{"id":"sn11.19","title":"Homage of the Teacher","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.19","title":"Homage of the Teacher","units":[{"id":"sn11.19:0","sourceIds":["sn11.19:0.1","sn11.19:0.2","sn11.19:0.3"],"kind":"text","text":{"pi":"Saṁyutta Nikāya 11.19\n2. Dutiyavagga\nSatthāravandanāsutta","en":"Linked Discourses 11.19\nChapter Two\nHomage of the Teacher"}},{"id":"sn11.19:1","sourceIds":["sn11.19:1.1","sn11.19:1.2","sn11.19:1.3","sn11.19:1.4","sn11.19:1.5","sn11.19:1.6","sn11.19:1.7","sn11.19:1.8"],"kind":"text","text":{"pi":"Sāvatthiyaṁ jetavane.\n“Bhūtapubbaṁ, bhikkhave, sakko devānamindo mātaliṁ saṅgāhakaṁ āmantesi:\n‘yojehi, samma mātali, sahassayuttaṁ ājaññarathaṁ, uyyānabhūmiṁ gacchāma subhūmiṁ dassanāyā’ti.\n‘Evaṁ, bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṁ ājaññarathaṁ yojetvā sakkassa devānamindassa paṭivedesi:\n‘yutto kho te, mārisa, sahassayutto ājaññaratho.\nYassadāni kālaṁ maññasī’ti.\nAtha kho, bhikkhave, sakko devānamindo vejayantapāsādā orohanto añjaliṁ katvā sudaṁ bhagavantaṁ namassati.\nAtha kho, bhikkhave, mātali saṅgāhako sakkaṁ devānamindaṁ gāthāya ajjhabhāsi:","en":"Near Sāvatthī in Jeta’s Grove.\n“Once upon a time, mendicants, Sakka, lord of gods, addressed his chariot handler Mātali,\n‘My dear Mātali, harness the chariot with its team of a thousand thoroughbreds. We will go to a park and see the scenery.’\n‘Yes, lord,’ replied Mātali. He harnessed the chariot and informed Sakka,\n‘Good fellow, the chariot with its team of a thousand thoroughbreds has been harnessed.\nPlease go at your convenience.’\nThen Sakka descended from the Palace of Victory, raised his cupped palms, and revered the Buddha.\nSo Mātali the chariot handler addressed Sakka in verse:"}},{"id":"sn11.19:2","sourceIds":["sn11.19:2.1","sn11.19:2.2","sn11.19:2.3","sn11.19:2.4"],"kind":"text","text":{"pi":"‘Yañhi devā manussā ca,\ntaṁ namassanti vāsava;\nAtha ko nāma so yakkho,\nyaṁ tvaṁ sakka namassasī’ti.","en":"‘Gods and men\nworship you, Vāsava.\nSo what’s the name of the spirit\nthat you worship, Sakka?’"}},{"id":"sn11.19:3","sourceIds":["sn11.19:3.1","sn11.19:3.2","sn11.19:3.3","sn11.19:3.4"],"kind":"text","text":{"pi":"‘Yo idha sammāsambuddho,\nasmiṁ loke sadevake;\nAnomanāmaṁ satthāraṁ,\ntaṁ namassāmi mātali.","en":"‘It’s the fully awakened Buddha,\nthe Teacher of peerless name\nin this world with its gods—\nthat’s who I worship, Mātali."}},{"id":"sn11.19:4","sourceIds":["sn11.19:4.1","sn11.19:4.2","sn11.19:4.3","sn11.19:4.4"],"kind":"text","text":{"pi":"Yesaṁ rāgo ca doso ca,\navijjā ca virājitā;\nKhīṇāsavā arahanto,\nte namassāmi mātali.","en":"Those in whom greed, hate, and ignorance\nhave faded away;\nthe perfected ones with defilements ended—\nthey’re who I worship, Mātali."}},{"id":"sn11.19:5","sourceIds":["sn11.19:5.1","sn11.19:5.2","sn11.19:5.3","sn11.19:5.4","sn11.19:5.5"],"kind":"text","text":{"pi":"Ye rāgadosavinayā,\navijjāsamatikkamā;\nSekkhā apacayārāmā,\nappamattānusikkhare;\nTe namassāmi mātalī’ti.","en":"The trainees who enjoy reducing suffering,\ndiligently pursuing the training\nfor getting rid of greed and hate,\nand going past ignorance—\nthey’re who I worship, Mātali.’"}},{"id":"sn11.19:6","sourceIds":["sn11.19:6.1","sn11.19:6.2","sn11.19:6.3","sn11.19:6.4"],"kind":"text","text":{"pi":"‘Seṭṭhā hi kira lokasmiṁ,\nye tvaṁ sakka namassasi;\nAhampi te namassāmi,\nye namassasi vāsavā’ti.","en":"‘Those who you worship\nseem to be the best in the world, Sakka.\nI too will worship\nthose who you worship, Sakka.’"}},{"id":"sn11.19:7","sourceIds":["sn11.19:7.1","sn11.19:7.2","sn11.19:7.3","sn11.19:7.4"],"kind":"text","text":{"pi":"Idaṁ vatvāna maghavā,\ndevarājā sujampati;\nBhagavantaṁ namassitvā,\npamukho rathamāruhī”ti.","en":"After saying this, Maghavā the chief,\nking of gods, Sujā’s husband,\nhaving worshiped the Buddha,\nclimbed into his chariot.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.19/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}