{"id":"sn14.39","title":"Ascetics and Brahmins (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn14.39","title":"Ascetics and Brahmins (3rd)","units":[{"id":"sn14.39:0","sourceIds":["sn14.39:0.1","sn14.39:0.2","sn14.39:0.3"],"kind":"text","text":{"pi":"Saṁyutta Nikāya 14.39\n4. Catutthavagga\nTatiyasamaṇabrāhmaṇasutta","en":"Linked Discourses 14.39\n4. Chapter Four\nAscetics and Brahmins (3rd)"}},{"id":"sn14.39:1","sourceIds":["sn14.39:1.1","sn14.39:1.2","sn14.39:1.3","sn14.39:1.4","sn14.39:1.5","sn14.39:1.6"],"kind":"text","text":{"pi":"Sāvatthiyaṁ viharati.\n“Ye hi keci, bhikkhave, samaṇā vā brāhmaṇā vā pathavīdhātuṁ nappajānanti, pathavīdhātusamudayaṁ nappajānanti, pathavīdhātunirodhaṁ nappajānanti, pathavīdhātunirodhagāminiṁ paṭipadaṁ nappajānanti …pe…\nāpodhātuṁ nappajānanti …\ntejodhātuṁ nappajānanti …\nvāyodhātuṁ nappajānanti, vāyodhātusamudayaṁ nappajānanti, vāyodhātunirodhaṁ nappajānanti, vāyodhātunirodhagāminiṁ paṭipadaṁ nappajānanti, na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā;\nna ca pana te āyasmanto sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.","en":"At Sāvatthī.\n“Mendicants, there are ascetics and brahmins who don’t understand the earth element, its origin, its cessation, and the practice that leads to its cessation.\nThey don’t understand the water element …\nfire element …\nair element …\nThose venerables don’t realize the goal of life as an ascetic or brahmin, and don’t live having realized it with their own insight in this very life."}},{"id":"sn14.39:2","sourceIds":["sn14.39:2.1","sn14.39:2.2","sn14.39:2.3","sn14.39:2.4","sn14.39:2.5","sn14.39:2.6","sn14.39:2.7"],"kind":"text","text":{"pi":"Ye ca kho keci, bhikkhave, samaṇā vā brāhmaṇā vā pathavīdhātuṁ pajānanti, pathavīdhātusamudayaṁ pajānanti, pathavīdhātunirodhaṁ pajānanti, pathavīdhātunirodhagāminiṁ paṭipadaṁ pajānanti …\nye ca kho keci, bhikkhave, samaṇā vā brāhmaṇā vā …pe… āpodhātuṁ pajānanti …\ntejodhātuṁ pajānanti …\nvāyodhātuṁ pajānanti, vāyodhātusamudayaṁ pajānanti, vāyodhātunirodhaṁ pajānanti, vāyodhātunirodhagāminiṁ paṭipadaṁ pajānanti, te ca kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā;\nte ca panāyasmanto sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.\nDasamaṁ.\nCatuttho vaggo.","en":"There are ascetics and brahmins who do understand the earth element, its origin, its cessation, and the practice that leads to its cessation.\nThey do understand the water element …\nthe fire element …\nthe air element …\nThose venerables realize the goal of life as an ascetic or brahmin, and live having realized it with their own insight.”"}},{"id":"sn14.39:3","sourceIds":["sn14.39:3.0","sn14.39:3.1","sn14.39:3.2","sn14.39:3.3","sn14.39:3.4","sn14.39:3.5"],"kind":"text","text":{"pi":"Tassuddānaṁ\nCatasso pubbe acariṁ,\nnocedañca dukkhena ca;\nAbhinandañca uppādo,\ntayo samaṇabrāhmaṇāti.\nDhātusaṁyuttaṁ samattaṁ.","en":"The Linked Discourses on the elements are complete."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn14.39/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}