{"id":"ps1.4","title":"1.4. Indriyakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ps1.4","title":"1.4. Indriyakathā","units":[{"id":"ps1.4:0","sourceIds":["ps1.4:0.1","ps1.4:0.2","ps1.4:0.3"],"kind":"text","text":{"pi":"Paṭisambhidāmagga\n1 Mahāvagga\n1.4. Indriyakathā"}},{"id":"ps1.4:1","sourceIds":["ps1.4:1.0","ps1.4:1.1","ps1.4:1.2","ps1.4:1.3","ps1.4:1.4","ps1.4:1.5","ps1.4:1.6"],"kind":"text","text":{"pi":"1.4.1 Paṭhamasuttantaniddesa\nEvaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi—\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca—"}},{"id":"ps1.4:2","sourceIds":["ps1.4:2.1","ps1.4:2.2","ps1.4:2.3","ps1.4:2.4"],"kind":"text","text":{"pi":"“Pañcimāni, bhikkhave, indriyāni.\nKatamāni pañca?\nSaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—\nimāni kho, bhikkhave, pañcindriyāni”."}},{"id":"ps1.4:3","sourceIds":["ps1.4:3.1","ps1.4:3.2","ps1.4:3.3","ps1.4:3.4","ps1.4:3.5","ps1.4:3.6","ps1.4:3.7","ps1.4:3.8","ps1.4:3.9","ps1.4:3.10","ps1.4:3.11","ps1.4:3.12","ps1.4:3.13","ps1.4:3.14"],"kind":"text","text":{"pi":"Imāni pañcindriyāni katihākārehi visujjhanti?\nImāni pañcindriyāni pannarasahi ākārehi visujjhanti.\nAssaddhe puggale parivajjayato, saddhe puggale sevato bhajato payirupāsato, pasādanīye suttante paccavekkhato—\nimehi tīhākārehi saddhindriyaṁ visujjhati.\nKusīte puggale parivajjayato, āraddhavīriye puggale sevato bhajato payirupāsato, sammappadhāne paccavekkhato—\nimehi tīhākārehi vīriyindriyaṁ visujjhati.\nMuṭṭhassatī puggale parivajjayato, upaṭṭhitassatī puggale sevato bhajato payirupāsato, satipaṭṭhāne paccavekkhato—\nimehi tīhākārehi satindriyaṁ visujjhati.\nAsamāhite puggale parivajjayato, samāhite puggale sevato bhajato payirupāsato, jhānavimokkhe paccavekkhato—\nimehi tīhākārehi samādhindriyaṁ visujjhati.\nDuppaññe puggale parivajjayato, paññavante puggale sevato bhajato payirupāsato, gambhīrañāṇacariyaṁ paccavekkhato—\nimehi tīhākārehi paññindriyaṁ visujjhati.\nIti ime pañca puggale parivajjayato, pañca puggale sevato bhajato payirupāsato, pañca suttantakkhandhe paccavekkhato—\nimehi pannarasahi ākārehi imāni pañcindriyāni visujjhanti."}},{"id":"ps1.4:4","sourceIds":["ps1.4:4.1","ps1.4:4.2","ps1.4:4.3","ps1.4:4.4","ps1.4:4.5","ps1.4:4.6","ps1.4:4.7","ps1.4:4.8"],"kind":"text","text":{"pi":"Katihākārehi pañcindriyāni bhāviyanti, katihākārehi pañcannaṁ indriyānaṁ bhāvanā hoti?\nDasahākārehi pañcindriyāni bhāviyanti, dasahākārehi pañcannaṁ indriyānaṁ bhāvanā hoti.\nAssaddhiyaṁ pajahanto saddhindriyaṁ bhāveti, saddhindriyaṁ bhāvento assaddhiyaṁ pajahati;\nkosajjaṁ pajahanto vīriyindriyaṁ bhāveti, vīriyindriyaṁ bhāvento kosajjaṁ pajahati;\npamādaṁ pajahanto satindriyaṁ bhāveti, satindriyaṁ bhāvento pamādaṁ pajahati;\nuddhaccaṁ pajahanto samādhindriyaṁ bhāveti, samādhindriyaṁ bhāvento uddhaccaṁ pajahati;\navijjaṁ pajahanto paññindriyaṁ bhāveti, paññindriyaṁ bhāvento avijjaṁ pajahati.\nImehi dasahākārehi pañcindriyāni bhāviyanti, imehi dasahākārehi pañcannaṁ indriyānaṁ bhāvanā hoti."}},{"id":"ps1.4:5","sourceIds":["ps1.4:5.1","ps1.4:5.2","ps1.4:5.3","ps1.4:5.4","ps1.4:5.5","ps1.4:5.6","ps1.4:5.7","ps1.4:5.8","ps1.4:5.9","ps1.4:5.10","ps1.4:5.11","ps1.4:5.12","ps1.4:5.13"],"kind":"text","text":{"pi":"Katihākārehi pañcindriyāni bhāvitāni honti subhāvitāni?\nDasahākārehi pañcindriyāni bhāvitāni honti subhāvitāni.\nAssaddhiyassa pahīnattā suppahīnattā saddhindriyaṁ bhāvitaṁ hoti subhāvitaṁ;\nsaddhindriyassa bhāvitattā subhāvitattā assaddhiyaṁ pahīnaṁ hoti suppahīnaṁ.\nKosajjassa pahīnattā suppahīnattā vīriyindriyaṁ bhāvitaṁ hoti subhāvitaṁ;\nvīriyindriyassa bhāvitattā subhāvitattā kosajjaṁ pahīnaṁ hoti suppahīnaṁ.\nPamādassa pahīnattā suppahīnattā satindriyaṁ bhāvitaṁ hoti subhāvitaṁ;\nsatindriyassa bhāvitattā subhāvitattā pamādo pahīno hoti suppahīno.\nUddhaccassa pahīnattā suppahīnattā samādhindriyaṁ bhāvitaṁ hoti subhāvitaṁ;\nsamādhindriyassa bhāvitattā subhāvitattā uddhaccaṁ pahīnaṁ hoti suppahīnaṁ.\nAvijjāya pahīnattā paññindriyaṁ bhāvitaṁ hoti subhāvitaṁ;\npaññindriyassa bhāvitattā subhāvitattā avijjā pahīnā hoti suppahīnā.\nImehi dasahākārehi pañcindriyāni bhāvitāni honti subhāvitāni."}},{"id":"ps1.4:6","sourceIds":["ps1.4:6.1","ps1.4:6.2","ps1.4:6.3","ps1.4:6.4","ps1.4:6.5","ps1.4:6.6","ps1.4:6.7","ps1.4:6.8","ps1.4:6.9","ps1.4:6.10","ps1.4:6.11","ps1.4:6.12","ps1.4:6.13"],"kind":"text","text":{"pi":"Katihākārehi pañcindriyāni bhāviyanti, katihākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca?\nCatūhākārehi pañcindriyāni bhāviyanti catūhākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.\nSotāpattimaggakkhaṇe pañcindriyāni bhāviyanti;\nsotāpattiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.\nSakadāgāmimaggakkhaṇe pañcindriyāni bhāviyanti;\nsakadāgāmiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.\nAnāgāmimaggakkhaṇe pañcindriyāni bhāviyanti;\nanāgāmiphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.\nArahattamaggakkhaṇe pañcindriyāni bhāviyanti;\narahattaphalakkhaṇe pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca.\nIti catasso maggavisuddhiyo, catasso phalavisuddhiyo, catasso samucchedavisuddhiyo, catasso paṭippassaddhivisuddhiyo.\nImehi catūhākārehi pañcindriyāni bhāviyanti;\nimehi catūhākārehi pañcindriyāni bhāvitāni ceva honti subhāvitāni ca paṭippassaddhāni ca suppaṭippassaddhāni ca."}},{"id":"ps1.4:7","sourceIds":["ps1.4:7.1","ps1.4:7.2","ps1.4:7.3","ps1.4:7.4","ps1.4:7.5","ps1.4:7.6","ps1.4:7.7","ps1.4:7.8","ps1.4:7.9","ps1.4:7.10","ps1.4:7.11","ps1.4:7.12","ps1.4:7.13"],"kind":"text","text":{"pi":"Katinaṁ puggalānaṁ indriyabhāvanā;\nkati puggalā bhāvitindriyā?\nAṭṭhannaṁ puggalānaṁ indriyabhāvanā;\ntayo puggalā bhāvitindriyā.\nKatamesaṁ aṭṭhannaṁ puggalānaṁ indriyabhāvanā?\nSattannañca sekkhānaṁ, puthujjanakalyāṇakassa ca—\nimesaṁ aṭṭhannaṁ puggalānaṁ indriyabhāvanā.\nKatame tayo puggalā bhāvitindriyā?\nSavanena buddho tathāgatassa sāvako khīṇāsavo bhāvitindriyo, sayaṁ bhūtaṭṭhena paccekasambuddho bhāvitindriyo, appameyyaṭṭhena tathāgato arahaṁ sammāsambuddho bhāvitindriyo—\nime tayo puggalā bhāvitindriyā.\nIti imesaṁ aṭṭhannaṁ puggalānaṁ indriyabhāvanā;\nime tayo puggalā bhāvitindriyā.\nSuttantaniddeso paṭhamo."}},{"id":"ps1.4:8","sourceIds":["ps1.4:8.0","ps1.4:8.1","ps1.4:8.2","ps1.4:8.3","ps1.4:8.4"],"kind":"text","text":{"pi":"1.4.2. Dutiyasuttantaniddesa\nSāvatthinidānaṁ.\n“Pañcimāni, bhikkhave, indriyāni.\nKatamāni pañca?\nSaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ."}},{"id":"ps1.4:9","sourceIds":["ps1.4:9.1","ps1.4:9.2"],"kind":"text","text":{"pi":"Ye hi keci, bhikkhave, samaṇā vā brāhmaṇā vā imesaṁ pañcannaṁ indriyānaṁ samudayañca atthaṅgamañca assādañca ādīnavañca nissaraṇañca yathābhūtaṁ nappajānanti, na me te, bhikkhave, samaṇā vā brāhmaṇā vā samaṇesu vā samaṇasammatā, brāhmaṇesu vā brāhmaṇasammatā;\nna ca panete āyasmantā sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti."}},{"id":"ps1.4:10","sourceIds":["ps1.4:10.1","ps1.4:10.2"],"kind":"text","text":{"pi":"Ye ca kho keci bhikkhave samaṇā vā brāhmaṇā vā imesaṁ pañcannaṁ indriyānaṁ samudayañca atthaṅgamañca assādañca ādīnavañca nissaraṇañca yathābhūtaṁ pajānanti, te kho me, bhikkhave, samaṇā vā brāhmaṇā vā samaṇesu vā samaṇasammatā, brāhmaṇesu vā brāhmaṇasammatā;\nte ca panāyasmantā sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti."}},{"id":"ps1.4:11","sourceIds":["ps1.4:11.1","ps1.4:11.2","ps1.4:11.3","ps1.4:11.4","ps1.4:11.5","ps1.4:11.6","ps1.4:11.7","ps1.4:11.8","ps1.4:11.9"],"kind":"text","text":{"pi":"Katihākārehi pañcannaṁ indriyānaṁ samudayo hoti;\nkatihākārehi pañcannaṁ indriyānaṁ samudayaṁ pajānāti?\nKatihākārehi pañcannaṁ indriyānaṁ atthaṅgamo hoti;\nkatihākārehi pañcannaṁ indriyānaṁ atthaṅgamaṁ pajānāti?\nKatihākārehi pañcannaṁ indriyānaṁ assādo hoti, katihākārehi pañcannaṁ indriyānaṁ assādaṁ pajānāti?\nKatihākārehi pañcannaṁ indriyānaṁ ādīnavo hoti;\nkatihākārehi pañcannaṁ indriyānaṁ ādīnavaṁ pajānāti?\nKatihākārehi pañcannaṁ indriyānaṁ nissaraṇaṁ hoti;\nkatihākārehi pañcannaṁ indriyānaṁ nissaraṇaṁ pajānāti?"}},{"id":"ps1.4:12","sourceIds":["ps1.4:12.1","ps1.4:12.2","ps1.4:12.3","ps1.4:12.4","ps1.4:12.5","ps1.4:12.6","ps1.4:12.7","ps1.4:12.8","ps1.4:12.9","ps1.4:12.10"],"kind":"text","text":{"pi":"Cattārīsāya ākārehi pañcannaṁ indriyānaṁ samudayo hoti;\ncattārīsāya ākārehi pañcannaṁ indriyānaṁ samudayaṁ pajānāti.\nCattārīsāya ākārehi pañcannaṁ indriyānaṁ atthaṅgamo hoti;\ncattārīsāya ākārehi pañcannaṁ indriyānaṁ atthaṅgamaṁ pajānāti.\nPañcavīsatiyā ākārehi pañcannaṁ indriyānaṁ assādo hoti;\npañcavīsatiyā ākārehi pañcannaṁ indriyānaṁ assādaṁ pajānāti.\nPañcavīsatiyā ākārehi pañcannaṁ indriyānaṁ ādīnavo hoti;\npañcavīsatiyā ākārehi pañcannaṁ indriyānaṁ ādīnavaṁ pajānāti.\nAsītisataṁ ākārehi pañcannaṁ indriyānaṁ nissaraṇaṁ hoti;\nasītisataṁ ākārehi pañcannaṁ indriyānaṁ nissaraṇaṁ pajānāti."}},{"id":"ps1.4:13","sourceIds":["ps1.4:13.1","ps1.4:13.2","ps1.4:13.3","ps1.4:13.4","ps1.4:13.5","ps1.4:13.6","ps1.4:13.7","ps1.4:13.8","ps1.4:13.9","ps1.4:13.10","ps1.4:13.11"],"kind":"text","text":{"pi":"Katamehi cattārīsāya ākārehi pañcannaṁ indriyānaṁ samudayo hoti;\nkatamehi cattārīsāya ākārehi pañcannaṁ indriyānaṁ samudayaṁ pajānāti?\nAdhimokkhatthāya āvajjanāya samudayo saddhindriyassa samudayo hoti, adhimokkhavasena chandassa samudayo saddhindriyassa samudayo hoti, adhimokkhavasena manasikārassa samudayo saddhindriyassa samudayo hoti, saddhindriyassa vasena ekattupaṭṭhānaṁ saddhindriyassa samudayo hoti;\npaggahatthāya āvajjanāya samudayo vīriyindriyassa samudayo hoti, paggahavasena chandassa samudayo vīriyindriyassa samudayo hoti, paggahavasena manasikārassa samudayo vīriyindriyassa samudayo hoti, vīriyindriyassa vasena ekattupaṭṭhānaṁ vīriyindriyassa samudayo hoti;\nupaṭṭhānatthāya āvajjanāya samudayo satindriyassa samudayo hoti, upaṭṭhānavasena chandassa samudayo satindriyassa samudayo hoti, upaṭṭhānavasena manasikārassa samudayo satindriyassa samudayo hoti, satindriyassa vasena ekattupaṭṭhānaṁ satindriyassa samudayo hoti;\navikkhepatthāya āvajjanāya samudayo samādhindriyassa samudayo hoti, avikkhepavasena chandassa samudayo samādhindriyassa samudayo hoti, avikkhepavasena manasikārassa samudayo samādhindriyassa samudayo hoti, samādhindriyassa vasena ekattupaṭṭhānaṁ samādhindriyassa samudayo hoti;\ndassanatthāya āvajjanāya samudayo paññindriyassa samudayo hoti, dassanavasena chandassa samudayo paññindriyassa samudayo hoti, dassanavasena manasikārassa samudayo paññindriyassa samudayo hoti, paññindriyassa vasena ekattupaṭṭhānaṁ paññindriyassa samudayo hoti.\nAdhimokkhatthāya āvajjanāya samudayo saddhindriyassa samudayo hoti, paggahatthāya āvajjanāya samudayo vīriyindriyassa samudayo hoti, upaṭṭhānatthāya āvajjanāya samudayo satindriyassa samudayo hoti, avikkhepatthāya āvajjanāya samudayo samādhindriyassa samudayo hoti, dassanatthāya āvajjanāya samudayo paññindriyassa samudayo hoti.\nAdhimokkhavasena chandassa samudayo saddhindriyassa samudayo hoti, paggahavasena chandassa samudayo vīriyindriyassa samudayo hoti, upaṭṭhānavasena chandassa samudayo satindriyassa samudayo hoti, avikkhepavasena chandassa samudayo samādhindriyassa samudayo hoti, dassanavasena chandassa samudayo paññindriyassa samudayo hoti.\nAdhimokkhavasena manasikārassa samudayo saddhindriyassa samudayo hoti, paggahavasena manasikārassa samudayo vīriyindriyassa samudayo hoti, upaṭṭhānavasena manasikārassa samudayo satindriyassa samudayo hoti, avikkhepavasena manasikārassa samudayo samādhindriyassa samudayo hoti, dassanavasena manasikārassa samudayo paññindriyassa samudayo hoti.\nSaddhindriyassa vasena ekattupaṭṭhānaṁ saddhindriyassa samudayo hoti vīriyindriyassa vasena ekattupaṭṭhānaṁ vīriyindriyassa samudayo hoti, satindriyassa vasena ekattupaṭṭhānaṁ satindriyassa samudayo hoti, samādhindriyassa vasena ekattupaṭṭhānaṁ samādhindriyassa samudayo hoti, paññindriyassa vasena ekattupaṭṭhānaṁ paññindriyassa samudayo hoti."}},{"id":"ps1.4:14","sourceIds":["ps1.4:14.1"],"kind":"text","text":{"pi":"Imehi cattārīsāya ākārehi pañcannaṁ indriyānaṁ samudayo hoti, imehi cattārīsāya ākārehi pañcannaṁ indriyānaṁ samudayaṁ pajānāti."}},{"id":"ps1.4:15","sourceIds":["ps1.4:15.1","ps1.4:15.2","ps1.4:15.3","ps1.4:15.4","ps1.4:15.5","ps1.4:15.6","ps1.4:15.7"],"kind":"text","text":{"pi":"Katamehi cattārīsāya ākārehi pañcannaṁ indriyānaṁ atthaṅgamo hoti;\nkatamehi cattārīsāya ākārehi pañcannaṁ indriyānaṁ atthaṅgamaṁ pajānāti?\nAdhimokkhatthāya āvajjanāya atthaṅgamo saddhindriyassa atthaṅgamo hoti, adhimokkhavasena chandassa atthaṅgamo saddhindriyassa atthaṅgamo hoti, adhimokkhavasena manasikārassa atthaṅgamo saddhindriyassa atthaṅgamo hoti, saddhindriyassa vasena ekattaanupaṭṭhānaṁ saddhindriyassa vasena atthaṅgamo hoti;\npaggahatthāya āvajjanāya atthaṅgamo vīriyindriyassa atthaṅgamo hoti, paggahavasena chandassa atthaṅgamo vīriyindriyassa atthaṅgamo hoti, paggahavasena manasikārassa atthaṅgamo vīriyindriyassa atthaṅgamo hoti, vīriyindriyassa vasena ekattaanupaṭṭhānaṁ vīriyindriyassa atthaṅgamo hoti;\nupaṭṭhānatthāya āvajjanāya atthaṅgamo satindriyassa atthaṅgamo hoti, upaṭṭhānavasena chandassa atthaṅgamo satindriyassa atthaṅgamo hoti, upaṭṭhānavasena manasikārassa atthaṅgamo satindriyassa atthaṅgamo hoti, satindriyassa vasena ekattaanupaṭṭhānaṁ satindriyassa atthaṅgamo hoti;\navikkhepatthāya āvajjanāya atthaṅgamo samādhindriyassa atthaṅgamo hoti, avikkhepavasena chandassa atthaṅgamo samādhindriyassa atthaṅgamo hoti, avikkhepavasena manasikārassa atthaṅgamo samādhindriyassa atthaṅgamo hoti, samādhindriyassa vasena ekattaanupaṭṭhānaṁ samādhindriyassa atthaṅgamo hoti;\ndassanatthāya āvajjanāya atthaṅgamo paññindriyassa atthaṅgamo hoti, dassanavasena chandassa atthaṅgamo paññindriyassa atthaṅgamo hoti, dassanavasena manasikārassa atthaṅgamo paññindriyassa atthaṅgamo hoti, paññindriyassa vasena ekattaanupaṭṭhānaṁ paññindriyassa atthaṅgamo hoti."}},{"id":"ps1.4:16","sourceIds":["ps1.4:16.1","ps1.4:16.2","ps1.4:16.3","ps1.4:16.4"],"kind":"text","text":{"pi":"Adhimokkhatthāya āvajjanāya atthaṅgamo saddhindriyassa atthaṅgamo hoti, paggahatthāya āvajjanāya atthaṅgamo vīriyindriyassa atthaṅgamo hoti, upaṭṭhānatthāya āvajjanāya atthaṅgamo satindriyassa atthaṅgamo hoti, avikkhepatthāya āvajjanāya atthaṅgamo samādhindriyassa atthaṅgamo hoti, dassanatthāya āvajjanāya atthaṅgamo paññindriyassa atthaṅgamo hoti.\nAdhimokkhavasena chandassa atthaṅgamo saddhindriyassa atthaṅgamo hoti, paggahavasena chandassa atthaṅgamo vīriyindriyassa atthaṅgamo hoti, upaṭṭhānavasena chandassa atthaṅgamo satindriyassa atthaṅgamo hoti, avikkhepavasena chandassa atthaṅgamo samādhindriyassa atthaṅgamo hoti, dassanavasena chandassa atthaṅgamo paññindriyassa atthaṅgamo hoti.\nAdhimokkhavasena manasikārassa atthaṅgamo saddhindriyassa atthaṅgamo hoti, paggahavasena manasikārassa atthaṅgamo vīriyindriyassa atthaṅgamo hoti, upaṭṭhānavasena manasikārassa atthaṅgamo satindriyassa atthaṅgamo hoti, avikkhepavasena manasikārassa atthaṅgamo samādhindriyassa atthaṅgamo hoti, dassanavasena manasikārassa atthaṅgamo paññindriyassa atthaṅgamo hoti.\nSaddhindriyassa vasena ekattaanupaṭṭhānaṁ saddhindriyassa atthaṅgamo hoti, vīriyindriyassa vasena ekattaanupaṭṭhānaṁ vīriyindriyassa atthaṅgamo hoti, satindriyassa vasena ekattaanupaṭṭhānaṁ satindriyassa atthaṅgamo hoti, samādhindriyassa vasena ekattaanupaṭṭhānaṁ samādhindriyassa atthaṅgamo hoti, paññindriyassa vasena ekattaanupaṭṭhānaṁ paññindriyassa atthaṅgamo hoti."}},{"id":"ps1.4:17","sourceIds":["ps1.4:17.1","ps1.4:17.2"],"kind":"text","text":{"pi":"Imehi cattārīsāya ākārehi pañcannaṁ indriyānaṁ atthaṅgamo hoti;\nimehi cattārīsāya ākārehi pañcannaṁ indriyānaṁ atthaṅgamaṁ pajānāti."}},{"id":"ps1.4:18","sourceIds":["ps1.4:18.0","ps1.4:18.1","ps1.4:18.2","ps1.4:18.3"],"kind":"text","text":{"pi":"1.4.2.1. Assādaniddesa\nKatamehi pañcavīsatiyā ākārehi pañcannaṁ indriyānaṁ assādo hoti;\nkatamehi pañcavīsatiyā ākārehi pañcannaṁ indriyānaṁ assādaṁ pajānāti?\nAssaddhiyassa anupaṭṭhānaṁ saddhindriyassa assādo hoti, assaddhiyapariḷāhassa anupaṭṭhānaṁ saddhindriyassa assādo hoti, adhimokkhacariyāya vesārajjaṁ saddhindriyassa assādo hoti, santo ca vihārādhigamo saddhindriyassa assādo hoti, yaṁ saddhindriyaṁ paṭicca uppajjati sukhaṁ somanassaṁ ayaṁ saddhindriyassa assādo."}},{"id":"ps1.4:19","sourceIds":["ps1.4:19.1"],"kind":"text","text":{"pi":"Kosajjassa anupaṭṭhānaṁ vīriyindriyassa assādo hoti, kosajjapariḷāhassa anupaṭṭhānaṁ vīriyindriyassa assādo hoti, paggahacariyāya vesārajjaṁ vīriyindriyassa assādo hoti, santo ca vihārādhigamo vīriyindriyassa assādo hoti, yaṁ vīriyindriyaṁ paṭicca uppajjati sukhaṁ somanassaṁ ayaṁ vīriyindriyassa assādo."}},{"id":"ps1.4:20","sourceIds":["ps1.4:20.1"],"kind":"text","text":{"pi":"Pamādassa anupaṭṭhānaṁ satindriyassa assādo hoti, pamādapariḷāhassa anupaṭṭhānaṁ satindriyassa assādo hoti, upaṭṭhānacariyāya vesārajjaṁ satindriyassa assādo hoti, santo ca vihārādhigamo satindriyassa assādo hoti, yaṁ satindriyaṁ paṭicca uppajjati sukhaṁ somanassaṁ ayaṁ satindriyassa assādo."}},{"id":"ps1.4:21","sourceIds":["ps1.4:21.1"],"kind":"text","text":{"pi":"Uddhaccassa anupaṭṭhānaṁ samādhindriyassa assādo hoti, uddhaccapariḷāhassa anupaṭṭhānaṁ samādhindriyassa assādo hoti, avikkhepacariyāya vesārajjaṁ samādhindriyassa assādo hoti, santo ca vihārādhigamo samādhindriyassa assādo hoti, yaṁ samādhindriyaṁ paṭicca uppajjati sukhaṁ somanassaṁ ayaṁ samādhindriyassa assādo."}},{"id":"ps1.4:22","sourceIds":["ps1.4:22.1"],"kind":"text","text":{"pi":"Avijjāya anupaṭṭhānaṁ paññindriyassa assādo hoti, avijjāpariḷāhassa anupaṭṭhānaṁ paññindriyassa assādo hoti, dassanacariyāya vesārajjaṁ paññindriyassa assādo hoti, santo ca vihārādhigamo paññindriyassa assādo hoti, yaṁ paññindriyaṁ paṭicca uppajjati sukhaṁ somanassaṁ ayaṁ paññindriyassa assādo."}},{"id":"ps1.4:23","sourceIds":["ps1.4:23.1","ps1.4:23.2"],"kind":"text","text":{"pi":"Imehi pañcavīsatiyā ākārehi pañcannaṁ indriyānaṁ assādo hoti;\nimehi pañcavīsatiyā ākārehi pañcannaṁ indriyānaṁ assādaṁ pajānāti."}},{"id":"ps1.4:24","sourceIds":["ps1.4:24.0","ps1.4:24.1","ps1.4:24.2","ps1.4:24.3"],"kind":"text","text":{"pi":"1.4.2.2. Ādīnavaniddesa\nKatamehi pañcavīsatiyā ākārehi pañcannaṁ indriyānaṁ ādīnavo hoti;\nkatamehi pañcavīsatiyā ākārehi pañcannaṁ indriyānaṁ ādīnavaṁ pajānāti?\nAssaddhiyassa upaṭṭhānaṁ saddhindriyassa ādīnavo hoti, assaddhiyapariḷāhassa upaṭṭhānaṁ saddhindriyassa ādīnavo hoti, aniccaṭṭhena saddhindriyassa ādīnavo hoti, dukkhaṭṭhena saddhindriyassa ādīnavo hoti, anattaṭṭhena saddhindriyassa ādīnavo hoti."}},{"id":"ps1.4:25","sourceIds":["ps1.4:25.1","ps1.4:25.2"],"kind":"text","text":{"pi":"Kosajjassa upaṭṭhānaṁ vīriyindriyassa ādīnavo hoti, kosajjapariḷāhassa upaṭṭhānaṁ vīriyindriyassa ādīnavo hoti, aniccaṭṭhena vīriyindriyassa ādīnavo hoti, dukkhaṭṭhena …pe…\nanattaṭṭhena vīriyindriyassa ādīnavo hoti."}},{"id":"ps1.4:26","sourceIds":["ps1.4:26.1","ps1.4:26.2"],"kind":"text","text":{"pi":"Pamādassa upaṭṭhānaṁ satindriyassa ādīnavo hoti, pamādapariḷāhassa upaṭṭhānaṁ satindriyassa ādīnavo hoti, aniccaṭṭhena satindriyassa ādīnavo hoti, dukkhaṭṭhena …pe…\nanattaṭṭhena satindriyassa ādīnavo hoti."}},{"id":"ps1.4:27","sourceIds":["ps1.4:27.1","ps1.4:27.2"],"kind":"text","text":{"pi":"Uddhaccassa upaṭṭhānaṁ samādhindriyassa ādīnavo hoti, uddhaccapariḷāhassa upaṭṭhānaṁ samādhindriyassa ādīnavo hoti, aniccaṭṭhena samādhindriyassa ādīnavo hoti, dukkhaṭṭhena …pe…\nanattaṭṭhena samādhindriyassa ādīnavo hoti."}},{"id":"ps1.4:28","sourceIds":["ps1.4:28.1"],"kind":"text","text":{"pi":"Avijjāya upaṭṭhānaṁ paññindriyassa ādīnavo hoti, avijjāpariḷāhassa upaṭṭhānaṁ paññindriyassa ādīnavo hoti, aniccaṭṭhena paññindriyassa ādīnavo hoti, dukkhaṭṭhena paññindriyassa ādīnavo hoti, anattaṭṭhena paññindriyassa ādīnavo hoti."}},{"id":"ps1.4:29","sourceIds":["ps1.4:29.1","ps1.4:29.2"],"kind":"text","text":{"pi":"Imehi pañcavīsatiyā ākārehi pañcannaṁ indriyānaṁ ādīnavo hoti;\nimehi pañcavīsatiyā ākārehi pañcannaṁ indriyānaṁ ādīnavaṁ pajānāti."}},{"id":"ps1.4:30","sourceIds":["ps1.4:30.0","ps1.4:30.1","ps1.4:30.2"],"kind":"text","text":{"pi":"1.4.2.3. Nissaraṇaniddesa\nKatamehi asītisataṁ ākārehi pañcannaṁ indriyānaṁ nissaraṇaṁ hoti;\nkatamehi asītisataṁ ākārehi pañcannaṁ indriyānaṁ nissaraṇaṁ pajānāti?"}},{"id":"ps1.4:31","sourceIds":["ps1.4:31.1"],"kind":"text","text":{"pi":"Adhimokkhaṭṭhena saddhindriyaṁ assaddhiyā nissaṭaṁ hoti, assaddhiyapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarasaddhindriyassa paṭilābhā purimatarasaddhindriyā nissaṭaṁ hoti."}},{"id":"ps1.4:32","sourceIds":["ps1.4:32.1"],"kind":"text","text":{"pi":"Paggahaṭṭhena vīriyindriyaṁ kosajjā nissaṭaṁ hoti, kosajjapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītataravīriyindriyassa paṭilābhā purimataravīriyindriyā nissaṭaṁ hoti."}},{"id":"ps1.4:33","sourceIds":["ps1.4:33.1"],"kind":"text","text":{"pi":"Upaṭṭhānaṭṭhena satindriyaṁ pamādā nissaṭaṁ hoti, pamādapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarasatindriyassa paṭilābhā purimatarasatindriyā nissaṭaṁ hoti."}},{"id":"ps1.4:34","sourceIds":["ps1.4:34.1"],"kind":"text","text":{"pi":"Avikkhepaṭṭhena samādhindriyaṁ uddhaccā nissaṭaṁ hoti, uddhaccapariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarasamādhindriyassa paṭilābhā purimatarasamādhindriyā nissaṭaṁ hoti."}},{"id":"ps1.4:35","sourceIds":["ps1.4:35.1"],"kind":"text","text":{"pi":"Dassanaṭṭhena paññindriyaṁ avijjāya nissaṭaṁ hoti, avijjāpariḷāhā nissaṭaṁ hoti, tadanuvattakakilesehi ca khandhehi ca nissaṭaṁ hoti, bahiddhā ca sabbanimittehi nissaṭaṁ hoti, tato paṇītatarapaññindriyassa paṭilābhā purimatarapaññindriyā nissaṭaṁ hoti."}},{"id":"ps1.4:36","sourceIds":["ps1.4:36.1"],"kind":"text","text":{"pi":"Pubbabhāge pañcahi indriyehi paṭhamajjhānavasena pañcindriyāni nissaṭāni honti, paṭhame jhāne pañcahindriyehi dutiyajjhānavasena pañcindriyāni nissaṭāni honti, dutiye jhāne pañcahindriyehi tatiyajjhānavasena pañcindriyāni nissaṭāni honti, tatiye jhāne pañcahindriyehi catutthajjhānavasena pañcindriyāni nissaṭāni honti, catutthe jhāne pañcahindriyehi ākāsānañcāyatanasamāpattivasena pañcindriyāni nissaṭāni honti, ākāsānañcāyatanasamāpattiyā pañcahindriyehi viññāṇañcāyatanasamāpattivasena pañcindriyāni nissaṭāni honti, viññāṇañcāyatanasamāpattiyā pañcahindriyehi ākiñcaññāyatanasamāpattivasena pañcindriyāni nissaṭāni honti, ākiñcaññāyatanasamāpattiyā pañcahindriyehi nevasaññānāsaññāyatanasamāpattivasena pañcindriyāni nissaṭāni honti."}},{"id":"ps1.4:37","sourceIds":["ps1.4:37.1","ps1.4:37.2"],"kind":"text","text":{"pi":"Nevasaññānāsaññāyatanasamāpattiyā pañcahindriyehi aniccānupassanāvasena pañcindriyāni nissaṭāni honti, aniccānupassanāya pañcahindriyehi dukkhānupassanāvasena pañcindriyāni nissaṭāni honti, dukkhānupassanāya pañcahindriyehi anattānupassanāvasena pañcindriyāni nissaṭāni honti, anattānupassanāya pañcahindriyehi nibbidānupassanāvasena pañcindriyāni nissaṭāni honti, nibbidānupassanāya pañcahindriyehi virāgānupassanāvasena pañcindriyāni nissaṭāni honti, virāgānupassanāya pañcahindriyehi nirodhānupassanāvasena pañcindriyāni nissaṭāni honti, nirodhānupassanāya pañcahindriyehi paṭinissaggānupassanāvasena pañcindriyāni nissaṭāni honti, paṭinissaggānupassanāya pañcahindriyehi khayānupassanāvasena pañcindriyāni nissaṭāni honti, khayānupassanāya pañcahindriyehi vayānupassanāvasena pañcindriyāni nissaṭāni honti, vayānupassanāya pañcahindriyehi vipariṇāmānupassanāvasena pañcindriyāni nissaṭāni honti, vipariṇāmānupassanāya pañcahindriyehi animittānupassanāvasena pañcindriyāni nissaṭāni honti, animittānupassanāya pañcahindriyehi appaṇihitānupassanāvasena pañcindriyāni nissaṭāni honti, appaṇihitānupassanāya pañcahindriyehi suññatānupassanāvasena pañcindriyāni nissaṭāni honti suññatānupassanāya pañcahindriyehi adhipaññādhammavipassanāvasena pañcindriyāni nissaṭāni honti.\nAdhipaññādhammavipassanāya pañcahindriyehi yathābhūtañāṇadassanavasena pañcindriyāni nissaṭāni honti, yathābhūtañāṇadassane pañcahindriyehi ādīnavānupassanāvasena pañcindriyāni nissaṭāni honti, ādīnavānupassanāya pañcahindriyehi paṭisaṅkhānupassanāvasena pañcindriyāni nissaṭāni honti, paṭisaṅkhānupassanāya pañcahindriyehi vivaṭṭanānupassanāvasena pañcindriyāni nissaṭāni honti."}},{"id":"ps1.4:38","sourceIds":["ps1.4:38.1"],"kind":"text","text":{"pi":"Vivaṭṭanānupassanāya pañcahindriyehi sotāpattimaggavasena pañcindriyāni nissaṭāni honti, sotāpattimagge pañcahindriyehi sotāpattiphalasamāpattivasena pañcindriyāni nissaṭāni honti, sotāpattiphalasamāpattiyā pañcahindriyehi sakadāgāmimaggavasena pañcindriyāni nissaṭāni honti, sakadāgāmimagge pañcahindriyehi sakadāgāmiphalasamāpattivasena pañcindriyāni nissaṭāni honti, sakadāgāmiphalasamāpattiyā pañcahindriyehi anāgāmimaggavasena pañcindriyāni nissaṭāni honti, anāgāmimagge pañcahindriyehi anāgāmiphalasamāpattivasena pañcindriyāni nissaṭāni honti, anāgāmiphalasamāpattiyā pañcahindriyehi arahattamaggavasena pañcindriyāni nissaṭāni honti, arahattamagge pañcahindriyehi arahattaphalasamāpattivasena pañcindriyāni nissaṭāni honti."}},{"id":"ps1.4:39","sourceIds":["ps1.4:39.1"],"kind":"text","text":{"pi":"Nekkhamme pañcindriyāni kāmacchandato nissaṭāni honti, abyāpāde pañcindriyāni byāpādato nissaṭāni honti, ālokasaññāya pañcindriyāni thinamiddhato nissaṭāni honti, avikkhepe pañcindriyāni uddhaccato nissaṭāni honti, dhammavavatthāne pañcindriyāni vicikicchāya nissaṭāni honti, ñāṇe pañcindriyāni avijjāya nissaṭāni honti, pāmojje pañcindriyāni aratiyā nissaṭāni honti."}},{"id":"ps1.4:40","sourceIds":["ps1.4:40.1"],"kind":"text","text":{"pi":"Paṭhame jhāne pañcindriyāni nīvaraṇehi nissaṭāni honti, dutiye jhāne pañcindriyāni vitakkavicārehi nissaṭāni honti, tatiye jhāne pañcindriyāni pītiyā nissaṭāni honti, catutthe jhāne pañcindriyāni sukhadukkhehi nissaṭāni honti, ākāsānañcāyatanasamāpattiyā pañcindriyāni rūpasaññāya paṭighasaññāya nānattasaññāya nissaṭāni honti, viññāṇañcāyatanasamāpattiyā pañcindriyāni ākāsānañcāyatanasaññāya nissaṭāni honti, ākiñcaññāyatanasamāpattiyā pañcindriyāni viññāṇañcāyatanasaññāya nissaṭāni honti, nevasaññānāsaññāyatanasamāpattiyā pañcindriyāni ākiñcaññāyatanasaññāya nissaṭāni honti."}},{"id":"ps1.4:41","sourceIds":["ps1.4:41.1","ps1.4:41.2"],"kind":"text","text":{"pi":"Aniccānupassanāya pañcindriyāni niccasaññāya nissaṭāni honti, dukkhānupassanāya pañcindriyāni sukhasaññāya nissaṭāni honti, anattānupassanāya pañcindriyāni attasaññāya nissaṭāni honti, nibbidānupassanāya pañcindriyāni nandiyā nissaṭāni honti, virāgānupassanāya pañcindriyāni rāgato nissaṭāni honti, nirodhānupassanāya pañcindriyāni samudayato nissaṭāni honti, paṭinissaggānupassanāya pañcindriyāni ādānato nissaṭāni honti, khayānupassanāya pañcindriyāni ghanasaññāya nissaṭāni honti, vayānupassanāya pañcindriyāni āyūhanato nissaṭāni honti, vipariṇāmānupassanāya pañcindriyāni dhuvasaññāya nissaṭāni honti, animittānupassanāya pañcindriyāni nimittato nissaṭāni honti, appaṇihitānupassanāya pañcindriyāni paṇidhiyā nissaṭāni honti, suññatānupassanāya pañcindriyāni abhinivesato nissaṭāni honti.\nAdhipaññādhammavipassanāya pañcindriyāni sārādānābhinivesato nissaṭāni honti, yathābhūtañāṇadassane pañcindriyāni sammohābhinivesato nissaṭāni honti, ādīnavānupassanāya pañcindriyāni ālayābhinivesato nissaṭāni honti, paṭisaṅkhānupassanāya pañcindriyāni appaṭisaṅkhāya nissaṭāni honti, vivaṭṭanānupassanāya pañcindriyāni saññogābhinivesato nissaṭāni honti."}},{"id":"ps1.4:42","sourceIds":["ps1.4:42.1"],"kind":"text","text":{"pi":"Sotāpattimagge pañcindriyāni diṭṭhekaṭṭhehi kilesehi nissaṭāni honti, sakadāgāmimagge pañcindriyāni oḷārikehi kilesehi nissaṭāni honti, anāgāmimagge pañcindriyāni anusahagatehi kilesehi nissaṭāni honti, arahattamagge pañcindriyāni sabbakilesehi nissaṭāni honti, sabbesaññeva khīṇāsavānaṁ tattha tattha pañcindriyāni nissaṭāni ceva honti sunissaṭāni ca paṭippassaddhāni ca suppaṭippassaddhāni ca."}},{"id":"ps1.4:43","sourceIds":["ps1.4:43.1","ps1.4:43.2","ps1.4:43.3","ps1.4:43.4"],"kind":"text","text":{"pi":"Imehi asītisataṁ ākārehi pañcannaṁ indriyānaṁ nissaraṇaṁ hoti;\nimehi asītisataṁ ākārehi pañcannaṁ indriyānaṁ nissaraṇaṁ pajānāti.\nSuttantaniddeso dutiyo.\nPaṭhamabhāṇavāro."}},{"id":"ps1.4:44","sourceIds":["ps1.4:44.0","ps1.4:44.1","ps1.4:44.2","ps1.4:44.3","ps1.4:44.4","ps1.4:44.5","ps1.4:44.6","ps1.4:44.7","ps1.4:44.8","ps1.4:44.9","ps1.4:44.10","ps1.4:44.11","ps1.4:44.12","ps1.4:44.13","ps1.4:44.14","ps1.4:44.15","ps1.4:44.16","ps1.4:44.17","ps1.4:44.18","ps1.4:44.19"],"kind":"text","text":{"pi":"1.4.3. Tatiyasuttantaniddesa\nSāvatthinidānaṁ.\n“Pañcimāni, bhikkhave, indriyāni.\nKatamāni pañca?\nSaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ.\nKattha ca, bhikkhave, saddhindriyaṁ daṭṭhabbaṁ?\nCatūsu sotāpattiyaṅgesu—\nettha saddhindriyaṁ daṭṭhabbaṁ.\nKattha ca, bhikkhave, vīriyindriyaṁ daṭṭhabbaṁ?\nCatūsu sammappadhānesu—\nettha vīriyindriyaṁ daṭṭhabbaṁ.\nKattha ca, bhikkhave, satindriyaṁ daṭṭhabbaṁ?\nCatūsu satipaṭṭhānesu—\nettha satindriyaṁ daṭṭhabbaṁ.\nKattha ca, bhikkhave, samādhindriyaṁ daṭṭhabbaṁ?\nCatūsu jhānesu—\nettha samādhindriyaṁ daṭṭhabbaṁ.\nKattha ca, bhikkhave, paññindriyaṁ daṭṭhabbaṁ?\nCatūsu ariyasaccesu—\nettha paññindriyaṁ daṭṭhabbaṁ”."}},{"id":"ps1.4:45","sourceIds":["ps1.4:45.1","ps1.4:45.2","ps1.4:45.3","ps1.4:45.4","ps1.4:45.5"],"kind":"text","text":{"pi":"Catūsu sotāpattiyaṅgesu saddhindriyassa vasena katihākārehi pañcindriyāni daṭṭhabbāni?\nCatūsu sammappadhānesu vīriyindriyassa vasena katihākārehi pañcindriyāni daṭṭhabbāni?\nCatūsu satipaṭṭhānesu satindriyassa vasena katihākārehi pañcindriyāni daṭṭhabbāni?\nCatūsu jhānesu samādhindriyassa vasena katihākārehi pañcindriyāni daṭṭhabbāni?\nCatūsu ariyasaccesu paññindriyassa vasena katihākārehi pañcindriyāni daṭṭhabbāni?"}},{"id":"ps1.4:46","sourceIds":["ps1.4:46.1","ps1.4:46.2","ps1.4:46.3","ps1.4:46.4","ps1.4:46.5"],"kind":"text","text":{"pi":"Catūsu sotāpattiyaṅgesu saddhindriyassa vasena vīsatiyā ākārehi pañcindriyāni daṭṭhabbāni.\nCatūsu sammappadhānesu vīriyindriyassa vasena vīsatiyā ākārehi pañcindriyāni daṭṭhabbāni.\nCatūsu satipaṭṭhānesu satindriyassa vasena vīsatiyā ākārehi pañcindriyāni daṭṭhabbāni.\nCatūsu jhānesu samādhindriyassa vasena vīsatiyā ākārehi pañcindriyāni daṭṭhabbāni.\nCatūsu ariyasaccesu paññindriyassa vasena vīsatiyā ākārehi pañcindriyāni daṭṭhabbāni."}},{"id":"ps1.4:47","sourceIds":["ps1.4:47.0","ps1.4:47.1","ps1.4:47.2","ps1.4:47.3","ps1.4:47.4","ps1.4:47.5","ps1.4:47.6"],"kind":"text","text":{"pi":"1.4.3.1. Pabhedagaṇananiddesa\nCatūsu sotāpattiyaṅgesu saddhindriyassa vasena katamehi vīsatiyā ākārehi pañcindriyāni daṭṭhabbāni?\nSappurisasaṁseve sotāpattiyaṅge adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ;\nsaddhammasavane sotāpattiyaṅge …\nyonisomanasikāre sotāpattiyaṅge …\ndhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.\nCatūsu sotāpattiyaṅgesu saddhindriyassa vasena imehi vīsatiyā ākārehi pañcindriyāni daṭṭhabbāni."}},{"id":"ps1.4:48","sourceIds":["ps1.4:48.1","ps1.4:48.2","ps1.4:48.3","ps1.4:48.4","ps1.4:48.5","ps1.4:48.6"],"kind":"text","text":{"pi":"Catūsu sammappadhānesu vīriyindriyassa vasena katamehi vīsatiyā ākārehi pañcindriyāni daṭṭhabbāni?\nAnuppannānaṁ pāpakānaṁ akusalānaṁ dhammānaṁ anuppādāya sammappadhāne paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.\nUppannānaṁ pāpakānaṁ akusalānaṁ dhammānaṁ pahānāya sammappadhāne …pe…\nanuppannānaṁ kusalānaṁ dhammānaṁ uppādāya sammappadhāne …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.\nCatūsu sammappadhānesu vīriyindriyassa vasena imehi vīsatiyā ākārehi pañcindriyāni daṭṭhabbāni."}},{"id":"ps1.4:49","sourceIds":["ps1.4:49.1","ps1.4:49.2","ps1.4:49.3","ps1.4:49.4","ps1.4:49.5","ps1.4:49.6"],"kind":"text","text":{"pi":"Catūsu satipaṭṭhānesu satindriyassa vasena katamehi vīsatiyā ākārehi pañcindriyāni daṭṭhabbāni?\nKāye kāyānupassanāsatipaṭṭhāne upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.\nVedanāsu vedanānupassanāsatipaṭṭhāne …pe…\ncitte cittānupassanāsatipaṭṭhāne …\ndhammesu dhammānupassanāsatipaṭṭhāne upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.\nCatūsu satipaṭṭhānesu satindriyassa vasena imehi vīsatiyā ākārehi pañcindriyāni daṭṭhabbāni."}},{"id":"ps1.4:50","sourceIds":["ps1.4:50.1","ps1.4:50.2","ps1.4:50.3","ps1.4:50.4","ps1.4:50.5","ps1.4:50.6"],"kind":"text","text":{"pi":"Catūsu jhānesu samādhindriyassa vasena katamehi vīsatiyā ākārehi pañcindriyāni daṭṭhabbāni?\nPaṭhame jhāne avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.\nDutiye jhāne …pe…\ntatiye jhāne …\ncatutthe jhāne avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.\nCatūsu jhānesu samādhindriyassa vasena imehi vīsatiyā ākārehi pañcindriyāni daṭṭhabbāni."}},{"id":"ps1.4:51","sourceIds":["ps1.4:51.1","ps1.4:51.2","ps1.4:51.3","ps1.4:51.4","ps1.4:51.5","ps1.4:51.6"],"kind":"text","text":{"pi":"Catūsu ariyasaccesu paññindriyassa vasena katamehi vīsatiyā ākārehi pañcindriyāni daṭṭhabbāni?\nDukkhe ariyasacce dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.\nDukkhasamudaye ariyasacce …pe…\ndukkhanirodhe ariyasacce …\ndukkhanirodhagāminiyā paṭipadāya ariyasacce dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.\nCatūsu ariyasaccesu paññindriyassa vasena imehi vīsatiyā ākārehi pañcindriyāni daṭṭhabbāni."}},{"id":"ps1.4:52","sourceIds":["ps1.4:52.0","ps1.4:52.1"],"kind":"text","text":{"pi":"1.4.3.2. Cariyavāra\nCatūsu sotāpattiyaṅgesu saddhindriyassa vasena katihākārehi pañcannaṁ indriyānaṁ cariyā daṭṭhabbā?"}},{"id":"ps1.4:53","sourceIds":["ps1.4:53.1","ps1.4:53.2","ps1.4:53.3","ps1.4:53.4","ps1.4:53.5","ps1.4:53.6","ps1.4:53.7","ps1.4:53.8","ps1.4:53.9"],"kind":"text","text":{"pi":"Catūsu sammappadhānesu …pe…\ncatūsu satipaṭṭhānesu …\ncatūsu jhānesu …\ncatūsu ariyasaccesu paññindriyassa vasena katihākārehi pañcannaṁ indriyānaṁ cariyā daṭṭhabbā?\nCatūsu sotāpattiyaṅgesu saddhindriyassa vasena vīsatiyā ākārehi pañcannaṁ indriyānaṁ cariyā daṭṭhabbā.\nCatūsu sammappadhānesu …pe…\ncatūsu satipaṭṭhānesu …\ncatūsu jhānesu …\ncatūsu ariyasaccesu paññindriyassa vasena vīsatiyā ākārehi pañcannaṁ indriyānaṁ cariyā daṭṭhabbā."}},{"id":"ps1.4:54","sourceIds":["ps1.4:54.1","ps1.4:54.2","ps1.4:54.3","ps1.4:54.4","ps1.4:54.5","ps1.4:54.6"],"kind":"text","text":{"pi":"Catūsu sotāpattiyaṅgesu saddhindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?\nSappurisasaṁseve sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā.\nSaddhammasavane sotāpattiyaṅge …pe…\nyoniso manasikāre sotāpattiyaṅge …\ndhammānudhammapaṭipattiyā sotāpattiyaṅge adhimokkhādhipateyyaṭṭhena saddhindriyassa cariyā daṭṭhabbā, saddhindriyassa vasena paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā.\nCatūsu sotāpattiyaṅgesu saddhindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā."}},{"id":"ps1.4:55","sourceIds":["ps1.4:55.1","ps1.4:55.2","ps1.4:55.3","ps1.4:55.4","ps1.4:55.5","ps1.4:55.6"],"kind":"text","text":{"pi":"Catūsu sammappadhānesu vīriyindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?\nAnuppannānaṁ pāpakānaṁ akusalānaṁ dhammānaṁ anuppādāya sammappadhāne paggahādhipateyyaṭṭhena vīriyindriyassa cariyā daṭṭhabbā, vīriyindriyassa vasena upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā.\nUppannānaṁ pāpakānaṁ akusalānaṁ dhammānaṁ pahānāya sammappadhāne …pe…\nanuppannānaṁ kusalānaṁ dhammānaṁ uppādāya sammappadhāne …pe…\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā sammappadhāne paggahādhipateyyaṭṭhena vīriyindriyassa cariyā daṭṭhabbā …pe…\ncatūsu sammappadhānesu vīriyindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā."}},{"id":"ps1.4:56","sourceIds":["ps1.4:56.1","ps1.4:56.2","ps1.4:56.3","ps1.4:56.4","ps1.4:56.5","ps1.4:56.6"],"kind":"text","text":{"pi":"Catūsu satipaṭṭhānesu satindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?\nKāye kāyānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā, satindriyassa vasena avikkhepaṭṭhena samādhindriyassa cariyā daṭṭhabbā, dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā.\nVedanāsu vedanānupassanāsatipaṭṭhāne …pe…\ncitte cittānupassanāsatipaṭṭhāne …pe…\ndhammesu dhammānupassanāsatipaṭṭhāne upaṭṭhānādhipateyyaṭṭhena satindriyassa cariyā daṭṭhabbā …pe…\ncatūsu satipaṭṭhānesu satindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā."}},{"id":"ps1.4:57","sourceIds":["ps1.4:57.1","ps1.4:57.2","ps1.4:57.3","ps1.4:57.4","ps1.4:57.5","ps1.4:57.6"],"kind":"text","text":{"pi":"Catūsu jhānesu samādhindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?\nPaṭhame jhāne avikkhepādhipateyyaṭṭhena samādhindriyassa cariyā daṭṭhabbā, samādhindriyassa vasena dassanaṭṭhena paññindriyassa cariyā daṭṭhabbā, adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā.\nDutiye jhāne …pe…\ntatiye jhāne …pe…\ncatutthe jhāne avikkhepādhipateyyaṭṭhena samādhindriyassa cariyā daṭṭhabbā …pe…\ncatūsu jhānesu samādhindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā."}},{"id":"ps1.4:58","sourceIds":["ps1.4:58.1","ps1.4:58.2","ps1.4:58.3","ps1.4:58.4","ps1.4:58.5","ps1.4:58.6"],"kind":"text","text":{"pi":"Catūsu ariyasaccesu paññindriyassa vasena katamehi vīsatiyā ākārehi pañcannaṁ indriyānaṁ cariyā daṭṭhabbā?\nDukkhe ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā.\nDukkhasamudaye ariyasacce …pe…\ndukkhanirodhe ariyasacce …\ndukkhanirodhagāminiyā paṭipadāya ariyasacce dassanādhipateyyaṭṭhena paññindriyassa cariyā daṭṭhabbā, paññindriyassa vasena adhimokkhaṭṭhena saddhindriyassa cariyā daṭṭhabbā, paggahaṭṭhena vīriyindriyassa cariyā daṭṭhabbā, upaṭṭhānaṭṭhena satindriyassa cariyā daṭṭhabbā, avikkhepaṭṭhena samādhindriyassa cariyā daṭṭhabbā.\nCatūsu ariyasaccesu paññindriyassa vasena imehi vīsatiyā ākārehi pañcannaṁ indriyānaṁ cariyā daṭṭhabbā."}},{"id":"ps1.4:59","sourceIds":["ps1.4:59.0","ps1.4:59.1","ps1.4:59.2"],"kind":"text","text":{"pi":"1.4.3.3. Cāravihāraniddesa\nCāro ca vihāro ca anubuddho hoti paṭividdho, yathācarantaṁ yathāviharantaṁ viññū sabrahmacārī gambhīresu ṭhānesu okappeyyuṁ—\n“addhā, ayamāyasmā patto vā pāpuṇissati vā”."}},{"id":"ps1.4:60","sourceIds":["ps1.4:60.1","ps1.4:60.2","ps1.4:60.3","ps1.4:60.4","ps1.4:60.5","ps1.4:60.6","ps1.4:60.7","ps1.4:60.8","ps1.4:60.9","ps1.4:60.10","ps1.4:60.11","ps1.4:60.12"],"kind":"text","text":{"pi":"Cariyāti aṭṭha cariyāyo—\niriyāpathacariyā, āyatanacariyā, saticariyā, samādhicariyā, ñāṇacariyā, maggacariyā, patticariyā, lokatthacariyāti.\nIriyāpathacariyāti catūsu iriyāpathesu.\nĀyatanacariyāti chasu ajjhattikabāhiresu āyatanesu.\nSaticariyāti catūsu satipaṭṭhānesu.\nSamādhicariyāti catūsu jhānesu.\nÑāṇacariyāti catūsu ariyasaccesu.\nMaggacariyāti catūsu ariyamaggesu.\nPatticariyāti catūsu sāmaññaphalesu.\nLokatthacariyāti tathāgatesu arahantesu sammāsambuddhesu, padese paccekabuddhesu, padese sāvakesu.\nIriyāpathacariyā ca paṇidhisampannānaṁ, āyatanacariyā ca indriyesu guttadvārānaṁ, saticariyā ca appamādavihārīnaṁ, samādhicariyā ca adhicittamanuyuttānaṁ, ñāṇacariyā ca buddhisampannānaṁ, maggacariyā ca sammāpaṭipannānaṁ, patticariyā ca adhigataphalānaṁ, lokatthacariyā ca tathāgatānaṁ arahantānaṁ sammāsambuddhānaṁ, padese paccekabuddhānaṁ, padese sāvakānaṁ.\nImā aṭṭha cariyāyo."}},{"id":"ps1.4:61","sourceIds":["ps1.4:61.1","ps1.4:61.2","ps1.4:61.3"],"kind":"text","text":{"pi":"Aparāpi aṭṭha cariyāyo.\nAdhimuccanto saddhāya carati, paggaṇhanto vīriyena carati, upaṭṭhāpento satiyā carati, avikkhepaṁ karonto samādhinā carati, pajānanto paññāya carati, vijānanto viññāṇacariyāya carati, evaṁ paṭipannassa kusalā dhammā āyāpentīti āyatanacariyāya carati, evaṁ paṭipanno visesamadhigacchatīti visesacariyāya carati—\nimā aṭṭha cariyāyo."}},{"id":"ps1.4:62","sourceIds":["ps1.4:62.1","ps1.4:62.2","ps1.4:62.3"],"kind":"text","text":{"pi":"Aparāpi aṭṭha cariyāyo.\nDassanacariyā ca sammādiṭṭhiyā, abhiniropanacariyā ca sammāsaṅkappassa, pariggahacariyā ca sammāvācāya, samuṭṭhānacariyā ca sammākammantassa, vodānacariyā ca sammāājīvassa, paggahacariyā ca sammāvāyāmassa, upaṭṭhānacariyā ca sammāsatiyā, avikkhepacariyā ca sammāsamādhissa—\nimā aṭṭha cariyāyo."}},{"id":"ps1.4:63","sourceIds":["ps1.4:63.1"],"kind":"text","text":{"pi":"Vihāroti adhimuccanto saddhāya viharati, paggaṇhanto vīriyena viharati, upaṭṭhāpento satiyā viharati, avikkhepaṁ karonto samādhinā viharati, pajānanto paññāya viharati."}},{"id":"ps1.4:64","sourceIds":["ps1.4:64.1"],"kind":"text","text":{"pi":"Anubuddhoti saddhindriyassa adhimokkhaṭṭho anubuddho hoti, vīriyindriyassa paggahaṭṭho anubuddho hoti, satindriyassa upaṭṭhānaṭṭho anubuddho hoti, samādhindriyassa avikkhepaṭṭho anubuddho hoti, paññindriyassa dassanaṭṭho anubuddho hoti."}},{"id":"ps1.4:65","sourceIds":["ps1.4:65.1","ps1.4:65.2","ps1.4:65.3","ps1.4:65.4","ps1.4:65.5","ps1.4:65.6","ps1.4:65.7","ps1.4:65.8","ps1.4:65.9","ps1.4:65.10","ps1.4:65.11","ps1.4:65.12","ps1.4:65.13","ps1.4:65.14"],"kind":"text","text":{"pi":"Paṭividdhoti saddhindriyassa adhimokkhaṭṭho paṭividdho hoti, vīriyindriyassa paggahaṭṭho paṭividdho hoti, satindriyassa upaṭṭhānaṭṭho paṭividdho hoti, samādhindriyassa avikkhepaṭṭho paṭividdho hoti, paññindriyassa dassanaṭṭho paṭividdho hoti.\nYathācarantanti evaṁ saddhāya carantaṁ, evaṁ vīriyena carantaṁ, evaṁ satiyā carantaṁ, evaṁ samādhinā carantaṁ, evaṁ paññāya carantaṁ.\nYathāviharantanti evaṁ saddhāya viharantaṁ, evaṁ vīriyena viharantaṁ, evaṁ satiyā viharantaṁ, evaṁ samādhinā viharantaṁ, evaṁ paññāya viharantaṁ.\nViññūti viññū vibhāvī medhāvī paṇḍitā buddhisampannā.\nSabrahmacārīti ekakammaṁ ekuddeso samasikkhatā.\nGambhīresu ṭhānesūti gambhīrāni ṭhānāni vuccanti jhānā ca vimokkhā ca samādhī ca samāpattiyo ca maggā ca phalāni ca abhiññāyo ca paṭisambhidā ca.\nOkappeyyunti saddaheyyuṁ adhimucceyyuṁ.\nAddhāti ekaṁsavacanametaṁ nissaṁsayavacanametaṁ nikkaṅkhavacanametaṁ advejjhavacanametaṁ adveḷhakavacanametaṁ niyogavacanametaṁ apaṇṇakavacanametaṁ avatthāpanavacanametaṁ—\naddhāti.\nĀyasmāti piyavacanametaṁ garuvacanametaṁ sagāravasappatissādhivacanametaṁ—\nāyasmāti.\nPatto vāti adhigato vā.\nPāpuṇissati vāti adhigamissati vā.\nSuttantaniddeso tatiyo."}},{"id":"ps1.4:66","sourceIds":["ps1.4:66.0","ps1.4:66.1","ps1.4:66.2","ps1.4:66.3","ps1.4:66.4","ps1.4:66.5","ps1.4:66.6","ps1.4:66.7","ps1.4:66.8"],"kind":"text","text":{"pi":"1.4.4. Catutthasuttantaniddesa\nPurimanidānaṁ.\n“Pañcimāni, bhikkhave, indriyāni.\nKatamāni pañca?\nSaddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ—\nimāni kho, bhikkhave, pañcindriyāni.\nImāni pañcindriyāni katihākārehi kenaṭṭhena daṭṭhabbāni?\nImāni pañcindriyāni chahākārehi tenaṭṭhena daṭṭhabbāni—\nādhipateyyaṭṭhena ādivisodhanaṭṭhena adhimattaṭṭhena, adhiṭṭhānaṭṭhena, pariyādānaṭṭhena, patiṭṭhāpakaṭṭhena”."}},{"id":"ps1.4:67","sourceIds":["ps1.4:67.0","ps1.4:67.1","ps1.4:67.2","ps1.4:67.3","ps1.4:67.4","ps1.4:67.5","ps1.4:67.6"],"kind":"text","text":{"pi":"1.4.4.1. Ādhipateyyaṭṭhaniddesa\nKathaṁ ādhipateyyaṭṭhena indriyāni daṭṭhabbāni?\nAssaddhiyaṁ pajahato adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.\nKosajjaṁ pajahato paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.\nPamādaṁ pajahato upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.\nUddhaccaṁ pajahato avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.\nAvijjaṁ pajahato dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ."}},{"id":"ps1.4:68","sourceIds":["ps1.4:68.1","ps1.4:68.2","ps1.4:68.3","ps1.4:68.4","ps1.4:68.5"],"kind":"text","text":{"pi":"Kāmacchandaṁ pajahato nekkhammavasena adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ.\nKāmacchandaṁ pajahato nekkhammavasena paggahādhipateyyaṭṭhena vīriyindriyaṁ daṭṭhabbaṁ, vīriyindriyassa vasena upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ.\nKāmacchandaṁ pajahato nekkhammavasena upaṭṭhānādhipateyyaṭṭhena satindriyaṁ daṭṭhabbaṁ, satindriyassa vasena avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ.\nKāmacchandaṁ pajahato nekkhammavasena avikkhepādhipateyyaṭṭhena samādhindriyaṁ daṭṭhabbaṁ, samādhindriyassa vasena dassanaṭṭhena paññindriyaṁ daṭṭhabbaṁ, adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ.\nKāmacchandaṁ pajahato nekkhammavasena dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ."}},{"id":"ps1.4:69","sourceIds":["ps1.4:69.1","ps1.4:69.2","ps1.4:69.3","ps1.4:69.4","ps1.4:69.5"],"kind":"text","text":{"pi":"Byāpādaṁ pajahato abyāpādavasena …pe…\nthinamiddhaṁ pajahato ālokasaññāvasena …pe…\nsabbakilese pajahato arahattamaggavasena adhimokkhādhipateyyaṭṭhena saddhindriyaṁ daṭṭhabbaṁ, saddhindriyassa vasena paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ, dassanaṭṭhena paññindriyaṁ daṭṭhabbaṁ …pe…\nsabbakilese pajahato arahattamaggavasena dassanādhipateyyaṭṭhena paññindriyaṁ daṭṭhabbaṁ, paññindriyassa vasena adhimokkhaṭṭhena saddhindriyaṁ daṭṭhabbaṁ, paggahaṭṭhena vīriyindriyaṁ daṭṭhabbaṁ, upaṭṭhānaṭṭhena satindriyaṁ daṭṭhabbaṁ, avikkhepaṭṭhena samādhindriyaṁ daṭṭhabbaṁ.\nEvaṁ ādhipateyyaṭṭhena indriyāni daṭṭhabbāni."}},{"id":"ps1.4:70","sourceIds":["ps1.4:70.0","ps1.4:70.1","ps1.4:70.2","ps1.4:70.3","ps1.4:70.4","ps1.4:70.5","ps1.4:70.6","ps1.4:70.7","ps1.4:70.8","ps1.4:70.9","ps1.4:70.10","ps1.4:70.11","ps1.4:70.12","ps1.4:70.13","ps1.4:70.14","ps1.4:70.15","ps1.4:70.16","ps1.4:70.17","ps1.4:70.18"],"kind":"text","text":{"pi":"1.4.4.2. Ādivisodhanaṭṭhaniddesa\nKathaṁ ādivisodhanaṭṭhena indriyāni daṭṭhabbāni?\nAdhimokkhaṭṭhena saddhindriyaṁ, assaddhiyasaṁvaraṭṭhena sīlavisuddhi—\nsaddhindriyassa ādivisodhanā.\nPaggahaṭṭhena vīriyindriyaṁ, kosajjasaṁvaraṭṭhena sīlavisuddhi—\nvīriyindriyassa ādivisodhanā.\nUpaṭṭhānaṭṭhena satindriyaṁ, pamādasaṁvaraṭṭhena sīlavisuddhi—\nsatindriyassa ādivisodhanā.\nAvikkhepaṭṭhena samādhindriyaṁ, uddhaccasaṁvaraṭṭhena sīlavisuddhi—\nsamādhindriyassa ādivisodhanā.\nDassanaṭṭhena paññindriyaṁ, avijjāsaṁvaraṭṭhena sīlavisuddhi—\npaññindriyassa ādivisodhanā.\nNekkhamme pañcindriyāni, kāmacchandasaṁvaraṭṭhena sīlavisuddhi—\npañcannaṁ indriyānaṁ ādivisodhanā.\nAbyāpāde pañcindriyāni, byāpādasaṁvaraṭṭhena sīlavisuddhi—\npañcannaṁ indriyānaṁ ādivisodhanā …pe…\narahattamagge pañcindriyāni, sabbakilesasaṁvaraṭṭhena sīlavisuddhi—\npañcannaṁ indriyānaṁ ādivisodhanā.\nEvaṁ ādivisodhanaṭṭhena indriyāni daṭṭhabbāni."}},{"id":"ps1.4:71","sourceIds":["ps1.4:71.0","ps1.4:71.1","ps1.4:71.2","ps1.4:71.3","ps1.4:71.4","ps1.4:71.5","ps1.4:71.6","ps1.4:71.7","ps1.4:71.8","ps1.4:71.9","ps1.4:71.10","ps1.4:71.11","ps1.4:71.12","ps1.4:71.13","ps1.4:71.14","ps1.4:71.15","ps1.4:71.16","ps1.4:71.17","ps1.4:71.18","ps1.4:71.19","ps1.4:71.20","ps1.4:71.21","ps1.4:71.22","ps1.4:71.23","ps1.4:71.24","ps1.4:71.25","ps1.4:71.26","ps1.4:71.27","ps1.4:71.28","ps1.4:71.29","ps1.4:71.30","ps1.4:71.31"],"kind":"text","text":{"pi":"1.4.4.3. Adhimattaṭṭhaniddesa\nKathaṁ adhimattaṭṭhena indriyāni daṭṭhabbāni?\nSaddhindriyassa bhāvanāya chando uppajjati—\nchandavasena saddhāvasena saddhindriyaṁ adhimattaṁ hoti.\nChandavasena pāmojjaṁ uppajjati—\npāmojjavasena saddhāvasena saddhindriyaṁ adhimattaṁ hoti.\nPāmojjavasena pīti uppajjati—\npītivasena saddhāvasena saddhindriyaṁ adhimattaṁ hoti.\nPītivasena passaddhi uppajjati—\npassaddhivasena saddhāvasena saddhindriyaṁ adhimattaṁ hoti.\nPassaddhivasena sukhaṁ uppajjati—\nsukhavasena saddhāvasena saddhindriyaṁ adhimattaṁ hoti.\nSukhavasena obhāso uppajjati—\nobhāsavasena saddhāvasena saddhindriyaṁ adhimattaṁ hoti.\nObhāsavasena saṁvego uppajjati—\nsaṁvegavasena saddhāvasena saddhindriyaṁ adhimattaṁ hoti.\nSaṁvejetvā cittaṁ samādahati—\nsamādhivasena saddhāvasena saddhindriyaṁ adhimattaṁ hoti.\nTathā samāhitaṁ cittaṁ sādhukaṁ paggaṇhāti—\npaggahavasena saddhāvasena saddhindriyaṁ adhimattaṁ hoti.\nTathāpaggahitaṁ cittaṁ sādhukaṁ ajjhupekkhati—\nupekkhāvasena saddhāvasena saddhindriyaṁ adhimattaṁ hoti.\nUpekkhāvasena nānattakilesehi cittaṁ vimuccati—\nvimokkhavasena saddhāvasena saddhindriyaṁ adhimattaṁ hoti.\nVimuttattā te dhammā ekarasā honti—\nekarasaṭṭhena bhāvanāvasena saddhāvasena saddhindriyaṁ adhimattaṁ hoti.\nBhāvitattā tato paṇītatare vivaṭṭanti—\nvivaṭṭanāvasena saddhāvasena saddhindriyaṁ adhimattaṁ hoti.\nVivaṭṭitattā tato vosajjati—\nvosaggavasena saddhāvasena saddhindriyaṁ adhimattaṁ hoti.\nVosajjitattā tato nirujjhanti—\nnirodhavasena saddhāvasena saddhindriyaṁ adhimattaṁ hoti."}},{"id":"ps1.4:72","sourceIds":["ps1.4:72.1","ps1.4:72.2","ps1.4:72.3","ps1.4:72.4","ps1.4:72.5","ps1.4:72.6","ps1.4:72.7"],"kind":"text","text":{"pi":"Nirodhavasena dve vosaggā—\npariccāgavosaggo ca, pakkhandanavosaggo ca.\nKilese ca khandhe ca pariccajatīti—\npariccāgavosaggo.\nNirodhanibbānadhātuyā cittaṁ pakkhandatīti—\npakkhandanavosaggo.\nNirodhavasena ime dve vosaggā."}},{"id":"ps1.4:73","sourceIds":["ps1.4:73.1","ps1.4:73.2","ps1.4:73.3","ps1.4:73.4","ps1.4:73.5","ps1.4:73.6","ps1.4:73.7","ps1.4:73.8","ps1.4:73.9","ps1.4:73.10","ps1.4:73.11","ps1.4:73.12","ps1.4:73.13","ps1.4:73.14","ps1.4:73.15","ps1.4:73.16","ps1.4:73.17","ps1.4:73.18","ps1.4:73.19","ps1.4:73.20","ps1.4:73.21","ps1.4:73.22","ps1.4:73.23","ps1.4:73.24","ps1.4:73.25","ps1.4:73.26","ps1.4:73.27","ps1.4:73.28","ps1.4:73.29","ps1.4:73.30","ps1.4:73.31","ps1.4:73.32","ps1.4:73.33","ps1.4:73.34","ps1.4:73.35","ps1.4:73.36","ps1.4:73.37","ps1.4:73.38","ps1.4:73.39","ps1.4:73.40","ps1.4:73.41","ps1.4:73.42","ps1.4:73.43","ps1.4:73.44","ps1.4:73.45","ps1.4:73.46","ps1.4:73.47","ps1.4:73.48","ps1.4:73.49","ps1.4:73.50","ps1.4:73.51","ps1.4:73.52","ps1.4:73.53","ps1.4:73.54","ps1.4:73.55"],"kind":"text","text":{"pi":"Assaddhiyassa pahānāya chando uppajjati …pe…\nassaddhiyapariḷāhassa pahānāya chando uppajjati …\ndiṭṭhekaṭṭhānaṁ kilesānaṁ pahānāya chando uppajjati …\noḷārikānaṁ kilesānaṁ pahānāya chando uppajjati …\nanusahagatānaṁ kilesānaṁ pahānāya chando uppajjati …\nsabbakilesānaṁ pahānāya chando uppajjati—\nchandavasena saddhāvasena saddhindriyaṁ adhimattaṁ hoti …pe…\nvīriyindriyassa bhāvanāya chando uppajjati …pe…\nkosajjassa pahānāya chando uppajjati …\nkosajjapariḷāhassa pahānāya chando uppajjati …\ndiṭṭhekaṭṭhānaṁ kilesānaṁ pahānāya chando uppajjati …pe…\nsabbakilesānaṁ pahānāya chando uppajjati …\nsatindriyassa bhāvanāya chando uppajjati …pe…\npamādassa pahānāya chando uppajjati …\npamādapariḷāhassa pahānāya chando uppajjati …pe…\nsabbakilesānaṁ pahānāya chando uppajjati …\nsamādhindriyassa bhāvanāya chando uppajjati …pe…\nuddhaccassa pahānāya chando uppajjati uddhaccapariḷāhassa pahānāya chando uppajjati …pe…\nsabbakilesānaṁ pahānāya chando uppajjati …\npaññindriyassa bhāvanāya chando uppajjati …pe…\navijjāya pahānāya chando uppajjati …\navijjāpariḷāhassa pahānāya chando uppajjati …\ndiṭṭhekaṭṭhānaṁ kilesānaṁ pahānāya chando uppajjati …\noḷārikānaṁ kilesānaṁ pahānāya chando uppajjati …\nanusahagatānaṁ kilesānaṁ pahānāya chando uppajjati …\nsabbakilesānaṁ pahānāya chando uppajjati—\nchandavasena paññāvasena paññindriyaṁ adhimattaṁ hoti.\nChandavasena pāmojjaṁ uppajjati—\npāmojjavasena paññāvasena paññindriyaṁ adhimattaṁ hoti.\nPāmojjavasena pīti uppajjati—\npītivasena paññāvasena paññindriyaṁ adhimattaṁ hoti.\nPītivasena passaddhi uppajjati—\npassaddhivasena paññāvasena paññindriyaṁ adhimattaṁ hoti.\nPassaddhivasena sukhaṁ uppajjati—\nsukhavasena paññāvasena paññindriyaṁ adhimattaṁ hoti.\nSukhavasena obhāso uppajjati—\nobhāsavasena paññāvasena paññindriyaṁ adhimattaṁ hoti.\nObhāsavasena saṁvego uppajjati—\nsaṁvegavasena paññāvasena paññindriyaṁ adhimattaṁ hoti.\nSaṁvejetvā cittaṁ samādahati—\nsamādhivasena paññāvasena paññindriyaṁ adhimattaṁ hoti.\nTathāsamāhitaṁ cittaṁ sādhukaṁ paggaṇhāti—\npaggahavasena paññāvasena paññindriyaṁ adhimattaṁ hoti.\nTathāpaggahitaṁ cittaṁ sādhukaṁ ajjhupekkhati—\nupekkhāvasena paññāvasena paññindriyaṁ adhimattaṁ hoti.\nUpekkhāvasena nānattakilesehi cittaṁ vimuccati—\nvimokkhavasena paññāvasena paññindriyaṁ adhimattaṁ hoti.\nVimuttattā te dhammā ekarasā honti—\nbhāvanāvasena paññāvasena paññindriyaṁ adhimattaṁ hoti.\nBhāvitattā tato paṇītatare vivaṭṭanti—\nvivaṭṭanāvasena paññāvasena paññindriyaṁ adhimattaṁ hoti.\nVivaṭṭitattā tato vosajjati—\nvosaggavasena paññāvasena paññindriyaṁ adhimattaṁ hoti.\nVosajjitattā tato nirujjhanti—\nnirodhavasena paññāvasena paññindriyaṁ adhimattaṁ hoti."}},{"id":"ps1.4:74","sourceIds":["ps1.4:74.1","ps1.4:74.2","ps1.4:74.3","ps1.4:74.4","ps1.4:74.5","ps1.4:74.6","ps1.4:74.7","ps1.4:74.8","ps1.4:74.9"],"kind":"text","text":{"pi":"Nirodhavasena dve vosaggā—\npariccāgavosaggo ca, pakkhandanavosaggo ca.\nKilese ca khandhe ca pariccajatīti—\npariccāgavosaggo.\nNirodhanibbānadhātuyā cittaṁ pakkhandatīti—\npakkhandanavosaggo.\nNirodhavasena ime dve vosaggā.\nEvaṁ adhimattaṭṭhena indriyāni daṭṭhabbāni.\nDutiyabhāṇavāro."}},{"id":"ps1.4:75","sourceIds":["ps1.4:75.0","ps1.4:75.1","ps1.4:75.2","ps1.4:75.3","ps1.4:75.4","ps1.4:75.5","ps1.4:75.6"],"kind":"text","text":{"pi":"1.4.4.4. Adhiṭṭhānaṭṭhaniddesa\nKathaṁ adhiṭṭhānaṭṭhena indriyāni daṭṭhabbāni?\nSaddhindriyassa bhāvanāya chando uppajjati—\nchandavasena saddhāvasena saddhindriyaṁ adhiṭṭhāti.\nChandavasena pāmojjaṁ uppajjati—\npāmojjavasena saddhāvasena saddhindriyaṁ adhiṭṭhāti …pe…\nevaṁ adhiṭṭhānaṭṭhena indriyāni daṭṭhabbāni."}},{"id":"ps1.4:76","sourceIds":["ps1.4:76.0","ps1.4:76.1","ps1.4:76.2","ps1.4:76.3","ps1.4:76.4","ps1.4:76.5","ps1.4:76.6","ps1.4:76.7","ps1.4:76.8","ps1.4:76.9","ps1.4:76.10","ps1.4:76.11","ps1.4:76.12"],"kind":"text","text":{"pi":"1.4.4.5. Pariyādānaṭṭhaniddesa\nKathaṁ pariyādānaṭṭhena indriyāni daṭṭhabbāni?\nAdhimokkhaṭṭhena saddhindriyaṁ assaddhiyaṁ pariyādiyati, assaddhiyapariḷāhaṁ pariyādiyati.\nPaggahaṭṭhena vīriyindriyaṁ kosajjaṁ pariyādiyati, kosajjapariḷāhaṁ pariyādiyati.\nUpaṭṭhānaṭṭhena satindriyaṁ pamādaṁ pariyādiyati, pamādapariḷāhaṁ pariyādiyati.\nAvikkhepaṭṭhena samādhindriyaṁ uddhaccaṁ pariyādiyati, uddhaccapariḷāhaṁ pariyādiyati.\nDassanaṭṭhena paññindriyaṁ avijjaṁ pariyādiyati, avijjāpariḷāhaṁ pariyādiyati.\nNekkhamme pañcindriyāni kāmacchandaṁ pariyādiyanti.\nAbyāpāde pañcindriyāni byāpādaṁ pariyādiyanti.\nĀlokasaññāya pañcindriyāni thinamiddhaṁ pariyādiyanti.\nAvikkhepe pañcindriyāni uddhaccaṁ pariyādiyanti …pe…\narahattamagge pañcindriyāni sabbakilese pariyādiyanti.\nEvaṁ pariyādānaṭṭhena indriyāni daṭṭhabbāni."}},{"id":"ps1.4:77","sourceIds":["ps1.4:77.0","ps1.4:77.1","ps1.4:77.2","ps1.4:77.3","ps1.4:77.4","ps1.4:77.5","ps1.4:77.6","ps1.4:77.7","ps1.4:77.8","ps1.4:77.9","ps1.4:77.10","ps1.4:77.11","ps1.4:77.12","ps1.4:77.13"],"kind":"text","text":{"pi":"1.4.4.6. Patiṭṭhāpakaṭṭhaniddesa\nKathaṁ patiṭṭhāpakaṭṭhena indriyāni daṭṭhabbāni?\nSaddho saddhindriyaṁ adhimokkhe patiṭṭhāpeti, saddhassa saddhindriyaṁ adhimokkhe patiṭṭhāpeti.\nVīriyavā vīriyindriyaṁ paggahe patiṭṭhāpeti, vīriyavato vīriyindriyaṁ paggahe patiṭṭhāpeti.\nSatimā satindriyaṁ upaṭṭhāne patiṭṭhāpeti, satimato satindriyaṁ upaṭṭhāne patiṭṭhāpeti.\nSamāhito samādhindriyaṁ avikkhepe patiṭṭhāpeti, samāhitassa samādhindriyaṁ avikkhepe patiṭṭhāpeti.\nPaññavā paññindriyaṁ dassane patiṭṭhāpeti, paññavato paññindriyaṁ dassane patiṭṭhāpeti.\nYogāvacaro pañcindriyāni nekkhamme patiṭṭhāpeti, yogāvacarassa pañcindriyāni nekkhamme patiṭṭhāpenti.\nYogāvacaro pañcindriyāni abyāpāde patiṭṭhāpeti, yogāvacarassa pañcindriyāni abyāpāde patiṭṭhāpenti.\nYogāvacaro pañcindriyāni ālokasaññāya patiṭṭhāpeti, yogāvacarassa pañcindriyāni ālokasaññāya patiṭṭhāpenti.\nYogāvacaro pañcindriyāni avikkhepe patiṭṭhāpeti, yogāvacarassa pañcindriyāni avikkhepe patiṭṭhāpenti …pe…\nyogāvacaro pañcindriyāni arahattamagge patiṭṭhāpeti, yogāvacarassa pañcindriyāni arahattamagge patiṭṭhāpenti.\nEvaṁ patiṭṭhāpakaṭṭhena indriyāni daṭṭhabbāni.\nSuttantaniddeso catuttho."}},{"id":"ps1.4:78","sourceIds":["ps1.4:78.0","ps1.4:78.1","ps1.4:78.2","ps1.4:78.3","ps1.4:78.4","ps1.4:78.5","ps1.4:78.6"],"kind":"text","text":{"pi":"1.4.5. Indriyasamodhāna\nPuthujjano samādhiṁ bhāvento katihākārehi upaṭṭhānakusalo hoti?\nSekkho samādhiṁ bhāvento katihākārehi upaṭṭhānakusalo hoti?\nVītarāgo samādhiṁ bhāvento katihākārehi upaṭṭhānakusalo hoti?\nPuthujjano samādhiṁ bhāvento sattahi ākārehi upaṭṭhānakusalo hoti.\nSekkho samādhiṁ bhāvento aṭṭhahi ākārehi upaṭṭhānakusalo hoti.\nVītarāgo samādhiṁ bhāvento dasahi ākārehi upaṭṭhānakusalo hoti."}},{"id":"ps1.4:79","sourceIds":["ps1.4:79.1","ps1.4:79.2","ps1.4:79.3"],"kind":"text","text":{"pi":"Puthujjano samādhiṁ bhāvento katamehi sattahi ākārehi upaṭṭhānakusalo hoti?\nĀvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṁsanūpaṭṭhānakusalo hoti, upekkhūpaṭṭhānakusalo hoti—\nputhujjano samādhiṁ bhāvento imehi sattahi ākārehi upaṭṭhānakusalo hoti."}},{"id":"ps1.4:80","sourceIds":["ps1.4:80.1","ps1.4:80.2","ps1.4:80.3"],"kind":"text","text":{"pi":"Sekkho samādhiṁ bhāvento katamehi aṭṭhahi ākārehi upaṭṭhānakusalo hoti?\nĀvajjitattā ārammaṇūpaṭṭhānakusalo hoti, samathanimittūpaṭṭhānakusalo hoti, paggahanimittūpaṭṭhānakusalo hoti, avikkhepūpaṭṭhānakusalo hoti, obhāsūpaṭṭhānakusalo hoti, sampahaṁsanūpaṭṭhānakusalo hoti, upekkhūpaṭṭhānakusalo hoti, ekattūpaṭṭhānakusalo hoti—\nsekkho samādhiṁ bhāvento imehi aṭṭhahi ākārehi upaṭṭhānakusalo hoti."}},{"id":"ps1.4:81","sourceIds":["ps1.4:81.1","ps1.4:81.2","ps1.4:81.3"],"kind":"text","text":{"pi":"Vītarāgo samādhiṁ bhāvento katamehi dasahi ākārehi upaṭṭhānakusalo hoti?\nĀvajjitattā ārammaṇūpaṭṭhānakusalo hoti …pe… ekattūpaṭṭhānakusalo hoti, ñāṇūpaṭṭhānakusalo hoti, vimuttūpaṭṭhānakusalo hoti—\nvītarāgo samādhiṁ bhāvento imehi dasahi ākārehi upaṭṭhānakusalo hoti."}},{"id":"ps1.4:82","sourceIds":["ps1.4:82.1","ps1.4:82.2","ps1.4:82.3"],"kind":"text","text":{"pi":"Puthujjano vipassanaṁ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?\nSekkho vipassanaṁ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?\nVītarāgo vipassanaṁ bhāvento katihākārehi upaṭṭhānakusalo hoti, katihākārehi anupaṭṭhānakusalo hoti?"}},{"id":"ps1.4:83","sourceIds":["ps1.4:83.1","ps1.4:83.2","ps1.4:83.3"],"kind":"text","text":{"pi":"Puthujjano vipassanaṁ bhāvento navahi ākārehi upaṭṭhānakusalo hoti, navahi ākārehi anupaṭṭhānakusalo hoti.\nSekkho vipassanaṁ bhāvento dasahi ākārehi upaṭṭhānakusalo hoti, dasahi ākārehi anupaṭṭhānakusalo hoti.\nVītarāgo vipassanaṁ bhāvento dvādasahi ākārehi upaṭṭhānakusalo hoti, dvādasahi ākārehi anupaṭṭhānakusalo hoti."}},{"id":"ps1.4:84","sourceIds":["ps1.4:84.1","ps1.4:84.2","ps1.4:84.3","ps1.4:84.4","ps1.4:84.5","ps1.4:84.6","ps1.4:84.7","ps1.4:84.8","ps1.4:84.9","ps1.4:84.10","ps1.4:84.11"],"kind":"text","text":{"pi":"Puthujjano vipassanaṁ bhāvento katamehi navahi ākārehi upaṭṭhānakusalo hoti, katamehi navahi ākārehi anupaṭṭhānakusalo hoti?\nAniccato upaṭṭhānakusalo hoti, niccato anupaṭṭhānakusalo hoti.\nDukkhato upaṭṭhānakusalo hoti, sukhato anupaṭṭhānakusalo hoti.\nAnattato upaṭṭhānakusalo hoti, attato anupaṭṭhānakusalo hoti.\nKhayato upaṭṭhānakusalo hoti, ghanato anupaṭṭhānakusalo hoti.\nVayato upaṭṭhānakusalo hoti, āyūhanānupaṭṭhānakusalo hoti.\nVipariṇāmūpaṭṭhānakusalo hoti, dhuvato anupaṭṭhānakusalo hoti.\nAnimittūpaṭṭhānakusalo hoti, nimittānupaṭṭhānakusalo hoti.\nAppaṇihitūpaṭṭhānakusalo hoti, paṇidhianupaṭṭhānakusalo hoti.\nSuññatūpaṭṭhānakusalo hoti, abhinivesānupaṭṭhānakusalo hoti—\nputhujjano vipassanaṁ bhāvento imehi navahi ākārehi upaṭṭhānakusalo hoti, imehi navahi ākārehi anupaṭṭhānakusalo hoti."}},{"id":"ps1.4:85","sourceIds":["ps1.4:85.1","ps1.4:85.2","ps1.4:85.3","ps1.4:85.4"],"kind":"text","text":{"pi":"Sekkho vipassanaṁ bhāvento katamehi dasahi ākārehi upaṭṭhānakusalo hoti, katamehi dasahi ākārehi anupaṭṭhānakusalo hoti?\nAniccato upaṭṭhānakusalo hoti, niccato anupaṭṭhānakusalo hoti …pe… suññatūpaṭṭhānakusalo hoti, abhinivesānupaṭṭhānakusalo hoti.\nÑāṇūpaṭṭhānakusalo hoti, añāṇānupaṭṭhānakusalo hoti—\nsekkho vipassanaṁ bhāvento imehi dasahi ākārehi upaṭṭhānakusalo hoti, imehi dasahi ākārehi anupaṭṭhānakusalo hoti."}},{"id":"ps1.4:86","sourceIds":["ps1.4:86.1","ps1.4:86.2","ps1.4:86.3","ps1.4:86.4","ps1.4:86.5"],"kind":"text","text":{"pi":"Vītarāgo vipassanaṁ bhāvento katamehi dvādasahi ākārehi upaṭṭhānakusalo hoti, katamehi dvādasahi ākārehi anupaṭṭhānakusalo hoti?\nAniccato upaṭṭhānakusalo hoti, niccato anupaṭṭhānakusalo hoti …pe… ñāṇūpaṭṭhānakusalo hoti, añāṇānupaṭṭhānakusalo hoti.\nVisaññogūpaṭṭhānakusalo hoti, saññogānupaṭṭhānakusalo hoti.\nNirodhūpaṭṭhānakusalo hoti, saṅkhārānupaṭṭhānakusalo hoti—\nvītarāgo vipassanaṁ bhāvento imehi dvādasahi ākārehi upaṭṭhānakusalo hoti, imehi dvādasahi ākārehi anupaṭṭhānakusalo hoti."}},{"id":"ps1.4:87","sourceIds":["ps1.4:87.1","ps1.4:87.2","ps1.4:87.3","ps1.4:87.4"],"kind":"text","text":{"pi":"Āvajjitattā ārammaṇūpaṭṭhānakusalavasena indriyāni samodhāneti, gocarañca pajānāti, samatthañca paṭivijjhati …pe…\ndhamme samodhāneti, gocarañca pajānāti, samatthañca paṭivijjhati.\nIndriyāni samodhānetīti kathaṁ indriyāni samodhāneti?\nAdhimokkhaṭṭhena saddhindriyaṁ samodhāneti …pe… samathanimittūpaṭṭhānakusalavasena, paggahanimittūpaṭṭhānakusalavasena, avikkhepūpaṭṭhānakusalavasena, obhāsūpaṭṭhānakusalavasena, sampahaṁsanūpaṭṭhānakusalavasena, upekkhūpaṭṭhānakusalavasena, ekattūpaṭṭhānakusalavasena, ñāṇūpaṭṭhānakusalavasena, vimuttūpaṭṭhānakusalavasena."}},{"id":"ps1.4:88","sourceIds":["ps1.4:88.1"],"kind":"text","text":{"pi":"Aniccato upaṭṭhānakusalavasena, niccato anupaṭṭhānakusalavasena, dukkhato upaṭṭhānakusalavasena, sukhato anupaṭṭhānakusalavasena, anattato upaṭṭhānakusalavasena, attato anupaṭṭhānakusalavasena, khayato upaṭṭhānakusalavasena, ghanato anupaṭṭhānakusalavasena, vayato upaṭṭhānakusalavasena, āyūhanānupaṭṭhānakusalavasena, vipariṇāmūpaṭṭhānakusalavasena, dhuvato anupaṭṭhānakusalavasena, animittūpaṭṭhānakusalavasena, nimittānupaṭṭhānakusalavasena, appaṇihitūpaṭṭhānakusalavasena, paṇidhianupaṭṭhānakusalavasena, suññatūpaṭṭhānakusalavasena, abhinivesānupaṭṭhānakusalavasena, ñāṇūpaṭṭhānakusalavasena, añāṇānupaṭṭhānakusalavasena, visaññogūpaṭṭhānakusalavasena, saññogānupaṭṭhānakusalavasena, nirodhūpaṭṭhānakusalavasena, saṅkhārānupaṭṭhānakusalavasena indriyāni samodhāneti, gocarañca pajānāti, samatthañca paṭivijjhati."}},{"id":"ps1.4:89","sourceIds":["ps1.4:89.1","ps1.4:89.2","ps1.4:89.3"],"kind":"text","text":{"pi":"Catusaṭṭhiyā ākārehi tiṇṇannaṁ indriyānaṁ vasibhāvatā paññā āsavānaṁ khaye ñāṇaṁ.\nKatamesaṁ tiṇṇannaṁ indriyānaṁ?\nAnaññātaññassāmītindriyassa, aññindriyassa, aññātāvindriyassa."}},{"id":"ps1.4:90","sourceIds":["ps1.4:90.1","ps1.4:90.2","ps1.4:90.3","ps1.4:90.4","ps1.4:90.5","ps1.4:90.6","ps1.4:90.7","ps1.4:90.8","ps1.4:90.9"],"kind":"text","text":{"pi":"Anaññātaññassāmītindriyaṁ kati ṭhānāni gacchati?\nAññindriyaṁ kati ṭhānāni gacchati?\nAññātāvindriyaṁ kati ṭhānāni gacchati?\nAnaññātaññassāmītindriyaṁ ekaṁ ṭhānaṁ gacchati—\nsotāpattimaggaṁ.\nAññindriyaṁ cha ṭhānāni gacchati—\nsotāpattiphalaṁ, sakadāgāmimaggaṁ, sakadāgāmiphalaṁ, anāgāmimaggaṁ, anāgāmiphalaṁ, arahattamaggaṁ.\nAññātāvindriyaṁ ekaṁ ṭhānaṁ gacchati—\narahattaphalaṁ."}},{"id":"ps1.4:91","sourceIds":["ps1.4:91.1","ps1.4:91.2","ps1.4:91.3","ps1.4:91.4"],"kind":"text","text":{"pi":"Sotāpattimaggakkhaṇe anaññātaññassāmītindriyassa saddhindriyaṁ adhimokkhaparivāraṁ hoti, vīriyindriyaṁ paggahaparivāraṁ hoti, satindriyaṁ upaṭṭhānaparivāraṁ hoti, samādhindriyaṁ avikkhepaparivāraṁ hoti, paññindriyaṁ dassanaparivāraṁ hoti, manindriyaṁ vijānanaparivāraṁ hoti, somanassindriyaṁ abhisandanaparivāraṁ hoti, jīvitindriyaṁ pavattasantatādhipateyyaparivāraṁ hoti.\nSotāpattimaggakkhaṇe jātā dhammā, ṭhapetvā cittasamuṭṭhānaṁ rūpaṁ, sabbeva kusalā honti, sabbeva anāsavā honti, sabbeva niyyānikā honti, sabbeva apacayagāmino honti, sabbeva lokuttarā honti, sabbeva nibbānārammaṇā honti.\nSotāpattimaggakkhaṇe anaññātaññassāmītindriyassa imāni aṭṭhindriyāni sahajātaparivārā honti, aññamaññaparivārā honti, nissayaparivārā honti, sampayuttaparivārā honti, sahagatā honti, sahajātā honti, saṁsaṭṭhā honti, sampayuttā honti.\nTeva tassa ākārā ceva honti parivārā ca."}},{"id":"ps1.4:92","sourceIds":["ps1.4:92.1","ps1.4:92.2","ps1.4:92.3","ps1.4:92.4","ps1.4:92.5","ps1.4:92.6","ps1.4:92.7"],"kind":"text","text":{"pi":"Sotāpattiphalakkhaṇe …pe…\narahattaphalakkhaṇe aññātāvindriyassa saddhindriyaṁ adhimokkhaparivāraṁ hoti …pe…\njīvitindriyaṁ pavattasantatādhipateyyaparivāraṁ hoti.\nArahattaphalakkhaṇe jātā dhammā sabbeva abyākatā honti, ṭhapetvā cittasamuṭṭhānaṁ rūpaṁ sabbeva anāsavā honti, sabbeva lokuttarā honti, sabbeva nibbānārammaṇā honti.\nArahattaphalakkhaṇe aññātāvindriyassa imāni aṭṭhindriyāni sahajātaparivārā honti.\nTeva tassa ākārā ceva honti parivārā ca.\nIti imāni aṭṭha aṭṭhakāni catusaṭṭhi honti."}},{"id":"ps1.4:93","sourceIds":["ps1.4:93.1","ps1.4:93.2","ps1.4:93.3","ps1.4:93.4","ps1.4:93.5","ps1.4:93.6","ps1.4:93.7","ps1.4:93.8","ps1.4:93.9","ps1.4:93.10","ps1.4:93.11","ps1.4:93.12"],"kind":"text","text":{"pi":"Āsavāti katame te āsavā?\nKāmāsavo, bhavāsavo, diṭṭhāsavo, avijjāsavo.\nKatthete āsavā khīyanti?\nSotāpattimaggena anavaseso diṭṭhāsavo khīyati.\nApāyagamanīyo kāmāsavo khīyati, apāyagamanīyo bhavāsavo khīyati, apāyagamanīyo avijjāsavo khīyati.\nEtthete āsavā khīyanti.\nSakadāgāmimaggena oḷāriko kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.\nEtthete āsavā khīyanti.\nAnāgāmimaggena anavaseso kāmāsavo khīyati, tadekaṭṭho bhavāsavo khīyati, tadekaṭṭho avijjāsavo khīyati.\nEtthete āsavā khīyanti.\nArahattamaggena anavaseso bhavāsavo khīyati, anavaseso avijjāsavo khīyati.\nEtthete āsavā khīyanti."}},{"id":"ps1.4:94","sourceIds":["ps1.4:94.1","ps1.4:94.2","ps1.4:94.3","ps1.4:94.4"],"kind":"text","text":{"pi":"Na tassa addiṭṭhamidhatthi kiñci,\nAtho aviññātamajānitabbaṁ;\nSabbaṁ abhiññāsi yadatthi neyyaṁ,\nTathāgato tena samantacakkhūti."}},{"id":"ps1.4:95","sourceIds":["ps1.4:95.1","ps1.4:95.2","ps1.4:95.3","ps1.4:95.4","ps1.4:95.5","ps1.4:95.6"],"kind":"text","text":{"pi":"Samantacakkhūti kenaṭṭhena samantacakkhu?\nCuddasa buddhañāṇāni—\ndukkhe ñāṇaṁ buddhañāṇaṁ, dukkhasamudaye ñāṇaṁ buddhañāṇaṁ …pe…\nsabbaññutaññāṇaṁ buddhañāṇaṁ, anāvaraṇañāṇaṁ buddhañāṇaṁ.\nImāni cuddasa buddhañāṇāni.\nImesaṁ cuddasannaṁ buddhañāṇānaṁ aṭṭha ñāṇāni sāvakasādhāraṇāni, cha ñāṇāni asādhāraṇāni sāvakehi."}},{"id":"ps1.4:96","sourceIds":["ps1.4:96.1","ps1.4:96.2","ps1.4:96.3","ps1.4:96.4","ps1.4:96.5","ps1.4:96.6","ps1.4:96.7","ps1.4:96.8","ps1.4:96.9","ps1.4:96.10","ps1.4:96.11","ps1.4:96.12","ps1.4:96.13","ps1.4:96.14","ps1.4:96.15","ps1.4:96.16","ps1.4:96.17","ps1.4:96.18","ps1.4:96.19","ps1.4:96.20","ps1.4:96.21","ps1.4:96.22","ps1.4:96.23","ps1.4:96.24","ps1.4:96.25"],"kind":"text","text":{"pi":"Yāvatā dukkhassa dukkhaṭṭho ñāto, aññāto dukkhaṭṭho natthīti—\nsamantacakkhu.\nYaṁ samantacakkhu taṁ paññindriyaṁ.\nPaññindriyassa vasena adhimokkhaṭṭhena saddhindriyaṁ, paggahaṭṭhena vīriyindriyaṁ, upaṭṭhānaṭṭhena satindriyaṁ, avikkhepaṭṭhena samādhindriyaṁ.\nYāvatā dukkhassa dukkhaṭṭho diṭṭho vidito sacchikato phassito paññāya;\naphassito paññāya dukkhaṭṭho natthīti—\nsamantacakkhu.\nYaṁ samantacakkhu taṁ paññindriyaṁ.\nPaññindriyassa vasena adhimokkhaṭṭhena saddhindriyaṁ, paggahaṭṭhena vīriyindriyaṁ, upaṭṭhānaṭṭhena satindriyaṁ, avikkhepaṭṭhena samādhindriyaṁ.\nYāvatā samudayassa samudayaṭṭho …pe…\nyāvatā nirodhassa nirodhaṭṭho …\nyāvatā maggassa maggaṭṭho …\nyāvatā atthapaṭisambhidāya atthapaṭisambhidaṭṭho …\nyāvatā dhammapaṭisambhidāya dhammapaṭisambhidaṭṭho …\nyāvatā niruttipaṭisambhidāya niruttipaṭisambhidaṭṭho …\nyāvatā paṭibhānapaṭisambhidāya paṭibhānapaṭisambhidaṭṭho …\nyāvatā indriyaparopariyattañāṇaṁ …\nyāvatā sattānaṁ āsayānusaye ñāṇaṁ …\nyāvatā yamakapāṭihīre ñāṇaṁ …\nyāvatā mahākaruṇāsamāpattiyā ñāṇaṁ …\nyāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṁ sutaṁ mutaṁ viññātaṁ pattaṁ pariyesitaṁ anuvicaritaṁ manasā, taṁ ñātaṁ diṭṭhaṁ viditaṁ sacchikataṁ phassitaṁ paññāya.\nAphassitaṁ paññāya natthīti—\nsamantacakkhu.\nYaṁ samantacakkhu taṁ paññindriyaṁ.\nPaññindriyassa vasena adhimokkhaṭṭhena saddhindriyaṁ, paggahaṭṭhena vīriyindriyaṁ, upaṭṭhānaṭṭhena satindriyaṁ, avikkhepaṭṭhena samādhindriyaṁ."}},{"id":"ps1.4:97","sourceIds":["ps1.4:97.1","ps1.4:97.2","ps1.4:97.3","ps1.4:97.4","ps1.4:97.5","ps1.4:97.6","ps1.4:97.7","ps1.4:97.8","ps1.4:97.9","ps1.4:97.10","ps1.4:97.11","ps1.4:97.12","ps1.4:97.13","ps1.4:97.14","ps1.4:97.15","ps1.4:97.16","ps1.4:97.17","ps1.4:97.18","ps1.4:97.19","ps1.4:97.20"],"kind":"text","text":{"pi":"Saddahanto paggaṇhāti, paggaṇhanto saddahati.\nSaddahanto upaṭṭhāpeti, upaṭṭhāpento saddahati.\nSaddahanto samādahati, samādahanto saddahati.\nSaddahanto pajānāti, pajānanto saddahati.\nPaggaṇhanto upaṭṭhāpeti, upaṭṭhāpento paggaṇhāti.\nPaggaṇhanto samādahati, samādahanto paggaṇhāti.\nPaggaṇhanto pajānāti, pajānanto paggaṇhāti.\nPaggaṇhanto saddahati, saddahanto paggaṇhāti.\nUpaṭṭhāpento samādahati, samādahanto upaṭṭhāpeti.\nUpaṭṭhāpento pajānāti, pajānanto upaṭṭhāpeti.\nUpaṭṭhāpento saddahati, saddahanto upaṭṭhāpeti.\nUpaṭṭhāpento paggaṇhāti, paggaṇhanto upaṭṭhāpeti.\nSamādahanto pajānāti, pajānanto samādahati.\nSamādahanto saddahati, saddahanto samādahati.\nSamādahanto paggaṇhāti, paggaṇhanto samādahati.\nSamādahanto upaṭṭhāpeti, upaṭṭhāpento samādahati.\nPajānanto saddahati, saddahanto pajānāti.\nPajānanto paggaṇhāti, paggaṇhanto pajānāti.\nPajānanto upaṭṭhāpeti, upaṭṭhāpento pajānāti.\nPajānanto samādahati, samādahanto pajānāti."}},{"id":"ps1.4:98","sourceIds":["ps1.4:98.1","ps1.4:98.2","ps1.4:98.3","ps1.4:98.4","ps1.4:98.5","ps1.4:98.6","ps1.4:98.7","ps1.4:98.8","ps1.4:98.9","ps1.4:98.10","ps1.4:98.11","ps1.4:98.12","ps1.4:98.13","ps1.4:98.14","ps1.4:98.15","ps1.4:98.16","ps1.4:98.17","ps1.4:98.18","ps1.4:98.19","ps1.4:98.20"],"kind":"text","text":{"pi":"Saddahitattā paggahitaṁ, paggahitattā saddahitaṁ.\nSaddahitattā upaṭṭhāpitaṁ, upaṭṭhāpitattā saddahitaṁ.\nSaddahitattā samādahitaṁ, samādahitattā saddahitaṁ.\nSaddahitattā pajānitaṁ, pajānitattā saddahitaṁ.\nPaggahitattā upaṭṭhāpitaṁ, upaṭṭhāpitattā paggahitaṁ.\nPaggahitattā samādahitaṁ, samādahitattā paggahitaṁ.\nPaggahitattā pajānitaṁ pajānitattā paggahitaṁ.\nPaggahitattā saddahitaṁ, saddahitattā paggahitaṁ.\nUpaṭṭhāpitattā samādahitaṁ, samādahitattā upaṭṭhāpitaṁ.\nUpaṭṭhāpitattā pajānitaṁ, pajānitattā upaṭṭhāpitaṁ.\nUpaṭṭhāpitattā saddahitaṁ, saddahitattā upaṭṭhāpitaṁ.\nUpaṭṭhāpitattā paggahitaṁ, paggahitattā upaṭṭhāpitaṁ.\nSamādahitattā pajānitaṁ, pajānitattā samādahitaṁ.\nSamādahitattā saddahitaṁ, saddahitattā samādahitaṁ.\nSamādahitattā paggahitaṁ, paggahitattā samādahitaṁ.\nSamādahitattā upaṭṭhāpitaṁ, upaṭṭhāpitattā samādahitaṁ.\nPajānitattā saddahitaṁ, saddahitattā pajānitaṁ.\nPajānitattā paggahitaṁ, paggahitattā pajānitaṁ.\nPajānitattā upaṭṭhāpitaṁ, upaṭṭhāpitattā pajānitaṁ.\nPajānitattā samādahitaṁ, samādahitattā pajānitaṁ."}},{"id":"ps1.4:99","sourceIds":["ps1.4:99.1"],"kind":"text","text":{"pi":"Yaṁ buddhacakkhu taṁ buddhañāṇaṁ, yaṁ buddhañāṇaṁ taṁ buddhacakkhu, yena cakkhunā tathāgato satte passati apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye appekacce paralokavajjabhayadassāvino, appekacce naparalokavajjabhayadassāvino."}},{"id":"ps1.4:100","sourceIds":["ps1.4:100.1","ps1.4:100.2","ps1.4:100.3","ps1.4:100.4","ps1.4:100.5"],"kind":"text","text":{"pi":"Apparajakkhe mahārajakkheti saddho puggalo apparajakkho, assaddho puggalo mahārajakkho.\nĀraddhavīriyo puggalo apparajakkho, kusīto puggalo mahārajakkho.\nUpaṭṭhitassati puggalo apparajakkho, muṭṭhassati puggalo mahārajakkho.\nSamāhito puggalo apparajakkho, asamāhito puggalo mahārajakkho.\nPaññavā puggalo apparajakkho, duppañño puggalo mahārajakkho."}},{"id":"ps1.4:101","sourceIds":["ps1.4:101.1","ps1.4:101.2","ps1.4:101.3","ps1.4:101.4","ps1.4:101.5","ps1.4:101.6"],"kind":"text","text":{"pi":"Tikkhindriye mudindriyeti saddho puggalo tikkhindriyo, assaddho puggalo mudindriyo …pe…\npaññavā puggalo tikkhindriyo, duppañño puggalo mudindriyo.\nSvākāre dvākāreti saddho puggalo svākāro, assaddho puggalo dvākāro …pe…\npaññavā puggalo svākāro, duppañño puggalo dvākāro.\nSuviññāpaye duviññāpayeti saddho puggalo suviññāpayo, assaddho puggalo duviññāpayo …pe…\npaññavā puggalo suviññāpayo, duppañño puggalo duviññāpayo."}},{"id":"ps1.4:102","sourceIds":["ps1.4:102.1","ps1.4:102.2","ps1.4:102.3"],"kind":"text","text":{"pi":"Appekacce paralokavajjabhayadassāvino, appekacce naparalokavajjabhayadassāvinoti saddho puggalo paralokavajjabhayadassāvī, assaddho puggalo naparalokavajjabhayadassāvī.\nĀraddhavīriyo puggalo paralokavajjabhayadassāvī, kusīto puggalo naparalokavajjabhayadassāvī …pe…\npaññavā puggalo paralokavajjabhayadassāvī, duppañño puggalo naparalokavajjabhayadassāvī."}},{"id":"ps1.4:103","sourceIds":["ps1.4:103.1"],"kind":"text","text":{"pi":"Lokoti khandhaloko dhātuloko āyatanaloko vipattibhavaloko vipattisambhavaloko sampattibhavaloko sampattisambhavaloko."}},{"id":"ps1.4:104","sourceIds":["ps1.4:104.1","ps1.4:104.2","ps1.4:104.3","ps1.4:104.4","ps1.4:104.5","ps1.4:104.6","ps1.4:104.7","ps1.4:104.8","ps1.4:104.9","ps1.4:104.10","ps1.4:104.11","ps1.4:104.12","ps1.4:104.13","ps1.4:104.14","ps1.4:104.15","ps1.4:104.16","ps1.4:104.17","ps1.4:104.18","ps1.4:104.19","ps1.4:104.20","ps1.4:104.21","ps1.4:104.22","ps1.4:104.23","ps1.4:104.24"],"kind":"text","text":{"pi":"Eko loko—\nsabbe sattā āhāraṭṭhitikā.\nDve lokā—\nnāmañca rūpañca.\nTayo lokā—\ntisso vedanā.\nCattāro lokā—\ncattāro āhārā.\nPañca lokā—\npañcupādānakkhandhā.\nCha lokā—\ncha ajjhattikāni āyatanāni.\nSatta lokā—\nsatta viññāṇaṭṭhitiyo.\nAṭṭha lokā—\naṭṭha lokadhammā.\nNava lokā—\nnava sattāvāsā.\nDasa lokā—\ndasāyatanāni.\nDvādasa lokā—\ndvādasāyatanāni.\nAṭṭhārasa lokā—\naṭṭhārasa dhātuyo."}},{"id":"ps1.4:105","sourceIds":["ps1.4:105.1","ps1.4:105.2","ps1.4:105.3","ps1.4:105.4","ps1.4:105.5"],"kind":"text","text":{"pi":"Vajjanti sabbe kilesā vajjā, sabbe duccaritā vajjā, sabbe abhisaṅkhārā vajjā, sabbe bhavagāmikammā vajjā.\nIti imasmiñca loke imasmiñca vajje tibbā bhayasaññā paccupaṭṭhitā honti, seyyathāpi ukkhittāsike vadhake.\nImehi paññāsāya ākārehi imāni pañcindriyāni jānāti passati aññāti paṭivijjhatīti.\nTatiyabhāṇavāro.\nIndriyakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ps1.4/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}