{"id":"sn12.22","title":"The Ten Powers (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.22","title":"The Ten Powers (2nd)","units":[{"id":"sn12.22:0","sourceIds":["sn12.22:0.1","sn12.22:0.2","sn12.22:0.3"],"kind":"text","text":{"pi":"Saṁyutta Nikāya 12.22\n3. Dasabalavagga\nDutiyadasabalasutta","en":"Linked Discourses 12.22\n3. The Ten Powers\nThe Ten Powers (2nd)"}},{"id":"sn12.22:1","sourceIds":["sn12.22:1.1","sn12.22:1.2","sn12.22:1.3","sn12.22:1.4","sn12.22:1.5","sn12.22:1.6","sn12.22:1.7","sn12.22:1.8","sn12.22:1.9","sn12.22:1.10","sn12.22:1.11","sn12.22:1.12","sn12.22:1.13","sn12.22:1.14","sn12.22:1.15"],"kind":"text","text":{"pi":"Sāvatthiyaṁ viharati.\n“Dasabalasamannāgato, bhikkhave, tathāgato catūhi ca vesārajjehi samannāgato āsabhaṁ ṭhānaṁ paṭijānāti, parisāsu sīhanādaṁ nadati, brahmacakkaṁ pavatteti:\n‘iti rūpaṁ iti rūpassa samudayo iti rūpassa atthaṅgamo,\niti vedanā iti vedanāya samudayo iti vedanāya atthaṅgamo,\niti saññā iti saññāya samudayo iti saññāya atthaṅgamo,\niti saṅkhārā iti saṅkhārānaṁ samudayo iti saṅkhārānaṁ atthaṅgamo,\niti viññāṇaṁ iti viññāṇassa samudayo iti viññāṇassa atthaṅgamo.\nIti imasmiṁ sati idaṁ hoti, imassuppādā idaṁ uppajjati;\nimasmiṁ asati idaṁ na hoti imassa nirodhā idaṁ nirujjhati.\nYadidaṁ avijjāpaccayā saṅkhārā;\nsaṅkhārapaccayā viññāṇaṁ …pe…\nevametassa kevalassa dukkhakkhandhassa samudayo hoti.\nAvijjāya tveva asesavirāganirodhā saṅkhāranirodho;\nsaṅkhāranirodhā viññāṇanirodho …pe…\nevametassa kevalassa dukkhakkhandhassa nirodho hoti’.","en":"At Sāvatthī.\n“Mendicants, a Realized One has ten powers and four kinds of self-assurance. With these he claims the bull’s place, roars his lion’s roar in the assemblies, and turns the divine wheel.\nSuch is form, such is the origin of form, such is the disappearance of form.\nSuch is feeling, such is the origin of feeling, such is the disappearance of feeling.\nSuch is perception, such is the origin of perception, such is the disappearance of perception.\nSuch are choices, such is the origin of choices, such is the disappearance of choices.\nSuch is consciousness, such is the origin of consciousness, such is the disappearance of consciousness.\nSo, when this exists, this comes to be; due to the arising of this, this arises.\nWhen this doesn’t exist, this doesn’t come to be; due to the cessation of this, this ceases. That is:\nIgnorance is a requirement for choices.\nChoices are a requirement for consciousness. …\nThat is how this entire mass of suffering originates.\nWhen ignorance fades away and ceases with no residue left behind, choices cease.\nWhen choices cease, consciousness ceases. …\nThat is how this entire mass of suffering ceases."}},{"id":"sn12.22:2","sourceIds":["sn12.22:2.1","sn12.22:2.2","sn12.22:2.3"],"kind":"text","text":{"pi":"Evaṁ svākkhāto, bhikkhave, mayā dhammo uttāno vivaṭo pakāsito chinnapilotiko.\nEvaṁ svākkhāte kho, bhikkhave, mayā dhamme uttāne vivaṭe pakāsite chinnapilotike alameva saddhāpabbajitena kulaputtena vīriyaṁ ārabhituṁ:\n‘kāmaṁ taco ca nhāru ca aṭṭhi ca avasissatu, sarīre upassussatu maṁsalohitaṁ. Yaṁ taṁ purisathāmena purisavīriyena purisaparakkamena pattabbaṁ, na taṁ apāpuṇitvā vīriyassa saṇṭhānaṁ bhavissatī’ti.","en":"The teaching well-explained thus by me is clarified, revealed, illuminated, and stripped of patchwork.\nIn this teaching thus well-explained, it is quite enough for a gentleman who has gone forth out of faith to rouse up energy.\n‘Gladly, let only skin, sinews, and tendons remain! Let the flesh and blood waste away in my body! I will not stop trying until I have achieved what is possible by human strength, energy, and vigor.’"}},{"id":"sn12.22:3","sourceIds":["sn12.22:3.1","sn12.22:3.2","sn12.22:3.3","sn12.22:3.4","sn12.22:3.5","sn12.22:3.6","sn12.22:3.7","sn12.22:3.8","sn12.22:3.9","sn12.22:3.10","sn12.22:3.11","sn12.22:3.12","sn12.22:3.13"],"kind":"text","text":{"pi":"Dukkhaṁ, bhikkhave, kusīto viharati vokiṇṇo pāpakehi akusalehi dhammehi, mahantañca sadatthaṁ parihāpeti.\nĀraddhavīriyo ca kho, bhikkhave, sukhaṁ viharati pavivitto pāpakehi akusalehi dhammehi, mahantañca sadatthaṁ paripūreti.\nNa, bhikkhave, hīnena aggassa patti hoti.\nAggena ca kho, bhikkhave, aggassa patti hoti.\nMaṇḍapeyyamidaṁ, bhikkhave, brahmacariyaṁ, satthā sammukhībhūto.\nTasmātiha, bhikkhave, vīriyaṁ ārabhatha appattassa pattiyā, anadhigatassa adhigamāya, asacchikatassa sacchikiriyāya.\n‘Evaṁ no ayaṁ amhākaṁ pabbajjā avañjhā bhavissati saphalā saudrayā.\nYesañca mayaṁ paribhuñjāma cīvarapiṇḍapātasenāsanagilānappaccayabhesajjaparikkhāraṁ tesaṁ te kārā amhesu mahapphalā bhavissanti mahānisaṁsā’ti—\nevañhi vo, bhikkhave, sikkhitabbaṁ.\nAttatthaṁ vā hi, bhikkhave, sampassamānena alameva appamādena sampādetuṁ;\nparatthaṁ vā hi, bhikkhave, sampassamānena alameva appamādena sampādetuṁ;\nubhayatthaṁ vā hi, bhikkhave, sampassamānena alameva appamādena sampādetun”ti.\nDutiyaṁ.","en":"A lazy person lives in suffering, mixed up with bad, unskillful qualities, neglecting their heart’s great goal.\nBut an energetic person lives happily, secluded from bad, unskillful qualities, fulfilling their heart’s great goal.\nThe best isn’t reached by the worst.\nThe best is reached by the best.\nThis spiritual life is the cream, mendicants, and the Teacher is before you.\nSo you should rouse up energy for attaining the unattained, achieving the unachieved, and realizing the unrealized, thinking:\n‘In this way our going forth will not be barren, but will be fruitful and fertile.\nAnd the services of those whose robes, almsfood, lodgings, and medicines and supplies for the sick we enjoy shall be very fruitful and beneficial for them.’\nThat’s how you should train.\nConsidering what is good for yourself, mendicants, is quite enough for you to persist with diligence.\nConsidering what is good for others is quite enough for you to persist with diligence.\nConsidering what is good for both is quite enough for you to persist with diligence.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.22/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}