{"id":"sn11.22","title":"Ugly","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn11.22","title":"Ugly","units":[{"id":"sn11.22:0","sourceIds":["sn11.22:0.1","sn11.22:0.2","sn11.22:0.3"],"kind":"text","text":{"pi":"Saṁyutta Nikāya 11.22\n3. Tatiyavagga\nDubbaṇṇiyasutta","en":"Linked Discourses 11.22\nChapter Three\nUgly"}},{"id":"sn11.22:1","sourceIds":["sn11.22:1.1","sn11.22:1.2","sn11.22:1.3","sn11.22:1.4","sn11.22:1.5","sn11.22:1.6","sn11.22:1.7"],"kind":"text","text":{"pi":"Sāvatthiyaṁ jetavane.\nTatra kho …pe… etadavoca:\n“bhūtapubbaṁ, bhikkhave, aññataro yakkho dubbaṇṇo okoṭimako sakkassa devānamindassa āsane nisinno ahosi.\nTatra sudaṁ, bhikkhave, devā tāvatiṁsā ujjhāyanti khiyyanti vipācenti:\n‘acchariyaṁ vata bho, abbhutaṁ vata bho.\nAyaṁ yakkho dubbaṇṇo okoṭimako sakkassa devānamindassa āsane nisinno’ti.\nYathā yathā kho, bhikkhave, devā tāvatiṁsā ujjhāyanti khiyyanti vipācenti tathā tathā so yakkho abhirūpataro ceva hoti dassanīyataro ca pāsādikataro ca.","en":"Near Sāvatthī in Jeta’s Grove.\n“Once upon a time, mendicants, there was a native spirit who was ugly and deformed. He sat on the throne of Sakka, lord of gods.\nBut the gods of the thirty-three complained, grumbled, and objected,\n‘Oh lord, how incredible, how amazing!\nThis ugly and deformed spirit is sitting on the throne of Sakka, the lord of gods.’\nBut the more the gods complained, the more attractive, good-looking, and lovely that spirit became."}},{"id":"sn11.22:2","sourceIds":["sn11.22:2.1","sn11.22:2.2","sn11.22:2.3","sn11.22:2.4","sn11.22:2.5","sn11.22:2.6","sn11.22:2.7"],"kind":"text","text":{"pi":"Atha kho, bhikkhave, devā tāvatiṁsā yena sakko devānamindo tenupasaṅkamiṁsu; upasaṅkamitvā sakkaṁ devānamindaṁ etadavocuṁ:\n‘idha te, mārisa, aññataro yakkho dubbaṇṇo okoṭimako sakkassa devānamindassa āsane nisinno.\nTatra sudaṁ, mārisa, devā tāvatiṁsā ujjhāyanti khiyyanti vipācenti:\n“acchariyaṁ vata bho, abbhutaṁ vata bho.\nAyaṁ yakkho dubbaṇṇo okoṭimako sakkassa devānamindassa āsane nisinno”ti.\nYathā yathā kho, mārisa, devā ujjhāyanti khiyyanti vipācenti tathā tathā so yakkho abhirūpataro ceva hoti dassanīyataro ca pāsādikataro cāti.\nSo hi nūna, mārisa, kodhabhakkho yakkho bhavissatī’ti.","en":"So the gods went up to Sakka and told him what had happened. He replied,\n‘Surely, good fellow, that must be the anger-eating spirit!’"}},{"id":"sn11.22:3","sourceIds":["sn11.22:3.1","sn11.22:3.2","sn11.22:3.3","sn11.22:3.4","sn11.22:3.5"],"kind":"text","text":{"pi":"Atha kho, bhikkhave, sakko devānamindo yena so kodhabhakkho yakkho tenupasaṅkami; upasaṅkamitvā ekaṁsaṁ uttarāsaṅgaṁ karitvā dakkhiṇajāṇumaṇḍalaṁ pathaviyaṁ nihantvā yena so kodhabhakkho yakkho tenañjaliṁ paṇāmetvā tikkhattuṁ nāmaṁ sāveti:\n‘sakkohaṁ, mārisa, devānamindo, sakkohaṁ, mārisa, devānamindo’ti.\nYathā yathā kho, bhikkhave, sakko devānamindo nāmaṁ sāvesi tathā tathā so yakkho dubbaṇṇataro ceva ahosi okoṭimakataro ca.\nDubbaṇṇataro ceva hutvā okoṭimakataro ca tatthevantaradhāyīti.\nAtha kho, bhikkhave, sakko devānamindo sake āsane nisīditvā deve tāvatiṁse anunayamāno tāyaṁ velāyaṁ imā gāthāyo abhāsi:","en":"Then Sakka went up to that spirit, arranged his robe over one shoulder, knelt on his right knee, raised his joined palms toward the anger-eating spirit, and pronounced his name three times:\n‘Good fellow, I am Sakka, lord of gods! Good fellow, I am Sakka, the lord of gods!’\nBut the more Sakka pronounced his name, the uglier and more deformed the spirit became,\nuntil eventually it vanished right there.\nThen Sakka, lord of gods, guiding the gods of the thirty-three, spoke this verse:"}},{"id":"sn11.22:4","sourceIds":["sn11.22:4.1","sn11.22:4.2","sn11.22:4.3","sn11.22:4.4"],"kind":"text","text":{"pi":"‘Na sūpahatacittomhi,\nnāvattena suvānayo;\nNa vo cirāhaṁ kujjhāmi,\nkodho mayi nāvatiṭṭhati.","en":"‘My mind isn’t easily upset;\nI’m not easily drawn into the maelstrom.\nI don’t get angry for long,\nanger doesn’t last in me."}},{"id":"sn11.22:5","sourceIds":["sn11.22:5.1","sn11.22:5.2","sn11.22:5.3","sn11.22:5.4"],"kind":"text","text":{"pi":"Kuddhāhaṁ na pharusaṁ brūmi,\nNa ca dhammāni kittaye;\nSanniggaṇhāmi attānaṁ,\nSampassaṁ atthamattano’”ti.","en":"When I do get angry I don’t speak harshly,\nnor do I advertise my own virtues.\nI carefully restrain myself\nout of regard for my own welfare.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn11.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}