{"id":"ps2.9","title":"2.9. Balakathā","languageCodes":["pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"ps2.9","title":"2.9. Balakathā","units":[{"id":"ps2.9:0","sourceIds":["ps2.9:0.1","ps2.9:0.2","ps2.9:0.3"],"kind":"text","text":{"pi":"Paṭisambhidāmagga\nYuganaddhavagga\n2.9. Balakathā"}},{"id":"ps2.9:1","sourceIds":["ps2.9:1.1","ps2.9:1.2","ps2.9:1.3","ps2.9:1.4","ps2.9:1.5"],"kind":"text","text":{"pi":"Sāvatthinidānaṁ.\n“Pañcimāni, bhikkhave, balāni.\nKatamāni pañca?\nSaddhābalaṁ, vīriyabalaṁ, satibalaṁ, samādhibalaṁ, paññābalaṁ—\nimāni kho, bhikkhave, pañca balāni."}},{"id":"ps2.9:2","sourceIds":["ps2.9:2.1","ps2.9:2.2"],"kind":"text","text":{"pi":"Api ca aṭṭhasaṭṭhi balāni—\nsaddhābalaṁ, vīriyabalaṁ, satibalaṁ, samādhibalaṁ, paññābalaṁ, hiribalaṁ, ottappabalaṁ, paṭisaṅkhānabalaṁ, bhāvanābalaṁ, anavajjabalaṁ, saṅgahabalaṁ, khantibalaṁ, paññattibalaṁ, nijjhattibalaṁ, issariyabalaṁ, adhiṭṭhānabalaṁ, samathabalaṁ, vipassanābalaṁ, dasa sekhabalāni, dasa asekhabalāni, dasa khīṇāsavabalāni, dasa iddhibalāni, dasa tathāgatabalāni”."}},{"id":"ps2.9:3","sourceIds":["ps2.9:3.1","ps2.9:3.2","ps2.9:3.3","ps2.9:3.4"],"kind":"text","text":{"pi":"Katamaṁ saddhābalaṁ?\nAssaddhiye na kampatīti—saddhābalaṁ.\nSahajātānaṁ dhammānaṁ upatthambhanaṭṭhena saddhābalaṁ, kilesānaṁ pariyādānaṭṭhena saddhābalaṁ, paṭivedhādivisodhanaṭṭhena saddhābalaṁ, cittassa adhiṭṭhānaṭṭhena saddhābalaṁ, cittassa vodānaṭṭhena saddhābalaṁ, visesādhigamaṭṭhena saddhābalaṁ, uttaripaṭivedhaṭṭhena saddhābalaṁ, saccābhisamayaṭṭhena saddhābalaṁ, nirodhe patiṭṭhāpakaṭṭhena saddhābalaṁ.\nIdaṁ saddhābalaṁ."}},{"id":"ps2.9:4","sourceIds":["ps2.9:4.1","ps2.9:4.2","ps2.9:4.3","ps2.9:4.4"],"kind":"text","text":{"pi":"Katamaṁ vīriyabalaṁ?\nKosajje na kampatīti—vīriyabalaṁ.\nSahajātānaṁ dhammānaṁ upatthambhanaṭṭhena vīriyabalaṁ, kilesānaṁ pariyādānaṭṭhena vīriyabalaṁ, paṭivedhādivisodhanaṭṭhena vīriyabalaṁ, cittassa adhiṭṭhānaṭṭhena vīriyabalaṁ, cittassa vodānaṭṭhena vīriyabalaṁ, visesādhigamaṭṭhena vīriyabalaṁ, uttaripaṭivedhaṭṭhena vīriyabalaṁ, saccābhisamayaṭṭhena vīriyabalaṁ, nirodhe patiṭṭhāpakaṭṭhena vīriyabalaṁ.\nIdaṁ vīriyabalaṁ."}},{"id":"ps2.9:5","sourceIds":["ps2.9:5.1","ps2.9:5.2","ps2.9:5.3","ps2.9:5.4","ps2.9:5.5"],"kind":"text","text":{"pi":"Katamaṁ satibalaṁ?\nPamāde na kampatīti—satibalaṁ.\nSahajātānaṁ dhammānaṁ upatthambhanaṭṭhena satibalaṁ …pe…\nnirodhe patiṭṭhāpakaṭṭhena satibalaṁ.\nIdaṁ satibalaṁ."}},{"id":"ps2.9:6","sourceIds":["ps2.9:6.1","ps2.9:6.2","ps2.9:6.3","ps2.9:6.4","ps2.9:6.5"],"kind":"text","text":{"pi":"Katamaṁ samādhibalaṁ?\nUddhacce na kampatīti—samādhibalaṁ.\nSahajātānaṁ dhammānaṁ upatthambhanaṭṭhena samādhibalaṁ …pe…\nnirodhe patiṭṭhāpakaṭṭhena samādhibalaṁ.\nIdaṁ samādhibalaṁ."}},{"id":"ps2.9:7","sourceIds":["ps2.9:7.1","ps2.9:7.2","ps2.9:7.3","ps2.9:7.4","ps2.9:7.5"],"kind":"text","text":{"pi":"Katamaṁ paññābalaṁ?\nAvijjāya na kampatīti—paññābalaṁ.\nSahajātānaṁ dhammānaṁ upatthambhanaṭṭhena paññābalaṁ …pe…\nnirodhe patiṭṭhāpakaṭṭhena paññābalaṁ.\nIdaṁ paññābalaṁ."}},{"id":"ps2.9:8","sourceIds":["ps2.9:8.1","ps2.9:8.2","ps2.9:8.3","ps2.9:8.4","ps2.9:8.5","ps2.9:8.6","ps2.9:8.7","ps2.9:8.8","ps2.9:8.9","ps2.9:8.10","ps2.9:8.11","ps2.9:8.12"],"kind":"text","text":{"pi":"Katamaṁ hiribalaṁ?\nNekkhammena kāmacchandaṁ hirīyatīti—\nhiribalaṁ.\nAbyāpādena byāpādaṁ hirīyatīti—hiribalaṁ.\nĀlokasaññāya thinamiddhaṁ hirīyatīti—hiribalaṁ.\nAvikkhepena uddhaccaṁ hirīyatīti—hiribalaṁ.\nDhammavavatthānena vicikicchaṁ hirīyatīti—hiribalaṁ.\nÑāṇena avijjaṁ hirīyatīti—hiribalaṁ.\nPāmojjena aratiṁ hirīyatīti—hiribalaṁ.\nPaṭhamena jhānena nīvaraṇe hirīyatīti—hiribalaṁ …pe…\narahattamaggena sabbakilese hirīyatīti—hiribalaṁ.\nIdaṁ hiribalaṁ."}},{"id":"ps2.9:9","sourceIds":["ps2.9:9.1","ps2.9:9.2","ps2.9:9.3","ps2.9:9.4","ps2.9:9.5","ps2.9:9.6","ps2.9:9.7","ps2.9:9.8","ps2.9:9.9","ps2.9:9.10","ps2.9:9.11"],"kind":"text","text":{"pi":"Katamaṁ ottappabalaṁ?\nNekkhammena kāmacchandaṁ ottappatīti—ottappabalaṁ.\nAbyāpādena byāpādaṁ ottappatīti—ottappabalaṁ.\nĀlokasaññāya thinamiddhaṁ ottappatīti— ottappabalaṁ.\nAvikkhepena uddhaccaṁ ottappatīti—ottappabalaṁ.\nDhammavavatthānena vicikicchaṁ ottappatīti—ottappabalaṁ.\nÑāṇena avijjaṁ ottappatīti—ottappabalaṁ.\nPāmojjena aratiṁ ottappatīti—ottappabalaṁ.\nPaṭhamena jhānena nīvaraṇe ottappatīti—ottappabalaṁ …pe…\narahattamaggena sabbakilese ottappatīti—ottappabalaṁ.\nIdaṁ ottappabalaṁ."}},{"id":"ps2.9:10","sourceIds":["ps2.9:10.1","ps2.9:10.2","ps2.9:10.3","ps2.9:10.4","ps2.9:10.5","ps2.9:10.6","ps2.9:10.7","ps2.9:10.8","ps2.9:10.9","ps2.9:10.10","ps2.9:10.11"],"kind":"text","text":{"pi":"Katamaṁ paṭisaṅkhānabalaṁ?\nNekkhammena kāmacchandaṁ paṭisaṅkhātīti—paṭisaṅkhānabalaṁ.\nAbyāpādena byāpādaṁ paṭisaṅkhātīti—paṭisaṅkhānabalaṁ.\nĀlokasaññāya thinamiddhaṁ paṭisaṅkhātīti—paṭisaṅkhānabalaṁ.\nAvikkhepena uddhaccaṁ paṭisaṅkhātīti— paṭisaṅkhānabalaṁ.\nDhammavavatthānena vicikicchaṁ paṭisaṅkhātīti— paṭisaṅkhānabalaṁ.\nÑāṇena avijjaṁ paṭisaṅkhātīti—paṭisaṅkhānabalaṁ.\nPāmojjena aratiṁ paṭisaṅkhātīti—paṭisaṅkhānabalaṁ.\nPaṭhamena jhānena nīvaraṇe paṭisaṅkhātīti—paṭisaṅkhānabalaṁ …pe…\narahattamaggena sabbakilese paṭisaṅkhātīti—paṭisaṅkhānabalaṁ.\nIdaṁ paṭisaṅkhānabalaṁ."}},{"id":"ps2.9:11","sourceIds":["ps2.9:11.1","ps2.9:11.2","ps2.9:11.3","ps2.9:11.4","ps2.9:11.5","ps2.9:11.6","ps2.9:11.7","ps2.9:11.8","ps2.9:11.9","ps2.9:11.10","ps2.9:11.11"],"kind":"text","text":{"pi":"Katamaṁ bhāvanābalaṁ?\nKāmacchandaṁ pajahanto nekkhammaṁ bhāvetīti—bhāvanābalaṁ.\nByāpādaṁ pajahanto abyāpādaṁ bhāvetīti—bhāvanābalaṁ.\nThinamiddhaṁ pajahanto ālokasaññaṁ bhāvetīti—bhāvanābalaṁ.\nUddhaccaṁ pajahanto avikkhepaṁ bhāvetīti— bhāvanābalaṁ.\nVicikicchaṁ pajahanto dhammavavatthānaṁ bhāvetīti—bhāvanābalaṁ.\nAvijjaṁ pajahanto ñāṇaṁ bhāvetīti—bhāvanābalaṁ.\nAratiṁ pajahanto pāmojjaṁ bhāvetīti—bhāvanābalaṁ.\nNīvaraṇe pajahanto paṭhamaṁ jhānaṁ bhāvetīti— bhāvanābalaṁ …pe…\nsabbakilese pajahanto arahattamaggaṁ bhāvetīti— bhāvanābalaṁ.\nIdaṁ bhāvanābalaṁ."}},{"id":"ps2.9:12","sourceIds":["ps2.9:12.1","ps2.9:12.2","ps2.9:12.3","ps2.9:12.4","ps2.9:12.5","ps2.9:12.6","ps2.9:12.7","ps2.9:12.8","ps2.9:12.9","ps2.9:12.10","ps2.9:12.11"],"kind":"text","text":{"pi":"Katamaṁ anavajjabalaṁ?\nKāmacchandassa pahīnattā nekkhamme natthi kiñci vajjanti—anavajjabalaṁ.\nByāpādassa pahīnattā abyāpāde natthi kiñci vajjanti—anavajjabalaṁ.\nThinamiddhassa pahīnattā ālokasaññāya natthi kiñci vajjanti—anavajjabalaṁ.\nUddhaccassa pahīnattā avikkhepe natthi kiñci vajjanti—anavajjabalaṁ.\nVicikicchāya pahīnattā dhammavavatthāne natthi kiñci vajjanti—anavajjabalaṁ.\nAvijjāya pahīnattā ñāṇe natthi kiñci vajjanti—anavajjabalaṁ.\nAratiyā pahīnattā pāmojje natthi kiñci vajjanti anavajjabalaṁ.\nNīvaraṇānaṁ pahīnattā paṭhamajjhāne natthi kiñci vajjanti—anavajjabalaṁ …pe…\nsabbakilesānaṁ pahīnattā arahattamagge natthi kiñci vajjanti—anavajjabalaṁ.\nIdaṁ anavajjabalaṁ."}},{"id":"ps2.9:13","sourceIds":["ps2.9:13.1","ps2.9:13.2","ps2.9:13.3","ps2.9:13.4","ps2.9:13.5","ps2.9:13.6"],"kind":"text","text":{"pi":"Katamaṁ saṅgahabalaṁ?\nKāmacchandaṁ pajahanto nekkhammavasena cittaṁ saṅgaṇhātīti—saṅgahabalaṁ.\nByāpādaṁ pajahanto abyāpādavasena cittaṁ saṅgaṇhātīti—saṅgahabalaṁ.\nThinamiddhaṁ pajahanto ālokasaññāvasena cittaṁ saṅgaṇhātīti—saṅgahabalaṁ …pe…\nsabbakilese pajahanto arahattamaggavasena cittaṁ saṅgaṇhātīti—saṅgahabalaṁ.\nIdaṁ saṅgahabalaṁ."}},{"id":"ps2.9:14","sourceIds":["ps2.9:14.1","ps2.9:14.2","ps2.9:14.3","ps2.9:14.4","ps2.9:14.5","ps2.9:14.6","ps2.9:14.7","ps2.9:14.8","ps2.9:14.9","ps2.9:14.10","ps2.9:14.11"],"kind":"text","text":{"pi":"Katamaṁ khantibalaṁ?\nKāmacchandassa pahīnattā nekkhammaṁ khamatīti—khantibalaṁ.\nByāpādassa pahīnattā abyāpādo khamatīti—khantibalaṁ.\nThinamiddhassa pahīnattā ālokasaññā khamatīti—khantibalaṁ.\nUddhaccassa pahīnattā avikkhepo khamatīti— khantibalaṁ.\nVicikicchāya pahīnattā dhammavavatthānaṁ khamatīti—khantibalaṁ.\nAvijjāya pahīnattā ñāṇaṁ khamatīti—khantibalaṁ.\nAratiyā pahīnattā pāmojjaṁ khamatīti—khantibalaṁ.\nNīvaraṇānaṁ pahīnattā paṭhamaṁ jhānaṁ khamatīti— khantibalaṁ …pe…\nsabbakilesānaṁ pahīnattā arahattamaggo khamatīti— khantibalaṁ.\nIdaṁ khantibalaṁ."}},{"id":"ps2.9:15","sourceIds":["ps2.9:15.1","ps2.9:15.2","ps2.9:15.3","ps2.9:15.4","ps2.9:15.5","ps2.9:15.6","ps2.9:15.7"],"kind":"text","text":{"pi":"Katamaṁ paññattibalaṁ?\nKāmacchandaṁ pajahanto nekkhammavasena cittaṁ paññāpetīti—\npaññattibalaṁ.\nByāpādaṁ pajahanto abyāpādavasena cittaṁ paññāpetīti—paññattibalaṁ.\nThinamiddhaṁ pajahanto ālokasaññāvasena cittaṁ paññāpetīti—paññattibalaṁ …pe…\nsabbakilese pajahanto arahattamaggavasena cittaṁ paññāpetīti—paññattibalaṁ.\nIdaṁ paññattibalaṁ."}},{"id":"ps2.9:16","sourceIds":["ps2.9:16.1","ps2.9:16.2","ps2.9:16.3","ps2.9:16.4","ps2.9:16.5","ps2.9:16.6"],"kind":"text","text":{"pi":"Katamaṁ nijjhattibalaṁ?\nKāmacchandaṁ pajahanto nekkhammavasena cittaṁ nijjhāpetīti—nijjhattibalaṁ.\nByāpādaṁ pajahanto abyāpādavasena cittaṁ nijjhāpetīti—nijjhattibalaṁ.\nThinamiddhaṁ pajahanto ālokasaññāvasena cittaṁ nijjhāpetīti— nijjhattibalaṁ …pe…\nsabbakilese pajahanto arahattamaggavasena cittaṁ nijjhāpetīti—nijjhattibalaṁ.\nIdaṁ nijjhattibalaṁ."}},{"id":"ps2.9:17","sourceIds":["ps2.9:17.1","ps2.9:17.2","ps2.9:17.3","ps2.9:17.4","ps2.9:17.5","ps2.9:17.6"],"kind":"text","text":{"pi":"Katamaṁ issariyabalaṁ?\nKāmacchandaṁ pajahanto nekkhammavasena cittaṁ vasaṁ vattetīti—issariyabalaṁ.\nByāpādaṁ pajahanto abyāpādavasena cittaṁ vasaṁ vattetīti—issariyabalaṁ.\nThinamiddhaṁ pajahanto ālokasaññāvasena cittaṁ vasaṁ vattetīti— issariyabalaṁ …pe…\nsabbakilese pajahanto arahattamaggavasena cittaṁ vasaṁ vattetīti—issariyabalaṁ.\nIdaṁ issariyabalaṁ."}},{"id":"ps2.9:18","sourceIds":["ps2.9:18.1","ps2.9:18.2","ps2.9:18.3","ps2.9:18.4","ps2.9:18.5","ps2.9:18.6"],"kind":"text","text":{"pi":"Katamaṁ adhiṭṭhānabalaṁ?\nKāmacchandaṁ pajahanto nekkhammavasena cittaṁ adhiṭṭhātīti—adhiṭṭhānabalaṁ.\nByāpādaṁ pajahanto abyāpādavasena cittaṁ adhiṭṭhātīti—adhiṭṭhānabalaṁ.\nThinamiddhaṁ pajahanto ālokasaññāvasena cittaṁ adhiṭṭhātīti— adhiṭṭhānabalaṁ …pe…\nsabbakilese pajahanto arahattamaggavasena cittaṁ adhiṭṭhātīti—adhiṭṭhānabalaṁ.\nIdaṁ adhiṭṭhānabalaṁ."}},{"id":"ps2.9:19","sourceIds":["ps2.9:19.1","ps2.9:19.2","ps2.9:19.3"],"kind":"text","text":{"pi":"Katamaṁ samathabalaṁ?\nNekkhammavasena cittassa ekaggatā avikkhepo samathabalaṁ, abyāpādavasena cittassa ekaggatā avikkhepo samathabalaṁ, ālokasaññāvasena cittassa ekaggatā avikkhepo samathabalaṁ …pe…\npaṭinissaggānupassī assāsavasena cittassa ekaggatā avikkhepo samathabalaṁ, paṭinissaggānupassī passāsavasena cittassa ekaggatā avikkhepo samathabalaṁ."}},{"id":"ps2.9:20","sourceIds":["ps2.9:20.1","ps2.9:20.2","ps2.9:20.3","ps2.9:20.4","ps2.9:20.5","ps2.9:20.6","ps2.9:20.7","ps2.9:20.8","ps2.9:20.9","ps2.9:20.10","ps2.9:20.11"],"kind":"text","text":{"pi":"Samathabalanti kenaṭṭhena samathabalaṁ?\nPaṭhamena jhānena nīvaraṇe na kampatīti— samathabalaṁ.\nDutiyena jhānena vitakkavicāre na kampatīti—samathabalaṁ.\nTatiyena jhānena pītiyā na kampatīti—samathabalaṁ.\nCatutthena jhānena sukhadukkhe na kampatīti—samathabalaṁ.\nĀkāsānañcāyatanasamāpattiyā rūpasaññāya paṭighasaññāya nānattasaññāya na kampatīti—samathabalaṁ.\nViññāṇañcāyatanasamāpattiyā ākāsānañcāyatanasaññāya na kampatīti— samathabalaṁ.\nĀkiñcaññāyatanasamāpattiyā viññāṇañcāyatanasaññāya na kampatīti— samathabalaṁ.\nNevasaññānāsaññāyatanasamāpattiyā ākiñcaññāyatanasaññāya na kampatīti—samathabalaṁ.\nUddhacce ca uddhaccasahagatakilese ca khandhe ca na kampati na calati na vedhatīti—samathabalaṁ.\nIdaṁ samathabalaṁ."}},{"id":"ps2.9:21","sourceIds":["ps2.9:21.1","ps2.9:21.2","ps2.9:21.3","ps2.9:21.4","ps2.9:21.5","ps2.9:21.6","ps2.9:21.7","ps2.9:21.8","ps2.9:21.9","ps2.9:21.10","ps2.9:21.11","ps2.9:21.12","ps2.9:21.13","ps2.9:21.14","ps2.9:21.15","ps2.9:21.16","ps2.9:21.17","ps2.9:21.18","ps2.9:21.19","ps2.9:21.20"],"kind":"text","text":{"pi":"Katamaṁ vipassanābalaṁ?\nAniccānupassanā vipassanābalaṁ, dukkhānupassanā vipassanābalaṁ …pe…\npaṭinissaggānupassanā vipassanābalaṁ, rūpe aniccānupassanā vipassanābalaṁ, rūpe dukkhānupassanā vipassanābalaṁ …pe…\nrūpe paṭinissaggānupassanā vipassanābalaṁ, vedanāya …pe…\nsaññāya …\nsaṅkhāresu …\nviññāṇe …\ncakkhusmiṁ …pe…\njarāmaraṇe aniccānupassanā vipassanābalaṁ, jarāmaraṇe dukkhānupassanā vipassanābalaṁ …pe…\njarāmaraṇe paṭinissaggānupassanā vipassanābalaṁ.\nVipassanābalanti kenaṭṭhena vipassanābalaṁ?\nAniccānupassanāya niccasaññāya na kampatīti— vipassanābalaṁ.\nDukkhānupassanāya sukhasaññāya na kampatīti—vipassanābalaṁ.\nAnattānupassanāya attasaññāya kampatīti—vipassanābalaṁ.\nNibbidānupassanāya nandiyā na kampatīti—vipassanābalaṁ.\nVirāgānupassanāya rāge na kampatīti— vipassanābalaṁ.\nNirodhānupassanāya samudaye na kampatīti—vipassanābalaṁ.\nPaṭinissaggānupassanāya ādāne na kampatīti—vipassanābalaṁ.\nAvijjāya ca avijjāsahagatakilese ca khandhe ca na kampati na calati na vedhatīti— vipassanābalaṁ.\nIdaṁ vipassanābalaṁ."}},{"id":"ps2.9:22","sourceIds":["ps2.9:22.1","ps2.9:22.2","ps2.9:22.3","ps2.9:22.4","ps2.9:22.5","ps2.9:22.6","ps2.9:22.7","ps2.9:22.8","ps2.9:22.9","ps2.9:22.10","ps2.9:22.11","ps2.9:22.12","ps2.9:22.13","ps2.9:22.14","ps2.9:22.15","ps2.9:22.16","ps2.9:22.17"],"kind":"text","text":{"pi":"Katamāni dasa sekhabalāni, dasa asekhabalāni?\nSammādiṭṭhiṁ sikkhatīti—sekhabalaṁ.\nTattha sikkhitattā asekhabalaṁ.\nSammāsaṅkappaṁ sikkhatīti—sekhabalaṁ.\nTattha sikkhitattā—\nasekhabalaṁ.\nSammāvācaṁ …pe…\nsammākammantaṁ …\nsammāājīvaṁ …\nsammāvāyāmaṁ …\nsammāsatiṁ …\nsammāsamādhiṁ …\nsammāñāṇaṁ …pe…\nsammāvimuttiṁ sikkhatīti—sekhabalaṁ.\nTattha sikkhitattā—\nasekhabalaṁ.\nImāni dasa sekhabalāni, dasa asekhabalāni."}},{"id":"ps2.9:23","sourceIds":["ps2.9:23.1","ps2.9:23.2","ps2.9:23.3"],"kind":"text","text":{"pi":"Katamāni dasa khīṇāsavabalāni?\nIdha khīṇāsavassa bhikkhuno aniccato sabbe saṅkhārā yathābhūtaṁ sammappaññāya sudiṭṭhā honti.\nYampi khīṇāsavassa bhikkhuno aniccato sabbe saṅkhārā yathābhūtaṁ sammappaññāya sudiṭṭhā honti, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti."}},{"id":"ps2.9:24","sourceIds":["ps2.9:24.1","ps2.9:24.2"],"kind":"text","text":{"pi":"Puna caparaṁ khīṇāsavassa bhikkhuno aṅgārakāsūpamā kāmā yathābhūtaṁ sammappaññāya sudiṭṭhā honti.\nYampi khīṇāsavassa bhikkhuno aṅgārakāsūpamā kāmā yathābhūtaṁ sammappaññāya sudiṭṭhā honti, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti."}},{"id":"ps2.9:25","sourceIds":["ps2.9:25.1","ps2.9:25.2"],"kind":"text","text":{"pi":"Puna caparaṁ khīṇāsavassa bhikkhuno vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ sabbaso āsavaṭṭhāniyehi dhammehi.\nYampi khīṇāsavassa bhikkhuno vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ sabbaso āsavaṭṭhāniyehi dhammehi, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti."}},{"id":"ps2.9:26","sourceIds":["ps2.9:26.1","ps2.9:26.2"],"kind":"text","text":{"pi":"Puna caparaṁ khīṇāsavassa bhikkhuno cattāro satipaṭṭhānā bhāvitā honti subhāvitā.\nYampi khīṇāsavassa bhikkhuno cattāro satipaṭṭhānā bhāvitā honti subhāvitā, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti."}},{"id":"ps2.9:27","sourceIds":["ps2.9:27.1","ps2.9:27.2","ps2.9:27.3","ps2.9:27.4","ps2.9:27.5","ps2.9:27.6","ps2.9:27.7","ps2.9:27.8"],"kind":"text","text":{"pi":"Puna caparaṁ khīṇāsavassa bhikkhuno cattāro sammappadhānā bhāvitā honti subhāvitā …pe…\ncattāro iddhipādā bhāvitā honti subhāvitā …\npañcindriyāni bhāvitāni honti subhāvitāni …\npañca balāni bhāvitāni honti subhāvitāni …\nsatta bojjhaṅgā bhāvitā honti subhāvitā …pe…\nariyo aṭṭhaṅgiko maggo bhāvito hoti subhāvito.\nYampi khīṇāsavassa bhikkhuno aṭṭhaṅgiko maggo bhāvito hoti subhāvito, idampi khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti—“khīṇā me āsavā”ti.\nImāni dasa khīṇāsavabalāni."}},{"id":"ps2.9:28","sourceIds":["ps2.9:28.1","ps2.9:28.2","ps2.9:28.3"],"kind":"text","text":{"pi":"Katamāni dasa iddhibalāni?\nAdhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammā payogappaccayā ijjhanaṭṭhena iddhi—\nimāni dasa iddhibalāni."}},{"id":"ps2.9:29","sourceIds":["ps2.9:29.1","ps2.9:29.2","ps2.9:29.3"],"kind":"text","text":{"pi":"Katamāni dasa tathāgatabalāni?\nIdha tathāgato ṭhānañca ṭhānato aṭṭhānañca aṭṭhānato yathābhūtaṁ pajānāti.\nYampi tathāgato ṭhānañca ṭhānato aṭṭhānañca aṭṭhānato yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti parisāsu sīhanādaṁ nadati, brahmacakkaṁ pavatteti."}},{"id":"ps2.9:30","sourceIds":["ps2.9:30.1","ps2.9:30.2"],"kind":"text","text":{"pi":"Puna caparaṁ tathāgato atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ pajānāti.\nYampi tathāgato atītānāgatapaccuppannānaṁ kammasamādānānaṁ ṭhānaso hetuso vipākaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ, nadati, brahmacakkaṁ pavatteti."}},{"id":"ps2.9:31","sourceIds":["ps2.9:31.1","ps2.9:31.2"],"kind":"text","text":{"pi":"Puna caparaṁ tathāgato sabbatthagāminiṁ paṭipadaṁ yathābhūtaṁ pajānāti.\nYampi tathāgato sabbatthagāminiṁ paṭipadaṁ yathābhūtaṁ pajānāti, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti."}},{"id":"ps2.9:32","sourceIds":["ps2.9:32.1","ps2.9:32.2"],"kind":"text","text":{"pi":"Puna caparaṁ tathāgato anekadhātuṁ nānādhātuṁ lokaṁ yathābhūtaṁ pajānāti.\nYampi tathāgato anekadhātuṁ nānādhātuṁ lokaṁ yathābhūtaṁ pajānāti, idampi tathāgatassa …pe…."}},{"id":"ps2.9:33","sourceIds":["ps2.9:33.1","ps2.9:33.2"],"kind":"text","text":{"pi":"Puna caparaṁ tathāgato sattānaṁ nānādhimuttikataṁ yathābhūtaṁ pajānāti.\nYampi tathāgato sattānaṁ nānādhimuttikataṁ yathābhūtaṁ pajānāti, idampi tathāgatassa …pe…."}},{"id":"ps2.9:34","sourceIds":["ps2.9:34.1","ps2.9:34.2"],"kind":"text","text":{"pi":"Puna caparaṁ tathāgato parasattānaṁ parapuggalānaṁ indriyaparopariyattaṁ yathābhūtaṁ pajānāti.\nYampi tathāgato parasattānaṁ parapuggalānaṁ indriyaparopariyattaṁ yathābhūtaṁ pajānāti, idampi tathāgatassa …pe…."}},{"id":"ps2.9:35","sourceIds":["ps2.9:35.1","ps2.9:35.2"],"kind":"text","text":{"pi":"Puna caparaṁ tathāgato jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ pajānāti.\nYampi tathāgato jhānavimokkhasamādhisamāpattīnaṁ saṅkilesaṁ vodānaṁ vuṭṭhānaṁ yathābhūtaṁ pajānāti, idampi tathāgatassa …pe…."}},{"id":"ps2.9:36","sourceIds":["ps2.9:36.1","ps2.9:36.2","ps2.9:36.3","ps2.9:36.4","ps2.9:36.5","ps2.9:36.6","ps2.9:36.7"],"kind":"text","text":{"pi":"Puna caparaṁ tathāgato anekavihitaṁ pubbenivāsaṁ anussarati, seyyathidaṁ—\nekampi jātiṁ dvepi jātiyo …pe…\niti sākāraṁ sauddesaṁ anekavihitaṁ pubbenivāsaṁ anussarati.\nYampi tathāgato anekavihitaṁ pubbenivāsaṁ anussarati.\nSeyyathidaṁ—\nekampi jātiṁ dvepi jātiyo …pe…\nidampi tathāgatassa …pe…."}},{"id":"ps2.9:37","sourceIds":["ps2.9:37.1","ps2.9:37.2","ps2.9:37.3"],"kind":"text","text":{"pi":"Puna caparaṁ tathāgato dibbena cakkhunā visuddhena atikkantamānusakena satte passati cavamāne upapajjamāne …pe…\nyampi tathāgato dibbena cakkhunā visuddhena atikkantamānusakena satte passati cavamāne upapajjamāne …pe…\nidampi tathāgatassa …pe…."}},{"id":"ps2.9:38","sourceIds":["ps2.9:38.1","ps2.9:38.2","ps2.9:38.3"],"kind":"text","text":{"pi":"Puna caparaṁ tathāgato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nYampi tathāgato āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, idampi tathāgatassa tathāgatabalaṁ hoti, yaṁ balaṁ āgamma tathāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti.\nImāni dasa tathāgatabalāni."}},{"id":"ps2.9:39","sourceIds":["ps2.9:39.1","ps2.9:39.2","ps2.9:39.3","ps2.9:39.4","ps2.9:39.5","ps2.9:39.6","ps2.9:39.7","ps2.9:39.8","ps2.9:39.9"],"kind":"text","text":{"pi":"Kenaṭṭhena saddhābalaṁ?\nKenaṭṭhena vīriyabalaṁ?\nKenaṭṭhena satibalaṁ?\nKenaṭṭhena samādhibalaṁ?\nKenaṭṭhena paññābalaṁ?\nKenaṭṭhena hiribalaṁ?\nKenaṭṭhena ottappabalaṁ?\nKenaṭṭhena paṭisaṅkhānabalaṁ …pe…\nkenaṭṭhena tathāgatabalaṁ?"}},{"id":"ps2.9:40","sourceIds":["ps2.9:40.1","ps2.9:40.2","ps2.9:40.3","ps2.9:40.4","ps2.9:40.5","ps2.9:40.6","ps2.9:40.7","ps2.9:40.8","ps2.9:40.9","ps2.9:40.10","ps2.9:40.11","ps2.9:40.12","ps2.9:40.13","ps2.9:40.14","ps2.9:40.15","ps2.9:40.16","ps2.9:40.17","ps2.9:40.18","ps2.9:40.19","ps2.9:40.20","ps2.9:40.21","ps2.9:40.22","ps2.9:40.23","ps2.9:40.24","ps2.9:40.25","ps2.9:40.26"],"kind":"text","text":{"pi":"Assaddhiye akampiyaṭṭhena saddhābalaṁ.\nKosajje akampiyaṭṭhena vīriyabalaṁ.\nPamāde akampiyaṭṭhena satibalaṁ.\nUddhacce akampiyaṭṭhena samādhibalaṁ.\nAvijjāya akampiyaṭṭhena paññābalaṁ.\nHirīyati pāpake akusale dhammeti—hiribalaṁ.\nOttappati pāpake akusale dhammeti—ottappabalaṁ.\nÑāṇena kilese paṭisaṅkhātīti—paṭisaṅkhānabalaṁ.\nTattha jātā dhammā ekarasā hontīti— bhāvanābalaṁ.\nTattha natthi kiñci vajjanti—anavajjabalaṁ.\nTena cittaṁ saṅgaṇhātīti—saṅgahabalaṁ.\nTaṁ tassa khamatīti—\nkhantibalaṁ.\nTena cittaṁ paññapetīti—paññattibalaṁ.\nTena cittaṁ nijjhāpetīti—nijjhattibalaṁ.\nTena cittaṁ vasaṁ vattetīti—issariyabalaṁ.\nTena cittaṁ adhiṭṭhātīti— adhiṭṭhānabalaṁ.\nTena cittaṁ ekagganti—samathabalaṁ.\nTattha jāte dhamme anupassatīti—vipassanābalaṁ.\nTattha sikkhatīti—sekhabalaṁ.\nTattha sikkhitattā—\nasekhabalaṁ.\nTena āsavā khīṇāti—khīṇāsavabalaṁ.\nTassa ijjhatīti—iddhibalaṁ.\nAppameyyaṭṭhena tathāgatabalanti.\nBalakathā niṭṭhitā."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/ps2.9/pli/ms","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}