{"id":"sn12.52","title":"Grasping","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.52","title":"Grasping","units":[{"id":"sn12.52:0","sourceIds":["sn12.52:0.1","sn12.52:0.2","sn12.52:0.3"],"kind":"text","text":{"pi":"Saṁyutta Nikāya 12.52\n6. Dukkhavagga\nUpādānasutta","en":"Linked Discourses 12.52\n6. Suffering\nGrasping"}},{"id":"sn12.52:1","sourceIds":["sn12.52:1.1","sn12.52:1.2","sn12.52:1.3","sn12.52:1.4","sn12.52:1.5","sn12.52:1.6","sn12.52:1.7"],"kind":"text","text":{"pi":"Sāvatthiyaṁ viharati.\n“Upādāniyesu, bhikkhave, dhammesu assādānupassino viharato taṇhā pavaḍḍhati.\nTaṇhāpaccayā upādānaṁ;\nupādānapaccayā bhavo;\nbhavapaccayā jāti;\njātipaccayā jarāmaraṇaṁ sokaparidevadukkhadomanassupāyāsā sambhavanti.\nEvametassa kevalassa dukkhakkhandhassa samudayo hoti.","en":"At Sāvatthī.\n“There are things that fuel grasping. When you concentrate on the gratification provided by these things, your craving grows.\nCraving is a requirement for grasping.\nGrasping is a requirement for continued existence.\nContinued existence is a requirement for rebirth.\nRebirth is a requirement for old age and death, sorrow, lamentation, pain, sadness, and distress to come to be.\nThat is how this entire mass of suffering originates."}},{"id":"sn12.52:2","sourceIds":["sn12.52:2.1","sn12.52:2.2","sn12.52:2.3","sn12.52:2.4","sn12.52:2.5","sn12.52:2.6"],"kind":"text","text":{"pi":"Seyyathāpi, bhikkhave, dasannaṁ vā kaṭṭhavāhānaṁ vīsāya vā kaṭṭhavāhānaṁ tiṁsāya vā kaṭṭhavāhānaṁ cattārīsāya vā kaṭṭhavāhānaṁ mahāaggikkhandho jaleyya.\nTatra puriso kālena kālaṁ sukkhāni ceva tiṇāni pakkhipeyya, sukkhāni ca gomayāni pakkhipeyya, sukkhāni ca kaṭṭhāni pakkhipeyya.\nEvañhi so, bhikkhave, mahāaggikkhandho tadāhāro tadupādāno ciraṁ dīghamaddhānaṁ jaleyya.\nEvameva kho, bhikkhave, upādāniyesu dhammesu assādānupassino viharato taṇhā pavaḍḍhati.\nTaṇhāpaccayā upādānaṁ …pe…\nevametassa kevalassa dukkhakkhandhassa samudayo hoti.","en":"Suppose a great mass of fire was burning with ten, twenty, thirty, or forty loads of wood.\nAnd from time to time someone would toss in dry grass, cow dung, or wood.\nFed and fuelled by that, the great mass of fire would burn for a long time.\nIn the same way, there are things that fuel grasping. When you concentrate on the gratification provided by these things, your craving grows.\nCraving is a requirement for grasping. …\nThat is how this entire mass of suffering originates."}},{"id":"sn12.52:3","sourceIds":["sn12.52:3.1","sn12.52:3.2","sn12.52:3.3","sn12.52:3.4","sn12.52:3.5","sn12.52:3.6"],"kind":"text","text":{"pi":"Upādāniyesu, bhikkhave, dhammesu ādīnavānupassino viharato taṇhā nirujjhati.\nTaṇhānirodhā upādānanirodho;\nupādānanirodhā bhavanirodho;\nbhavanirodhā jātinirodho;\njātinirodhā jarāmaraṇaṁ sokaparidevadukkhadomanassupāyāsā nirujjhanti.\nEvametassa kevalassa dukkhakkhandhassa nirodho hoti.","en":"There are things that fuel grasping. When you concentrate on the drawbacks of these things, your craving ceases.\nWhen craving ceases, grasping ceases.\nWhen grasping ceases, continued existence ceases.\nWhen continued existence ceases, rebirth ceases.\nWhen rebirth ceases, old age and death, sorrow, lamentation, pain, sadness, and distress cease.\nThat is how this entire mass of suffering ceases."}},{"id":"sn12.52:4","sourceIds":["sn12.52:4.1","sn12.52:4.2","sn12.52:4.3","sn12.52:4.4","sn12.52:4.5","sn12.52:4.6","sn12.52:4.7"],"kind":"text","text":{"pi":"Seyyathāpi, bhikkhave, dasannaṁ vā kaṭṭhavāhānaṁ vīsāya vā tiṁsāya vā cattārīsāya vā kaṭṭhavāhānaṁ mahāaggikkhandho jaleyya;\ntatra puriso na kālena kālaṁ sukkhāni ceva tiṇāni pakkhipeyya, na sukkhāni ca gomayāni pakkhipeyya, na sukkhāni ca kaṭṭhāni pakkhipeyya.\nEvañhi so, bhikkhave, mahāaggikkhandho purimassa ca upādānassa pariyādānā aññassa ca anupahārā anāhāro nibbāyeyya.\nEvameva kho, bhikkhave, upādāniyesu dhammesu ādīnavānupassino viharato taṇhā nirujjhati,\ntaṇhānirodhā upādānanirodho …pe…\nevametassa kevalassa dukkhakkhandhassa nirodho hotī”ti.\nDutiyaṁ.","en":"Suppose a great mass of fire was burning with ten, twenty, thirty, or forty loads of wood.\nAnd no one would toss in dry grass, cow dung, or wood from time to time.\nAs the original fuel is used up and no more is added, the great mass of fire would be extinguished due to not being fed.\nIn the same way, there are things that fuel grasping. When you concentrate on the drawbacks of these things, your craving ceases.\nWhen craving ceases, grasping ceases. …\nThat is how this entire mass of suffering ceases.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.52/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}