{"id":"sn11.18","title":"Homage of Householders","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.18","title":"Homage of Householders","units":[{"id":"sn11.18:0","sourceIds":["sn11.18:0.1","sn11.18:0.2","sn11.18:0.3"],"kind":"text","text":{"pi":"Saṁyutta Nikāya 11.18\n2. Dutiyavagga\nGahaṭṭhavandanāsutta","en":"Linked Discourses 11.18\nChapter Two\nHomage of Householders"}},{"id":"sn11.18:1","sourceIds":["sn11.18:1.1","sn11.18:1.2","sn11.18:1.3","sn11.18:1.4","sn11.18:1.5","sn11.18:1.6","sn11.18:1.7","sn11.18:1.8","sn11.18:1.9"],"kind":"text","text":{"pi":"Sāvatthiyaṁ.\nTatra …pe… etadavoca:\n“bhūtapubbaṁ, bhikkhave, sakko devānamindo mātaliṁ saṅgāhakaṁ āmantesi:\n‘yojehi, samma mātali, sahassayuttaṁ ājaññarathaṁ. Uyyānabhūmiṁ gacchāma subhūmiṁ dassanāyā’ti.\n‘Evaṁ, bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṁ ājaññarathaṁ yojetvā sakkassa devānamindassa paṭivedesi:\n‘yutto kho te, mārisa, sahassayutto ājaññaratho.\nYassadāni kālaṁ maññasī’ti.\nAtha kho, bhikkhave, sakko devānamindo vejayantapāsādā orohanto añjaliṁ katvā sudaṁ puthuddisā namassati.\nAtha kho, bhikkhave, mātali saṅgāhako sakkaṁ devānamindaṁ gāthāya ajjhabhāsi:","en":"At Sāvatthī.\n“Once upon a time, mendicants, Sakka, lord of gods, addressed his chariot handler Mātali,\n‘My dear Mātali, harness the chariot with its team of a thousand thoroughbreds. We will go to a park and see the scenery.’\n‘Yes, lord,’ replied Mātali. He harnessed the chariot and informed Sakka,\n‘Good fellow, the chariot with its team of a thousand thoroughbreds has been harnessed.\nPlease go at your convenience.’\nThen Sakka descended from the Palace of Victory, raised his cupped palms, and revered the various quarters.\nSo Mātali the chariot handler addressed Sakka in verse:"}},{"id":"sn11.18:2","sourceIds":["sn11.18:2.1","sn11.18:2.2","sn11.18:2.3","sn11.18:2.4","sn11.18:2.5","sn11.18:2.6"],"kind":"text","text":{"pi":"‘Taṁ namassanti tevijjā,\nsabbe bhummā ca khattiyā;\nCattāro ca mahārājā,\ntidasā ca yasassino;\nAtha ko nāma so yakkho,\nyaṁ tvaṁ sakka namassasī’ti.","en":"‘Those proficient in the three Vedas worship you,\nas do all the aristocrats on earth,\nthe four great kings,\nand the glorious host of Thirty.\nSo what’s the name of the spirit\nthat you worship, Sakka?’"}},{"id":"sn11.18:3","sourceIds":["sn11.18:3.1","sn11.18:3.2","sn11.18:3.3","sn11.18:3.4"],"kind":"text","text":{"pi":"‘Maṁ namassanti tevijjā,\nsabbe bhummā ca khattiyā;\nCattāro ca mahārājā,\ntidasā ca yasassino.","en":"‘Those proficient in the three Vedas worship me,\nas do all the aristocrats on earth,\nthe four great kings,\nand the glorious host of Thirty."}},{"id":"sn11.18:4","sourceIds":["sn11.18:4.1","sn11.18:4.2","sn11.18:4.3","sn11.18:4.4"],"kind":"text","text":{"pi":"Ahañca sīlasampanne,\ncirarattasamāhite;\nSammāpabbajite vande,\nbrahmacariyaparāyane.","en":"But I revere those accomplished in ethics,\nwho have long trained in immersion,\nwho have rightly gone forth\nfor the culmination of spiritual life."}},{"id":"sn11.18:5","sourceIds":["sn11.18:5.1","sn11.18:5.2","sn11.18:5.3","sn11.18:5.4"],"kind":"text","text":{"pi":"Ye gahaṭṭhā puññakarā,\nsīlavanto upāsakā;\nDhammena dāraṁ posenti,\nte namassāmi mātalī’ti.","en":"I also worship those householders,\nthe ethical lay followers\nwho make merit, Mātali,\nproviding for a partner in a principled manner.’"}},{"id":"sn11.18:6","sourceIds":["sn11.18:6.1","sn11.18:6.2","sn11.18:6.3","sn11.18:6.4"],"kind":"text","text":{"pi":"‘Seṭṭhā hi kira lokasmiṁ,\nye tvaṁ sakka namassasi;\nAhampi te namassāmi,\nye namassasi vāsavā’ti.","en":"‘Those who you worship\nseem to be the best in the world, Sakka.\nI too will worship\nthose who you worship, Sakka.’"}},{"id":"sn11.18:7","sourceIds":["sn11.18:7.1","sn11.18:7.2","sn11.18:7.3","sn11.18:7.4"],"kind":"text","text":{"pi":"Idaṁ vatvāna maghavā,\ndevarājā sujampati;\nPuthuddisā namassitvā,\npamukho rathamāruhī”ti.","en":"After saying this, Maghavā the chief,\nking of gods, Sujā’s husband,\nhaving worshiped the various quarters\nclimbed into his chariot.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.18/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}