{"id":"sn14.33","title":"If There Were No","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.33","title":"If There Were No","units":[{"id":"sn14.33:0","sourceIds":["sn14.33:0.1","sn14.33:0.2","sn14.33:0.3"],"kind":"text","text":{"pi":"Saṁyutta Nikāya 14.33\n4. Catutthavagga\nNocedaṁsutta","en":"Linked Discourses 14.33\n4. Chapter Four\nIf There Were No"}},{"id":"sn14.33:1","sourceIds":["sn14.33:1.1","sn14.33:1.2","sn14.33:1.3","sn14.33:1.4","sn14.33:1.5","sn14.33:1.6","sn14.33:1.7"],"kind":"text","text":{"pi":"Sāvatthiyaṁ viharati.\n“No cedaṁ, bhikkhave, pathavīdhātuyā assādo abhavissa, nayidaṁ sattā pathavīdhātuyā sārajjeyyuṁ.\nYasmā ca kho, bhikkhave, atthi pathavīdhātuyā assādo, tasmā sattā pathavīdhātuyā sārajjanti.\nNo cedaṁ, bhikkhave, pathavīdhātuyā ādīnavo abhavissa, nayidaṁ sattā pathavīdhātuyā nibbindeyyuṁ.\nYasmā ca kho, bhikkhave, atthi pathavīdhātuyā ādīnavo, tasmā sattā pathavīdhātuyā nibbindanti.\nNo cedaṁ, bhikkhave, pathavīdhātuyā nissaraṇaṁ abhavissa, nayidaṁ sattā pathavīdhātuyā nissareyyuṁ.\nYasmā ca kho, bhikkhave, atthi pathavīdhātuyā nissaraṇaṁ, tasmā sattā pathavīdhātuyā nissaranti.","en":"At Sāvatthī.\n“Mendicants, if there were no gratification in the earth element, sentient beings wouldn’t be aroused by it.\nBut since there is gratification in the earth element, sentient beings are aroused by it.\nIf the earth element had no drawback, sentient beings wouldn’t grow disillusioned with it.\nBut since the earth element has a drawback, sentient beings do grow disillusioned with it.\nIf there were no escape from the earth element, sentient beings wouldn’t escape from it.\nBut since there is an escape from the earth element, sentient beings do escape from it."}},{"id":"sn14.33:2","sourceIds":["sn14.33:2.1","sn14.33:2.2","sn14.33:2.3","sn14.33:2.4","sn14.33:2.5","sn14.33:2.6","sn14.33:2.7","sn14.33:2.8"],"kind":"text","text":{"pi":"No cedaṁ, bhikkhave, āpodhātuyā assādo abhavissa …pe…\nno cedaṁ, bhikkhave, tejodhātuyā …pe…\nno cedaṁ, bhikkhave, vāyodhātuyā assādo abhavissa, nayidaṁ sattā vāyodhātuyā sārajjeyyuṁ.\nYasmā ca kho, bhikkhave, atthi vāyodhātuyā assādo, tasmā sattā vāyodhātuyā sārajjanti.\nNo cedaṁ, bhikkhave, vāyodhātuyā ādīnavo abhavissa, nayidaṁ sattā vāyodhātuyā nibbindeyyuṁ.\nYasmā ca kho, bhikkhave, atthi vāyodhātuyā ādīnavo, tasmā sattā vāyodhātuyā nibbindanti.\nNo cedaṁ, bhikkhave, vāyodhātuyā nissaraṇaṁ abhavissa, nayidaṁ sattā vāyodhātuyā nissareyyuṁ.\nYasmā ca kho, bhikkhave, atthi vāyodhātuyā nissaraṇaṁ, tasmā sattā vāyodhātuyā nissaranti.","en":"If there were no gratification in the water element …\nIf there were no gratification in the fire element …\nIf there were no gratification in the air element …"}},{"id":"sn14.33:3","sourceIds":["sn14.33:3.1"],"kind":"text","text":{"pi":"Yāvakīvañcime, bhikkhave, sattā imāsaṁ catunnaṁ dhātūnaṁ assādañca assādato ādīnavañca ādīnavato nissaraṇañca nissaraṇato yathābhūtaṁ na abbhaññaṁsu, neva tāvime, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṁyuttā vippamuttā vimariyādikatena cetasā vihariṁsu.","en":"As long as sentient beings don’t truly understand these four elements’ gratification, drawback, and escape for what they are, they haven’t escaped from this world—with its gods, Māras, and divinities, this population with its ascetics and brahmins, its gods and humans—and they don’t live detached, liberated, with mind free of boundaries."}},{"id":"sn14.33:4","sourceIds":["sn14.33:4.1","sn14.33:4.2"],"kind":"text","text":{"pi":"Yato ca kho, bhikkhave, sattā imāsaṁ catunnaṁ dhātūnaṁ assādañca assādato ādīnavañca ādīnavato nissaraṇañca nissaraṇato yathābhūtaṁ abbhaññaṁsu, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṁyuttā vippamuttā vimariyādikatena cetasā viharantī”ti.\nCatutthaṁ.","en":"But when sentient beings truly understand these four elements’ gratification, drawback, and escape for what they are, they’ve escaped from this world—with its gods, Māras, and divinities, this population with its ascetics and brahmins, its gods and humans—and they live detached, liberated, with mind free of boundaries.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.33/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}