{"id":"sn14.15","title":"Walking Together","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.15","title":"Walking Together","units":[{"id":"sn14.15:0","sourceIds":["sn14.15:0.1","sn14.15:0.2","sn14.15:0.3"],"kind":"text","text":{"pi":"Saṁyutta Nikāya 14.15\n2. Dutiyavagga\nCaṅkamasutta","en":"Linked Discourses 14.15\nChapter Two\nWalking Together"}},{"id":"sn14.15:1","sourceIds":["sn14.15:1.1","sn14.15:1.2","sn14.15:1.3","sn14.15:1.4","sn14.15:1.5","sn14.15:1.6","sn14.15:1.7","sn14.15:1.8","sn14.15:1.9"],"kind":"text","text":{"pi":"Ekaṁ samayaṁ bhagavā rājagahe viharati gijjhakūṭe pabbate.\nTena kho pana samayena āyasmā sāriputto sambahulehi bhikkhūhi saddhiṁ bhagavato avidūre caṅkamati;\nāyasmāpi kho mahāmoggallāno sambahulehi bhikkhūhi saddhiṁ bhagavato avidūre caṅkamati;\nāyasmāpi kho mahākassapo sambahulehi bhikkhūhi saddhiṁ bhagavato avidūre caṅkamati;\nāyasmāpi kho anuruddho sambahulehi bhikkhūhi saddhiṁ bhagavato avidūre caṅkamati;\nāyasmāpi kho puṇṇo mantāniputto sambahulehi bhikkhūhi saddhiṁ bhagavato avidūre caṅkamati;\nāyasmāpi kho upāli sambahulehi bhikkhūhi saddhiṁ bhagavato avidūre caṅkamati;\nāyasmāpi kho ānando sambahulehi bhikkhūhi saddhiṁ bhagavato avidūre caṅkamati;\ndevadattopi kho sambahulehi bhikkhūhi saddhiṁ bhagavato avidūre caṅkamati.","en":"At one time the Buddha was staying near Rājagaha, on the Vulture’s Peak Mountain.\nNow at that time Venerable Sāriputta was walking together with several mendicants not far from the Buddha.\nVenerable Mahāmoggallāna was doing likewise, as were\nVenerable Mahākassapa,\nVenerable Anuruddha,\nVenerable Puṇṇa son of Mantāṇī,\nVenerable Upāli,\nVenerable Ānanda,\nand Devadatta."}},{"id":"sn14.15:2","sourceIds":["sn14.15:2.1","sn14.15:2.2","sn14.15:2.3","sn14.15:2.4","sn14.15:2.5","sn14.15:2.6","sn14.15:2.7","sn14.15:2.8","sn14.15:2.9","sn14.15:2.10","sn14.15:2.11","sn14.15:2.12","sn14.15:2.13","sn14.15:2.14","sn14.15:2.15","sn14.15:2.16","sn14.15:2.17","sn14.15:2.18","sn14.15:2.19","sn14.15:2.20","sn14.15:2.21","sn14.15:2.22","sn14.15:2.23","sn14.15:2.24","sn14.15:2.25"],"kind":"text","text":{"pi":"Atha kho bhagavā bhikkhū āmantesi:\n“passatha no tumhe, bhikkhave, sāriputtaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū mahāpaññā.\nPassatha no tumhe, bhikkhave, moggallānaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū mahiddhikā.\nPassatha no tumhe, bhikkhave, kassapaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū dhutavādā.\nPassatha no tumhe, bhikkhave, anuruddhaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū dibbacakkhukā.\nPassatha no tumhe, bhikkhave, puṇṇaṁ mantāniputtaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū dhammakathikā.\nPassatha no tumhe, bhikkhave, upāliṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū vinayadharā.\nPassatha no tumhe, bhikkhave, ānandaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū bahussutā.\nPassatha no tumhe, bhikkhave, devadattaṁ sambahulehi bhikkhūhi saddhiṁ caṅkamantan”ti?\n“Evaṁ, bhante”.\n“Sabbe kho ete, bhikkhave, bhikkhū pāpicchā.","en":"Then the Buddha said to the mendicants,\n“Mendicants, do you see Sāriputta walking together with several mendicants?”\n“Yes, sir.”\n“All of those mendicants have great wisdom.\nDo you see Moggallāna walking together with several mendicants?”\n“Yes, sir.”\n“All of those mendicants have great psychic power.\nDo you see Kassapa walking together with several mendicants?”\n“Yes, sir.”\n“All of those mendicants advocate austerities.\nDo you see Anuruddha walking together with several mendicants?”\n“Yes, sir.”\n“All of those mendicants have clairvoyance.\nDo you see Puṇṇa son of Mantāṇī walking together with several mendicants?”\n“Yes, sir.”\n“All of those mendicants are Dhamma speakers.\nDo you see Upāli walking together with several mendicants?”\n“Yes, sir.”\n“All of those mendicants are experts in monastic law.\nDo you see Ānanda walking together with several mendicants?”\n“Yes, sir.”\n“All of those mendicants are very learned.\nDo you see Devadatta walking together with several mendicants?”\n“Yes, sir.”\n“All of those mendicants have corrupt wishes."}},{"id":"sn14.15:3","sourceIds":["sn14.15:3.1","sn14.15:3.2","sn14.15:3.3","sn14.15:3.4","sn14.15:3.5","sn14.15:3.6"],"kind":"text","text":{"pi":"Dhātusova, bhikkhave, sattā saṁsandanti samenti.\nHīnādhimuttikā hīnādhimuttikehi saddhiṁ saṁsandanti samenti;\nkalyāṇādhimuttikā kalyāṇādhimuttikehi saddhiṁ saṁsandanti samenti.\nAtītampi kho, bhikkhave, addhānaṁ dhātusova sattā saṁsandiṁsu samiṁsu.\nHīnādhimuttikā hīnādhimuttikehi saddhiṁ saṁsandiṁsu samiṁsu;\nkalyāṇādhimuttikā kalyāṇādhimuttikehi saddhiṁ saṁsandiṁsu samiṁsu.","en":"Sentient beings join together and converge because of an element.\nThose who have inferior convictions join together and converge with those who have inferior convictions.\nThose who have good convictions join together and converge with those who have good convictions.\nIn the past,"}},{"id":"sn14.15:4","sourceIds":["sn14.15:4.1","sn14.15:4.2","sn14.15:4.3"],"kind":"text","text":{"pi":"Anāgatampi kho, bhikkhave, addhānaṁ dhātusova sattā saṁsandissanti samessanti.\nHīnādhimuttikā hīnādhimuttikehi saddhiṁ saṁsandissanti samessanti;\nkalyāṇādhimuttikā kalyāṇādhimuttikehi saddhiṁ saṁsandissanti samessanti.","en":"in the future,"}},{"id":"sn14.15:5","sourceIds":["sn14.15:5.1","sn14.15:5.2","sn14.15:5.3","sn14.15:5.4"],"kind":"text","text":{"pi":"Etarahipi kho, bhikkhave, paccuppannaṁ addhānaṁ dhātusova sattā saṁsandanti samenti.\nHīnādhimuttikā hīnādhimuttikehi saddhiṁ saṁsandanti samenti;\nkalyāṇādhimuttikā kalyāṇādhimuttikehi saddhiṁ saṁsandanti samentī”ti.\nPañcamaṁ.","en":"and also in the present, sentient beings join together and converge because of an element.\nThose who have inferior convictions join together and converge with those who have inferior convictions.\nThose who have good convictions join together and converge with those who have good convictions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.15/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}