{"id":"sn12.70","title":"The Wanderer Susīma","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn12.70","title":"The Wanderer Susīma","units":[{"id":"sn12.70:0","sourceIds":["sn12.70:0.1","sn12.70:0.2","sn12.70:0.3"],"kind":"text","text":{"pi":"Saṁyutta Nikāya 12.70\n7. Mahāvagga\nSusimaparibbājakasutta","en":"Linked Discourses 12.70\n7. The Great Chapter\nThe Wanderer Susīma"}},{"id":"sn12.70:1","sourceIds":["sn12.70:1.1","sn12.70:1.2","sn12.70:1.3","sn12.70:1.4","sn12.70:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā rājagahe viharati veḷuvane kalandakanivāpe.\nTena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānappaccayabhesajjaparikkhārānaṁ.\nBhikkhusaṅghopi sakkato hoti garukato mānito pūjito apacito lābhī cīvarapiṇḍapātasenāsanagilānappaccayabhesajjaparikkhārānaṁ.\nAññatitthiyā pana paribbājakā asakkatā honti agarukatā amānitā apūjitā anapacitā, na lābhino cīvarapiṇḍapātasenāsanagilānappaccayabhesajjaparikkhārānaṁ.","en":"So I have heard.\nAt one time the Buddha was staying near Rājagaha in the Bamboo Grove, the squirrels’ feeding ground.\nNow at that time the Buddha was honored, respected, revered, venerated, and esteemed. And he received robes, almsfood, lodgings, and medicines and supplies for the sick.\nAnd the mendicant Saṅgha was also honored, respected, revered, venerated, and esteemed. And they received robes, almsfood, lodgings, and medicines and supplies for the sick.\nBut the wanderers who followed other religions were not honored, respected, revered, venerated, and esteemed. And they didn’t receive robes, almsfood, lodgings, and medicines and supplies for the sick."}},{"id":"sn12.70:2","sourceIds":["sn12.70:2.1","sn12.70:2.2","sn12.70:2.3","sn12.70:2.4","sn12.70:2.5","sn12.70:2.6","sn12.70:2.7","sn12.70:2.8","sn12.70:2.9"],"kind":"text","text":{"pi":"Tena kho pana samayena susimo paribbājako rājagahe paṭivasati mahatiyā paribbājakaparisāya saddhiṁ.\nAtha kho susimassa paribbājakassa parisā susimaṁ paribbājakaṁ etadavocuṁ:\n“ehi tvaṁ, āvuso susima, samaṇe gotame brahmacariyaṁ cara.\nTvaṁ dhammaṁ pariyāpuṇitvā amhe vāceyyāsi.\nTaṁ mayaṁ dhammaṁ pariyāpuṇitvā gihīnaṁ bhāsissāma.\nEvaṁ mayampi sakkatā bhavissāma garukatā mānitā pūjitā apacitā lābhino cīvarapiṇḍapātasenāsanagilānappaccayabhesajjaparikkhārānan”ti.\n“Evamāvuso”ti kho susimo paribbājako sakāya parisāya paṭissuṇitvā yenāyasmā ānando tenupasaṅkami; upasaṅkamitvā āyasmatā ānandena saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho susimo paribbājako āyasmantaṁ ānandaṁ etadavoca:\n“icchāmahaṁ, āvuso ānanda, imasmiṁ dhammavinaye brahmacariyaṁ caritun”ti.","en":"Now at that time the wanderer Susīma was residing at Rājagaha together with a large community of wanderers.\nThen his community said to Susīma,\n“Reverend Susīma, please lead the spiritual life with the ascetic Gotama.\nMemorize that teaching and have us recite it with you.\nWhen we’ve memorized it we’ll recite it to the laity.\nIn this way we too will be honored, respected, revered, venerated, and esteemed. And we’ll receive robes, almsfood, lodgings, and medicines and supplies for the sick.”\n“Yes, reverends,” replied Susīma to his own assembly. Then he went to Venerable Ānanda, and exchanged greetings with him.\nWhen the greetings and polite conversation were over, he sat down to one side and said to Ānanda,\n“Reverend Ānanda, I wish to lead the spiritual life in this teaching and training.”"}},{"id":"sn12.70:3","sourceIds":["sn12.70:3.1","sn12.70:3.2","sn12.70:3.3","sn12.70:3.4","sn12.70:3.5"],"kind":"text","text":{"pi":"Atha kho āyasmā ānando susimaṁ paribbājakaṁ ādāya yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā ānando bhagavantaṁ etadavoca:\n“ayaṁ, bhante, susimo paribbājako evamāha:\n‘icchāmahaṁ, āvuso ānanda, imasmiṁ dhammavinaye brahmacariyaṁ caritun’”ti.\n“Tenahānanda, susimaṁ pabbājethā”ti.\nAlattha kho susimo paribbājako bhagavato santike pabbajjaṁ, alattha upasampadaṁ.","en":"Then Ānanda took Susīma to the Buddha, bowed, sat down to one side, and said to him,\n“Sir, this wanderer Susīma says that\nhe wishes to lead the spiritual life in this teaching and training.”\n“Well then, Ānanda, give Susīma the going forth.”\nAnd the wanderer Susīma received the going forth, the ordination in the Buddha’s presence."}},{"id":"sn12.70:4","sourceIds":["sn12.70:4.1","sn12.70:4.2","sn12.70:4.3","sn12.70:4.4","sn12.70:4.5","sn12.70:4.6","sn12.70:4.7","sn12.70:4.8","sn12.70:4.9","sn12.70:4.10"],"kind":"text","text":{"pi":"Tena kho pana samayena sambahulehi bhikkhūhi bhagavato santike aññā byākatā hoti:\n“khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmā”ti.\nAssosi kho āyasmā susimo:\n“sambahulehi kira bhikkhūhi bhagavato santike aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmā”ti.\nAtha kho āyasmā susimo yena te bhikkhū tenupasaṅkami; upasaṅkamitvā tehi bhikkhūhi saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho āyasmā susimo te bhikkhū etadavoca:\n“saccaṁ kirāyasmantehi bhagavato santike aññā byākatā:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāmā”ti?\n“Evamāvuso”ti.","en":"Now at that time several mendicants had declared their enlightenment in the Buddha’s presence:\n“We understand: ‘Rebirth is ended, the spiritual journey has been completed, what had to be done has been done, there is nothing further for this place.’”\nVenerable Susīma heard about this.\nHe went up to those mendicants, and exchanged greetings with them.\nWhen the greetings and polite conversation were over, he sat down to one side and said to those mendicants,\n“Is it really true that the venerables have declared enlightenment in the Buddha’s presence?”\n“Yes, reverend.”"}},{"id":"sn12.70:5","sourceIds":["sn12.70:5.1","sn12.70:5.2"],"kind":"text","text":{"pi":"“Api pana tumhe āyasmanto evaṁ jānantā evaṁ passantā anekavihitaṁ iddhividhaṁ paccanubhotha—ekopi hutvā bahudhā hotha, bahudhāpi hutvā eko hotha; āvibhāvaṁ, tirobhāvaṁ, tirokuṭṭaṁ tiropākāraṁ tiropabbataṁ asajjamānā gacchatha, seyyathāpi ākāse; pathaviyāpi ummujjanimujjaṁ karotha, seyyathāpi udake; udakepi abhijjamāne gacchatha, seyyathāpi pathaviyaṁ; ākāsepi pallaṅkena kamatha, seyyathāpi pakkhī sakuṇo; imepi candimasūriye evaṁmahiddhike evaṁmahānubhāve pāṇinā parimasatha parimajjatha, yāva brahmalokāpi kāyena vasaṁ vattethā”ti?\n“No hetaṁ, āvuso”.","en":"“But knowing and seeing thus, do you wield the many kinds of psychic power? That is, multiplying yourselves and becoming one again; materializing and dematerializing; going unobstructed through a wall, a rampart, or a mountain as if through space; diving in and out of the earth as if it were water; walking on water as if it were earth; flying cross-legged through the sky like a bird; touching and stroking with the hand the sun and moon, so mighty and powerful. Do you control the body as far as the realm of divinity?”\n“No, reverend.”"}},{"id":"sn12.70:6","sourceIds":["sn12.70:6.1","sn12.70:6.2"],"kind":"text","text":{"pi":"“Api pana tumhe āyasmanto evaṁ jānantā evaṁ passantā dibbāya sotadhātuyā visuddhāya atikkantamānusikāya ubho sadde suṇātha dibbe ca mānuse ca ye dūre santike cā”ti?\n“No hetaṁ, āvuso”.","en":"“Well, knowing and seeing thus do you, with clairaudience that is purified and superhuman, hear both kinds of sounds, human and heavenly, whether near or far?”\n“No, reverend.”"}},{"id":"sn12.70:7","sourceIds":["sn12.70:7.1","sn12.70:7.2","sn12.70:7.3","sn12.70:7.4","sn12.70:7.5","sn12.70:7.6","sn12.70:7.7","sn12.70:7.8","sn12.70:7.9","sn12.70:7.10","sn12.70:7.11","sn12.70:7.12","sn12.70:7.13","sn12.70:7.14","sn12.70:7.15","sn12.70:7.16","sn12.70:7.17","sn12.70:7.18"],"kind":"text","text":{"pi":"“Api pana tumhe āyasmanto evaṁ jānantā evaṁ passantā parasattānaṁ parapuggalānaṁ cetasā ceto paricca pajānātha—\nsarāgaṁ vā cittaṁ sarāgaṁ cittanti pajānātha;\nvītarāgaṁ vā cittaṁ vītarāgaṁ cittanti pajānātha;\nsadosaṁ vā cittaṁ sadosaṁ cittanti pajānātha;\nvītadosaṁ vā cittaṁ vītadosaṁ cittanti pajānātha;\nsamohaṁ vā cittaṁ samohaṁ cittanti pajānātha;\nvītamohaṁ vā cittaṁ vītamohaṁ cittanti pajānātha;\nsaṅkhittaṁ vā cittaṁ saṅkhittaṁ cittanti pajānātha;\nvikkhittaṁ vā cittaṁ vikkhittaṁ cittanti pajānātha;\nmahaggataṁ vā cittaṁ mahaggataṁ cittanti pajānātha;\namahaggataṁ vā cittaṁ amahaggataṁ cittanti pajānātha;\nsauttaraṁ vā cittaṁ sauttaraṁ cittanti pajānātha;\nanuttaraṁ vā cittaṁ anuttaraṁ cittanti pajānātha;\nsamāhitaṁ vā cittaṁ samāhitaṁ cittanti pajānātha;\nasamāhitaṁ vā cittaṁ asamāhitaṁ cittanti pajānātha;\nvimuttaṁ vā cittaṁ vimuttaṁ cittanti pajānātha;\navimuttaṁ vā cittaṁ avimuttaṁ cittanti pajānāthā”ti?\n“No hetaṁ, āvuso”.","en":"“Well, knowing and seeing thus, do you understand the minds of other beings and individuals, having encompassed them with your mind?\nDo you understand mind with greed as ‘mind with greed’,\nand mind without greed as ‘mind without greed’?\nDo you understand mind with hate as ‘mind with hate’,\nand mind without hate as ‘mind without hate’?\nDo you understand mind with delusion as ‘mind with delusion’,\nand mind without delusion as ‘mind without delusion’?\nDo you understand constricted mind as ‘constricted mind’,\nand scattered mind as ‘scattered mind’?\nDo you understand expansive mind as ‘expansive mind’,\nand unexpansive mind as ‘unexpansive mind’?\nDo you understand mind that is not supreme as ‘mind that is not supreme’,\nand mind that is supreme as ‘mind that is supreme’?\nDo you understand mind immersed in samādhi as ‘mind immersed in samādhi’,\nand mind not immersed in samādhi as ‘mind not immersed in samādhi’?\nDo you understand freed mind as ‘freed mind’,\nand unfreed mind as ‘unfreed mind’?”\n“No, reverend.”"}},{"id":"sn12.70:8","sourceIds":["sn12.70:8.1","sn12.70:8.2"],"kind":"text","text":{"pi":"“Api pana tumhe āyasmanto evaṁ jānantā evaṁ passantā anekavihitaṁ pubbenivāsaṁ anussaratha, seyyathidaṁ—ekampi jātiṁ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṁsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi, anekepi saṁvaṭṭakappe anekepi vivaṭṭakappe anekepi saṁvaṭṭavivaṭṭakappe: ‘amutrāsiṁ evaṁnāmo evaṅgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto, so tato cuto amutra udapādiṁ; tatrāpāsiṁ evaṁnāmo evaṅgotto evaṁvaṇṇo evamāhāro evaṁsukhadukkhapaṭisaṁvedī evamāyupariyanto, so tato cuto idhūpapanno’ti. Iti sākāraṁ sauddesaṁ anekavihitaṁ pubbenivāsaṁ anussarathā”ti?\n“No hetaṁ, āvuso”.","en":"“Well, knowing and seeing thus, do you recollect many kinds of past lives? That is: one, two, three, four, five, ten, twenty, thirty, forty, fifty, a hundred, a thousand, a hundred thousand rebirths; many eons of the world contracting, many eons of the world expanding, many eons of the world contracting and expanding? Do you remember: ‘There, I was named this, my clan was that, I looked like this, and that was my food. This was how I felt pleasure and pain, and that was how my life ended. When I passed away from that place I was reborn somewhere else. There, too, I was named this, my clan was that, I looked like this, and that was my food. This was how I felt pleasure and pain, and that was how my life ended. When I passed away from that place I was reborn here.’ Do you recollect your many kinds of past lives, with features and details?”\n“No, reverend.”"}},{"id":"sn12.70:9","sourceIds":["sn12.70:9.1","sn12.70:9.2"],"kind":"text","text":{"pi":"“Api pana tumhe āyasmanto evaṁ jānantā evaṁ passantā dibbena cakkhunā visuddhena atikkantamānusakena satte passatha cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānātha: ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā, ariyānaṁ upavādakā micchādiṭṭhikā micchādiṭṭhikammasamādānā, te kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapannā; ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā, ariyānaṁ anupavādakā sammādiṭṭhikā sammādiṭṭhikammasamādānā te kāyassa bhedā paraṁ maraṇā sugatiṁ saggaṁ lokaṁ upapannā’ti, iti dibbena cakkhunā visuddhena atikkantamānusakena satte passatha cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāthā”ti?\n“No hetaṁ, āvuso”.","en":"“Well, knowing and seeing thus, do you, with clairvoyance that is purified and superhuman, see sentient beings passing away and being reborn—inferior and superior, beautiful and ugly, in a good place or a bad place—and understand how sentient beings pass on according to their deeds? ‘These dear beings did bad things by way of body, speech, and mind. They denounced the noble ones; they had wrong view; and they chose to act out of that wrong view. When their body broke up, after death, they were reborn in a place of loss, a bad place, the underworld, hell. These dear beings, however, did good things by way of body, speech, and mind. They never denounced the noble ones; they had right view; and they chose to act out of that right view. When their body broke up, after death, they were reborn in a good place, a heavenly realm.’ And so, with clairvoyance that is purified and superhuman, do you see sentient beings passing away and being reborn—inferior and superior, beautiful and ugly, in a good place or a bad place. And do you understand how sentient beings pass on according to their deeds?”\n“No, reverend.”"}},{"id":"sn12.70:10","sourceIds":["sn12.70:10.1","sn12.70:10.2"],"kind":"text","text":{"pi":"“Api pana tumhe āyasmanto evaṁ jānantā evaṁ passantā ye te santā vimokkhā atikkamma rūpe āruppā, te kāyena phusitvā viharathā”ti?\n“No hetaṁ, āvuso”.","en":"“Well, knowing and seeing thus, do you have direct meditative experience of the peaceful liberations that are formless, transcending form?”\n“No, reverend.”"}},{"id":"sn12.70:11","sourceIds":["sn12.70:11.1","sn12.70:11.2"],"kind":"text","text":{"pi":"“Ettha dāni āyasmanto idañca veyyākaraṇaṁ imesañca dhammānaṁ asamāpatti; idaṁ no, āvuso, kathan”ti?\n“Paññāvimuttā kho mayaṁ, āvuso susimā”ti.","en":"“Well now, venerables, how could there be such a declaration when these things are not attained?”\n“Reverend Susīma, we are freed by wisdom.”"}},{"id":"sn12.70:12","sourceIds":["sn12.70:12.1","sn12.70:12.2","sn12.70:12.3"],"kind":"text","text":{"pi":"“Na khvāhaṁ imassa āyasmantānaṁ saṅkhittena bhāsitassa vitthārena atthaṁ ājānāmi.\nSādhu me āyasmanto tathā bhāsantu yathāhaṁ imassa āyasmantānaṁ saṅkhittena bhāsitassa vitthārena atthaṁ ājāneyyan”ti.\n“Ājāneyyāsi vā tvaṁ, āvuso susima, na vā tvaṁ ājāneyyāsi atha kho paññāvimuttā mayan”ti.","en":"“I don’t understand the detailed meaning of what you have said in brief.\nPlease teach me this matter so I can understand the detailed meaning.”\n“Reverend Susīma, whether you understand or not, we are freed by wisdom.”"}},{"id":"sn12.70:13","sourceIds":["sn12.70:13.1","sn12.70:13.2","sn12.70:13.3"],"kind":"text","text":{"pi":"Atha kho āyasmā susimo uṭṭhāyāsanā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi.\nEkamantaṁ nisinno kho āyasmā susimo yāvatako tehi bhikkhūhi saddhiṁ ahosi kathāsallāpo taṁ sabbaṁ bhagavato ārocesi.\n“Pubbe kho, susima, dhammaṭṭhitiñāṇaṁ, pacchā nibbāne ñāṇan”ti.","en":"Then Susīma went to the Buddha, bowed, sat down to one side,\nand informed the Buddha of all he had discussed with those mendicants.\n“Susīma, first comes knowledge of the stability of natural principles. Afterwards there is knowledge of extinguishment.”"}},{"id":"sn12.70:14","sourceIds":["sn12.70:14.1","sn12.70:14.2","sn12.70:14.3"],"kind":"text","text":{"pi":"“Na khvāhaṁ, bhante, imassa bhagavatā saṅkhittena bhāsitassa vitthārena atthaṁ ājānāmi.\nSādhu me, bhante, bhagavā tathā bhāsatu yathāhaṁ imassa bhagavatā saṅkhittena bhāsitassa vitthārena atthaṁ ājāneyyan”ti.\n“Ājāneyyāsi vā tvaṁ, susima, na vā tvaṁ ājāneyyāsi, atha kho dhammaṭṭhitiñāṇaṁ pubbe, pacchā nibbāne ñāṇaṁ.","en":"“Sir, I don’t understand the detailed meaning of what you have said in brief.\nPlease teach me this matter so I can understand the detailed meaning.”\n“Susīma, whether you understand or not, first comes knowledge of the stability of natural principles. Afterwards there is knowledge of extinguishment."}},{"id":"sn12.70:15","sourceIds":["sn12.70:15.1","sn12.70:15.2","sn12.70:15.3","sn12.70:15.4","sn12.70:15.5","sn12.70:15.6","sn12.70:15.7","sn12.70:15.8","sn12.70:15.9","sn12.70:15.10","sn12.70:15.11","sn12.70:15.12","sn12.70:15.13","sn12.70:15.14","sn12.70:15.15","sn12.70:15.16","sn12.70:15.17","sn12.70:15.18","sn12.70:15.19","sn12.70:15.20","sn12.70:15.21","sn12.70:15.22","sn12.70:15.23","sn12.70:15.24","sn12.70:15.25","sn12.70:15.26","sn12.70:15.27","sn12.70:15.28","sn12.70:15.29","sn12.70:15.30","sn12.70:15.31"],"kind":"text","text":{"pi":"Taṁ kiṁ maññasi, susima,\nrūpaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Vedanā niccā vā aniccā vā”ti?\n“Aniccā, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Saññā niccā vā aniccā vā”ti?\n“Aniccā, bhante” …pe…\n“saṅkhārā niccā vā aniccā vā”ti?\n“Aniccā, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.\n“Viññāṇaṁ niccaṁ vā aniccaṁ vā”ti?\n“Aniccaṁ, bhante”.\n“Yaṁ panāniccaṁ dukkhaṁ vā taṁ sukhaṁ vā”ti?\n“Dukkhaṁ, bhante”.\n“Yaṁ panāniccaṁ dukkhaṁ vipariṇāmadhammaṁ, kallaṁ nu taṁ samanupassituṁ:\n‘etaṁ mama, esohamasmi, eso me attā’”ti?\n“No hetaṁ, bhante”.","en":"What do you think, Susīma?\nIs form permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”\n“Is feeling permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”\n“Is perception permanent or impermanent?”\n“Impermanent, sir.” …\n“Are choices permanent or impermanent?”\n“Impermanent, sir.”\n“But if they’re impermanent, are they suffering or happiness?”\n“Suffering, sir.”\n“But if they’re impermanent, suffering, and perishable, are they fit to be regarded thus:\n‘This is mine, I am this, this is my self’?”\n“No, sir.”\n“Is consciousness permanent or impermanent?”\n“Impermanent, sir.”\n“But if it’s impermanent, is it suffering or happiness?”\n“Suffering, sir.”\n“But if it’s impermanent, suffering, and perishable, is it fit to be regarded thus:\n‘This is mine, I am this, this is my self’?”\n“No, sir.”"}},{"id":"sn12.70:16","sourceIds":["sn12.70:16.1","sn12.70:16.2","sn12.70:16.3","sn12.70:16.4","sn12.70:16.5"],"kind":"text","text":{"pi":"“Tasmātiha, susima, yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ netaṁ mama nesohamasmi na meso attāti; evametaṁ yathābhūtaṁ sammappaññāya daṭṭhabbaṁ.\nYā kāci vedanā atītānāgatapaccuppannā ajjhattaṁ vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbā vedanā netaṁ mama nesohamasmi na meso attāti; evametaṁ yathābhūtaṁ sammappaññāya daṭṭhabbaṁ.\nYā kāci saññā …pe…\nye keci saṅkhārā atītānāgatapaccuppannā ajjhattaṁ vā bahiddhā vā oḷārikā vā sukhumā vā hīnā vā paṇītā vā ye dūre santike vā, sabbe saṅkhārā netaṁ mama nesohamasmi na meso attāti; evametaṁ yathābhūtaṁ sammappaññāya daṭṭhabbaṁ.\nYaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ netaṁ mama nesohamasmi na meso attāti; evametaṁ yathābhūtaṁ sammappaññāya daṭṭhabbaṁ.","en":"“So, Susīma, you should truly see any kind of form at all—past, future, or present; internal or external; solid or subtle; inferior or superior; far or near: all form—with right understanding: ‘This is not mine, I am not this, this is not my self.’\nYou should truly see any kind of feeling at all—past, future, or present; internal or external; solid or subtle; inferior or superior; far or near: all feeling—with right understanding: ‘This is not mine, I am not this, this is not my self.’\nYou should truly see any kind of perception at all—past, future, or present; internal or external; solid or subtle; inferior or superior; far or near: all perception—with right understanding: ‘This is not mine, I am not this, this is not my self.’\nYou should truly see any kind of choices at all—past, future, or present; internal or external; solid or subtle; inferior or superior; far or near: all choices—with right understanding: ‘This is not mine, I am not this, this is not my self.’\nYou should truly see any kind of consciousness at all—past, future, or present; internal or external; solid or subtle; inferior or superior; far or near: all consciousness—with right understanding: ‘This is not mine, I am not this, this is not my self.’"}},{"id":"sn12.70:17","sourceIds":["sn12.70:17.1","sn12.70:17.2","sn12.70:17.3"],"kind":"text","text":{"pi":"Evaṁ passaṁ, susima, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati.\nNibbindaṁ virajjati, virāgā vimuccati, vimuttasmiṁ vimuttamiti ñāṇaṁ hoti.\n‘Khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyā’ti pajānāti.","en":"Seeing this, a learned noble disciple grows disillusioned with form, feeling, perception, choices, and consciousness.\nBeing disillusioned, desire fades away. When desire fades away they’re freed. When they’re freed, they know they’re freed.\nThey understand: ‘Rebirth is ended, the spiritual journey has been completed, what had to be done has been done, there is nothing further for this place.’"}},{"id":"sn12.70:18","sourceIds":["sn12.70:18.1","sn12.70:18.2","sn12.70:18.3","sn12.70:18.4","sn12.70:18.5","sn12.70:18.6","sn12.70:18.7","sn12.70:18.8","sn12.70:18.9","sn12.70:18.10","sn12.70:18.11","sn12.70:18.12","sn12.70:18.13","sn12.70:18.14","sn12.70:18.15","sn12.70:18.16"],"kind":"text","text":{"pi":"‘Jātipaccayā jarāmaraṇan’ti, susima, passasī”ti?\n“Evaṁ, bhante”.\n“‘Bhavapaccayā jātī’ti, susima, passasī”ti?\n“Evaṁ, bhante”.\n“‘Upādānapaccayā bhavo’ti, susima, passasī”ti?\n“Evaṁ, bhante”.\n“‘Taṇhāpaccayā upādānan’ti, susima, passasī”ti?\n“Evaṁ, bhante”.\n“Vedanāpaccayā taṇhāti …\nphassapaccayā vedanāti …\nsaḷāyatanapaccayā phassoti …\nnāmarūpapaccayā saḷāyatananti …\nviññāṇapaccayā nāmarūpanti …\nsaṅkhārapaccayā viññāṇanti …\navijjāpaccayā saṅkhārāti, susima, passasī”ti?\n“Evaṁ, bhante”.","en":"Susīma, do you see that rebirth is a requirement for old age and death?”\n“Yes, sir.”\n“Do you see that continued existence is a requirement for rebirth?”\n“Yes, sir.”\n“Do you see that grasping is a requirement for continued existence?”\n“Yes, sir.”\n“Do you see that craving is a requirement for grasping?”\n“Yes, sir.”\n“Do you see that feeling is a requirement for craving …\ncontact is a requirement for feeling …\nthe six sense fields are requirements for contact …\nname and form are requirements for the six sense fields …\nconsciousness is a requirement for name and form …\nchoices are a requirement for consciousness …\nignorance is a requirement for choices?”\n“Yes, sir.”"}},{"id":"sn12.70:19","sourceIds":["sn12.70:19.1","sn12.70:19.2","sn12.70:19.3","sn12.70:19.4","sn12.70:19.5","sn12.70:19.6","sn12.70:19.7","sn12.70:19.8","sn12.70:19.9","sn12.70:19.10","sn12.70:19.11","sn12.70:19.12","sn12.70:19.13","sn12.70:19.14"],"kind":"text","text":{"pi":"“‘Jātinirodhā jarāmaraṇanirodho’ti, susima, passasī”ti?\n“Evaṁ, bhante”.\n“‘Bhavanirodhā jātinirodho’ti susima, passasī”ti?\n“Evaṁ, bhante”.\n“Upādānanirodhā bhavanirodhoti …\ntaṇhānirodhā upādānanirodhoti …\nvedanānirodhā taṇhānirodhoti …\nphassanirodhā vedanānirodhoti …\nsaḷāyatananirodhā phassanirodhoti …\nnāmarūpanirodhā saḷāyatananirodhoti …\nviññāṇanirodhā nāmarūpanirodhoti …\nsaṅkhāranirodhā viññāṇanirodhoti …\navijjānirodhā saṅkhāranirodhoti, susima, passasī”ti?\n“Evaṁ, bhante”.","en":"“Do you see that when rebirth ceases old age and death cease?”\n“Yes, sir.”\n“Do you see that when continued existence ceases rebirth ceases?”\n“Yes, sir.”\n“Do you see that when grasping ceases continued existence ceases …\nwhen craving ceases, grasping ceases …\nwhen feeling ceases, craving ceases …\nwhen contact ceases, feeling ceases …\nwhen the six sense fields cease, contact ceases …\nwhen name and form cease, the six sense fields cease …\nwhen consciousness ceases name and form cease …\nwhen choices cease consciousness ceases …\nwhen ignorance ceases choices cease?”\n“Yes, sir.”"}},{"id":"sn12.70:20","sourceIds":["sn12.70:20.1","sn12.70:20.2"],"kind":"text","text":{"pi":"“Api pana tvaṁ, susima, evaṁ jānanto evaṁ passanto anekavihitaṁ iddhividhaṁ paccanubhosi—ekopi hutvā bahudhā hosi, bahudhāpi hutvā eko hosi; āvibhāvaṁ, tirobhāvaṁ, tirokuṭṭaṁ tiropākāraṁ tiropabbataṁ asajjamāno gacchasi, seyyathāpi ākāse; pathaviyāpi ummujjanimujjaṁ karosi, seyyathāpi udake; udakepi abhijjamāno gacchasi, seyyathāpi pathaviyaṁ; ākāsepi pallaṅkena kamasi, seyyathāpi pakkhī sakuṇo; imepi candimasūriye evaṁmahiddhike evaṁmahānubhāve pāṇinā parimasasi parimajjasi, yāva brahmalokāpi kāyena vasaṁ vattesī”ti?\n“No hetaṁ, bhante”.","en":"“But knowing and seeing thus, do you wield the many kinds of psychic power? …”\n“No, sir.”"}},{"id":"sn12.70:21","sourceIds":["sn12.70:21.1","sn12.70:21.2"],"kind":"text","text":{"pi":"“Api pana tvaṁ, susima, evaṁ jānanto evaṁ passanto dibbāya sotadhātuyā visuddhāya atikkantamānusikāya ubho sadde suṇasi dibbe ca mānuse ca ye dūre santike cā”ti?\n“No hetaṁ, bhante”.","en":"“Well, knowing and seeing thus do you, with clairaudience that is purified and superhuman, hear both kinds of sounds, human and heavenly, whether near or far?”\n“No, sir.”"}},{"id":"sn12.70:22","sourceIds":["sn12.70:22.1","sn12.70:22.2","sn12.70:22.3","sn12.70:22.4"],"kind":"text","text":{"pi":"“Api pana tvaṁ, susima, evaṁ jānanto evaṁ passanto parasattānaṁ parapuggalānaṁ cetasā ceto paricca pajānāsi—\nsarāgaṁ vā cittaṁ sarāgaṁ cittanti pajānāsi …pe…\nvimuttaṁ vā cittaṁ vimuttaṁ cittanti pajānāsī”ti?\n“No hetaṁ, bhante”.","en":"“Well, knowing and seeing thus, do you understand the minds of other beings and individuals, having encompassed them with your mind? …”\n“No, sir.”"}},{"id":"sn12.70:23","sourceIds":["sn12.70:23.1","sn12.70:23.2"],"kind":"text","text":{"pi":"“Api pana tvaṁ, susima, evaṁ jānanto evaṁ passanto anekavihitaṁ pubbenivāsaṁ anussarasi, seyyathidaṁ—ekampi jātiṁ …pe… iti sākāraṁ sauddesaṁ anekavihitaṁ pubbenivāsaṁ anussarasī”ti?\n“No hetaṁ, bhante”.","en":"“Well, knowing and seeing thus, do you recollect many kinds of past lives, with features and details?”\n“No, sir.”"}},{"id":"sn12.70:24","sourceIds":["sn12.70:24.1","sn12.70:24.2"],"kind":"text","text":{"pi":"“Api pana tvaṁ, susima, evaṁ jānanto evaṁ passanto dibbena cakkhunā visuddhena atikkantamānusakena satte passasi cavamāne …pe… yathākammūpage satte pajānāsī”ti?\n“No hetaṁ, bhante”.","en":"“Well, knowing and seeing thus, do you, with clairvoyance that is purified and superhuman, see sentient beings passing away and being reborn … according to their deeds?”\n“No, sir.”"}},{"id":"sn12.70:25","sourceIds":["sn12.70:25.1","sn12.70:25.2"],"kind":"text","text":{"pi":"“Api pana tvaṁ, susima, evaṁ jānanto evaṁ passanto ye te santā vimokkhā atikkamma rūpe āruppā, te kāyena phusitvā viharasī”ti?\n“No hetaṁ, bhante”.","en":"“Well, knowing and seeing thus, do you have direct meditative experience of the peaceful liberations that are formless, transcending form?”\n“No, sir.”"}},{"id":"sn12.70:26","sourceIds":["sn12.70:26.1"],"kind":"text","text":{"pi":"“Ettha dāni, susima, idañca veyyākaraṇaṁ imesañca dhammānaṁ asamāpatti, idaṁ no, susima, kathan”ti?","en":"“Well now, Susīma, how could there be such a declaration when these things are not attained?”"}},{"id":"sn12.70:27","sourceIds":["sn12.70:27.1","sn12.70:27.2","sn12.70:27.3"],"kind":"text","text":{"pi":"Atha kho āyasmā susimo bhagavato pādesu sirasā nipatitvā bhagavantaṁ etadavoca:\n“accayo maṁ, bhante, accagamā yathābālaṁ yathāmūḷhaṁ yathāakusalaṁ, yvāhaṁ evaṁ svākkhāte dhammavinaye dhammatthenako pabbajito.\nTassa me, bhante, bhagavā accayaṁ accayato paṭiggaṇhātu āyatiṁ saṁvarāyā”ti.","en":"Then Venerable Susīma bowed with his head to the Buddha’s feet and said,\n“I made a mistake, sir. It was foolish, stupid, and unskillful of me to go forth as a thief in such a well-explained teaching and training.\nPlease, sir, accept my mistake for what it is, so I will restrain myself in future.”"}},{"id":"sn12.70:28","sourceIds":["sn12.70:28.1","sn12.70:28.2","sn12.70:28.3","sn12.70:28.4","sn12.70:28.5","sn12.70:28.6","sn12.70:28.7","sn12.70:28.8","sn12.70:28.9"],"kind":"text","text":{"pi":"“Taggha tvaṁ, susima, accayo accagamā yathābālaṁ yathāmūḷhaṁ yathāakusalaṁ, yo tvaṁ evaṁ svākkhāte dhammavinaye dhammatthenako pabbajito.\nSeyyathāpi, susima, coraṁ āgucāriṁ gahetvā rañño dasseyyuṁ:\n‘ayaṁ te, deva, coro āgucārī, imassa yaṁ icchasi taṁ daṇḍaṁ paṇehī’ti.\nTamenaṁ rājā evaṁ vadeyya:\n‘gacchatha, bho, imaṁ purisaṁ daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathiyāya rathiyaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa sīsaṁ chindathā’ti.\nTamenaṁ rañño purisā daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathiyāya rathiyaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa sīsaṁ chindeyyuṁ.\nTaṁ kiṁ maññasi, susima,\napi nu so puriso tatonidānaṁ dukkhaṁ domanassaṁ paṭisaṁvediyethā”ti?\n“Evaṁ, bhante”.","en":"“Indeed, Susīma, you made a mistake. It was foolish, stupid, and unskillful of you to go forth as a thief of the teachings in such a well-explained teaching and training.\nSuppose they were to arrest a bandit, a criminal and present him to the king, saying:\n‘Your Majesty, this is a bandit, a criminal. Punish him as you will.’\nThe king would say:\n‘Go, my men, and tie this man’s arms tightly behind his back with a strong rope. Shave his head and march him from street to street and from square to square to the beating of a harsh drum. Then take him out the south gate and there, to the south of the city, chop off his head.’\nThe king’s men would do as they were told.\nWhat do you think, Susīma?\nWouldn’t that man experience pain and distress because of that?”\n“Yes, sir.”"}},{"id":"sn12.70:29","sourceIds":["sn12.70:29.1","sn12.70:29.2","sn12.70:29.3","sn12.70:29.4","sn12.70:29.5","sn12.70:29.6"],"kind":"text","text":{"pi":"“Yaṁ kho so, susima, puriso tatonidānaṁ dukkhaṁ domanassaṁ paṭisaṁvediyetha.\nYā evaṁ svākkhāte dhammavinaye dhammatthenakassa pabbajjā, ayaṁ tato dukkhavipākatarā ca kaṭukavipākatarā ca, api ca vinipātāya saṁvattati.\nYato ca kho tvaṁ, susima, accayaṁ accayato disvā yathādhammaṁ paṭikarosi taṁ te mayaṁ paṭiggaṇhāma.\nVuddhi hesā, susima, ariyassa vinaye yo accayaṁ accayato disvā yathādhammaṁ paṭikaroti, āyatiñca saṁvaraṁ āpajjatī”ti.\nDasamaṁ.\nMahāvaggo sattamo.","en":"“Although that man would experience pain and distress because of that,\ngoing forth as a thief of the teachings in such a well-explained teaching and training has a more painful and bitter result. And it even leads to the underworld.\nBut since you have recognized your mistake for what it is, and have dealt with it properly, I accept it.\nFor it is growth in the training of the Noble One to recognize a mistake for what it is, deal with it properly, and commit to restraint in the future.”"}},{"id":"sn12.70:30","sourceIds":["sn12.70:30.0","sn12.70:30.1","sn12.70:30.2","sn12.70:30.3","sn12.70:30.4","sn12.70:30.5","sn12.70:30.6"],"kind":"text","text":{"pi":"Tassuddānaṁ\nDve assutavatā vuttā,\nputtamaṁsena cāparaṁ;\nAtthirāgo ca nagaraṁ,\nsammasaṁ naḷakalāpiyaṁ;\nKosambī upayanti ca,\ndasamo susimena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn12.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}