tena ñāṇena taṁ cittaṁ paṭividitaṁ hoti …pe…\nsacchikātabbaṁ sacchikaroto taṁ cittaṁ paṭividitaṁ hoti.\nEvaṁ taṁ cittaṁ paṭividitaṁ hoti.\nCittapaṭisaṁvedī assāsapassāsavasena viññāṇaṁ cittaṁ upaṭṭhānaṁ sati anupassanā ñāṇaṁ.\nCittaṁ upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ cittaṁ anupassati.\nTena vuccati—\n“citte cittānupassanāsatipaṭṭhānabhāvanā”ti."}},{"id":"ps1.3:114","sourceIds":["ps1.3:114.1","ps1.3:114.2","ps1.3:114.3","ps1.3:114.4","ps1.3:114.5","ps1.3:114.6","ps1.3:114.7","ps1.3:114.8","ps1.3:114.9"],"kind":"text","text":{"pi":"Anupassatīti kathaṁ taṁ cittaṁ anupassati …pe…\nevaṁ taṁ cittaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nCittapaṭisaṁvedī assāsapassāsānaṁ saṁvaraṭṭhena sīlavisuddhi …pe…\ncittapaṭisaṁvedī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:115","sourceIds":["ps1.3:115.1","ps1.3:115.2","ps1.3:115.3","ps1.3:115.4","ps1.3:115.5","ps1.3:115.6","ps1.3:115.7","ps1.3:115.8","ps1.3:115.9","ps1.3:115.10","ps1.3:115.11","ps1.3:115.12","ps1.3:115.13","ps1.3:115.14","ps1.3:115.15","ps1.3:115.16"],"kind":"text","text":{"pi":"Kathaṁ “abhippamodayaṁ cittaṁ assasissāmī”ti sikkhati, “abhippamodayaṁ cittaṁ passasissāmī”ti sikkhati?\nKatamo cittassa abhippamodo?\nDīghaṁ assāsavasena cittassa ekaggataṁ avikkhepaṁ pajānato uppajjati cittassa abhippamodo.\nYā cittassa āmodanā pamodanā hāso pahāso vitti odagyaṁ attamanatā cittassa.\nDīghaṁ assāsapassāsavasena cittassa ekaggataṁ avikkhepaṁ pajānato uppajjati cittassa abhippamodo.\nYā cittassa āmodanā pamodanā hāso pahāso vitti odagyaṁ attamanatā cittassa …pe…\ncittapaṭisaṁvedī assāsavasena …\ncittapaṭisaṁvedī passāsavasena cittassa ekaggataṁ avikkhepaṁ pajānato uppajjati cittassa abhippamodo.\nYā cittassa āmodanā pamodanā hāso pahāso vitti odagyaṁ attamanatā cittassa—\nayaṁ cittassa abhippamodo.\nAbhippamodayaṁ cittaṁ assāsapassāsavasena viññāṇaṁ cittaṁ upaṭṭhānaṁ sati anupassanā ñāṇaṁ.\nCittaṁ upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ cittaṁ anupassati.\nTena vuccati—\n“citte cittānupassanāsatipaṭṭhānabhāvanā”ti."}},{"id":"ps1.3:116","sourceIds":["ps1.3:116.1","ps1.3:116.2","ps1.3:116.3","ps1.3:116.4","ps1.3:116.5","ps1.3:116.6","ps1.3:116.7","ps1.3:116.8","ps1.3:116.9"],"kind":"text","text":{"pi":"Anupassatīti kathaṁ taṁ cittaṁ anupassati …pe…\nevaṁ taṁ cittaṁ anupassatīti.\nBhāvanāti catasso bhāvanā …pe…\nāsevanaṭṭhena bhāvanā.\nAbhippamodayaṁ cittaṁ assāsapassāsānaṁ saṁvaraṭṭhena sīlavisuddhi …pe…\nabhippamodayaṁ cittaṁ assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:117","sourceIds":["ps1.3:117.1","ps1.3:117.2","ps1.3:117.3","ps1.3:117.4","ps1.3:117.5","ps1.3:117.6","ps1.3:117.7","ps1.3:117.8","ps1.3:117.9","ps1.3:117.10","ps1.3:117.11","ps1.3:117.12","ps1.3:117.13","ps1.3:117.14"],"kind":"text","text":{"pi":"Kathaṁ “samādahaṁ cittaṁ assasissāmī”ti sikkhati, “samādahaṁ cittaṁ passasissāmī”ti sikkhati?\nKatamo samādhi?\nDīghaṁ assāsavasena cittassa ekaggatā avikkhepo samādhi, yā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi.\nDīghaṁ passāsavasena cittassa ekaggatā avikkhepo samādhi …pe…\nsamādahaṁ cittaṁ assāsavasena …pe…\nsamādahaṁ cittaṁ passāsavasena cittassa ekaggatā avikkhepo samādhi.\nYā cittassa ṭhiti saṇṭhiti avaṭṭhiti avisāhāro avikkhepo avisāhaṭamānasatā samatho samādhindriyaṁ samādhibalaṁ sammāsamādhi—\nayaṁ samādhi.\nSamādahaṁ cittaṁ assāsapassāsavasena viññāṇaṁ cittaṁ upaṭṭhānaṁ sati anupassanā ñāṇaṁ.\nCittaṁ upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena taṁ cittaṁ anupassati.\nTena vuccati—\n“citte cittānupassanāsatipaṭṭhānabhāvanā”ti."}},{"id":"ps1.3:118","sourceIds":["ps1.3:118.1","ps1.3:118.2","ps1.3:118.3","ps1.3:118.4","ps1.3:118.5","ps1.3:118.6","ps1.3:118.7","ps1.3:118.8","ps1.3:118.9"],"kind":"text","text":{"pi":"Anupassatīti kathaṁ taṁ cittaṁ anupassati …pe…\nevaṁ taṁ cittaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nSamādahaṁ cittaṁ assāsapassāsānaṁ saṁvaraṭṭhena sīlavisuddhi …pe…\nsamādahaṁ cittaṁ assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:119","sourceIds":["ps1.3:119.1","ps1.3:119.2","ps1.3:119.3","ps1.3:119.4","ps1.3:119.5","ps1.3:119.6","ps1.3:119.7","ps1.3:119.8","ps1.3:119.9","ps1.3:119.10","ps1.3:119.11","ps1.3:119.12"],"kind":"text","text":{"pi":"Kathaṁ “vimocayaṁ cittaṁ assasissāmī”ti sikkhati, “vimocayaṁ cittaṁ passasissāmī”ti sikkhati?\n“Rāgato vimocayaṁ cittaṁ assasissāmī”ti sikkhati, “rāgato vimocayaṁ cittaṁ passasissāmī”ti sikkhati.\n“Dosato vimocayaṁ cittaṁ assasissāmī”ti sikkhati, “dosato vimocayaṁ cittaṁ passasissāmī”ti sikkhati.\n“Mohato vimocayaṁ cittaṁ assasissāmī”ti sikkhati …pe…\nmānato vimocayaṁ cittaṁ …\ndiṭṭhiyā vimocayaṁ cittaṁ …\nvicikicchāya vimocayaṁ cittaṁ …\nthinato vimocayaṁ cittaṁ …\nuddhaccato vimocayaṁ cittaṁ …\nahirikato vimocayaṁ cittaṁ …\n“anottappato vimocayaṁ cittaṁ assasissāmī”ti sikkhati, “anottappato vimocayaṁ cittaṁ passasissāmī”ti sikkhati.\nVimocayaṁ cittaṁ assāsapassāsavasena viññāṇaṁ cittaṁ upaṭṭhānaṁ sati …pe…."}},{"id":"ps1.3:120","sourceIds":["ps1.3:120.1","ps1.3:120.2","ps1.3:120.3","ps1.3:120.4","ps1.3:120.5","ps1.3:120.6","ps1.3:120.7","ps1.3:120.8","ps1.3:120.9"],"kind":"text","text":{"pi":"Anupassatīti kathaṁ taṁ cittaṁ anupassati …pe…\nevaṁ taṁ cittaṁ anupassati.\nBhāvanāti catasso bhāvanā …pe…\nāsevanaṭṭhena bhāvanā.\nVimocayaṁ cittaṁ assāsapassāsānaṁ saṁvaraṭṭhena sīlavisuddhi …pe…\nvimocayaṁ cittaṁ assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:121","sourceIds":["ps1.3:121.1"],"kind":"text","text":{"pi":"Aṭṭha anupassanāñāṇāni aṭṭha ca upaṭṭhānānussatiyo cattāri suttantikavatthūni citte cittānupassanāya."}},{"id":"ps1.3:122","sourceIds":["ps1.3:122.0","ps1.3:122.1","ps1.3:122.2","ps1.3:122.3","ps1.3:122.4","ps1.3:122.5","ps1.3:122.6","ps1.3:122.7","ps1.3:122.8"],"kind":"text","text":{"pi":"1.3.5.4. Catutthacatukkaniddesa\nKathaṁ “aniccānupassī assasissāmī”ti sikkhati, “aniccānupassī passasissāmī”ti sikkhati?\nAniccanti kiṁ aniccaṁ?\nPañcakkhandhā aniccā.\nKenaṭṭhena aniccā?\nUppādavayaṭṭhena aniccā.\nPañcannaṁ khandhānaṁ udayaṁ passanto kati lakkhaṇāni passati, vayaṁ passanto kati lakkhaṇāni passati, udayabbayaṁ passanto kati lakkhaṇāni passati?\nPañcannaṁ khandhānaṁ udayaṁ passanto pañcavīsati lakkhaṇāni passati, vayaṁ passanto pañcavīsati lakkhaṇāni passati.\nPañcannaṁ khandhānaṁ udayabbayaṁ passanto imāni paññāsa lakkhaṇāni passati."}},{"id":"ps1.3:123","sourceIds":["ps1.3:123.1","ps1.3:123.2","ps1.3:123.3","ps1.3:123.4","ps1.3:123.5","ps1.3:123.6","ps1.3:123.7","ps1.3:123.8","ps1.3:123.9","ps1.3:123.10","ps1.3:123.11","ps1.3:123.12","ps1.3:123.13"],"kind":"text","text":{"pi":"“Rūpe aniccānupassī assasissāmī”ti sikkhati, “rūpe aniccānupassī passasissāmī”ti sikkhati.\n“Vedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassī assasissāmī”ti sikkhati, “jarāmaraṇe aniccānupassī passasissāmī”ti sikkhati.\nAniccānupassī assāsapassāsavasena dhammā upaṭṭhānaṁ sati anupassanā ñāṇaṁ.\nDhammā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena te dhamme anupassati.\nTena vuccati—\n“dhammesu dhammānupassanāsatipaṭṭhānabhāvanā”ti."}},{"id":"ps1.3:124","sourceIds":["ps1.3:124.1","ps1.3:124.2","ps1.3:124.3","ps1.3:124.4","ps1.3:124.5","ps1.3:124.6","ps1.3:124.7","ps1.3:124.8","ps1.3:124.9"],"kind":"text","text":{"pi":"Anupassatīti kathaṁ te dhamme anupassati …pe…\nevaṁ te dhamme anupassati.\nBhāvanāti catasso bhāvanā …pe…\nāsevanaṭṭhena bhāvanā.\nAniccānupassī assāsapassāsānaṁ saṁvaraṭṭhena sīlavisuddhi …pe…\naniccānupassī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:125","sourceIds":["ps1.3:125.1","ps1.3:125.2","ps1.3:125.3","ps1.3:125.4","ps1.3:125.5","ps1.3:125.6","ps1.3:125.7","ps1.3:125.8","ps1.3:125.9","ps1.3:125.10","ps1.3:125.11","ps1.3:125.12","ps1.3:125.13","ps1.3:125.14","ps1.3:125.15","ps1.3:125.16"],"kind":"text","text":{"pi":"Kathaṁ “virāgānupassī assasissāmī”ti sikkhati, “virāgānupassī passasissāmī”ti sikkhati?\nRūpe ādīnavaṁ disvā rūpavirāge chandajāto hoti saddhādhimutto, cittañcassa svādhiṭṭhitaṁ.\n“Rūpe virāgānupassī assasissāmī”ti sikkhati, “rūpe virāgānupassī passasissāmī”ti sikkhati.\nVedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe ādīnavaṁ disvā jarāmaraṇavirāge chandajāto hoti saddhādhimutto, cittañcassa svādhiṭṭhitaṁ.\n“Jarāmaraṇe virāgānupassī assasissāmī”ti sikkhati, “jarāmaraṇe virāgānupassī passasissāmī”ti sikkhati.\nVirāgānupassī assāsapassāsavasena dhammā upaṭṭhānaṁ sati anupassanā ñāṇaṁ.\nDhammā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena te dhamme anupassati.\nTena vuccati—\n“dhammesu dhammānupassanāsatipaṭṭhānabhāvanā”ti."}},{"id":"ps1.3:126","sourceIds":["ps1.3:126.1","ps1.3:126.2","ps1.3:126.3","ps1.3:126.4","ps1.3:126.5","ps1.3:126.6","ps1.3:126.7","ps1.3:126.8","ps1.3:126.9"],"kind":"text","text":{"pi":"Anupassatīti kathaṁ te dhamme anupassati …pe…\nevaṁ te dhamme anupassati.\nBhāvanāti catasso bhāvanā …pe…\nāsevanaṭṭhena bhāvanā.\nVirāgānupassī assāsapassāsānaṁ saṁvaraṭṭhena sīlavisuddhi …pe…\nvirāgānupassī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:127","sourceIds":["ps1.3:127.1","ps1.3:127.2","ps1.3:127.3","ps1.3:127.4","ps1.3:127.5","ps1.3:127.6","ps1.3:127.7","ps1.3:127.8","ps1.3:127.9","ps1.3:127.10"],"kind":"text","text":{"pi":"Kathaṁ “nirodhānupassī assasissāmī”ti sikkhati, “nirodhānupassī passasissāmī”ti sikkhati?\nRūpe ādīnavaṁ disvā rūpanirodhe chandajāto hoti saddhādhimutto, cittañcassa svādhiṭṭhitaṁ.\n“Rūpe nirodhānupassī assasissāmī”ti sikkhati, “rūpe nirodhānupassī passasissāmī”ti sikkhati.\nVedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe ādīnavaṁ disvā jarāmaraṇanirodhe chandajāto hoti saddhādhimutto, cittañcassa svādhiṭṭhitaṁ.\n“Jarāmaraṇe nirodhānupassī assasissāmī”ti sikkhati, “jarāmaraṇe nirodhānupassī passasissāmī”ti sikkhati."}},{"id":"ps1.3:128","sourceIds":["ps1.3:128.1","ps1.3:128.2","ps1.3:128.3","ps1.3:128.4"],"kind":"text","text":{"pi":"Katihākārehi avijjāya ādīnavo hoti?\nKatihākārehi avijjā nirujjhati?\nPañcahākārehi avijjāya ādīnavo hoti.\nAṭṭhahākārehi avijjā nirujjhati."}},{"id":"ps1.3:129","sourceIds":["ps1.3:129.1","ps1.3:129.2","ps1.3:129.3"],"kind":"text","text":{"pi":"Katamehi pañcahākārehi avijjāya ādīnavo hoti?\nAniccaṭṭhena avijjāya ādīnavo hoti, dukkhaṭṭhena avijjāya ādīnavo hoti, anattaṭṭhena avijjāya ādīnavo hoti, santāpaṭṭhena avijjāya ādīnavo hoti, vipariṇāmaṭṭhena avijjāya ādīnavo hoti—\nimehi pañcahākārehi avijjāya ādīnavo hoti."}},{"id":"ps1.3:130","sourceIds":["ps1.3:130.1","ps1.3:130.2","ps1.3:130.3","ps1.3:130.4","ps1.3:130.5","ps1.3:130.6"],"kind":"text","text":{"pi":"Katamehi aṭṭhahākārehi avijjā nirujjhati?\nNidānanirodhena avijjā nirujjhati, samudayanirodhena avijjā nirujjhati, jātinirodhena avijjā nirujjhati, pabhavanirodhena avijjā nirujjhati, hetunirodhena avijjā nirujjhati, paccayanirodhena avijjā nirujjhati, ñāṇuppādena avijjā nirujjhati, nirodhupaṭṭhānena avijjā nirujjhati—\nimehi aṭṭhahākārehi avijjā nirujjhati.\nImehi pañcahākārehi avijjāya ādīnavaṁ disvā—\nimehi aṭṭhahākārehi avijjānirodhe chandajāto hoti saddhādhimutto, cittañcassa svādhiṭṭhitaṁ.\n“Avijjāya nirodhānupassī assasissāmī”ti sikkhati, “avijjāya nirodhānupassī passasissāmī”ti sikkhati."}},{"id":"ps1.3:131","sourceIds":["ps1.3:131.1","ps1.3:131.2","ps1.3:131.3","ps1.3:131.4","ps1.3:131.5","ps1.3:131.6","ps1.3:131.7","ps1.3:131.8","ps1.3:131.9","ps1.3:131.10","ps1.3:131.11","ps1.3:131.12"],"kind":"text","text":{"pi":"Katihākārehi saṅkhāresu ādīnavo hoti, katihākārehi saṅkhārā nirujjhanti …pe…\nkatihākārehi viññāṇe ādīnavo hoti, katihākārehi viññāṇaṁ nirujjhati …\nkatihākārehi nāmarūpe ādīnavo hoti, katihākārehi nāmarūpaṁ nirujjhati …\nkatihākārehi saḷāyatane ādīnavo hoti, katihākārehi saḷāyatanaṁ nirujjhati …\nkatihākārehi phasse ādīnavo hoti, katihākārehi phasso nirujjhati …\nkatihākārehi vedanāya ādīnavo hoti, katihākārehi vedanā nirujjhati …\nkatihākārehi taṇhāya ādīnavo hoti, katihākārehi taṇhā nirujjhati …\nkatihākārehi upādāne ādīnavo hoti, katihākārehi upādānaṁ nirujjhati …\nkatihākārehi bhave ādīnavo hoti, katihākārehi bhavo nirujjhati …\nkatihākārehi jātiyā ādīnavo hoti, katihākārehi jāti nirujjhati …\nkatihākārehi jarāmaraṇe ādīnavo hoti, katihākārehi jarāmaraṇaṁ nirujjhati?\nPañcahākārehi jarāmaraṇe ādīnavo hoti, aṭṭhahākārehi jarāmaraṇaṁ nirujjhati."}},{"id":"ps1.3:132","sourceIds":["ps1.3:132.1","ps1.3:132.2","ps1.3:132.3","ps1.3:132.4","ps1.3:132.5","ps1.3:132.6"],"kind":"text","text":{"pi":"Katamehi pañcahākārehi jarāmaraṇe ādīnavo hoti?\nAniccaṭṭhena jarāmaraṇe ādīnavo hoti, dukkhaṭṭhena …pe…\nanattaṭṭhena …pe…\nsantāpaṭṭhena …pe…\nvipariṇāmaṭṭhena jarāmaraṇe ādīnavo hoti—\nimehi pañcahākārehi jarāmaraṇe ādīnavo hoti."}},{"id":"ps1.3:133","sourceIds":["ps1.3:133.1","ps1.3:133.2","ps1.3:133.3","ps1.3:133.4","ps1.3:133.5","ps1.3:133.6","ps1.3:133.7","ps1.3:133.8","ps1.3:133.9","ps1.3:133.10","ps1.3:133.11","ps1.3:133.12","ps1.3:133.13","ps1.3:133.14","ps1.3:133.15","ps1.3:133.16","ps1.3:133.17"],"kind":"text","text":{"pi":"Katamehi aṭṭhahākārehi jarāmaraṇaṁ nirujjhati?\nNidānanirodhena jarāmaraṇaṁ nirujjhati, samudayanirodhena …pe…\njātinirodhena …pe…\npabhavanirodhena …\nhetunirodhena …\npaccayanirodhena …\nñāṇuppādena …pe…\nnirodhupaṭṭhānena jarāmaraṇaṁ nirujjhati—\nimehi aṭṭhahākārehi jarāmaraṇaṁ nirujjhati.\nImehi pañcahākārehi jarāmaraṇe ādīnavaṁ disvā imehi aṭṭhahākārehi jarāmaraṇanirodhe chandajāto hoti saddhādhimutto, cittañcassa svādhiṭṭhitaṁ.\n“Jarāmaraṇe nirodhānupassī assasissāmī”ti sikkhati, “jarāmaraṇe nirodhānupassī passasissāmī”ti sikkhati.\nNirodhānupassī assāsapassāsavasena dhammā upaṭṭhānaṁ sati anupassanā ñāṇaṁ.\nDhammā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena te dhamme anupassati.\nTena vuccati—\n“dhammesu dhammānupassanāsatipaṭṭhānabhāvanā”ti."}},{"id":"ps1.3:134","sourceIds":["ps1.3:134.1","ps1.3:134.2","ps1.3:134.3","ps1.3:134.4","ps1.3:134.5","ps1.3:134.6","ps1.3:134.7","ps1.3:134.8","ps1.3:134.9"],"kind":"text","text":{"pi":"Anupassatīti kathaṁ te dhamme anupassati …pe…\nevaṁ te dhamme anupassati.\nBhāvanāti catasso bhāvanā …pe…\nāsevanaṭṭhena bhāvanā.\nNirodhānupassī assāsapassāsānaṁ saṁvaraṭṭhena sīlavisuddhi …pe…\nnirodhānupassī assāsapassāsavasena cittassa ekaggataṁ avikkhepaṁ pajānato …pe…\npajānanto indriyāni samodhāneti.\nTena vuccati—\n“samatthañca paṭivijjhatī”ti."}},{"id":"ps1.3:135","sourceIds":["ps1.3:135.1","ps1.3:135.2","ps1.3:135.3","ps1.3:135.4","ps1.3:135.5","ps1.3:135.6","ps1.3:135.7","ps1.3:135.8","ps1.3:135.9","ps1.3:135.10","ps1.3:135.11","ps1.3:135.12","ps1.3:135.13","ps1.3:135.14","ps1.3:135.15","ps1.3:135.16","ps1.3:135.17","ps1.3:135.18","ps1.3:135.19","ps1.3:135.20","ps1.3:135.21","ps1.3:135.22","ps1.3:135.23","ps1.3:135.24"],"kind":"text","text":{"pi":"Kathaṁ “paṭinissaggānupassī assasissāmī”ti sikkhati, “paṭinissaggānupassī passasissāmī”ti sikkhati?\nPaṭinissaggāti dve paṭinissaggā—\npariccāgapaṭinissaggo ca pakkhandanapaṭinissaggo ca.\nRūpaṁ pariccajatīti—\npariccāgapaṭinissaggo.\nRūpanirodhe nibbāne cittaṁ pakkhandatīti—\npakkhandanapaṭinissaggo.\n“Rūpe paṭinissaggānupassī assasissāmī”ti sikkhati, “rūpe paṭinissaggānupassī passasissāmī”ti sikkhati.\nVedanaṁ …pe…\nsaññaṁ …\nsaṅkhāre …\nviññāṇaṁ …\ncakkhuṁ …pe…\njarāmaraṇaṁ pariccajatīti—\npariccāgapaṭinissaggo.\nJarāmaraṇanirodhe nibbāne cittaṁ pakkhandatīti—\npakkhandanapaṭinissaggo.\n“Jarāmaraṇe paṭinissaggānupassī assasissāmī”ti sikkhati, “jarāmaraṇe paṭinissaggānupassī passasissāmī”ti sikkhati.\nPaṭinissaggānupassī assāsapassāsavasena dhammā upaṭṭhānaṁ sati anupassanā ñāṇaṁ.\nDhammā upaṭṭhānaṁ, no sati;\nsati upaṭṭhānañceva sati ca.\nTāya satiyā tena ñāṇena te dhamme anupassati.\nTena vuccati—\n“dhammesu dhammānupassanāsatipaṭṭhānabhāvanā”ti."}},{"id":"ps1.3:136","sourceIds":["ps1.3:136.1","ps1.3:136.2","ps1.3:136.3","ps1.3:136.4","ps1.3:136.5","ps1.3:136.6","ps1.3:136.7","ps1.3:136.8","ps1.3:136.9","ps1.3:136.10","ps1.3:136.11","ps1.3:136.12","ps1.3:136.13","ps1.3:136.14","ps1.3:136.15"],"kind":"text","text":{"pi":"Anupassatīti kathaṁ te dhamme anupassati?\nAniccato anupassati, no niccato …pe…\npaṭinissajjati, no ādiyati.\nAniccato anupassanto niccasaññaṁ pajahati …pe…\npaṭinissajjanto ādānaṁ pajahati.\nEvaṁ te dhamme anupassati.\nBhāvanāti catasso bhāvanā.\nTattha jātānaṁ dhammānaṁ anativattanaṭṭhena bhāvanā …pe…\nāsevanaṭṭhena bhāvanā.\nPaṭinissaggānupassī assāsapassāsānaṁ saṁvaraṭṭhena sīlavisuddhi, avikkhepaṭṭhena cittavisuddhi, dassanaṭṭhena diṭṭhivisuddhi.\nYo tattha saṁvaraṭṭho, ayaṁ adhisīlasikkhā;\nyo tattha avikkhepaṭṭho, ayaṁ adhicittasikkhā;\nyo tattha dassanaṭṭho, ayaṁ adhipaññāsikkhā—\nimā tisso sikkhāyo āvajjanto sikkhati jānanto sikkhati …pe…\nsacchikātabbaṁ sacchikaronto sikkhati."}},{"id":"ps1.3:137","sourceIds":["ps1.3:137.1","ps1.3:137.2","ps1.3:137.3","ps1.3:137.4","ps1.3:137.5","ps1.3:137.6"],"kind":"text","text":{"pi":"Paṭinissaggānupassī assāsapassāsavasena cittassa ekaggataṁ avikkhepaṁ pajānato viditā vedanā uppajjanti, viditā upaṭṭhahanti, viditā abbhatthaṁ gacchanti …pe…\npaṭinissaggānupassī assāsapassāsavasena cittassa ekaggataṁ avikkhepaṁ pajānanto indriyāni samodhāneti gocarañca pajānāti samatthañca paṭivijjhati;\nbalāni samodhāneti …\nbojjhaṅge samodhāneti …\nmaggaṁ samodhāneti …\ndhamme samodhāneti gocarañca pajānāti samatthañca paṭivijjhati."}},{"id":"ps1.3:138","sourceIds":["ps1.3:138.1","ps1.3:138.2","ps1.3:138.3","ps1.3:138.4"],"kind":"text","text":{"pi":"Indriyāni samodhānetīti kathaṁ indriyāni samodhāneti?\nAdhimokkhaṭṭhena saddhindriyaṁ samodhāneti …pe…\ntena vuccati—\n“samatthañca paṭivijjhatī”ti."}},{"id":"ps1.3:139","sourceIds":["ps1.3:139.1","ps1.3:139.2","ps1.3:139.3"],"kind":"text","text":{"pi":"Aṭṭha anupassane ñāṇāni aṭṭha ca upaṭṭhānānussatiyo cattāri suttantikavatthūni dhammesu dhammānupassanāya.\nImāni bāttiṁsa satokārissa ñāṇāni.\nSatokāriñāṇaniddeso pañcamo."}},{"id":"ps1.3:140","sourceIds":["ps1.3:140.0","ps1.3:140.1","ps1.3:140.2","ps1.3:140.3","ps1.3:140.4"],"kind":"text","text":{"pi":"1.3.6. Ñāṇarāsichakkaniddesa\nKatamāni catuvīsati samādhivasena ñāṇāni?\nDīghaṁ assāsavasena cittassa ekaggatā avikkhepo samādhi, dīghaṁ passāsavasena cittassa ekaggatā avikkhepo samādhi …pe…\nvimocayaṁ cittaṁ assāsavasena cittassa ekaggatā avikkhepo samādhi, vimocayaṁ cittaṁ passāsavasena cittassa ekaggatā avikkhepo samādhi.\nImāni catuvīsati samādhivasena ñāṇāni."}},{"id":"ps1.3:141","sourceIds":["ps1.3:141.1","ps1.3:141.2","ps1.3:141.3","ps1.3:141.4"],"kind":"text","text":{"pi":"Katamāni dvesattati vipassanāvasena ñāṇāni?\nDīghaṁ assāsaṁ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā, dīghaṁ passāsaṁ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā …pe…\nvimocayaṁ cittaṁ assāsaṁ, vimocayaṁ cittaṁ passāsaṁ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā.\nImāni dvesattati vipassanāvasena ñāṇāni."}},{"id":"ps1.3:142","sourceIds":["ps1.3:142.1","ps1.3:142.2","ps1.3:142.3","ps1.3:142.4","ps1.3:142.5","ps1.3:142.6","ps1.3:142.7","ps1.3:142.8"],"kind":"text","text":{"pi":"Katamāni aṭṭha nibbidāñāṇāni?\nAniccānupassī assasaṁ yathābhūtaṁ jānāti passatīti—\nnibbidāñāṇaṁ, aniccānupassī passasaṁ yathābhūtaṁ jānāti passatīti—\nnibbidāñāṇaṁ …pe…\npaṭinissaggānupassī assasaṁ yathābhūtaṁ jānāti passatīti—\nnibbidāñāṇaṁ, paṭinissaggānupassī passasaṁ yathābhūtaṁ jānāti passatīti—\nnibbidāñāṇaṁ.\nImāni aṭṭha nibbidāñāṇāni."}},{"id":"ps1.3:143","sourceIds":["ps1.3:143.1","ps1.3:143.2","ps1.3:143.3","ps1.3:143.4"],"kind":"text","text":{"pi":"Katamāni aṭṭha nibbidānulome ñāṇāni?\nAniccānupassī assasaṁ bhayatupaṭṭhāne paññā nibbidānulome ñāṇaṁ, aniccānupassī passasaṁ bhayatupaṭṭhāne paññā nibbidānulome ñāṇaṁ …pe…\npaṭinissaggānupassī assasaṁ bhayatupaṭṭhāne paññā nibbidānulome ñāṇaṁ, paṭinissaggānupassī passasaṁ bhayatupaṭṭhāne paññā nibbidānulome ñāṇaṁ—\nimāni aṭṭha nibbidānulome ñāṇāni."}},{"id":"ps1.3:144","sourceIds":["ps1.3:144.1","ps1.3:144.2","ps1.3:144.3","ps1.3:144.4"],"kind":"text","text":{"pi":"Katamāni aṭṭha nibbidāpaṭippassaddhiñāṇāni?\nAniccānupassī assasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ, aniccānupassī passasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ …pe…\npaṭinissaggānupassī assasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ, paṭinissaggānupassī passasaṁ paṭisaṅkhā santiṭṭhanā paññā nibbidāpaṭippassaddhiñāṇaṁ—\nimāni aṭṭha nibbidāpaṭippassaddhiñāṇāni."}},{"id":"ps1.3:145","sourceIds":["ps1.3:145.1","ps1.3:145.2","ps1.3:145.3","ps1.3:145.4","ps1.3:145.5","ps1.3:145.6","ps1.3:145.7","ps1.3:145.8","ps1.3:145.9"],"kind":"text","text":{"pi":"Katamāni ekavīsati vimuttisukhe ñāṇāni?\nSotāpattimaggena sakkāyadiṭṭhiyā pahīnattā samucchinnattā uppajjati vimuttisukhe ñāṇaṁ, vicikicchāya pahīnattā samucchinnattā uppajjati vimuttisukhe ñāṇaṁ, sīlabbataparāmāsassa …pe…\ndiṭṭhānusayassa, vicikicchānusayassa pahīnattā samucchinnattā uppajjati vimuttisukhe ñāṇaṁ, sakadāgāmimaggena oḷārikassa, kāmarāgasaññojanassa …pe…\npaṭighasaññojanassa, oḷārikassa kāmarāgānusayassa, paṭighānusayassa pahīnattā samucchinnattā uppajjati vimuttisukhe ñāṇaṁ, anāgāmimaggena anusahagatassa kāmarāgasaññojanassa …pe…\npaṭighasaññojanassa, anusahagatassa kāmarāgānusayassa, paṭighānusayassa pahīnattā samucchinnattā uppajjati vimuttisukhe ñāṇaṁ, arahattamaggena, rūparāgassa …pe…\narūparāgassa, mānassa, uddhaccassa, avijjāya, mānānusayassa, bhavarāgānusayassa, avijjānusayassa pahīnattā samucchinnattā uppajjati vimuttisukhe ñāṇaṁ.\nImāni ekavīsati vimuttisukhe ñāṇāni.\nSoḷasavatthukaṁ ānāpānassatisamādhiṁ bhāvayato samadhikāni imāni dve ñāṇasatāni uppajjanti.\nĀnāpānassatikathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ps1.3/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}