{"id":"sn1.20","title":"With Samiddhi","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn1.20","title":"With Samiddhi","units":[{"id":"sn1.20:0","sourceIds":["sn1.20:0.1","sn1.20:0.2","sn1.20:0.3"],"kind":"text","text":{"pi":"Saṁyutta Nikāya 1.20\n2. Nandanavagga\nSamiddhisutta","en":"Linked Discourses 1.20\n2. The Garden of Delight\nWith Samiddhi"}},{"id":"sn1.20:1","sourceIds":["sn1.20:1.1","sn1.20:1.2","sn1.20:1.3","sn1.20:1.4","sn1.20:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati tapodārāme.\nAtha kho āyasmā samiddhi rattiyā paccūsasamayaṁ paccuṭṭhāya yena tapodā tenupasaṅkami gattāni parisiñcituṁ.\nTapode gattāni parisiñcitvā paccuttaritvā ekacīvaro aṭṭhāsi gattāni pubbāpayamāno.\nAtha kho aññatarā devatā abhikkantāya rattiyā abhikkantavaṇṇā kevalakappaṁ tapodaṁ obhāsetvā yena āyasmā samiddhi tenupasaṅkami; upasaṅkamitvā vehāsaṁ ṭhitā āyasmantaṁ samiddhiṁ gāthāya ajjhabhāsi:","en":"So I have heard.\nAt one time the Buddha was staying near Rājagaha in the Hot Springs Monastery.\nThen Venerable Samiddhi rose at the crack of dawn and went to the hot springs to bathe.\nWhen he had bathed and emerged from the water he stood in one robe drying his limbs.\nThen, late at night, a glorious deity, lighting up the entire hot springs, went up to Samiddhi, and, standing in the air, addressed him in verse:"}},{"id":"sn1.20:2","sourceIds":["sn1.20:2.1","sn1.20:2.2","sn1.20:2.3","sn1.20:2.4"],"kind":"text","text":{"pi":"“Abhutvā bhikkhasi bhikkhu,\nna hi bhutvāna bhikkhasi;\nBhutvāna bhikkhu bhikkhassu,\nmā taṁ kālo upaccagā”ti.","en":"“Mendicant, you seek alms before you eat;\nyou don’t seek alms after eating.\nBut you should eat first, then seek alms:\ndon’t let the time pass you by.”"}},{"id":"sn1.20:3","sourceIds":["sn1.20:3.1","sn1.20:3.2","sn1.20:3.3","sn1.20:3.4"],"kind":"text","text":{"pi":"“Kālaṁ vohaṁ na jānāmi,\nchanno kālo na dissati;\nTasmā abhutvā bhikkhāmi,\nmā maṁ kālo upaccagā”ti.","en":"“I actually don’t know the time;\nit’s hidden and unseen.\nThat’s why I seek alms before eating,\nso that the time may not pass me by!”"}},{"id":"sn1.20:4","sourceIds":["sn1.20:4.1","sn1.20:4.2","sn1.20:4.3","sn1.20:4.4"],"kind":"text","text":{"pi":"Atha kho sā devatā pathaviyaṁ patiṭṭhahitvā āyasmantaṁ samiddhiṁ etadavoca:\n“daharo tvaṁ, bhikkhu, pabbajito susu kāḷakeso, bhadrena yobbanena samannāgato, paṭhamena vayasā, anikkīḷitāvī kāmesu.\nBhuñja, bhikkhu, mānusake kāme;\nmā sandiṭṭhikaṁ hitvā kālikaṁ anudhāvī”ti.","en":"Then that deity landed on the ground and said to Samiddhi,\n“You’ve gone forth while young, mendicant. With pristine black hair, you’re blessed with youth, in the prime of life, and you’ve never flirted with sensual pleasures.\nEnjoy human sensual pleasures!\nDon’t give up what is apparent in the present to chase after what takes effect over time.”"}},{"id":"sn1.20:5","sourceIds":["sn1.20:5.1","sn1.20:5.2","sn1.20:5.3","sn1.20:5.4"],"kind":"text","text":{"pi":"“Na khvāhaṁ, āvuso, sandiṭṭhikaṁ hitvā kālikaṁ anudhāvāmi.\nKālikañca khvāhaṁ, āvuso, hitvā sandiṭṭhikaṁ anudhāvāmi.\nKālikā hi, āvuso, kāmā vuttā bhagavatā bahudukkhā bahupāyāsā; ādīnavo ettha bhiyyo.\nSandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī”ti.","en":"“I’m not, respectable sir.\nI’m giving up what takes effect over time to chase after what is apparent in the present.\nFor the Buddha has said that sensual pleasures take effect over time, with much suffering and distress, and they’re all the more full of drawbacks.\nBut this teaching is apparent in the present life, immediately effective, inviting inspection, relevant, so that sensible people can know it for themselves.”"}},{"id":"sn1.20:6","sourceIds":["sn1.20:6.1","sn1.20:6.2"],"kind":"text","text":{"pi":"“Kathañca, bhikkhu, kālikā kāmā vuttā bhagavatā bahudukkhā bahupāyāsā, ādīnavo ettha bhiyyo?\nKathaṁ sandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī”ti?","en":"“But in what way, mendicant, has the Buddha said that sensual pleasures take effect over time, with much suffering and distress, and they’re all the more full of drawbacks?\nAnd how is this teaching apparent in the present life, immediately effective, inviting inspection, relevant, so that sensible people can know it for themselves?”"}},{"id":"sn1.20:7","sourceIds":["sn1.20:7.1","sn1.20:7.2","sn1.20:7.3","sn1.20:7.4","sn1.20:7.5"],"kind":"text","text":{"pi":"“Ahaṁ kho, āvuso, navo acirapabbajito adhunāgato imaṁ dhammavinayaṁ.\nNa tāhaṁ sakkomi vitthārena ācikkhituṁ.\nAyaṁ so bhagavā arahaṁ sammāsambuddho rājagahe viharati tapodārāme.\nTaṁ bhagavantaṁ upasaṅkamitvā etamatthaṁ puccha.\nYathā te bhagavā byākaroti tathā naṁ dhāreyyāsī”ti.","en":"“I’m junior, respectable sir, recently gone forth, newly come to this teaching and training.\nI’m not able to explain this in detail.\nBut he, that Blessed One, the perfected one, the fully awakened Buddha, is staying near Rājagaha in the Hot Springs Monastery.\nYou should approach him and ask about this matter.\nAnd you should remember it in line with the Buddha’s answer.”"}},{"id":"sn1.20:8","sourceIds":["sn1.20:8.1","sn1.20:8.2","sn1.20:8.3"],"kind":"text","text":{"pi":"“Na kho, bhikkhu, sukaro so bhagavā amhehi upasaṅkamituṁ, aññāhi mahesakkhāhi devatāhi parivuto.\nSace kho tvaṁ, bhikkhu, taṁ bhagavantaṁ upasaṅkamitvā etamatthaṁ puccheyyāsi, mayampi āgaccheyyāma dhammassavanāyā”ti.\n“Evamāvuso”ti kho āyasmā samiddhi tassā devatāya paṭissutvā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā samiddhi bhagavantaṁ etadavoca:","en":"“It’s not easy for us to approach the Buddha, as he is surrounded by other illustrious deities.\nIf you go to the Buddha and ask him about this matter, we’ll come along and listen to the teaching.”\n“Yes, reverend,” Venerable Samiddhi replied. He went to the Buddha, bowed, sat down to one side, and told him what had happened. Then he added:"}},{"id":"sn1.20:9","sourceIds":["sn1.20:9.1","sn1.20:9.2","sn1.20:9.3"],"kind":"text","text":{"pi":"“Idhāhaṁ, bhante, rattiyā paccūsasamayaṁ paccuṭṭhāya yena tapodā tenupasaṅkamiṁ gattāni parisiñcituṁ.\nTapode gattāni parisiñcitvā paccuttaritvā ekacīvaro aṭṭhāsiṁ gattāni pubbāpayamāno.\nAtha kho, bhante, aññatarā devatā abhikkantāya rattiyā abhikkantavaṇṇā kevalakappaṁ tapodaṁ obhāsetvā yenāhaṁ tenupasaṅkami; upasaṅkamitvā vehāsaṁ ṭhitā imāya gāthāya ajjhabhāsi:"}},{"id":"sn1.20:10","sourceIds":["sn1.20:10.1","sn1.20:10.2","sn1.20:10.3","sn1.20:10.4"],"kind":"text","text":{"pi":"‘Abhutvā bhikkhasi bhikkhu,\nna hi bhutvāna bhikkhasi;\nBhutvāna bhikkhu bhikkhassu,\nmā taṁ kālo upaccagā’ti."}},{"id":"sn1.20:11","sourceIds":["sn1.20:11.1"],"kind":"text","text":{"pi":"Evaṁ vutte, ahaṁ, bhante, taṁ devataṁ gāthāya paccabhāsiṁ:"}},{"id":"sn1.20:12","sourceIds":["sn1.20:12.1","sn1.20:12.2","sn1.20:12.3","sn1.20:12.4"],"kind":"text","text":{"pi":"‘Kālaṁ vohaṁ na jānāmi,\nchanno kālo na dissati;\nTasmā abhutvā bhikkhāmi,\nmā maṁ kālo upaccagā’ti."}},{"id":"sn1.20:13","sourceIds":["sn1.20:13.1","sn1.20:13.2","sn1.20:13.3","sn1.20:13.4"],"kind":"text","text":{"pi":"Atha kho, bhante, sā devatā pathaviyaṁ patiṭṭhahitvā maṁ etadavoca:\n‘daharo tvaṁ, bhikkhu, pabbajito susu kāḷakeso, bhadrena yobbanena samannāgato, paṭhamena vayasā, anikkīḷitāvī kāmesu.\nBhuñja, bhikkhu, mānusake kāme;\nmā sandiṭṭhikaṁ hitvā kālikaṁ anudhāvī’ti."}},{"id":"sn1.20:14","sourceIds":["sn1.20:14.1","sn1.20:14.2","sn1.20:14.3","sn1.20:14.4","sn1.20:14.5"],"kind":"text","text":{"pi":"Evaṁ vuttāhaṁ, bhante, taṁ devataṁ etadavocaṁ:\n‘na khvāhaṁ, āvuso, sandiṭṭhikaṁ hitvā kālikaṁ anudhāvāmi;\nkālikañca khvāhaṁ, āvuso, hitvā sandiṭṭhikaṁ anudhāvāmi.\nKālikā hi, āvuso, kāmā vuttā bhagavatā bahudukkhā bahupāyāsā; ādīnavo ettha bhiyyo.\nSandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī’ti."}},{"id":"sn1.20:15","sourceIds":["sn1.20:15.1","sn1.20:15.2","sn1.20:15.3"],"kind":"text","text":{"pi":"Evaṁ vutte, bhante, sā devatā maṁ etadavoca:\n‘kathañca, bhikkhu, kālikā kāmā vuttā bhagavatā bahudukkhā bahupāyāsā; ādīnavo ettha bhiyyo?\nKathaṁ sandiṭṭhiko ayaṁ dhammo akāliko ehipassiko opaneyyiko paccattaṁ veditabbo viññūhī’ti?"}},{"id":"sn1.20:16","sourceIds":["sn1.20:16.1","sn1.20:16.2","sn1.20:16.3","sn1.20:16.4","sn1.20:16.5"],"kind":"text","text":{"pi":"Evaṁ vuttāhaṁ, bhante, taṁ devataṁ etadavocaṁ:\n‘ahaṁ kho, āvuso, navo acirapabbajito adhunāgato imaṁ dhammavinayaṁ, na tāhaṁ sakkomi vitthārena ācikkhituṁ.\nAyaṁ so bhagavā arahaṁ sammāsambuddho rājagahe viharati tapodārāme.\nTaṁ bhagavantaṁ upasaṅkamitvā etamatthaṁ puccha.\nYathā te bhagavā byākaroti tathā naṁ dhāreyyāsī’ti."}},{"id":"sn1.20:17","sourceIds":["sn1.20:17.1","sn1.20:17.2","sn1.20:17.3","sn1.20:17.4"],"kind":"text","text":{"pi":"Evaṁ vutte, bhante, sā devatā maṁ etadavoca:\n‘na kho, bhikkhu, sukaro so bhagavā amhehi upasaṅkamituṁ, aññāhi mahesakkhāhi devatāhi parivuto.\nSace kho tvaṁ, bhikkhu, taṁ bhagavantaṁ upasaṅkamitvā etamatthaṁ puccheyyāsi, mayampi āgaccheyyāma dhammassavanāyā’ti.\nSace, bhante, tassā devatāya saccaṁ vacanaṁ, idheva sā devatā avidūre”ti.","en":"“Sir, if that deity spoke the truth, he’ll be close by.”"}},{"id":"sn1.20:18","sourceIds":["sn1.20:18.1","sn1.20:18.2"],"kind":"text","text":{"pi":"Evaṁ vutte, sā devatā āyasmantaṁ samiddhiṁ etadavoca:\n“puccha, bhikkhu, puccha, bhikkhu, yamahaṁ anuppattā”ti.","en":"When he had spoken, that deity said to Samiddhi,\n“Ask, mendicant, ask! For I have arrived.”"}},{"id":"sn1.20:19","sourceIds":["sn1.20:19.1"],"kind":"text","text":{"pi":"Atha kho bhagavā taṁ devataṁ gāthāhi ajjhabhāsi:","en":"Then the Buddha addressed the deity in verse:"}},{"id":"sn1.20:20","sourceIds":["sn1.20:20.1","sn1.20:20.2","sn1.20:20.3","sn1.20:20.4"],"kind":"text","text":{"pi":"“Akkheyyasaññino sattā,\nakkheyyasmiṁ patiṭṭhitā;\nAkkheyyaṁ apariññāya,\nyogamāyanti maccuno.","en":"“Sentient beings who perceive the communicable,\nbecome established in the communicable.\nNot understanding the communicable,\nthey fall under the yoke of Death."}},{"id":"sn1.20:21","sourceIds":["sn1.20:21.1","sn1.20:21.2","sn1.20:21.3","sn1.20:21.4","sn1.20:21.5"],"kind":"text","text":{"pi":"Akkheyyañca pariññāya,\nAkkhātāraṁ na maññati;\nTañhi tassa na hotīti,\nYena naṁ vajjā na tassa atthi;\nSace vijānāsi vadehi yakkhā”ti.","en":"But having fully understood the communicable,\nthey don’t conceive a communicator,\nfor they have nothing\nby which they might be described.\nTell me if you understand, spirit.”"}},{"id":"sn1.20:22","sourceIds":["sn1.20:22.1","sn1.20:22.2"],"kind":"text","text":{"pi":"“Na khvāhaṁ, bhante, imassa bhagavatā saṅkhittena bhāsitassa vitthārena atthaṁ ājānāmi.\nSādhu me, bhante, bhagavā tathā bhāsatu yathāhaṁ imassa bhagavatā saṅkhittena bhāsitassa vitthārena atthaṁ jāneyyan”ti.","en":"“I don’t understand the detailed meaning of the Buddha’s brief statement.\nPlease teach me this matter so I can understand the detailed meaning.”"}},{"id":"sn1.20:23","sourceIds":["sn1.20:23.1","sn1.20:23.2","sn1.20:23.3","sn1.20:23.4","sn1.20:23.5"],"kind":"text","text":{"pi":"“Samo visesī uda vā nihīno,\nYo maññatī so vivadetha tena;\nTīsu vidhāsu avikampamāno,\nSamo visesīti na tassa hoti;\nSace vijānāsi vadehi yakkhā”ti.","en":"“If you think that ‘I’m equal,\nspecial, or worse’, you’ll dispute about that.\nUnwavering in the face of the three discriminations,\nthey have no thought, ‘I’m equal or special’.\nTell me if you understand, spirit.”"}},{"id":"sn1.20:24","sourceIds":["sn1.20:24.1","sn1.20:24.2"],"kind":"text","text":{"pi":"“Imassapi khvāhaṁ, bhante, bhagavatā saṅkhittena bhāsitassa na vitthārena atthaṁ ājānāmi.\nSādhu me, bhante, bhagavā tathā bhāsatu yathāhaṁ imassa bhagavatā saṅkhittena bhāsitassa vitthārena atthaṁ jāneyyan”ti.","en":"“I don’t understand the detailed meaning of the Buddha’s brief statement.\nPlease teach me this matter so I can understand the detailed meaning.”"}},{"id":"sn1.20:25","sourceIds":["sn1.20:25.1","sn1.20:25.2","sn1.20:25.3","sn1.20:25.4","sn1.20:25.5","sn1.20:25.6"],"kind":"text","text":{"pi":"“Pahāsi saṅkhaṁ na vimānamajjhagā,\nAcchecchi taṇhaṁ idha nāmarūpe;\nTaṁ chinnaganthaṁ anighaṁ nirāsaṁ,\nPariyesamānā nājjhagamuṁ;\nDevā manussā idha vā huraṁ vā,\nSaggesu vā sabbanivesanesu.","en":"“They gave up judgment without falling into conceit;\ncraving for name and form was cut off right here.\nThey cut the ties, untroubled, with no need for hope.\nThough gods and humans search for them\nin this life or the next, they never find them,\nnot in heaven nor in any abode."}},{"id":"sn1.20:26","sourceIds":["sn1.20:26.1"],"kind":"text","text":{"pi":"Sace vijānāsi vadehi yakkhā”ti.","en":"Tell me if you understand, spirit.”"}},{"id":"sn1.20:27","sourceIds":["sn1.20:27.1"],"kind":"text","text":{"pi":"“Imassa khvāhaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmi—","en":"“This is how I understand the detailed meaning of the Buddha’s brief statement:"}},{"id":"sn1.20:28","sourceIds":["sn1.20:28.1","sn1.20:28.2","sn1.20:28.3","sn1.20:28.4","sn1.20:28.5"],"kind":"text","text":{"pi":"Pāpaṁ na kayirā vacasā manasā,\nKāyena vā kiñcana sabbaloke;\nKāme pahāya satimā sampajāno,\nDukkhaṁ na sevetha anatthasaṁhitan”ti.\nNandanavaggo dutiyo.","en":"You should never do anything bad\nby speech or mind or body in all the world.\nHaving given up sensual pleasures, mindful and aware,\nyou shouldn’t keep doing  what’s painful and pointless.”"}},{"id":"sn1.20:29","sourceIds":["sn1.20:29.0","sn1.20:29.1","sn1.20:29.2","sn1.20:29.3","sn1.20:29.4","sn1.20:29.5","sn1.20:29.6"],"kind":"text","text":{"pi":"Tassuddānaṁ\nNandanā nandati ceva,\nNatthiputtasamena ca;\nKhattiyo saṇamāno ca,\nNiddātandī ca dukkaraṁ;\nHirī kuṭikā navamo,\nDasamo vutto samiddhināti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn1.20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}