{"id":"sn14.17","title":"Faithless","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.17","title":"Faithless","units":[{"id":"sn14.17:0","sourceIds":["sn14.17:0.1","sn14.17:0.2","sn14.17:0.3"],"kind":"text","text":{"pi":"Saṁyutta Nikāya 14.17\n2. Dutiyavagga\nAssaddhasaṁsandanasutta","en":"Linked Discourses 14.17\nChapter Two\nFaithless"}},{"id":"sn14.17:1","sourceIds":["sn14.17:1.1","sn14.17:1.2","sn14.17:1.3","sn14.17:1.4","sn14.17:1.5","sn14.17:1.6","sn14.17:1.7","sn14.17:1.8","sn14.17:1.9"],"kind":"text","text":{"pi":"Sāvatthiyaṁ viharati.\n“Dhātusova, bhikkhave, sattā saṁsandanti samenti.\nAssaddhā assaddhehi saddhiṁ saṁsandanti samenti;\nahirikā ahirikehi saddhiṁ saṁsandanti samenti;\nanottappino anottappīhi saddhiṁ saṁsandanti samenti;\nappassutā appassutehi saddhiṁ saṁsandanti samenti;\nkusītā kusītehi saddhiṁ saṁsandanti samenti;\nmuṭṭhassatino muṭṭhassatīhi saddhiṁ saṁsandanti samenti;\nduppaññā duppaññehi saddhiṁ saṁsandanti samenti.","en":"At Sāvatthī.\n“Mendicants, sentient beings join together and converge because of an element:\nthe faithless with the faithless,\nthe unconscientious with the unconscientious,\nthe imprudent with the imprudent,\nthe unlearned with the unlearned,\nthe lazy with the lazy,\nthe unmindful with the unmindful,\nand the witless with the witless."}},{"id":"sn14.17:2","sourceIds":["sn14.17:2.1","sn14.17:2.2","sn14.17:2.3","sn14.17:2.4","sn14.17:2.5","sn14.17:2.6","sn14.17:2.7","sn14.17:2.8"],"kind":"text","text":{"pi":"Atītampi kho, bhikkhave, addhānaṁ dhātusova sattā saṁsandiṁsu samiṁsu.\nAssaddhā assaddhehi saddhiṁ saṁsandiṁsu samiṁsu;\nahirikā ahirikehi saddhiṁ saṁsandiṁsu samiṁsu;\nanottappino anottappīhi saddhiṁ saṁsandiṁsu samiṁsu;\nappassutā appassutehi saddhiṁ saṁsandiṁsu samiṁsu;\nkusītā kusītehi saddhiṁ saṁsandiṁsu samiṁsu;\nmuṭṭhassatino muṭṭhassatīhi saddhiṁ saṁsandiṁsu samiṁsu;\nduppaññā duppaññehi saddhiṁ saṁsandiṁsu samiṁsu.","en":"In the past, too, sentient beings came together and converged because of an element. …"}},{"id":"sn14.17:3","sourceIds":["sn14.17:3.1","sn14.17:3.2","sn14.17:3.3","sn14.17:3.4","sn14.17:3.5","sn14.17:3.6","sn14.17:3.7","sn14.17:3.8"],"kind":"text","text":{"pi":"Anāgatampi kho, bhikkhave, addhānaṁ dhātusova sattā saṁsandissanti samessanti.\nAssaddhā assaddhehi saddhiṁ saṁsandissanti samessanti;\nahirikā ahirikehi saddhiṁ saṁsandissanti samessanti;\nanottappino anottappīhi saddhiṁ …pe…\nappassutā appassutehi saddhiṁ …pe…\nkusītā kusītehi saddhiṁ …pe…\nmuṭṭhassatino muṭṭhassatīhi saddhiṁ …pe…\nduppaññā duppaññehi saddhiṁ saṁsandissanti samessanti.","en":"In the future, too, sentient beings will join together and converge because of an element. …"}},{"id":"sn14.17:4","sourceIds":["sn14.17:4.1","sn14.17:4.2","sn14.17:4.3","sn14.17:4.4","sn14.17:4.5","sn14.17:4.6","sn14.17:4.7","sn14.17:4.8"],"kind":"text","text":{"pi":"Etarahipi kho, bhikkhave, paccuppannaṁ addhānaṁ dhātusova sattā saṁsandanti samenti.\nAssaddhā assaddhehi saddhiṁ saṁsandanti samenti;\nahirikā ahirikehi saddhiṁ …pe…\nanottappino anottappīhi saddhiṁ …pe…\nappassutā appassutehi saddhiṁ …pe…\nkusītā kusītehi saddhiṁ …pe…\nmuṭṭhassatino muṭṭhassatīhi saddhiṁ saṁsandanti samenti;\nduppaññā duppaññehi saddhiṁ saṁsandanti samenti.","en":"At present, too, sentient beings join together and converge because of an element. …"}},{"id":"sn14.17:5","sourceIds":["sn14.17:5.1","sn14.17:5.2","sn14.17:5.3","sn14.17:5.4","sn14.17:5.5","sn14.17:5.6","sn14.17:5.7","sn14.17:5.8","sn14.17:5.9","sn14.17:5.10","sn14.17:5.11","sn14.17:5.12","sn14.17:5.13","sn14.17:5.14"],"kind":"text","text":{"pi":"Dhātusova, bhikkhave, sattā saṁsandanti samenti.\nSaddhā saddhehi saddhiṁ saṁsandanti samenti;\nhirimanā hirimanehi saddhiṁ saṁsandanti samenti;\nottappino ottappīhi saddhiṁ saṁsandanti samenti;\nbahussutā bahussutehi saddhiṁ saṁsandanti samenti;\nāraddhavīriyā āraddhavīriyehi saddhiṁ saṁsandanti samenti;\nupaṭṭhitassatino upaṭṭhitassatīhi saddhiṁ saṁsandanti samenti;\npaññavanto paññavantehi saddhiṁ saṁsandanti samenti.\nAtītampi kho, bhikkhave, addhānaṁ …pe…\nanāgatampi kho, bhikkhave …pe…\netarahipi kho, bhikkhave, paccuppannaṁ addhānaṁ dhātusova sattā saṁsandanti samenti.\nSaddhā saddhehi saddhiṁ …pe…\npaññavanto paññavantehi saddhiṁ saṁsandanti samentī”ti.\nSattamaṁ.","en":"Sentient beings join together and converge because of an element:\nthe faithful with the faithful,\nthe conscientious with the conscientious,\nthe prudent with the prudent,\nthe learned with the learned,\nthe energetic with the energetic,\nthe mindful with the mindful,\nand the wise with the wise.\nIn the past …\nIn the future …\nAt present, too, sentient beings join together and converge because of an element. …”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.17/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}