{"id":"sn14.31","title":"Before Awakening","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.31","title":"Before Awakening","units":[{"id":"sn14.31:0","sourceIds":["sn14.31:0.1","sn14.31:0.2","sn14.31:0.3"],"kind":"text","text":{"pi":"Saṁyutta Nikāya 14.31\n4. Catutthavagga\nPubbesambodhasutta","en":"Linked Discourses 14.31\n4. Chapter Four\nBefore Awakening"}},{"id":"sn14.31:1","sourceIds":["sn14.31:1.1","sn14.31:1.2","sn14.31:1.3","sn14.31:1.4","sn14.31:1.5","sn14.31:1.6"],"kind":"text","text":{"pi":"Sāvatthiyaṁ viharati.\n“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘ko nu kho pathavīdhātuyā assādo, ko ādīnavo, kiṁ nissaraṇaṁ;\nko āpodhātuyā assādo, ko ādīnavo, kiṁ nissaraṇaṁ;\nko tejodhātuyā assādo, ko ādīnavo, kiṁ nissaraṇaṁ;\nko vāyodhātuyā assādo, ko ādīnavo, kiṁ nissaraṇan’ti?","en":"At Sāvatthī.\n“Mendicants, before my awakening—when I was still unawakened but intent on awakening—I thought:\n‘What’s the gratification, the drawback, and the escape when it comes to the earth element …\nthe water element …\nthe fire element …\nand the air element?’"}},{"id":"sn14.31:2","sourceIds":["sn14.31:2.1","sn14.31:2.2","sn14.31:2.3","sn14.31:2.4","sn14.31:2.5","sn14.31:2.6","sn14.31:2.7","sn14.31:2.8","sn14.31:2.9"],"kind":"text","text":{"pi":"Tassa mayhaṁ, bhikkhave, etadahosi:\n‘yaṁ kho pathavīdhātuṁ paṭicca uppajjati sukhaṁ somanassaṁ, ayaṁ pathavīdhātuyā assādo;\nyaṁ pathavīdhātu aniccā dukkhā vipariṇāmadhammā, ayaṁ pathavīdhātuyā ādīnavo;\nyo pathavīdhātuyā chandarāgavinayo chandarāgappahānaṁ, idaṁ pathavīdhātuyā nissaraṇaṁ.\nYaṁ āpodhātuṁ paṭicca …pe…\nyaṁ tejodhātuṁ paṭicca …pe…\nyaṁ vāyodhātuṁ paṭicca uppajjati sukhaṁ somanassaṁ, ayaṁ vāyodhātuyā assādo;\nyaṁ vāyodhātu aniccā dukkhā vipariṇāmadhammā, ayaṁ vāyodhātuyā ādīnavo;\nyo vāyodhātuyā chandarāgavinayo chandarāgappahānaṁ, idaṁ vāyodhātuyā nissaraṇaṁ’.","en":"Then it occurred to me:\n‘The pleasure and happiness that arise from the earth element: this is its gratification.\nThat the earth element is impermanent, suffering, and perishable: this is its drawback.\nRemoving and giving up desire and greed for the earth element: this is its escape.\nThe pleasure and happiness that arise from the water element …\nThe pleasure and happiness that arise from the fire element …\nThe pleasure and happiness that arise from the air element: this is its gratification.\nThat the air element is impermanent, suffering, and perishable: this is its drawback.\nRemoving and giving up desire and greed for the air element: this is its escape.’"}},{"id":"sn14.31:3","sourceIds":["sn14.31:3.1"],"kind":"text","text":{"pi":"Yāvakīvañcāhaṁ, bhikkhave, imāsaṁ catunnaṁ dhātūnaṁ evaṁ assādañca assādato ādīnavañca ādīnavato nissaraṇañca nissaraṇato yathābhūtaṁ na abbhaññāsiṁ, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddhoti paccaññāsiṁ.","en":"As long as I didn’t truly understand these four elements’ gratification, drawback, and escape in this way for what they are, I didn’t announce my supreme perfect awakening in this world with its gods, Māras, and divinities, this population with its ascetics and brahmins, its gods and humans."}},{"id":"sn14.31:4","sourceIds":["sn14.31:4.1","sn14.31:4.2","sn14.31:4.3","sn14.31:4.4"],"kind":"text","text":{"pi":"Yato ca khvāhaṁ, bhikkhave, imāsaṁ catunnaṁ dhātūnaṁ evaṁ assādañca assādato ādīnavañca ādīnavato nissaraṇañca nissaraṇato yathābhūtaṁ abbhaññāsiṁ, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṁ sammāsambodhiṁ abhisambuddhoti paccaññāsiṁ.\nÑāṇañca pana me dassanaṁ udapādi:\n‘akuppā me vimutti, ayamantimā jāti, natthi dāni punabbhavo’”ti.\nDutiyaṁ.","en":"But when I did truly understand these four elements’ gratification, drawback, and escape in this way for what they are, I announced my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nKnowledge and vision arose in me:\n‘My freedom is unshakable; this is my last rebirth; now there’ll be no more future lives.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.31/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}