{"id":"sn12.14","title":"Ascetics and Brahmins (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.14","title":"Ascetics and Brahmins (2nd)","units":[{"id":"sn12.14:0","sourceIds":["sn12.14:0.1","sn12.14:0.2","sn12.14:0.3"],"kind":"text","text":{"pi":"Saṁyutta Nikāya 12.14\n2. Āhāravagga\nDutiyasamaṇabrāhmaṇasutta","en":"Linked Discourses 12.14\n2. Fuel\nAscetics and Brahmins (2nd)"}},{"id":"sn12.14:1","sourceIds":["sn12.14:1.1","sn12.14:1.2"],"kind":"text","text":{"pi":"Sāvatthiyaṁ viharati.\n“Ye hi keci, bhikkhave, samaṇā vā brāhmaṇā vā ime dhamme nappajānanti, imesaṁ dhammānaṁ samudayaṁ nappajānanti, imesaṁ dhammānaṁ nirodhaṁ nappajānanti, imesaṁ dhammānaṁ nirodhagāminiṁ paṭipadaṁ nappajānanti, katame dhamme nappajānanti, katamesaṁ dhammānaṁ samudayaṁ nappajānanti, katamesaṁ dhammānaṁ nirodhaṁ nappajānanti, katamesaṁ dhammānaṁ nirodhagāminiṁ paṭipadaṁ nappajānanti?","en":"At Sāvatthī.\n“Mendicants, there are ascetics and brahmins who don’t understand these things, their origin, their cessation, and the practice that leads to their cessation. What things don’t they understand?"}},{"id":"sn12.14:2","sourceIds":["sn12.14:2.1","sn12.14:2.2","sn12.14:2.3","sn12.14:2.4","sn12.14:2.5","sn12.14:2.6","sn12.14:2.7","sn12.14:2.8","sn12.14:2.9","sn12.14:2.10","sn12.14:2.11","sn12.14:2.12","sn12.14:2.13"],"kind":"text","text":{"pi":"Jarāmaraṇaṁ nappajānanti, jarāmaraṇasamudayaṁ nappajānanti, jarāmaraṇanirodhaṁ nappajānanti, jarāmaraṇanirodhagāminiṁ paṭipadaṁ nappajānanti;\njātiṁ …pe…\nbhavaṁ …\nupādānaṁ …\ntaṇhaṁ …\nvedanaṁ …\nphassaṁ …\nsaḷāyatanaṁ …\nnāmarūpaṁ …\nviññāṇaṁ …\nsaṅkhāre nappajānanti, saṅkhārasamudayaṁ nappajānanti, saṅkhāranirodhaṁ nappajānanti, saṅkhāranirodhagāminiṁ paṭipadaṁ nappajānanti.\nIme dhamme nappajānanti, imesaṁ dhammānaṁ samudayaṁ nappajānanti, imesaṁ dhammānaṁ nirodhaṁ nappajānanti, imesaṁ dhammānaṁ nirodhagāminiṁ paṭipadaṁ nappajānanti.\nNa me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca pana te āyasmanto sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.","en":"They don’t understand old age and death, their origin, their cessation, and the practice that leads to their cessation.\nThey don’t understand rebirth …\ncontinued existence …\ngrasping …\ncraving …\nfeeling …\ncontact …\nthe six sense fields …\nname and form …\nconsciousness …\nThey don’t understand choices, their origin, their cessation, and the practice that leads to their cessation.\nThey don’t understand these things, their origin, their cessation, and the practice that leads to their cessation.\nI don’t deem them as true ascetics and brahmins. Those venerables don’t realize the goal of life as an ascetic or brahmin, and don’t live having realized it with their own insight in this very life."}},{"id":"sn12.14:3","sourceIds":["sn12.14:3.1"],"kind":"text","text":{"pi":"Ye ca kho keci, bhikkhave, samaṇā vā brāhmaṇā vā ime dhamme pajānanti, imesaṁ dhammānaṁ samudayaṁ pajānanti, imesaṁ dhammānaṁ nirodhaṁ pajānanti, imesaṁ dhammānaṁ nirodhagāminiṁ paṭipadaṁ pajānanti, katame dhamme pajānanti, katamesaṁ dhammānaṁ samudayaṁ pajānanti, katamesaṁ dhammānaṁ nirodhaṁ pajānanti, katamesaṁ dhammānaṁ nirodhagāminiṁ paṭipadaṁ pajānanti?","en":"There are ascetics and brahmins who do understand these things, their origin, their cessation, and the practice that leads to their cessation. What things do they understand?"}},{"id":"sn12.14:4","sourceIds":["sn12.14:4.1","sn12.14:4.2","sn12.14:4.3","sn12.14:4.4","sn12.14:4.5","sn12.14:4.6","sn12.14:4.7","sn12.14:4.8","sn12.14:4.9","sn12.14:4.10","sn12.14:4.11","sn12.14:4.12","sn12.14:4.13","sn12.14:4.14"],"kind":"text","text":{"pi":"Jarāmaraṇaṁ pajānanti, jarāmaraṇasamudayaṁ pajānanti, jarāmaraṇanirodhaṁ pajānanti, jarāmaraṇanirodhagāminiṁ paṭipadaṁ pajānanti;\njātiṁ …pe…\nbhavaṁ …\nupādānaṁ …\ntaṇhaṁ …\nvedanaṁ …\nphassaṁ …\nsaḷāyatanaṁ …\nnāmarūpaṁ …\nviññāṇaṁ …\nsaṅkhāre pajānanti, saṅkhārasamudayaṁ pajānanti, saṅkhāranirodhaṁ pajānanti, saṅkhāranirodhagāminiṁ paṭipadaṁ pajānanti.\nIme dhamme pajānanti, imesaṁ dhammānaṁ samudayaṁ pajānanti, imesaṁ dhammānaṁ nirodhaṁ pajānanti, imesaṁ dhammānaṁ nirodhagāminiṁ paṭipadaṁ pajānanti.\nTe kho me, bhikkhave, samaṇā vā brāhmaṇā vā samaṇesu ceva samaṇasammatā, brāhmaṇesu ca brāhmaṇasammatā. Te ca panāyasmanto sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.\nCatutthaṁ.","en":"They understand old age and death, their origin, their cessation, and the practice that leads to their cessation.\nThey understand rebirth …\ncontinued existence …\ngrasping …\ncraving …\nfeeling …\ncontact …\nthe six sense fields …\nname and form …\nconsciousness …\nThey understand choices, their origin, their cessation, and the practice that leads to their cessation.\nThey understand these things, their origin, their cessation, and the practice that leads to their cessation.\nI deem them as true ascetics and brahmins. Those venerables realize the goal of life as an ascetic or brahmin, and live having realized it with their own insight.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}