{"id":"sn15.1","title":"Grass and Sticks","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"sn15.1","title":"Grass and Sticks","units":[{"id":"sn15.1:0","sourceIds":["sn15.1:0.1","sn15.1:0.2","sn15.1:0.3"],"kind":"text","text":{"pi":"Saṁyutta Nikāya 15.1\n1. Paṭhamavagga\nTiṇakaṭṭhasutta","en":"Linked Discourses 15.1\nChapter One\nGrass and Sticks"}},{"id":"sn15.1:1","sourceIds":["sn15.1:1.1","sn15.1:1.2","sn15.1:1.3","sn15.1:1.4","sn15.1:1.5","sn15.1:1.6","sn15.1:1.7","sn15.1:1.8","sn15.1:1.9","sn15.1:1.10","sn15.1:1.11","sn15.1:1.12","sn15.1:1.13","sn15.1:1.14","sn15.1:1.15","sn15.1:1.16"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:\n“Anamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nSeyyathāpi, bhikkhave, puriso yaṁ imasmiṁ jambudīpe tiṇakaṭṭhasākhāpalāsaṁ taṁ chetvā ekajjhaṁ saṁharitvā caturaṅgulaṁ caturaṅgulaṁ ghaṭikaṁ katvā nikkhipeyya:\n‘ayaṁ me mātā, tassā me mātu ayaṁ mātā’ti, apariyādinnāva, bhikkhave, tassa purisassa mātumātaro assu, atha imasmiṁ jambudīpe tiṇakaṭṭhasākhāpalāsaṁ parikkhayaṁ pariyādānaṁ gaccheyya.\nTaṁ kissa hetu?\nAnamataggoyaṁ, bhikkhave, saṁsāro.\nPubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.\nEvaṁ dīgharattaṁ vo, bhikkhave, dukkhaṁ paccanubhūtaṁ tibbaṁ paccanubhūtaṁ byasanaṁ paccanubhūtaṁ, kaṭasī vaḍḍhitā.\nYāvañcidaṁ, bhikkhave, alameva sabbasaṅkhāresu nibbindituṁ alaṁ virajjituṁ alaṁ vimuccitun”ti.\nPaṭhamaṁ.","en":"So I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:\n“Mendicants, this transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nSuppose a person was to strip all the grass, sticks, branches, and leaves in the Black Plum Tree Land, gather them together into one pile, and chop them each into four inch pieces. They’d lay them down, saying:\n‘This is my mother, this is my grandmother.’ The grass, sticks, branches, and leaves of the Black Plum Tree Land would run out before that person’s mothers and grandmothers.\nWhy is that?\nThis transmigration has no known beginning.\nNo first point is found of sentient beings roaming and transmigrating, shrouded by ignorance and fettered by craving.\nFor such a long time you have undergone suffering, agony, and disaster, swelling the cemeteries.\nThis is quite enough for you to become disillusioned, dispassionate, and freed regarding all conditions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/sn15.1/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}