{"id":"sn13.1","title":"A Fingernail","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn13.1","title":"A Fingernail","units":[{"id":"sn13.1:0","sourceIds":["sn13.1:0.1","sn13.1:0.2","sn13.1:0.3"],"kind":"text","text":{"pi":"Saṁyutta Nikāya 13.1\n1. Abhisamayavagga\nNakhasikhāsutta","en":"Linked Discourses 13.1\n1. Comprehension\nA Fingernail"}},{"id":"sn13.1:1","sourceIds":["sn13.1:1.1","sn13.1:1.2","sn13.1:1.3","sn13.1:1.4","sn13.1:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho bhagavā parittaṁ nakhasikhāyaṁ paṁsuṁ āropetvā bhikkhū āmantesi:\n“Taṁ kiṁ maññatha, bhikkhave,\nkatamaṁ nu kho bahutaraṁ, yo vāyaṁ mayā paritto nakhasikhāyaṁ paṁsu āropito, ayaṁ vā mahāpathavī”ti?","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen the Buddha, picking up a little bit of dirt on his fingernail, addressed the mendicants:\n“What do you think, mendicants?\nWhich is more: the little bit of dirt on my fingernail, or this great earth?”"}},{"id":"sn13.1:2","sourceIds":["sn13.1:2.1","sn13.1:2.2","sn13.1:2.3","sn13.1:2.4","sn13.1:2.5","sn13.1:2.6","sn13.1:2.7","sn13.1:2.8","sn13.1:2.9"],"kind":"text","text":{"pi":"“Etadeva, bhante, bahutaraṁ, yadidaṁ mahāpathavī.\nAppamattako bhagavatā paritto nakhasikhāyaṁ paṁsu āropito.\nNeva satimaṁ kalaṁ upeti na sahassimaṁ kalaṁ upeti na satasahassimaṁ kalaṁ upeti mahāpathaviṁ upanidhāya bhagavatā paritto nakhasikhāyaṁ paṁsu āropito”ti.\n“Evameva kho, bhikkhave, ariyasāvakassa diṭṭhisampannassa puggalassa abhisametāvino etadeva bahutaraṁ dukkhaṁ yadidaṁ parikkhīṇaṁ pariyādiṇṇaṁ;\nappamattakaṁ avasiṭṭhaṁ.\nNeva satimaṁ kalaṁ upeti na sahassimaṁ kalaṁ upeti na satasahassimaṁ kalaṁ upeti purimaṁ dukkhakkhandhaṁ parikkhīṇaṁ pariyādiṇṇaṁ upanidhāya yadidaṁ sattakkhattuṁparamatā.\nEvaṁ mahatthiyo kho, bhikkhave, dhammābhisamayo;\nevaṁ mahatthiyo dhammacakkhupaṭilābho”ti.\nPaṭhamaṁ.","en":"“Sir, the great earth is far more.\nThe little bit of dirt on your fingernail is tiny.\nCompared to the great earth, it’s not nearly a hundredth, a thousandth, or a hundred thousandth part.”\n“In the same way, for a noble disciple accomplished in view, an individual with comprehension, the suffering that’s over and done with is more,\nwhat’s left is tiny.\nCompared to the mass of suffering in the past that’s over and done with, it’s not nearly a hundredth, a thousandth, or a hundred thousandth part, since there are at most seven more lives.\nThat’s how very beneficial it is to comprehend the teaching\nand gain the vision of the teaching.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn13.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}