{"id":"sn12.55","title":"A Great Tree","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.55","title":"A Great Tree","units":[{"id":"sn12.55:0","sourceIds":["sn12.55:0.1","sn12.55:0.2","sn12.55:0.3"],"kind":"text","text":{"pi":"Saṁyutta Nikāya 12.55\n6. Dukkhavagga\nMahārukkhasutta","en":"Linked Discourses 12.55\n6. Suffering\nA Great Tree"}},{"id":"sn12.55:1","sourceIds":["sn12.55:1.1","sn12.55:1.2","sn12.55:1.3","sn12.55:1.4","sn12.55:1.5"],"kind":"text","text":{"pi":"Sāvatthiyaṁ viharati.\n“Upādāniyesu, bhikkhave, dhammesu assādānupassino viharato taṇhā pavaḍḍhati.\nTaṇhāpaccayā upādānaṁ;\nupādānapaccayā bhavo …pe…\nevametassa kevalassa dukkhakkhandhassa samudayo hoti.","en":"At Sāvatthī.\n“There are things that fuel grasping. When you concentrate on the gratification provided by these things, your craving grows.\nCraving is a requirement for grasping.\nGrasping is a requirement for continued existence. …\nThat is how this entire mass of suffering originates."}},{"id":"sn12.55:2","sourceIds":["sn12.55:2.1","sn12.55:2.2","sn12.55:2.3","sn12.55:2.4","sn12.55:2.5","sn12.55:2.6"],"kind":"text","text":{"pi":"Seyyathāpi, bhikkhave, mahārukkho.\nTassa yāni ceva mūlāni adhogamāni, yāni ca tiriyaṅgamāni, sabbāni tāni uddhaṁ ojaṁ abhiharanti.\nEvañhi so, bhikkhave, mahārukkho tadāhāro tadupādāno ciraṁ dīghamaddhānaṁ tiṭṭheyya.\nEvameva kho, bhikkhave, upādāniyesu dhammesu assādānupassino viharato taṇhā pavaḍḍhati.\nTaṇhāpaccayā upādānaṁ …pe…\nevametassa kevalassa dukkhakkhandhassa samudayo hoti.","en":"Suppose there was a great tree.\nAnd its roots going downwards and across all draw the sap upwards.\nFed and fuelled by that, the great tree would stand for a long time.\nIn the same way, there are things that fuel grasping. When you concentrate on the gratification provided by these things, your craving grows.\nCraving is a requirement for grasping. …\nThat is how this entire mass of suffering originates."}},{"id":"sn12.55:3","sourceIds":["sn12.55:3.1","sn12.55:3.2","sn12.55:3.3","sn12.55:3.4"],"kind":"text","text":{"pi":"Upādāniyesu, bhikkhave, dhammesu ādīnavānupassino viharato taṇhā nirujjhati.\nTaṇhānirodhā upādānanirodho;\nupādānanirodhā bhavanirodho …pe…\nevametassa kevalassa dukkhakkhandhassa nirodho hoti.","en":"There are things that fuel grasping. When you concentrate on the drawbacks of these things, your craving ceases.\nWhen craving ceases, grasping ceases.\nWhen grasping ceases, continued existence ceases. …\nThat is how this entire mass of suffering ceases."}},{"id":"sn12.55:4","sourceIds":["sn12.55:4.1","sn12.55:4.2","sn12.55:4.3","sn12.55:4.4","sn12.55:4.5","sn12.55:4.6","sn12.55:4.7","sn12.55:4.8","sn12.55:4.9","sn12.55:4.10","sn12.55:4.11"],"kind":"text","text":{"pi":"Seyyathāpi, bhikkhave, mahārukkho.\nAtha puriso āgaccheyya kuddālapiṭakaṁ ādāya.\nSo taṁ rukkhaṁ mūle chindeyya, mūlaṁ chinditvā palikhaṇeyya, palikhaṇitvā mūlāni uddhareyya antamaso usīranāḷimattānipi.\nSo taṁ rukkhaṁ khaṇḍākhaṇḍikaṁ chindeyya, khaṇḍākhaṇḍikaṁ chinditvā phāleyya, phāletvā sakalikaṁ sakalikaṁ kareyya, sakalikaṁ sakalikaṁ karitvā vātātape visoseyya;\nvātātape visosetvā agginā ḍaheyya, agginā ḍahetvā masiṁ kareyya, masiṁ karitvā mahāvāte vā ophuṇeyya nadiyā vā sīghasotāya pavāheyya.\nEvañhi so, bhikkhave, mahārukkho ucchinnamūlo assa tālāvatthukato anabhāvaṅkato āyatiṁ anuppādadhammo.\nEvameva kho, bhikkhave, upādāniyesu dhammesu ādīnavānupassino viharato taṇhā nirujjhati.\nTaṇhānirodhā upādānanirodho;\nupādānanirodhā bhavanirodho …pe…\nevametassa kevalassa dukkhakkhandhassa nirodho hotī”ti.\nPañcamaṁ.","en":"Suppose there was a great tree.\nThen a person comes along with a spade and basket.\nThey’d cut the tree down at the roots, dig it up, and pull the roots out, down to the fibers and stems.\nThey’d cut the tree apart, cut up the parts, and chop it into splinters. They’d dry the splinters in the wind and sun, burn them with fire, and reduce them to ashes. Then they’d winnow the ashes in a strong wind, or float them away down a swift stream.\nIn this way the great tree is cut off at the root, made like a palm stump, obliterated, and unable to arise in the future.\nIn the same way, there are things that fuel grasping. When you concentrate on the drawbacks of these things, your craving ceases.\nWhen craving ceases, grasping ceases.\nWhen grasping ceases, continued existence ceases. …\nThat is how this entire mass of suffering ceases.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.55/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}