{"id":"sn14.18","title":"Beginning With the Faithless","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.18","title":"Beginning With the Faithless","units":[{"id":"sn14.18:0","sourceIds":["sn14.18:0.1","sn14.18:0.2","sn14.18:0.3"],"kind":"text","text":{"pi":"Saṁyutta Nikāya 14.18\n2. Dutiyavagga\nAssaddhamūlakasutta","en":"Linked Discourses 14.18\nChapter Two\nBeginning With the Faithless"}},{"id":"sn14.18:1","sourceIds":["sn14.18:1.1","sn14.18:1.2","sn14.18:1.3","sn14.18:1.4","sn14.18:1.5","sn14.18:1.6","sn14.18:1.7","sn14.18:1.8","sn14.18:1.9","sn14.18:1.10"],"kind":"text","text":{"pi":"Sāvatthiyaṁ viharati.\n“Dhātusova, bhikkhave, sattā saṁsandanti samenti.\nAssaddhā assaddhehi saddhiṁ saṁsandanti samenti;\nahirikā ahirikehi saddhiṁ saṁsandanti samenti;\nduppaññā duppaññehi saddhiṁ saṁsandanti samenti;\nsaddhā saddhehi saddhiṁ saṁsandanti samenti;\nhirimanā hirimanehi saddhiṁ saṁsandanti samenti;\npaññavanto paññavantehi saddhiṁ saṁsandanti samenti.\nAtītampi kho, bhikkhave, addhānaṁ dhātusova sattā saṁsandiṁsu samiṁsu …pe…\nanāgatampi kho, bhikkhave, addhānaṁ dhātusova sattā saṁsandissanti samessanti …pe….","en":"At Sāvatthī.\n“Mendicants, sentient beings join together and converge because of an element:\nthe faithless with the faithless,\nthe unconscientious with the unconscientious,\nthe witless with the witless,\nthe faithful with the faithful,\nthe conscientious with the conscientious,\nand the wise with the wise.\nIn the past …\nIn the future …"}},{"id":"sn14.18:2","sourceIds":["sn14.18:2.1","sn14.18:2.2","sn14.18:2.3","sn14.18:2.4","sn14.18:2.5","sn14.18:2.6"],"kind":"text","text":{"pi":"Etarahipi kho, bhikkhave, paccuppannaṁ addhānaṁ dhātusova sattā saṁsandanti samenti.\nAssaddhā assaddhehi saddhiṁ saṁsandanti samenti;\nahirikā ahirikehi saddhiṁ saṁsandanti samenti, duppaññā duppaññehi saddhiṁ saṁsandanti samenti;\nsaddhā saddhehi saddhiṁ saṁsandanti samenti;\nhirimanā hirimanehi saddhiṁ saṁsandanti samenti;\npaññavanto paññavantehi saddhiṁ saṁsandanti samentīti.","en":"At present, too, sentient beings join together and converge because of an element. …"}},{"id":"sn14.18:3","sourceIds":["sn14.18:3.1","sn14.18:3.2","sn14.18:3.3","sn14.18:3.4","sn14.18:3.5","sn14.18:3.6","sn14.18:3.7","sn14.18:3.8"],"kind":"text","text":{"pi":"Dhātusova, bhikkhave, sattā saṁsandanti samenti.\nAssaddhā assaddhehi saddhiṁ saṁsandanti samenti;\nanottappino anottappīhi saddhiṁ saṁsandanti samenti;\nduppaññā duppaññehi saddhiṁ saṁsandanti samenti;\nsaddhā saddhehi saddhiṁ saṁsandanti samenti;\nottappino ottappīhi saddhiṁ saṁsandanti samenti;\npaññavanto paññavantehi saddhiṁ saṁsandanti samenti …pe…\npaṭhamavāro viya vitthāretabbo.","en":"Sentient beings join together and converge because of an element:\nthe faithless with the faithless,\nthe imprudent with the imprudent,\nthe witless with the witless,\nthe faithful with the faithful,\nthe prudent with the prudent,\nand the wise with the wise.\n(The following should be told in full like the first section.)"}},{"id":"sn14.18:4","sourceIds":["sn14.18:4.1","sn14.18:4.2","sn14.18:4.3","sn14.18:4.4","sn14.18:4.5"],"kind":"text","text":{"pi":"Dhātusova, bhikkhave …pe…\nassaddhā assaddhehi saddhiṁ saṁsandanti samenti;\nappassutā appassutehi saddhiṁ saṁsandanti samenti;\nduppaññā duppaññehi saddhiṁ saṁsandanti samenti;\nsaddhā saddhehi saddhiṁ saṁsandanti samenti; bahussutā bahussutehi saddhiṁ saṁsandanti samenti, paññavanto paññavantehi saddhiṁ saṁsandanti samenti …pe….","en":"Sentient beings come together because of an element:\nthe faithless …\nunlearned …\nwitless …\nthe faithful …"}},{"id":"sn14.18:5","sourceIds":["sn14.18:5.1","sn14.18:5.2","sn14.18:5.3","sn14.18:5.4","sn14.18:5.5","sn14.18:5.6"],"kind":"text","text":{"pi":"Dhātusova, bhikkhave …pe…\nassaddhā assaddhehi saddhiṁ saṁsandanti samenti;\nkusītā kusītehi saddhiṁ saṁsandanti samenti;\nduppaññā duppaññehi saddhiṁ saṁsandanti samenti;\nsaddhā saddhehi saddhiṁ saṁsandanti samenti;\nāraddhavīriyā āraddhavīriyehi saddhiṁ saṁsandanti samenti; paññavanto paññavantehi saddhiṁ saṁsandanti samenti …pe….","en":"Sentient beings come together because of an element:\nthe faithless …\nlazy …\nwitless.\nthe faithful …\nenergetic … wise."}},{"id":"sn14.18:6","sourceIds":["sn14.18:6.1","sn14.18:6.2","sn14.18:6.3","sn14.18:6.4","sn14.18:6.5","sn14.18:6.6","sn14.18:6.7"],"kind":"text","text":{"pi":"Dhātusova, bhikkhave …pe…\nassaddhā assaddhehi saddhiṁ saṁsandanti samenti;\nmuṭṭhassatino muṭṭhassatīhi saddhiṁ saṁsandanti samenti;\nduppaññā duppaññehi saddhiṁ saṁsandanti samenti;\nsaddhā saddhehi saddhiṁ saṁsandanti samenti;\nupaṭṭhitassatino upaṭṭhitassatīhi saddhiṁ saṁsandanti samenti; paññavanto paññavantehi saddhiṁ saṁsandanti samentī”ti …pe….\nAṭṭhamaṁ.","en":"Sentient beings come together because of an element:\nthe faithless …\nunmindful …\nwitless.\nthe faithful …\nmindful … wise.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.18/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}