{"id":"ps1.5","title":"1.5. Vimokkhakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ps1.5","title":"1.5. Vimokkhakathā","units":[{"id":"ps1.5:0","sourceIds":["ps1.5:0.1","ps1.5:0.2","ps1.5:0.3"],"kind":"text","text":{"pi":"Paṭisambhidāmagga\n1 Mahāvagga\n1.5. Vimokkhakathā"}},{"id":"ps1.5:1","sourceIds":["ps1.5:1.0","ps1.5:1.1","ps1.5:1.2","ps1.5:1.3","ps1.5:1.4","ps1.5:1.5"],"kind":"text","text":{"pi":"1.5.1. Uddesa\nPurimanidānaṁ.\n“Tayome, bhikkhave, vimokkhā.\nKatame tayo?\nSuññato vimokkho, animitto vimokkho, appaṇihito vimokkho—\nime kho, bhikkhave, tayo vimokkhā."}},{"id":"ps1.5:2","sourceIds":["ps1.5:2.1","ps1.5:2.2","ps1.5:2.3","ps1.5:2.4","ps1.5:2.5","ps1.5:2.6","ps1.5:2.7","ps1.5:2.8","ps1.5:2.9","ps1.5:2.10","ps1.5:2.11","ps1.5:2.12","ps1.5:2.13","ps1.5:2.14","ps1.5:2.15","ps1.5:2.16","ps1.5:2.17","ps1.5:2.18","ps1.5:2.19"],"kind":"text","text":{"pi":"Api ca aṭṭhasaṭṭhi vimokkhā—\nsuññato vimokkho, animitto vimokkho, appaṇihito vimokkho;\najjhattavuṭṭhāno vimokkho, bahiddhāvuṭṭhāno vimokkho, dubhato vuṭṭhāno vimokkho;\najjhattavuṭṭhānā cattāro vimokkhā, bahiddhāvuṭṭhānā cattāro vimokkhā, dubhato vuṭṭhānā cattāro vimokkhā;\najjhattavuṭṭhānānaṁ anulomā cattāro vimokkhā, bahiddhāvuṭṭhānānaṁ anulomā cattāro vimokkhā, dubhato vuṭṭhānānaṁ anulomā cattāro vimokkhā;\najjhattavuṭṭhānapaṭippassaddhī cattāro vimokkhā, bahiddhāvuṭṭhānapaṭippassaddhī cattāro vimokkhā, dubhato vuṭṭhānapaṭippassaddhī cattāro vimokkhā;\nrūpī rūpāni passatīti vimokkho, ajjhattaṁ arūpasaññī bahiddhā rūpāni passatīti vimokkho, subhaṁ teva adhimutto hotīti vimokkho;\nākāsānañcāyatanasamāpatti vimokkho, viññāṇañcāyatanasamāpatti vimokkho, ākiñcaññāyatanasamāpatti vimokkho;\nnevasaññānāsaññāyatanasamāpatti vimokkho, saññāvedayitanirodhasamāpatti vimokkho;\nsamayavimokkho, asamayavimokkho;\nsāmayiko vimokkho, asāmayiko vimokkho;\nkuppo vimokkho, akuppo vimokkho;\nlokiko vimokkho, lokuttaro vimokkho;\nsāsavo vimokkho, anāsavo vimokkho;\nsāmiso vimokkho, nirāmiso vimokkho;\nnirāmisānirāmisataro vimokkho, paṇihito vimokkho, appaṇihito vimokkho, paṇihitappaṭippassaddhi vimokkho;\nsaññutto vimokkho, visaññutto vimokkho;\nekattavimokkho, nānattavimokkho, saññāvimokkho, ñāṇavimokkho;\nsītisiyāvimokkho, jhānavimokkho, anupādācittassa vimokkho”. [75]"}},{"id":"ps1.5:3","sourceIds":["ps1.5:3.0","ps1.5:3.1","ps1.5:3.2","ps1.5:3.3","ps1.5:3.4","ps1.5:3.5","ps1.5:3.6"],"kind":"text","text":{"pi":"1.5.2. Niddesa\nKatamo suññato vimokkho?\nIdha bhikkhu araññagato vā rukkhamūlagato vā suññāgāragato vā iti paṭisañcikkhati—\n“suññamidaṁ attena vā attaniyena vā”ti.\nSo tattha abhinivesaṁ na karotīti—\nsuññato vimokkho.\nAyaṁ suññato vimokkho."}},{"id":"ps1.5:4","sourceIds":["ps1.5:4.1","ps1.5:4.2","ps1.5:4.3","ps1.5:4.4","ps1.5:4.5","ps1.5:4.6"],"kind":"text","text":{"pi":"Katamo animitto vimokkho?\nIdha bhikkhu araññagato vā rukkhamūlagato vā suññāgāragato vā iti paṭisañcikkhati—\n“suññamidaṁ attena vā attaniyena vā”ti.\nSo tattha nimittaṁ na karotīti—\nanimitto vimokkho.\nAyaṁ animitto vimokkho."}},{"id":"ps1.5:5","sourceIds":["ps1.5:5.1","ps1.5:5.2","ps1.5:5.3","ps1.5:5.4","ps1.5:5.5","ps1.5:5.6"],"kind":"text","text":{"pi":"Katamo appaṇihito vimokkho?\nIdha bhikkhu araññagato vā rukkhamūlagato vā suññāgāragato vā iti paṭisañcikkhati—\n“suññamidaṁ attena vā attaniyena vā”ti.\nSo tattha paṇidhiṁ na karotīti—\nappaṇihito vimokkho.\nAyaṁ appaṇihito vimokkho."}},{"id":"ps1.5:6","sourceIds":["ps1.5:6.1","ps1.5:6.2","ps1.5:6.3","ps1.5:6.4","ps1.5:6.5","ps1.5:6.6","ps1.5:6.7","ps1.5:6.8","ps1.5:6.9"],"kind":"text","text":{"pi":"Katamo ajjhattavuṭṭhāno vimokkho?\nCattāri jhānāni—\nayaṁ ajjhattavuṭṭhāno vimokkho.\nKatamo bahiddhāvuṭṭhāno vimokkho?\nCatasso arūpasamāpattiyo—\nayaṁ bahiddhāvuṭṭhāno vimokkho.\nKatamo dubhato vuṭṭhāno vimokkho?\nCattāro ariyamaggā—\nayaṁ dubhato vuṭṭhāno vimokkho."}},{"id":"ps1.5:7","sourceIds":["ps1.5:7.1","ps1.5:7.2","ps1.5:7.3","ps1.5:7.4","ps1.5:7.5","ps1.5:7.6"],"kind":"text","text":{"pi":"Katame ajjhattavuṭṭhānā cattāro vimokkhā?\nPaṭhamaṁ jhānaṁ nīvaraṇehi vuṭṭhāti.\nDutiyaṁ jhānaṁ vitakkavicārehi vuṭṭhāti.\nTatiyaṁ jhānaṁ pītiyā vuṭṭhāti.\nCatutthaṁ jhānaṁ sukhadukkhehi vuṭṭhāti.\nIme ajjhattavuṭṭhānā cattāro vimokkhā."}},{"id":"ps1.5:8","sourceIds":["ps1.5:8.1","ps1.5:8.2","ps1.5:8.3","ps1.5:8.4","ps1.5:8.5","ps1.5:8.6"],"kind":"text","text":{"pi":"Katame bahiddhāvuṭṭhānā cattāro vimokkhā?\nĀkāsānañcāyatanasamāpatti rūpasaññāya paṭighasaññāya nānattasaññāya vuṭṭhāti.\nViññāṇañcāyatanasamāpatti ākāsānañcāyatanasaññāya vuṭṭhāti.\nĀkiñcaññāyatanasamāpatti viññāṇañcāyatanasaññāya vuṭṭhāti.\nNevasaññānāsaññāyatanasamāpatti ākiñcaññāyatanasaññāya vuṭṭhāti.\nIme bahiddhāvuṭṭhānā cattāro vimokkhā."}},{"id":"ps1.5:9","sourceIds":["ps1.5:9.1","ps1.5:9.2","ps1.5:9.3","ps1.5:9.4","ps1.5:9.5","ps1.5:9.6"],"kind":"text","text":{"pi":"Katame dubhato vuṭṭhānā cattāro vimokkhā?\nSotāpattimaggo sakkāyadiṭṭhivicikicchāsīlabbataparāmāsā diṭṭhānusayā vicikicchānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.\nSakadāgāmimaggo oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.\nAnāgāmimaggo anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.\nArahattamaggo rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti.\nIme dubhato vuṭṭhānā cattāro vimokkhā."}},{"id":"ps1.5:10","sourceIds":["ps1.5:10.1","ps1.5:10.2","ps1.5:10.3","ps1.5:10.4","ps1.5:10.5"],"kind":"text","text":{"pi":"Katame ajjhattavuṭṭhānānaṁ anulomā cattāro vimokkhā?\nPaṭhamaṁ jhānaṁ paṭilābhatthāya vitakko ca vicāro ca pīti ca sukhañca cittekaggatā ca, dutiyaṁ jhānaṁ paṭilābhatthāya …pe…\ntatiyaṁ jhānaṁ paṭilābhatthāya …pe…\ncatutthaṁ jhānaṁ paṭilābhatthāya vitakko ca vicāro ca pīti ca sukhañca cittekaggatā ca—\nime ajjhattavuṭṭhānānaṁ anulomā cattāro vimokkhā."}},{"id":"ps1.5:11","sourceIds":["ps1.5:11.1","ps1.5:11.2","ps1.5:11.3","ps1.5:11.4","ps1.5:11.5"],"kind":"text","text":{"pi":"Katame bahiddhāvuṭṭhānānaṁ anulomā cattāro vimokkhā?\nĀkāsānañcāyatanasamāpattiṁ paṭilābhatthāya vitakko ca vicāro ca pīti ca sukhañca cittekaggatā ca, viññāṇañcāyatanasamāpattiṁ …pe…\nākiñcaññāyatanasamāpattiṁ …pe…\nnevasaññānāsaññāyatanasamāpattiṁ paṭilābhatthāya vitakko ca vicāro ca pīti ca sukhañca cittekaggatā ca—\nime bahiddhāvuṭṭhānānaṁ anulomā cattāro vimokkhā."}},{"id":"ps1.5:12","sourceIds":["ps1.5:12.1","ps1.5:12.2","ps1.5:12.3","ps1.5:12.4","ps1.5:12.5","ps1.5:12.6"],"kind":"text","text":{"pi":"Katame dubhato vuṭṭhānānaṁ anulomā cattāro vimokkhā?\nSotāpattimaggaṁ paṭilābhatthāya aniccānupassanā, dukkhānupassanā, anattānupassanā.\nSakadāgāmimaggaṁ paṭilābhatthāya …pe…\nanāgāmimaggaṁ paṭilābhatthāya …pe…\narahattamaggaṁ paṭilābhatthāya aniccānupassanā, dukkhānupassanā, anattānupassanā—\nime dubhato vuṭṭhānānaṁ anulomā cattāro vimokkhā."}},{"id":"ps1.5:13","sourceIds":["ps1.5:13.1","ps1.5:13.2","ps1.5:13.3","ps1.5:13.4","ps1.5:13.5"],"kind":"text","text":{"pi":"Katame ajjhattavuṭṭhānapaṭippassaddhī cattāro vimokkhā?\nPaṭhamassa jhānassa paṭilābho vā vipāko vā, dutiyassa jhānassa …pe…\ntatiyassa jhānassa …pe…\ncatutthassa jhānassa paṭilābho vā vipāko vā—\nime ajjhattavuṭṭhānapaṭippassaddhī cattāro vimokkhā."}},{"id":"ps1.5:14","sourceIds":["ps1.5:14.1","ps1.5:14.2","ps1.5:14.3","ps1.5:14.4","ps1.5:14.5"],"kind":"text","text":{"pi":"Katame bahiddhāvuṭṭhānapaṭippassaddhī cattāro vimokkhā?\nĀkāsānañcāyatanasamāpattiyā paṭilābho vā vipāko vā, viññāṇañcāyatanasamāpattiyā …pe…\nākiñcaññāyatanasamāpattiyā …pe…\nnevasaññānāsaññāyatanasamāpattiyā paṭilābho vā vipāko vā—\nime bahiddhāvuṭṭhānapaṭippassaddhī cattāro vimokkhā."}},{"id":"ps1.5:15","sourceIds":["ps1.5:15.1","ps1.5:15.2","ps1.5:15.3"],"kind":"text","text":{"pi":"Katame dubhato vuṭṭhānapaṭippassaddhī cattāro vimokkhā?\nSotāpattimaggassa sotāpattiphalaṁ, sakadāgāmimaggassa sakadāgāmiphalaṁ, anāgāmimaggassa anāgāmiphalaṁ, arahattamaggassa arahattaphalaṁ—\nime dubhato vuṭṭhānapaṭippassaddhī cattāro vimokkhā."}},{"id":"ps1.5:16","sourceIds":["ps1.5:16.1","ps1.5:16.2","ps1.5:16.3","ps1.5:16.4","ps1.5:16.5","ps1.5:16.6","ps1.5:16.7","ps1.5:16.8","ps1.5:16.9","ps1.5:16.10","ps1.5:16.11","ps1.5:16.12","ps1.5:16.13","ps1.5:16.14","ps1.5:16.15","ps1.5:16.16","ps1.5:16.17","ps1.5:16.18","ps1.5:16.19"],"kind":"text","text":{"pi":"Kathaṁ rūpī rūpāni passatīti—vimokkho?\nIdhekacco ajjhattaṁ paccattaṁ nīlanimittaṁ manasikaroti, nīlasaññaṁ paṭilabhati.\nSo taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.\nSo taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā bahiddhā nīlanimitte cittaṁ upasaṁharati, nīlasaññaṁ paṭilabhati.\nSo taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.\nSo taṁ nimittaṁ suggahitaṁ katvā upadhāretvā svāvatthitaṁ avatthāpetvā āsevati bhāveti bahulīkaroti.\nTassa evaṁ hoti—\n“ajjhattañca bahiddhā ca ubhayamidaṁ rūpan”ti, rūpasaññī hoti.\nIdhekacco ajjhattaṁ paccattaṁ pītanimittaṁ …pe…\nlohitanimittaṁ …pe…\nodātanimittaṁ manasikaroti, odātasaññaṁ paṭilabhati.\nSo taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.\nSo taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā bahiddhā odātanimitte cittaṁ upasaṁharati, odātasaññaṁ paṭilabhati.\nSo taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.\nSo taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā āsevati bhāveti bahulīkaroti.\nTassa evaṁ hoti—\n“ajjhattañca bahiddhā ca ubhayamidaṁ rūpan”ti, rūpasaññī hoti.\nEvaṁ rūpī rūpāni passatīti—\nvimokkho."}},{"id":"ps1.5:17","sourceIds":["ps1.5:17.1","ps1.5:17.2","ps1.5:17.3","ps1.5:17.4","ps1.5:17.5","ps1.5:17.6","ps1.5:17.7","ps1.5:17.8","ps1.5:17.9","ps1.5:17.10","ps1.5:17.11","ps1.5:17.12","ps1.5:17.13","ps1.5:17.14","ps1.5:17.15","ps1.5:17.16","ps1.5:17.17"],"kind":"text","text":{"pi":"Kathaṁ ajjhattaṁ arūpasaññī bahiddhā rūpāni passatīti—vimokkho?\nIdhekacco ajjhattaṁ paccattaṁ nīlanimittaṁ na manasikaroti, nīlasaññaṁ na paṭilabhati;\nbahiddhā nīlanimitte cittaṁ upasaṁharati, nīlasaññaṁ paṭilabhati.\nSo taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.\nSo taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā āsevati bhāveti bahulīkaroti.\nTassa evaṁ hoti—\n“ajjhattaṁ arūpaṁ, bahiddhā rūpamidan”ti, rūpasaññī hoti.\nIdhekacco ajjhattaṁ paccattaṁ pītanimittaṁ …pe…\nlohitanimittaṁ …pe…\nodātanimittaṁ na manasikaroti, odātasaññaṁ na paṭilabhati;\nbahiddhā odātanimitte cittaṁ upasaṁharati, odātasaññaṁ paṭilabhati.\nSo taṁ nimittaṁ suggahitaṁ karoti, sūpadhāritaṁ upadhāreti, svāvatthitaṁ avatthāpeti.\nSo taṁ nimittaṁ suggahitaṁ katvā sūpadhāritaṁ upadhāretvā svāvatthitaṁ avatthāpetvā āsevati bhāveti bahulīkaroti.\nTassa evaṁ hoti—\n“ajjhattaṁ arūpaṁ bahiddhā rūpamidan”ti, rūpasaññī hoti.\nEvaṁ ajjhattaṁ arūpasaññī bahiddhā rūpāni passatīti—\nvimokkho."}},{"id":"ps1.5:18","sourceIds":["ps1.5:18.1","ps1.5:18.2","ps1.5:18.3","ps1.5:18.4","ps1.5:18.5","ps1.5:18.6","ps1.5:18.7","ps1.5:18.8","ps1.5:18.9","ps1.5:18.10","ps1.5:18.11"],"kind":"text","text":{"pi":"Kathaṁ subhanteva adhimutto hotīti—vimokkho?\nIdha bhikkhu mettāsahagatena cetasā ekaṁ disaṁ pharitvā viharati, tathā dutiyaṁ, tathā tatiyaṁ, tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.\nMettāya bhāvitattā sattā appaṭikūlā honti.\nKaruṇāsahagatena cetasā …pe…\nkaruṇāya bhāvitattā sattā appaṭikūlā honti.\nMuditāsahagatena cetasā …pe…\nmuditāya bhāvitattā sattā appaṭikūlā honti.\nUpekkhāsahagatena cetasā ekaṁ disaṁ pharitvā viharati …pe…\nupekkhāya bhāvitattā sattā appaṭikūlā honti.\nEvaṁ “subhaṁ” teva adhimutto hotīti—\nvimokkho."}},{"id":"ps1.5:19","sourceIds":["ps1.5:19.1","ps1.5:19.2","ps1.5:19.3"],"kind":"text","text":{"pi":"Katamo ākāsānañcāyatanasamāpatti vimokkho?\nIdha bhikkhu sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā “ananto ākāso”ti ākāsānañcāyatanaṁ upasampajja viharati—\nayaṁ ākāsānañcāyatanasamāpatti vimokkho."}},{"id":"ps1.5:20","sourceIds":["ps1.5:20.1","ps1.5:20.2","ps1.5:20.3"],"kind":"text","text":{"pi":"Katamo viññāṇañcāyatanasamāpatti vimokkho?\nIdha bhikkhu sabbaso ākāsānañcāyatanaṁ samatikkamma “anantaṁ viññāṇan”ti viññāṇañcāyatanaṁ upasampajja viharati—\nayaṁ viññāṇañcāyatanasamāpatti vimokkho."}},{"id":"ps1.5:21","sourceIds":["ps1.5:21.1","ps1.5:21.2","ps1.5:21.3"],"kind":"text","text":{"pi":"Katamo ākiñcaññāyatanasamāpatti vimokkho?\nIdha bhikkhu sabbaso viññāṇañcāyatanaṁ samatikkamma “natthi kiñcī”ti ākiñcaññāyatanaṁ upasampajja viharati—\nayaṁ ākiñcaññāyatanasamāpatti vimokkho."}},{"id":"ps1.5:22","sourceIds":["ps1.5:22.1","ps1.5:22.2","ps1.5:22.3"],"kind":"text","text":{"pi":"Katamo nevasaññānāsaññāyatanasamāpatti vimokkho?\nIdha bhikkhu sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati—\nayaṁ nevasaññānāsaññāyatanasamāpatti vimokkho."}},{"id":"ps1.5:23","sourceIds":["ps1.5:23.1","ps1.5:23.2","ps1.5:23.3"],"kind":"text","text":{"pi":"Katamo saññāvedayitanirodhasamāpatti vimokkho?\nIdha bhikkhu sabbaso nevasaññānāsaññāyatanaṁ samatikkamma saññāvedayitanirodhaṁ upasampajja viharati—\nayaṁ saññāvedayitanirodhasamāpatti vimokkho."}},{"id":"ps1.5:24","sourceIds":["ps1.5:24.1","ps1.5:24.2","ps1.5:24.3"],"kind":"text","text":{"pi":"Katamo samayavimokkho?\nCattāri ca jhānāni catasso ca arūpasamāpattiyo—\nayaṁ samayavimokkho."}},{"id":"ps1.5:25","sourceIds":["ps1.5:25.1","ps1.5:25.2","ps1.5:25.3"],"kind":"text","text":{"pi":"Katamo asamayavimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ asamayavimokkho."}},{"id":"ps1.5:26","sourceIds":["ps1.5:26.1","ps1.5:26.2","ps1.5:26.3"],"kind":"text","text":{"pi":"Katamo sāmayiko vimokkho?\nCattāri ca jhānāni, catasso ca arūpasamāpattiyo—\nayaṁ sāmayiko vimokkho."}},{"id":"ps1.5:27","sourceIds":["ps1.5:27.1","ps1.5:27.2","ps1.5:27.3"],"kind":"text","text":{"pi":"Katamo asāmayiko vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ asāmayiko vimokkho."}},{"id":"ps1.5:28","sourceIds":["ps1.5:28.1","ps1.5:28.2","ps1.5:28.3"],"kind":"text","text":{"pi":"Katamo kuppo vimokkho?\nCattāri ca jhānāni, catasso ca arūpasamāpattiyo—\nayaṁ kuppo vimokkho."}},{"id":"ps1.5:29","sourceIds":["ps1.5:29.1","ps1.5:29.2","ps1.5:29.3"],"kind":"text","text":{"pi":"Katamo akuppo vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ akuppo vimokkho."}},{"id":"ps1.5:30","sourceIds":["ps1.5:30.1","ps1.5:30.2","ps1.5:30.3"],"kind":"text","text":{"pi":"Katamo lokiko vimokkho?\nCattāri ca jhānāni, catasso ca arūpasamāpattiyo—\nayaṁ lokiko vimokkho."}},{"id":"ps1.5:31","sourceIds":["ps1.5:31.1","ps1.5:31.2","ps1.5:31.3"],"kind":"text","text":{"pi":"Katamo lokuttaro vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ lokuttaro vimokkho."}},{"id":"ps1.5:32","sourceIds":["ps1.5:32.1","ps1.5:32.2","ps1.5:32.3"],"kind":"text","text":{"pi":"Katamo sāsavo vimokkho?\nCattāri ca jhānāni, catasso ca arūpasamāpattiyo—\nayaṁ sāsavo vimokkho."}},{"id":"ps1.5:33","sourceIds":["ps1.5:33.1","ps1.5:33.2","ps1.5:33.3"],"kind":"text","text":{"pi":"Katamo anāsavo vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ anāsavo vimokkho."}},{"id":"ps1.5:34","sourceIds":["ps1.5:34.1","ps1.5:34.2","ps1.5:34.3"],"kind":"text","text":{"pi":"Katamo sāmiso vimokkho?\nRūpappaṭisaññutto vimokkho—\nayaṁ sāmiso vimokkho."}},{"id":"ps1.5:35","sourceIds":["ps1.5:35.1","ps1.5:35.2","ps1.5:35.3"],"kind":"text","text":{"pi":"Katamo nirāmiso vimokkho?\nArūpappaṭisaññutto vimokkho—\nayaṁ nirāmiso vimokkho."}},{"id":"ps1.5:36","sourceIds":["ps1.5:36.1","ps1.5:36.2","ps1.5:36.3"],"kind":"text","text":{"pi":"Katamo nirāmisā nirāmisataro vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ nirāmisānirāmisataro vimokkho."}},{"id":"ps1.5:37","sourceIds":["ps1.5:37.1","ps1.5:37.2","ps1.5:37.3","ps1.5:37.4","ps1.5:37.5","ps1.5:37.6"],"kind":"text","text":{"pi":"Katamo paṇihito vimokkho?\nCattāri ca jhānāni, catasso ca arūpasamāpattiyo—\nayaṁ paṇihito vimokkho.\nKatamo appaṇihito vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ appaṇihito vimokkho."}},{"id":"ps1.5:38","sourceIds":["ps1.5:38.1","ps1.5:38.2","ps1.5:38.3","ps1.5:38.4"],"kind":"text","text":{"pi":"Katamo paṇihitappaṭippassaddhi vimokkho?\nPaṭhamassa jhānassa paṭilābho vā vipāko vā …pe…\nnevasaññānāsaññāyatanasamāpattiyā paṭilābho vā vipāko vā—\nayaṁ paṇihitappaṭippassaddhi vimokkho."}},{"id":"ps1.5:39","sourceIds":["ps1.5:39.1","ps1.5:39.2","ps1.5:39.3"],"kind":"text","text":{"pi":"Katamo saññutto vimokkho?\nCattāri ca jhānāni, catasso ca arūpasamāpattiyo—\nayaṁ saññutto vimokkho."}},{"id":"ps1.5:40","sourceIds":["ps1.5:40.1","ps1.5:40.2","ps1.5:40.3"],"kind":"text","text":{"pi":"Katamo visaññutto vimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ visaññutto vimokkho."}},{"id":"ps1.5:41","sourceIds":["ps1.5:41.1","ps1.5:41.2","ps1.5:41.3"],"kind":"text","text":{"pi":"Katamo ekattavimokkho?\nCattāro ca ariyamaggā, cattāri ca sāmaññaphalāni, nibbānañca—\nayaṁ ekattavimokkho."}},{"id":"ps1.5:42","sourceIds":["ps1.5:42.1","ps1.5:42.2","ps1.5:42.3"],"kind":"text","text":{"pi":"Katamo nānattavimokkho?\nCattāri ca jhānāni, catasso ca arūpasamāpattiyo—\nayaṁ nānattavimokkho."}},{"id":"ps1.5:43","sourceIds":["ps1.5:43.1","ps1.5:43.2"],"kind":"text","text":{"pi":"Katamo saññāvimokkho?\nSiyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti, vatthuvasena pariyāyena."}},{"id":"ps1.5:44","sourceIds":["ps1.5:44.1","ps1.5:44.2","ps1.5:44.3","ps1.5:44.4","ps1.5:44.5","ps1.5:44.6","ps1.5:44.7","ps1.5:44.8","ps1.5:44.9","ps1.5:44.10","ps1.5:44.11","ps1.5:44.12","ps1.5:44.13","ps1.5:44.14","ps1.5:44.15","ps1.5:44.16","ps1.5:44.17","ps1.5:44.18","ps1.5:44.19","ps1.5:44.20","ps1.5:44.21","ps1.5:44.22"],"kind":"text","text":{"pi":"Siyāti kathañca siyā?\nAniccānupassanañāṇaṁ niccato saññāya muccatīti—\nsaññāvimokkho.\nDukkhānupassanañāṇaṁ sukhato saññāya muccatīti—\nsaññāvimokkho.\nAnattānupassanañāṇaṁ attato saññāya muccatīti—\nsaññāvimokkho.\nNibbidānupassanañāṇaṁ nandiyā saññāya muccatīti—\nsaññāvimokkho.\nVirāgānupassanañāṇaṁ rāgato saññāya muccatīti—\nsaññāvimokkho.\nNirodhānupassanañāṇaṁ samudayato saññāya muccatīti—\nsaññāvimokkho.\nPaṭinissaggānupassanañāṇaṁ ādānato saññāya muccatīti—\nsaññāvimokkho.\nAnimittānupassanañāṇaṁ nimittato saññāya muccatīti—\nsaññāvimokkho.\nAppaṇihitānupassanañāṇaṁ paṇidhiyā saññāya muccatīti—\nsaññāvimokkho.\nSuññatānupassanañāṇaṁ abhinivesato saññāya muccatīti—\nsaññāvimokkho.\nEvaṁ siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena."}},{"id":"ps1.5:45","sourceIds":["ps1.5:45.1","ps1.5:45.2","ps1.5:45.3","ps1.5:45.4","ps1.5:45.5"],"kind":"text","text":{"pi":"Rūpe aniccānupassanañāṇaṁ niccato saññāya muccatīti—\nsaññāvimokkho …pe…\nrūpe suññatānupassanañāṇaṁ abhinivesato saññāya muccatīti—\nsaññāvimokkho.\nEvaṁ siyā eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena."}},{"id":"ps1.5:46","sourceIds":["ps1.5:46.1","ps1.5:46.2","ps1.5:46.3","ps1.5:46.4","ps1.5:46.5","ps1.5:46.6","ps1.5:46.7","ps1.5:46.8","ps1.5:46.9","ps1.5:46.10","ps1.5:46.11"],"kind":"text","text":{"pi":"Vedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanañāṇaṁ niccato saññāya muccatīti—\nsaññāvimokkho …pe…\njarāmaraṇe suññatānupassanañāṇaṁ abhinivesato saññāya muccatīti—\nsaññāvimokkho.\nEvaṁ siyā, eko saññāvimokkho dasa saññāvimokkhā honti, dasa saññāvimokkhā eko saññāvimokkho hoti vatthuvasena pariyāyena—\nayaṁ saññāvimokkho."}},{"id":"ps1.5:47","sourceIds":["ps1.5:47.1","ps1.5:47.2","ps1.5:47.3","ps1.5:47.4","ps1.5:47.5","ps1.5:47.6","ps1.5:47.7","ps1.5:47.8","ps1.5:47.9","ps1.5:47.10","ps1.5:47.11","ps1.5:47.12","ps1.5:47.13","ps1.5:47.14","ps1.5:47.15","ps1.5:47.16","ps1.5:47.17","ps1.5:47.18","ps1.5:47.19","ps1.5:47.20","ps1.5:47.21","ps1.5:47.22","ps1.5:47.23","ps1.5:47.24"],"kind":"text","text":{"pi":"Katamo ñāṇavimokkho?\nSiyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena siyāti.\nKathañca siyā?\nAniccānupassanā yathābhūtaṁ ñāṇaṁ niccato sammohā aññāṇā muccatīti—\nñāṇavimokkho.\nDukkhānupassanā yathābhūtaṁ ñāṇaṁ sukhato sammohā aññāṇā muccatīti—\nñāṇavimokkho.\nAnattānupassanā yathābhūtaṁ ñāṇaṁ attato sammohā aññāṇā muccatīti—\nñāṇavimokkho.\nNibbidānupassanā yathābhūtaṁ ñāṇaṁ nandiyā sammohā aññāṇā muccatīti—\nñāṇavimokkho.\nVirāgānupassanā yathābhūtaṁ ñāṇaṁ rāgato sammohā aññāṇā muccatīti—\nñāṇavimokkho.\nNirodhānupassanā yathābhūtaṁ ñāṇaṁ samudayato sammohā aññāṇā muccatīti—\nñāṇavimokkho.\nPaṭinissaggānupassanā yathābhūtaṁ ñāṇaṁ ādānato sammohā aññāṇā muccatīti—\nñāṇavimokkho.\nAnimittānupassanā yathābhūtaṁ ñāṇaṁ nimittato sammohā aññāṇā muccatīti—\nñāṇavimokkho.\nAppaṇihitānupassanā yathābhūtaṁ ñāṇaṁ paṇidhiyā sammohā aññāṇā muccatīti—\nñāṇavimokkho.\nSuññatānupassanā yathābhūtaṁ ñāṇaṁ abhinivesato sammohā aññāṇā muccatīti—\nñāṇavimokkho.\nEvaṁ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena."}},{"id":"ps1.5:48","sourceIds":["ps1.5:48.1","ps1.5:48.2","ps1.5:48.3","ps1.5:48.4","ps1.5:48.5"],"kind":"text","text":{"pi":"Rūpe aniccānupassanā yathābhūtaṁ ñāṇaṁ niccato sammohā aññāṇā muccatīti—\nñāṇavimokkho …pe…\nrūpe suññatānupassanā yathābhūtaṁ ñāṇaṁ abhinivesato sammohā aññāṇā muccatīti—\nñāṇavimokkho.\nEvaṁ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena."}},{"id":"ps1.5:49","sourceIds":["ps1.5:49.1","ps1.5:49.2","ps1.5:49.3","ps1.5:49.4","ps1.5:49.5","ps1.5:49.6","ps1.5:49.7","ps1.5:49.8","ps1.5:49.9","ps1.5:49.10","ps1.5:49.11"],"kind":"text","text":{"pi":"Vedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanā yathābhūtaṁ ñāṇaṁ niccato sammohā aññāṇā muccatīti—\nñāṇavimokkho …pe…\njarāmaraṇe suññatānupassanā yathābhūtaṁ ñāṇaṁ abhinivesato sammohā aññāṇā muccatīti—\nñāṇavimokkho.\nEvaṁ siyā eko ñāṇavimokkho dasa ñāṇavimokkhā honti, dasa ñāṇavimokkhā eko ñāṇavimokkho hoti vatthuvasena pariyāyena—\nayaṁ ñāṇavimokkho."}},{"id":"ps1.5:50","sourceIds":["ps1.5:50.1","ps1.5:50.2","ps1.5:50.3","ps1.5:50.4","ps1.5:50.5","ps1.5:50.6","ps1.5:50.7","ps1.5:50.8","ps1.5:50.9","ps1.5:50.10","ps1.5:50.11","ps1.5:50.12","ps1.5:50.13","ps1.5:50.14","ps1.5:50.15","ps1.5:50.16","ps1.5:50.17","ps1.5:50.18","ps1.5:50.19","ps1.5:50.20","ps1.5:50.21","ps1.5:50.22","ps1.5:50.23","ps1.5:50.24"],"kind":"text","text":{"pi":"Katamo sītisiyāvimokkho?\nSiyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena siyāti.\nKathañca siyā?\nAniccānupassanā anuttaraṁ sītibhāvañāṇaṁ niccato santāpapariḷāhadarathā muccatīti—\nsītisiyāvimokkho.\nDukkhānupassanā anuttaraṁ sītibhāvañāṇaṁ sukhato santāpapariḷāhadarathā muccatīti—\nsītisiyāvimokkho.\nAnattānupassanā anuttaraṁ sītibhāvañāṇaṁ attato santāpapariḷāhadarathā muccatīti—\nsītisiyāvimokkho.\nNibbidānupassanā anuttaraṁ sītibhāvañāṇaṁ nandiyā santāpapariḷāhadarathā muccatīti—\nsītisiyāvimokkho.\nVirāgānupassanā anuttaraṁ sītibhāvañāṇaṁ rāgato santāpapariḷāhadarathā muccatīti—\nsītisiyāvimokkho.\nNirodhānupassanā anuttaraṁ sītibhāvañāṇaṁ samudayato santāpapariḷāhadarathā muccatīti—\nsītisiyāvimokkho.\nPaṭinissaggānupassanā anuttaraṁ sītibhāvañāṇaṁ ādānato santāpapariḷāhadarathā muccatīti—\nsītisiyāvimokkho.\nAnimittānupassanā anuttaraṁ sītibhāvañāṇaṁ nimittato santāpapariḷāhadarathā muccatīti—\nsītisiyāvimokkho.\nAppaṇihitānupassanā anuttaraṁ sītibhāvañāṇaṁ paṇidhiyā santāpapariḷāhadarathā muccatīti—\nsītisiyāvimokkho.\nSuññatānupassanā anuttaraṁ sītibhāvañāṇaṁ abhinivesato santāpapariḷāhadarathā muccatīti—\nsītisiyāvimokkho.\nEvaṁ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena."}},{"id":"ps1.5:51","sourceIds":["ps1.5:51.1","ps1.5:51.2","ps1.5:51.3","ps1.5:51.4","ps1.5:51.5"],"kind":"text","text":{"pi":"Rūpe aniccānupassanā anuttaraṁ sītibhāvañāṇaṁ niccato santāpapariḷāhadarathā muccatīti—\nsītisiyāvimokkho …pe…\nrūpe suññatānupassanā anuttaraṁ sītibhāvañāṇaṁ abhinivesato santāpapariḷāhadarathā muccatīti—\nsītisiyāvimokkho.\nEvaṁ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena."}},{"id":"ps1.5:52","sourceIds":["ps1.5:52.1","ps1.5:52.2","ps1.5:52.3","ps1.5:52.4","ps1.5:52.5","ps1.5:52.6","ps1.5:52.7","ps1.5:52.8","ps1.5:52.9","ps1.5:52.10","ps1.5:52.11"],"kind":"text","text":{"pi":"Vedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanā anuttaraṁ sītibhāvañāṇaṁ niccato santāpapariḷāhadarathā muccatīti—\nsītisiyāvimokkho …pe…\njarāmaraṇe suññatānupassanā anuttaraṁ sītibhāvañāṇaṁ abhinivesato santāpapariḷāhadarathā muccatīti—\nsītisiyāvimokkho.\nEvaṁ siyā eko sītisiyāvimokkho dasa sītisiyāvimokkhā honti, dasa sītisiyāvimokkhā eko sītisiyāvimokkho hoti vatthuvasena pariyāyena—\nayaṁ sītisiyāvimokkho."}},{"id":"ps1.5:53","sourceIds":["ps1.5:53.1","ps1.5:53.2","ps1.5:53.3","ps1.5:53.4","ps1.5:53.5","ps1.5:53.6","ps1.5:53.7","ps1.5:53.8","ps1.5:53.9","ps1.5:53.10","ps1.5:53.11","ps1.5:53.12","ps1.5:53.13","ps1.5:53.14","ps1.5:53.15","ps1.5:53.16","ps1.5:53.17","ps1.5:53.18","ps1.5:53.19","ps1.5:53.20","ps1.5:53.21","ps1.5:53.22","ps1.5:53.23","ps1.5:53.24","ps1.5:53.25","ps1.5:53.26","ps1.5:53.27","ps1.5:53.28","ps1.5:53.29","ps1.5:53.30","ps1.5:53.31","ps1.5:53.32","ps1.5:53.33","ps1.5:53.34"],"kind":"text","text":{"pi":"Katamo jhānavimokkho?\nNekkhammaṁ jhāyatīti jhānaṁ.\nKāmacchandaṁ jhāpetīti—jhānaṁ.\nJhāyanto muccatīti—jhānavimokkho.\nJhāpento muccatīti—jhānavimokkho.\nJhāyantīti— dhammā.\nJhāpetīti—kilese.\nJhāte ca jhāpe ca jānātīti—jhānavimokkho.\nAbyāpādo jhāyatīti—jhānaṁ.\nByāpādaṁ jhāpetīti—jhānaṁ.\nJhāyanto muccatīti— jhānavimokkho.\nJhāpento muccatīti—jhānavimokkho.\nJhāyantīti—dhammā.\nJhāpetīti—kilese.\nJhāte ca jhāpe ca jānātīti—jhānavimokkho.\nĀlokasaññā jhāyatīti—jhānaṁ.\nThinamiddhaṁ jhāpetīti—jhānaṁ …pe…\navikkhepo jhāyatīti— jhānaṁ.\nUddhaccaṁ jhāpetīti—jhānaṁ.\nDhammavavatthānaṁ jhāyatīti—jhānaṁ.\nVicikicchaṁ jhāpetīti—jhānaṁ.\nÑāṇaṁ jhāyatīti—jhānaṁ.\nAvijjaṁ jhāpetīti— jhānaṁ.\nPāmojjaṁ jhāyatīti—jhānaṁ.\nAratiṁ jhāpetīti—jhānaṁ.\nPaṭhamaṁ jhānaṁ jhāyatīti—jhānaṁ.\nNīvaraṇe jhāpetīti—jhānaṁ …pe…\narahattamaggo jhāyatīti— jhānaṁ.\nSabbakilese jhāpetīti—jhānaṁ.\nJhāyanto muccatīti—jhānavimokkho.\nJhāpento muccatīti—jhānavimokkho.\nJhāyantīti—dhammā.\nJhāpetīti—kilese.\nJhāte ca jhāpe ca jānātīti—jhānavimokkho—ayaṁ jhānavimokkho."}},{"id":"ps1.5:54","sourceIds":["ps1.5:54.1","ps1.5:54.2","ps1.5:54.3","ps1.5:54.4","ps1.5:54.5","ps1.5:54.6","ps1.5:54.7","ps1.5:54.8","ps1.5:54.9","ps1.5:54.10","ps1.5:54.11","ps1.5:54.12","ps1.5:54.13","ps1.5:54.14","ps1.5:54.15","ps1.5:54.16","ps1.5:54.17","ps1.5:54.18","ps1.5:54.19","ps1.5:54.20","ps1.5:54.21","ps1.5:54.22","ps1.5:54.23","ps1.5:54.24"],"kind":"text","text":{"pi":"Katamo anupādā cittassa vimokkho?\nSiyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena siyāti.\nKathañca siyā?\nAniccānupassanañāṇaṁ niccato upādānā muccatīti—\nanupādācittassa vimokkho.\nDukkhānupassanañāṇaṁ sukhato upādānā muccatīti—\nanupādācittassa vimokkho.\nAnattānupassanañāṇaṁ attato upādānā muccatīti—\nanupādācittassa vimokkho.\nNibbidānupassanañāṇaṁ nandiyā upādānā muccatīti—\nanupādācittassa vimokkho.\nVirāgānupassanañāṇaṁ rāgato upādānā muccatīti—\nanupādācittassa vimokkho.\nNirodhānupassanañāṇaṁ samudayato upādānā muccatīti—\nanupādācittassa vimokkho.\nPaṭinissaggānupassanañāṇaṁ ādānato upādānā muccatīti—\nanupādācittassa vimokkho.\nAnimittānupassanañāṇaṁ nimittato upādānā muccatīti—\nanupādācittassa vimokkho.\nAppaṇihitānupassanañāṇaṁ paṇidhiyā upādānā muccatīti—\nanupādācittassa vimokkho.\nSuññatānupassanañāṇaṁ abhinivesato upādānā muccatīti—\nanupādācittassa vimokkho.\nEvaṁ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena."}},{"id":"ps1.5:55","sourceIds":["ps1.5:55.1","ps1.5:55.2","ps1.5:55.3","ps1.5:55.4","ps1.5:55.5"],"kind":"text","text":{"pi":"Rūpe aniccānupassanañāṇaṁ niccato upādānā muccatīti—\nanupādācittassa vimokkho …pe…\nrūpe suññatānupassanañāṇaṁ abhinivesato upādānā muccatīti—\nanupādācittassa vimokkho.\nEvaṁ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena."}},{"id":"ps1.5:56","sourceIds":["ps1.5:56.1","ps1.5:56.2","ps1.5:56.3","ps1.5:56.4","ps1.5:56.5","ps1.5:56.6","ps1.5:56.7","ps1.5:56.8","ps1.5:56.9","ps1.5:56.10"],"kind":"text","text":{"pi":"Vedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanañāṇaṁ niccato upādānā muccatīti—\nanupādācittassa vimokkho …pe…\njarāmaraṇe suññatānupassanañāṇaṁ abhinivesato upādānā muccatīti—\nanupādācittassa vimokkho.\nEvaṁ siyā eko anupādācittassa vimokkho dasa anupādācittassa vimokkhā honti, dasa anupādācittassa vimokkhā eko anupādācittassa vimokkho hoti vatthuvasena pariyāyena."}},{"id":"ps1.5:57","sourceIds":["ps1.5:57.1","ps1.5:57.2","ps1.5:57.3","ps1.5:57.4","ps1.5:57.5","ps1.5:57.6","ps1.5:57.7","ps1.5:57.8","ps1.5:57.9","ps1.5:57.10"],"kind":"text","text":{"pi":"Aniccānupassanañāṇaṁ katihupādānehi muccati?\nDukkhānupassanañāṇaṁ katihupādānehi muccati?\nAnattānupassanañāṇaṁ katihupādānehi muccati?\nNibbidānupassanañāṇaṁ …pe…\nvirāgānupassanañāṇaṁ …\nnirodhānupassanañāṇaṁ …\npaṭinissaggānupassanañāṇaṁ …\nanimittānupassanañāṇaṁ …\nappaṇihitānupassanañāṇaṁ …\nsuññatānupassanañāṇaṁ katihupādānehi muccatīti?"}},{"id":"ps1.5:58","sourceIds":["ps1.5:58.1","ps1.5:58.2","ps1.5:58.3","ps1.5:58.4","ps1.5:58.5","ps1.5:58.6","ps1.5:58.7","ps1.5:58.8","ps1.5:58.9","ps1.5:58.10"],"kind":"text","text":{"pi":"Aniccānupassanañāṇaṁ tīhupādānehi muccati.\nDukkhānupassanañāṇaṁ ekupādānā muccati.\nAnattānupassanañāṇaṁ tīhupādānehi muccati.\nNibbidānupassanañāṇaṁ ekupādānā muccati.\nVirāgānupassanañāṇaṁ ekupādānā muccati.\nNirodhānupassanañāṇaṁ catūhupādānehi muccati.\nPaṭinissaggānupassanañāṇaṁ catūhupādānehi muccati.\nAnimittānupassanañāṇaṁ tīhupādānehi muccati.\nAppaṇihitānupassanañāṇaṁ ekupādānā muccati.\nSuññatānupassanañāṇaṁ tīhupādānehi muccati."}},{"id":"ps1.5:59","sourceIds":["ps1.5:59.1","ps1.5:59.2","ps1.5:59.3","ps1.5:59.4","ps1.5:59.5","ps1.5:59.6","ps1.5:59.7","ps1.5:59.8","ps1.5:59.9","ps1.5:59.10","ps1.5:59.11","ps1.5:59.12","ps1.5:59.13","ps1.5:59.14","ps1.5:59.15","ps1.5:59.16","ps1.5:59.17","ps1.5:59.18","ps1.5:59.19","ps1.5:59.20","ps1.5:59.21","ps1.5:59.22","ps1.5:59.23","ps1.5:59.24","ps1.5:59.25","ps1.5:59.26","ps1.5:59.27","ps1.5:59.28","ps1.5:59.29","ps1.5:59.30"],"kind":"text","text":{"pi":"Aniccānupassanañāṇaṁ katamehi tīhupādānehi muccati?\nDiṭṭhupādānā, sīlabbatupādānā, attavādupādānā—\naniccānupassanañāṇaṁ imehi tīhupādānehi muccati.\nDukkhānupassanañāṇaṁ katamā ekupādānā muccati?\nKāmupādānā—\ndukkhānupassanañāṇaṁ idaṁ ekupādānā muccati.\nAnattānupassanañāṇaṁ katamehi tīhupādānehi muccati?\nDiṭṭhupādānā, sīlabbatupādānā, attavādupādānā—\nanattānupassanañāṇaṁ imehi tīhupādānehi muccati.\nNibbidānupassanañāṇaṁ katamā ekupādānā muccati?\nKāmupādānā—\nnibbidānupassanañāṇaṁ idaṁ ekupādānā muccati.\nVirāgānupassanañāṇaṁ katamā ekupādānā muccati?\nKāmupādānā—\nvirāgānupassanañāṇaṁ idaṁ ekupādānā muccati.\nNirodhānupassanañāṇaṁ katamehi catūhupādānehi muccati?\nKāmupādānā, diṭṭhupādānā, sīlabbatupādānā, attavādupādānā—\nnirodhānupassanañāṇaṁ imehi catūhupādānehi muccati.\nPaṭinissaggānupassanañāṇaṁ katamehi catūhupādānehi muccati?\nKāmupādānā, diṭṭhupādānā, sīlabbatupādānā, attavādupādānā—\npaṭinissaggānupassanañāṇaṁ imehi catūhupādānehi muccati.\nAnimittānupassanañāṇaṁ katamehi tīhupādānehi muccati?\nDiṭṭhupādānā, sīlabbatupādānā, attavādupādānā—\nanimittānupassanañāṇaṁ imehi tīhupādānehi muccati.\nAppaṇihitānupassanañāṇaṁ katamā ekupādānā muccati?\nKāmupādānā—\nappaṇihitānupassanañāṇaṁ idaṁ ekupādānā muccati.\nSuññatānupassanañāṇaṁ katamehi tīhupādānehi muccati?\nDiṭṭhupādānā, sīlabbatupādānā, attavādupādānā—\nsuññatānupassanañāṇaṁ imehi tīhupādānehi muccati."}},{"id":"ps1.5:60","sourceIds":["ps1.5:60.1","ps1.5:60.2","ps1.5:60.3","ps1.5:60.4","ps1.5:60.5","ps1.5:60.6","ps1.5:60.7","ps1.5:60.8","ps1.5:60.9","ps1.5:60.10","ps1.5:60.11"],"kind":"text","text":{"pi":"Yañca aniccānupassanañāṇaṁ, yañca anattānupassanañāṇaṁ, yañca animittānupassanañāṇaṁ, yañca suññatānupassanañāṇaṁ—\nimāni cattāri ñāṇāni tīhupādānehi muccanti—\ndiṭṭhupādānā, sīlabbatupādānā, attavādupādānā.\nYañca dukkhānupassanañāṇaṁ, yaṁ ca nibbidānupassanañāṇaṁ, yañca virāgānupassanañāṇaṁ, yañca appaṇihitānupassanañāṇaṁ—\nimāni cattāri ñāṇāni ekupādānā muccanti—\nkāmupādānā.\nYañca nirodhānupassanañāṇaṁ, yañca paṭinissaggānupassanañāṇaṁ—\nimāni dve ñāṇāni catūhupādānehi muccanti—\nkāmupādānā, diṭṭhupādānā, sīlabbatupādānā, attavādupādānā—\nayaṁ anupādācittassa vimokkho.\nVimokkhakathāya paṭhamabhāṇavāro."}},{"id":"ps1.5:61","sourceIds":["ps1.5:61.1","ps1.5:61.2","ps1.5:61.3"],"kind":"text","text":{"pi":"Tīṇi kho panimāni vimokkhamukhāni lokaniyyānāya saṁvattanti.\nSabbasaṅkhāre paricchedaparivaṭumato samanupassanatāya animittāya ca dhātuyā cittasampakkhandanatāya, sabbasaṅkhāresu manosamuttejanatāya appaṇihitāya ca dhātuyā cittasampakkhandanatāya, sabbadhamme parato samanupassanatāya suññatāya ca dhātuyā cittasampakkhandanatāya—\nimāni tīṇi vimokkhamukhāni lokaniyyānāya saṁvattanti."}},{"id":"ps1.5:62","sourceIds":["ps1.5:62.1","ps1.5:62.2","ps1.5:62.3","ps1.5:62.4"],"kind":"text","text":{"pi":"Aniccato manasikaroto kathaṁ saṅkhārā upaṭṭhanti?\nDukkhato manasikaroto kathaṁ saṅkhārā upaṭṭhanti?\nAnattato manasikaroto kathaṁ saṅkhārā upaṭṭhanti?\nAniccato manasikaroto khayato saṅkhārā upaṭṭhanti, dukkhato manasikaroto bhayato saṅkhārā upaṭṭhanti, anattato manasikaroto suññato saṅkhārā upaṭṭhanti."}},{"id":"ps1.5:63","sourceIds":["ps1.5:63.1","ps1.5:63.2","ps1.5:63.3","ps1.5:63.4","ps1.5:63.5","ps1.5:63.6"],"kind":"text","text":{"pi":"Aniccato manasikaroto kiṁ bahulaṁ cittaṁ hoti?\nDukkhato manasikaroto kiṁ bahulaṁ cittaṁ hoti?\nAnattato manasikaroto kiṁ bahulaṁ cittaṁ hoti?\nAniccato manasikaroto adhimokkhabahulaṁ cittaṁ hoti.\nDukkhato manasikaroto passaddhibahulaṁ cittaṁ hoti.\nAnattato manasikaroto vedabahulaṁ cittaṁ hoti."}},{"id":"ps1.5:64","sourceIds":["ps1.5:64.1","ps1.5:64.2","ps1.5:64.3","ps1.5:64.4","ps1.5:64.5","ps1.5:64.6"],"kind":"text","text":{"pi":"Aniccato manasikaronto adhimokkhabahulo katamindriyaṁ paṭilabhati?\nDukkhato manasikaronto passaddhibahulo katamindriyaṁ paṭilabhati?\nAnattato manasikaronto vedabahulo katamindriyaṁ paṭilabhati?\nAniccato manasikaronto adhimokkhabahulo saddhindriyaṁ paṭilabhati.\nDukkhato manasikaronto passaddhibahulo samādhindriyaṁ paṭilabhati.\nAnattato manasikaronto vedabahulo paññindriyaṁ paṭilabhati."}},{"id":"ps1.5:65","sourceIds":["ps1.5:65.1","ps1.5:65.2","ps1.5:65.3","ps1.5:65.4","ps1.5:65.5","ps1.5:65.6","ps1.5:65.7","ps1.5:65.8","ps1.5:65.9","ps1.5:65.10","ps1.5:65.11","ps1.5:65.12","ps1.5:65.13","ps1.5:65.14","ps1.5:65.15","ps1.5:65.16","ps1.5:65.17","ps1.5:65.18"],"kind":"text","text":{"pi":"Aniccato manasikaroto adhimokkhabahulassa katamindriyaṁ ādhipateyyaṁ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?\nDukkhato manasikaroto passaddhibahulassa katamindriyaṁ ādhipateyyaṁ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?\nAnattato manasikaroto vedabahulassa katamindriyaṁ ādhipateyyaṁ hoti, bhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?\nAniccato manasikaroto adhimokkhabahulassa saddhindriyaṁ ādhipateyyaṁ hoti.\nBhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nYo sammāpaṭipanno so bhāveti;\nnatthi micchāpaṭipannassa indriyabhāvanā.\nDukkhato manasikaroto passaddhibahulassa samādhindriyaṁ ādhipateyyaṁ hoti.\nBhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nYo sammāpaṭipanno so bhāveti;\nnatthi micchāpaṭipannassa indriyabhāvanā.\nAnattato manasikaroto vedabahulassa paññindriyaṁ ādhipateyyaṁ hoti.\nBhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nYo sammāpaṭipanno so bhāveti;\nnatthi micchāpaṭipannassa indriyabhāvanā."}},{"id":"ps1.5:66","sourceIds":["ps1.5:66.1","ps1.5:66.2","ps1.5:66.3","ps1.5:66.4","ps1.5:66.5","ps1.5:66.6","ps1.5:66.7","ps1.5:66.8","ps1.5:66.9","ps1.5:66.10","ps1.5:66.11","ps1.5:66.12","ps1.5:66.13","ps1.5:66.14","ps1.5:66.15","ps1.5:66.16","ps1.5:66.17","ps1.5:66.18"],"kind":"text","text":{"pi":"Aniccato manasikaroto adhimokkhabahulassa katamindriyaṁ ādhipateyyaṁ hoti?\nBhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?\nPaṭivedhakāle katamindriyaṁ ādhipateyyaṁ hoti?\nPaṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?\nKenaṭṭhena bhāvanā?\nKenaṭṭhena paṭivedho?\nDukkhato manasikaroto passaddhibahulassa katamindriyaṁ ādhipateyyaṁ hoti?\nBhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?\nPaṭivedhakāle katamindriyaṁ ādhipateyyaṁ hoti?\nPaṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?\nKenaṭṭhena bhāvanā?\nKenaṭṭhena paṭivedho?\nAnattato manasikaroto vedabahulassa katamindriyaṁ ādhipateyyaṁ hoti?\nBhāvanāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti?\nPaṭivedhakāle katamindriyaṁ ādhipateyyaṁ hoti?\nPaṭivedhāya katindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti?\nKenaṭṭhena bhāvanā?\nKenaṭṭhena paṭivedho?"}},{"id":"ps1.5:67","sourceIds":["ps1.5:67.1","ps1.5:67.2","ps1.5:67.3","ps1.5:67.4","ps1.5:67.5","ps1.5:67.6","ps1.5:67.7","ps1.5:67.8","ps1.5:67.9","ps1.5:67.10","ps1.5:67.11","ps1.5:67.12","ps1.5:67.13","ps1.5:67.14","ps1.5:67.15","ps1.5:67.16","ps1.5:67.17","ps1.5:67.18","ps1.5:67.19","ps1.5:67.20","ps1.5:67.21"],"kind":"text","text":{"pi":"Aniccato manasikaroto adhimokkhabahulassa saddhindriyaṁ ādhipateyyaṁ hoti.\nBhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nPaṭivedhakāle paññindriyaṁ ādhipateyyaṁ hoti.\nPaṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nDassanaṭṭhena paṭivedho.\nEvaṁ paṭivijjhantopi bhāveti, bhāventopi paṭivijjhati.\nDukkhato manasikaroto passaddhibahulassa samādhindriyaṁ ādhipateyyaṁ hoti.\nBhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nPaṭivedhakāle paññindriyaṁ ādhipateyyaṁ hoti.\nPaṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nDassanaṭṭhena paṭivedho.\nEvaṁ paṭivijjhantopi bhāveti, bhāventopi paṭivijjhati.\nAnattato manasikaroto vedabahulassa paññindriyaṁ ādhipateyyaṁ hoti.\nBhāvanāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nPaṭivedhakālepi paññindriyaṁ ādhipateyyaṁ hoti.\nPaṭivedhāya cattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nDassanaṭṭhena paṭivedho.\nEvaṁ paṭivijjhantopi bhāveti, bhāventopi paṭivijjhati."}},{"id":"ps1.5:68","sourceIds":["ps1.5:68.1","ps1.5:68.2","ps1.5:68.3","ps1.5:68.4","ps1.5:68.5","ps1.5:68.6"],"kind":"text","text":{"pi":"Aniccato manasikaroto katamindriyaṁ adhimattaṁ hoti?\nKatamindriyassa adhimattattā saddhāvimutto hoti?\nDukkhato manasikaroto katamindriyaṁ adhimattaṁ hoti?\nKatamindriyassa adhimattattā kāyasakkhī hoti?\nAnattato manasikaroto katamindriyaṁ adhimattaṁ hoti?\nKatamindriyassa adhimattattā diṭṭhippatto hoti?"}},{"id":"ps1.5:69","sourceIds":["ps1.5:69.1","ps1.5:69.2","ps1.5:69.3","ps1.5:69.4","ps1.5:69.5","ps1.5:69.6"],"kind":"text","text":{"pi":"Aniccato manasikaroto saddhindriyaṁ adhimattaṁ hoti.\nSaddhindriyassa adhimattattā saddhāvimutto hoti.\nDukkhato manasikaroto samādhindriyaṁ adhimattaṁ hoti.\nSamādhindriyassa adhimattattā kāyasakkhī hoti.\nAnattato manasikaroto paññindriyaṁ adhimattaṁ hoti.\nPaññindriyassa adhimattattā diṭṭhippatto hoti."}},{"id":"ps1.5:70","sourceIds":["ps1.5:70.1","ps1.5:70.2","ps1.5:70.3","ps1.5:70.4","ps1.5:70.5","ps1.5:70.6","ps1.5:70.7","ps1.5:70.8","ps1.5:70.9","ps1.5:70.10","ps1.5:70.11","ps1.5:70.12","ps1.5:70.13","ps1.5:70.14","ps1.5:70.15","ps1.5:70.16","ps1.5:70.17","ps1.5:70.18","ps1.5:70.19","ps1.5:70.20","ps1.5:70.21"],"kind":"text","text":{"pi":"Saddahanto vimuttoti—\nsaddhāvimutto.\nPhuṭṭhattā sacchikatoti—\nkāyasakkhī.\nDiṭṭhattā pattoti—\ndiṭṭhippatto.\nSaddahanto vimuccatīti—\nsaddhāvimutto.\nJhānaphassaṁ paṭhamaṁ phusati, pacchā nirodhaṁ nibbānaṁ sacchikarotīti—\nkāyasakkhī.\n“Dukkhā saṅkhārā, sukho nirodho”ti ñātaṁ hoti diṭṭhaṁ viditaṁ sacchikataṁ phassitaṁ paññāyāti—\ndiṭṭhippatto.\nYo cāyaṁ puggalo saddhāvimutto, yo ca kāyasakkhī, yo ca diṭṭhippatto, siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena siyāti.\nKathañca siyā?\nAniccato manasikaroto saddhindriyaṁ adhimattaṁ hoti.\nSaddhindriyassa adhimattattā saddhāvimutto hoti.\nDukkhato manasikaroto saddhindriyaṁ adhimattaṁ hoti.\nSaddhindriyassa adhimattattā saddhāvimutto hoti.\nAnattato manasikaroto saddhindriyaṁ adhimattaṁ hoti.\nSaddhindriyassa adhimattattā saddhāvimutto hoti.\nEvaṁ ime tayo puggalā saddhindriyassa vasena saddhāvimuttā."}},{"id":"ps1.5:71","sourceIds":["ps1.5:71.1","ps1.5:71.2","ps1.5:71.3","ps1.5:71.4","ps1.5:71.5","ps1.5:71.6","ps1.5:71.7"],"kind":"text","text":{"pi":"Dukkhato manasikaroto samādhindriyaṁ adhimattaṁ hoti.\nSamādhindriyassa adhimattattā kāyasakkhī hoti.\nAnattato manasikaroto samādhindriyaṁ adhimattaṁ hoti.\nSamādhindriyassa adhimattattā kāyasakkhī hoti.\nAniccato manasikaroto samādhindriyaṁ adhimattaṁ hoti.\nSamādhindriyassa adhimattattā kāyasakkhī hoti.\nEvaṁ ime tayo puggalā samādhindriyassa vasena kāyasakkhī."}},{"id":"ps1.5:72","sourceIds":["ps1.5:72.1","ps1.5:72.2","ps1.5:72.3","ps1.5:72.4","ps1.5:72.5","ps1.5:72.6","ps1.5:72.7"],"kind":"text","text":{"pi":"Anattato manasikaroto paññindriyaṁ adhimattaṁ hoti.\nPaññindriyassa adhimattattā diṭṭhippatto hoti.\nAniccato manasikaroto paññindriyaṁ adhimattaṁ hoti.\nPaññindriyassa adhimattattā diṭṭhippatto hoti.\nDukkhato manasikaroto paññindriyaṁ adhimattaṁ hoti.\nPaññindriyassa adhimattattā diṭṭhippatto hoti.\nEvaṁ ime tayo puggalā paññindriyassa vasena diṭṭhippattā."}},{"id":"ps1.5:73","sourceIds":["ps1.5:73.1","ps1.5:73.2","ps1.5:73.3"],"kind":"text","text":{"pi":"Yo cāyaṁ puggalo saddhāvimutto, yo ca kāyasakkhī, yo ca diṭṭhippatto, evaṁ siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena.\nYo cāyaṁ puggalo saddhāvimutto, yo ca kāyasakkhī, yo ca diṭṭhippatto, siyā ime tayo puggalā …pe…\naññoyeva saddhāvimutto, añño kāyasakkhī, añño diṭṭhippatto."}},{"id":"ps1.5:74","sourceIds":["ps1.5:74.1","ps1.5:74.2","ps1.5:74.3","ps1.5:74.4","ps1.5:74.5","ps1.5:74.6","ps1.5:74.7","ps1.5:74.8","ps1.5:74.9","ps1.5:74.10"],"kind":"text","text":{"pi":"Siyāti.\nKathañca siyā?\nAniccato manasikaroto saddhindriyaṁ adhimattaṁ hoti.\nSaddhindriyassa adhimattattā saddhāvimutto hoti.\nDukkhato manasikaroto samādhindriyaṁ adhimattaṁ hoti.\nSamādhindriyassa adhimattattā kāyasakkhī hoti.\nAnattato manasikaroto paññindriyaṁ adhimattaṁ hoti.\nPaññindriyassa adhimattattā diṭṭhippatto hoti.\nYo cāyaṁ puggalo saddhāvimutto, yo ca kāyasakkhī, yo ca diṭṭhippatto, evaṁ siyā ime tayo puggalā saddhāvimuttāpi kāyasakkhīpi diṭṭhippattāpi vatthuvasena pariyāyena.\nAññoyeva saddhāvimutto, añño kāyasakkhī, añño diṭṭhippatto."}},{"id":"ps1.5:75","sourceIds":["ps1.5:75.1","ps1.5:75.2","ps1.5:75.3","ps1.5:75.4","ps1.5:75.5","ps1.5:75.6"],"kind":"text","text":{"pi":"Aniccato manasikaroto saddhindriyaṁ adhimattaṁ hoti, saddhindriyassa adhimattattā sotāpattimaggaṁ paṭilabhati;\ntena vuccati—\n“saddhānusārī”.\nCattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nSaddhindriyassa vasena catunnaṁ indriyānaṁ bhāvanā hoti.\nYe hi keci saddhindriyassa vasena sotāpattimaggaṁ paṭilabhanti, sabbe te saddhānusārino."}},{"id":"ps1.5:76","sourceIds":["ps1.5:76.1","ps1.5:76.2","ps1.5:76.3","ps1.5:76.4","ps1.5:76.5","ps1.5:76.6"],"kind":"text","text":{"pi":"Aniccato manasikaroto saddhindriyaṁ adhimattaṁ hoti, saddhindriyassa adhimattattā sotāpattiphalaṁ sacchikataṁ hoti;\ntena vuccati—\n“saddhāvimutto”.\nCattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nSaddhindriyassa vasena cattārindriyāni bhāvitāni honti subhāvitāni.\nYehi keci saddhindriyassa vasena sotāpattiphalaṁ sacchikatā, sabbe te saddhāvimuttā."}},{"id":"ps1.5:77","sourceIds":["ps1.5:77.1","ps1.5:77.2","ps1.5:77.3","ps1.5:77.4","ps1.5:77.5","ps1.5:77.6","ps1.5:77.7","ps1.5:77.8","ps1.5:77.9","ps1.5:77.10","ps1.5:77.11","ps1.5:77.12"],"kind":"text","text":{"pi":"Aniccato manasikaroto saddhindriyaṁ adhimattaṁ hoti, saddhindriyassa adhimattattā sakadāgāmimaggaṁ paṭilabhati …pe…\nsakadāgāmiphalaṁ sacchikataṁ hoti …pe…\nanāgāmimaggaṁ paṭilabhati …\nanāgāmiphalaṁ sacchikataṁ hoti …pe…\narahattamaggaṁ paṭilabhati …\narahattaṁ sacchikataṁ hoti;\ntena vuccati—\n“saddhāvimutto”.\nCattārindriyāni tadanvayā honti …pe…\nsampayuttapaccayā honti.\nSaddhindriyassa vasena cattārindriyāni bhāvitāni honti subhāvitāni.\nYehi keci saddhindriyassa vasena arahattaṁ sacchikatā, sabbe te saddhāvimuttā."}},{"id":"ps1.5:78","sourceIds":["ps1.5:78.1","ps1.5:78.2","ps1.5:78.3","ps1.5:78.4","ps1.5:78.5","ps1.5:78.6"],"kind":"text","text":{"pi":"Dukkhato manasikaroto samādhindriyaṁ adhimattaṁ hoti, samādhindriyassa adhimattattā sotāpattimaggaṁ paṭilabhati;\ntena vuccati—\n“kāyasakkhī”.\nCattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nSamādhindriyassa vasena catunnaṁ indriyānaṁ bhāvanā hoti.\nYe hi keci samādhindriyassa vasena sotāpattimaggaṁ paṭilabhanti, sabbe te kāyasakkhī."}},{"id":"ps1.5:79","sourceIds":["ps1.5:79.1","ps1.5:79.2","ps1.5:79.3","ps1.5:79.4","ps1.5:79.5","ps1.5:79.6","ps1.5:79.7","ps1.5:79.8","ps1.5:79.9","ps1.5:79.10","ps1.5:79.11","ps1.5:79.12"],"kind":"text","text":{"pi":"Dukkhato manasikaroto samādhindriyaṁ adhimattaṁ hoti, samādhindriyassa adhimattattā sotāpattiphalaṁ sacchikataṁ hoti …pe…\nsakadāgāmimaggaṁ paṭilabhati …pe…\nsakadāgāmiphalaṁ sacchikataṁ hoti …pe…\nanāgāmimaggaṁ paṭilabhati …pe…\nanāgāmiphalaṁ sacchikataṁ hoti …pe…\narahattamaggaṁ paṭilabhati …pe…\narahattaṁ sacchikataṁ hoti;\ntena vuccati—\n“kāyasakkhī”.\nCattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nSamādhindriyassa vasena cattārindriyāni bhāvitāni honti subhāvitāni.\nYe hi keci samādhindriyassa vasena arahattaṁ sacchikatā, sabbe te kāyasakkhī."}},{"id":"ps1.5:80","sourceIds":["ps1.5:80.1","ps1.5:80.2","ps1.5:80.3","ps1.5:80.4","ps1.5:80.5","ps1.5:80.6","ps1.5:80.7"],"kind":"text","text":{"pi":"Anattato manasikaroto paññindriyaṁ adhimattaṁ hoti, paññindriyassa adhimattattā sotāpattimaggaṁ paṭilabhati;\ntena vuccati—\n“dhammānusārī”.\nCattārindriyāni tadanvayā honti …pe…\nsampayuttapaccayā honti.\nPaññindriyassa vasena catunnaṁ indriyānaṁ bhāvanā hoti.\nYe hi keci paññindriyassa vasena sotāpattimaggaṁ paṭilabhanti, sabbe te dhammānusārino."}},{"id":"ps1.5:81","sourceIds":["ps1.5:81.1","ps1.5:81.2","ps1.5:81.3","ps1.5:81.4","ps1.5:81.5","ps1.5:81.6","ps1.5:81.7"],"kind":"text","text":{"pi":"Anattato manasikaroto paññindriyaṁ adhimattaṁ hoti, paññindriyassa adhimattattā sotāpattiphalaṁ sacchikataṁ hoti;\ntena vuccati—\n“diṭṭhippatto”.\nCattārindriyāni tadanvayā honti …pe…\nsampayuttapaccayā honti.\nPaññindriyassa vasena cattārindriyāni bhāvitāni honti subhāvitāni.\nYe hi keci paññindriyassa vasena sotāpattiphalaṁ sacchikatā, sabbe te diṭṭhippattā."}},{"id":"ps1.5:82","sourceIds":["ps1.5:82.1","ps1.5:82.2","ps1.5:82.3","ps1.5:82.4","ps1.5:82.5","ps1.5:82.6","ps1.5:82.7","ps1.5:82.8","ps1.5:82.9","ps1.5:82.10","ps1.5:82.11"],"kind":"text","text":{"pi":"Anattato manasikaroto paññindriyaṁ adhimattaṁ hoti, paññindriyassa adhimattattā sakadāgāmimaggaṁ paṭilabhati …pe…\nsakadāgāmiphalaṁ sacchikataṁ hoti …pe…\nanāgāmimaggaṁ paṭilabhati …\nanāgāmiphalaṁ sacchikataṁ hoti …\narahattamaggaṁ paṭilabhati …pe…\narahattaṁ sacchikataṁ hoti;\ntena vuccati—\n“diṭṭhippatto”.\nCattārindriyāni tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti.\nPaññindriyassa vasena cattārindriyāni bhāvitāni honti subhāvitāni.\nYe hi keci paññindriyassa vasena arahattaṁ sacchikatā, sabbe te diṭṭhippattā."}},{"id":"ps1.5:83","sourceIds":["ps1.5:83.1"],"kind":"text","text":{"pi":"Ye hi keci nekkhammaṁ bhāvitā vā bhāventi vā bhāvissanti vā, adhigatā vā adhigacchanti vā adhigamissanti vā, pattā vā pāpuṇanti vā pāpuṇissanti vā, paṭiladdhā vā paṭilabhanti vā paṭilabhissanti vā, paṭividdhā vā paṭivijjhanti vā paṭivijjhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā, pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā."}},{"id":"ps1.5:84","sourceIds":["ps1.5:84.1","ps1.5:84.2","ps1.5:84.3","ps1.5:84.4","ps1.5:84.5","ps1.5:84.6","ps1.5:84.7","ps1.5:84.8","ps1.5:84.9","ps1.5:84.10","ps1.5:84.11","ps1.5:84.12","ps1.5:84.13","ps1.5:84.14","ps1.5:84.15","ps1.5:84.16","ps1.5:84.17","ps1.5:84.18","ps1.5:84.19","ps1.5:84.20","ps1.5:84.21","ps1.5:84.22","ps1.5:84.23","ps1.5:84.24","ps1.5:84.25","ps1.5:84.26","ps1.5:84.27","ps1.5:84.28","ps1.5:84.29","ps1.5:84.30","ps1.5:84.31","ps1.5:84.32","ps1.5:84.33","ps1.5:84.34","ps1.5:84.35","ps1.5:84.36"],"kind":"text","text":{"pi":"Ye hi keci abyāpādaṁ …pe…\nālokasaññaṁ …\navikkhepaṁ …\ndhammavavatthānaṁ …\nñāṇaṁ …\npāmojjaṁ …\npaṭhamaṁ jhānaṁ …\ndutiyaṁ jhānaṁ …\ntatiyaṁ jhānaṁ …\ncatutthaṁ jhānaṁ …\nākāsānañcāyatanasamāpattiṁ …\nviññāṇañcāyatanasamāpattiṁ …\nākiñcaññāyatanasamāpattiṁ …\nnevasaññānāsaññāyatanasamāpattiṁ …\naniccānupassanaṁ …\ndukkhānupassanaṁ …\nanattānupassanaṁ …\nnibbidānupassanaṁ …\nvirāgānupassanaṁ …\nnirodhānupassanaṁ …\npaṭinissaggānupassanaṁ …\nkhayānupassanaṁ …\nvayānupassanaṁ …\nvipariṇāmānupassanaṁ …\nanimittānupassanaṁ …\nappaṇihitānupassanaṁ …\nsuññatānupassanaṁ …\nadhipaññādhammavipassanaṁ …\nyathābhūtañāṇadassanaṁ …\nādīnavānupassanaṁ …\npaṭisaṅkhānupassanaṁ …\nvivaṭṭanānupassanaṁ …\nsotāpattimaggaṁ …\nsakadāgāmimaggaṁ …\nanāgāmimaggaṁ …\narahattamaggaṁ …."}},{"id":"ps1.5:85","sourceIds":["ps1.5:85.1","ps1.5:85.2","ps1.5:85.3","ps1.5:85.4","ps1.5:85.5","ps1.5:85.6","ps1.5:85.7","ps1.5:85.8"],"kind":"text","text":{"pi":"Ye hi keci cattāro satipaṭṭhāne …\ncattāro sammappadhāne …\ncattāro iddhipāde …\npañcindriyāni …\npañca balāni …\nsatta bojjhaṅge …\nariyaṁ aṭṭhaṅgikaṁ maggaṁ …\nye hi keci aṭṭha vimokkhe bhāvitā vā bhāventi vā bhāvissanti vā, adhigatā vā adhigacchanti vā adhigamissanti vā, pattā vā pāpuṇanti vā pāpuṇissanti vā, paṭiladdhā vā paṭilabhanti vā paṭilabhissanti vā, paṭividdhā vā paṭivijjhanti vā paṭivijjhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā."}},{"id":"ps1.5:86","sourceIds":["ps1.5:86.1","ps1.5:86.2"],"kind":"text","text":{"pi":"Ye hi keci catasso paṭisambhidā pattā vā pāpuṇanti vā pāpuṇissanti vā …pe…\nsabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā."}},{"id":"ps1.5:87","sourceIds":["ps1.5:87.1","ps1.5:87.2"],"kind":"text","text":{"pi":"Ye hi keci tisso vijjā paṭividdhā vā paṭivijjhanti vā paṭivijjhissanti vā …pe…\nsabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā."}},{"id":"ps1.5:88","sourceIds":["ps1.5:88.1"],"kind":"text","text":{"pi":"Ye hi keci tisso sikkhā sikkhitā vā sikkhanti vā sikkhissanti vā, sacchikatā vā sacchikaronti vā sacchikarissanti vā, phassitā vā phassanti vā phassissanti vā, vasippattā vā pāpuṇanti vā pāpuṇissanti vā, pāramippattā vā pāpuṇanti vā pāpuṇissanti vā, vesārajjappattā vā pāpuṇanti vā pāpuṇissanti vā, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā."}},{"id":"ps1.5:89","sourceIds":["ps1.5:89.1"],"kind":"text","text":{"pi":"Ye hi keci dukkhaṁ parijānanti samudayaṁ pajahanti nirodhaṁ sacchikaronti maggaṁ bhāventi, sabbe te saddhindriyassa vasena saddhāvimuttā, samādhindriyassa vasena kāyasakkhī, paññindriyassa vasena diṭṭhippattā."}},{"id":"ps1.5:90","sourceIds":["ps1.5:90.1","ps1.5:90.2","ps1.5:90.3","ps1.5:90.4","ps1.5:90.5","ps1.5:90.6","ps1.5:90.7"],"kind":"text","text":{"pi":"Katihākārehi saccappaṭivedho hoti?\nKatihākārehi saccāni paṭivijjhati?\nCatūhākārehi saccappaṭivedho hoti.\nCatūhākārehi saccāni paṭivijjhati.\nDukkhasaccaṁ pariññāpaṭivedhaṁ paṭivijjhati, samudayasaccaṁ pahānappaṭivedhaṁ paṭivijjhati, nirodhasaccaṁ sacchikiriyāpaṭivedhaṁ paṭivijjhati, maggasaccaṁ bhāvanāpaṭivedhaṁ paṭivijjhati.\nImehi catūhākārehi saccappaṭivedho hoti.\nImehi catūhākārehi saccāni paṭivijjhanto saddhindriyassa vasena saddhāvimutto, samādhindriyassa vasena kāyasakkhī, paññindriyassa vasena diṭṭhippatto."}},{"id":"ps1.5:91","sourceIds":["ps1.5:91.1","ps1.5:91.2","ps1.5:91.3","ps1.5:91.4","ps1.5:91.5","ps1.5:91.6","ps1.5:91.7","ps1.5:91.8"],"kind":"text","text":{"pi":"Katihākārehi saccappaṭivedho hoti?\nKatihākārehi saccāni paṭivijjhati?\nNavahākārehi saccappaṭivedho hoti, navahākārehi saccāni paṭivijjhati.\nDukkhasaccaṁ pariññāpaṭivedhaṁ paṭivijjhati, samudayasaccaṁ pahānappaṭivedhaṁ paṭivijjhati, nirodhasaccaṁ sacchikiriyāpaṭivedhaṁ paṭivijjhati, maggasaccaṁ bhāvanāpaṭivedhaṁ paṭivijjhati.\nAbhiññāpaṭivedho ca sabbadhammānaṁ, pariññāpaṭivedho ca sabbasaṅkhārānaṁ, pahānappaṭivedho ca sabbākusalānaṁ, bhāvanāpaṭivedho ca catunnaṁ maggānaṁ, sacchikiriyāpaṭivedho ca nirodhassa.\nImehi navahākārehi saccappaṭivedho hoti.\nImehi navahākārehi saccāni paṭivijjhanto saddhindriyassa vasena saddhāvimutto, samādhindriyassa vasena kāyasakkhī, paññindriyassa vasena diṭṭhippatto.\nDutiyabhāṇavāro."}},{"id":"ps1.5:92","sourceIds":["ps1.5:92.1","ps1.5:92.2","ps1.5:92.3","ps1.5:92.4","ps1.5:92.5","ps1.5:92.6"],"kind":"text","text":{"pi":"Aniccato manasikaroto kathaṁ saṅkhārā upaṭṭhanti?\nDukkhato manasikaroto kathaṁ saṅkhārā upaṭṭhanti?\nAnattato manasikaroto kathaṁ saṅkhārā upaṭṭhanti?\nAniccato manasikaroto khayato saṅkhārā upaṭṭhanti.\nDukkhato manasikaroto bhayato saṅkhārā upaṭṭhanti.\nAnattato manasikaroto suññato saṅkhārā upaṭṭhanti."}},{"id":"ps1.5:93","sourceIds":["ps1.5:93.1","ps1.5:93.2","ps1.5:93.3","ps1.5:93.4","ps1.5:93.5","ps1.5:93.6"],"kind":"text","text":{"pi":"Aniccato manasikaroto kiṁ bahulaṁ cittaṁ hoti?\nDukkhato manasikaroto kiṁ bahulaṁ cittaṁ hoti?\nAnattato manasikaroto kiṁ bahulaṁ cittaṁ hoti?\nAniccato manasikaroto adhimokkhabahulaṁ cittaṁ hoti.\nDukkhato manasikaroto passaddhibahulaṁ cittaṁ hoti.\nAnattato manasikaroto vedabahulaṁ cittaṁ hoti."}},{"id":"ps1.5:94","sourceIds":["ps1.5:94.1","ps1.5:94.2","ps1.5:94.3","ps1.5:94.4","ps1.5:94.5","ps1.5:94.6"],"kind":"text","text":{"pi":"Aniccato manasikaronto adhimokkhabahulo katamaṁ vimokkhaṁ paṭilabhati?\nDukkhato manasikaronto passaddhibahulo katamaṁ vimokkhaṁ paṭilabhati?\nAnattato manasikaronto vedabahulo katamaṁ vimokkhaṁ paṭilabhati?\nAniccato manasikaronto adhimokkhabahulo animittaṁ vimokkhaṁ paṭilabhati.\nDukkhato manasikaronto passaddhibahulo appaṇihitaṁ vimokkhaṁ paṭilabhati.\nAnattato manasikaronto vedabahulo suññataṁ vimokkhaṁ paṭilabhati."}},{"id":"ps1.5:95","sourceIds":["ps1.5:95.1","ps1.5:95.2","ps1.5:95.3"],"kind":"text","text":{"pi":"Aniccato manasikaroto adhimokkhabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?\nDukkhato manasikaroto passaddhibahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?\nAnattato manasikaroto vedabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, ko bhāveti?"}},{"id":"ps1.5:96","sourceIds":["ps1.5:96.1","ps1.5:96.2","ps1.5:96.3","ps1.5:96.4","ps1.5:96.5","ps1.5:96.6","ps1.5:96.7","ps1.5:96.8","ps1.5:96.9","ps1.5:96.10","ps1.5:96.11","ps1.5:96.12","ps1.5:96.13","ps1.5:96.14","ps1.5:96.15"],"kind":"text","text":{"pi":"Aniccato manasikaroto adhimokkhabahulassa animitto vimokkho ādhipateyyo hoti.\nBhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nYo sammāpaṭipanno so bhāveti;\nnatthi micchāpaṭipannassa vimokkhabhāvanā.\nDukkhato manasikaroto passaddhibahulassa appaṇihito vimokkho ādhipateyyo hoti.\nBhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nYo sammāpaṭipanno so bhāveti;\nnatthi micchāpaṭipannassa vimokkhabhāvanā.\nAnattato manasikaroto vedabahulassa suññato vimokkho ādhipateyyo hoti.\nBhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti.\nEkarasaṭṭhena bhāvanā.\nYo sammāpaṭipanno so bhāveti;\nnatthi micchāpaṭipannassa vimokkhabhāvanā."}},{"id":"ps1.5:97","sourceIds":["ps1.5:97.1","ps1.5:97.2","ps1.5:97.3"],"kind":"text","text":{"pi":"Aniccato manasikaroto adhimokkhabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?\nDukkhato manasikaroto passaddhibahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?\nAnattato manasikaroto vedabahulassa katamo vimokkho ādhipateyyo hoti, bhāvanāya kati vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakāle katamo vimokkho ādhipateyyo hoti, paṭivedhāya kativimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, kenaṭṭhena bhāvanā, kenaṭṭhena paṭivedho?"}},{"id":"ps1.5:98","sourceIds":["ps1.5:98.1","ps1.5:98.2","ps1.5:98.3"],"kind":"text","text":{"pi":"Aniccato manasikaroto adhimokkhabahulassa animitto vimokkho ādhipateyyo hoti, bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi animitto vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṁ paṭivijjhantopi bhāveti, bhāventopi paṭivijjhati.\nDukkhato manasikaroto passaddhibahulassa appaṇihito vimokkho ādhipateyyo hoti, bhāvanāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi appaṇihito vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṁ paṭivijjhantopi bhāveti, bhāventopi paṭivijjhati.\nAnattato manasikaroto vedabahulassa suññato vimokkho ādhipateyyo hoti, bhāvanāya dve vimokkhā tadanvayā honti sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, paṭivedhakālepi suññato vimokkho ādhipateyyo hoti, paṭivedhāya dve vimokkhā tadanvayā honti, sahajātapaccayā honti, aññamaññapaccayā honti, nissayapaccayā honti, sampayuttapaccayā honti, ekarasā honti, ekarasaṭṭhena bhāvanā, dassanaṭṭhena paṭivedho, evaṁ paṭivijjhantopi bhāveti, bhāventopi paṭivijjhati."}},{"id":"ps1.5:99","sourceIds":["ps1.5:99.1","ps1.5:99.2","ps1.5:99.3","ps1.5:99.4","ps1.5:99.5","ps1.5:99.6"],"kind":"text","text":{"pi":"Aniccato manasikaroto katamo vimokkho adhimatto hoti?\nKatamavimokkhassa adhimattattā saddhāvimutto hoti?\nDukkhato manasikaroto katamo vimokkho adhimatto hoti?\nKatamavimokkhassa adhimattattā kāyasakkhī hoti?\nAnattato manasikaroto katamo vimokkho adhimatto hoti?\nKatamavimokkhassa adhimattattā diṭṭhippatto hoti?"}},{"id":"ps1.5:100","sourceIds":["ps1.5:100.1","ps1.5:100.2","ps1.5:100.3","ps1.5:100.4","ps1.5:100.5","ps1.5:100.6"],"kind":"text","text":{"pi":"Aniccato manasikaroto animitto vimokkho adhimatto hoti.\nAnimittavimokkhassa adhimattattā saddhāvimutto hoti.\nDukkhato manasikaroto appaṇihito vimokkho adhimatto hoti.\nAppaṇihitavimokkhassa adhimattattā kāyasakkhī hoti.\nAnattato manasikaroto suññato vimokkho adhimatto hoti.\nSuññatavimokkhassa adhimattattā diṭṭhippatto hoti."}},{"id":"ps1.5:101","sourceIds":["ps1.5:101.1","ps1.5:101.2","ps1.5:101.3","ps1.5:101.4","ps1.5:101.5","ps1.5:101.6","ps1.5:101.7","ps1.5:101.8","ps1.5:101.9","ps1.5:101.10","ps1.5:101.11","ps1.5:101.12","ps1.5:101.13","ps1.5:101.14"],"kind":"text","text":{"pi":"Saddahanto vimuttoti—\nsaddhāvimutto.\nPhuṭṭhattā sacchikatoti—\nkāyasakkhī.\nDiṭṭhattā pattoti—\ndiṭṭhippatto.\nSaddahanto vimuccatīti—\nsaddhāvimutto.\nJhānaphassaṁ paṭhamaṁ phusati, pacchā nirodhaṁ nibbānaṁ sacchikarotīti—\nkāyasakkhī.\n“Dukkhā saṅkhārā, sukho nirodho”ti viññātaṁ hoti diṭṭhaṁ viditaṁ sacchikataṁ phassitaṁ paññāyāti—\ndiṭṭhippatto …pe…\nye hi keci nekkhammaṁ bhāvitā vā bhāventi vā bhāvissanti vā …pe…\nsabbe te animittavimokkhassa vasena saddhāvimuttā, appaṇihitavimokkhassa vasena kāyasakkhī, suññatavimokkhassa vasena diṭṭhippattā."}},{"id":"ps1.5:102","sourceIds":["ps1.5:102.1","ps1.5:102.2","ps1.5:102.3","ps1.5:102.4"],"kind":"text","text":{"pi":"Ye hi keci abyāpādaṁ …\nālokasaññaṁ …\navikkhepaṁ …\nye hi keci dukkhaṁ parijānanti, samudayaṁ pajahanti, nirodhaṁ sacchikaronti, maggaṁ bhāventi, sabbe te animittavimokkhassa vasena saddhāvimuttā, appaṇihitavimokkhassa vasena kāyasakkhī, suññatavimokkhassa vasena diṭṭhippattā."}},{"id":"ps1.5:103","sourceIds":["ps1.5:103.1","ps1.5:103.2","ps1.5:103.3","ps1.5:103.4","ps1.5:103.5","ps1.5:103.6","ps1.5:103.7","ps1.5:103.8","ps1.5:103.9"],"kind":"text","text":{"pi":"Katihākārehi saccappaṭivedho hoti?\nKatihākārehi saccāni paṭivijjhati?\nCatūhākārehi saccappaṭivedho hoti.\nCatūhākārehi saccāni paṭivijjhati.\nDukkhasaccaṁ pariññāpaṭivedhaṁ paṭivijjhati, samudayasaccaṁ pahānapaṭivedhaṁ paṭivijjhati.\nNirodhasaccaṁ sacchikiriyāpaṭivedhaṁ paṭivijjhati.\nMaggasaccaṁ bhāvanāpaṭivedhaṁ paṭivijjhati.\nImehi catūhākārehi saccappaṭivedho hoti.\nImehi catūhākārehi saccāni paṭivijjhanto animittavimokkhassa vasena saddhāvimutto, appaṇihitavimokkhassa vasena kāyasakkhī, suññatavimokkhassa vasena diṭṭhippatto."}},{"id":"ps1.5:104","sourceIds":["ps1.5:104.1","ps1.5:104.2","ps1.5:104.3","ps1.5:104.4","ps1.5:104.5","ps1.5:104.6","ps1.5:104.7","ps1.5:104.8"],"kind":"text","text":{"pi":"Katihākārehi saccappaṭivedho hoti?\nKatihākārehi saccāni paṭivijjhati?\nNavahākārehi saccappaṭivedho hoti.\nNavahākārehi saccāni paṭivijjhati.\nDukkhasaccaṁ pariññāpaṭivedhaṁ paṭivijjhati …pe…\nsacchikiriyāpaṭivedho ca nirodhassa.\nImehi navahākārehi saccappaṭivedho hoti.\nImehi navahākārehi saccāni paṭivijjhanto animittavimokkhassa vasena saddhāvimutto, appaṇihitavimokkhassa vasena kāyasakkhī, suññatavimokkhassa vasena diṭṭhippatto."}},{"id":"ps1.5:105","sourceIds":["ps1.5:105.1","ps1.5:105.2","ps1.5:105.3","ps1.5:105.4","ps1.5:105.5","ps1.5:105.6","ps1.5:105.7","ps1.5:105.8","ps1.5:105.9","ps1.5:105.10","ps1.5:105.11","ps1.5:105.12"],"kind":"text","text":{"pi":"Aniccato manasikaronto katame dhamme yathābhūtaṁ jānāti passati?\nKathaṁ sammādassanaṁ hoti?\nKathaṁ tadanvayena sabbe saṅkhārā aniccato sudiṭṭhā honti?\nKattha kaṅkhā pahīyati?\nDukkhato manasikaronto katame dhamme yathābhūtaṁ jānāti passati?\nKathaṁ sammādassanaṁ hoti?\nKathaṁ tadanvayena sabbe saṅkhārā dukkhato sudiṭṭhā honti?\nKattha kaṅkhā pahīyati?\nAnattato manasikaronto katame dhamme yathābhūtaṁ jānāti passati?\nKathaṁ sammādassanaṁ hoti?\nKathaṁ tadanvayena sabbe dhammā anattato sudiṭṭhā honti?\nKattha kaṅkhā pahīyati?"}},{"id":"ps1.5:106","sourceIds":["ps1.5:106.1","ps1.5:106.2","ps1.5:106.3","ps1.5:106.4","ps1.5:106.5","ps1.5:106.6","ps1.5:106.7","ps1.5:106.8","ps1.5:106.9","ps1.5:106.10","ps1.5:106.11","ps1.5:106.12","ps1.5:106.13","ps1.5:106.14","ps1.5:106.15"],"kind":"text","text":{"pi":"Aniccato manasikaronto nimittaṁ yathābhūtaṁ jānāti passati;\ntena vuccati—\n“sammādassanaṁ”.\nEvaṁ tadanvayena sabbe saṅkhārā aniccato sudiṭṭhā honti.\nEttha kaṅkhā pahīyati.\nDukkhato manasikaronto pavattaṁ yathābhūtaṁ jānāti passati;\ntena vuccati—\n“sammādassanaṁ”.\nEvaṁ tadanvayena sabbe saṅkhārā dukkhato sudiṭṭhā honti.\nEttha kaṅkhā pahīyati.\nAnattato manasikaronto nimittañca pavattañca yathābhūtaṁ jānāti passati;\ntena vuccati—\n“sammādassanaṁ”.\nEvaṁ tadanvayena sabbe dhammā anattato sudiṭṭhā honti.\nEttha kaṅkhā pahīyati."}},{"id":"ps1.5:107","sourceIds":["ps1.5:107.1","ps1.5:107.2"],"kind":"text","text":{"pi":"Yañca yathābhūtaṁ ñāṇaṁ yañca sammādassanaṁ yā ca kaṅkhāvitaraṇā, ime dhammā nānatthā ceva nānābyañjanā ca, udāhu ekatthā, byañjanameva nānanti?\nYañca yathābhūtaṁ ñāṇaṁ yañca sammādassanaṁ yā ca kaṅkhāvitaraṇā, ime dhammā ekatthā, byañjanameva nānaṁ."}},{"id":"ps1.5:108","sourceIds":["ps1.5:108.1","ps1.5:108.2","ps1.5:108.3","ps1.5:108.4","ps1.5:108.5","ps1.5:108.6"],"kind":"text","text":{"pi":"Aniccato manasikaroto kiṁ bhayato upaṭṭhāti?\nDukkhato manasikaroto kiṁ bhayato upaṭṭhāti?\nAnattato manasikaroto kiṁ bhayato upaṭṭhāti?\nAniccato manasikaroto nimittaṁ bhayato upaṭṭhāti.\nDukkhato manasikaroto pavattaṁ bhayato upaṭṭhāti.\nAnattato manasikaroto nimittañca pavattañca bhayato upaṭṭhāti."}},{"id":"ps1.5:109","sourceIds":["ps1.5:109.1","ps1.5:109.2"],"kind":"text","text":{"pi":"Yā ca bhayatupaṭṭhāne paññā yañca ādīnave ñāṇaṁ yā ca nibbidā, ime dhammā nānatthā ceva nānābyañjanā ca, udāhu ekatthā, byañjanameva nānanti?\nYā ca bhayatupaṭṭhāne paññā yañca ādīnave ñāṇaṁ yā ca nibbidā, ime dhammā ekatthā, byañjanameva nānaṁ."}},{"id":"ps1.5:110","sourceIds":["ps1.5:110.1","ps1.5:110.2"],"kind":"text","text":{"pi":"Yā ca anattānupassanā yā ca suññatānupassanā, ime dhammā nānatthā ceva nānābyañjanā ca, udāhu ekatthā, byañjanameva nānanti?\nYā ca anattānupassanā yā ca suññatānupassanā, ime dhammā ekatthā, byañjanameva nānaṁ."}},{"id":"ps1.5:111","sourceIds":["ps1.5:111.1","ps1.5:111.2","ps1.5:111.3","ps1.5:111.4","ps1.5:111.5","ps1.5:111.6"],"kind":"text","text":{"pi":"Aniccato manasikaroto kiṁ paṭisaṅkhā ñāṇaṁ uppajjati?\nDukkhato manasikaroto kiṁ paṭisaṅkhā ñāṇaṁ uppajjati?\nAnattato manasikaroto kiṁ paṭisaṅkhā ñāṇaṁ uppajjati?\nAniccato manasikaroto nimittaṁ paṭisaṅkhā ñāṇaṁ uppajjati.\nDukkhato manasikaroto pavattaṁ paṭisaṅkhā ñāṇaṁ uppajjati.\nAnattato manasikaroto nimittañca pavattañca paṭisaṅkhā ñāṇaṁ uppajjati."}},{"id":"ps1.5:112","sourceIds":["ps1.5:112.1","ps1.5:112.2"],"kind":"text","text":{"pi":"Yā ca muccitukamyatā yā ca paṭisaṅkhānupassanā yā ca saṅkhārupekkhā, ime dhammā nānatthā ceva nānābyañjanā ca, udāhu ekatthā, byañjanameva nānanti?\nYā ca muccitukamyatā yā ca paṭisaṅkhānupassanā yā ca saṅkhārupekkhā, ime dhammā ekatthā, byañjanameva nānaṁ."}},{"id":"ps1.5:113","sourceIds":["ps1.5:113.1","ps1.5:113.2","ps1.5:113.3","ps1.5:113.4","ps1.5:113.5","ps1.5:113.6"],"kind":"text","text":{"pi":"Aniccato manasikaroto kuto cittaṁ vuṭṭhāti, kattha cittaṁ pakkhandati?\nDukkhato manasikaroto kuto cittaṁ vuṭṭhāti, kattha cittaṁ pakkhandati?\nAnattato manasikaroto kuto cittaṁ vuṭṭhāti, kattha cittaṁ pakkhandati?\nAniccato manasikaroto nimittā cittaṁ vuṭṭhāti, animitte cittaṁ pakkhandati.\nDukkhato manasikaroto pavattā cittaṁ vuṭṭhāti, appavatte cittaṁ pakkhandati.\nAnattato manasikaroto nimittā ca pavattā ca cittaṁ vuṭṭhāti, animitte appavatte nirodhe nibbānadhātuyā cittaṁ pakkhandati."}},{"id":"ps1.5:114","sourceIds":["ps1.5:114.1","ps1.5:114.2"],"kind":"text","text":{"pi":"Yā ca bahiddhāvuṭṭhānavivaṭṭane paññā ye ca gotrabhū dhammā, ime dhammā nānatthā ceva nānābyañjanā ca, udāhu ekatthā, byañjanameva nānanti?\nYā ca bahiddhāvuṭṭhānavivaṭṭane paññā ye ca gotrabhū dhammā, ime dhammā ekatthā, byañjanameva nānaṁ."}},{"id":"ps1.5:115","sourceIds":["ps1.5:115.1","ps1.5:115.2","ps1.5:115.3","ps1.5:115.4","ps1.5:115.5","ps1.5:115.6"],"kind":"text","text":{"pi":"Aniccato manasikaronto katamena vimokkhena vimuccati?\nDukkhato manasikaronto katamena vimokkhena vimuccati?\nAnattato manasikaronto katamena vimokkhena vimuccati?\nAniccato manasikaronto animittavimokkhena vimuccati.\nDukkhato manasikaronto appaṇihitavimokkhena vimuccati.\nAnattato manasikaronto suññatavimokkhena vimuccati."}},{"id":"ps1.5:116","sourceIds":["ps1.5:116.1","ps1.5:116.2"],"kind":"text","text":{"pi":"Yā ca dubhato vuṭṭhānavivaṭṭane paññā yañca magge ñāṇaṁ, ime dhammā nānatthā ceva nānābyañjanā ca, udāhu ekatthā, byañjanameva nānanti?\nYā ca dubhato vuṭṭhānavivaṭṭane paññā yañca magge ñāṇaṁ, ime dhammā ekatthā, byañjanameva nānaṁ."}},{"id":"ps1.5:117","sourceIds":["ps1.5:117.1","ps1.5:117.2","ps1.5:117.3","ps1.5:117.4"],"kind":"text","text":{"pi":"Katihākārehi tayo vimokkhā nānākkhaṇe honti?\nKatihākārehi tayo vimokkhā ekakkhaṇe honti?\nCatūhākārehi tayo vimokkhā nānākkhaṇe honti.\nSattahākārehi tayo vimokkhā ekakkhaṇe honti."}},{"id":"ps1.5:118","sourceIds":["ps1.5:118.1","ps1.5:118.2","ps1.5:118.3","ps1.5:118.4","ps1.5:118.5"],"kind":"text","text":{"pi":"Katamehi catūhākārehi tayo vimokkhā nānākkhaṇe honti?\nĀdhipateyyaṭṭhena, adhiṭṭhānaṭṭhena, abhinīhāraṭṭhena, niyyānaṭṭhena.\nKathaṁ ādhipateyyaṭṭhena tayo vimokkhā nānākkhaṇe honti?\nAniccato manasikaroto animitto vimokkho ādhipateyyo hoti, dukkhato manasikaroto appaṇihito vimokkho ādhipateyyo hoti, anattato manasikaroto suññato vimokkho ādhipateyyo hoti.\nEvaṁ ādhipateyyaṭṭhena tayo vimokkhā nānākkhaṇe honti."}},{"id":"ps1.5:119","sourceIds":["ps1.5:119.1","ps1.5:119.2","ps1.5:119.3"],"kind":"text","text":{"pi":"Kathaṁ adhiṭṭhānaṭṭhena tayo vimokkhā nānākkhaṇe honti?\nAniccato manasikaronto animittavimokkhassa vasena cittaṁ adhiṭṭhāti, dukkhato manasikaronto appaṇihitavimokkhassa vasena cittaṁ adhiṭṭhāti, anattato manasikaronto suññatavimokkhassa vasena cittaṁ adhiṭṭhāti.\nEvaṁ adhiṭṭhānaṭṭhena tayo vimokkhā nānākkhaṇe honti."}},{"id":"ps1.5:120","sourceIds":["ps1.5:120.1","ps1.5:120.2","ps1.5:120.3"],"kind":"text","text":{"pi":"Kathaṁ abhinīhāraṭṭhena tayo vimokkhā nānākkhaṇe honti?\nAniccato manasikaronto animittavimokkhassa vasena cittaṁ abhinīharati, dukkhato manasikaronto appaṇihitavimokkhassa vasena cittaṁ abhinīharati, anattato manasikaronto suññatavimokkhassa vasena cittaṁ abhinīharati.\nEvaṁ abhinīhāraṭṭhena tayo vimokkhā nānākkhaṇe honti."}},{"id":"ps1.5:121","sourceIds":["ps1.5:121.1","ps1.5:121.2","ps1.5:121.3","ps1.5:121.4"],"kind":"text","text":{"pi":"Kathaṁ niyyānaṭṭhena tayo vimokkhā nānākkhaṇe honti?\nAniccato manasikaronto animittavimokkhassa vasena nirodhaṁ nibbānaṁ niyyāti, dukkhato manasikaronto appaṇihitavimokkhassa vasena nirodhaṁ nibbānaṁ niyyāti, anattato manasikaronto suññatavimokkhassa vasena nirodhaṁ nibbānaṁ niyyāti.\nEvaṁ niyyānaṭṭhena tayo vimokkhā nānākkhaṇe honti.\nImehi catūhākārehi tayo vimokkhā nānākkhaṇe honti."}},{"id":"ps1.5:122","sourceIds":["ps1.5:122.1","ps1.5:122.2","ps1.5:122.3","ps1.5:122.4","ps1.5:122.5","ps1.5:122.6","ps1.5:122.7","ps1.5:122.8","ps1.5:122.9","ps1.5:122.10","ps1.5:122.11","ps1.5:122.12"],"kind":"text","text":{"pi":"Katamehi sattahākārehi tayo vimokkhā ekakkhaṇe honti?\nSamodhānaṭṭhena, adhigamanaṭṭhena, paṭilābhaṭṭhena paṭivedhaṭṭhena, sacchikiriyaṭṭhena, phassanaṭṭhena, abhisamayaṭṭhena.\nKathaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti?\nAniccato manasikaronto nimittā muccatīti—\nanimitto vimokkho.\nYato muccati, tattha na paṇidahatīti—\nappaṇihito vimokkho.\nYattha na paṇidahati, tena suññoti—\nsuññato vimokkho.\nYena suñño, tena nimittena animittoti—\nanimitto vimokkho.\nEvaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti."}},{"id":"ps1.5:123","sourceIds":["ps1.5:123.1","ps1.5:123.2","ps1.5:123.3","ps1.5:123.4","ps1.5:123.5","ps1.5:123.6","ps1.5:123.7","ps1.5:123.8","ps1.5:123.9"],"kind":"text","text":{"pi":"Dukkhato manasikaronto paṇidhiyā muccatīti—\nappaṇihito vimokkho.\nYattha na paṇidahati, tena suññoti—\nsuññato vimokkho.\nYena suñño, tena nimittena animittoti—\nanimitto vimokkho.\nYena nimittena animitto, tattha na paṇidahatīti—\nappaṇihito vimokkho.\nEvaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti."}},{"id":"ps1.5:124","sourceIds":["ps1.5:124.1","ps1.5:124.2","ps1.5:124.3","ps1.5:124.4","ps1.5:124.5","ps1.5:124.6","ps1.5:124.7","ps1.5:124.8","ps1.5:124.9","ps1.5:124.10"],"kind":"text","text":{"pi":"Anattato manasikaronto abhinivesā muccatīti—\nsuññato vimokkho.\nYena suñño, tena nimittena animittoti—\nanimitto vimokkho.\nYena nimittena animitto, tattha na paṇidahatīti—\nappaṇihito vimokkho.\nYattha na paṇidahati, tena suññoti—\nsuññato vimokkho.\nEvaṁ samodhānaṭṭhena adhigamanaṭṭhena paṭilābhaṭṭhena paṭivedhaṭṭhena sacchikiriyaṭṭhena phassanaṭṭhena abhisamayaṭṭhena tayo vimokkhā ekakkhaṇe honti.\nImehi sattahākārehi tayo vimokkhā ekakkhaṇe honti."}},{"id":"ps1.5:125","sourceIds":["ps1.5:125.1"],"kind":"text","text":{"pi":"Atthi vimokkho, atthi mukhaṁ, atthi vimokkhamukhaṁ, atthi vimokkhapaccanīkaṁ, atthi vimokkhānulomaṁ, atthi vimokkhavivaṭṭo, atthi vimokkhabhāvanā, atthi vimokkhappaṭippassaddhi."}},{"id":"ps1.5:126","sourceIds":["ps1.5:126.1","ps1.5:126.2","ps1.5:126.3","ps1.5:126.4","ps1.5:126.5","ps1.5:126.6","ps1.5:126.7","ps1.5:126.8","ps1.5:126.9","ps1.5:126.10","ps1.5:126.11","ps1.5:126.12","ps1.5:126.13","ps1.5:126.14","ps1.5:126.15","ps1.5:126.16","ps1.5:126.17","ps1.5:126.18","ps1.5:126.19","ps1.5:126.20","ps1.5:126.21","ps1.5:126.22","ps1.5:126.23"],"kind":"text","text":{"pi":"Katamo vimokkho?\nSuññato vimokkho, animitto vimokkho, appaṇihito vimokkho.\nKatamo suññato vimokkho?\nAniccānupassanañāṇaṁ niccato abhinivesā muccatīti—\nsuññato vimokkho.\nDukkhānupassanañāṇaṁ sukhato abhinivesā muccatīti—\nsuññato vimokkho.\nAnattānupassanañāṇaṁ attato abhinivesā muccatīti—\nsuññato vimokkho.\nNibbidānupassanañāṇaṁ nandiyā abhinivesā muccatīti—\nsuññato vimokkho.\nVirāgānupassanañāṇaṁ rāgato abhinivesā muccatīti—\nsuññato vimokkho.\nNirodhānupassanañāṇaṁ samudayato abhinivesā muccatīti—\nsuññato vimokkho.\nPaṭinissaggānupassanañāṇaṁ ādānato abhinivesā muccatīti—\nsuññato vimokkho.\nAnimittānupassanañāṇaṁ nimittato abhinivesā muccatīti—\nsuññato vimokkho.\nAppaṇihitānupassanañāṇaṁ paṇidhiyā abhinivesā muccatīti—\nsuññato vimokkho.\nSuññatānupassanañāṇaṁ sabbābhinivesehi muccatīti—\nsuññato vimokkho."}},{"id":"ps1.5:127","sourceIds":["ps1.5:127.1","ps1.5:127.2","ps1.5:127.3","ps1.5:127.4","ps1.5:127.5","ps1.5:127.6","ps1.5:127.7","ps1.5:127.8","ps1.5:127.9","ps1.5:127.10","ps1.5:127.11","ps1.5:127.12","ps1.5:127.13","ps1.5:127.14"],"kind":"text","text":{"pi":"Rūpe aniccānupassanañāṇaṁ niccato abhinivesā muccatīti—\nsuññato vimokkho …pe…\nrūpe suññatānupassanañāṇaṁ sabbābhinivesehi muccatīti—\nsuññato vimokkho.\nVedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanañāṇaṁ niccato abhinivesā muccatīti—\nsuññato vimokkho …pe…\njarāmaraṇe suññatānupassanañāṇaṁ sabbābhinivesehi muccatīti—\nsuññato vimokkho.\nAyaṁ suññato vimokkho."}},{"id":"ps1.5:128","sourceIds":["ps1.5:128.1","ps1.5:128.2","ps1.5:128.3","ps1.5:128.4","ps1.5:128.5","ps1.5:128.6","ps1.5:128.7","ps1.5:128.8","ps1.5:128.9","ps1.5:128.10","ps1.5:128.11","ps1.5:128.12","ps1.5:128.13","ps1.5:128.14","ps1.5:128.15","ps1.5:128.16","ps1.5:128.17","ps1.5:128.18","ps1.5:128.19","ps1.5:128.20","ps1.5:128.21"],"kind":"text","text":{"pi":"Katamo animitto vimokkho?\nAniccānupassanañāṇaṁ niccato nimittā muccatīti—\nanimitto vimokkho.\nDukkhānupassanañāṇaṁ sukhato nimittā muccatīti—\nanimitto vimokkho.\nAnattānupassanañāṇaṁ attato nimittā muccatīti—\nanimitto vimokkho.\nNibbidānupassanañāṇaṁ nandiyā nimittā muccatīti—\nanimitto vimokkho.\nVirāgānupassanañāṇaṁ rāgato nimittā muccatīti—\nanimitto vimokkho.\nNirodhānupassanañāṇaṁ samudayato nimittā muccatīti—\nanimitto vimokkho.\nPaṭinissaggānupassanañāṇaṁ ādānato nimittā muccatīti—\nanimitto vimokkho.\nAnimittānupassanañāṇaṁ sabbanimittehi muccatīti—\nanimitto vimokkho.\nAppaṇihitānupassanañāṇaṁ paṇidhiyā nimittā muccatīti—\nanimitto vimokkho.\nSuññatānupassanañāṇaṁ abhinivesato nimittā muccatīti—\nanimitto vimokkho."}},{"id":"ps1.5:129","sourceIds":["ps1.5:129.1","ps1.5:129.2","ps1.5:129.3","ps1.5:129.4","ps1.5:129.5","ps1.5:129.6","ps1.5:129.7","ps1.5:129.8","ps1.5:129.9","ps1.5:129.10","ps1.5:129.11","ps1.5:129.12","ps1.5:129.13","ps1.5:129.14","ps1.5:129.15","ps1.5:129.16","ps1.5:129.17","ps1.5:129.18","ps1.5:129.19","ps1.5:129.20","ps1.5:129.21","ps1.5:129.22"],"kind":"text","text":{"pi":"Rūpe aniccānupassanañāṇaṁ niccato nimittā muccatīti—\nanimitto vimokkho …pe…\nrūpe animittānupassanañāṇaṁ sabbanimittehi muccatīti—\nanimitto vimokkho.\nRūpe appaṇihitānupassanañāṇaṁ paṇidhiyā nimittā muccatīti—\nanimitto vimokkho.\nRūpe suññatānupassanañāṇaṁ abhinivesato nimittā muccatīti—\nanimitto vimokkho.\nVedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanañāṇaṁ niccato nimittā muccatīti—\nanimitto vimokkho …pe…\njarāmaraṇe aniccānupassanañāṇaṁ sabbanimittehi muccatīti—\nanimitto vimokkho.\nJarāmaraṇe appaṇihitānupassanañāṇaṁ paṇidhiyā nimittā muccatīti—\nanimitto vimokkho.\nJarāmaraṇe suññatānupassanañāṇaṁ abhinivesato nimittā muccatīti—\nanimitto vimokkho.\nAyaṁ animitto vimokkho."}},{"id":"ps1.5:130","sourceIds":["ps1.5:130.1","ps1.5:130.2","ps1.5:130.3","ps1.5:130.4","ps1.5:130.5","ps1.5:130.6","ps1.5:130.7","ps1.5:130.8","ps1.5:130.9","ps1.5:130.10","ps1.5:130.11","ps1.5:130.12","ps1.5:130.13","ps1.5:130.14","ps1.5:130.15","ps1.5:130.16","ps1.5:130.17","ps1.5:130.18","ps1.5:130.19","ps1.5:130.20","ps1.5:130.21"],"kind":"text","text":{"pi":"Katamo appaṇihito vimokkho?\nAniccānupassanañāṇaṁ niccato paṇidhiyā muccatīti—\nappaṇihito vimokkho.\nDukkhānupassanañāṇaṁ sukhato paṇidhi muccatīti—\nappaṇihito vimokkho.\nAnattānupassanañāṇaṁ attato paṇidhi muccatīti—\nappaṇihito vimokkho.\nNibbidānupassanañāṇaṁ nandiyā paṇidhi muccatīti—\nappaṇihito vimokkho.\nVirāgānupassanañāṇaṁ rāgato paṇidhi muccatīti—\nappaṇihito vimokkho.\nNirodhānupassanañāṇaṁ samudayato paṇidhi muccatīti—\nappaṇihito vimokkho.\nPaṭinissaggānupassanañāṇaṁ ādānato paṇidhi muccatīti—\nappaṇihito vimokkho.\nAnimittānupassanañāṇaṁ nimittato paṇidhi muccatīti—\nappaṇihito vimokkho.\nAppaṇihitānupassanañāṇaṁ sabbapaṇidhīhi muccatīti—\nappaṇihito vimokkho.\nSuññatānupassanañāṇaṁ abhinivesato paṇidhi muccatīti—\nappaṇihito vimokkho."}},{"id":"ps1.5:131","sourceIds":["ps1.5:131.1","ps1.5:131.2","ps1.5:131.3","ps1.5:131.4","ps1.5:131.5","ps1.5:131.6","ps1.5:131.7","ps1.5:131.8","ps1.5:131.9","ps1.5:131.10","ps1.5:131.11","ps1.5:131.12","ps1.5:131.13","ps1.5:131.14","ps1.5:131.15","ps1.5:131.16","ps1.5:131.17","ps1.5:131.18","ps1.5:131.19"],"kind":"text","text":{"pi":"Rūpe aniccānupassanañāṇaṁ niccato paṇidhi muccatīti—\nappaṇihito vimokkho …pe…\nrūpe appaṇihitānupassanañāṇaṁ sabbapaṇidhīhi muccatīti—\nappaṇihito vimokkho.\nRūpe suññatānupassanañāṇaṁ abhinivesato paṇidhi muccatīti—\nappaṇihito vimokkho.\nVedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanañāṇaṁ niccato paṇidhi muccatīti—\nappaṇihito vimokkho …pe…\njarāmaraṇe appaṇihitānupassanañāṇaṁ sabbapaṇidhīhi muccatīti—\nappaṇihito vimokkho.\nJarāmaraṇe suññatānupassanañāṇaṁ abhinivesato paṇidhi muccatīti—\nappaṇihito vimokkho.\nAyaṁ appaṇihito vimokkho.\nAyaṁ vimokkho."}},{"id":"ps1.5:132","sourceIds":["ps1.5:132.1","ps1.5:132.2"],"kind":"text","text":{"pi":"Katamaṁ mukhaṁ?\nYe tattha jātā anavajjakusalā bodhipakkhiyā dhammā, idaṁ mukhaṁ."}},{"id":"ps1.5:133","sourceIds":["ps1.5:133.1","ps1.5:133.2","ps1.5:133.3"],"kind":"text","text":{"pi":"Katamaṁ vimokkhamukhaṁ?\nYaṁ tesaṁ dhammānaṁ ārammaṇaṁ nirodho nibbānaṁ, idaṁ vimokkhamukhaṁ.\nVimokkhañca mukhañca vimokkhamukhaṁ, idaṁ vimokkhamukhaṁ."}},{"id":"ps1.5:134","sourceIds":["ps1.5:134.1","ps1.5:134.2"],"kind":"text","text":{"pi":"Katamaṁ vimokkhapaccanīkaṁ?\nTīṇi akusalamūlāni vimokkhapaccanīkāni, tīṇi duccaritāni vimokkhapaccanīkāni, sabbepi akusalā dhammā vimokkhapaccanīkā, idaṁ vimokkhapaccanīkaṁ."}},{"id":"ps1.5:135","sourceIds":["ps1.5:135.1","ps1.5:135.2"],"kind":"text","text":{"pi":"Katamaṁ vimokkhānulomaṁ?\nTīṇi kusalamūlāni vimokkhānulomāni, tīṇi sucaritāni vimokkhānulomāni, sabbepi kusalā dhammā vimokkhānulomā, idaṁ vimokkhānulomaṁ."}},{"id":"ps1.5:136","sourceIds":["ps1.5:136.1","ps1.5:136.2","ps1.5:136.3","ps1.5:136.4","ps1.5:136.5","ps1.5:136.6","ps1.5:136.7","ps1.5:136.8","ps1.5:136.9","ps1.5:136.10","ps1.5:136.11","ps1.5:136.12","ps1.5:136.13","ps1.5:136.14"],"kind":"text","text":{"pi":"Katamo vimokkhavivaṭṭo?\nSaññāvivaṭṭo, cetovivaṭṭo, cittavivaṭṭo, ñāṇavivaṭṭo, vimokkhavivaṭṭo, saccavivaṭṭo.\nSañjānanto vivaṭṭatīti—\nsaññāvivaṭṭo.\nCetayanto vivaṭṭatīti—\ncetovivaṭṭo.\nVijānanto vivaṭṭatīti—\ncittavivaṭṭo.\nÑāṇaṁ karonto vivaṭṭatīti—\nñāṇavivaṭṭo.\nVosajjanto vivaṭṭatīti—\nvimokkhavivaṭṭo.\nTathaṭṭhena vivaṭṭatīti—\nsaccavivaṭṭo."}},{"id":"ps1.5:137","sourceIds":["ps1.5:137.1","ps1.5:137.2","ps1.5:137.3","ps1.5:137.4","ps1.5:137.5"],"kind":"text","text":{"pi":"Yattha saññāvivaṭṭo tattha cetovivaṭṭo, yattha cetovivaṭṭo tattha saññāvivaṭṭo, yattha saññāvivaṭṭo cetovivaṭṭo tattha cittavivaṭṭo, yattha cittavivaṭṭo tattha saññāvivaṭṭo cetovivaṭṭo.\nYattha saññāvivaṭṭo cetovivaṭṭo cittavivaṭṭo tattha ñāṇavivaṭṭo, yattha ñāṇavivaṭṭo tattha saññāvivaṭṭo cetovivaṭṭo cittavivaṭṭo.\nYattha saññāvivaṭṭo cetovivaṭṭo cittavivaṭṭo ñāṇavivaṭṭo tattha vimokkhavivaṭṭo, yattha vimokkhavivaṭṭo tattha saññāvivaṭṭo cetovivaṭṭo cittavivaṭṭo ñāṇavivaṭṭo.\nYattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo tattha saccavivaṭṭo, yattha saccavivaṭṭo tattha saññāvivaṭṭo cetovivaṭṭo cittavivaṭṭo ñāṇavivaṭṭo vimokkhavivaṭṭo.\nAyaṁ vimokkhavivaṭṭo."}},{"id":"ps1.5:138","sourceIds":["ps1.5:138.1","ps1.5:138.2","ps1.5:138.3","ps1.5:138.4"],"kind":"text","text":{"pi":"Katamā vimokkhabhāvanā?\nPaṭhamassa jhānassa āsevanā bhāvanā bahulīkammaṁ, dutiyassa jhānassa āsevanā bhāvanā bahulīkammaṁ, tatiyassa jhānassa āsevanā bhāvanā bahulīkammaṁ, catutthassa jhānassa āsevanā bhāvanā bahulīkammaṁ, ākāsānañcāyatanasamāpattiyā āsevanā bhāvanā bahulīkammaṁ, viññāṇañcāyatanasamāpattiyā …pe…\nākiñcaññāyatanasamāpattiyā …\nnevasaññānāsaññāyatanasamāpattiyā āsevanā bhāvanā bahulīkammaṁ, sotāpattimaggassa āsevanā bhāvanā bahulīkammaṁ, sakadāgāmimaggassa āsevanā bhāvanā bahulīkammaṁ, anāgāmimaggassa āsevanā bhāvanā bahulīkammaṁ, arahattamaggassa āsevanā bhāvanā bahulīkammaṁ, ayaṁ vimokkhabhāvanā."}},{"id":"ps1.5:139","sourceIds":["ps1.5:139.1","ps1.5:139.2","ps1.5:139.3","ps1.5:139.4","ps1.5:139.5","ps1.5:139.6","ps1.5:139.7","ps1.5:139.8","ps1.5:139.9"],"kind":"text","text":{"pi":"Katamā vimokkhappaṭippassaddhi?\nPaṭhamassa jhānassa paṭilābho vā vipāko vā, dutiyassa jhānassa paṭilābho vā vipāko vā, tatiyassa jhānassa …pe…\ncatutthassa jhānassa …\nākāsānañcāyatanasamāpattiyā …\nviññāṇañcāyatanasamāpattiyā …\nākiñcaññāyatanasamāpattiyā …\nnevasaññānāsaññāyatanasamāpattiyā paṭilābho vā vipāko vā, sotāpattimaggassa sotāpattiphalaṁ, sakadāgāmimaggassa sakadāgāmiphalaṁ, anāgāmimaggassa anāgāmiphalaṁ, arahattamaggassa arahattaphalaṁ, ayaṁ vimokkhappaṭippassaddhīti.\nVimokkhakathā niṭṭhitā.\nTatiyabhāṇavāro."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ps1.5/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}