{"id":"sn11.2","title":"With Susīma","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.2","title":"With Susīma","units":[{"id":"sn11.2:0","sourceIds":["sn11.2:0.1","sn11.2:0.2","sn11.2:0.3"],"kind":"text","text":{"pi":"Saṁyutta Nikāya 11.2\n1. Paṭhamavagga\nSusīmasutta","en":"Linked Discourses 11.2\nChapter One\nWith Susīma"}},{"id":"sn11.2:1","sourceIds":["sn11.2:1.1","sn11.2:1.2","sn11.2:1.3","sn11.2:1.4","sn11.2:1.5"],"kind":"text","text":{"pi":"Sāvatthiyaṁ.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"At Sāvatthī.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"sn11.2:2","sourceIds":["sn11.2:2.1","sn11.2:2.2","sn11.2:2.3","sn11.2:2.4","sn11.2:2.5","sn11.2:2.6","sn11.2:2.7","sn11.2:2.8","sn11.2:2.9","sn11.2:2.10"],"kind":"text","text":{"pi":"“Bhūtapubbaṁ, bhikkhave, asurā deve abhiyaṁsu.\nAtha kho, bhikkhave, sakko devānamindo susīmaṁ devaputtaṁ āmantesi:\n‘ete, tāta susīma, asurā deve abhiyanti.\nGaccha, tāta susīma, asure paccuyyāhī’ti.\n‘Evaṁ, bhaddantavā’ti kho, bhikkhave, susīmo devaputto sakkassa devānamindassa paṭissutvā pamādaṁ āpādesi.\nDutiyampi kho, bhikkhave, sakko devānamindo susīmaṁ devaputtaṁ āmantesi …pe…\ndutiyampi pamādaṁ āpādesi.\nTatiyampi kho, bhikkhave, sakko devānamindo susīmaṁ devaputtaṁ āmantesi …pe…\ntatiyampi pamādaṁ āpādesi.\nAtha kho, bhikkhave, sakko devānamindo susīmaṁ devaputtaṁ gāthāya ajjhabhāsi:","en":"“Once upon a time, mendicants, the titans marched against the gods.\nThen Sakka, lord of gods, addressed the godling Susīma,\n‘Dear Susīma, the titans march against the gods!\nGo, and march against the titans!’\n‘Yes, lord,’ replied Susīma. But he fell into negligence.\nFor a second time …\nFor a third time …\nThen Sakka addressed the godling Susīma in verse:"}},{"id":"sn11.2:3","sourceIds":["sn11.2:3.1","sn11.2:3.2","sn11.2:3.3","sn11.2:3.4"],"kind":"text","text":{"pi":"‘Anuṭṭhahaṁ avāyāmaṁ,\nsukhaṁ yatrādhigacchati;\nSusīma tattha gacchāhi,\nmañca tattheva pāpayā’ti.","en":"‘Susīma, go to that place\nwhere you can achieve happiness\nwithout working for it or trying hard—\nand take me with you!’"}},{"id":"sn11.2:4","sourceIds":["sn11.2:4.1","sn11.2:4.2","sn11.2:4.3","sn11.2:4.4"],"kind":"text","text":{"pi":"‘Alasvassa anuṭṭhātā,\nna ca kiccāni kāraye;\nSabbakāmasamiddhassa,\ntaṁ me sakka varaṁ disā’ti.","en":"‘That a lazy man who does no work,\nand doesn’t do his duty,\nshould fulfill all his desires:\nSakka, render me this boon!’"}},{"id":"sn11.2:5","sourceIds":["sn11.2:5.1","sn11.2:5.2","sn11.2:5.3","sn11.2:5.4"],"kind":"text","text":{"pi":"‘Yatthālaso anuṭṭhātā,\naccantaṁ sukhamedhati;\nSusīma tattha gacchāhi,\nmañca tattheva pāpayā’ti.","en":"‘Susīma, go to that place\nwhere a lazy man who does no work\nprospers in unending happiness—\nand take me with you!’"}},{"id":"sn11.2:6","sourceIds":["sn11.2:6.1","sn11.2:6.2","sn11.2:6.3","sn11.2:6.4"],"kind":"text","text":{"pi":"‘Akammunā devaseṭṭha,\nsakka vindemu yaṁ sukhaṁ;\nAsokaṁ anupāyāsaṁ,\ntaṁ me sakka varaṁ disā’ti.","en":"‘O Sakka, first among gods,\nthat we might find the happiness\nthat’s sorrowless, unstressed:\nSakka, render me this boon!’"}},{"id":"sn11.2:7","sourceIds":["sn11.2:7.1","sn11.2:7.2","sn11.2:7.3","sn11.2:7.4","sn11.2:7.5"],"kind":"text","text":{"pi":"‘Sace atthi akammena,\nkoci kvaci na jīvati;\nNibbānassa hi so maggo,\nsusīma tattha gacchāhi;\nMañca tattheva pāpayā’ti.","en":"‘If there exists anywhere a place\nwhere one can live happily without working,\nthat surely would be extinguishment’s path!\nSusīma, go to that place\nand take me with you!’"}},{"id":"sn11.2:8","sourceIds":["sn11.2:8.1","sn11.2:8.2"],"kind":"text","text":{"pi":"So hi nāma, bhikkhave, sakko devānamindo sakaṁ puññaphalaṁ upajīvamāno devānaṁ tāvatiṁsānaṁ issariyādhipaccaṁ rajjaṁ kārento uṭṭhānavīriyassa vaṇṇavādī bhavissati.\nIdha kho taṁ, bhikkhave, sobhetha, yaṁ tumhe evaṁ svākkhāte dhammavinaye pabbajitā samānā uṭṭhaheyyātha ghaṭeyyātha vāyameyyātha appattassa pattiyā, anadhigatassa adhigamāya, asacchikatassa sacchikiriyāyā”ti.","en":"Since, mendicants, even that Sakka, lord of gods—while living off of the fruit of his good deeds, and ruling as sovereign lord over these gods of the thirty-three—will speak in praise of initiative and energy,\nyou can excel at this, for you who have gone forth in such a well explained teaching and training can try hard, strive, and make an effort to attain the unattained, achieve the unachieved, and realize the unrealized.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.2/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}