{"id":"sn12.23","title":"Vital Conditions","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.23","title":"Vital Conditions","units":[{"id":"sn12.23:0","sourceIds":["sn12.23:0.1","sn12.23:0.2","sn12.23:0.3"],"kind":"text","text":{"pi":"Saṁyutta Nikāya 12.23\n3. Dasabalavagga\nUpanisasutta","en":"Linked Discourses 12.23\n3. The Ten Powers\nVital Conditions"}},{"id":"sn12.23:1","sourceIds":["sn12.23:1.1","sn12.23:1.2","sn12.23:1.3","sn12.23:1.4","sn12.23:1.5","sn12.23:1.6","sn12.23:1.7","sn12.23:1.8","sn12.23:1.9"],"kind":"text","text":{"pi":"Sāvatthiyaṁ viharati.\n“Jānato ahaṁ, bhikkhave, passato āsavānaṁ khayaṁ vadāmi, no ajānato no apassato.\nKiñca, bhikkhave, jānato kiṁ passato āsavānaṁ khayo hoti?\nIti rūpaṁ iti rūpassa samudayo iti rūpassa atthaṅgamo,\niti vedanā …pe…\niti saññā …\niti saṅkhārā …\niti viññāṇaṁ iti viññāṇassa samudayo iti viññāṇassa atthaṅgamoti.\nEvaṁ kho, bhikkhave, jānato evaṁ passato āsavānaṁ khayo hoti.","en":"At Sāvatthī.\n“Mendicants, I say that the ending of defilements is for one who knows and sees, not for one who does not know or see.\nFor one who knows and sees what?\n‘Such is form, such is the origin of form, such is the disappearance of form.\nSuch is feeling …\nSuch is perception …\nSuch are choices …\nSuch is consciousness, such is the origin of consciousness, such is the disappearance of consciousness.’\nThe ending of the defilements is for one who knows and sees this."}},{"id":"sn12.23:2","sourceIds":["sn12.23:2.1","sn12.23:2.2","sn12.23:2.3","sn12.23:2.4","sn12.23:2.5","sn12.23:2.6","sn12.23:2.7","sn12.23:2.8","sn12.23:2.9","sn12.23:2.10","sn12.23:2.11","sn12.23:2.12","sn12.23:2.13","sn12.23:2.14","sn12.23:2.15","sn12.23:2.16"],"kind":"text","text":{"pi":"Yampissa taṁ, bhikkhave, khayasmiṁ khaye ñāṇaṁ, tampi saupanisaṁ vadāmi, no anupanisaṁ.\nKā ca, bhikkhave, khaye ñāṇassa upanisā?\n‘Vimuttī’tissa vacanīyaṁ.\nVimuttimpāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, vimuttiyā upanisā?\n‘Virāgo’tissa vacanīyaṁ.\nVirāgampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, virāgassa upanisā?\n‘Nibbidā’tissa vacanīyaṁ.\nNibbidampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, nibbidāya upanisā?\n‘Yathābhūtañāṇadassanan’tissa vacanīyaṁ.\nYathābhūtañāṇadassanampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, yathābhūtañāṇadassanassa upanisā?\n‘Samādhī’tissa vacanīyaṁ.\nSamādhimpāhaṁ, bhikkhave, saupanisaṁ vadāmi, no anupanisaṁ.","en":"I say that this knowledge of ending has a vital condition, it doesn’t lack a vital condition.\nAnd what is it?\nYou should say: ‘Freedom.’\nI say that freedom has a vital condition, it doesn’t lack a vital condition.\nAnd what is it?\nYou should say: ‘Dispassion.’\nI say that dispassion has a vital condition.\nAnd what is it?\nYou should say: ‘Disillusionment.’\nI say that disillusionment has a vital condition.\nAnd what is it?\nYou should say: ‘Truly knowing and seeing.’\nI say that truly knowing and seeing has a vital condition.\nAnd what is it?\nYou should say: ‘Immersion.’\nI say that immersion has a vital condition."}},{"id":"sn12.23:3","sourceIds":["sn12.23:3.1","sn12.23:3.2","sn12.23:3.3","sn12.23:3.4","sn12.23:3.5","sn12.23:3.6","sn12.23:3.7","sn12.23:3.8","sn12.23:3.9","sn12.23:3.10","sn12.23:3.11","sn12.23:3.12","sn12.23:3.13","sn12.23:3.14","sn12.23:3.15"],"kind":"text","text":{"pi":"Kā ca, bhikkhave, samādhissa upanisā?\n‘Sukhan’tissa vacanīyaṁ.\nSukhampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, sukhassa upanisā?\n‘Passaddhī’tissa vacanīyaṁ.\nPassaddhimpāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, passaddhiyā upanisā?\n‘Pītī’tissa vacanīyaṁ.\nPītimpāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, pītiyā upanisā?\n‘Pāmojjan’tissa vacanīyaṁ.\nPāmojjampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, pāmojjassa upanisā?\n‘Saddhā’tissa vacanīyaṁ.\nSaddhampāhaṁ, bhikkhave, saupanisaṁ vadāmi, no anupanisaṁ.","en":"And what is it?\nYou should say: ‘Bliss.’\nI say that bliss has a vital condition.\nAnd what is it?\nYou should say: ‘Tranquility.’\nI say that tranquility has a vital condition.\nAnd what is it?\nYou should say: ‘Rapture.’\nI say that rapture has a vital condition.\nAnd what is it?\nYou should say: ‘Joy.’\nI say that joy has a vital condition.\nAnd what is it?\nYou should say: ‘Faith.’\nI say that faith has a vital condition."}},{"id":"sn12.23:4","sourceIds":["sn12.23:4.1","sn12.23:4.2","sn12.23:4.3","sn12.23:4.4","sn12.23:4.5","sn12.23:4.6","sn12.23:4.7","sn12.23:4.8","sn12.23:4.9","sn12.23:4.10","sn12.23:4.11","sn12.23:4.12","sn12.23:4.13","sn12.23:4.14","sn12.23:4.15"],"kind":"text","text":{"pi":"Kā ca, bhikkhave, saddhāya upanisā?\n‘Dukkhan’tissa vacanīyaṁ.\nDukkhampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, dukkhassa upanisā?\n‘Jātī’tissa vacanīyaṁ.\nJātimpāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, jātiyā upanisā?\n‘Bhavo’tissa vacanīyaṁ.\nBhavampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, bhavassa upanisā?\n‘Upādānan’tissa vacanīyaṁ.\nUpādānampāhaṁ, bhikkhave, saupanisaṁ vadāmi, no anupanisaṁ.\nKā ca, bhikkhave, upādānassa upanisā?\n‘Taṇhā’tissa vacanīyaṁ.\nTaṇhampāhaṁ, bhikkhave, saupanisaṁ vadāmi, no anupanisaṁ.","en":"And what is it?\nYou should say: ‘Suffering.’\nI say that suffering has a vital condition.\nAnd what is it?\nYou should say: ‘Rebirth.’\nI say that rebirth has a vital condition.\nAnd what is it?\nYou should say: ‘Continued existence.’\nI say that continued existence has a vital condition.\nAnd what is it?\nYou should say: ‘Grasping.’\nI say that grasping has a vital condition.\nAnd what is it?\nYou should say: ‘Craving.’\nI say that craving has a vital condition."}},{"id":"sn12.23:5","sourceIds":["sn12.23:5.1","sn12.23:5.2","sn12.23:5.3","sn12.23:5.4","sn12.23:5.5","sn12.23:5.6","sn12.23:5.7","sn12.23:5.8","sn12.23:5.9","sn12.23:5.10"],"kind":"text","text":{"pi":"Kā ca, bhikkhave, taṇhāya upanisā?\n‘Vedanā’tissa vacanīyaṁ …pe…\n‘phasso’tissa vacanīyaṁ …\n‘saḷāyatanan’tissa vacanīyaṁ …\n‘nāmarūpan’tissa vacanīyaṁ …\n‘viññāṇan’tissa vacanīyaṁ …\n‘saṅkhārā’tissa vacanīyaṁ.\nSaṅkhārepāhaṁ, bhikkhave, saupanise vadāmi, no anupanise.\nKā ca, bhikkhave, saṅkhārānaṁ upanisā?\n‘Avijjā’tissa vacanīyaṁ.","en":"And what is it?\nYou should say: ‘Feeling.’ …\nYou should say: ‘Contact.’ …\nYou should say: ‘The six sense fields.’ …\nYou should say: ‘Name and form.’ …\nYou should say: ‘Consciousness.’ …\nYou should say: ‘Choices.’ …\nI say that choices have a vital condition, they don’t lack a vital condition.\nAnd what is the vital condition for choices?\nYou should say: ‘Ignorance.’"}},{"id":"sn12.23:6","sourceIds":["sn12.23:6.1","sn12.23:6.2","sn12.23:6.3","sn12.23:6.4","sn12.23:6.5","sn12.23:6.6","sn12.23:6.7","sn12.23:6.8","sn12.23:6.9","sn12.23:6.10","sn12.23:6.11","sn12.23:6.12","sn12.23:6.13","sn12.23:6.14","sn12.23:6.15","sn12.23:6.16","sn12.23:6.17","sn12.23:6.18","sn12.23:6.19","sn12.23:6.20","sn12.23:6.21","sn12.23:6.22"],"kind":"text","text":{"pi":"Iti kho, bhikkhave, avijjūpanisā saṅkhārā,\nsaṅkhārūpanisaṁ viññāṇaṁ,\nviññāṇūpanisaṁ nāmarūpaṁ,\nnāmarūpūpanisaṁ saḷāyatanaṁ,\nsaḷāyatanūpaniso phasso,\nphassūpanisā vedanā,\nvedanūpanisā taṇhā,\ntaṇhūpanisaṁ upādānaṁ,\nupādānūpaniso bhavo,\nbhavūpanisā jāti,\njātūpanisaṁ dukkhaṁ,\ndukkhūpanisā saddhā,\nsaddhūpanisaṁ pāmojjaṁ,\npāmojjūpanisā pīti,\npītūpanisā passaddhi,\npassaddhūpanisaṁ sukhaṁ,\nsukhūpaniso samādhi,\nsamādhūpanisaṁ yathābhūtañāṇadassanaṁ,\nyathābhūtañāṇadassanūpanisā nibbidā,\nnibbidūpaniso virāgo,\nvirāgūpanisā vimutti,\nvimuttūpanisaṁ khaye ñāṇaṁ.","en":"So, mendicants: ignorance is the vital condition for choices.\nChoices are the vital condition for consciousness.\nConsciousness is the vital condition for name and form.\nName and form are the vital conditions for the six sense fields.\nThe six sense fields are the vital conditions for contact.\nContact is the vital condition for feeling.\nFeeling is the vital condition for craving.\nCraving is the vital condition for grasping.\nGrasping is the vital condition for continued existence.\nContinued existence is the vital condition for rebirth.\nRebirth is the vital condition for suffering.\nSuffering is the vital condition for faith.\nFaith is the vital condition for joy.\nJoy is the vital condition for rapture.\nRapture is the vital condition for tranquility.\nTranquility is the vital condition for bliss.\nBliss is the vital condition for immersion.\nImmersion is the vital condition for truly knowing and seeing.\nTruly knowing and seeing is the vital condition for disillusionment.\nDisillusionment is the vital condition for dispassion.\nDispassion is the vital condition for freedom.\nFreedom is the vital condition for the knowledge of ending."}},{"id":"sn12.23:7","sourceIds":["sn12.23:7.1"],"kind":"text","text":{"pi":"Seyyathāpi, bhikkhave, uparipabbate thullaphusitake deve vassante taṁ udakaṁ yathāninnaṁ pavattamānaṁ pabbatakandarapadarasākhā paripūreti. Pabbatakandarapadarasākhāparipūrā kusobbhe paripūrenti. Kusobbhā paripūrā mahāsobbhe paripūrenti. Mahāsobbhā paripūrā kunnadiyo paripūrenti. Kunnadiyo paripūrā mahānadiyo paripūrenti. Mahānadiyo paripūrā mahāsamuddaṁ paripūrenti.","en":"It’s like when the heavens rain heavily on a mountain top, and the water flows downhill to fill the hollows, crevices, and creeks. As they become full, they fill up the pools. The pools fill up the lakes, the lakes fill up the streams, and the streams fill up the rivers. And as the rivers become full, they fill up the ocean."}},{"id":"sn12.23:8","sourceIds":["sn12.23:8.1","sn12.23:8.2"],"kind":"text","text":{"pi":"Evameva kho, bhikkhave, avijjūpanisā saṅkhārā, saṅkhārūpanisaṁ viññāṇaṁ, viññāṇūpanisaṁ nāmarūpaṁ, nāmarūpūpanisaṁ saḷāyatanaṁ, saḷāyatanūpaniso phasso, phassūpanisā vedanā, vedanūpanisā taṇhā, taṇhūpanisaṁ upādānaṁ, upādānūpaniso bhavo, bhavūpanisā jāti, jātūpanisaṁ dukkhaṁ, dukkhūpanisā saddhā, saddhūpanisaṁ pāmojjaṁ, pāmojjūpanisā pīti, pītūpanisā passaddhi, passaddhūpanisaṁ sukhaṁ, sukhūpaniso samādhi, samādhūpanisaṁ yathābhūtañāṇadassanaṁ, yathābhūtañāṇadassanūpanisā nibbidā, nibbidūpaniso virāgo, virāgūpanisā vimutti, vimuttūpanisaṁ khaye ñāṇan”ti.\nTatiyaṁ.","en":"In the same way, ignorance is the vital condition for choices. … Freedom is the vital condition for the knowledge of ending.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}