{"id":"sn12.20","title":"Conditions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.20","title":"Conditions","units":[{"id":"sn12.20:0","sourceIds":["sn12.20:0.1","sn12.20:0.2","sn12.20:0.3"],"kind":"text","text":{"pi":"Saṁyutta Nikāya 12.20\n2. Āhāravagga\nPaccayasutta","en":"Linked Discourses 12.20\n2. Fuel\nConditions"}},{"id":"sn12.20:1","sourceIds":["sn12.20:1.1","sn12.20:1.2","sn12.20:1.3","sn12.20:1.4","sn12.20:1.5"],"kind":"text","text":{"pi":"Sāvatthiyaṁ viharati.\n“Paṭiccasamuppādañca vo, bhikkhave, desessāmi paṭiccasamuppanne ca dhamme.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"At Sāvatthī.\n“Mendicants, I will teach you dependent origination and dependently originated phenomena.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"sn12.20:2","sourceIds":["sn12.20:2.1","sn12.20:2.2","sn12.20:2.3","sn12.20:2.4","sn12.20:2.5","sn12.20:2.6","sn12.20:2.7"],"kind":"text","text":{"pi":"“Katamo ca, bhikkhave, paṭiccasamuppādo?\nJātipaccayā, bhikkhave, jarāmaraṇaṁ.\nUppādā vā tathāgatānaṁ anuppādā vā tathāgatānaṁ, ṭhitāva sā dhātu dhammaṭṭhitatā dhammaniyāmatā idappaccayatā.\nTaṁ tathāgato abhisambujjhati abhisameti.\nAbhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttānīkaroti.\n‘Passathā’ti cāha:\n‘jātipaccayā, bhikkhave, jarāmaraṇaṁ’.","en":"“And what is dependent origination?\nRebirth is a requirement for old age and death.\nWhether Realized Ones arise or not, this law of nature persists, this regularity of natural principles, this surety of natural principles, specific conditionality.\nA Realized One awakens to this and comprehends it,\nthen he explains, teaches, asserts, establishes, clarifies, analyzes, and discloses it.\n‘Look,’ he says,\n‘Rebirth is a requirement for old age and death.’"}},{"id":"sn12.20:3","sourceIds":["sn12.20:3.1","sn12.20:3.2","sn12.20:3.3","sn12.20:3.4","sn12.20:3.5","sn12.20:3.6","sn12.20:3.7","sn12.20:3.8","sn12.20:3.9","sn12.20:3.10","sn12.20:3.11","sn12.20:3.12","sn12.20:3.13","sn12.20:3.14","sn12.20:3.15","sn12.20:3.16","sn12.20:3.17"],"kind":"text","text":{"pi":"Bhavapaccayā, bhikkhave, jāti …pe…\nupādānapaccayā, bhikkhave, bhavo …\ntaṇhāpaccayā, bhikkhave, upādānaṁ …\nvedanāpaccayā, bhikkhave, taṇhā …\nphassapaccayā, bhikkhave, vedanā …\nsaḷāyatanapaccayā, bhikkhave, phasso …\nnāmarūpapaccayā, bhikkhave, saḷāyatanaṁ …\nviññāṇapaccayā, bhikkhave, nāmarūpaṁ …\nsaṅkhārapaccayā, bhikkhave, viññāṇaṁ …\navijjāpaccayā, bhikkhave, saṅkhārā\nuppādā vā tathāgatānaṁ anuppādā vā tathāgatānaṁ, ṭhitāva sā dhātu dhammaṭṭhitatā dhammaniyāmatā idappaccayatā.\nTaṁ tathāgato abhisambujjhati abhisameti.\nAbhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttānīkaroti.\n‘Passathā’ti cāha:\n‘avijjāpaccayā, bhikkhave, saṅkhārā’.\nIti kho, bhikkhave, yā tatra tathatā avitathatā anaññathatā idappaccayatā—\nayaṁ vuccati, bhikkhave, paṭiccasamuppādo.","en":"Continued existence is a requirement for rebirth …\nGrasping is a requirement for continued existence …\nCraving is a requirement for grasping …\nFeeling is a requirement for craving …\nContact is a requirement for feeling …\nThe six sense fields are requirements for contact …\nName and form are requirements for the six sense fields …\nConsciousness is a requirement for name and form …\nChoices are a requirement for consciousness …\nIgnorance is a requirement for choices.\nWhether Realized Ones arise or not, this law of nature persists, this regularity of natural principles, this surety of natural principles, specific conditionality.\nA Realized One awakens to this and comprehends it,\nthen he explains, teaches, asserts, establishes, clarifies, analyzes, and discloses it.\n‘Look,’ he says,\n‘Ignorance is a requirement for choices.’\nSo the fact that this is real, not unreal, not otherwise; the specific conditionality of it:\nthis is called dependent origination."}},{"id":"sn12.20:4","sourceIds":["sn12.20:4.1","sn12.20:4.2","sn12.20:4.3","sn12.20:4.4","sn12.20:4.5","sn12.20:4.6","sn12.20:4.7","sn12.20:4.8","sn12.20:4.9","sn12.20:4.10","sn12.20:4.11","sn12.20:4.12","sn12.20:4.13","sn12.20:4.14"],"kind":"text","text":{"pi":"Katame ca, bhikkhave, paṭiccasamuppannā dhammā?\nJarāmaraṇaṁ, bhikkhave, aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammaṁ.\nJāti, bhikkhave, aniccā saṅkhatā paṭiccasamuppannā khayadhammā vayadhammā virāgadhammā nirodhadhammā.\nBhavo, bhikkhave, anicco saṅkhato paṭiccasamuppanno khayadhammo vayadhammo virāgadhammo nirodhadhammo.\nUpādānaṁ bhikkhave …pe…\ntaṇhā, bhikkhave …\nvedanā, bhikkhave …\nphasso, bhikkhave …\nsaḷāyatanaṁ, bhikkhave …\nnāmarūpaṁ, bhikkhave …\nviññāṇaṁ, bhikkhave …\nsaṅkhārā, bhikkhave …\navijjā, bhikkhave, aniccā saṅkhatā paṭiccasamuppannā khayadhammā vayadhammā virāgadhammā nirodhadhammā.\nIme vuccanti, bhikkhave, paṭiccasamuppannā dhammā.","en":"And what are the dependently originated phenomena?\nOld age and death are impermanent, conditioned, dependently originated, liable to end, vanish, fade away, and cease.\nRebirth …\nContinued existence …\nGrasping …\nCraving …\nFeeling …\nContact …\nThe six sense fields …\nName and form …\nConsciousness …\nChoices …\nIgnorance is impermanent, conditioned, dependently originated, liable to end, vanish, fade away, and cease.\nThese are called the dependently originated phenomena."}},{"id":"sn12.20:5","sourceIds":["sn12.20:5.1","sn12.20:5.2","sn12.20:5.3","sn12.20:5.4","sn12.20:5.5","sn12.20:5.6","sn12.20:5.7","sn12.20:5.8","sn12.20:5.9","sn12.20:5.10","sn12.20:5.11"],"kind":"text","text":{"pi":"Yato kho, bhikkhave, ariyasāvakassa ‘ayañca paṭiccasamuppādo, ime ca paṭiccasamuppannā dhammā’ yathābhūtaṁ sammappaññāya sudiṭṭhā honti, so vata pubbantaṁ vā paṭidhāvissati:\n‘ahosiṁ nu kho ahaṁ atītamaddhānaṁ, nanu kho ahosiṁ atītamaddhānaṁ, kiṁ nu kho ahosiṁ atītamaddhānaṁ, kathaṁ nu kho ahosiṁ atītamaddhānaṁ, kiṁ hutvā kiṁ ahosiṁ nu kho ahaṁ atītamaddhānan’ti;\naparantaṁ vā upadhāvissati:\n‘bhavissāmi nu kho ahaṁ anāgatamaddhānaṁ, nanu kho bhavissāmi anāgatamaddhānaṁ, kiṁ nu kho bhavissāmi anāgatamaddhānaṁ, kathaṁ nu kho bhavissāmi anāgatamaddhānaṁ, kiṁ hutvā kiṁ bhavissāmi nu kho ahaṁ anāgatamaddhānan’ti;\netarahi vā paccuppannaṁ addhānaṁ ajjhattaṁ kathaṅkathī bhavissati:\n‘ahaṁ nu khosmi, no nu khosmi, kiṁ nu khosmi, kathaṁ nu khosmi, ayaṁ nu kho satto kuto āgato, so kuhiṁ gamissatī’ti—\nnetaṁ ṭhānaṁ vijjati.\nTaṁ kissa hetu?\nTathā hi, bhikkhave, ariyasāvakassa ayañca paṭiccasamuppādo ime ca paṭiccasamuppannā dhammā yathābhūtaṁ sammappaññāya sudiṭṭhā”ti.\nDasamaṁ.\nĀhāravaggo dutiyo.","en":"When a noble disciple has clearly seen with right wisdom this dependent origination and these dependently originated phenomena as they are, it will be quite impossible for them to turn back to the first beginning, thinking:\n‘Did I exist in the past? Did I not exist in the past? What was I in the past? How was I in the past? After being what, what did I become in the past?’\nOr to turn forward to the final end, thinking:\n‘Will I exist in the future? Will I not exist in the future? What will I be in the future? How will I be in the future? After being what, what will I become in the future?’\nOr to be undecided about the present, thinking:\n‘Am I? Am I not? What am I? How am I? This sentient being—where did it come from? And where will it go?’\nWhy is that?\nBecause that noble disciple has clearly seen with right wisdom this dependent origination and these dependently originated phenomena as they are.”"}},{"id":"sn12.20:6","sourceIds":["sn12.20:6.0","sn12.20:6.1","sn12.20:6.2","sn12.20:6.3","sn12.20:6.4","sn12.20:6.5","sn12.20:6.6"],"kind":"text","text":{"pi":"Tassuddānaṁ\nĀhāraṁ phagguno ceva,\nDve ca samaṇabrāhmaṇā;\nKaccānagotta dhammakathikaṁ,\nAcelaṁ timbarukena ca;\nBālapaṇḍitato ceva,\nDasamo paccayena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.20/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}