{"id":"sn14.34","title":"Absolutely Painful","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.34","title":"Absolutely Painful","units":[{"id":"sn14.34:0","sourceIds":["sn14.34:0.1","sn14.34:0.2","sn14.34:0.3"],"kind":"text","text":{"pi":"Saṁyutta Nikāya 14.34\n4. Catutthavagga\nEkantadukkhasutta","en":"Linked Discourses 14.34\n4. Chapter Four\nAbsolutely Painful"}},{"id":"sn14.34:1","sourceIds":["sn14.34:1.1","sn14.34:1.2","sn14.34:1.3"],"kind":"text","text":{"pi":"Sāvatthiyaṁ viharati.\n“Pathavīdhātu ce hidaṁ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṁ sattā pathavīdhātuyā sārajjeyyuṁ.\nYasmā ca kho, bhikkhave, pathavīdhātu sukhā sukhānupatitā sukhāvakkantā anavakkantā dukkhena, tasmā sattā pathavīdhātuyā sārajjanti.","en":"At Sāvatthī.\n“Mendicants, if the earth element were absolutely painful—soaked and steeped in pain and not steeped in pleasure—sentient beings wouldn’t be aroused by it.\nBut because the earth element is pleasurable—soaked and steeped in pleasure and not steeped in pain—sentient beings are aroused by it."}},{"id":"sn14.34:2","sourceIds":["sn14.34:2.1","sn14.34:2.2","sn14.34:2.3","sn14.34:2.4"],"kind":"text","text":{"pi":"Āpodhātu ce hidaṁ, bhikkhave …pe…\ntejodhātu ce hidaṁ, bhikkhave …\nvāyodhātu ce hidaṁ, bhikkhave, ekantadukkhā abhavissa dukkhānupatitā dukkhāvakkantā anavakkantā sukhena, nayidaṁ sattā vāyodhātuyā sārajjeyyuṁ.\nYasmā ca kho, bhikkhave, vāyodhātu sukhā sukhānupatitā sukhāvakkantā anavakkantā dukkhena, tasmā sattā vāyodhātuyā sārajjanti.","en":"If the water element …\nIf the fire element …\nIf the air element …"}},{"id":"sn14.34:3","sourceIds":["sn14.34:3.1","sn14.34:3.2"],"kind":"text","text":{"pi":"Pathavīdhātu ce hidaṁ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṁ sattā pathavīdhātuyā nibbindeyyuṁ.\nYasmā ca kho, bhikkhave, pathavīdhātu dukkhā dukkhānupatitā dukkhāvakkantā anavakkantā sukhena, tasmā sattā pathavīdhātuyā nibbindanti.","en":"If the earth element was absolutely pleasurable—soaked and steeped in pleasure and not steeped in pain—sentient beings wouldn’t grow disillusioned with it.\nBut because the earth element is painful—soaked and steeped in pain and not steeped in pleasure—sentient beings do grow disillusioned with it."}},{"id":"sn14.34:4","sourceIds":["sn14.34:4.1","sn14.34:4.2","sn14.34:4.3","sn14.34:4.4","sn14.34:4.5"],"kind":"text","text":{"pi":"Āpodhātu ce hidaṁ, bhikkhave …pe…\ntejodhātu ce hidaṁ, bhikkhave …\nvāyodhātu ce hidaṁ, bhikkhave, ekantasukhā abhavissa sukhānupatitā sukhāvakkantā anavakkantā dukkhena, nayidaṁ sattā vāyodhātuyā nibbindeyyuṁ.\nYasmā ca kho, bhikkhave, vāyodhātu dukkhā dukkhānupatitā dukkhāvakkantā anavakkantā sukhena, tasmā sattā vāyodhātuyā nibbindantī”ti.\nPañcamaṁ.","en":"If the water element …\nIf the fire element …\nIf the air element was absolutely pleasurable—soaked and steeped in pleasure and not steeped in pain—sentient beings wouldn’t grow disillusioned with it.\nBut because the air element is painful—soaked and steeped in pain and not steeped in pleasure—sentient beings do grow disillusioned with it.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.34/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}